Corpus of Electronic Texts Edition
Saltair na Rann (Author: Unknown)
poem 106
106.
6337] Sephi65, niptar seccle slóg,
atchuadatar doSaól,
'Dauid dichmaig, doig notcheil,
'narndíthruib, 'narnderriteib.'
6341] Doluid Saul, nisuail sain,
lín aslúaig conaarmgail
frigním ngúr cumtaig catha,
combái ictúr indithruba.
6345] Rosuidiged longphort leis,
bagním comnort ceneisleis,
rosainig cosrethaib sét
formaigib nacairechtrét.
6349] Fofúair fiaddínib athuir
huaim itírib indithruib,
frignim cinti achuirp cachcruth
luid inti diaimthelgud.
6353] Dauid cotriathaib darb'bai
bái in-iarthur nahuamai,
tréin iartimchul daire daill,
conaféin, conafairaind.
6357] Roráidset fris, réim cendíth,
amuinter féin friDauíd,
'feib tharngert duit, rem cenbrath,
innossa rochomolnad.
6361] 'An-dorarngered ochéin
dorairbered fot'huagréir,
iscían inbúaidsi fosmacht,
isindúairsi doroacht.
6365] 'Mór intuicthiu oDía dil,
duitsiu, aDauid toebgil!
osdálaib tharaic triablait
fot'lámaib dodergnamait.
6369] 'Gaibther doclaideb ger glé
dot'reir, ameic Iessé!
naroa dál derbdrong immach
Saúl slan serblonn sirthech.'
6373] Atraracht Dauid iarsin
ocusrochoisc amuintir,
badechrad fodétgail dúir
doletrad étaig Saúil.
6377] Dodécaid fein, febdai glonn,
Dauid delb dreim
[...]
dodrong,
cor'letair, gním ndetlach dúr,
inn-étach bai imSaul.
6381] Cia dochuaid Saúl immach
asinduaim isinteglach,{folio 35 b 1}rogaba friglamma gné
nimbai samái laSephé.
Sephi, niptar seccli slóg.