Corpus of Electronic Texts Edition
Saltair na Rann (Author: Unknown)
poem 120
120
6809] ÓR'fáided Íob, bátrúag scél,
d'arim sluag mac n-Israhél,
otha Dán, frithola Dé,
coclár broga Bersabe,
6813] Nóimis lána, lathar tricc,
isoenlá tesbaid difichit,
fririad robalcc natriath tenn
cotoracht Hirusalem.
6817] Dorigni Iob dondríg ráin
inslóg dorim 'narígdáil,
cóir adfét deserc Dé dil
trichet dec dóib dimilib.
6821] Ocht cét mili foroen recht
díni nan-óentreb ndéac,
treb Iuda arfír, adfet scél,
cóic cét míli fer fortrén.
6825] IArcach n-áraim díb aruair,
coslánaib sid frisrethbúaid,
róráid71 innia, núall cenlén,
torraim Día slúag n-Israhél.
6829] 'Menisbennachad Iob án,'
arint-angel óg imnár,
'ferg Dé rofig forfartur
eterríg ocus phopul.'
6833] IOb baóg imgním cert,
dondrig, dontslóg basainserc,
othír dothír fribrig mbreth,
ondríg díarím rofáided.
Ór'fáided Íób, bátrúag scél.