Corpus of Electronic Texts Edition
Saltair na Rann (Author: Unknown)

poem 94

94.


5781] Giabdarilardai intslúaig
clainni Israhél adrúaid,
rosgab crith, gléraib ellach,
rianGola ngér garbgrennach.
5785] Dosrat hituaim immondeil,
roscacht cenhuail, cenergail,
glerden roscnái sechcachndáil,
trénfer cechlae diandigbail.
5789] Rolin toirsi, rogab ferg,
Saul slisfota slegderg,
fer cachlae laiss, ciarbobin,
domarbad diadegdáinib.
5793] Saul mac Ciss croda, ger,
ri cóir clainni Israhél,
rogell aingin cenmeth
frióenfer dafinggebad.
5797] Dosrat frisním, serig sel,
cendín demin diatairchel,
trúagdai garbdai cennachtlí
ciamtaramrai ilardai.
Giabdarilardai intslúaig.