Corpus of Electronic Texts Edition
Saltair na Rann (Author: Unknown)

poem 132

132.


7141] Ri RUC Héle oscech rót
in-óenbaili coHenóc,
he dorat rath, ruithnib rían,
emnaide forHelessiam.
7145] Diar'luid Helessium cenlén
fectas dosruth Iordanén,
luid insruth forcúl, ceim cían,
laforngaire Helessiam.
7149] Diambennach, mod ngémlech ngle,
insruth nemnech nemide,
oshain cobráth, nibág brass,
conidhe insruth slán somblass.
7153] Dialuid set sáer, slan cenbrath,
Helesius lan donoebrath,
fobas martra rodasmacht
inmacrad romallachsat.
7157] Díarodail Día codían
derb labréthir Helesiam,
bagním tuicsi dontuaith dein,
sruaim uisci dothalmannaib.
7161] Ri frisindalat74 intsluaig,
rii congradgart, conglanbuáid,
ri tarcai cechfein, fuaim nglé,
morí reil rofuc Hele.
Rí ruc Hele oscechrót.