Corpus of Electronic Texts Edition
Saltair na Rann (Author: Unknown)

poem 128

128.


7061] Rí dorat dígail, deilm n-úag,
forsinríg réil hIrobuam,
diancursaig infáith foleith,
diambái icadrad indídail.
7065] Domarbad indfátha áin
luid hIrobuam conagráin,
seccais alám, lathar ngrinn,
immonclaideb ngarb ngérthinn.
7069] Diatormailt infáith inmbíad
dartimna nDé, baanríad,

p.104

rí rofaed leo lán dogail,
iarsain cucai diaargain.
7073] Ruri betha, bríg nadbréc,
rorude imgretha glangéc,
rochacht cachrí fogréin glain,
inrí dorat indígail.
Rí dorat dígail, deilm n-úag.