Corpus of Electronic Texts Edition
Saltair na Rann (Author: Unknown)
poem 73
73.
{folio 32 a 1}
5049] Ri rodaslín dobrig brais
clanna Israhél admais,
corosirset acricha
immaigib imhEricha.
5053] IArsain rosernsat ascuir
árteclammad amorchruid,
insluag lonn, lín an-athbaig,
san chan immonprimcathraig.
5057] Inchathir cumtaig datha
frifrithalim n-ilchatha,
dosrimchelsat, derb, dana
secht muir tréna, dermara.
5061] Secht stuic rosephain inslúag
immoncathraig friimluad
corolegai, lathar ngle,
mur cechlathi sechtmaine.
5065] Lucht nacathrach conalí,
hili, huili, ilmíli,
doreir De troethas cachngail,
dochotar fogin claideib.
5069] Acht mad Rab, amru gnímaib,
nitherna dontromdígail,
dothréon natrúag nithuaraid
oenfer donamorslúagaib.
5073] Ri dosfuc forsoirthib sláin,
adoirthib díthruib dermair,
reim n-an cenag, iarset sir,
inrí rán rodaslanlín.
Ri rodaslin dobrig brais.