Corpus of Electronic Texts Edition
Saltair na Rann (Author: Unknown)
poem 77
77.
5201] Ri dosfúargaib triananert
adóire huathmair Egept,
ishé rodasidaig, sliucht slán,
forcrichaib clainne Cannán.
5205] ForFelistín oscechmaig,
forNathsared, forGalaib,
forArabia conaslóg,
forMoáb is forAmmón.
5209] Forbrugaib Abethib ban,
forsrethaib naSamratán,
fornamaigib, mod cenlén,
san chan im sruth 54 nIordanén.
5213] ForZeb, forZebe, sliucht n-án,
forPsalmandra, forIsmál,
forsliab Sióin, rethaib rad,
forGalad, forIosophath.
5217] ForAmalech oscechdrung,
forAssur is forTirum,
forMadian mín, mod glanna,
forCisson, forSissarra.
5221] Forfiliis Loth, línib gial,
forEdom, forhIdumiam,
forAmorreorum, reim n-án,
forGebal isforBassán.
5225] Fortir nGeth, forCarmill cron,
forTerebinthe, forTabor,
forGalgala rochar Dia,
formaig Messopotamia.
5229] Fortírib naningen n-úag,
Selfaid fritindrem tromslúag,
Malaa, Melcha, Egia án,
Micha ocus Tersa tonnbán.
5233] Forglinn n-Ammrai, amrai rád,
cétna adbai doAbrám,
forSeon slanda naslóg,
forSamara, forBethrón.
5237] ForhEricho, aurdaig slog,
forGiluae nglain, forGabón,
forriathur Cedróin cenbreic,
forsliab n-amra n-Olaueit.{folio 32 b 1}
5241] F(or) ca(ch) tuaith trein, derbcenlen,
rogabsat meicc Israhel:
doreir Dé, bagnim cenchol,
rolethsat darsindomun.
5245] Otha Alaxandir ain,
aness oAffraic imslain,
fothúaid cocrich Med isPers,
rorigset acomaithches
5249]
Dondleith aníar, aith cenlén
p.77
otraig mór mara Torrén,
fosrugensatar comblait
sair cocrich n-orda n-Eofrait.
5253] MoDia tricc frisrethchor slamm,
rí conic trethnu torann,
ri condathaeb oschrí chain,
rí centathair dosfuarcaib.
Rí dosfuargaib trianert.