Part 15 of Saltair na Rann

Corpus of Electronic Texts Edition

Saltair na Rann (Author: Unknown)

poem 14

14.

2417] Ri roraide athesc n-an
friNoe nassad n-imlán:
'sil Seth dochótar darm'reir
hiclemnas clainni Caeīn.
2421] 'Rochummaiscset ciabtarglain
friclaind Cáīn miscadaig:
romsaraigset ascachcruth:
dursan dam atuistigud.
2425] 'Huair dochuatar darmosmacht
coclaind Caīn cet n-arracht,
dardreich ndomuin, tromsruth tenn
dolecub tonngur ndilenn.
2429] 'Dilegfat claind Adaim huaig
cobrugib betha balcbuain,
dosbér uili imbas imbath
otha turcbail cofuined.
2433] 'Acht Noe ochtur diathreib
nilécim doclaind Adaim,
imbethaid doshin nahóc
acht infer amra Enóc.'
2437] Mori dorosat cachtreib
robae ré rianaaingleib,
arrohet cachri cengrain cest,
inri roraid inn-athesc.
Ri roraidi athesc n-an.