Corpus of Electronic Texts Edition

Background details and bibliographic information

Saltair na Rann

Author: Unknown

File Description

Whitley Stokes

Electronic edition compiled by Caomhín Ó Dónaill , Benjamin Hazard

Funded by University College, Cork and
The Higher Education Authority via the LDT Project

2. Second draft.

Extent of text: 38800 words


CELT: Corpus of Electronic Texts: a project of University College, Cork
College Road, Cork, Ireland—

(2005) (2011)

Distributed by CELT online at University College, Cork, Ireland.
Text ID Number: G202001


Available with prior consent of the CELT programme for purposes of academic research and teaching only.


    Manuscript Source
  1. Oxford, Bodleian Library, MS Rawlinson B. 502, ff. 19–40; olim The Book of Glendalough (written c. AD 1130). For MS details see Brian Ó Cuív (ed.), Catalogue of Irish language manuscripts in the Bodleian Library at Oxford and Oxford College Libraries, 2 volumes (Dublin: Dublin Institute for Advanced Studies, School of Celtic Studies, 2001–2003) volume 1, MS 34, 163–200. For a facsimile edition with an introduction and indexes, see Kuno Meyer (ed.), Rawlinson B. 502; a collection of pieces in prose and verse in the Irish language compiled during the eleventh and twelfth centuries (Oxford 1909).
    Secondary Literature
  1. Whitley Stokes, 'Emendations of Saltair na Rann', The Academy, July 14, 1883, no. 584, 31–32.
  2. Rudolf Thurneysen, 'Saltair na Rann', RC 6 (1883/5) 96–109.
  3. John Strachan, 'The Verbal System of the Saltair na Rann', Transactions of the Philological Society', 1895–7, 1–76.
  4. Kuno Meyer, 'A Dé dúilig adateoch', Gaelic Journal 7 (1897) 130.
  5. Kuno Meyer, 'Zum Wortschatz des Saltair na Rann', Sitzungsberichte der Königlich Preussischen Akademie der Wissenschaften 1914, 947–52.
  6. Kuno Meyer, 'Besserungen und Erläuterungen zu Saltair na Rann', Sitzungsberichte der Königlich Preussischen Akademie der Wissenschaften 1917, 632–53.
  7. Kuno Meyer, 'Zur Metrik von Saltair na Rann', Sitzungsberichte der Königlich Preussischen Akademie der Wissenschaften 1918, 874–87.
  8. St John D. Seymour, 'The Sign of Doomsday in the Saltair na Rann', Proc RIA 36C (1923) 154–163.
  9. William W. Heist, The Fifteen signs before Doomsday (1952) [including text and translation of SR 153–62].
  10. Eleanor Knott, An index to the proper names in Saltair na rann, Ériu 16 (1952) 99–122.
  11. Gerard Murphy (ed.) 'Isam aithrech (febda fecht)' by Óengus céile Dé, in idem (ed.) Early Irish lyrics: eighth to twelfth century (Oxford 1956) 36–9 [SR 151].
  12. Myles Dillon (ed.) 'Scél Saltrach na rann', Celtica 4 (1958) 1–43.
  13. Gearóid Mac Eoin, The date and authorship of Saltair na rann, Zeitschrift für Celtische Philologie 28 (1960/61) 51–67.
  14. David Greene, The religious epic [especially Féilire Oengusso and Saltair na rann] in: James Carney (ed.), Early Irish poetry (Thomas Davis lectures, 1959/60: Cork 1965) 73–84.
  15. Gearóid Mac Eoin (ed.), A poem by Airbertach Mac Cosse and its relationship to Saltair na rann, Ériu 20 (1966) 112–39.
  16. David Greene and Frank O'Connor (eds. and trans.), A golden treasury of Irish poetry: A.D. 600 to 1200 (London 1967) 115–22 [SR 1717–60, 1777–1804, 1813–24, 1829–52].
  17. David Greene, Fergus Kelly and Brian Murdoch (eds.), The Irish Adam and Eve Story from Saltair na rann (2 vols, Dublin 1976).
  18. Review of 10: Máire Herbert, Éigse 17, Part 3, 1978, 411.
  19. Pádraig Ó Néill, Airbertach Mac Cosse's poem on the Psalter ['A Dé dúlig, adat-teoch:'], Éigse 17 (1977–8) 19–46.
  20. Francis John Byrne, 1000 years of Irish script (Oxford 1979) 13 (section 4).
  21. Gearóid S. Mac Eoin, Observations on Saltair na rann, in Zeitschrift für Celtische Philologie 39 (1982) 1–28.
  22. Pádraig Ó Riain, The Book of Glendalough or Rawlinson B. 502, Éigse 18 (1981) 161–76.
  23. Pádraig Ó Riain, NLI G 2 f.3 and the Book of Glendalough, Zeitschrift für Celtische Philologie 39 (1982) 29–32.
  24. Proinsias Mac Cana, A note on the use of direct speech in Saltair na rann, Ériu 35 (1984) 206–208.
  25. Martin McNamara, Tradition and creativity in early Irish psalter study, in Próinséas Ní Chatháin and Michael Richter (eds.), Ireland and Europe: the early church/Irland und Europa: die Kirche im Frühmittelalter (Stuttgart 1984) 283–328.
  26. John Carey, Cosmology in Saltair na rann, Celtica 17 (1985) 33–52.
  27. John Carey, The Heavenly City in Saltair na rann, Celtica 18 (1986) 87–104.
  28. John Carey, 'A Tract on Creation', Éigse 21 (1986) 1–9.
  29. John Carey, Questions of interpolation in the opening cantos of Saltair na rann, in: Brian R. Frykenberg and Kaarina Hollo (eds.), Proceedings of the Harvard Celtic Colloquium vi–vii (1986/87).
  30. John Carey, Angelology in Saltair na rann, Celtica 19 (1987) 1–8.
  31. John Carey, 'Visio Sancti Pauli and the Saltair's Hell', Éigse 23 (1989) 39–44.
  32. Brian Murdoch, From the Flood to the Tower of Babel: some notes on Saltair na rann XIII–XXIV, Ériu 40 (1989) 69–92.
  33. Brian Murdoch, Saltair na Rann XXV–XXXIV: from Abraham to Joseph, Ériu 46 (1995) 93–119.
  34. Catherine Karkov, Adam and Eve on Muiredach's cross: presence, absence and audience, in: Cormac Bourke (ed.) From the isles of the north: early medieval art in Ireland and Britain, Proceedings of the third International Conference on Insular Art held in the Ulster Museum, Belfast, 7–11 April 1994 (Belfast: Her Majesty's Stationary Office 1995) 205–12.
  35. Caoimhín Breatnach, Rawlinson B. 502, Lebar Glinne dá Locha and Saltair na Rann, Éigse 30 (1997) 109–132.
  36. Pádraig Ó Riain, Rawlinson B 502 alias Lebar Glinne Dá Locha: a restatement of the case, Zeitschrift für Celtische Philologie 51 (1998) 130–47.
  1. Whitley Stokes (ed.), The Saltair na rann: a collection of early middle Irish poems edited from MS. Rawlinson B 502, in the Bodleian Library (Oxford: Clarendon Press, 1883)
    The edition used in the digital edition
  1. Whitley Stokes, The Saltair na rann in Anecdota Oxoniensia: Texts, documents, and extracts chiefly from manuscripts in the Bodleian and other Oxford Libraries: Mediaeval and Modern Series. Volume 1—part 3, Oxford, Clarendon Press (1883) page vi + 155 pp.


Project Description

CELT: Corpus of Electronic Texts

Editorial Declaration


Text has been proof-read twice.


The electronic text represents the text as edited by Whitley Stokes. Expansions are marked ex. Names are capitalized in line with CELT practice. The editor's corrections are marked corr sic resp="". Footnotes are marked note type="auth" and numbered.


Direct speech is not marked.


When a hyphenated word (hard or soft) crosses a page break or line break, the break is marked after the completion of the hyphenated word.


div0=the verse psalter; div1=the tract; div2=the section. Page-breaks are marked pb n="". Foliation is tagged mls unit="folio". The editor's preface is contained in an unnumbered div outside the div0.


Names are not tagged, nor are terms for cultural and social roles.

Canonical References

This text uses the DIV2 element to represent the poem.

Profile Description

Created: By (an) unknown Irish monastic author(s). Date range: 1000–1070.

Use of language

Language: [GA] The text is in Middle Irish.
Language: [LA] Some passages are in Latin.
Language: [EN] Preface and footnotes are in English.

Revision History

Corpus of Electronic Texts Edition: G202001

Saltair na Rann: Author: Unknown



The Saltair na Rann, ‘Psalter of the Staves or Quatrains’, a collection of 162 Early-Middle-Irish poems now for the first time printed, is contained in its entirety only in the Bodleian MS. Rawl. B. 502, ff. 19-40. But there is a copy of one of the poems (No. 10) in the Lebar Brecc, a MS. of the fifteenth century; and corrupt and modernised copies of poems 4, 5, and 6 are to be found in a MS. also belonging to the Royal Irish Academy, marked 23. G. 25, written by one O'Longan about seventy years ago. The Lebar Brecc version of No. 10 will be found at p. 111b of the lithographic facsimile of that MS., Dublin, 1876.

The Saltair, like the Oengusso and other pseudonymous matter, is attributed to Oengus the Culdee, who flourished in the beginning of the ninth century; and his name—‘is me Oengus cele Dé’, ‘I am Oengus the Culdee’ —actually occurs in line 8009. But that this attribution is erroneous follows, first, from the numerous Middle-Irish forms which the poem contains1 and which cannot possibly be due to the transcriber, and, secondly, from its mention, in l. 2342, of an event—the murrain which began A.D. 985— and in ll. 2349-2365 of certain contemporary kings, as well as of Dub-dá-lethe, one of S. Patrick's successors in the see of Armagh, who died A. D. 1061.

Our MS., Rawl. B. 502, is a large quarto, now containing 83 leaves of vellum in a hand of the twelfth century, and 20 leaves of paper. The vellum portion has been so fully described by the late Dr. Todd ( Proceedings of the Royal Irish Academy, vol. 5, pp. 164-168) and by Mr. Macray ( Catal. Codd. MSS. Bodl., Part V., fasc. J, cols. 719-722) as to render further description unnecessary. Only this opportunity may be taken to note that the ‘Short Tract on Irish Grammar’ stated to occur at fo. 63b is really one of the so-called Brehon law treatises—Coic


conara fugill, 'five paths of judgment,' of which there is (according to Dr. O'Donovan) a fuller copy in a MS. in the library of Trinity College, Dublin, marked H. 3. 18—and that the Latin passage at fo. 53 b. seems to run thus: ‘Hii omnes sancti (sic) inuoco in auxilium meum per intercessionem sanctce Marice et sanctarum et (sanctor)um, quarum et quorum Deus nomina nominauit, et quos praesciuit et praedistinavit conformes fieri imaginis Filii sui in uitam ceternam in Christo Jesu Amen.’ The poems now printed begin at fo. 19 a. 1 and end at fo. 40. b. 2. They are written in double columns, with 50 lines in each.

According to the scribe's note following line 7788 the poems now printed fall into four divisions, (1) the Psalter, (2) the poem on repentance, (3) the poem on confession, and (4) the ten poems on the Resurrection. That note means: ‘Thus far the body of the Psalter of the Quatrains, to wit, the thrice fifty poems (duana). Two after, (one) for confession, and (the other) for repentance; and ten to set forth the Resurrection; so that there are twelve and thrice fifty poems altogether.’ The thrice fifty poems—equal in number to the psalms, and hence ‘the Psalter’—deal for the most part with incidents from the Old Testament. But the first poem contains a kind of description of the universe; poems XI (on the penance of Adam and Eve) and 12 (on the death of Adam) are founded on the Vita Adae et Euae, two texts of which have been published by W. Meyer (München, 1879); and poems 42-50 relate to the life of Christ. Poem 151 expresses repentance for transgression and prays for forgiveness. No. 152 is an expression of ignorance of God and his various works. Nos. 153 to 159 describe the events on each day of the week before the last Judgment. Sense here is so completely sacrificed to metrical requirements that these seven poems are, to a large extent, unintelligible to me. 160 deals with the seven resurrections—namely, (1) that of the apostles, (2) of the prophets, (3) of the confessors, (4) of the martyrs, (5) of the saints, (6) of the virgins; penitents, and baptized infants, and (7) of the rest of the human race. Poem 161 treats of the coming of the demons out of hell to earth, the fall of the idols, etc. The last poem, 162, describes the triumph of the angels over their foes, the rewards of the righteous, the punishments of the wicked.

It may be well to give a précis of the three most important of the poems, namely, 1, 11, and 12.


1.2 The creation of the world (line 3), the sun (5), heaven (13), earth (15), light and darkness (17,18), day and night (19, 20), the earth separated from the primal material (29, 30), surrounded by the firmament (34), the world like an apple (36), the mists, the current of the cold watery air (44), the four chief winds, the eight sub-winds (45-52), the colours of the winds (53-80), the distance from the earth to the firmament (97-101), the seven planets (101-104), the distance from the earth to the moon (105-112), the radiant heaven, that from moon to sun (113-116), the windless, ethereal heaven, the distance between the firmament and the sun (121), the motionless Olympus or third heaven (125-128), the distance from the firmament to heaven (133-136), from earth to the depths of hell (141), the five zones, the firmament round the earth like its shell round an egg (165-169), the seventy-two windows in the firmament (181, 182), with a shutter on each (188), the seventh heaven revolving like a wheel (199), with the seven planets from the creation (204), the signs of the zodiac (205-220), the time—30 days, 10 hours—that the sun is in each, the day of the month on which it enters each, the month in which it is in each sign (233-256), the division of the firmament into twelve parts, the five things which every intelligent man should know—namely, the day of the solar month, the age of the moon, the height of the tide, the day of the week, saints' festivals.

11. The Penance of Adam and Eve. For a week after the expulsion Adam was without fire, house, drink, food, or clothing (1483-1486). He laments to Eve their lost blessings (1491-1530), and admits his fault (1531-1534). Eve asks Adam to kill her, so that God may pity him the more (1535-1546). Adam refuses to destroy his own flesh and blood (1547-1560). Then, at Eve's request, Adam goes to seek for food and finds nought but herbs (1561-1572), 'the food of the lawless beasts.' He proposes to Eve to do penance, to adore the Lord in silence, Eve in the Tigris for thirty days, Adam in the Jordan for forty and seven, a flagstone under their feet, the water up to their necks, Eve's hair dishevelled and her eyes directed to heaven in silent prayer for forgiveness (1573-1628). Adam prays the Jordan 'to fast with him on God' (co troisced lais for Dia) with all its many beasts, that pardon


may be granted to him. The stream ceases: gathers together every living creature that was in its midst; and they all supplicate the angelic host to join with them in beseeching God to forgive Adam (1629-1652). Forgiveness is granted to Adam and to all his seed save the unrighteous (1653-1660). When the Devil hears this, 'like a swan, in the shape of a white angel,' he goes to Eve as she stands in the Tigris and gets her to leave her penance, saying that he had been sent by God. They then go to Adam, who at once recognises the Devil and reveals the deceit to Eve (1661-1716). Eve falls half-dead on the ground, and reproaches Lucifer (1717-1756). Lucifer defends himself, repeating at length the story of his expulsion from heaven for refusing to worship Adam (1757-1872). He concludes by threatening vengeance to Adam and his descendants (1873-1880). Adam then leaves the river and Lucifer departs (1884). Adam and Eve then live alone for a year on grass, without proper food, fire, house, music, or raiment; drinking water from their palms and eating the green herbs in the shadow of trees and in caverns (1885-1896). Eve brings forth a beautiful boy, who at once proceeds to cut grass for his father, and whom his father called Cain (1897-19 IQ). God at last pities Adam and sends Michael to him with various seeds, and Michael teaches him husbandry and the use of animals (1913-1932). Seven years afterwards Eve brings forth Abel (1933). In a vision Eve sees Cain drinking the blood of Abel. Adam therefore builds a house for each of the brothers (1941-1956). Gabriel announces the murder of Abel and foretells the birth of Seth (1957-1968). Adam's seventy sons and seventy daughters are born to him after the transgression (1969). The signs set in Cain's forehead (1997-2000). Cain's death in the Valley of Jehoshaphat, which is thenceforward barren (2005).

12. Adam's death. Adam, being 930 years old and feeling his death at hand, tells Eve of his approaching end (2021-2032). Eve regrets that she does not die first (2033-2037). Adam comforts her by saying she will die in nine months, and tells her how to act after his death (2040-2076). Michael comes at Eve's entreaty to cleanse Adam's soul and take it to heaven (2077-2152). God comes to receive Adam's soul, which remains in the third heaven, named Ficconicia (2153-2208), till the Resurrection. Adam's body is anointed with the Oil of Mercy and buried in Hebron (2217-2228), where it remained


till the Deluge. His head was then swept to Jerusalem, and remained in the gateway till Christ's cross was planted therein (2229-2240). Enos, Noah, and other patriarchs are then mentioned (2241-2292). The numbers of years from Adam to the Deluge, from the Deluge to Abraham, from Adam to the birth of Christ (2293-2336), the number of years to the murrain, the names of some of the leading princes reigning about that time in Ireland and in Scotland, those of Eadgar on one side of the English Channel and Hlothair on the other, an allusion to the ravages caused by the Danes from Denmark (2337-2380): the rest till the day of doom nobody could declare except the high King of the sun, whose life never ends (2381-2388).

The tradition mentioned in lines 7529, 7530, that Christ was born from the crown of the Virgin's head, is worth noting3; and the description of some of the signs at the Crucifixion (7761-7772) may be quoted as a specimen of the style of the poem (I omit two chevilles), and as illustrating Sophus Bugge's theories about the Baldr-saga:—

    1. Darkness sprang over every plain:
      Earth's dead arose:
      Dear God's elements were afraid
      When the veil of the temple was rent.
      Every creature wailed
      Heaven and earth trembled:
      The sea proceeded to go over (its) bounds:
      Hearts of black rocks split.
      The King who suffered in (his) fair clay,
      A cross for sake of Adam's children,
      Thereafter took a prey (of redeemed souls),
      So that he overcame Hell.
The metre in which the bulk of the Saltair is composed is deibide, each line of the quatrain consisting of seven syllables, the second and

fourth ending with a word exceeding in the number of its syllables the words respectively ending the first and third; the first and second lines rhyme together, as do the third and fourth. Alliteration is frequent, and a word in the middle of one line often rhymes with a word in the beginning or middle of the following line (e.g. rúinib, dúilib, lines 9, 10, sorcha, dorcha, 17, 18). Poem 152 is in a different metre, rannaigecht mór, each line ending in a monosyllable, and only the second and fourth lines rhyming. In 153-162 the first and third lines of each quatrain regularly end in rhyming trisyllables, the second and fourth in rhyming dissyllables. Internal rhymes are frequent, e. g. fogur, domnuch, 8021, 8023, luaichthi, cruaidi, 8037, 8039. The first, second and third words in the first line of a quatrain sometimes rhyme respectively with the first, second and last words of the third line; see e. g. 8125-8127, 8137-8139.

The text has been printed with the utmost care. It is right to say that in the MS. several of the marks of length are so faded that they can be discerned only by the keenest eyes and in the most favourable light. I may, therefore, have undesignedly omitted some of these marks. Contractions have been extended, and the extensions represented by italics. The text has also been punctuated, proper names spelt with initial capitals, apostrophes have been used where vowels have been omitted, and hyphens introduced to separate the transported t and lt from words beginning with vowels.

In conclusion, though several of the words are explained in the Index, it contains so many new vocables as to the meanings of which I am either doubtful or quite in the dark, that I have called it an Index Verborum rather than a Glossarial Index. It will, it is hoped, be useful to future Irish lexicographers.


Saltair na Rann


{folio 19 a 1}
  1. Moríse rí nime nair,
    cenhuabur, cenimmarbaig,
    dorósat domun dualach,
    morí bithbeo, bithbuadach.
    5] Ri osduilib thargca gin,
    rí ósfudumnaib aicgéin,
    ri tess, tuaid, tíar ocus tair,
    fris níderntar immargail.
    9] Ri coruinib robai, fail,
    riandúilib, rian-aimseraib,
    rí bithbeo beus, blaith adenn,
    ri centossach, cenforcenn.
    13] Ri dorigne nem noithech,
    nihúaibrech, niimchloithech,
    ocus talam, tolaib tlacht,
    comtren, comfossaid, comnart.
    17] Ri dorigne sorcha saer
    ocus dorcha con-anaeb:
    indaranai islaithe lan,
    araile isadaig imlan.
    21] Ri rodelb tétadbul De
    dochetadbur nandule,
    .....s frisamla suthach
    inmass amra écruthach.
    25] Ri rodelb eisse cachnduil
    rosderb cengesse coemruin,
    eter mín isgarb condath,
    eter marb ocus beothach.
    Ri rothepi, bladmar, brass,
    asinchetadbar admas4,
    talam tromm toracht, delm chert
    dian'fonn fothacht fotlethet.
    33] Ri rochruthaig, nícuac cinte,
    hicuairt nafirmiminte,
    domun delbda derbda druing,
    mar ubull febda fircruind.
    37] Ri rodelb dluma iartain
    hura coderb imthalmain,
    rith roseim osbith, buaid ngle,
    indaeor uair uscide.
    41] Ri c(ria)thras usce n-an, n-úar
    foriathmass nan-al n-ollmuad,
    iarsrebaib cosesraib sruth
    iarmesraib comesrugud.
    45] Ri roordaig ocht ngaetha
    torgaib cenlocht lanaeba,
    cethri primgaetha cotngaib,
    cethri fogaetha feochrai.
    49] Cethri fogaetha aile,
    rádit auctair ergnaide,
    bidhi an-arim fírchert
    dogaethaib dagaeth deec.


