Corpus of Electronic Texts Edition
Saltair na Rann (Author: Unknown)
poem 71
71.
4981] Lín afer fír ferdais feirg
fricath croda claidebderg,
secht cet dec tricha, deilm dil,
arsecht cetaib domílib.
4985] IShé lin doruaraid díb
diatuathaib cenimmirím,
iarn-ec an-athar, cechcruth,
iarnandíth isindithrub.
4989] Mairb huili isdithrub insin,
an-athir, as-senathir,
cenoenfer mbeo fonim nel
acht madhEssu ocusCaleph.
4993] Inri rodastraeth triafrois
hicinaid an-immarbois,
rodastroeth triachetfaid ngairg
cin indecnaig 'sindoenaird.
4997] Deithbir badchosc docach sain,
cobrath triabithu samlaid,
donech frignim, cetlach ngle,
baeth an-écnach nasruithe.
5001] Cenárim mogad nachthreib,
maccaib, mnáib no ingenaib,
oscechmaig frigaethgail gnim
lainib laechaib alánlín.
Lín afer fír ferdais feirg.