Part 26 of Saltair na Rann

Corpus of Electronic Texts Edition

Saltair na Rann (Author: Unknown)

poem 25

25.

2781] Ri rochar Abel nan-iath,
Seth, Noe, Melchisediach,
Enoc ocus Loth, lith lan,
ocus int-amra Abram.
2785] Rí doraiga Abram n-án
arfírinni aoenuran,
sechsluag sil Adaim nangal
batar icadrad idal.
2789] Rothairnger d'Abram cechmbuaid
arathuidecht omorthuaid,
aradula leis fodess,
rambiad tír bithdiless.
2793] Ri rothidnacht do tír Caim

p.41

ocus clárbruigi Cannáin,
comba forba dó iartain
diaclannaib, diachenélaib.
2797] Ri lasindeochaid fodess
condnanacair³⁴ ambithles,
luid lais Loth, linib lathar,
fodes, mac aderbrathar.
2801] Ri ránic doglinn Mamrai
dothegdais Abraim amrai
fodeilb tríir, digrais insmacht,
diatormailt inn-oegidacht.
2805] Ri asbert friSarrai slan
noberad mac doAbram,
forbertais achlann iartain
comtis leir fíadgenemain.
2809] Ri rosaer Loth conachlaind
diasai inmnái icoirthi salaind,
diatard digail, deilm n-amra,
forcathracha Sodomda.
2813] Ri rodail d'Abrám cechtoir,
domac Thaire meic Nachóir,
romsaera forcrochad pían,
ri reil rorochar Abial.
Ri rochar Abial nan-iath.