    53] Ri rodelb datha nangaeth
    rosderb frisratha slanaeb,
    iarclechtaib rith roratha (?),
    combrechtaib cachilldatha.
    57] Ingel, incorcarda glan,
    inglass, induaine allmar,
    inbuidi, inderg, derb dána,
    nisgaib fergg frisodála.
    61] Indub, indliath, indalad,
    intemen, inchiar chálad,
    indodar, doirchi datha,
    nidat soirchi sogabtha.
    65] Ri rosordaig oscachmaig
    na ocht fogaetha feochrai,
    rodelb cenditha, dín saeth,
    cricha nacethri primgaeth.
    69] Anair incorcra glanbda,
    andess ingel gle, amra,
    atuaid indub gailbech, grach,
    aniar indodur engach.
    73] Inderg, inbuidi 'male,
    eter gil ocus corcrai,
    indúani, inglass, croda (?) 5 lir,
    eter huidir isglegil.
    77] Indliath, inchiar, grainne anguir,
    eter huidir iscirduib,
    intemen, indalad tair,
    eter duib ocus corcair.
    81] Coir rocoraiged acruth,
    doronad an-orddugud,
    fogaessaib glessib cenchlith
    iarsessib, iarsuidigthib.
    85] Na da gaeth dec, tolaib tress,
    tair ocus tiar, tuaid istess,
    rii roscuibdig cotagaib,
    roscuibrig fo secht nglassaib.{folio 19 a 2}
    89] Ri dosnarbair iarsessaib
    imthalmain con-ilglessaib,
    cach digaeth dib imglés ngle
    isoengles foraib huile.
    93] Ri dosrat iarnglessaib clecht,
    iarmbessaib centarimthecht,
    indarahuair, blaith iarmblai,
    induair aile ainbthechae.
    97] Rí tadban tomus donleirg
    othalmain cofirmimint,
    fris domidet, met glanna,
    fritiget natalmanna.
    101] Rosuidig secht rinne reim
    ofirmimint cotalmain,
    Satuirn, Ioib, Mercuir, Mars,
    Sol, Uenir, Luna lánmas.
    105] Ri rorimi, rigda inbla,
    otha talmain coesca,
    semile fichet archet
    fordamidet 'naglanmét.
    109] IS hé sain int-aear huar
    linib haial friimluad,
    dianidainm triallach, derb tra,
    annem niabach n-airerda.
    113] Indrae ohescgu cogrein
    ri rorím congle glanleir,
    dacet mile, mor insmacht,
    latri cethair cethrachat.
    117] ISse sin int-ethier huais
    cengaeth, cenaear n-angluais,
    dianidainm, cen balba mbla,
    innem n-amra n-etherda.
    121] Trichutrumma, intsain doleir,
    eter firmimint isgrein,
    morí rindbalcc, rofír sein,


    dorindnacht dorimirib.
    125] IS hisin indOlimp huag,
    cenchumscugud, cenimluad,
    iarsliucht saer nasruthe sen,
    dianidainm intresnoebnem.
    129] Damile déc, torainn ngle,
    archoiccétaib déc mile,
    cain rith rindrethait insain
    ofirmimint cotalmain.
    133] Met naré, ruathar cint,
    othalmain cofirmimint,
    isse inmet sain, srethaib srath,
    ofirmimint coriched.
    137] Cethrimili fichet sain
    artrichait cet domilib
    oshunn coriched, reim n-oll,
    cenmotha firmamentom.
    141] A met na ree sein uile
    othalmain corigsuide,
    issed fil othalmain tinn
    sís cofudomnaib Iffirn.
    145] Rí cachthuir thuathaig, dein, deirg,
    rofuathaig fein firmiment,
    feib baderb laiss oscach maig
    rosdelb donmaiss ecruthaig.
    149] Ri nan-uile n-adbar n-án,
    arm-buili bladmar bithmár,
    inglóruill cocessair chain
    dosrorainn icoiccressaib.
    153] Incuiced criss guires chness
    morí ruithes triasirthes,
    frisasad sluagda saigthe
    dahuarda imdamesraigthe.
    157] Huarda andess isuarda atuaid,
    indamesraigthe, ismórbuaid,
    incriss tessaigthe, isderb de,
    eter nada mesraigthe.
    161] Rí targcai cech ruirig reil
    rosuidig smachtai fouagreir,
    rodagni cenchétlud ngle
    dochetchruth nafirmiminte.
    165] Amal bis abloesc immog
    acht noslui línib hilchor,
    fial nafirmiminti imbith
    tria bithu forabithrith.
    169] 'Macuaird focheird atoimsi,
    iarsreith suairc fri sirsoillsi,
    isannsu infomus 'moa mbeir,
    ni triit tarsnu toimsideir.
    173] Rorannad iarn-intliucht fail,
    feib rodelgnaisset auctair,
    dasebratta fochis chain,
    dasé phairt 'nan-irchomair.
    177] Huide mís dogrein cachphairt,
    iarseis nan-ugtar n-ardaitt,
    forith hinathur6(?) gluair ngle,
    cech mbliadain dosstimchellae.
    181] Hisindfirmimint cogle
    sesca dáse senistre,
    dothaitni fridia 'malle
    cachphairti se senistre.
    185] Ata iarrúini indrig reil
    rodelb duine ::: huagreir,
    fodluthad, cendolma ndein,
    comla forcach senisteir.{folio 19 b 1}
    189] Trénbrat demin, torom n-án,
    marbad gemen coem comlán,
    tuinech torachta rosrig
    imthalmain contib immib.
    193] IM thrínimi ata centair
    trinimi impe, hit himsláin


    insechtmad nem, isse sein
    rochertad eternimib.
    197] Ni sossad suaircc slóig aingel
    acht iscuairt chóir coemdaingen,
    amalbis rothmol forluth
    triabithu forbithimputh.
    201] Infirmimint, ilar mbla,
    isnasechtrind airegda,
    ata foroenrith, gluair ngle,
    otha inn-uair rocruthaigthe.
    205] Ri rorann ruandath osleirg
    nifualrad fann firmimeint,
    srethaib samlaib, slemnaib slecht,
    indibrannaib derbdai déc.
    209] Ri oscachairm, oscachdinn,
    dorat ainm forcachn-oenrinn,
    nimennair iarndligud dlecht
    donadibrennaib deec.
    213] Fuath cachrenna, ruathur ngle,
    itimchuairt firmiminte,
    feib rosderbait delgnaid

    ishuandelbaib ainmnigter.
    217] Aquair, Pisc, Ariet, Tauir treb,
    Geimin choir ocus Cancer,
    Leo, Uirgo, Libru, Scoirp scrus,
    Saigitair, Capricornus.
    221] Ri corúnaib roscoraig
    innanndlumaib dermoraib,
    sreith nasliab, oscachblai,
    frisreith grian ocus escai.
    225] Tricha lathi, lórda 7 luad,
    ladech n- úara ocus lethuar,
    cotriall trechess oscachdind
    rethess grian incachoenrind.
    229] In grian suairc, iarn-urd riagla,
    forcuairt cacha oenbliadna,
    hi quindecim kalde, cain dind, issann téit incachn-oenrind.
    233] Grian in-Aquair, hed centáir,
    doróined im-mis Enáir,
    ocus hiPisc
    dorimther im-mis Febrae.
    237] Grian in-Ariet, aurdaircc dí,
    dothadbat im-mis Martíi,
    ocus hiTauir grian diareir
    dothaitni im-mís Apréil.
    241] Grian hinGemin im-mis Máii
    isdemin, ni imarchlái,
    nochochiuin guires cachtreib
    im-mis Iúin gan iCanceir.
    245] IM-mís Iuil ingrian il-Leo,
    issann ferass alangleo,
    teit grian adenus friatuisc
    inUirginum 8 in-Auguist.
    249] Dothaitni grian fhiadcachdrung
    iSeptimber inLibrum,
    grian nodafoilcc nochosceil
    iScoirp im-mis Ochtimbeir.
    253] In Sagitarium grian dosfeim
    oscachrian inNouimbeir,
    inDecimber, ischian clú,
    bidgrian inCapricornú.
    257] Athe sein indaserind
    dosrosat Fiadu forfinn,
    oscachrian rethait fonmbith
    riu reithes grian alanrith.
    261] A coic cachlae d'fiss cenbrath
    dlegair docachintliuchtach,
    docachoen, cengláma gné,
    bis fograda ecailse.
    265] Laa mis grene, ésca aes,
    rith mara cen immarbáes,


    laa sechtmaine, feili noeb n-uag,
    iarcertglaine con-imluad.
    269] Ri rosrethaig, sróenaib slamm,
    dorethaib roenaib retlann,
    feib nosairbrig osrannaib
    rosanmnig dian-anmannaib.
    273] Cid caem lenn inleth fail frinn
    firmiminti nan-ilrind,
    inleth aili, lith cengeis,
    nocon-eitchiu ciachemmeis.
    277] Ri rogni clichis cenmeirg
    iarnafithis firmimeint,
    comfocus tadbain adreich
    imthalmain docachoenleith.
    281] Ri rodelb firmimint fír
    conarennaib cendimbrig,
    immontalmain, cengoi ngle,
    imsoi ontrath coaraile.
    285] Ri dorigni muirlinn mair
    osanfirmimint imslain,
    inmuirlinn aili isi inmuir,
    fordasniada imthalmain.{folio 19 b 2}
    289] Ri reil dorairngert cachfáith
    coimdiu cumtaig cachcoemgraid,
    dorosait grein crotha glain,
    forosna nem imthalmain.
    293] Ri dorigni esca n-án
    ocus indfairrgge imslán,
    foriaguil dosrona inrí,
    condatcora, comchuibdi.
    297] Sessed rann domuin cech
    hissi meit fil in-escu,
    ocus isingréin coglan
    sé commet dec intalman.
    301] Ri dorigne ilar mil
    fondfairrce ndermair ndírím,
    nithadbann nech acht mori
    an-anmann nach an-airmi.
    305] Ri dorigni sreba sluag
    donahénaib friimluad,
    doaltaib isnaslebib,
    dograigib formagreidib.
    309] Hilerda nan-anman n-án
    is nan-ildelbda ndermár,
    nifail hicrí rimess sin
    acht mad inrí donoebnim.
    313] Ri dorigne aéar n-uar,
    ocus tene reil rorúad,
    ocus talam bladmar, brass,
    ocus sruth raglan rethess.
    317] Ri rosil talmain iartain
    dolubaib, dofidbadaib:
    lan indomun diambolud,
    con-immad an-iltorud.
    321] Ri conic huacht ocus tess,
    mori firen frim'firless,
    ishe rosuidig cachseis,
    ri centuirim, cenaisnéis.
    325] Inrí reil narun corath
    doarfaid dún cachn-ingnad,
    diathuicsin treothu, din ngle,
    is trialin amirbaile.
    329] Ri rogni cachnduil foleith,
    aicseid ocus nemaicseid,
    acht inri rodelba sain
    nifail nach rí fortalmain.
    333] Nifail dodainib daingnib,
    doainglib na harchainglib,
    nech thucas triadindchur de,
    na fail d'ingnud 9 lam'rigse,
    Moríse ri nime náir10.

  2. p.6


    337] Ri dorigni riched reil
    conachrichaib diacomréir,
    treb thogach, duanach, dangen,
    dosluag amra árchangel.
    341] Riched conilhur adrong,
    saer, sithech, nadimchumung,
    cathir dronoll cocetrath,
    met dondomonn adechmad.
    345] Failet ann trimuir cenmeth,
    duirimthimchellat riched,
    mur doglain huaine, gnim cain,
    mur dior, mur dichorcair.
    349] Mur n-uaine cenchess im-mach,
    mur n-óir fricness nacathrach,
    im-medon frigelgloir cain
    mur ndermor dichorcairglain.
    353] Fail ann, cotrichim trethan,
    cathir chrichid, chomlethan,
    fail inti, frisíd solus,
    set sir cethriprimdorus.
    357] Met cachdoruis dib foleith
    toeb fritoeb, dini iartomus,
    mili darcachn-oendorus.
    361] Fail crois d'ór incachdorus
    frisella slog sirsolus,
    ri rosdelba centalgga,
    hite remra roárdda.
    365] En dodergor forcachcrois
    oschind lerglor nach anfois,
    incachcrois frihernól cuir
    gemm dermor doleic logmuir.
    369] Archangel cechlai, luad ndil,
    conasluag oríg richid,
    coclasschetal, coceol glé,
    timchell cacha oenchrose.
    373] Fail ann faithchi cechdoruis
    cain fritaichmi derbthomuis,
    samlaimse cech dib fofeib
    fritalmain conamuireib.
    377] Cuaird cachafaithchi foleith,
    conagrenchaib airgdidib,
    conabrugaib foblath bil,
    conalubaib ligaidib.
    381] Ced adbal lib, lathar ngle,
    met nafaithchi fairsinge,
    mur d'argut, cengnim n-aithbi,
    rognid imcachoenfaith(chi).
    385] Airfortoich namur im-maig
    immondun docachoenleith,{folio 20 a 1}cosostaib slanaib sidib
    diarmidi dohilmilib.
    389] Ocht n-airfortaig ann frisreith
    cocomraicet 'moncathraig:
    nimtha samail nasét sruith
    donmét fail cachairfortuig.
    393] Cachairfortach lan lubaib,
    conangrenchaib credhumaib,
    mur dochriad chaim rochalcad
    cotren imcach n-airfortach.
    397] Damur deec, toraind nglé,
    'nan-airfortach, 'nafaithchi,
    cenmthat natrimúir im-maig
    failet imon primchathraig.
    401] Cethracha dorus hitreib
    richid conarigsuideib,
    atri cacha faithchi feith,
    isatri cachairfortaich.
    405] Cethridoruis airri im-mach


    nan-irfortach n-immechtrach,
    frisintetblai, tolaib smacht,
    frisincetna athchomarcc.
    409] Comla d'argut, cain ardreich,
    cachdoruis dondfaithchisin,
    comlada creda corath
    fridoirsi nan-irfortach.
    413] Nafrithmuir ondun im-mach
    innan-huili n-airfortach,
    samlaithir fribladbail mbla
    otha thalmain cohésca.
    417] Mur nafaitchi, feib dasli,
    rosdelbtha dofindruini,
    an-airde, adbul foneib,
    otha thalmain coglangrein.
    421] Natrimuir, met an-athfaig,
    timchellait inprimcathraig,
    tadbain an-airde cenmeirg
    othalmain cofirmimeint.
    425] Suidigud namur im-maig
    immondun, immoncathraig,
    rathrian cachmúir, monor ngle,
    reil radiall secharaile.
    429] Ri rosfossaig cotangeib
    nassossaid 'monprimchathraig,
    deimni ataichmi ondun im-mach
    'nafaithchi, 'nan-irfortach.
    433] Sluaig sil Adaim, aidble baind,
    innandalaib frianderbraind,
    gle iarndligud dib rosoich
    sechinud cech oensossaid.
    437] Bid cachsluag diib foleith
    'nan-airfortach, 'nafaitchib,
    lánaib doligaib fofeib
    dosidaib, dosonmigeib.
    441] Noeb isnúibhuaga corath
    fobraenbuada, iarmbraenchath:
    scérdair frisinslog im-maig,
    bertair isinmorchathraig.
    445] Cathir De conasoillsi,
    cidat mora aprimdoirsi,
    nitheit inti óthalmain treib
    acht mad oentriar dodoeneib.
    449] Duni conái dligid Dé,
    duine óg iarfirinne,
    congnim adma nadchlithe
    duine amra athirge.
    453] Congérdair cobáid im-maig
    nanaeb isinprimchathraig,
    febdae fo lib, lith rochlos,
    cach dib daraprimdoros.
    457] Nadoirsi chaindelbdai, glain,
    lainderdai dondlíc logmair,
    con-ollbladaib, segtait slóig,
    conacomladaib dergoir.
    461] Tri athchomairc cechdoruis,
    cain glanthogairt toebtomuis,
    fricachclothalt, erim ngúr,
    athchomarc for cachoenmúr.
    465] Aurdrochait nandorus n-og
    cain set solus dodergór,
    atat fonéim, nassad ngle,
    airddiu cachceim araile.
    469] O cheim docheim, erim ngur,
    isreid dreimm isinprimdun,
    cainsluag sidi, set rosaig,
    mór mili cét dochétaib.
    473] Hicuaird nam-mur, mor n-athbach,
    im-medon naprimchathrach,
    lebinn glainidi glórdai,
    drochte dronai dergórdai.
    477] Filet ann brugi bláthi


    bithura cach bithráthi,
    cotorthib cachthoraid dil,
    conambolthaib milidib.
    481] Fail ann centoirsi didnad,
    fail soilsi censirdibad,
    ceoil gluara, caini, grinni,
    buana, baidi, blaithbinni.
    485] Fail ann ni sásas cech slóg
    hirichiud rigda romór,{folio 20 a 2}fogur nangrad, nacéol ngle,
    bolud namblath mboltnaigthe.
    489] Fail mór dosostaib, saer slán,
    fail mór class cobsaid comnar,
    fail ann mor slúag, seol snassi,
    fail mor ceol cechoenclassi.
    493] Failet ann linni lethna,
    ailli aninni anoebtrethna,
    gleorda immocanat classi,
    suarca, segdai, somblassi.
    497] Failet ann srotha sengga
    docheniul cach coemlenna,
    frisasad sloig, sir sotlaib,
    fail ann mór dofindtopraib.
    501] Failet ann lecga lordai,
    failet foraid forordai,
    forbrig naslog dosrogaib,
    fail ann mór do rigsrothaib.
    505] Fail ann mór mbíle mbroga,
    mór tiri friimthoga,
    mor sét sétach, slán saine,
    mor cet cetach clármaige.
    509] Mor ceol caimnaig cenbine
    fail iroenmaig rindnime,
    mor seol suilig, mor sreth séis,
    nadróig tuirim noaisneis.
    513] Fail ann iarset, srethaib smacht,
    cet acethair cethrachat,
    fiadgnuis indrig cotagaib
    iar n-árem afochraicaib.
    517] O thosuch domuin cobrad
    clann Adaim, cidhe acomrad,
    ni choemsaitis, digrais seis,
    cech oen fochraic dib d'aisnes.
    521] Cenmothat sain cotaigaib
    fail innim dofochraicaib,
    lir bannai fleochaid, fuám tricc,
    no slamma snechta snigit.
    525] Sossad slan morig rathmar
    fil forlar naprimchathrach:
    ismor cet mili 'mobeir
    hitimchuaird afosscemeil.
    529] Dior derg rogníd huile
    dorig richid rigsuide:
    ri corúnaib doforgaib
    osnamúraib erordaib.
    533] Sossaid Aingel cosoillsib
    nessaim donaprimdoirsib,
    Archangeil conan-airbrib
    isnessam donaebainglib.
    537] Uirtutes, nert oscachmaig,
    isnessam doArchanglib,
    Potestates, deoda tlus,
    isnessam Uirtutibus.
    541] Principatus, blaith aseis,
    isnessam Potestatés,
    Dominationes, drong demein,
    fodiuplaib indfosscemeil.
    545] Amra inslog roscing uili
    forscemul indrigsuidi:
    nóeb inrori roscongaib
    Troni conamórdrongaib.
    549] Sluaig Hiruphin rosfossaig
    itimchuairt indrigsossaid,


    tuas sech cechoen fondrig reil
    sernait slog sáer Saraphin.
    553] Noingrad nime, noebda ambal,
    imrig nan-uili n-adbar,
    cendimbúaid fribriga blat,
    cen imhuail, cenimmformat.
    557] Lainib lánaib forig recht,
    isshé an-arim firchert,
    dase sescat, sluag fofeib,
    cechoengraid donagradaib.
    561] Arim cechsluaig, lith cenmeth,
    nifail nech rodasfessad,
    acht marofitir inrí
    dodosrosat donemphní.
    565] Ri huasal uasdaib uili,
    ri richid con-imdruine,
    ri febda firian fossud,
    rí rigfial11 'narigsossud.
    569] Ri rohóc, ri sen icein,
    ri rodelb nem imglangrein,
    ri nan-huile noeb corath,
    ri caim, ri cain, ri cruthach.
    573] Ri dorigni nemthech necht
    doainglib centarimthecht,
    tir nanóeb, namac mbethad,
    clar find, fota, forlethan.
    577] Rosrethaig sosad, sid saer,
    fossad forethaib rig roen,
    cuaird cháin, glanna, crichid, gle
    doaes amra athirge.
    581] Morí immarthus osintslóg
    sanctus Dominus Sabaoth,
    diacain uasdind, forseol sercc,
    ceol cethri sanct find fichet.
    585] Ri roordaig inclais chert
    na cethri sancht find fichet,{folio 20 b 1}cáin canait canthus dontslog
    sanctus Deus Sabaoth.
    589] Ri fossud fial, febda, find,
    sid sossud, selbda, soenmind.
    lasfail tret nan-úan, nuall ngle,
    'món-Uan n-úag nemlochtaigthe.
    593] Ri reil rohorddaig inn-Úan
    iarsintsleib foraimluad,
    cethrimili mac 'nandiaid,
    cethorcha ocus cét glanriad.
    597] Crichid class, congloraib cruth,
    donahógaib ceneilniud,
    canait ceol ngluair immalle
    indiaid indUain etrochtai.
    601] Comchoema, comluatha, gluair,
    iarsintsleib indiaid indUain,
    scribtha 'nangnuisib corath
    an-ainm isainm indAthar.
    605] In ri rohordaig inguth
    donanemdaib fritinphiud,
    lethan, londgur, lathar ngle,
    amal tondgur n-iluisce.
    609] No amal guth crot carait nuall,
    canait cennachlocht lórmuad,
    linib lerthol uascechraind,
    no amal nuall dermór toraind.
    613] Ri bili bethad foablath
    slige frisrethad soergrád,
    abarr, abroenrad cechleith
    roleth darroemag richid.
    617] Forsasaid indénlaith án,
    congaib glerath cheol comlan,
    cenaurchra, corogud rath,
    dothorud no duilerad.
    621] Alaind indenlaith cotngæib,


    cechen glermaith cet n-etteib,12
    canait cenbet, cogleor gle,
    cet ceol cacha oenheitte.
    625] Ri rogni mór n-adba n-an,
    mór ngnim cadla, cóir, comlan,
    lam'rig rogmár oscechmaig
    fil cech ollgrad cenesbaid.
    629] Fail leis secht nimi, nert n-uag,
    cengeis, cenbine findluad,
    imthalmain, tolaib tine,
    con-anmaimm cechoennime.
    633] Aear, ethiar oscachdrung,
    Olimpus, firmamentum,
    nem n-usce, nem n-angel n-uag,
    nem hifail Fiadu findmuad.
    637] Fil leis ilar n-amra ndrong,
    fil mor n-adba cenimroll,
    fail lais nói ngraid, cossar chaid,
    fail lais sosad cechoengraid.
    641] Fail indechmad, grad congaib,
    censechnad slan sil Adaim,
    dóini foadoi triamnai trel,
    cotaoi Fiada findgel.
    645] Fail ann sid, fail suba slán,
    cenguba, cenathchosan,
    frisrethu sluaig, segda thuir,
    fail bethu buan bithsuthain.
    649] A fail domaith lárnDia dil,
    dianoebaib innanoemtreib,
    nifail iarsetad naseis
    nech conní acetmad d'aisneis.
    653] Coimdiu conn cechgrada gluair,
    drong betha bithbuain,
    romsaera iarndul acri cath,
    inri dorone inriched.
    Ri dorigni riched reil.


    657] Ri dorosat nanoingrad
    nimi fricumtach coemnár,
    foglanblad achrotha glain,
    friaadrad, friaairmitin.
    661] Trigd doib, torainn glan,
    asnessu dochum talman,
    Angeli frisretha seis,
    Archangeli, Uirtutes.
    665] Potestates, oebind bla,
    ithe trigraid medoncha,
    Principatus, bag centreis,
    ocus Dominationés.
    669] Trigraid hisuachtarchom dib
    ifrecnarcus indardríg,
    Troni fririgsuide réil,
    Hiruphin is Saraphein.
    673] In dechmad grad, canar lib,
    censechnad slan síl Adaim,
    uasbith cenguasacht icrí
    dodosruasat monaebrí.
    677] Ri rochoimsig nagrada
    cotoimsib cech degdána,
    linib lianmag angnim cain,
    frian-iarair, frian-airmitin.
    681] Secht ngrad ann, airegda ingnim,
    friasainsemla indardríg,
    dogress doib, cenchithu cruth,
    triabithu coaairfitiud.{folio 20 b 2}
    685] Dagrad dib, derbdu dalaib,
    fritorroma sil Adaim,
    fricechcangin ngnathmair nglain,
    Angil ocus Archangeil.
    689] Angeil gléglana, gnim cert,


    doreir Dé fritechtairecht,
    indArchaingil cenchaire,
    ithé nauasaltechtaire.
    693] Uirtutes, nerta cechthan,
    fridenam nafirt findglan,
    Potestates, delbda atlacht,
    atfebda frifollomnacht.
    697] Principatus, blathi gne,
    fríathi nangnim cinte,
    Dominationes, nóebda cruth,
    sluag soerda frismachtugud.
    701] Troni, dichraidiu combrig,
    fiadrigsuidiu indardrig,
    hilar shircanait ceol ngleir
    Hiruphin isSaraphein.
    705] Crichid cenchrinhed inchlass
    fochanat riched rindmass,
    cliar gel formaig rind roalt
    nacethrisen find fichet.
    709] Nosfreccrat naslóig slana
    doib conhettgat hilgrada,
    conidhed canthus inslog
    sanctus Deus Sabaóth.
    713] Ri rofoilsig dam, deilm13 n-an,
    ni dothoimsib nan-hilgrad,
    diasostaib saidbrib sluagdaib,
    dian-airbrib, dian-ilbuadaib.
    717] Dodeccrai osbetha bann
    srethaib ilretha rétlann,
    caine már góo gréne,
    connaibe fochomglére.
    721] Diafebsai aidchi huimle,
    diacennsai, diangnathchuibdi,
    diacainduthracht cenchaire,
    diandeeircc, diatrocaire.
    725] Diaslaine, slicht cendochta,
    dian-áne, dian-etrochta,
    diacruth gle, coemda, glanna,
    diangne noebda n-adamra.
    729] Diasidaib, srethaib seolaib,
    diangnímaib, dianglancheolaib,
    diamodaib amraib aildib,
    dian-aitdib, dian-ilarmib.
    733] Arim nan-angel innim,
    doreir arFiadat findgil,
    fritaidbsigud, derb ndana,
    iarfailsigud14 spírtalda.
    737] Nihed an-airim, amorí,
    lín acuire fochoemli,
    acht madlin intsluaig atraig
    icoemthecht cacharchaingi(l).
    741] A hoen, adó, atrí trel,
    ado friu conidcuicfer,
    dacuiciur, iarngairib gle,
    isshi indarim deichde.
    745] Dadeich derba, torainn tricc,
    tiagait hisincertfichit,
    ocus trideich, triallait blait15,
    issed tiagait hitrichait.
    749] IArsintrichait, taidbret bí,
    doaidbet imut arí,
    cethrideich, iarslanaib smacht,
    isi indárim cethrachat.
    753] Coicdeich iarsreith sliucht fónait,
    ised tiagait icoicait,
    sedeich, cengairim, cenacht,
    issed indárim sescat.
    757] Secht ndeich hisechtmoga slan,
    ocht ndeich ochtmoga ollmar,
    nodeich innochait iarset,
    ocus deich ndeich inglanchet.
    761] Deichcet inmili, mod mór,


    ocus deichmili inlegeón,
    deichlegeon dogres cachdia,
    issed tiagait hicuinia.
    765] Deichcunia, coleir ciagléis,
    issed tiagait inmarés,
    deichmares, miad milib bla,
    techtas coderb caterua.
    769] Decim caterua rochlús
    tíagait in-exercitús,
    deichnexercitús, teanm tra,
    tiagait coderb inturba.
    773] Deichturba derb nandrong nden,
    issed tiagait in-agmen,
    deich n-aigmen angel gid ngil
    icoemthecht cacharchangil.
    777] Fail secht n-archangliu innim
    laruiri richid rindgil,
    lacachn-archangel foleith
    sechtdeich agmen doanglib.
    781] IShésin innomad grad,
    dorónad fornim noebnár,
    angel ngleglan cenmennar
    icoemthechtaib archangel.{folio 21 a 1}
    785] Na ocht grad cenmothá sin,
    dosrósat Dia coderbden,
    acht mori rángle fornim
    nifail roairme an-árim.
    789] Tuirmem friagairm fiadrig recht
    ainm na cethri fer find fichet,
    drong duassach d'arbrib angel
    nan-uasal, nan-archangel.
    793] Gabriel, Michél, maith an-greim,
    Raphiel, Panachel oebind,
    Babichél, Raguel roclos,
    Mirachel, Rumel rigdos.
    797] Fafigial, Sumsagial slán,
    Sarmichiel, Sarachel saergd,
    Uriel, Hermichel maith mass,
    Sarachel, Barachel bladbras.
    801] Lihigiel, Darachél cenchol,
    Segiel, laSariel sairdron,
    Lonachel, Arachél tan,
    Stichiel, Gallichiel gleglan.
    805] Guidem doib, derb dín cenmeth,
    arinrig rodelb riched,
    'mobethu cenchithu, cruth cain,
    triabithu 'nambithoentaid.
    809] Cibhe gabas cuit nói ngrad
    etir iarmerge is tiugnar,
    rodmbia nem, nassad ndangen,
    imbithoentaid archangel.
    813] Datrian insein, sluaig roclos,
    robai innim rian-imarbos,
    atrian huili, fotheidm thinn,
    dochuatar dochum n-Iffirn.
    817] Atethach, aChoimdiu cain,
    domf'orcraid, dom'hessbadaib,
    tabair dam dilgud hifus
    dom'ainblib, dom'aneolaus.
    821] Ciarobai doanble arád
    airmi aidbli nan-ilgrád,
    anroradius, sonad sír,
    isdomolad mororíg.
    825] Cianobeth cét tengad ndron
    frisirlabra cenairchron,
    níaisneidfind triabithsír
    cétmad adamra m'ardríg.
    829] Ardruiri búan betha bricc
    doruirmi cachsluag sainglic,
    arcli, arnduasach, arn-abb,
    inrí huasal doruasat.
    Ri dorósat nanoengd.



