Corpus of Electronic Texts Edition
Saltair na Rann (Author: Unknown)
poem 81
81.
5329] Genair dothreib Dán, delm
ndein,
Samson slan, sochla, saergein,
mac Manúail, mind mordais máil,
dochiniud amra Abráim.
{folio 32 b 2}
5333] Dochuaid assathír immach,
huair badelbda, diummussach,
cotuc mnái n-uallaig, trúag gnim,
dithuathaib naFilistin.
5337] Ní rosaisneid nech fomeirg,
gnimrada Samsóin slegdeirg,
feib lor doranic, tuc ndein
mór docech hulc ochlemnaib.
5341] Trisluag nasinnach, sliucht nglé,
doloscud nafinemnae,
triasinfidba cnáma crúaid,
dian-erbailt míli morsluaig.
5345] Triasinfodb
[...]
ngell nglan,
triasinceist cruaid cáin comram,
triadoirsi, tarbach clissiud,
5349]
dian-erlai uadaib diatreib
nacathrach doforbrissiud.
tren asnatricumrigib,
trianan-indriud centlathe
cosluagaib cechoenrathi.
5353] Mori reil rígda rathmar
dorigni firt n-imathlam,
diambai icselach naslúag
Samson slan, serig, slamrúa(d).
5357] Diambai in-hitaid osindleirg
ocslaide inchatha cródeirg,
dia rodáil dó Dia dig
dolind glan asindfíaccail.
5361] Dianmert fodein truag cumma
doberrad amormungga,
bade bai andith iartain
andegdoenib in-oentaig.
5365] Samson slattra slaidi slúaig,
ba mál machta mac Manúail,
nifrith amacsamla sain
isindamsir rogenair.
Genair dothreib Dán, delm ndein.