Corpus of Electronic Texts Edition
Saltair na Rann (Author: Unknown)
poem 43
43.
3929] Ri dorat mor ndigal tren
dosairad mac n-Israhél:
bamaidm torainn forcechmaig,
forForainn conathuathaib.
3933] Loscainn riasca, reim ndata,
cuili, biasta, brecnata,
bolcgach, lasruth fola fann,
dorcha, tene istorann.
3937] Plag naprimgeinne huili,
etercethri ocus duine,
gol cecha clethi, gním cert,
rochlos lafiru Egept.
3941] Ri dorat nadeichplaga
forthu frihuair combaga,
nilac rogní iarcóir cath,
inri dorat mor ndigal.
Ri dorat mor ndígal tren.