    833] MoRí rigda oscachthur
    roraide friLuciphur:
    'biait fót, feib dochangen ngel,
    airbri imdai archangel.
    837] 'Tabair uait airmitiu iarsreith
    doAdom, dom'chomdelbaid,
    na nói ngrad coibli gleir glain
    biait foimti fri'tairitein.'
    841] 'Airmitiu d'Adam, nichél,
    arimsiniu, nithibér,
    ar badairniul fiadcachthur
    dianamthairbiur fonsósur.'
    845] Roraidi fris rí narind,
    aFiadu firen firfind,
    'nocotbia airmitiu glan,
    úarnatabrai reir d'Adam.'
    849] Roraidi Lucifur leir
    aithesc ndiumosach ndrochceil:
    'bamri reil oscach caingin,
    fomgnifet indilaingil.
    853] 'Betit indangeil fomtraig,
    dogén féin mochomtocbáil,
    biam tigerna oscechdrung,
    nibia rí aile huasum.'
    857] Lucifer colin agraid
    rotrascair achomthocbail,
    rotairinn adiummus tind,
    dorimmart dochum n-Iffirn.
    861] Mili bliadan, mod nglanna,
    adfiadat nascribenna,
    ochruthad angel, gnim cert,
    conostarraid tarimthecht.
    865] Ruiri narind réltai máil
    targai dind domuin drechmair:
    niseng abrig oscachbla:
    ferr cachrig morí rígda.
    Mori rigda oscachthur.


    869] Ri dorigni carcair cain
    doLucifur, diademnaib,
    tír ndorcha ndubach ndér ndrenn,
    ger, dianidcomainm Iffern.
    873] Cathir grainne, glérib cath,
    censlane, serb, sirechtach,
    aigthech, uamnach, ilar mbrath,
    gaibthech, guamnach, golpartach.
    877] Buidni biasta, buiriud pian,
    ruibni riastrai frianriad,
    bádud, plagud, brëud, bruth,
    tragud, largud, leod. loscud. {folio 21 a 2}
    881] IMonmbeist mbuirr, blóraid benn,
    ostuind truim, tolaib ilchend:
    duilgib drichnes fricachsluag,
    coruibnib riches roruad.
    885] Coic cét cenn fridiartain tinn,
    coic cét fiaccail cechoenchind,
    cét lam, cét bass, indel nglaiss,
    cét n-ingen forcachoenbaiss.
    889] Ilar thor ndoel, duba druing,
    ilar cruma cael clenchruind,
    ilar cuan ngér, ciasta, cerb,
    ilar mbiasta mbuan, mbelderg.
    893] Ilar loscond lan dogail,
    foralar icimsergain,
    fricach imchuaird nacathrach,
    ilar nathrach n-imathlam.
    897] Ilar mbrothlach nambled mberg,
    nambiasta n-ochrach n-airderg,
    ilar ndelb ndomblas angal,
    ilar lonnbras leoman.
    901] Ilar lasrach lonn cechleth,
    ilar casrach ngarbthened,
    ilar ndlúm ndlomtha tuarcat,
    ilar ndorcha ndubluachat.


    905] Fail mór domuirib moamúr,
    hIffirn cotuilib tromthúr,
    friplagud nasluag siabar,
    friambadud, friambithphianad.
    909] Muir ndubtemen, temel truag,
    muir ndaiged tened tromruad,
    muir mbren, muir tren, dengge dath,
    muir nél, muir neme natrach.
    913] Inmuir serb suiges insluag,
    mor ndelb drubas fothromnual,
    incach naird fobrón fíantach,
    gol mairg ocus mórhiachtad.
    917] Híttu, huacht ocus tess
    crintu, chúac, grandaib garbchess,
    sluag luath landub foralar,
    conglamrud, con-athchossan.
    921] Gáir gér gbi, hír isferg,
    fothair díni ndér nherderg,
    friangrella cenchoibli ngle,
    sroigli tenna, teinntide.
    925] Acethair cethorchat cet
    nisechmalat foroenshét,
    failet fridamnad Diabuil,
    in-Iffurn dohilphíanaib.
    929] Cianobeth cet mili fer,
    conatengthaib iarnaideib,
    oenphian dib, cobrath mbrudin,
    nichoemstais doderbthurim.
    933] Madnofail d'hilphianaib ann,
    in-Iffurn huathmar imgann,
    lia natluibi formaigaib,
    no duili for fidbadaib.
    937] Fail ann rig nadrigda bes,
    gribda, gann, cetaib ilglés,
    duairc, doer, dressachtach adrech
    cloen, cessachtach, cossaitech.
    941] Crimnach, gruamnach, gnath icbrath,
    hirach, uarach, airbirech,
    ciar, cernalach, caras cath,
    dian, drenngalach, diumussach.
    945] Engach, huaichlech, ilar crech,
    tedmnach, tuaimnech, disceinmnech,
    gristaig, craestuib, granne agne,
    discir, doescair, dergnaide.
    949] Ri dorat tromdigail tind,
    forsluag n-anhettail n-Iffirn,
    truaga, tána frigortai,
    buana, bana, bithbochtai.
    953] An huili cestait intslúaig,
    icráesluch Iffirn adruaid,
    ciarombet cét tengad dein,
    niaisneidfind frim'aimsir.
    957] Adba n-Iffirn, ilar phian,
    mairg bís fócrithfeidm comchian,
    glenn golmar, gann, gne ali,
    morí rogmar dorigni.
    Ri dorigni carcair cain.


    961] Ri dorigni Pardus mblaith,
    cuairt crichid, cobsaid, comsnáid,
    caintír toirthech, digrais foss,
    dodainib rian-immarbos.
    965] Rí robennach bruig reid mblaith,
    Pardus frisuirded sáergraid,
    iarcinniud cachthuir thogaig,
    con-immud cechiltoraid.
    969] Col-láinib loraib lubaib,
    comagib, comorbrugaib,


    coscathaib scoth forcachmaig,
    conamblathaib bolordaib.
    973] Cocadius cainol roclos,
    con-ainius, con-aebinneos,
    conabruig barrglas, bladmar,
    feidb tadbas babithsamrad.
    977] Bethrach, broenach, brogach, bras,
    tir tethrach, togach, tonnglas,{folio 21 b 1}saer saechtairthír, suthach srath,
    caem, cain, cetharchair, cruthach.
    981] Clar cóir, cobsaid, cumtaig dind,
    fal frifóir forsaid forfind,
    isdín caich, is mur mbroigthech,
    bithblaith, bithur, bithtoirthech,
    985] Sossad slan, suthach, sid sáer,
    fal fossud, fulach, fírnoeb,
    sreba sencha, selbcha sreith,
    cenérchra, cenimhesbaid.
    989] Mag maith, moinech, milib mind,
    doinech, daith, dinib derb dind,
    cosrethaib saidbrib seolaib,
    airbrib aidblib, ilchéolaib.
    993] Rí roordaig innadail,
    topur indhordain forláin,
    astecat glaini crotha,
    cethrisreba sirsrotha.
    997] Sruth d'fín, sruth d'ola, dal dil,
    sruth loga lemnacht langil,
    sruth maith mela, monar nglan,16
    frisasad nanoebanman.
    1001] Ainm foleith cechsrotha slain,
    cenchleith friclotha coemdail,
    Fisson, Geon, cain cenlen,
    Tibris ocus Eufraten.
    1005] Fisson sair sires areim,
    Tibris siar siles slanéim,
    Eufraten combuaid fodes,
    Geon fothuaid dian dirges.
    1009] Indola sáir, iarslicht slán,
    infin siar srethaib sirdal,
    inmil fodess, digrais buaid,
    inlemnacht sílas sairthuaid.
    1013] IMsoat, dosoat iarsain,
    doréir indrig donoebnim,
    cenmeth, cenditha, cenchais,
    cechleth fochricha Pardais.
    1017] Ríi foides enlaith n-en ndil,
    cenlen darróendes richid,
    cocanat ceola cenchais,
    beoda fobiliu Pardais.
    1021] Docain coglerdaith cengreis,
    indenlaid caim cenaithmeis,
    set sáire fririagla raith,
    cliara caine cet ceolmaith.
    1025] Cet dochetaib en iallaib,
    cét n-itte, cét ceol cliaraib,
    mor cet ceol calad cencleith,
    gleor canar dorig richid.
    1029] Rí rodelb Pardos foali,
    ishe arn-armdos airgdidi,
    dorat mur mor n-imme thenn,
    diór immaimthimchell.
    1033] Ri betha barrglais boirchich,
    ri Pardais con-iltoirthib,
    rodelb lanamain iartain,
    donahuilib anmannaib.
    1037] Ri doruasat Adam n-án,
    fochruth cengúasacht coemnar,
    congrad, cenamlós rochlos,
    hiPardos rian-immarbos.
    1041] Bai Adam tritrath centess,
    imbadud fograd glanches,
    fortalmain tinn centreorud,


    cenanmain, ceninbeogud.
    1045] Bai corp Adaim tribtrathaib,
    cenanmain friderbfathaib,
    fritindrad centrist, delm ngle,
    icfigrad Crist d'esserge.
    1049] ISsintresló iarnagein,
    rodelbad anim Adaim,
    iartoebthogud friadin ndocht,
    cenoentogud friafirchorp.
    1053] Coroainmniged iarsain
    onacethri rétglannaib,
    Archon, Dissis, rotdelb Dia,
    Anatole, Missimbria 17.
    1057] Noimís lána, lathar ndil,
    orohet Adam anmain,
    iarsliucht sruithi senchad slán,
    corodelbad abanscal.
    1061] Dianid comainm Eua án,
    crichid, chorcorda, coemnar,
    dil, delbda, toga18 rainni,
    fotha febda fírclainne.
    1065] Iarsain asraracht Adom
    assasuan cenimgabud,
    confacca inmnái, mín adath,
    segda, suaichnid, sochrutach.
    1069] Amal rodeccai aggnuis
    dosroega sechcach nderbduis,
    dorarngert dí, eraim ngle,
    combad sainserc sochaide.
    1073] 'IS orot rirfes cencleith
    cach amathair 'saathair:
    ondiu triabithu, buaid nein,
    biaid cechoen uainn dit'ogréir.'
    1077] Ardruiri indroith, rigda ail,
    gargruide fricroich coemnair,{folio 21 b 2}rofigli 'nacrí roclos,
    inrí dorigní Phardos.
    Rí dorigni Pardos mblaith.


    1081] Ri rorade aithesc nglan
    friEua ocus friAdam,
    toirthi Parduis, bag cengeis,
    iartimnu De domeldais.
    1085] 'Aratoimlid frisid sáin
    toirthi Parduis, bolad náir,
    ile, uile, aurdaig rann,
    isdiles duib acht oenchrann.
    1089] 'Cofessabair bith fosmacht
    centruaigi, centochomrac,
    censnim, censaethar frisreith,
    cenaes, cenolcc, cenanim.
    1093] 'Cenchrine, cengalar cruaid,
    imbithbethaid combithbuaid,
    farndul conem, nassad ngle,
    in-aes togach trichtaige.
    1097] Mili bliadan, buadach gair,
    ocus se huara dohuaraib,
    cengoe, cengabud, roclos,
    robai Adum hiPardus.
    1101] Dia artooir, derbait mail,
    rodelb cech cooir comlain:
    nitli tlaithcumtaig arcest
    inrí roraid inn-athesc.
    Rí rorade athesc nglan.



    1105] Baformtech Diabul desin
    friAdam conachlannaib,
    am-bith sunn cenlocht, luad ngle,
    'nacurp n-uág dochum nime.
    1109] Nahuili anmanna icrí
    dodosrosat monóebrí:
    friPardus imuich cenchad
    isAdom nosordaiged.
    1113] Indúair theigtis ascechcrích
    sluaig secht nime 'monardríg,
    cachanmanna corptha cain
    doticed dochum n-Adaim.
    1117] Cach díb assa airm corath
    foagairm ocus fríaadrad,
    doAdaum, balainn inmod,
    dothictis diaairfitiud.
    1121] Rosmachtastar Dia donim
    forsnahuilib anmannaib,
    atichtu ascechleith cengreis,
    combitis ardreich Parduis.
    1125] IArsain imsaitis fordeis
    censil n-úabair nahaincceiss,
    cach dib díaadbai coglan
    iarmbennachad doAdam.
    1129] Bafeochair féig, fichtib ell,
    inbeist imamnas, imchenn,
    ciachruth fogebaid fonim
    conair d'admilliud Adim.
    Lucifer, lin cest nglanna,
    luid im-mesc nan-anmanna,
    'sintsluag friPardus im-maich,
    conid ann fuair innathraig.
    1137] 'Nirbdimmain dobith im-maich,'
    arDiabul frisinnathraig,
    'arthuaichle tricce, delm ngle,
    ardoglicce, arth'amainse.
    1141] 'Bamor inguassacht 'sincol
    Adam huassot d'ordnigod:
    ossar nanduli19 methlad,
    nibadchin duini amandrad.
    1145] 'Orat noisichu fricath,
    toisechu rothuistiged,
    atgliccu asaimdil cechcruth,
    nachattairbir fondossor.
    1149] 'Gaib mochomarle cenchess,
    denamm cotach iscarddes,
    coiste fadein frim'cheil nglain,
    ass náteig dochum n-Adaim.
    1153] 'Tabair dam inad it'churp
    iarmodliged, iar'mintliucht,
    condechsam fogs iarmbla
    arndís adochom n-Euá.
    1157] 'Aurailem fuirri 'malle
    torud incrainn aurgairthi,
    coroheralasi coglan
    iarum inmbiad forAdam.
    1161] 'Acht condechsat andís 'malé
    as dartimna atigernai,
    nisbia grad laDia ifus,
    ticfait cenblath oPhardus.'
    1165] 'Cialuag nomtha fiadcachthur,'
    arinnathir friDiabul,
    'arfailti duit im'churp chain
    cennachlocht dom'chomaittreib?
    'Arthreoir duit iarset sain
    d'admilliud Euá isAdaim,
    ardul lat iarfír frigreis,
    ciphe gním frisan-eirreis?'
    1173] 'Caluag ismo dober duit
    feib ata meit armorhuilcc,


    {folio 22 a 1}arn-óentu iarmbes, iarmbruth,
    bid dogres arn-anmnigud.'
    1177] O fofuair adbai donbrath
    rosamlai indelb nanatrach,
    isfóil dodeochaid frifoss
    iarcoir Parduis dondoros.
    1181] Rogart indnathir im-maig:
    'indamchluini, aben Adaim?
    deni, aEua chrotha cain,
    sechcách cena m'acallaim.'
    1185] 'Nimhuain friacallaim neich,'
    arEua frisinnathraig:
    'itu icfrithalim im-mach
    nan-anmanna n-indligtech.'
    1189] 'Massathú indEua roclos
    coclú frifeba hiPardos,
    ben Adaim alainn nadchres,
    furri alim molanles.'
    1193] 'Intan nadbi Adam hifos
    isme chometas Phardos,
    cenchess, amil blaith banna,
    dognim less nan-anmanna.'
    1197] 'Ciaheret teit Adam uait,
    cialeith focheird achainchuaird,
    tan nadbi frihuáir ifos
    frithalmi intsluaig iPardos?
    'Fofacaib lim, lith nglanna,
    frithalim nan-anmanna,
    intan teit foglanblad cenmeth
    fadein d'adrad inChomded.
    1205] 'Ail dam ní d'athchomarc huait 20,'
    arindnathir chóel comsuairc 21,
    'uair isglandil dochial chain,
    aEuá, aandeir Adaim!'
    1209] 'Cibhed imraidi dorad
    nichomcraidfe, amíl mindnár,
    isderb nibadoirchi ifus
    sloinnfi duit iarndiutius.
    1213] 'Abbair frim, aEua án,
    feib donrala fricomrad,
    lasinflaith farmbretha ifos
    inmaith formbetha iPardos?'
    1217] 'Condechsam cenlocht iarsreith
    innarcorp dochum richid,
    nichuingem flaith bísmo ifus
    nanfil domaith iPardus.
    1221] 'Cech fia
    feib roclos
    dosrossat Dia hiPardos,
    acht oenchrann uili cencleith,
    ata dídu forriaguil.
    1225] 'Hé dodilsig dún Dia dil,
    amil banna bánamail,
    Pardus fridonad adruing
    acht madtorad indoencraind.
    1229] 'Lecid incrannsa coglan,'
    rofuacart damsa is d'Adam,
    torud craind gairb darmogair
    bethi mairb diandessabair.'
    1233] 'Ciabethi commeit formbla,
    túsu isAdam, aEua,
    ni forgliccu, a choem, glanna,
    inda oen nan-ánmanna.
    1237] 'Cia beith slog mór foib im-mach,
    istróg niforn-intliuchtach:
    amal cech n-anmanna mborb
    isamlaid ataid frioenord.
    1241] 'Nocorrubai forlaith lain
    acht mad maith aoenurán,
    uair natarfaid duib ni d'ulcc,
    ismessaiti forn-intliucht.
    1245] 'IS mor forn-essbaid imgaes,
    ata Dia icfortogáes,
    tan is d'oencraunn maidis uilc


    nadleic duib ni dothormailt.
    1249] 'Aire arrancas incrann ngúr
    isheire nachalecar dúb,
    deochair eter maith isolcc
    conaraib accaib d'intliucht.
    1253] 'Nabdat dolam, eirg doncraunn
    diafromad immóenubull,
    dechair eter olcc ismaith
    rotbia codocht ondardflaith.'
    1257] 'Cidmaith t'intliucht, erim ngle,
    cid lán raith dochomarle,
    dul cosincrann nilamur
    arbith arnahérbalur.
    1261] 'Tair, anathir, fein doncraunn,
    ocus tuc de oenubull,
    acht cotora int-ubull dam
    rannfat etrom isAdam.
    1265] 'Rofessammar fiadcachdrung
    acht condessamar inn-ubull,
    doscel cenhír, erim ngle,
    dus infír mar atbeire.'
    1269] 'A Eua solus cengeis,
    hoslaic róm dorus Parduis,
    cenlen acht coros innunn,
    dober donchraunn inn-ubull.'
    1273] 'Ciaoslac rot teis innonn
    donchraunn ciabera uboll, {folio 22 a 2}nibia fuirech fort hifus
    dothairisem hiPardus.'
    1277] 'Acht dober inn-ubull duit
    dodeochair maith ocus uilcc,
    cennachlocht doreg im-mach
    manimthair cacht na cumrech.'
    1281] Rooslaic Eua foclith
    indorus riasinnathraig:
    cennachcith luid, nirbúmall,
    forarith cosinn-oencrann.
    1285] Dofuc Eua inn-ubull n-úag
    dondabaill, bascel n-imthrúag,
    dofuaid Eua aleth, nirbuglan,
    roleic inleth n-aill d'Adam.
    1289] Ri rothraith drong Iffirn

    rosglaíd focrithfeidm comtruag,
    rogail cedsaithrach trichath
    infail faebrach baformtech.
    Ba formtech Diabul disein.


    1293] O shunn duaid Eua foleith
    leth indubuill aurchotig,
    roclaemclai clí, lethansmacht,
    dorochair di acoemthlacht.
    1297] Eua fritindrad cenlocht,
    baingnad abith imnocht,
    rosgab crith gréic, cenchruth nglan,
    coroleic guth for Adam.
    1301] Fogairm Eua, feib rodlecht,
    dodechaid cenfrithuidecht,
    Adam fein cenae, cenlocht,
    confacca amnai lomnocht.
    1305] 'Noconalaind maratai,'
    arsé, arAdam, friadagmnai,
    'cid ardotralaid hicacht?
    cia rotsáraig 'motnoebthlacht?
    'Nochonepér rit insein,
    amothigerna aAdaim,
    coragba huaim, cenhuath ngle,
    coluath leth indubuillse.'
    1313] O rogab Adam cenclith
    leth indubuill aurchotig,
    rofacaib athlacht centhucht
    corabe fesin lomnucht.
    1317] Ci rotbrathaig, aben baith,


    rotrathaig narbsat fírgaeth?
    donrat frisnim saethraich séis,
    rotbaithig, rombaethigeis.'
    1321] 'Nathir iarfír, feib roclos,
    gaid dím atichtu iPardos,
    iartichtain dí sunn tuc de
    ubull doncraunn aurgairthe.
    1325] 'Atrubairt rim iarsein sunn:
    'aben, geib uaim inn-ubull,
    madail duit cofesser olcc,
    arnabad essel t'intliocht.'
    1329] 'A Eua, afiss madail duit,
    dechair maith 22 ocus morhuilcc,
    geib inn-ubullsa caem, nglan,
    raind etrut ocus Adam.
    1333] 'Rogabussa huad innsain
    ubull cosinfrithorgain,
    huair náfetar ciarét olcc
    cofacca mobith lomnocht.
    1337] 'IMthegind siar ocus sair,
    forfemdinn athimargain,
    niblaith, bahingnad rith rois,
    rofaid fofidrad Pardois.
    1341] 'Nathir rongáel, garb agraph,
    donrat frisaeth triaaslach,
    dochéin rochind agnim cain,
    abreic ronmill, aAdaim.'
    1345] 'A Euá, conhilur glonn,
    nimanfacamar th'uboll,
    isreil fornn feib atam nocht
    condrancamar friamorolcc.
    1349] 'Ata ni ismessu de tra:
    scarthain cuirp ocus anma,
    corp lobtha hitalmain tind,
    isanmain dochum n-Iffirn.'
    1353] Huair dorochair dib atlacht
    roslín truaigi istocomrac,
    duairc leo dochraid acuirp gil,
    cenfial nglan dian-imditin.
    1357] Réil dochach dib dath achuirp
    oforfacaibthi glenuicht:
    arscath aféile, fuam ngle,
    tucsat duilli nafiche 23.
    1361] Nifrith friligthorba ndul
    acht indficomna ahoenur,
    fid fann iPardus corath
    nach crann forsm-beth duilirath.
    1365] Cocuala Adam hitrial
    angel coarad friGabrial:
    'seinter lat cocoir cornn ngle,
    coroa agloir fo secht nime.
    1369] 'Heirgid huili congraid glain
    hicomdail friarnDulemain,
    combúaid frigním dangen ndil,
    slúaig angel do secht nimib.{folio 22 b 1}
    1373] 'Tinolaid forsluagad slan,
    nibahuathad forcomdal,
    condechsaid cogle rochlos
    hicoemthecht Dé doPhardos.'
    1377] IArsain doluid inrí rúad
    doPhardus conamorsluag,
    remi codangen cenchol
    class aingel iccocétol.
    1381] Dessid hiruphin iarfir
    bahe rigsuide indardrig,
    im-medón Pharduis corath,
    inbale hífail crann bethad.
    1385] Rosernad cech sluag iarsreith
    cechgrad gluar conaairbreib,
    ocus dessid morí reil
    fodessin forhiruphein.


