Corpus of Electronic Texts Edition
Saltair na Rann (Author: Unknown)
poem 86
86.
5553] Nás ri Ammón, aurdairc rád,
dorat smacht forsluag Galad,
cosúilib dessaib tennaib
dogait asacoemchennaib.
5557] Conaclannaib rosdoeraid,
gnim nammail61 fodubroenaib,
cocoicthib trenaib trommaib,
cocroicnib díanglédrommaib.
5561] Rogáid slúag Galad cogle
forNas ossud sechtmaine,
dus infoigebtais fonim
nech donech an-imditin.
5565] Foidit atechtairecht trúag
coSaúl is coSamúal,
dus infogebdais nert n-óg,
nos-ainsed forslúag n-Ammón.
5569] Dolluid Saul iarsét sen,
sécet míli, cenimlén,
ocus tricha míli mass,
doslúagaib n-Iuda n-amnas.
5573] Rodobris coslattra slán
forNás cath calma comlán:
bahé achetnacoscur nglé
iarnagabail ir-rige.
5577] Doluid Sául, gléraib cath,
cotúatha n-Ammon n-engach,
tor troeta triáth, sas naslóg,
roiad imNas ri Ammón.
Nas rí Ammon, airdirc rad.