Corpus of Electronic Texts Edition
Saltair na Rann (Author: Unknown)
poem 97
97.
5861] Luid cenlurig, lathar ndein,
Dauid arcinn indfirsin,
cengae, censcíath, cloithi bann,
cenchlaideb cíar, cenchathbarr.
5865] Rogab cóic clocha cengráin
atraig intsrotha dermair,
dodosrat fein fribuáid
[...]
innathéig n-uaig n-áigarda.
5869] Gabaid cloich díb, bagnim ngér,
sréid huaid isinn-aer,
roben Gola iclethi achind,
corocht conice ainchinn.
5873] Doluid Dauid cucai iarsin,
gaibid dó achlaideb fessin,
cotuc achenn triagail ngúir,
combóe forbélaib Saúil.
5877] Dauid cenbini adreth buáid
oruirig nimi noebuáig,
nitrúag dluige ríanadreich,
baluath luide cenluirech.
Luid cenluirig, lathar ndein.