Corpus of Electronic Texts Edition
Saltair na Rann (Author: Unknown)

poem 20

20.


2601] Tarrasair, batromm, indarcc,
amalbis long forfoentracht,
foglere roslessaig Dia
forslessaib slebi Armenia.
2605] Ri roforcongart cogle
forNoe lucht nahairce
athuidecht immach coglan
asindairc dochum talman.
2609] IArtuidecht doib asindaircc
ri roraid friu foroenaitt:
'nabarsílaid frisid sain,
linaid inhuili talmain.'
2613] InDecimbir kalainn, cáin benn,
luid Noe fortonnaib dilenn,
iquint-kalainn Mai iarndia
doluid forsleib Armenia.
2617] Adropart Noe, nuall cencleith,
edpart uag uad donComdid,
frifegad cachdruing dorhell
iarternam dothuinn dilenn.
2621] In rí roradi iarsain
friNoe conachaemclannaib:
'toirthi indomuin docechleith
taírcaid, tomlid, tinolaid.
2625] 'Nibartorbae, érim n-uag,
diliu thromm troeta trensluag,
hicein atchethi uascachmaig
intuaig nimi n-illdathaig.'
2629] Mori niclethach cenchrad
rofallnai inn-ethar ndermar,
orian dorian, foraig thaig,
cosinsliab forstarrasair.
Tarrasair, batrom, indaircc.