Corpus of Electronic Texts Edition
Saltair na Rann (Author: Unknown)
poem 96
96.
5825] 'Regatsa,' arDauid cenlén,
'coSaul rig n-Israhél,
cotuc aingin cenclith
is coromarb incóraid.'
5829] Gabsat acharait cechcruth
achosc isa chairigud:
diabraithrib robogábud
alabrad noaimrádud.
5833] Roraidi Dauid cotren
fiad dagdáineib Israhél:
'fingébsa infer hut dontslóg,
istábar dam adaglóg.'
5837] Rogellai Saul iarsain
doDauid cenimresain
aingen dó, demin scél,
agrad sechclainn n-Israhél.
5841] 'Ainige fris, foglóir glain,
ameic Cis chóir comramaig!
p.86
cendimiad imchoible cruth,
cofírian diafírugud.'
5845] 'Rótbiat limm anige intslúaig
fotheisc sainigthe Samuáil,
feib thorgaib bríg imratha
fom'forgal fein fírflatha.
5849] 'Enech Ioseph uascechdu
Moisi, Iacob isIessu,
henech fodeoid oscechdáil
uaisliu doib Dia Abaráim.
5853] 'Huaim dait fricechndáil, delm nglé,
frit'laim, ameic Iessé,
frisotharfa dochor cain
acht coromarba incoraid.'
5857] 'Muirfetsa Gola, gním ngle,
bihé cora arcardine,
biaid mobríg bág forassa,
doreir morig regatsa.'
'Regatsa,' arDauid cenlén.