Corpus of Electronic Texts Edition
Saltair na Rann (Author: Unknown)

poem 45

45.


4029] Ri tuc claind n-Israhél ass
intan rommol inmorchlass,
cenmna, cenmaccu, fricath
cet mili fer n-armach.
4033] Oshunn rosiachtatar tír
roattlaigset dondarríg,
aternam iarngábud cacht,
iarmbádud andergnámat.
4037] IArsin túargabad inchlas
domolad De bacomdas:
cansatar, badeoda intlus,
hili uli cantemus.
4041] Siur doMoisi, Maire már,
iarsain rosephain timpán:
rochachain ceol doríg nél
labantrocht mac n-Israhél.
4045] Ri rán rodluig riasinslúag
adruimni dogba dubrúad,
rí oscachbrí conem nél,
inri tuc claind n-Israhél.
Ri tuc claind Israhél ass.