    1389] Dellid indfidbad forlar
    Parduis frifidrad fonnram,
    rostairbir adduiri den
    arairmitiu aDuleman.
    1393] 'Incualabarsi coglan
    ingním dorigni Adam,
    adula, cenidna nglan,
    darm'thimna, darm'forcetal?
    Dodechaid cach dib forleth
    iscáth inchrainn forteched,
    con-erbairt guth Dé donim:
    'nimaith romba, aAdaim!'
    1401] Roraid Adam, erim n-úag,
    friDia aaithesc n-erthrúag:
    'marosárugus dosmacht
    moben forom roaslacht.'
    1405] Atbert Dia d'Adam coglan:
    'dochin huair nachatamar,
    dogénat doclanna iartain
    dogres acin d'imresain.
    1409] 'Diambad athirge dognéth
    Adam con-immud achnéd,
    dodilgfitis do coglé
    achinta doridise.
    1413] Forforcongart fein fofeib
    inflaith feig foraaingleib:
    'curid Adam cengnim nglan
    aPhardus dochum talman.'
    1417] Lotar indaingil iarsain
    dodlomad Eua isAdaim,
    dograig domma frigorta,
    lobraig lonna lomnochta.
    1421] Gaid Adam doib arforclu:
    'anaid frim, anoebaingliu,
    comblassind riandul im-mach
    ni dothorud crainn bethad.'
    1425] 'Anfamit frit, monuar bal,'
    arsluag angel friAdam:
    'istruag linni fiadcachthur
    an-dorinni Luciphur.'
    1429] 'Indamchluine, aDe dil,
    arth'anglib, arth'archanglib?
    indeonaigi dam triarath
    ni dothorud craind bethad?'
    1433] 'Ni blasfi torad inchraind
    bethad fritolad mordruing,
    hed beit 'mole fogris grinn
    an-dis dochorp ist'anim.
    1437] Rosbade atol triafroiss,
    rosplage bal immarbois,
    roslín ciabair granne cath
    iarum oshunn doduad.
    O shunn duaid Eua foleith.


    1441] Rirorádi, eraim nglan,
    friEua ocus friAdam:
    'dochuabair huaim darmorecht,
    nipta ni dom'deolaidecht.
    1445] 'Eirgcid imbethaid mbáethraig,
    seirgthig, snimaig, sirsaethraig;
    toirsech, tróg, cenfiala fos,
    forbia log farn-imarbos.
    1449] 'Forclanna, formeic, formna,
    fogniat duib cachoenlaa,
    nochosta maith, monar nden,
    conosti allus forhécen.
    1453] 'IMmad n-onggalar fortá,
    scarad cuirp ocusanma,
    snim ocussaethar cechthan,
    áes ocus críni chrithlam.
    1457] 'Frithalid24 aslach25 Diabuil
    cechlaithi cechoenbliadain,
    nachforfuca lais diathig,


    dochum n-Iffirn adhuathmair.
    1461] 'Forngnimrada diamatglain
    iarm'thimnaib, iarm'forcetlaib,
    doberthar nem, noithech cruth,
    dochach iarnachainairliud.'
    1465] Ri richid ránmair, nisuail,
    ri betha bládmair bithbuain,
    nitlaith aglegraim cechtan,
    ri roraid, éraim n-erglan.
    Ri roraide, éraim nglan.


    {folio 22 b 2}
    1469] Ri doridnacht talam tlacht
    doAdaum iarnatharmthecht,
    nirbo dímdach doDía dein
    manbad airchra diaaimsir.
    1473] Bái Adam sechtmain ifos
    iarnathathchor aPardos,
    fritoirsi centein, centech,
    cendig, cenbiad, cenheted.
    1477] Húair rombatar imbochtai
    dochúatar in-huachtgortai;
    mor doimaithbeur incachthan
    bái eter Eua isAdam.
    1481] 'A Eua choir crotha cain,
    artroig tra dot'impartain,
    fuarír, ronlad aPardos
    triat'mignim, triat'immarbos.
    1485] 'ISmor forfacsam domaith
    orochradsam arn-ardflaith,
    Pardus ronbai fogairm glain,
    conahuilib airmitnaib.
    1489] 'Oetiu, failti dún roclos,
    slainte, aine, oebinneos,
    bruigi balthai, glannai cruth,
    lubai amrai, airfitiud.
    1493] 'Sassad saeri, sid slan sain,
    nassad noibi d'anmannaib,
    aithbi derrit, hilar ndú,
    cobrai menic friaingliu.
    1497] 'Bithbethu iarmbes forDé deis
    dogrés imbrugaib Pardais,
    ir-robatar fogne chain,
    duile De 'coarn-airmitein.
    1501] 'Nahuili anmann fonim
    dosrossat moDia derbdil,
    forgreim oscachdinn condath
    issind nodosordaiged.
    1505] 'Nínloiscfed tene, delm ngle,
    ocus ninbaidfed (usce),
    nafaebur fédim, met gal,
    nateidm, nacredemgalar (?)
    'Nibai dodúilib De dil
    duil nothissed friarmenmain,
    innim natalmain diarcur,
    acht int-angbaid Lucifur.
    1513] 'Cid Lucifur, linib sess,
    nichoemnacair arn-amless,
    cein bamar forecht, reim ngle,
    iartimnu, íarforngaire.
    1517] 'Húair rosáraigsem Dia dil
    dorat dún nahuilisin,
    oscachdinn cachduil 'malé
    atat frinn hicotarsnai.
    1521] 'NiDia robolochtach rind,
    aEua chorcra caemfind,
    issinn rosáraig inflaith,
    ciarontáraig diabithmaith.'
    1525] Roráid Euá, arbai hicacht,
    hitruage iartarimthecht:
    'aAdaim amrai oscachmaig,
    cid nachammarbai im'chintaib?


    1529] 'ISme dochoid darsinsmacht,
    isme doroni intarmthecht:
    coir duit momarbad dishain,
    amothigerna, aAdaim!
    1533] 'Acht cotorchrorsa, delm cert,
    im'chinaid, im'tharimthecht,
    mote dogentar cogle
    frit odoDia trocaire.'
    1537] 'IS lor rochráidsem indrig,'
    arsé, arAdam, cendimbrig,
    'aben, níden fingail fort,
    ciabeo ingortai, ciamtoebnocht.
    1541] 'Nihimmer molaim, luad neim,
    form'fuil nach form'feoil fodein,
    cidmor dolocht, linaib gal,
    isdom'chorp forcoemnacar.
    1545] 'Nocochoir duin asnachmud.
    atherruch dia athsargud,
    nadernai infirflaith, aben,
    arndibad, arlándilgenn.
    1549] 'Nádechsam huaid huidi cían
    lademnu ifudomnaib pian,
    nacharndilsi Dia dochur
    dorisi doLucifur.
    1553] 'Nifail maith foarndalaib,'
    arsi, arEua, 'aAdaim,
    cenetach dun, centech te,
    cenbiad atbelam gorte.
    1557] 'Ronbáe biad, ronbai tlacht,
    céin bamar centarimthecht,
    iartarmthecht dún isiarndial
    nicharfail tlacht no dagbíad.
    1561] 'A fir, cuiri cuaird cenmeth
    iarsét suairc forcachnoenleth,
    dús infogebtha frifeis
    dobiud dún ní domelmais.'
    1565] Rola Adam cuaird coléir
    hifocus, in-etercéin,
    nifuair ni dobiud badglan
    fodiud acht lubai intalman.{folio 23 a 1 }
    1569] Lubai intalman, glas andath,
    biad nan-anman n-indligtech,
    nidadtlaithi dun frifeis
    iarmbiadaib blaithib Parduis.
    1573] 'A Euá denam cogle
    pennait buan isatheirge,
    corglanmais fiadrig narecht
    ni diarcintaib, diartarmtecht.
    1577] 'Dena mothinchosc dishain,
    amothigernai, aAdaim,
    húair nachfetar fiad cachrainn
    cinnas dogníther pennaind.
    1581] 'Dena mothinchosc coléir
    iarth'intliucht, iardoglanchéil,
    nadern féin forcraid nachthur,
    naraib form essbaid d'oenmud.
    1585] 'Adram incoimdid 'mole
    hitoe, cenchomlabrae,
    eirggsiu isruth Tigir trén,
    isragsa isruth n-Iordanén.
    1589] 'Trila trichat, torainn ndil,
    dobith duitsiu isruth Tigir,
    mésse in-Iordanén fosmacht
    secht la caine cethrachat.
    1593] 'Beir let licc clochi cobsaid
    fot'suidi, fot'choemchossaib,
    corucsa limm licc n-aili
    fochumma, fochosmaile.
    1597] 'Coraig incloich isintsruth,
    dena fuirri fothrucud,
    batuicse amalbiae comblait
    coriae int-usce dobragait.
    1601] 'Thofolt scailti cechcruth cenmeth


    iarsinsruth forcachn-oénleth,
    bi hitost frisnim sneid sain,
    dorosc féig frisna nemdaib.
    1605] 'Suidig dodalaim cechthrath
    friruirig nime noe ngrad,
    guid iarfirdul ciabé hitoss
    imdilgud dot'immarbos.
    1609] 'Nidarglain d'acallaim Dé
    iartarmthecht, iarn-inglaine,
    arnidat gleóir glethig gle
    armbéoil ethcich elnide.
    1613] 'Aitchem nahuili duli
    rodelb Dia triaglanrúni,
    corguidet lenn rig narecht
    imdilgud diartarimthecht.
    1617] 'Deni inchruthsain domod maith,
    ocus attaig infirflaith:
    cororcoemchinni cogle,
    nitgluase, nitchumscaige.'
    1621] Secht la cethrachat cenlén
    d'Adaum isruth Iordanén,
    trila trichat d'Euai dil
    hisruammaib srotha Tigir.
    1625] Aingeil De cachlá donim
    oDia dothorromu Adaim,
    diaforcetal feib roddet
    cocenn nói laa ndeec.
    1629] Rogaid Adam hitgi thren
    iarum forsruth n-Iordanén,
    cotroisced lais forDia ndil
    conahuilib hilmilaib.
    1633] Tarrasair insruth 'nathoss
    diaremim, diaanforos,
    inrigsruth diarith roan,
    cotarddad dilgud d'Adam.
    1637] IArsin targlammair insruth
    cechmíl beo bái 'nacrisluch,
    lín acuiri cruth rosgab
    combatar huili imAdam.
    1641] Rogadatar diblinaib,
    Adam, sruth is ilmílai,
    truag rofersat annual n-án
    frisluag n-úag na nói noebgrad.
    1645] Corguiditis leo cenchlith
    nahuili grada aCoimdid,
    cotardad Dia dilgud nglan
    cennach ndibdud doAdam.
    1649] Gadatar Dia cotasgeib
    nanoingrada con an-airbreib,
    imdilgud d'Adaum hifus
    diagábud, diaimmarbus.
    1653] Dorigni Dia aragradaib
    slandilgud cinad Adaim,
    con-aittreib thalman cechthan
    connem nallglan noebúasal.
    1657] Ocus rodilig iarsain
    diachlannaib, diachinedaib,
    acht inthé natibri cert,
    téis darreir nDe in-anrecht.
    1661] Marrochuala Demun dub
    dilgud dothabairt d'Adaum,
    'ragsa iarfebai coglé
    dochum n-Euae dorise.
    1665] 'Conostuc astsruth triathlás,
    conasrucur rith forbás,
    corobadur ni diamud
    'moacrabud dochumscugud.'{folio 23 a 2}
    1669] Doluid Lucifer luath laind,
    infáil feochair firthuachaill,
    mar hela ir-richt angil gil,
    coEua dosruth Tigir.
    1673] Roraid ria int-angel rosmert
    darlia, badiaairchisecht:


    'aEua fíal crotha gil,
    iscían atái isruth Tigir.
    1677] 'A ben, ciarbogle dochruth,
    rochoemcláis gné 'singarbsruth,
    cennach mbríg mbládbrais rofeis
    rotmarbais, rotmudaigeis.
    1681] 'A ben, tair ardoDía ass,
    nabi ní sia istsruth amnas:
    dori ruad romfáid forfecht,
    uad tánac dot'tairchissecht.'
    1685] IArsain tic Euá asintsruth,
    bai fortir 'cotirmugud,
    dosfánic nél iarsétsain
    cotarmairt héc cenanmain.
    1689] Nihaithgen Eua cogle
    Lucifer linib hilgne,
    donbanscail febdai bá hirc 26,
    báe amenmai icumtabairt.
    1693] 'A Eua, cid arnotgeib?
    ismor dogni d'imrateib:
    cucut glethánac donim
    laforngairi De derbdil.
    1697] 'Tiagum ass dochum n-Adaim,
    aben, nábi ichildalaib,
    gadamar huili Dia ndil
    imdilgud duib forcintaib.'
    1701] IArsain dochuatar cotrén
    corice sruth n-Iordanén,
    coAdam, huastreba tor,
    Eua án is Lucifor.
    1705] Marrodeir(c)e Adam astsruth
    forEua, for Lucifur,
    rongab crith, balan dogail,
    rol-lin grain gnuisi Diabuil.
    1709] 'Monuar, aEuá fechtai,
    rotmera dothuicthechtai,
    fer thánic lat forfecht foss,
    ishé rotmert hiPardos.
    1713] 'A Eua truag, centucht ndil,
    cid dotfuc osruth Tigir,
    cenforngaire rig rechta,
    cenangel nglan coemthechta?
    Maratchualá Euá insain,
    reba adchosain Adaim,
    dosfuit forlar, luid is-sás,
    isbec nadechaid dianbas.
    1721] 'A Lucifeir, a Demuin,
    cid 'moatai diarlenamuin?
    rongailaigeis, cían roclos,
    ronbaithaigeis híPardos.
    1725] 'O roscarsatar arcuir
    nacharlén, a Lucifuir:
    triat'chuimleng itám hicacht,
    nichuingem dochomaitecht.
    1729] 'Nisinn rogab domaithius,
    nó rotchuir ot'firflathius,
    nisinn rothimgair fochlid
    dochor dodindgnaib richid.
    1733] 'Nisinn rogab nasosta
    batar fout, ahanfosta!
    nisinn rotscar frit'sluagu,
    frit'cheolu, frit'hilbuadu.
    1737] 'Nisinn dotrat fochairib
    ot'brúigib, ot'mormaigib,
    condatfil fodeilb Diabuil
    triabithu fobithphianaib.
    1741] 'Nisinn fotragluais donim,
    ahanbhuais! triat'imresain:
    nisinn rotscar frit'gnim cain,
    nisinn rogab th'airmitin.
    1745] 'Nisinn rotla ot'soillsib,
    fotrochess ot'mórchoimsib,


    dadotfail fodein toimdig
    imbithphein, imbithdorchib.
    1749] 'Dochumthocbail frírig recht
    iarfír dotrat in-amnert,
    fofuarais mor doduilgi
    triat'diummus, triat'anhuimli.
    1753] 'Cidtái diarfagail hifus
    huáir dorralaid oPhardus,
    ronslátais 'moarmbethaid nglain,
    donrátais icomrarcain.'
    1757] 'Incuman lat, a Adaim,
    nafuarus d'ulcc fotdagain?
    mochur domaig nimi nair,
    mabith fothrúaigi digraid.
    1761] 'Incuman lat, aAdaim,
    nafuárus d'ulcc fotdagain?
    mochur acomgnais angel
    in-hIffern ndúr ndáirdangen.
    1765] 'Incuman lat, aAdaim,
    nafuarus d'ulcc foddagain?
    mochur fochrithdelm chaire
    in-Iffern cet ngolgaire. {folio 23 b 1}
    1769] 'Incuman lat, a Adaim,
    nafuarus d'ulc foddagain?
    mochor aflaith Fiadat find
    itír síanbrat siriffirn.
    1773] 'Incuman lat, aAdaim,
    nafuarus d'ulcc triat'dagain?
    mobith fochiabair cengrad
    fodeilb Diabuil, fodóermam.
    1777] 'Incuman lat, aAdaim,
    nafuarus d'ulcc fot'dágain?
    niraba cenchith, cenchath,
    onló rodattuistigad.
    1781] 'Trúag a Adaim dodigail
    tríat 'dágain dún diblinaib,
    dochursu abrug Pharduis bil,
    ismochursa donaebnim.
    1785] 'Adfiasa duit cenbréc mbrais,
    orsam heolach set senchais,
    féib leir donralad donim,
    missi ocus tússu, a Adaim.
    1789] 'Diatarat Dia tinfed nglan
    dochum dochuirp ítalam,
    rodelgnad fricachduil tind
    inlá rodelbad t'anim.
    1793] 'Diarotchruthaiged coglé
    fochosmailius deilbi Dé,
    dian-erbrad fricach nduil ndil
    cotissed dot'airmitin.
    1797] 'Diarfáid Dia Michel donim
    cucut sechcach, áAdaim,
    conotruc foglanblad glan
    doadrad inDuleman.
    1801] 'O r'adrais rig narecht rinn
    Fiadait fír foroll forfind
    roidpart Dia cach nduil dein
    tribithu frit'airmitein.
    1805] 'Diarfóed Dia Michél cach
    con-angliu, con-archangliu,
    cotistais cenmerbi mod
    doadrad adeilbiseom.
    1809] 'Diarfaid Dia Michel, mod ngle,
    dochur cuarda secht nime,
    cotuc nói noebgraid inraith
    in-oendail cosinfirflaith.
    1813] 'Roraid Michel frim iarfír
    cotissainn d'adrad indrig,
    cenfuirech, cenchoised cath,
    combad me toisech tissad.
    1817] 'IArsain dodecad fodeoid
    laforngaire maith Michéoil,
    cotarrasar fom'niab glan
    hifiadnaissi inDuleman.
    1821] 'Rorádi rinn inri rán:


    'cluinid alucht nanoingd!
    tabraid uaib airmitiu glan
    dom'chomdeilbsi, doAdam.'
    1825] 'Roraid Michel frisinrig
    athesc firen cen dimbríg:
    'cóir docachgrad cocruth chain
    dochomdelbsu d'airmitain.'
    1829] 'Radimse friDia asmothas
    athesc feochair firamnas:
    'nach hé Adam, herim ngle,
    óssar nandúle n-uile?
    'In córu insinser iarsreith
    dodul d'adrad intsósair,
    fó insósar, cendalbad ndil,
    ischóir d'adrad intsinsir?
    'Roraid trian intsluaig cogle,
    eterangle isarchangle,
    roforgellsat fiadcachthur,
    'isfír forsta Lucifur.'
    1841] 'IArsain rorade guth Dé:
    'cluinte, a Lucifuir coglé!
    bidhe intsosar bashuasal
    cein beosa 'coadinduasad.'
    1845] 'Ciathíasat lucht noengrad cain
    diaairmitnigud Adaim,
    niragsa dó, digrais cruth,
    huair imsiniu hituistigud.
    1849] 'Romla fochetoir donim
    Día, triat'chinaid, aAdaim,
    iarfrithtuidecht damsa amne
    fathimna, friaforngaire.
    1853] 'Uair nádernsam cuibdi nglé
    nahuimli friaforngaire,
    ronfáid lín arsluaig
    cenbuaid indochum n-Iffirn.
    1857] 'A Adaim, ciabadhe dodúis,
    nimmanfacamar dognúis,
    triat'chinaid ronlad coglan
    donimib dochum talman.
    1861] 'IArsain tarrasarsu hifos
    dararn-essine hiPardos,
    basonmech duit ascachcruth
    manitissed cumscugud.
    1865] 'Rothacrus cogér iarsain
    tren doratus domenmain,
    missi hipíangubaib fogreis,
    tússu ingrianbrugaib Parduis. {folio 23 b 2}
    1869] 'Amrubart brec cofoigli
    frit fein, frit'mnai codailbi,
    ismaith amrorfus mogus
    conabtorlus aPhardus.
    1873] 'Atberim frit aithesc ndron,
    ancondníis d'ulc is d'herchol
    innim, hitalmain iartain,
    isfrit dogen, aÁdaim.
    1877] 'Mannerat cachni 'sinbiuth
    imdochlaind, imdochiniud,
    icathaib garbaib cenchleith,
    ingalraib, itedmannaib.'
    1881] O rofersat angriss nglain
    andíss ocan-imressain,
    dofuargaib Adam astsruth,
    rofáid uádaib Lucifur.
    1885] Bái Adam iarsain coglé
    bliadain forbruig betha ce,
    cennech n-aili, foendul feb,
    acht se oenur 'sa óenben.
    1889] Centorud tren, delm nglanna,
    acht fér, cuit nan-anmanna,
    cenbiad, centenid, centech,
    cennós, cencheol, cenhétach.


    1893] Ocool usci dabois builid,
    dodig (sic) forsnaglasluibib,
    hifoscadaig nacrann nglan,
    inhuamaib tírmaib talman.
    1897] Ruc Euá gein, cáin inbert,
    fochetoir rogab himthecht,
    maith atreoir trebair diathreib
    icbuain indféoir diaathair.
    1901] Fristoimsidir dath aball
    soillsidir óen naretlann,
    builid, ballda, bládmar, bras,
    badba, feochair, fíramnas.
    1905] 'ISmaith robai Dia rind,
    a hEua fossad, herfind!
    rombái mor domgáes hifus
    triabáes nach dotromarbus.'
    1909] Rogart Adam ainm diamac,
    Can27 garb, cróda, comnart;
    ranlin mebul ocus brath,
    duine dremun, discailteach.
    1913] O roairchis Dia fodeoid
    doÁdam ichithi indféoir,
    crichid imroraid coglan
    ismithig cobair d'Adam.
    1917] Foidis Dia Michel, mod nglan,
    donim dochum natalman,
    combríg cachthoraid
    is cosílaib écsamlaib.
    1921] Cotart doÁdam iarsreith
    friadanad cachsil sáindleith,
    iscor'thinchoisc dó cogle
    ordugud natrebaire.
    1925] Rosdechraig dó forlicc glain
    cachluib tricc ticc triathalmain,
    'sna huili aidmi corath
    batardaingne fritrebad.
    1929] IS rothaiselb dó iartain
    cech mil beo bái fortalmain,
    'dena frit'fognam coglan
    andomnad, andegdamnad.'
    1933] Secht mbliadna iarsain coglé
    coruc Euá gein n-aile,
    doAdam, bacain ingial,
    mac diarbochomainm Abial.
    1937] Togaide De, torum ngle,
    duine firien firfuirbthe,
    robai iarcomram De dil
    icfognam diathuistidib.
    1941] 'Dotharfas aslingge dam,'
    arsi, arEua friAdam,
    'fuil Abeil, condruine dein,
    dool huile doChaen.'
    1945] 'Tabair domenmain insain,
    amothigerna, aAdaim,
    huamun lam'cride, lam'cheill,
    Cán domarbad Abeil.'
    1949] 'A ben, cobérthair insain,
    madmaith laDia nderbdemein,
    nibíat in-oentaig frifes,
    biaid cach díb innathegdais.'
    1953] Dorigni Adam dáthech,
    tech docechtarde forleth,
    tech doChán, cain intrial,
    ocus tech aili d'Abial.
    1957] Foidis Día Gabrial nglan
    conderfis scéoil cohAdam,
    'Can ciar, garbdai, cenchéil,
    atá ictrial marbtha Abéil.
    1961] 'Acht nafinnad Eua húad
    inscel frifeba firthrúag,
    Can ibas dig diafuil,
    uair ismac diles Diabuil.
    1965] 'Nacumscaiged tra forcial
    ciamarbaid Can Abíal,


    rombia mac achrotha glain
    diamba comainm Seth saindil.'{folio 24 a 1}
    1969] Bretha doAdaum roclos,
    cengabud íarn28-immarbus,
    sechtmoga mac ladis dein
    achertchúmma d'ingenaib.
    1973] Ri thuargaib dámac Adaim,
    huasnatuathaib dermáraib,
    Abél ocus Can caín,
    conaclannaib comnartaib.
    1977] Ri rothidnacht dodoenib
    domun conadegmóinib,
    babuidech d'Abial ochein
    is badimdach doChaen.
    1981] Ri dorúasat oscachcruth
    nocoderna asídugud,
    Can cuilech, garg athríal,
    iarsin coromarb Abíal.
    1985] Dácét mbliadan, mellach miad,
    ised roposlán d'Abíal,
    nidalb, adfiadar ochéin,
    coromarbad oChaén.
    1989] Inrí roraidi iarsin
    rocachn-oen dichlaind Adaim,
    aracomaltis areir
    conaromarbtais Caen.
    1993] Ciphé nodmarba fonim
    Can isincinaidsin,
    nigebthar friagnimrad gal
    fair doberthar sechtdigal.
    1997] IArsain dorat mori réil
    comartha inchuil forCaen,
    arnabeth fochlith incol
    dobert cnocc foraheton.
    2001] IArsin bamarb Cán cenrad
    fescur inglind Iosofath,
    diamben crann crom codocht dron
    frisincnocc bái 'nahéton.
    2005] Huair dorochair Can ann
    inglinn Iosophath imgann,
    ata fochoibchi chaire
    centoirthi, centarbaige.
    2009] Ri dorat Seth soer iarcein
    d'Adaum inn-inad n-Abeil,
    conidhúad silsat iarsain
    clanna soera síl Adaim.
    2013] Cethracha bliadan, nibalb,
    adfiadar cenág n-ergarb,
    fofeth cengalar, cenchath,
    coragaib inSeth sílad.
    2017] Arcoimdiu gle corúinib
    bae ré rianaprimduilib,
    dorimgart corp dochrí chain
    inrí doridnacht talmain.
    Ri doridnacht talam tlacht.


