Corpus of Electronic Texts Edition
Saltair na Rann (Author: Unknown)
poem 47
47.
4089] Doarfas gnim n-ingnad doib
isleib Sína fochétoir,
p.60
fiadgnuis intslúaig 45, torom ngle,
daig derg dermor teintide.
4093] Inní dodechaid donim,
dodingnaib richid rindgil,
coformaig recht sainglicc slan
forciniud n-airdirc n-Abrám.
4097] Rí rogart caini gnima
Moisi lais islíab Sina,{folio 29 b 1}cendig, cenbiad, bamod nglé,
cocenn cethrachat lathe.
4101] Rí doridnacht doMoisi
deich mbríathra glana gaéssi46,
iarsrethaib ríagla, reim ndil,
dothinchosc inmorpopuil.
4105] Dothidnacul rechta reil
cenimracul triaglancheil,
inri thánic donim glass
cotimnaib doib doárfas.
Doárfas gnim n-ingnad doib.