Corpus of Electronic Texts Edition
Saltair na Rann (Author: Unknown)

poem 8

8.


1105] Baformtech Diabul desin
friAdam conachlannaib,
am-bith sunn cenlocht, luad ngle,
'nacurp n-uág dochum nime.
1109] Nahuili anmanna icrí
dodosrosat monóebrí:
friPardus imuich cenchad
isAdom nosordaiged.
1113] Indúair theigtis ascechcrích
sluaig secht nime 'monardríg,
cachanmanna corptha cain
doticed dochum n-Adaim.
1117] Cach díb assa airm corath
foagairm ocus fríaadrad,
doAdaum, balainn inmod,
dothictis diaairfitiud.
1121] Rosmachtastar Dia donim
forsnahuilib anmannaib,
atichtu ascechleith cengreis,
combitis ardreich Parduis.
1125] IArsain imsaitis fordeis
censil n-úabair nahaincceiss,
cach dib díaadbai coglan
iarmbennachad doAdam.
1129] Bafeochair féig, fichtib ell,
inbeist imamnas, imchenn,
ciachruth fogebaid fonim
conair d'admilliud Adim.
1133]
Lucifer, lin cest nglanna,
luid im-mesc nan-anmanna,
'sintsluag friPardus im-maich,
conid ann fuair innathraig.
1137] 'Nirbdimmain dobith im-maich,'
arDiabul frisinnathraig,
'arthuaichle tricce, delm ngle,
ardoglicce, arth'amainse.
1141] 'Bamor inguassacht 'sincol
Adam huassot d'ordnigod:
ossar nanduli19 methlad,
nibadchin duini amandrad.
1145] 'Orat noisichu fricath,
toisechu rothuistiged,
atgliccu asaimdil cechcruth,
nachattairbir fondossor.
1149] 'Gaib mochomarle cenchess,
denamm cotach iscarddes,
coiste fadein frim'cheil nglain,
ass náteig dochum n-Adaim.
1153] 'Tabair dam inad it'churp
iarmodliged, iar'mintliucht,
condechsam fogrís iarmbla
arndís adochom n-Euá.
1157] 'Aurailem fuirri 'malle
torud incrainn aurgairthi,
coroheralasi coglan
iarum inmbiad forAdam.
1161] 'Acht condechsat andís 'malé
as dartimna atigernai,
nisbia grad laDia ifus,
ticfait cenblath oPhardus.'
1165] 'Cialuag nomtha fiadcachthur,'
arinnathir friDiabul,
'arfailti duit im'churp chain
cennachlocht dom'chomaittreib?
1169]
'Arthreoir duit iarset sain
d'admilliud Euá isAdaim,
ardul lat iarfír frigreis,
ciphe gním frisan-eirreis?'
1173] 'Caluag ismo dober duit
feib ata meit armorhuilcc,

p.18

{folio 22 a 1}arn-óentu iarmbes, iarmbruth,
bid dogres arn-anmnigud.'
1177] O fofuair adbai donbrath
rosamlai indelb nanatrach,
isfóil dodeochaid frifoss
iarcoir Parduis dondoros.
1181] Rogart indnathir im-maig:
'indamchluini, aben Adaim?
deni, aEua chrotha cain,
sechcách cena m'acallaim.'
1185] 'Nimhuain friacallaim neich,'
arEua frisinnathraig:
'itu icfrithalim im-mach
nan-anmanna n-indligtech.'
1189] 'Massathú indEua roclos
coclú frifeba hiPardos,
ben Adaim alainn nadchres,
furri alim molanles.'
1193] 'Intan nadbi Adam hifos
isme chometas Phardos,
cenchess, amil blaith banna,
dognim less nan-anmanna.'
1197] 'Ciaheret teit Adam uait,
cialeith focheird achainchuaird,
tan nadbi frihuáir ifos
frithalmi intsluaig iPardos?
1201]
'Fofacaib lim, lith nglanna,
frithalim nan-anmanna,
intan teit foglanblad cenmeth
fadein d'adrad inChomded.
1205] 'Ail dam ní d'athchomarc huait 20,'
arindnathir chóel comsuairc 21,
'uair isglandil dochial chain,
aEuá, aandeir Adaim!'
1209] 'Cibhed imraidi dorad
nichomcraidfe, amíl mindnár,
isderb nibadoirchi ifus
sloinnfi duit iarndiutius.
1213] 'Abbair frim, aEua án,
feib donrala fricomrad,
lasinflaith farmbretha ifos
inmaith formbetha iPardos?'
1217] 'Condechsam cenlocht iarsreith
innarcorp dochum richid,
nichuingem flaith bísmo ifus
nanfil domaith iPardus.
1221] 'Cech fia
[...]
feib roclos
dosrossat Dia hiPardos,
acht oenchrann uili cencleith,
ata dídu forriaguil.
1225] 'Hé dodilsig dún Dia dil,
amil banna bánamail,
Pardus fridonad adruing
acht madtorad indoencraind.
1229] 'Lecid incrannsa coglan,'
rofuacart damsa is d'Adam,
torud craind gairb darmogair
bethi mairb diandessabair.'
1233] 'Ciabethi commeit formbla,
túsu isAdam, aEua,
ni forgliccu, a choem, glanna,
inda oen nan-ánmanna.
1237] 'Cia beith slog mór foib im-mach,
istróg niforn-intliuchtach:
amal cech n-anmanna mborb
isamlaid ataid frioenord.
1241] 'Nocorrubai forlaith lain
acht mad maith aoenurán,
uair natarfaid duib ni d'ulcc,
ismessaiti forn-intliucht.
1245] 'IS mor forn-essbaid imgaes,
ata Dia icfortogáes,
tan is d'oencraunn maidis uilc

p.19

nadleic duib ni dothormailt.
1249] 'Aire arrancas incrann ngúr
isheire nachalecar dúb,
deochair eter maith isolcc
conaraib accaib d'intliucht.
1253] 'Nabdat dolam, eirg doncraunn
diafromad immóenubull,
dechair eter olcc ismaith
rotbia codocht ondardflaith.'
1257] 'Cidmaith t'intliucht, erim ngle,
cid lán raith dochomarle,
dul cosincrann nilamur
arbith arnahérbalur.
1261] 'Tair, anathir, fein doncraunn,
ocus tuc de oenubull,
acht cotora int-ubull dam
rannfat etrom isAdam.
1265] 'Rofessammar fiadcachdrung
acht condessamar inn-ubull,
doscel cenhír, erim ngle,
dus infír mar atbeire.'
1269] 'A Eua solus cengeis,
hoslaic róm dorus Parduis,
cenlen acht coros innunn,
dober donchraunn inn-ubull.'
1273] 'Ciaoslac rot teis innonn
donchraunn ciabera uboll, {folio 22 a 2}nibia fuirech fort hifus
dothairisem hiPardus.'
1277] 'Acht dober inn-ubull duit
dodeochair maith ocus uilcc,
cennachlocht doreg im-mach
manimthair cacht na cumrech.'
1281] Rooslaic Eua foclith
indorus riasinnathraig:
cennachcith luid, nirbúmall,
forarith cosinn-oencrann.
1285] Dofuc Eua inn-ubull n-úag
dondabaill, bascel n-imthrúag,
dofuaid Eua aleth, nirbuglan,
roleic inleth n-aill d'Adam.
1289] Ri rothraith drong Iffirn
[...]

rosglaíd focrithfeidm comtruag,
rogail cedsaithrach trichath
infail faebrach baformtech.
Ba formtech Diabul disein.