    2021] Saegul Adaim, nirbogair,
    cenbaegul cofessabair,
    tricha dó, derb bai fó feib,
    arnoicétaib dobliadnaib.
    2025] IArsin tánic galar glan,
    feib tic docach, forAdam,
    robái frifeba cachthucht
    aben Eua friaiduct.
    2029] Rofitir Adam adáil,
    roráid fríEua findnáir,
    'roscarusa rut isrot'chlaind
    isdongalursa atbailim.'
    2033] 'Dirsan doDia, toirm nglan,'
    arsi, arEua friAdam,


    'nachbisiu fricete 29 ifus,
    nachmissi téite arthuus.
    2037] 'Monuar isdochloemchlod chain,'
    arsí, arEua, 'aAdaim!
    missi trúag cennert hifus,
    tussu dothecht arthuus.'
    2041] 'A Euá gleir crotha glain,
    tabair coleir dot'menmain,
    nocobia nacein isgle
    sunn ipein darm'éssese.
    2045] 'ISgarit ciabe cenbrath
    re robáe eterarcruthad,
    nibia fogriis, isgne ngle.
    achtimís darm'hessese.'
    2049] 'Abbair frim cenlocht, afir,
    cid dogéin frit'chorp coemdil?
    arisderb lat t'éc dishain,
    amothigerna, aAdaim!'
    2053] 'Nachamtaidled cos nalam,
    natath duini domhétran,
    cotistar oDia donim
    d'ordugud mochuirp coemdil.
    2057] 'Lecid mochorp, cain inmod,
    innachacht cenchumscugud,
    derb limm lessaigfid mochrí
    insaerdenmaid domrigní.
    2061] 'Érig, ahEua cogrinn,
    ocus heirg itchrosfigill,
    foid huait fordeis Dé, aben,
    m'anim cogle fornaebnem.
    2065] 'Indanim dorigni Día dam
    hé rostimgair coinglan,
    taet cuce cohuag diathreib
    icoemthecht sluáig doangleib. {folio 24 a 2}
    2069] 'Aben nimdana iarfir
    immadala modegríg,
    indferg dorigni, réim ngle,
    bann baide ocus trócaire.
    2073] 'Attaig, Eua, inríg ráin,
    coti iarfeba im'chomdáil,
    menithí frim'dichial nden
    cotí Michial archangel.'
    2077] Atraig Eua, insoe forlar,
    congul cogoe, codermar,
    frire n-uare nodossaig
    cotruaigi, conderfadaig.
    2081] 'Arco-fuin damsa, amorí!'
    arsi, arEua cocoemlí.
    'incoir iarth'adrad hifus
    dún labrad hit'frecnarcus?
    'Meit mochuil, met mophectha,
    manimbé set sirhettla,
    menitabra dilgud dam
    nochomtha labra langlan.'
    2089] Fillid aglúni forlar
    Eua truag durí chomrád,
    'frit arí richid moder
    conomthi inmilid Michel.
    2093] 'Doglanad anma Adaim
    diascarad friadualchaib,
    dia imthus, iarndul forcel,
    cori arbri archangel.'
    2097] 'Erig, aEua, donlár,
    glerib rochlos dochomrád:
    rosiacht dind richid doscel,
    dotriacht inmilid Michel.
    2101] 'Dochuaid aanim ochurp
    Adaim, haEua coemcucht!
    coraig cen grain, cain in dúis,
    coda dílaim, achoemgnuis !'
    2105] Dodechaid Euá iartain


    coluath indochum n-Adaim,
    cofuair Ádam, met ngrada,
    centinfissin n-anala.
    2109] Uair nacuala cocruth chain
    guth Adaim diaacallaim,
    roscloi aciall cenchoimsi
    fricoi cian, frisirthoirsi.
    2113] 'A Eua, tocaib dorosc
    ocus daim dun dothinchosc;
    suidig th'imcaisin ngeir nglain
    súas coleir donanemdaib.
    2117] 'A ben, tocaib dognuis nglain
    dodescin anma Adaim,
    feib immurchurthir cogel
    eterarbri archangel.'
    2121] IMsoidi Eua iarsain
    dodescain anman Adaim,
    confacca inn-anmain cóem ciuin
    Adaim icoemthecht Michiuil.
    2125] Intan bai Eua iartain
    icaithni anma Adaim,
    confacca chuici íarsetaib
    sluag n-angel coclasschetlaib.
    2129] Confacca Eua riastsluag
    saraphin, saer ahimluad,
    cain intretel dofórgaib
    cotrib hettib forórdaib.
    2133] Confacca Euá iarsin,
    iarsindaeor donoebnim,
    friataitnemchi rosochta,
    tri heoin gela etrochta.
    2137] Intan bái icdeiscin nan-én
    Eua féssin cenimlén,
    amal ruithni dogrein glain
    forfemid an-imcasain.
    2141] Rochlos inchlas conem nél
    nanoebangel imMichél,
    rosernsat sreith cosúairc sein
    'macuaird immaltoir n-Adaim.
    2145] Congabsat claschetal coir
    indángeil immonaltóir,
    roloiscset luib fiadcachdrung
    dianidainm ornamentum.
    2149] Rosined indethach thren
    codiriuch triasinn-ahér,
    cor'oslaic, cenchoimsi ngle,
    doirsi nafirmiminte.
    2153] Conoebthanic Dia donim
    dofrestul anma Adaim,
    inrigruiri uascachdu,
    condessid 'narigsuidiu.
    2157] Luid fiadinrig ran reim ndein,
    oenangel án doangleib,
    sephain cogrinn coel nglain ngil,
    bái athoirm dind fo secht nimib,
    2161] Foguth inchuirn, cohog án,
    doluid slog na nói noebgrad:
    batar fírdruine acliar glan
    fiadrigsuide inDuileman.
    2165] Concanat, cainiu rétaib,
    fochliaraib, fochlaschétlaib.
    isbennachta incachthan
    ardrí nan-uile n-adbar. {folio 24 b 1}
    2169] Roslechtatar huili iarlar
    sluag n-uag nan-angel noebnár:
    rogadatar coDia ndil
    imdilgud cinad Adaim.
    2173] 'Dochomdelbaid, amori,
    tú doruassat donephni:
    heralmit fort, comul ngle,
    ardodeirc, ardothrocaire.'
    2177] IArsain rofáid inri ruad
    saraphin cohoponn uad,


    iarleittreib rotoeb naslóg
    cosnahettib dodergór
    Coragaib anmain cenches
    Ádaim coroda bades,
    isruth nasirdrung nasnau
    indatinum ciriasu.
    2185] Cotuc lais anmain ngil nglain
    Ádaim amlaid asruthsain,
    orosuidig marthuis tan
    fiadagnuis inDuleman.
    2189] Fodoralaid fein forlár
    anim Adaim cocoemgrád,
    'naligu, fiadinrig ruad,
    bái friré teora pmhuar.
    2193] Cotarat inri iarsain
    laim fochenn anma Adaim,
    cennachcathim, cáin inscel,
    corosathin doMichél.
    2197] 'Nibadicheoil, toraind ngle,
    aMichéoil, famórgaire,
    anim Adaim sunn ifus
    rodosamaig hiPardus.
    2201] 'Beir inn-anmain ngil nglain
    Adaim áin conaairbrib:
    suidig fodiglaim cengreis
    isintresrígrainn Parduis.
    2205] 'In tertio caelo', arDia,
    'dianidainm Ficconicia,
    bid ann centaidbsin pene
    coamsir nahesseirge.'
    2209] Nahuili grada cachdú,
    eterangliu isarchaingliu,
    babind aclasschetal nglan
    icmolad inDuleman.
    2213] Ardilgud d'anmain Adaim
    diaphecthaib, diadualchaib,
    arabrith cengrisse ngress
    arisse dochum Parduis.
    2217] Ola thrócaire duib sunn
    isindluib ornamentum,
    tabartar imchorp n-Adaim
    diaglanad diadualchaib.
    2221] Tri hanairt slana, soer sain,
    ecortar imchorp n-Adaim,
    ocus atnagar coléir
    fritaeb adnacuil Abeil.
    2225] Corp arsenathar Adaim,
    iarn-eladnaib ildánaib,
    ochéin fogarbchacht báis brón,
    coroadnacht in-Ebrón.
    2229] Robai ann fothromthur thenn
    cotoracht tonngur ndilenn,
    corp Adaim fodalaib dron
    congradaib 'naadnacol.
    2233] Trethan dilenn oscachmaig
    ismor n-írenn rocechlaid,
    dothuc doAdaum achenn
    coruc coHierusalem.
    2237] IArsain tarrasair incenn
    indorus Hierusalem:
    centrist roclannad iartain
    croch Crist icolaind Adaim
    Ianus30 arthus trianarath
    torogart ainm De Athar,
    ocus Noe, nassad ndil,
    cétnadarinnscan arim.
    2245] Nocorogenair fonim,
    dochiniud Eua isAdaim,
    duine badchoimiu, corp criad,
    inda Noe mac Lamiach.
    2249] Cethrur gelda, gnimraid gúir,
    febdai adfet inscriptuir,
    sinium saegul oscachmaig
    batar 'sindaimsir toisig.


    2253] Mathussalem, érim ngrinn,
    bahe ingradgemm riandilinn,
    Noe, Sem slán, balaech liath,
    isinmael Melchisediach.
    2257] Ochtmbliadna sescat, niscail,
    arnóicetaib dibliadnaib,
    cenbaigul raith, rethaib renn,
    saegul maith Mathussalem.
    2261] Coic cét bliadan iarngaes gle
    issed robae in-aes Noe,
    intan breth do clann, cain miad,
    Sem, Cham ocus Iafiath.
    2265] Tan tanic diliu, delm n-uag,
    darsinmbith, darsinmorsluag,
    issed bai in-aes Noe cenchlith
    secét caini doblíadnaib.{folio 24 b 2}
    2269] Secht lá cethrachat ar cét
    bái Noe 'naairc, ba derbret31,
    iarndilinn triamna comblait,
    bai tri cét bliadan archoicait.
    2273] Noifichit secht mbliadan bind
    bai Sem mac Noe riandilinn,
    ado trifichit cotgaib
    iarndilinn arcoiccétaib.
    2277] Melchisidech, saigtis slúaig,
    anaimthis incachglanbuaid,
    iarset cenbaegul cotgaib
    sáegul secét dobliadnaib.
    2281] Ri rodrósat oscachrainn
    dechnebur dóib donchetclaind,
    innandalaib, tolaib grinn,
    otha Adaum codilinn.
    2285] Adam la Seth, srethaib iath,
    Ianus, Cainan, Malaliach,
    Iareth fial, fichtib rót,
    ocus int-amra Enóc.
    2289] Mathusalem, sercc nasluag,
    ocus Lamech, linib luad,
    ocus Noe, noithech trell,
    rosnái uastonnaib dílenn.
    2293] O Adam, herbág arclann,
    cotarscur ndermar ndilenn
    deichfichit bliadan, buaid mbil,
    cethri deich ardibmílib.
    2297] Otha dilind, troeta sluag,
    coAbram n-amra n-adruad
    ado sescat, sliucht cenchlith,
    dobliadnaib arnóicétib.
    2301] O Adam coAbram n-án,
    congradaib glanmam comlán,
    trimili miadbla imchloi nglicc
    cethri bliadna isnoifichit.
    2305] O Abram, cenbaisi becht,
    cotanic Moisi ahEgept,
    nisechnada forcheill cain,
    cethracha archoiccétaib.
    2309] O Adam, cenbassi bruig,
    coluid Moisi Muir Romuir,
    ocht bliadna fochet foli
    secht cet isteoramili.
    2313] Otha Moise, monor ngle,
    coDauid macc n-Iesse,
    cenbet, cenbaegul32 cotgaib,
    saegul coic cet dobliadnaib.
    2317] Otha Adam, comul ngle,
    coDuid mac n-Iesse
    cethri bliadna sescat slig
    archet archethramilib.
    2321] Otha Dauid, cenbaig mbróin,
    condici brait Babiloin
    sesca noimbliadna buana


    ocus cóic cét cohuaga.
    2325] Otha Adam cosinbrait
    Babiloin bai foblathblait,
    noimbliadna cethrachat gní
    secht cet cetheoramíli.
    2329] Otha inbrait, brechta rainn,
    cotuttacht Crist icolaind
    coic cét, ciaragla (sic) cachalt,
    ocus sé bliadna sescat.
    2333] Mad oAdam docachslóg,
    congénair mac De dimór
    cóic míli iscét, cialla cacht,
    ocus sé bliadna nochat.
    2337] O gein Crist, cétlach cét mbla,
    cohár cetach nacethra
    mili fonóibriaguil recht
    acht dioenbliadain deec.
    2341] O Adam nanglorgrad ngle
    comórár nan-indile
    se mili, mod ngialta nglicc,
    cethribliadna nóifichit.
    2345] Tan tanic indigail truag
    forhinnilib nan-iltuath,
    citnirig rechta, reim ndein,
    robatar 'sindamsirsin?
    In-amsir Cinaeda cain
    meicc Maelcholaim for Albain,
    forherainn cenlethrainn lainn
    doChinaed mac Maelcholaim.
    2353] Ocus Briain for Mumain maiss,
    Donncad for Laigniu lanbrais,
    isCathal for Cruachain chain,
    ocus Eochaid forhUltaib.
    2357] IS Fergal nan-airech n-ell
    for Ailech rebrach Rigrenn,
    mac Conaing, meic Neill congail,
    flaithri sluagach sil Eogain,
    2361] Ocus Dubdaletha lóir
    forsretha sil hErimóin,
    súi cosaidbri segtai rainn
    osmur maigni meic Alprainn.
    2365] Othalinus, línib slog,
    bamac donOtha hermor,
    baforngairthid uascachmaig
    inresin doRómanchaib.{folio 25 a 1}
    2369] Batar dárig, reil asliucht,
    for nadathír immuir n-Iucht,
    Hlothair for Franccaib congail
    ishEtgair for Saxanaib.
    2373] IS Maelcoluim, cetaib ngal,
    riambuidnib broga Bretan,
    congelgart cechcomlainn cain,
    degmac Domnaill meic Eogain.
    2377] ISsindaimsirsin, cet glonn,
    robái longas nacúllom,
    hicsaigid forcachgním ngarg
    Danair atírib Danmarg.
    2381] Ohsain cobráth, brígach beirt,
    nidamsnímach etercheirt,
    nifail innim nach hicrí
    tuccas sain acht monaebri.
    2385] Ardri grene, gle roclos,
    ishé dorigne Phardos,
    isferr cachrig, rigda achruth,
    nifail crich forasaegul.
    Saegul Adaim nirbugair.


    2389] Ri rorádi frisil Seth
    comet angnim cocomtren,
    cenoentaid immuich nataig
    friclainn Can miscadaig.
    Cendula darséis nosmacht


    dartimna indrig dorosat,
    foriagail roithenaig réil
    cenchardes friclaind Caen.
    2397] Cenimcloemclod, maine mass,
    cenluige, cenlanamnas,
    cenchuibdi clethi no cuil,
    'céin bethi fordruing33 domuin.'
    2401] Roaintadaigsetar iarcein
    sil Seth ocus clann Caen,
    corothuismiset iartain
    trenfir ocus trenchoraid.
    2405] Clann Chan ocus sil Seth
    roóentaigset cocomthren,
    condeochatar darcachsmacht
    d'adrad idal isarracht.
    2409] Romiscnigsetar Dia ndron
    achlanna cenimmardol,
    corochinn iarnangnimaib
    atabairt fothromdigail.
    2413] Inri corath ríge drong
    frisnagaib cath no comlonn,
    cain conoibi, blaith alii,
    ferr cach ríg rí roradi.
    Ri roraidi frisil seth.


    2417] Ri roraide athesc n-an
    friNoe nassad n-imlán:
    'sil Seth dochótar darm'reir
    hiclemnas clainni Caen.
    2421] 'Rochummaiscset ciabtarglain
    friclaind Cán miscadaig:
    romsaraigset ascachcruth:
    dursan dam atuistigud.
    2425] 'Huair dochuatar darmosmacht
    coclaind Can cet n-arracht,
    dardreich ndomuin, tromsruth tenn
    dolecub tonngur ndilenn.
    2429] 'Dilegfat claind Adaim huaig
    cobrugib betha balcbuain,
    dosbér uili imbas imbath
    otha turcbail cofuined.
    2433] 'Acht Noe ochtur diathreib
    nilécim doclaind Adaim,
    imbethaid doshin nahóc
    acht infer amra Enóc.'
    2437] Mori dorosat cachtreib
    robae ré rianaaingleib,
    arrohet cachri cengrain cest,
    inri roraid inn-athesc.
    Ri roraidi athesc n-an.


    2441] 'Cluin, a Noe noithig, cenlen,
    doticfa diliu trom, trén:
    'dentar lat, frisrethad slóg,
    hethar dírecra dimór.
    2445] 'Adluthath tarbach iartain
    dobii isdobitomain.
    dofid Lebain, línib clár,
    trethaebledach trén, dermar.
    2449] 'Coica cubat, nignim grach,
    isintaibled ichtarach,
    cethorcha 'sinmedon mud
    isintricha 'sinduachtaruch.
    2453] 'Cethrib sostaib, slicht 'sindaircc,
    odrumlurgain codrumslait,
    sesrachaib sreth soer triablait
    conespadaib oenchubait.
    2457] 'Comet centoirsi, centór,
    atoimsi cenimfordol,
    afot, alethet, luad ngle,
    eter isle ocus ardde.
    2461] 'Coica cubat, gnim cenbáes,


    innalethet centogaes:{folio 25 a 2}trichét cubat, comul nglan,
    hed bad fot adrumlurgan.
    2465] 'Tricha coir cubat cenchleith
    innahairde icomsreith,
    frisruam sniges donim noeb
    adorus assafirthoeb.
    2469] 'Senistir fritoimsi dein,
    frisoilsi, friimcaissin,
    innahairdde armosmacht
    cenforcraid acht oenchubat.
    2473] 'Hilar n-adba n-amra n-úag
    caingnim glanbda friaimluad,
    srethaib sretta frisid sain
    lin leptha dolanamnaib.'
    2477] Ri rothimgair imcach mbuaid,
    romiscnig fingail forrúaid:
    nitlaith rotuaslaig delm de,
    roraid 'nachluasaib 'cluinte.'
    'Cluin, aNóe noithig cenlen'


    2481] Ri roraidi friNoe nar:
    'heirg isinn-ethar n-imslan,
    tu isdothrimeic namma,
    ocus forcethri cáinmna.'
    2485] Percoba, cainiu cachfiach,
    setig Noe meicc Lamhiach,
    mna natrimac, monar ngle
    Olla, Oliua, Oliuane.
    2489] Sessiur doclainn, cain amíad,
    batar icNoe mac Lamíach,
    trimeicc mathi, milib lá,
    ocus teora ingena.
    2493] Sem saer asinser, sliucht ngle,
    innaclainni cruthaige:
    genatar fritindrem tlacht
    ingen etercach n-oenmacc.
    2497] Olla ben Sem, soer friaháil,
    Oliua ben Chaim choemnáir,
    Oliuana, baigthi treith,
    asósser ben Iafeith.
    2501] Ri dorimmart, nisluag suail,
    inairc Noe foroenhuáir,
    dineoch rothecht muir istir,
    lanamain cachoenmil.
    2505] Innán-adbaib, bág cenail,
    ba sluag mor dolanamnaib,
    conalóintib, lathar ngle,
    isdiambiadaib techtaide.
    2509] O rolínad indarc huag
    robái indigal forimluad:
    adfiadar fír, fo-rum ngle,
    babriathar rig roraide.
    Ri roraidi friNoe nar.


    2513] Ri tharlaic sruthlind snamaig
    dodilgenn clainni Adaim
    acht oenchethrur fer namma,
    ocus acethri óenmna.
    2517] Ocus Enoc crabuid guir,
    amal adfiad inscriptuir,
    aoenur othuinn dothuinn,
    amal cachn-ethait etruim.
    2521] Snegdatar sruamma donim,
    romebdatar triathalmain,
    fortuili doib, tola ngle,
    cethracha lá ocus aidche.
    2525] Airdde nadilenn olar,
    feib adfet scribenn cóemnar,


    cuicprimchubait dec cencleith
    rosiacht suas osnaslebib.
    2529] Intan conscerthar cachndúil,
    amal adfet inscriptúir,
    ishe airet sain rosaig
    lassar lái brátha brethaig.
    2533] Donech robai imbethaid bi
    dorosat Dia hicoemchrí,
    dosrat indiliu fothracht
    acht inrothecht indoenbarcc.
    2537] Ri nimi nair, nassad nglé,
    rí conic traig istuile,
    ártuassi cachmbrig, cachmbrait,
    huaisle cachri ri tarlaic.
    Ri tharlaic sruthlinn snamaig.


    2541] Ri sáer rodosás cogle
    Noe lin amuintire,
    cethracha archet lathi lenn,
    diambai fothonnaib dílenn.
    2545] IArsain rogab techt forcúl
    indiliu troeta tremúr,
    rorathaig Noe nangabud
    indfairge doimthragud.
    2549] Fóidid Noe thechtaire uad,
    infiach fechtaide fonnluath,
    dus infagba sliab no srath
    no iath forsatarrasad.
    2553] O fuair fíach abiad fodéin
    immaig forcarraic, forsleib,
    forachulu cosceol gle
    nithanic doridise.{folio 25 b 1}
    2557] Huanduair thall Noe acheill de
    dondfiuch dub delaidi,
    conacart fein, febda bainn,
    iarsain cuca incolaim.
    2561] Ri cengrain, cengris, cengreiss,
    nimfail bith innaheisleis,
    nicli choel, iscoem ali,
    inri saer rodosassai.
    Ri sáer rodosas cogle.


    2565] Foidis Noe incolum nglan
    uad forinlinnmuir n-allmár,
    dus infagbad, hérimm ngrinn,
    talmain trein tarbaig tírimm.
    2569] Focheird incolum cuairt ngle,
    iartimnu, iarforngaire,
    cotoracht inn-aircc cenbrath
    nifuair ait forstarrasad.
    2573] Roreraig Noe uad alaim
    arcenn incolaim coemnáir,
    cotuc cucai amuig, mod ngle,
    combai im-medon nahaircce.
    2577] Combái Noe sechtmain iarsain
    centaidbsin, cenimcasin,
    dibith buan acht fairggi fraig
    dithuaith nótir no talmain.
    2581] ISsindochtmad lathi lainn
    idid Noe uad incolaim,
    dús infagbad diachuaird chain
    taidbsiu dothir natalmain.
    2585] IArtrath nona, noithi máil,
    tic incolum 'nachomdáil,
    dochum Noe, nassad ndil,
    iscroeb dophailm 'nabelaib.
    2589] Maritconnairc Noe fodeoid
    inphailm ingulbaun indeoin,
    roderb lais, lith cennachcol,
    dochuaid diliu dondomon.
    2593] Roattlaig buidi dondríg


    robáid inmbith conabrig,
    arasoerad, srethaib sell,
    dothonngur dermor dilenn.
    2597] Huair nachtoracht tren infiach
    cofis scél domac Lamiach,
    ishé fath incholuim gle
    iarsain rofaidi Noe.
    Foidis Noe incolum nglan.


