Corpus of Electronic Texts Edition
Saltair na Rann (Author: Unknown)

poem 27

27.


3081] Dorarngert Iacob coglan
diaclaind inlin robatar:
'bethi uli frifessa feig
hirrichtain lessa Ioseiph.'
3085] Foidis Iacob, gec congreim,
Ioseph arsét coSecheim,
cain céim fodiud óthreib,
combiud éim diabrathreib.
3089] O rosiacht coSechim slán
Ioseph 'coambai incél comlan,
fofuáir ann fer, forom ngle,
icimthecht achonaire.
3093] Roiarfacht dó infer féig:
'can dodechad, cid notheig?
cid condaige, adbul gair,
nocia foratai iarair?'
3097] 'Dodeochad m'oenur om' threib
combiud donabuachaillib:
amscith, amtriamain cachthóir,
foriarair mac n-Iacoib.'
3101] 'Meicc Iacoib, congloir glain,
mased hitái 'coniarair,
isnaraidaib rodoscar
atat imthaebaib Totham.'
3105] Dodechaid Ioseph iarsein
corocht Totham coabrathreib,
assan 'nalaim, luath aruth,
marclach fuirri dobiud.
3109] Arachind tinolsat dail
meicc Iacoib hui Abráim,
roraid cachdib ris 'mosech:
'innhe seo int-aislingthech?'
3113] 'A bráthriu, fegaid fornglóir,
nádenaid ni basécóir,
cia nomthoirsed ni dorath,
ni foirbsi notaiscérad.'
3117] 'Monuar nocomaith dochial,
aIoseph, ameic Rachial,
rot robaeth cengáes nglinne,
derb rotogaeth t'aslingge.'
3121] 'Anromidair moDia dam
etir doinib intalman,
ni chumaing nech uaib triabáig
athormach nachadigbáil.'
3125] O shunn atches ochein móir
fís doIoseph mac Iacoib;
rommiscnigsetar fosmacht
abrathir tria imformat.
3129] Luid colón doib isinslíab
Ioseph conglor, conglanmiad,
cocrait 'nambrathreib abrath
dial-lathreib conaragad.
3133] Rofóemad leo abás fosmacht
menisoerad morígmac,
nirn-anacht airdmes roclos,
nochairdes no condolbos.
3137] ISsindinbaidsin amne,
iartimnaib ríg noemnime,{folio 27 a 1}doEgept conglor, congraig,
luid lucht mor dochennaigeib.
3141] O recait friu forsinmaig
Ioseph ossar, ambrathair,
bafó lith luidi, luad cert,
combo frith itúaith Egept.
3145] IAsse mac Sechis, slicht ngle,

p.46

batoissech nacennaige,
diabrathrib fein, febda triall,
isse dorúacell36 Iosiaph.
3149] Putrifaris, forom cert,
issé baherri Aegept,
tuc arIoseph, diamba imbrait,
trichait leth n-unga n-argait.
3153] Aes Ioséph intan rorith
hitír n-Egept fria37 derbdith,
congaes gelbda fochucht chert,
secht mbliadna derbda déec.
3157] Dásecht mbliadna, babuaid becht,
bái Ioseph itír n-Egept,
cotoracht38 atúaid iartain
coIacob conamaccaib.
3161] Batar icachtaib iarcein
fosmachtaib huaislib Ioséiph,
doIacób, bagnimrad cert,
rofirad feib dorarngert.
Dorarngert Iacób coglan.