Corpus of Electronic Texts Edition
Saltair na Rann (Author: Unknown)

poem 117

117.


6697] Dauid cotrethnaib tor trell
forsrethbruig Hierusalem,
róriagla fodelba tlacht
tribliadna derba trichat.
6701] Rosrethaig tolgdail triath tenn
iartorgbail Hierusalem,
oscechdándíne drong trén,
il-lánrige n-Israhél.
6705] Mespossad friattach n-án
mac baccach bae icIonadán,
dafuc Dauid osdrongaib
sechcách innabithcommaid.
6709] Ammon mac Dauid, delm n-án
dorat forran forTamár;
eter fer ismnái bacol,
isde báe amudugod.
6713] Abisalon, ni frisid,
romarb Ammón mac nDuíd,
combái cendíamra fogreis
teorabliadna forlongais.
6717] Muinter Dauid, frisíd slóg,
fecht lotar coríg n-Ammón,
impu rogerrtha atuinchi
is roberrtha alethulchi.
6721] Nisrelic Dauid, delm n-óg,
dían-imcasin donmórslóg;
frian-athnugud, friatogo
robátar inhEricho.
6725] Tuc Dauid Annon mac Náis
ríg n-Ammón indig tiugbáis,
cotuc amind diachind chóir
irabi tallann dergóir.
6729] Roart Dauid, glérib crech,
tír n-Ammoin forcechn-óenleth,
rodamnad cosáthib slóg
Ramath, cathir nan-Ammón.
6733] Teora bliadna, bochta bríg,
bói gorta in-aimsir Dauid,
cotarmartad huili ambás
icinaid Ammonitas.
6737] Saúl robris cotach ngér

p.99

Ammonita isIsrahél,
dosrat fochrúach cachta,
romarb slúag Ammonita.
6741] Aingel Dé tharic cech síd,
radid coglé friDuíd:
arnaraib dígal forslóig,
adíbad forsis Saóil.
6745] Doratta darcenn intsloig
morféssiur clainne Saóil,
dosr'idnacht Dauid datta
ilámaib Ammoníta.
6749] LahAmoníta coataig
archomailliud inchotaig,
doréir Dé, sochlai senchai,
rochrochdai in-oentelchai.
6753] Sedba, Sobab, Nathan nár,
Salemon ocus Ibár,
Elessia lanmas cechdía,
Iafeig ocus Iabía.
6757] Elizammama, aurdaig rád,
Elida, Elezeliáb,
clanna Dauid, sretha snó sell,
bretha dó inHierusalem.{folio 36 b 1}
6761] Rí con-ammodair bith mbán,
con-allodaib ollmár,
rí coláinib lúathaib líth,
ostúathaib tuárgaib Dauid.
Dauid cotrethnaib tor trell.