    2601] Tarrasair, batromm, indarcc,
    amalbis long forfoentracht,
    foglere roslessaig Dia
    forslessaib slebi Armenia.
    2605] Ri roforcongart cogle
    forNoe lucht nahairce
    athuidecht immach coglan
    asindairc dochum talman.
    2609] IArtuidecht doib asindaircc
    ri roraid friu foroenaitt:
    'nabarsílaid frisid sain,
    linaid inhuili talmain.'
    2613] InDecimbir kalainn, cáin benn,
    luid Noe fortonnaib dilenn,
    iquint-kalainn Mai iarndia
    doluid forsleib Armenia.
    2617] Adropart Noe, nuall cencleith,
    edpart uag uad donComdid,
    frifegad cachdruing dorhell
    iarternam dothuinn dilenn.
    2621] In rí roradi iarsain
    friNoe conachaemclannaib:
    'toirthi indomuin docechleith
    taírcaid, tomlid, tinolaid.
    2625] 'Nibartorbae, érim n-uag,
    diliu thromm troeta trensluag,
    hicein atchethi uascachmaig
    intuaig nimi n-illdathaig.'
    2629] Mori niclethach cenchrad
    rofallnai inn-ethar ndermar,
    orian dorian, foraig thaig,
    cosinsliab forstarrasair.
    Tarrasair, batrom, indaircc.


    2633] Ri rotidnacht bith mbuidech,
    otha turcbail cofuined,
    mainib maccraid, mo cachfiach,
    dotrib maccaib meic Lamiach.
    2637] Ri rodelb dreich domuin duinn,
    roselb sreith sobáil saerdrúing,
    rohuc cendith, fochucht chert,
    acrich iarfut, iarlethet.
    2641] Crich talman cechcruth imracht,
    brig bladmar, bruthmar, breccbárc,
    orían Deprofane anair
    síar co colomnaib Herccail.
    2645] A lethet, atuaid fades
    diafethet buáid nadimchres,
    oRiphi rigtreib imra
    codithreib nan-Etheopda.
    2649] Mori, nachdoimm diachlannaib,
    raroinn itribrigrannaib, {folio 25 b 2}roainmnig ingleochuaird glicc
    Assia, Eoraip issAffricc.
    2653] Ri dorat Eoraip nan-iath
    dochlainn amra Iafiath,
    cotuasciurt n-Assia triablait.
    cosrethaib srotha Eofrait.
    2657] Ri rothidnacht dochlainn Chaim
    inn-Affraic n-uasail n-imslain,
    cosin Romuir, ruathur cert,


    eter Assia ocus hEgept.
    2661] Saerchlann Sem diatarat Dia
    primrann airegda Assia,
    osruth n-Eofrait, nímtha sain,
    cocricha airthir domuin.
    2665] Coicmeic deec, digrais scel,
    robatar laIafeth,
    asecht fichet laSem slan,
    iscuiciur laCam coemnar.
    2669] Ciabeit fribrig mbladmair mbrais
    indríg óstalmain telglais,
    ferr cachrig rindbalcc nareth
    ri doridnacht bith mbuidech.
    Ri doridnacht bith mbuidech.


    2673] Sluáig sil Adaim, aidbli druing,
    condanaib domuin dessduind,
    rodomnad, ostrebaib dal,
    dofognam Demuin codermar.
    2677] Ondairiur astorgaib grian
    cofuiniud, forgal fírian,
    rodamnad, fodigail dacht,
    d'adrad hidal isarracht.
    2681] Onduair atbath Noe nar
    coaimsir n-aurdairc n-Abram,
    nifrith dib oenfer foleith
    nohetraiged inCoimdeid.
    2685] Rodiultsat an-Dia ndil,
    roliunsat infirchretim,
    tair ocus tiar, tess is tuaid,
    rodasgab cess conglanbuaid.
    2689] Arcathbarr cenduithi dath,
    isbrathlang brúithi bidbad,
    nidúi doi indrongaib artuath,
    arsúi soi slonnaib srethsluag.
    Sluag sil Adaim, aidbli druing.


    2693] Rogenair fer maith combuaid
    fonél cachnaith Nemruaid,
    focan scel cachdrung dualaig,
    robotrén foriltuathaib.
    2697] Nemruad sein, mac Ceo, meic Caim,
    tuargaib agleo comorgin,
    gnim tuir othalmain cenmeth,
    corissed lais inriched.
    2701] Ropomilid, milib gal,
    ropfoglainntid, ropfelsam,
    ecnaid ermaith cachdana,
    ropóhergnaid ilgrada.
    2705] Lais cetnaairnecht insain
    arthús dochlannaib Adaim,
    athomus coglé conglain
    indre eternem istalmain.
    2709] Doroemaidir, bith combuaid,
    anair, siar, fodes, fothuaid,
    tirib, tuathaib, tolaib sreth,
    mílib, stadib, linib leth.
    2713] Senchaidi sil Adaim ain
    targclamtha lais in-oendail,
    scela dochein leo roclos,
    feib réil rolathi aPardos.
    2717] Feib rothimgair Can cíar
    cetnafingail forAbíal,
    feib rodiglad, scél doléir,
    forsil Seth, forclaind Caen.
    2721] Acht Noe aochtur fobrón,
    'nahethur luchtmar lermór,
    clann Can, sil Seth nasen,
    dorigni indiliu andilgen.
    2725] Frithalem rig nimi nél,
    flaith cachafini firthrén,
    nitharda fornn, delm triagail,


    digail seirb seirgthig samlaid.
    2729] 'Gabaid mochomairle nglain,'
    arNebrúad friclainn Adaim,
    'forbeir fornem, nassad ngrinn,
    ocus nobsaerfa ardilinn.'
    2733] Maithgein mairre mo cachmiad,
    cathgeib congaire goríad,
    ingrian gluair goires cachngair,
    cenmair tuaith diarogenair.
    Rogenair fer maith combuaid.


    2737] Rochomarleicsetar iarsain
    airig sil uaibrig Adaim:
    'ropadferr dun, tola gle,
    techt 'narcorp dochum nime.
    2741] 'Turcbam tor ndermor olár,
    denam friDia comthocbal,
    gniad cach huan immasech,
    beram conoibi nemthech. {folio 26 a 1}
    2745] 'Acht rissam nemthech ndaingen
    in-oentaid nanoebangel,
    nirtora diliu, tren all,
    isdemin nachhepelam.'
    2749] Forcongair Nemrúad forcach,
    conglonnaib gelgrúad coemrád,
    athuidmi, frigaile ngair,
    frimuinbi maigi Sennair.
    2753] Sennar mac Sem, srothaib iath,
    hua doNoe mac Lamiach,
    sechtmad mac fichet Seim slain,
    oroainmniged mag Sennair.
    2757] Dorinolsatar intsluaig
    dogním tuir noithig Nemruaid,
    túargabad, batren indail,
    coriacht súas osnanélaib.
    2761] Inri nadrelic doib sain
    rostairmesc tria hilberlaib,
    conatucad nech cogle
    cid notharged diaraile.
    2765] Ri dorat oenberla doib
    riacumtauch intuir Nemróid,
    roemnastar doib triagart
    comtar ado sechtmogat.
    2769] Ri dorigni scail intsluaig,
    hé rothairmesc tor Nemruáid,
    dochuaid glaini ahergnai
    dochoemthecht achomberlai.
    2773] Ri rodechraig claind Adaim
    archéill, archruth, argradaib,
    nihairim claen, cain insmacht,
    dachenel saer sechtmogat.
    2777] IArcomarlib Nemruaid nair
    cosonardib nasaerdáil,
    cenlen istrén rodamert
    inscel rochomarleicset.
    Rochomarleicsetar iarsain.


    2781] Ri rochar Abel nan-iath,
    Seth, Noe, Melchisediach,
    Enoc ocus Loth, lith lan,
    ocus int-amra Abram.
    2785] Rí doraiga Abram n-án
    arfírinni aoenuran,
    sechsluag sil Adaim nangal
    batar icadrad idal.
    2789] Rothairnger d'Abram cechmbuaid
    arathuidecht omorthuaid,
    aradula leis fodess,
    rambiad tír bithdiless.
    2793] Ri rothidnacht do tír Caim


    ocus clárbruigi Cannáin,
    comba forba dó iartain
    diaclannaib, diachenélaib.
    2797] Ri lasindeochaid fodess
    condnanacair34 ambithles,
    luid lais Loth, linib lathar,
    fodes, mac aderbrathar.
    2801] Ri ránic doglinn Mamrai
    dothegdais Abraim amrai
    fodeilb tríir, digrais insmacht,
    diatormailt inn-oegidacht.
    2805] Ri asbert friSarrai slan
    noberad mac doAbram,
    forbertais achlann iartain
    comtis leir fíadgenemain.
    2809] Ri rosaer Loth conachlaind
    diasai inmnái icoirthi salaind,
    diatard digail, deilm n-amra,
    forcathracha Sodomda.
    2813] Ri rodail d'Abrám cechtoir,
    domac Thaire meic Nachóir,
    romsaera forcrochad pían,
    ri reil rorochar Abial.
    Ri rochar Abial nan-iath.


    2817] Ri dorat d'Abram insin
    frisilad, frisírtuistin35,
    isairdirc, fobetha barc,
    mac diarbochomainm Isac.
    2821] Ri dorat d'Isaac, babuaid,
    ocus doingin Bathuail,
    uaidib genatar, lith lor,
    Issau ocus Iacob.
    2825] ISsau slechtach, slicht imracht,
    roboserccach laIssác,
    isIacob, con-idnaib ail,
    ropoinmain líamathair.
    2829] ISsac fridead n-aissi,
    glead gnima glangaisse,
    badluim degóir, dramm datta,
    basenóir dall dinerta.
    2833] Rogaid séire foramac
    cenleire, linib legart,
    forIssau cofargbad ail,
    cotarddad abennachtain.
    2837] Bai Rabecca iccloistecht fris,
    ingen Bathúail ceneislis,
    coruc ahoscor coglan
    dochosnom nabennachtan.{folio 26 a 2}
    2841] Inhed bái Issau ictriall immach
    'sin sliab iarfír frifiadach,
    doluid inben triahet n-og
    cotrét nooisce Iacob.
    2845] Goromarb menn moeth immaig,
    rodmberb fofeth dolubaib,
    gnim dían conglére imracht
    corothriall sére d'Isaac.
    2849] Rofuaig crocenn inmind móir
    triabáig imlaim n-Iacóib,
    fochosmailius lama Issau,
    gnim dana ciarb'immargú.
    2853] Rolathair coluath, lith n-og,
    amathair doIacob,
    asraracht centreithi tracht,
    cotarat seire d'Issác.
    2857] Tan rucad intsére dron
    coIssaac diachubuchol,
    richt Issú sluagach, slicht n-óg,
    bahuamnach laIacób.
    2861] 'Fail sunn sére sainglicc sláin


    duit, ameic airdirc Abráim,
    laIssau saergrinn, srethaib sluaig,
    lat'mac n-oebind con-ilbúaid.'
    2865] 'Nician bai hlssau icseilgc,
    manidgau dó triachoemcheilg,
    mochthánic astsleib isgle
    mase thuc insérese.'
    2869] 'ISme dorigni inseilgc séig
    forsinchétnaleirg dontsléib,
    fuair hifocus, gleiri gair,
    adbar seire dom' athair.'
    2873] 'Nabi icimrigi forbuáid,
    ameic ingini Bathúail [excl ]
    nithu Issau semnach naslóg,
    acht istú int-engach Iacób.'
    2877] 'Nacathaig frim, asruith ran,
    aathair, ameic Abram,
    frit' seircc ngraidgrinn ismé Issau,
    fritt niráidim immargau.
    2881] 'Tuc huait friimdel n-achtach
    dam doláim dialámachtad,
    cofessur cogle ingnim n-óg
    inhe Issau no inne Iacob.'
    2885] 'Gia dobér molaim it'laim,
    nichel, atu hit' choemdáil,
    atatgen, istú rommalt,
    tren dogní mochumtabart.
    2889] 'DomacIssau, irgna buaid,
    ocus ingen binn Bathuail,
    doig ambith foaengne gle,
    coir doib ciabtis cosmaile.'
    2893] 'Bess isshé Issau, slicht n-og,
    bess noconhé Iacob,
    bess isglé m'esbaid im'gaes,
    bess ismé fil fortogaes.'
    2897] Senfoccul sein ochéin móir,
    lacachsruith, lacachsenóir,
    nimedar mall immasech,
    achtcorbdall bidamarsech.
    2901] Duni truag, docharda, dall,
    loburda, lubrach, lanmall,
    olcc athairsin imgaes ngle,
    iarscaichsin achétfaide.
    2905] 'Tomail inséire soer, sláin,
    anoeib, ameic ain Abraim [excl ]
    hith dochuit frit' gnássad nglain,
    duit ropsásad sainemail.'
    2909] Dorumalt Isáac iarsain
    inséire cosobarthain,
    tuargaib adílaim atraig
    isródail abennachtain.
    2913] inib glangrad, cruth imracht,
    eter Abram is Isaac,
    inbennacht targbad dontslóg
    cotarddad do Iacób.
    2917] Dasechtmbliadna, cenbaes mbroin,
    issed bái in-aes Iacoib,
    cain adrann cachtucht rothecht
    intan ruc inprimchinnecht.
    2921] Huair dorat inséire sáim
    diaathair domacAbraim,
    arhuamun abráthar diabrath
    nifitir cid dogenad.
    2925] Asbert fris amathair maith:
    'heirg forteched riat' brathair,
    caemgnim caindelbda cengrain,
    cotreib lainderda Labain.'
    2929] Luidis Iacob conabuaid
    dothig Labain meic Bathuail,
    bacain condolbtha cenbrath
    inbaid lommartha cairech.
    2933] IArsain condasfuair immaig,
    itoeb indliss lainnerda,
    diingin congili andath,


    cenbini ocnigi acairach.
    2937] Até batar ann fofeib,
    fiadchuirib clann ocáireib,
    imgil, cenglora, cengrain,
    díingin lola Labain.{folio 26 b 1 }
    2941] Roraid friu ingilla combúaid:
    'cia airm sunn fil mac Bathuail,
    brathair momathar, mod n-án,
    fer dianidcomainm Labán?'
    2945] IArsin fersat failti fris,
    risinngilla ceneislis,
    luid indaranai, bareim ran,
    diahinnisi doLaban.
    2949] Atraig Laban, línib gal,
    'mach arcenn meic ashethar:
    ferais frais forfailti fris,
    dambeir friaais diathegdais.
    2953] Rothairgid Laban lán-log
    aringaire doÍacob,
    cach huan bec badubbrecc dath,
    cach uan liath, cach uan alath.
    2957] IAcob nosernad sreith
    isnahoimrib uiscidib,
    flesca beca, brecc andath,
    arambelaib nacairach.
    2961] Natreoit chairach immasech
    icfegad naflesc finnglan,
    datha naflesc cotagaib
    hed nobid forsnahuanaib.
    2965] Tuc adiingin iarsein
    Labain, lór cenimressain
    iarnathimgaire frihail,
    d'ingaire caire Labain.
    2969] An-anmann cengnim caire,
    radait auctair ecnaide,
    Lia ligda, linib gial,
    ocus indrigda Rachíal.
    2973] Bái inailt incechtarde
    ocnasethraib sochraide,
    an-anmann, cenmedra mael,
    Bala ocus Selpha sochain.
    2977] Robatar uli mále,
    etir sethra is hinailte,
    cengrain, iarcomdeddaid choir,
    icomlepaid oen Iacoib.
    2981] Bertait cethri meic fothri,
    dó fribríg bailcc foglanli,
    ochtur onasethraib sreith,
    cethrur onahinailteib.
    2985] Cuit cachamna dib foleith
    diaclaind choir inacomsreith,
    feib rosern rí run cachcruth,
    isferr dún andeligud.
    2989] Semeic la Lia, linib gial,
    ocus damac roRachial,
    rí bethra bailcc rodascar
    cethra maicc nadacumal.
    2993] Ruben, Semeon, Leui lor,
    Isachar soer, Zabulon,
    Iudas iarnDia centerce (?)
    meic Lia liuchdeircce.
    2997] Neptalim isDán dana,
    dámac buadacha Bala,
    Asser isGad, delbda dé,
    da mac Selpha sochaine.
    3001] IOseph an, aurdairc ochein
    ocus inbán Beniaméin,
    rogabsat cathairi gíal
    damac rachaine Rachial.
    3005] Dámac dec sin, cennach gin
    Iacoib hui Abaráim,


    conandechraib incachthreib,
    conacethraib máthrechaib.
    3009] Sechtmoga bliadan bai túaid
    ifail Labain meic Bathúail,
    corothríall diathir, din cert,
    conadibmaccaib déec.
    3013] Tan tánic Rachial atúaid,
    ingen Labain meic Bathúail,
    dorigni thargleo triabrath,
    tuc lea lamdeo áathar.
    3017] Doluid Laban lonn 'nandiaid,
    etermag ischaill issliab,
    condastárraid, cenchess ngle,
    tess immedon intslebe.
    3021] Maratchonnairc Rachial rán
    ingen lainnerda Labain,
    luid as forleith, lathar ndu,
    amal nobeth friidnú.
    3025] Dorat Rachíal chorcra, chaem
    lamdeo aathar sís fotaeb,
    roclos agol, rochlai dath,
    amal mnai beth iclamnad.
    3029] Romert Laban, linib gial,
    indaban forsrabi Rachial,
    nirbobés leo, luth n-alta,
    lamachtad mna lamanta.
    3033] Ferais Iacob combúaid
    failti móir frimac mBathuail,
    conarlaic do, congrad gle,
    siriud slán nasaccraide.
    3037] Huair nafuair alamdeo ann
    bai inbangleo nar'imgann,
    tuargabad leo forsinmaig
    carnn comluga iscomchotaig.{folio 26 b 2}
    3041] Carnn inchotaig sin lacách
    cennachndíl cocaid cobráth,
    eterchlainn laind Labain lóir
    ocus clanna Iacoib.
    3045] Aingel De thimgair cachslog
    bai icimguin friIacob,
    rofersat cath, comul ngle,
    cenbath arfut nahaidche.
    3049] Rodbi int-aingel saer, nisneid,
    Iacob sechbil asceith,
    isósain, aidbligthe inscél,
    roainmnigthe Israhél.
    3053] Luid techt con-ascadaib húad
    oIacob, cain int-imlúad,
    coIssau soid, basliucht ngle,
    dobith doib 'nambráthirse.
    3057] IArsain rotharngert Issú
    cain glanbert, nihimmargau,
    ambith cenances, nadchres,
    'na cardes, 'nacomathches.
    3061] Cenolcc, cenfingail, gnim ngle,
    iartimnaib nambrátharse,
    cenmeingg, cenmebuil, cenbrath,
    cendebuid, cendolbanrad.
    3065] Meicc Iacoib ilar ambla,
    hit meicc sethar doDina,
    Sechim mac Ammoir, triabrath,
    romarbsat lucht achatrach.
    3069] Dásecht mbliadna bai ifus,
    forecht riagla, fochádus,
    corothimart, cota mert,
    dó thochta itír n-Egept.
    3073] Ri doraega, digrais gair,
    Iacob húais sechabráthair,
    conid diaclaind, crichid scel,
    dáthreib dec mac n-Israhel.
    3077] Mac-tharngertaid De donim


    bagart glangeltaid coemdil:
    isbreo osbri nan-abb n-án,
    inrí dorat doAbrám.
    Rí dorat d'Abram insin.


    3081] Dorarngert Iacob coglan
    diaclaind inlin robatar:
    'bethi uli frifessa feig
    hirrichtain lessa Ioseiph.'
    3085] Foidis Iacob, gec congreim,
    Ioseph arsét coSecheim,
    cain céim fodiud óthreib,
    combiud éim diabrathreib.
    3089] O rosiacht coSechim slán
    Ioseph 'coambai incél comlan,
    fofuáir ann fer, forom ngle,
    icimthecht achonaire.
    3093] Roiarfacht dó infer féig:
    'can dodechad, cid notheig?
    cid condaige, adbul gair,
    nocia foratai iarair?'
    3097] 'Dodeochad m'oenur om' threib
    combiud donabuachaillib:
    amscith, amtriamain cachthóir,
    foriarair mac n-Iacoib.'
    3101] 'Meicc Iacoib, congloir glain,
    mased hitái 'coniarair,
    isnaraidaib rodoscar
    atat imthaebaib Totham.'
    3105] Dodechaid Ioseph iarsein
    corocht Totham coabrathreib,
    assan 'nalaim, luath aruth,
    marclach fuirri dobiud.
    3109] Arachind tinolsat dail
    meicc Iacoib hui Abráim,
    roraid cachdib ris 'mosech:
    'innhe seo int-aislingthech?'
    3113] 'A bráthriu, fegaid fornglóir,
    nádenaid ni basécóir,
    cia nomthoirsed ni dorath,
    ni foirbsi notaiscérad.'
    3117] 'Monuar nocomaith dochial,
    aIoseph, ameic Rachial,
    rot robaeth cengáes nglinne,
    derb rotogaeth t'aslingge.'
    3121] 'Anromidair moDia dam
    etir doinib intalman,
    ni chumaing nech uaib triabáig
    athormach nachadigbáil.'
    3125] O shunn atches ochein móir
    fís doIoseph mac Iacoib;
    rommiscnigsetar fosmacht
    abrathir tria imformat.
    3129] Luid colón doib isinslíab
    Ioseph conglor, conglanmiad,
    cocrait 'nambrathreib abrath
    dial-lathreib conaragad.
    3133] Rofóemad leo abás fosmacht
    menisoerad morígmac,
    nirn-anacht airdmes roclos,
    nochairdes no condolbos.
    3137] ISsindinbaidsin amne,
    iartimnaib ríg noemnime,{folio 27 a 1}doEgept conglor, congraig,
    luid lucht mor dochennaigeib.
    3141] O recait friu forsinmaig
    Ioseph ossar, ambrathair,
    bafó lith luidi, luad cert,
    combo frith itúaith Egept.
    3145] IAsse mac Sechis, slicht ngle,


    batoissech nacennaige,
    diabrathrib fein, febda triall,
    isse dorúacell36 Iosiaph.
    3149] Putrifaris, forom cert,
    issé baherri Aegept,
    tuc arIoseph, diamba imbrait,
    trichait leth n-unga n-argait.
    3153] Aes Ioséph intan rorith
    hitír n-Egept fria37 derbdith,
    congaes gelbda fochucht chert,
    secht mbliadna derbda déec.
    3157] Dásecht mbliadna, babuaid becht,
    bái Ioseph itír n-Egept,
    cotoracht38 atúaid iartain
    coIacob conamaccaib.
    3161] Batar icachtaib iarcein
    fosmachtaib huaislib Ioséiph,
    doIacób, bagnimrad cert,
    rofirad feib dorarngert.
    Dorarngert Iacób coglan.


    3165] Ri conoebi oscechthreib
    rofaidi ríanabrathreib,
    cengoe, cengaili, gnim cert,
    combóe fodaire in-Egept.
    3169] IArsain rorith, babúaid becht,
    fritoisech ituaith Egept.
    cachmaith buan combai dó ifus
    dorat dó auagcommus.
    3173] IArom rodacar aben39,
    intigernai doruacel,
    triaaslach n-imthach fochlith
    dorimgart 'nacomlepaid.
    3177] Roraid fria ingilla coglan:
    'nihetragim dala ban,
    ocus mé indaire centreóir,
    m'oenur itirib anheoil.'
    3181] Roradi fris inben blaith:
    'natabair laim frim doraith:
    aní dobiur duit amne
    fail mor nech lasmadbuide.'
    3185] 'Aben, bendacht fortgnúis nglain,
    nachamluaid dot'baethbriatraib,
    inhed bambeo, buaid ngelbda,
    nifellub form'thigerna.'
    3189] Roscrutai inben coleir,
    uair naderna ingilla aréir,
    forsinngilla nglan cenchol
    cinnas doberad baegol.
    3193] ISsed roscrutai inben baeth,
    ónarabi ifus inlaech,
    ingilla dothecht nachthan
    le coseotu istech talman.
    3197] 'Tair lim dodeiscin mosét
    agillai, nihimmarbréc,
    oslaic reom aglas dontaig,
    aIoseph caem Cannanaig!
    'A fir, tair remum istech,
    narbamcrimnach comrairgnech,
    uair nadigthim, fri set slán,
    istech ndorcha m'oenurán.
    3205] IArsain luid Ioseph istech,
    nirb'anhumal imrisnech,
    nifitir inmnai diabrath
    combai iarcúl nacomlad.
    3209] Huair forfemid uascachcruth,
    iarnglerib, aóentagud,
    doIoseph, bagnim n-etig,
    imforbart fair forecin.


