Corpus of Electronic Texts Edition
Saltair na Rann (Author: Unknown)
poem 115
115.
6633] Tricha bliadan, cenbaes bríg,
iarn-urd riagla, in-áes Dauid,
fortir, fortalam, treb tlácht,
coragab fír flathemnácht.
6637] DoDauíd centressi tra
sluinnit seissi senchassa,
fricethrachait mbliadan mbalcc
roríaglad afollomnacht.
6641] Cethricóraid, cóir andíth,
dorochratar laDauíd.
Benedab, Séb, Góla cain,
isinfer cosé méraib.
6645] Cethrur nalúaided, laíded nglé,
laDauid mac n-Iesse,
Ethán delbda, tolaib rún,
Assaph, Eman, Ithidún.
6649] Agitophel, sód cengreis,
is hIssau Arachiteis,
dede cosinairdib (sic) síd,
daprimchomairlid Dauíth.
6653] Tan rogab airichas n-ard
Dauid daigermas derbgargg,
friág n-úathmar, uascech bla,
baslán dotuatach tricha.
Tricha bliadan, cenbaes bríg.