Part 83 of Saltair na Rann

Corpus of Electronic Texts Edition

Saltair na Rann (Author: Unknown)

poem 82

82.

5369] Genair gein airmitnech án
Samuel óg, ettal, imnár,
mac Elcanna, glan abbeirt,
ocus mac Anna ambreit.
5373] Alcanna, crichid agreim,
deNamatha ósleib Effraim;
Anna, bási aben combúaid,
máthair sainsemail Samúail.
5377] Basui, basacard ⁵⁵ sruith, saer,
bahalgen, craibdech, glanáeb,
bafaith humal, ennac, óg,
friforcital namorslóg.
5381] Rí dorat digail iartain
forhEli conamaccaib,
Samuel iarsin, srethaib smacht,

p.79

sechbafaith, baprimsacart
5385] Oshunn báth Essu combúaid
coamsir saindil Samúai(l),
nibae dib cotacoimsed
doprimfaith noprimthóisech.
5389] Ri dasfuargaib, milib scel,
fortirib macc n-Israhél,
diathuaid batrénfer badech,
rogénair gein airmitnech.
Génair gein airmitnech án.