    3213] Atrullai uaide immach,
    assalamaib lomnachtach,
    rohéige inben nert acind,
    roscar friféle firthind.
    3217] Tarraid ag fodoíre tróig
    doIoseph án mac Iacoib,
    achor hicarcair, gním ngann,
    fosmachtaib inguforgall.
    3221] Ardri búan betha broenaig,
    connic buaid cach primoenaig,
    cengaili arcli cotangaib,
    ri conoibi oscachoentreib.
    Rí conoebi oscechthreib.


    3225] Doarfas fís, foromm cert,
    doForann, dorig Egept,
    nifrith dó cosúidib srath,
    diadrúidib nech dosfucad.
    3229] Nifrith frigeirchert osmaig
    Eigept conafortúathaib,
    ecnaid no drui no súi snéid,
    nech dosfucad coglanréid.
    3233] Badebthach Foraind friathúaid
    corogail rolaind rorúaid,{folio 27 a 2}fridruidib duithib cachtreib,
    friasuidib, friaecnadeib.
    3237] Batar fri sothochta serc
    dácomalta icríg Egept,
    sechcach fridálaib cachthreib
    'nagradaib, 'nachomarleib.
    3241] Friatoil togaig, friaig thaig,
    'nachoraib, 'naglanchocráib,
    indarafer d'Egept comblait,
    araili glechert d'Affraic.
    3245] Batar cenancess rochlos
    'nachardess, 'nachomaltos,
    babráthair máthar, mod ngle,
    cechtarde dib diaraile.
    3249] Gaid rí Affrici doib, delm n-óg,
    combad tadchrethi dodergór,
    feib sogabtais oscachrainn
    acht coromarbtais Forainn.
    3253] IArsain triallsat folaimm fair,
    forForainn, forsinn-ardflaith,
    indarafer feimdeth gail
    arba d'Egept aathair.
    3257] Infer aili d'Affraic áin
    fricathslait cairi comlain,
    tarmlaic acholainn fricath,
    tarmmairt Forainn domarbad.
    3261] Rohirgaibthi lasinrig,
    rodirgnaithi fodimbrig,
    fofuctha icachtaib cocían
    isincarcair coIosíaph.
    3265] Doarfas aislingthi dóib
    'sindaidchisin fochetóir,
    hicacht carcrach crimnach

    basnimach amenmandrad.
    3269] Ruc Ioseph doib congloir gle,
    breith cóir foran-aslingthe:
    feib baderb tarbaid triabrath
    baamlaid rochomallad.
    3273] 'IMmárach indarafer,
    nibagdach, crochfaider,
    biad araili, slanaib síd,
    ingdaib icondardríg.'
    3277] Bae inri, foglámaib gne,
    dodálaib aaislingthe,
    dondleo lerggach, nirmbai bin,


    bafergach friadegdáinib.
    3281] Atchúaid do int-óclach, gnim ngle:
    'nabi forsnim th'aislinge:
    ata 'sincharcair cenchess
    duini t'apthaib tuaslaicfes.
    3285] 'Fer ruc breith forfís, forruth,
    forndís bámar icumriuch,
    feib rotharngair achíall chain
    issamlaid forcoemnacair.'
    3289] IArsain tucad fograd cain
    Ioseph án asincharcair,
    fíadslúag Eigept, amra bainn,
    combai ifrecnarcus Foraind.
    3293] Roiarfacht Forainn fadein
    dó fiadintslúag coglanléir:
    'nirbatruag, innis doscel,
    ciatuath duit no cíacenél?
    Atchuaid Ioseph corath,
    cofossad, coainmnitach:
    'nicóir gó fiadríg congin,
    atúaid dam, acch Cannáin.
    3301] 'Nihed domthabair fograd,
    m'athair bahúa doAbrám,
    int-Abram adrann ochein,
    nir'bunad fann doChalldéib.
    3305] 'Ata hitarngeire ochéin,
    sain, a Forainn conglanchéil!
    bidlán de inbith bladmall, bán,
    donDia dian-adrann Abrám.'
    3309] 'Tarfas dam fis, fúaim n-amra,
    romloisc gris ahetarba,
    nech nosfuaslaiced, fuam cert,
    nifuar d'intliuchtaib Egept.'
    3313] 'Aisneid inn-aislingthi n-an,'
    arIoseph alainn imnar,
    'cluinem uait centris, centlas,
    indfís cinnas dotarfas.'
    3317] 'Andommarfas, ameic raith,
    duitsiu dalfas cechmbithmaith,
    diambera breith fír forsein
    nibia díl forth' airmitein.'
    3321] 'Bidbreth fír beratsa, aflaith,'
    arsé, arIoseph inbithraith,
    'gním gle friollblad cechcruth,
    cendolbad, centuscurnud.'
    3325] 'Secht mbai metha tarfas dam,
    secht mbae caila, clú n-ingnad,
    na secht mbae caela, clú gle,
    duatar na secht mbae remrae.
    3329] 'Secht punainn lána dogn,
    secht punaind senga, saeb dál,
    na secht senga, ba truag tra,
    duatar na secht granmara.
    3333] 'Cocúala inguth 'coarad rim,
    cluinti, a Foraind nadandind, {folio 27 b 1}ismor indrún, ruathar ngle,
    fil ríathur it'aislingthe.
    3337] 'Tabair domenmain cenbrath,
    delgnaid docachintliuchtach,
    bidlán bith fonelaib bla
    doscelaib nafissisea.
    3341] 'Diambera breth fíri fair,
    forsinn-aislingthe n-ingnad,
    indmass domuin dotrega,
    dolúaig fein abithdoéra.'
    3345] 'In fer foil beras breith ngle
    cocoir forsinn-aislingthe,
    cendoimme diss nambrig mbrass,
    roinne ris doflathemnas.'
    3349] Cor'faillsigder duit cenchess
    int-aislingthe laind landes,


    gnim cadla, agillai cengrain,
    attaig Dia n-amra n-Abraim.
    3353] 'Rotbia limm airmitiu intslóig,
    rotbia grad, rotbia onóir,
    mafíraid duit ácachcruth
    indfissiu dofuaslucud.'
    3357] 'Tuctar dam gremmann cencd,'
    arsé, arIoseph cosoergrad,
    'feib tarngir dochomrad cloth
    cocomlan diacomollud.'
    3361] 'Rotbia lim greim Dé fodéin,
    rotbia m'ordan coglanleir,
    grian ocus esca 'mole,
    muir istír, dru(ch)t isdathe.'
    3365] Atchúaid Ioseph dó cogle,
    doFor(ai)nn ahaislingge,
    conadlumaib dluthaib dein,
    iscorunaib riagaltaib.
    3369] Macán Iacoib cosinrath,
    bahé inliacoir lainn luágmar,
    ósglaindírge 'nagnim cert,
    rogab airrígi n-Egept.
    3373] Int-aislinge luágmar, lín cert,
    bahuathmar lasluag n-Egept:
    amal teidm torainn atass,
    físs doForaind doarfas.
    Doarfas fís, foromm cert.


    3377] Ri tríarath doraiga ochéin
    triaimcasin réid roréil,
    combai Ioseph, lín asloig,
    ósEgeipt uasail ardmóir.
    3381] Secht mbliadna lana mole,
    sommá, slána, sonaidé,
    ógab Ioseph gloir garta
    coaimsir namórgorta.
    3385] Fotroirgell, bagnim cialla,
    Ioseph cocenn secht mbliadan,
    nagebad, cidmor insmacht,
    etach, nahor, nahargat.
    3389] Nigébed Ioseph nachfiach
    onatuathaib acht madbiad,
    caingnib cainib, ciniud cert,
    diadliugud doríg Egept.
    3393] Rothinolad lais insain
    nafuair frisna secht mbliadnaib,
    'naduinib trénaib daingnib,
    innaindsib eradblib.
    3397] Dosrocht gorta garbda, garg,
    dosrort frifodla fodard,
    rodascrin cenchoimsi cruth,
    roslín toirsi isderchainiud.
    3401] Doratsatar uili arbiad
    tuatha Egept doIosiab,
    cidmór rothechtsat fosmacht
    eteror ocus argat.
    3405] Doratsatar féin dondríg
    andoire dochinn ambíd,
    natiastais aidid ngorta
    innalainib lomnochta.
    3409] Rosbiath Ioseph sechcachclaind
    sloig fer n-Egept imForaind
    fogne riagla, ruathar n-án,
    fricóic mbliadan comlán.
    3413] Rosbiathastar fiadcachsluag
    cenrad friForainn findrúad,
    sé cét dec mili, mod ndil,
    arfichit cet domilib.
    3417] Cenmothat dala dligid
    aes dana ocus primfilid,
    druid diana docachmaig,
    cruitti clíara, clesamnaig.
    3421] Cenmothat mogaid, mod cert,
    sluag soraid fritimthirecht,


    ismna bana, buidnib blá,
    meicc ána ocus ingena.
    3425] Cenmotha insluag roslin mairg,
    natuath trúag ascechoenaird,
    tictís iarn-elluch fosmacht
    dochennuch itír n-Egept.
    3429] Rí rombennach oscach maig,
    cenon, cenolcc, cenerbaid,
    gorbomál cach maige móir
    Ioseph án mac Iacóib. {folio 27 b 2}
    3433] Ruiri richid, Rigda gáir,
    crichid cachcuirid comláin,
    arcli fricath oscách blái,
    inri triarath doraegai.
    Rí triarath doraega ochéin.


    3437] ISindara bliadain, luad ngrinn,
    ór'gab ingorta gerthind,
    luid clann Iacoib, bagnim cert,
    doluaig bíd itír n-Egept.
    3441] IMrulat dargarbaib40 gelt41,
    iartirib amraib Egept,
    il-lurg intslúaig, trúag atli,
    cosintuaith imbái int-ardrí.
    3445] Roslín mertain, rosgab cess,
    diafechtaib otir díles,
    cenergna n-eolais, centreóir,
    cenberla itirib aneóil.
    3449] Roptar snímaig42 iarsétaib
    diangnímaib, diambaethbétaib,
    fiadnasluagaib oscechmaig,
    truagaib, tursig, dércóintig.
    3453] Meirtnig rostacht amenma,
    rosnart fochacht comfedma,
    cennech diabreith, leo baceist,
    cosinn-airríg an-atheisc.
    3457] Lotair triamedon intslúaig,
    broccaig, naconnim comthrúaig,
    congabsat foss, febda fír,
    hifrecnarcus indardríg.
    3461] Foidis techtairi tind huad,
    aracenn cogrinn, coluath,
    amal atgeoin ingnim cert,
    airri airtmitnech Aegept.
    3465] Tinsit andúine fotig,
    fillsit glúine fochombáig,
    roslecht diadúis diadoss43,
    fiadagnúis 'nafrecnarcus.
    3469] Roiarfacht doib, derb roclos,
    Ioseph congloir, cenamlos:
    'raidid afír dúir forngair
    can duib no can tancabair?
    'Cid condnaigid 'narmbrúig bras,
    cenairig, cenfíreolas,
    cenberla fririad relta,
    amal áes ndian taiscelta.
    3477] 'No maraes mbraith foraig thaig,
    bis ochathraig dochatraig,
    censcribenn lib, línib drech,
    censcela ríg no ruirech?
    'Nimtha forsamail sunn se
    acht mad aes braith ísligthe,
    no slebbaire loittit smacht,
    no brécaire icbrecairecht.'
    3485] 'Donrimmart gorta congrain
    attuaid acríchaib Cannáin,


    friarn-adlaic uaig, huar'crich cain,
    feib tecait sluaig fer ndomuin.
    3489] 'Fonrathaig tir Caim ochéin
    arn-athair badoChaldeib,
    roalt cengris gaibt (sic) cengrain,
    bamac Isaic meic Abráim.
    3493] 'Bráthir sinn huile martám,
    lín arcuire 'sarcomdal,
    icgaire arn-athar nachthan,
    ismac aile armbrathair óssar.'
    3497] 'Masofír friheraim n-án,
    formbith-iarmui doAbram,
    tucaid huaib etere ngle
    fritichtáin doridise.
    3501] 'Tan tissaid arcúl nachtan
    lib diatí inbrathair ossar,
    forbia forn-eitteire fein,
    isdogéntar forn-ogreir.'
    3505] Riandúla doib forafecht
    diatír conacennaigecht
    il-laim indairrig friandail
    doratsatar Issachair.
    3509] Roraid Ioseph, scél cenchess:
    'dogress dogen formbithless,
    incechhuair formbia farndail
    uaimm duib árDia n-Abaraim.'
    3513] IArsin dochuatar diatír
    feib fosruácar cendimbríg,
    rofucsat fritascaid tróg
    ascaid arDia doIacob.
    3517] IArum rancatar diataig
    soera, slana, somenmnaig:
    dosfarraid maith fogloir glain
    flaith lóir 'sindarabliadain.
    ISindarabliadain, luad ngrinn.


    3521] Roattlaig Iacób án
    diaChoimdid, bagním comlán,
    feib fuair achlann, glanfír cert,
    fáilti laairrig n-Egept.
    3525] Feib rostriall fochaingnib ciúin
    in-iathaib aidbli aniuil,
    rosnalt cenbét oscechmaig
    dosrat forsét sainemail. {folio 28 a 1}
    3529] Feib dosfuc forcúl, nicress,
    óscachmúr conamorless
    atichtain buidig diatig
    isdiaruirig roatlaig.
    Roatlaig Iacob án.


    3533] Dorigset comarli cóir
    maccrad amra Iacoib,
    andul iarfithisi fecht
    doridisi itír n-Egept.
    3537] Dochuatar iarsétaib slain,
    cenbétaib cethirn comlain,
    cotren tluachtar darcachtír
    coruactar cosinn-ardríg.
    3541] Fuaratar colór cenhír
    fáilti mor icondairrig,
    feib bamellach laceill cóir
    rosmbái cennach fochetoir.
    3545] Gabais Ioseph escra n-úag
    atnaig il-laim fir diasluág:
    tabair triahaccail diambrath
    isaccaib naCannanach.
    3549] Nidimraig lotar diatír,
    nibdardimdaig dondairrig,


    feib roellacht doib cechtriall
    bai ambennacht forIosiaph.
    3553] Tan batar nalíni arinmaig,
    amal bid míli onchathraig,
    rodlong, nimebul diadail,
    drong dremun dian-irgabail.
    3557] Nibtar foichligthi fritóir
    rocroichligthi fochetóir,
    tuctha codúra donmaig
    foracula donchathraig.
    3561] Tuctha coneoch rostechtai,
    'nacimmidib cumrechtai,
    batrúag afatal cenbríg
    combatar fiadinn-airrig.
    3565] Frisrogart int-airrí dóib
    roraidi friu fochetoir:
    'truag dodail farcuire ngle
    farngabail uili icmeirle.
    3569] 'Uair libsi, ni lathar ndil,
    inmeirli cenimressain,
    infarcin clothach asbiur
    forcrochad cosinn-oenfiur.'
    3573] 'A airri Egept cenchess,
    rosatglechert friarlanles,
    niclothach dot'búaid, dot'blaid,
    trúaig dochrochad cenchinaid.
    3577] 'Niheol dún, ciacol fogin,
    dur dron doBeniamein,
    fonralaig mairb mesctha mir
    dodalaib indescrasin.
    3581] 'Fortgellam cech nduis, din cert,
    it'gnúis, aairri Egept,
    arn-idain, fiadtestaib Dé,
    dochinaid indescraise.'
    3585] 'Tucaid dochind forn-anma
    uaib aitire n-eramra,
    farn-ósarbráthair fodéin,
    dianid comainm Beniaméin.
    3589] 'Éirgid iarforsetib snéid,
    isleicid Benieméin,
    huair isleis, lith cesta ngle,
    frith escra naEgipte.'
    3593] 'Ossar naclainne, gnim ngle,
    fir foxal fainne fíre,
    issé isdiliu diarslog
    liarn-athair, laIacób.
    3597] 'Guidmit ní, menipgrain lat,
    dii, aairrí nahEgept,
    cia rondairane dot'réir,
    coronsaera Beniemein.
    3601] 'Mad marb duini fonim glass
    dochumaid, isgnim n-amnas,
    bid marb Iacob fodein
    diachainiud Beniemein.'
    3605] 'A maccrad Iacoib áin,
    frigartrad dochlainn Abráim,
    cenchlothchobair, cennach mblaid,
    dorochrobair forcinaid.'
    3609] Rorelsat ascel cenbríg,
    roslechtsat fiadinn-airrig:
    'fortgellam Dia, dana de,
    darslana onchinaidse.'
    3613] 'Tabraid forcobais centláis,
    rad forais riandig tiugbais,
    failsigid fornech nith mbras,
    dorinnsid gnim n-imamnas.'
    3617] 'Ciambadlonnbrass digal Dé,
    fornn bacomadas friarcloenré:
    coir ciaroncrinad colár
    icinaid artargabal.
    3621] 'Ronbaidsemmar, bagnim trog,
    rocraidsemmar Iacób,


    romertsam coem diarngnáthaib,
    rorecsam arn-oenbrathair.
    3625] 'Atmora arcinaid donbrath,
    nidarn-idain diarsóerad:{folio 28 a 2}triallamm arn-aided, scel ngrinn,
    tiagamm fochlaideb ngérthind.'
    3629] 'Nirbochoir dam formbádud,
    fota ataid in-imgábud,
    targa fortacht De fortóir,
    achiniud amra Iacoib!
    'Bidbann buada forarndáil,
    ahiarmhui uagdai Abraim!
    gengnim ngessi, triadil ngair,
    iss messe rorecsabair.'
    3637] Rodosmachtaigset foalaim,
    roattlaigset acomdáil,
    sníset cocóir acainti,
    rochisset armorfailti.
    3641] 'Fuapraid cotenn, nibartroig,
    eirgid arcenn Iacóib,
    cenlen, islethan forcert,
    tren fortrethan in-Egept.'
    3645] Ri dafuc atúaid iartain
    Iacob conamaccaib,
    dialotar fodess forfecht
    foainm Ioseph in-Egept.
    3649] O sunn rancatar fodes
    coIoseph hicomaithches,
    ani badech docachthreib
    dorat Ioseph díabrathreib.
    3653] Robai Iacob, bagnim cert,
    censním itírib Egept,
    malle friachlainn conamblait,
    dábliadain arsechtmogait.
    3657] Mori coragrad ochéin
    dofuca Abrám oChalldéib,
    hé cotnarlaic iarcóir cheirt
    doib anisin dorigset.
    Dorigset comarli cóir.


    3661] O shunn atbath Ioseph án
    nismboe saere nosaergd:
    fir Egept, comeit cloine,
    dosratsat fothromdoere.
    3665] Rodosdairsatar diaréir
    iarn-ec indamrai Ioseiph,
    daire amlaid, eraim nglé,
    nitharlaid forbith buidé.
    3669] Mor dochlainn, batrog inscél,
    beirthi dislog Israhel,
    cosuilib dessaib, deilm ndil,
    conbendais assacennaib.
    3673] Mor dacechulcc, nabucert,
    fodaimtis fosluag n-Egept:
    nibai dóere badteinné
    comarbdais aprimgeinné.
    3677] Ciarbothromm andoire dacht
    robae anDia 'coafortacht:
    inmet fordingtis intsluaig
    forbartais incachoenhuair.
    3681] IOseph mac Iacoib áin,
    meicc Issaic, meic Abaraim,
    dorumalt, fririagla recht,
    deich fichit bliadna in-Egept.
    3685] Dochuaid forcel, cluithi cin,
    forslicht sen súithi soerdil
    facbaid dámac, maith angraim,
    Mánnases ocus Effraim.
    3689] Dorumensat cach fosmacht,
    fosrugensat fir Egept,
    diambúaid, diammathius, diamiad,
    cosinn-uair atbath Iosiaph.
    O shunn atbath Ioseph án.



    3693] Rogénair Moisi, mod ngle,
    in-amsir natromdóire:
    rolad, ciarbochain achruth,
    ass hisruth Níl diabádud.
    3697] Conafuair Termod, gnim cert,
    ingen Forainn rig Egept,
    'condsruth, icinnlat alám,
    cainbe fial, forssaid, findnar.
    3701] IArsin coforngart diamnaib
    conotuctáis asintráig
    inmac mbec incrotha glain,
    uair dorat Dia foamenmain.
    3705] Rodacar Termod iarsein
    feib caras cách aoengein,
    coron-erail, bacain glonn,
    baforgo diadegaltrom.
    3709] O shunn roalt combatrén,
    diall friclaind mac n-Israhél,
    dochuaid ifat fiadcachclaind,
    narbomac d'ingin Foraind.
    3713] ISsu cenlen, lúad nglanna,
    cenathair trén talmanna,
    forfailtig gnim gle cachthuir
    'sindaimsir irogénair.
    Rogénair Moisi, mod ngle


    3717] Cotranic lá forsinmaig
    frioendiis icimsergáin,
    indaranai diachlainn cheirt,
    araili badoEgeipt. {folio 28 b 1}
    3721] O shunn atgeoin, narbotrén,
    infer dochlainn Israhél,
    bahe ingnim garb cenchert,
    romarb infer ahEgept.
    3725] Rofitir intúath cogle
    fer domarbad doMoise,
    feib leir dorigned cocert
    atchuas doaírrig Egept.
    3729] Forfúacart Forainn cocert
    forferaib amraib Egept,
    nabeth dó dín innachdu
    acht abas no ahinnarbu.
    3733] Dodeochaid Moisi forfecht
    forteched riasluag n-Egept,
    iartírib, iarslicthib srath,
    cofarnaic indingenrad.
    3737] Cofuair slog mór forsinmaig
    dogillaib isd'ingenaib,
    icimmain chairech fosmacht
    dochum topur istiprat.
    3741] Ocdéne natrebthach tren
    imslessaib slébe Coréb,
    bamor angair forsinmaig
    icdail usci diacairchaib.
    3745] Dessid Moissi, bamod ngle,
    forochair naconaire,
    snimach, saethrach, bec anert,
    aoenur, icsírimthecht.
    3749] Moisi batrén incachdáil
    dochiniud clainni Abráim,
    nicheil ceol ngle ngnimrad nglicc,
    is doréir De cotnic.
    Cotnic la forsinmaig.


    3753] Robatar ann, cainig cain,
    'coacáirib hitimmarcain,
    in-immblib intsluaig comblait,
    díingin inprimsacairt.
    3757] Roraid friMoisi, mod nglan,
    iarsain indaraingen:


    'cid nacharcobrai, dín cert,
    ahóclaig út ahEgept?
    'Atarfail cenduine trén
    arn-oenur in-etarlén,
    immunn-usce n-uar, cachcruth,
    ata inslúag icarsárgud.'
    3765] Atraracht Moisi, mod ngle,
    nipuhéirge meraige,
    cotarat cobair trein trait
    dohingenaib intsacairt.
    3769] Rogartatar leo diataig
    Moise amru cachn-armaig,
    con-éicsitar ascéla
    dian-athair cenimséna.
    3773] In sacart sluinti gaissi
    rofer failti friMoise,
    aracruth, aracheil nglain,
    arfortacht diaingenaib.
    3777] Rofastai insacart iarsein
    inaoentaid, in-oentreib,
    iartimnu indríg, ruathar ndil,
    dorat aprimingin.
    3781] Hiclemnas intsacairt cenlén,
    ifichaib slebi Coreb,
    dorumalt Moisi, mod ngle,
    ann tresraind aaimsire.
    3785] Noemrí nime, nert cechsluaig,
    coemcli cenbini bithbuaid,
    ri betha borggaig cenbrath
    rosnordaig feib robatar.
    Robatar ann cainig cain.


    3789] Báe lathi Moysi immuig
    isleib Choreb 'coachairib,
    conidnarlassair inrí
    atathlassair teintidi.
    3793] Ri roforcongart amne
    formac n-amra, forMoyse,
    roraidi fris, ruathar cert:
    'isferr duit dul in-Egept.'
    3797] Roraid Moysi, monor ngle,
    'nituidecht frit' forngaire:
    rofetar fein, febda bainn,
    amfer ecraite doForaind.'
    3801] 'Heirgg lamobrethir forfecht,
    arcenn intsluaig in-Egept:
    notnoibfaider fiadcachclaind,
    notsoerfaider forForaind.
    3805] 'Bera uaim comartha lat,
    notsaerfa forecomnart,
    conach fil ni n-uag fonim,
    coni tichtain frit'menmain.'
    3809] Fofuair mor dobuáid cenbrath,
    mor n-ecnai uaig con-ógrath,
    con-uaill, bamór ngaissi nglé,
    fofuair Moise, bái lathe.
    Bae lathi Moisi immaig.


