Corpus of Electronic Texts Edition
Saltair na Rann (Author: Unknown)
poem 57
57.
4573] ISnasabbotib saeraib,
isnafelib fírnóebaib,
tictis d'eclais, tola trén,
sloig móra mac n-Israhél.
4577] Ticed cach dib docach leith
con-edpartaib diaChoimdeid,
{folio 30 b 2}batar hili slóig ascuir
p.67
fritóir dontabernacuil.
4581] Ticed ann Moisi combúaid,
cathbarr gaissi cach morslúaig:
basainigthi sechcechngnuis
fíal glainidi friagelgnúis.
4585] Cid dondeclais, cid dodáil,
cid dochertchlais achomráid,
diis arsechtmogait, mod cert,
bahé lín bíd 'nachoemthecht.
4589] Cenócdaine, cenaes mbaeth,
acht toga fer fíal, fírgaeth,
friatimarcain, cuibdi cacht,
frifuigli, fribrithemnacht.
4593] Dochoistecht fritimna trel,
fri hidna, fri forcitel,
sreba naslúag ascachthreib
tictis isnasabboteib.
ISnasabbotib soeraib.