Corpus of Electronic Texts Edition
Saltair na Rann (Author: Unknown)
poem 90
90.
5669] Badebthach friSaul slán
Dia deoda, dechrach, dermar,
diar'anacht Agach, rad nglé,
diar'sáraig aforngaire.
5673] Samúal cenanad rosiach
coAgach rig n-Amaliach:
rochind aaided n-ada
fochlaideb inGalgatha.
5677] Rí roraid friSamuel faith
athesc n-inclithi n-imtlaith:
'inn-ined Sául, slicht síd,
deni lat oirdned Duíd.'
5681] Ri doraega, rúathar nglé,
Dauid degmac Iessé,
or'bamac slán secht mbliadna
dorat fográd chomchialla.
5685] Rí betha binn, búan ablat,
arcrúan ngrinn, arclithcomnart,
dondindlach sainti 'masech
acht badimdach, badebthach.
Badebthach friSau l slán.