Corpus of Electronic Texts Edition
Saltair na Rann (Author: Unknown)

poem 50

50.


4157] Dotharraid teidm duairc dóib,
iarcein dogalur medóin;
bamarb sochaidi dontsluag
dondimsruth roenach roruad.
4161] Ri roraidi friu coglé:
'denaid nathraig n-umaide:
turgabar fricrann corath
uasinslúag frisirsellad.
4165] 'Ciphe ardoscé donmaig
incrann ocus innathraig,
biatslana cachandénat,
dogalur nihepélat.'
4169] Figuir Crist atbeir annsain,
dodeochaid diartesargain,
tuargabad fricrann corath,
is dararcenn rocrochad.
4173] Cibhé frisaiccidar ann
Issu Crist cumtachta arann,
rambia nem, nassad ndaingen,
imbithoentaid archaingel.
4177] Sloig sil Adaim docechdu,
eternoebu isphecthachu,
ili huile, comgrad ngle,
atá acomdal friMoisi.
4181] Manbad ruirig nimi nair
conic cachsuilig sogid,
balór d'huathaib oscechmaig
donatúathaib diatarraid.
Dotharraid teidm duairc doib.