Corpus of Electronic Texts Edition
Saltair na Rann (Author: Unknown)
poem 31
31.
3437] ISindara bliadain, luad ngrinn,
ór'gab ingorta gerthind,
luid clann Iacoib, bagnim cert,
doluaig bíd itír n-Egept.
3441] IMrulat dargarbaib40 gelt41,
iartirib amraib Egept,
il-lurg intslúaig, trúag atli,
cosintuaith imbái int-ardrí.
3445] Roslín mertain, rosgab cess,
diafechtaib otir díles,
cenergna n-eolais, centreóir,
cenberla itirib aneóil.
3449] Roptar snímaig42 iarsétaib
diangnímaib, diambaethbétaib,
fiadnasluagaib oscechmaig,
truagaib, tursig, dércóintig.
3453] Meirtnig rostacht amenma,
rosnart fochacht comfedma,
cennech diabreith, leo baceist,
cosinn-airríg an-atheisc.
3457] Lotair triamedon intslúaig,
broccaig, naconnim comthrúaig,
congabsat foss, febda fír,
hifrecnarcus indardríg.
3461] Foidis techtairi tind huad,
aracenn cogrinn, coluath,
amal atgeoin ingnim cert,
airri airtmitnech Aegept.
3465] Tinsit andúine fotráig,
fillsit glúine fochombáig,
roslecht diadúis diadoss43,
fiadagnúis 'nafrecnarcus.
3469] Roiarfacht doib, derb roclos,
Ioseph congloir, cenamlos:
'raidid afír dúir forngair
can duib no can tancabair?
3473]
'Cid condnaigid 'narmbrúig bras,
cenairig, cenfíreolas,
cenberla fririad relta,
amal áes ndian taiscelta.
3477] 'No maraes mbraith foraig thaig,
bis ochathraig dochatraig,
censcribenn lib, línib drech,
censcela ríg no ruirech?
3481]
'Nimtha forsamail sunn se
acht mad aes braith ísligthe,
no slebbaire loittit smacht,
no brécaire icbrecairecht.'
3485] 'Donrimmart gorta congrain
attuaid acríchaib Cannáin,
p.51
friarn-adlaic uaig, huar'crich cain,
feib tecait sluaig fer ndomuin.
3489] 'Fonrathaig tir Caim ochéin
arn-athair badoChaldeib,
roalt cengris gaibt (sic) cengrain,
bamac Isaic meic Abráim.
3493] 'Bráthir sinn huile martám,
lín arcuire 'sarcomdal,
icgaire arn-athar nachthan,
ismac aile armbrathair óssar.'
3497] 'Masofír friheraim n-án,
formbith-iarmui doAbram,
tucaid huaib etere ngle
fritichtáin doridise.
3501] 'Tan tissaid arcúl nachtan
lib diatí inbrathair ossar,
forbia forn-eitteire fein,
isdogéntar forn-ogreir.'
3505] Riandúla doib forafecht
diatír conacennaigecht
il-laim indairrig friandail
doratsatar Issachair.
3509] Roraid Ioseph, scél cenchess:
'dogress dogen formbithless,
incechhuair formbia farndail
uaimm duib árDia n-Abaraim.'
3513] IArsin dochuatar diatír
feib fosruácar cendimbríg,
rofucsat fritascaid tróg
ascaid arDia doIacob.
3517] IArum rancatar diataig
soera, slana, somenmnaig:
dosfarraid maith fogloir glain
flaith lóir 'sindarabliadain.
ISindarabliadain, luad ngrinn.