Corpus of Electronic Texts Edition
Saltair na Rann (Author: Unknown)

poem 93

93.


5749] Tucsat leo trénfer n-írach
diarb'ainm Gola garbgní
mach:
nirb'fer suairc sochraid oslóg:
bahéo duairc dermór.
5753] Matud mógda merda mend,
mor d'étuch aimthimchell,
inaairdde, adbul deil,
secht ferchubait core sein.
5757] Lurech imme, garb achruth,
fricomrac, fricathugud;
cóeca dochétaib unga
robae innacomthrumma.
5761] Bái slind agae fiadcachdrung
secht cét unga doiurn,
cocraunn chain, crichid, cumma,
remidir déil damchunga.
5765] Ahiallacrann humai glain
otha aglúine cotalmain:
dohiurn glass rochummad,
cathbarr immachertmullach.
5769] Claideb gér garbda 'naglaic,
méit claidib garmna comthailc,
scíath forachliu, niclithi,
balethiu indá damseche.
5773] Fer cachlaithi lais il-lén
dislógaib mac n-Israhél,
nifrith díb oenfer foleith
folilsad arái ngaisceid.
5777] Gola granna congail gluair,
dána fritola tromsluaig,

p.85

frisrengal nirb'súairc asmacht,
batrénfer duairc tí thucsat.
Tucsat leo trénfer n-irach