Corpus of Electronic Texts Edition
Saltair na Rann (Author: Unknown)
poem 108
108.
6401] Cein bae Dauid dichmaig, dil
isdithruib 'coaimditin,
bacomaithech, glére glé,
Nabail slebi Carmelle.
6405] Corothafind Saúl ass,
latochim abag mbladbras;
luid friadintrén66, narbodis,
itir nGed coriacht Achis.
6409] Dorat Achis, glérib crech,
inchathir dianidainm Siclech,
conatír, tolaib dliged,
doDauid friaprímhined.
6413] O roaittreib Dauid dian
iSiclig conamormiad,
isé aainm oshain illé,
Siclech án nan-Iudaidé.
6417] Fecht dochoid Dauid cengreis
dothecht slógaid laAcheis,
daraéissi tanic crech,
cor'ort, coroloisc Siclech.
6421] Nir'leicsetar leo nacein
Dauid sluag naFilestein,
artessed Dauid nachdis
fofuacru uadib d'Achis.
6425] 'Arnáronfuapair cosneid
mac Iesse meic Obéid,
niraga linn Dauid trén
dochath frisluag n-Israhél.'
6429] Nirelic Dia Dauid dil
dothuilled intslúagaid sin,
ór ishe sin, srethaib slóg,
fecht diaromarbad Saól.
6433] Tan dochúaid Dauid iarsain
coAchis conasluagaib,
fúair adún ndonn iarnacrod,
Siclech, lomm iarnaloscod.
6437] Centech, centegdáis, delm nglé,
ceninnmas, ceninnile,
cenduine mbeo fonim nél
n'innisfed dóib nachn-oenscél.
6441] Cenmná, cenmaccu, mét ngal,
cenór, cenargat n-allmar,
censosid fritoirsi atraig,
tarmairt Dauid ahaidid.
6445] Luid Dauid indiaid intslóig
coroacht cosruth Pessóir,
cofuair fer d'aes indfechta
iarfemiud ahimthechta.
6449] Dó dobreth biad cenbrath
laDuid diacomnertad,
ruc eolas uair narboscíth
dochum intsluaig rianDauid.
6453] IArsin dochuaid Dauid ass
cotrib cétaib, gnim n-amnas,
fogeib dacét cóir cachta
fós iarfemiud imthechta.
6457] Mebaid forru, bafúam fír,
forsintslúag mór rianDauid,
cofárgsat centuili ndala
huili cruid angabála.
6461] Gabais insluag raind indfaidb,
gluair iarnangalais glégairb,
cenní dondini bai ifus
hisuidib firi hiforus.
6465] Nirelic Dauid, dalb tenn,
acht rainn nafadb cocoitchenn,
doib icein congrad cengreis,
cobráth combad beim forais.
p.95
6469] O dochuaid coAchis n-án
fofuair mathius commorgrád,
congail glé cech cluid rogníd
doreir Dé céin boe Dauid.
Cein bói Dauid dichmaig, dil.