Corpus of Electronic Texts Edition
Saltair na Rann (Author: Unknown)

poem 18

18.


2541] Ri sáer rodosás cogle
Noe lin amuintire,
cethracha archet lathi lenn,
diambai fothonnaib dílenn.
2545] IArsain rogab techt forcúl
indiliu troeta tremúr,
rorathaig Noe nangabud
indfairge doimthragud.
2549] Fóidid Noe thechtaire uad,
infiach fechtaide fonnluath,
dus infagba sliab no srath
no iath forsatarrasad.
2553] O fuair fíach abiad fodéin
immaig forcarraic, forsleib,
forachulu cosceol gle
nithanic doridise.{folio 25 b 1}
2557] Huanduair thall Noe acheill de
dondfiuch dub delaidi,
conacart fein, febda bainn,
iarsain cuca incolaim.
2561] Ri cengrain, cengris, cengreiss,
nimfail bith innaheisleis,
nicli choel, iscoem ali,
inri saer rodosassai.
Ri sáer rodosas cogle.