Corpus of Electronic Texts Edition
Saltair na Rann (Author: Unknown)
poem 92
92.
5729] Rothinólsat slúagad sír
tuatha feochra Filistín,
con-hilur mbuada, mor scél,
cotuatha mac n-Israhél.
5733] Con-immud sleg ocus slúag,
conniurt curad claidebruad:
batrén roindled leo insain
dian-inred isdian-argain.
5737] Dodilgenn androng ndalach,
amban, amac mórgradach,
diacor diacrichaib, mod cert,
diafichaib aforaithmet.
5741] Sinsit cenerbrón donchath
inslóg dermor diummussach,
congabsat longphort nglám ngle
forlár glinne Tribinthe.
5745] Eterfocus ocus chián
dorigset huili comtriall,
intsluaig cendil, tolaib tlacht,
diatuaithtir rothinólsat.
Rothinólsat slúagad sír.