Corpus of Electronic Texts Edition
Saltair na Rann (Author: Unknown)
poem 67
67.
4817] Ri rosheitte, ri rosbiath,
rí dodassáer aranriad,
isindíthrub frisith sain,
cethrideich doib dobliadnaib.
4821] Ri dorat comarle nglaein
doMoisi cona slúagaib,
diatír trebach cennachcacht
iarciunniud acethrachat.
4825] Ri roraid riu uascech cruth:
'mithig dúib techt ondithrub,
cosintír saer suthach slan,
dorairngered doAbram.
4829] 'Eirggid forset dobartaig:
nabid uamnaig, imeclaig:
messe forsaera arcachcath,
etirdered istossach.
4833] 'Ciambat ilardai naslúaig,
ciamtar imdai indríg rorúaid,
nigebat frib fornachmaig
icathaib, icomramaib.'
4837] Ri dorát doib biad bacet
dona dib trebaib deéc,
arri óchéin, glan alí'
ishe inri reil roshéti.
Ri rosheti, rí rosbiad.
p.71