Corpus of Electronic Texts Edition
Saltair na Rann (Author: Unknown)

poem 61

61.


4649] Oshunn rosiacht inslúag
coArnon n-airdairc n-adrúad:
foidit uadib dreimm triablad
diatuathaib dothascelad.
4653] Rodosterbaiset foleith
oenfer glicc dicachoentreib.
rodasfaidset forset slán
dochuairt imcricha Cannán.
4656] Corofegdais leo cenbrath
inmór immed achathrach,
aslúaig imtarláin diangail,
imtarilerda acóraid.
4661] IMtartaicthig atrebthai,
imtarimdai an-ilchethrai,
imdar ilarda alubai,
imtar cáine aclarbrugai.
4665] Oshunn dochuatar forsét
nochostarraid nachoenret,
coruachtatar, monor ngle,
cocenn cethorchat lathe.
4669] Huair rofegsatar intír,
etermin ocus anmín, {folio 31 a 1 }tancatar cencredim cruth
foracúlu dondíthrub.
4673] Mór n-ergal, mór n-erbach n-úag,
mor tortrelmach friimluad,
ismór cath ngarbron rochacht,
coArnon orosiacht.
Oshunn rosiacht inslúag.