    3813] Ri dorat fleisc mblaith mbalnái
    il-laim Moisi meic Amraí {folio 28 b 2}diar'lass indrub, rígda scél,
    imrún ríg isléib Choréb.
    3817] Rí rorádi codána
    friMóise taidbsiu alama,
    indarahuair dí baclam,
    induair aile bagléglan.
    3821] Rí dorat sain frisam lái
    doMoisi, domac Amrái,


    isamlaid sain, ségda insmacht,
    'dogress dogensa tofortacht.'
    3825] In ri rofaídi fritóir
    dochlannaib aibni Iacóib,
    dochath labrethir nDe dil
    friForann conadrúidib.
    3829] Rí rochart Moise forfecht
    coForann, coríg n-Egept,
    cotarlaiced uad cenlén
    clanna amra Israhel.
    3833] 'Manistarlaice coluath
    meicc Israhel, línib tuath,
    fóidfet mor ndigal dishain,
    'modílfat uad arécin.'
    3837] Ri fotat huili nasloíg,
    isshé artuire dergoir,
    ninlen cloen, nago, naceist,
    ri dorat dó inmblaithfleisc.
    Ri dorat fleisc mblaith.


    3841] Raidid Moisi fiadcachclainn
    iarsain iarum friForainn:
    'lessaig dosluaig fein foleith,
    leic uait athuaith dinCh(o)imdeid.'
    3845] Asbert Forainn, forom ngle,
    natibred doib asaere,
    cofessed cia bad mó nert
    anDiasom no dia Egept.
    3849] Dogniat druidi indríg,
    triabrichtu ainble anfír,
    nathracha colúath donflaith
    dolbsait afuath díaflescaib.
    3853] Dorigni Moisi, mod ndil,
    in-anmaim indrig donim,
    labrethir nDe fiadflathib,
    diafleisc combaglenathir.
    3857] Nathir Moisi fuabrad cath,
    frinathracha nandrúad,
    istig arbelaib indrig
    dodasfuaid cosinn-oenmír.
    3861] Gabais anathraig dolár
    Moisi fiadintaig lomnán,
    noscroith, nodosai ifleisc,
    lasinslog, robomorcheist.
    3865] Moisi minn osbetha barc,
    hua Iacóib meicc Isaac,
    aaithesc glan, gnimrad ngle,
    isdoreir De roraide.
    Roraid Moisi fiad cachclainn.


    3869] Bahuamnach Forainn amne,
    iarsin roraid friMoise:
    'maith limm dula doib forfecht,
    masomaith latuaith n-Egept. '
    3873] Dodechaid Moisi diathig,
    atreib Forainn forúabrig,
    conhécaid coglan inscél
    dodagdainib Israhel.
    3877] Amal dochuaid Moisi uad
    forcongart cuce inmorsluag
    dorat fohír forcachsmacht,
    rolín dímus isdasacht.
    3881] Asbert Foraind censena,
    friachlanna, friachenela:
    'fortuatha De, torum nglé,
    tabrad cachtormach ndoére.'
    3885] Batar toirsech intuath trúag
    friMoisi aran-imluad;
    'acht furail saethar issmacht
    nifuaramar ni dufortacht.'
    3889] Radid friu Moisi combúaid:
    'nabid fribaisi mbeltrúaig,


    dal De donessai cechrainn,
    bidtressai indás bág Foraind.'
    3893] Ardrí Egept, ilar nglonn,
    ri góach, guinech, garblonn,
    batarb tnu frigleo, fricath,
    aned babeo bahuamnach.
    Bahuamnach Forainn amne.


    3897] Ri roráid friMoisi cotrén:
    'abbair friclaind n-Israhél,
    dentar leo, lathar ngle,
    uan d'idpairt cachoentige.
    3901] 'Uan firenn bliadne insein
    cengaili nduib no temein,
    afuine forgris cechcruth,
    cenachnáma dobrissiud.
    3905] 'Frithalid inn-uan cenlocht
    doidpairt incachoenphort,
    ahithi istig cenni immach,
    cossaib cenn isinathrach. {folio 29 a 1}
    3909] 'Menibe istig, torum ngle,
    dodoenib lin ahithe,
    taet nech ammuig onachdrung
    cach uaib inahiallacraund.
    3913] 'Lalubai lachtoc, luad ngle,
    laharán nemdescaigthe,
    bachla forláim, línib ell,
    forcressa forn-imthimchell.
    3917] 'A ithi forsessam sain,
    ahfuil fofarn-aursannaib,
    diaforraib, fuidel foleith,
    aloscud duib iteneid.
    3921] 'A denam dogres insein
    docach oen incach oentreib,
    doforaithmet, monar clecht,
    fortuaslaicthi aEgept.'
    3925] Atat inmuirig fotráig
    doruirig nimi noebnáir:
    dorat mór ndígal hicri
    forrigab ri roráidi.
    Ri roráid friMoisi cotrén.


    3929] Ri dorat mor ndigal tren
    dosairad mac n-Israhél:
    bamaidm torainn forcechmaig,
    forForainn conathuathaib.
    3933] Loscainn riasca, reim ndata,
    cuili, biasta, brecnata,
    bolcgach, lasruth fola fann,
    dorcha, tene istorann.
    3937] Plag naprimgeinne huili,
    etercethri ocus duine,
    gol cecha clethi, gním cert,
    rochlos lafiru Egept.
    3941] Ri dorat nadeichplaga
    forthu frihuair combaga,
    nilac rogní iarcóir cath,
    inri dorat mor ndigal.
    Ri dorat mor ndígal tren.


    3945] Roleicset dilmain uadaib
    'nandirmaib, 'nammorsluagaib,
    samlaid dochotar forfecht
    cosetaib amraib Egept.
    3949] Cethrichet tricha triamnaib,
    indóiri doib dobliadnaib,
    in-Egept daill tairbert tren,
    dochlaind airdeirc Israhél.


    3953] IArsain scarsat fridóire
    Egeipt con-ilur clóine,
    iarmbliadnaib coriagail raith
    trichat iarcethricétaib.
    3957] Dorigset sét, sliucht combuaid,
    cenbét ahEgeipt sairtuaid,
    cengrissa, bacain intsluaig,
    doRamissa, doSochuaith.
    3961] Ri ragmas dasfuc trianert
    adoire amnas Egept,
    dorat nel impu fride
    istor tened cachn-aidche.
    3965] In tene icloscud intsluaig
    Egeipt 'sindaidchi adhuair,
    innél dorcha doib fri
    combruissitis acairpdé.
    3969] IArsin roraidset colainn
    sluaig fer n-Egept friForainn:
    'tiagam forarcul cenlén,
    lecamm uain claind n-Israhél.
    3973] 'In dia asdech forbith búan
    dorat meth forarmorslúag;
    atá iccathugud cotrén
    darcenn clainne Israhél.'
    3977] Asbert Forainn fergach friu:
    'nileicfem arlaesechu,
    conostucam lenn imbrait,
    latoeb arn-oir 'sarn-argait.'
    3981] Dochuaid Forainn conasluag
    'nandiad imMuir romra Ruad,
    nasluaig remi rosatriuin
    ocus Forann fohírdiuid.
    3985] Inri dodasaer iarsin
    arForaind cona airbrib,
    triamuincinn Mara Romuir
    dosfuc innan-irchomair.
    3989] In muir mór, comílib scel,
    triastuc Dia claind n-Israhél,
    rodáil rí grene cenrainn
    forformnu féne Forainn.
    3993] Báe Gaidel friglegelt cain
    in-Egept 'sindamsirsain,
    dobreth Scotta fiadcachclainn,
    ingen airmittnech Foraind.
    3997] Atroebaid Gaidel combúaid
    dula dó indegaid intslúaig,
    uair bafaith, friglea scél,
    uamun Déa mac n-Israhél.
    4001] IArsain dochuaid Gaidel Glas
    il-libuirn lir lethanbras,
    fuapraid meirge mara maill
    arhuamun ferge Foraind. {folio 29 a 2}
    4005] Luid Gaidel cain conabuaid
    iársain sechIndia sairthúaid,
    corogab tir, torom ngle,
    in-insi Deprofane.
    4009] Luid ondindsi, erctais slúaig,
    Deprofane sel siarthuaith,
    bái 'nafichaib lín mbliadna
    fonacrichaib Caspianda.
    4013] Robaided ann, arim chert,
    dodegdoinib fer n-Egept,
    coic cét rig rán, regtai rainn,
    immonn-ardrig, imForaind.
    4017] Lin intsluaig cenmotha sin
    nifitir nech an-árim:
    nochinned forcachdine
    arimbed ahilmile.
    4021] Ri tarlaic Muir Romuir ruad
    forForainn conamórsluag,
    nitherna leo diatírib
    cid oenfer dohilmilib.
    4025] IArnandamnad, gnim glinni,


    iarmarbad aprimgindi,
    nicheil cech sui, srethaib slecht,
    cosin rosmbái rosleicset.
    Rosleicset dilmain uadaib.


    4029] Ri tuc claind n-Israhél ass
    intan rommol inmorchlass,
    cenmna, cenmaccu, fricath
    cet mili fer n-armach.
    4033] Oshunn rosiachtatar tír
    roattlaigset dondarríg,
    aternam iarngábud cacht,
    iarmbádud andergnámat.
    4037] IArsin túargabad inchlas
    domolad De bacomdas:
    cansatar, badeoda intlus,
    hili uli cantemus.
    4041] Siur doMoisi, Maire már,
    iarsain rosephain timpán:
    rochachain ceol doríg nél
    labantrocht mac n-Israhél.
    4045] Ri rán rodluig riasinslúag
    adruimni dogba dubrúad,
    rí oscachbrí conem nél,
    inri tuc claind n-Israhél.
    Ri tuc claind Israhél ass.


    4049] Batar buidig doDia dron
    iarternam doMuir Romor,
    robdar dimdaig Dé forruth
    oshunn rancatar dithrub.
    4053] 'Truag doDía donrat im-mert,
    nachanrelic in-Egept:
    donfuc iarsétaib cechcruth
    diarn-écaib isindithrub.
    4057] 'Cenbíad, cenlinn, lethan locht,
    cenétach beos arbithnocht,
    ronlín bochta, ronbás bath,
    dogena ingorta armarbad.'
    4061] Ri roráid friu aurdairc dul:
    'inhed bethi 'sindithrub,
    nochoforbia immaig no taig
    airchra bíid no etaig.'
    4065] Ri rodosas donmaind blaith
    ocus indiall en imthlaith,
    inlind friatoir ascechmaig
    dofuc doib asindailig.
    4069] Srotha indithruib, delm n-ada,
    ciabtar nemi nemnecha,
    lacach, ciatserba slassa,
    doibseom batar somblassa.
    4073] Dorigset sét, sliucht combuaid,
    al-lam chle frimuir morgluair,
    siarthúaid darcach fich frifeth,
    focrich n-amnais n-Amaléch.
    4077] Gnisit cathu croda ríad
    frisluag n-uathmar n-Amaliach:
    dorochair mór n-armach de
    tall triacrosfigill Móise.
    4081] O roláset ár intsluaig
    Amalech aurdairc adrúaid,
    imsliab Sina, srethaib socht,
    rosuidigsetar longphort.
    4085] IArcathaib, iarnithaib níad,
    friclainn n-íraig44 n-Amaliach,
    isléib Sina, sluagda angal,
    fobannaib buada batar.
    Batar buidig doDía dron.


    4089] Doarfas gnim n-ingnad doib
    isleib Sína fochétoir,


    fiadgnuis intslúaig 45, torom ngle,
    daig derg dermor teintide.
    4093] Inní dodechaid donim,
    dodingnaib richid rindgil,
    coformaig recht sainglicc slan
    forciniud n-airdirc n-Abrám.
    4097] Rí rogart caini gnima
    Moisi lais islíab Sina,{folio 29 b 1}cendig, cenbiad, bamod nglé,
    cocenn cethrachat lathe.
    4101] Rí doridnacht doMoisi
    deich mbríathra glana gaéssi46,
    iarsrethaib ríagla, reim ndil,
    dothinchosc inmorpopuil.
    4105] Dothidnacul rechta reil
    cenimracul triaglancheil,
    inri thánic donim glass
    cotimnaib doib doárfas.
    Doárfas gnim n-ingnad doib.


    4109] Anhed robai Moisi istsleib
    nochosrala fordagceil,
    dorigned leo, nir'gnim coir,
    ocdam deligthi dergóir.
    4113] IArsain, bamessu cechscél,
    dothúathaib mac n-Israhél,
    eter firu ismná cenrath,
    andul huili diaadrad.
    4117] Diultud forríg n-angel n-úag,
    bamor ingnim donmorsluag,
    ocus ahithi indfeoir gairb
    fiaddeilb indócdaim hermairb.
    4121] Ferggach friu Fiadu bacoir,
    friclainn n-engaig n-Iacoib,
    cotarmart tairbert intslúaig
    fothuinn talman frioenhúair.
    4125] Gorogaid Moisi iarsin,
    forsinRíg conaainglib,
    coroléiced dó achosc fein
    'satimargain diauagréir.
    4129] Manibed Moisi, mod ngle,
    asbert inRi orddnide,
    óenfer díb frigleo nagail
    nafaicbed beo fortalmain.
    4133] Fiadgnuis Dé, badiada túr,
    icfoglaim ríagla isrigrún,
    isleib Sina, sliucht ngle,
    aned cian robai Moise.
    Anhed robáe Moisi istsleib.


    4137] Forfócart Moisi fonert
    forsinsluag bái 'nacoimthecht,
    iarsin frire teora n-úar,
    coromarbtais inmorslúag.
    4141] Conar'choicled, croda gair,
    nech amáthair no athair;
    no diabráthair, bág comblait,
    no diachaim, no diacharait.
    4145] Roshort Moise, monor ngle,
    etercethri ocus duine,
    eterfiru ismaccu ismna,
    dosrat fochlaidiub diglá.
    4149] Rumenmnaiged lais iarsein
    indelb dindór derg demein:
    doridnacht doib, nirbothruag,
    trianambiud donmorslúag.
    4153] Dorimnai Día, torom ngle,
    acosc censil comairge,
    iarn-urd gaissi, croda cacht,
    isforMoisi forfócart.
    Forfócart Moisi fonert.



    4157] Dotharraid teidm duairc dóib,
    iarcein dogalur medóin;
    bamarb sochaidi dontsluag
    dondimsruth roenach roruad.
    4161] Ri roraidi friu coglé:
    'denaid nathraig n-umaide:
    turgabar fricrann corath
    uasinslúag frisirsellad.
    4165] 'Ciphe ardoscé donmaig
    incrann ocus innathraig,
    biatslana cachandénat,
    dogalur nihepélat.'
    4169] Figuir Crist atbeir annsain,
    dodeochaid diartesargain,
    tuargabad fricrann corath,
    is dararcenn rocrochad.
    4173] Cibhé frisaiccidar ann
    Issu Crist cumtachta arann,
    rambia nem, nassad ndaingen,
    imbithoentaid archaingel.
    4177] Sloig sil Adaim docechdu,
    eternoebu isphecthachu,
    ili huile, comgrad ngle,
    atá acomdal friMoisi.
    4181] Manbad ruirig nimi nair
    conic cachsuilig sogid,
    balór d'huathaib oscechmaig
    donatúathaib diatarraid.
    Dotharraid teidm duairc doib.


    4185] Ri roráide friu cenlén
    friclainn n-amrai n-Israhél,
    conderndtais doib eclais nglain
    ocus indarcc testemain.
    4189] Dias doib frisóirsi slecht,
    fricerdacht, friprimgoibnecht, {folio 29 b 2}Adiar adma irdaig múr,
    isint-amra Ithidún.
    4193] Dotreib Leui, lathar ndil,
    doreir indrig donoemnib,
    sechtmoga fer, fobaid fecht,
    friacobair, friatimthirecht.
    4197] Cetnagnim gnisset marchloc
    dabach humai istudloc,
    con-ilur delb, lethan lecht,
    trethan derb trifer ndeec.
    4201] Gnim tanaissi, tadbat ruin,
    admat adfét inscriptúir,
    eterfiru ismaccu ismná,
    bacc iairnn cechoenfir iarma.
    4205] In tres gnim, roglé cenchol,
    tegdas Dé tabernacol,
    nir'bu dínnim laDía ndil
    conamílib mírbailib.
    4209] Cethramad gnim, indarc úag,
    cain imracht fricach n-imlúad,
    ór delgnaid, dín docachthreib,
    amal cachscrin n-ildelbaig.
    4213] Ri dororainn dóib, babúaid,
    inn-eclais n-orhuill noebúaig,
    etirfot, cenchaillti cert,
    etirairddi ocus lethet.
    4217] Tricha cubat, comul nglé,
    etirlethet isairdé,
    coica cubat, fochucht cruth,
    innafut frisuidigud.
    4221] Cláraib cainib crotha glain,
    slánaib, soeraib, sodelbaib,
    iartinnrud tairchil cachgreim
    dofidrud saindil secheim.
    4225] Cuairt cethrochair, cumtaig gd,
    nirbodrechrothail dermár,


    cathclái gelbdai, gnim n-ogdai,
    fachlái febdai forordai.
    4229] Ri rosorddaig clethaib clar
    dosforgaib srethaib soergrad,
    rodascinn frihergna alt,
    dáchlar dec ségdai sescat.
    4233] Dáchlar déc 'mondorus ndron,
    caintomus cenimmfordol:
    cethriclair déc, derbdair sein,
    serntair immonsenisteir.
    4237] Tri cláir fichet incachsliss
    clichet cenag, cenanfiss:
    dáchubat, nidechelt tair,
    bid il-lethet cechoenchláir.
    4241] Cethricláir fosummib dé
    inhuillib naecalsé,
    feib dorumat, rigda rad,
    trichubat incech oenchlar.
    4245] Se fotha dec, derb cenlocht,
    ar secht fichtib doarggot,
    eturru islar, lith fribaig,
    dáfotha dib cech oenchlair.
    4249] Airddi nafochrai47 folí
    huasnafothaib findruini,
    cubat frifut alame,
    cenimforcraid n-imhairme.
    4253] Dorus sneid sair segdai máil,
    solus frigrein cain comláir,
    cenardgrain gnim, cian cachcruth,
    intsanctair 'nafiriarthur.
    4257] Cethriclair comlain, gnim ngle,
    occongbáil nasanctare,
    cofothaib fiadtuathaib treib
    conafuathaib forordaib.
    4261] Altoir fridorus antuaid
    friloscud n-edpart noebúaig,
    altóir aurgnaidi 'nadess
    friaurnaigthi nadimchres.
    4265] Inprimaltoir cosindrath
    frignimgart gloir roturcbad,
    cechthucht foardbilib óir
    baharddidir ucht Aroin.
    4269] Deil telchinni tiar istair,
    anniab amal chorcarglain,
    dírge cechtolgdail tailce
    fritorgbáil nadrumslaite.
    4273] Tuiri tren diriuch dolar
    frisiniud sruthi soergrad,
    fondrumslait déin derbtha slóig,
    cotribdelbaib dec dergóir.
    4277] Coluid triasindrummslait druin
    frituidmi nasuanemuin,
    fair tuas cenlen, laid lorda,
    én uais con-aib forórda.
    4281] Coroiset lár dicechleith
    fornaclaraib hicomsreith,
    gníthi ondrumslait immach
    sithbi n-anart n-ildathach.
    4285] Oenanart tairsiu anechtair,
    coemthoracht ciacomnertaid,
    frisnima seirgthi sóeba,
    frignima, frigarbgaetha.
    4289] Clar diargut, gle cenmeth,
    cechtarde nadaprimleth,{folio 30 a 1}iartuidmidib, togach tóir,
    sechtmoga folach ndergóir48.
    4293] Fri sreng doib, fricuimrech ngle,
    nan-anart coir coimtige,
    bacan dron dergoir togaig
    dochur forcechn-oenfolaig.
    4297] Suidigdir tairsib immaig,


    diataibsin donaslogaib,
    slessa set frisella slog
    tricessa dec dodergór.
    4301] 'Dénaid fritarba cechdruing
    arcc amra, demin forgaill,
    'monfleisc, 'moanmaind, monorngle
    imnolecdai taiblide.
    4305] Cethricubait, comol ngle,
    dobith ifut naairce,
    atri 'naairdi, mod cert,
    ocus adó 'nalethet.
    4309] Cethridrolaim diór dron
    asindairc diahimmarchor,
    dádrol treothu, derg angne,
    dondor amra forloiscthe.
    4313] Delb hiruphin forsindaircc,
    dindór hilarcháin imtháirc,
    cofathaib niam, nassaid gle,
    coscathaib ascíath scailte.
    4317] 'Sintsanctáir suidigter lib
    indarc noeb cona aidmib,
    isanart sroil, sreth centair,
    eter inslog 'sinsanctáir.
    4321] Cocétlaib griannaib cechcruth,
    cocliaraib, con-airfitiud,
    con-orthonaib, cocóraib,
    comolbthogaib dermoraib.
    4325] Flesc Moisi, flesc Aróin aith,
    cenlaisi, línib ollgraid,
    coica n-unga n-óir gleglain
    cechtarde nadaflescsain.
    4329] Flesc maith Moisi, monar cert,
    rofer foraesa aEgept,
    nathir doilbthe, delgnaid cruth,
    derbaid forafiruachtur.
    4333] Flesc Aróin, baamra dúis,
    gradgloir glanna fiadgelgnúis,
    foblath bil bolaid noibe,
    fothorud cechdegmoine.
    4337] 'Sindlestar lán cosinmaind
    cet dior centádrainn,
    hisinprimchaindelbra choir
    tri cét n-unga nderb ndergoir.
    4341] Secht mbenna buana, búaid ferb,
    forsinchaindelbrau cruanderg,
    gnitis dindor gle glanna,
    forsmbitis secht sutralla.
    4345] Cuich gela cuairt cennachcleith
    suig frisreba suairc sainred,
    intu nobruindis bannae
    nosuildis nasutralla.
    4349] Secht cét unga 'sin meis móir
    cocethricrossaib dergóir,
    furri adó sechtmogat sla
    d'aran remúir nemdesctha.
    4353] Incaindelbra 'sindleith tess,
    cain, caindelbda, cendimes,
    inmias atuaid, taircthi rúin,
    cosnabargenaib remuir.
    4357] Ilar nacúach, nacód cass,
    ilar lestar lór, lannmass,
    ilar mías menmaib mórdaib
    cosnadelbaib dergórdaib.
    4361] Dior huili, ilar ndelb,
    condruine, ni mod n-inderb,
    nastaba, tolaib gestal,
    stomacha istuslestar.
    4365] Srethaib sutrall, soillsi scuir,
    frisoimsi 'sintabernacuil,
    caindelbrai gelbdai glordai
    ité delbdai dergórdai.
    4369] Forlassad coléir dogres
    ola ocuscheir fochomlés,
    iarnaterchur fridídnad,
    cenherchur, cenairdíbdad.
    4373] Tech fricomdail cechtharbai,


    cenchomraid, cenchomlabrai,
    cenfáilti, centoirsi traig,
    soillsi eterocus adaig.
    4377] Tempul diada, dín cech áin,
    tegdais rodígrais rocháin,
    friacallaim De, sunn sel,
    fritinchosc, friforcetal.
    4381] Nachastathigi aes baeth,
    mná no meicc no laine laech,
    nacinged sét asossad,
    acht aes fírien fírfossad.
    4385] Aés trúag, aes deoda dessa,
    athláich ocuslaichessa,
    sluaig sin súairc, dúairc, tolaib gair,
    impe 'mocuairt díanechtair.
    4380] Tiagat 'sindeclais folí
    aes óg, sacairt, leignidi,{folio 30 a 2}isáes humal, ceim forais,
    íarn-athirge, íarnglanchobais.
    4393] In chlass inchleir, bacert cóir,
    toirnet coleir dondaltóir,
    tairismig, nibatlúamnaig,
    athé feta, forhúamnaig.
    4397] Gaibed cach agreimm tarbái
    doreir Aróin meic Amrai,
    glaini glethig friacacairt,
    friabrethir inprimsacairt.
    4401] 'Dentar lib iarmbes cechcuir
    dogres isintabernacuil,
    edpart matinda, mét bla,
    ocus idpart fescorda.
    4405] Bolud naluba ascachthoeb
    latorroma inSpirta Noeb,
    clu con-áne frignassad,
    frislane, frisirsassad.
    4409] Ri roráid friu: 'sernnaid sreith
    'mondeclais dicachoenleith,
    forson reilgce corebaib,
    doanartaib oengelaib.
    4413] 'Dorus indindliss fodess
    cain set solus narb'imchress,
    frituttacht Dé, deoda nuall,
    friathigid namorsluag.
    4417] 'Nabid forn-aittreib, mod neim,
    eterchrann caingil isgin:
    set inSpirda Noeb foleith
    fritauttacht, fritathigeid.'
    4421] Bid amne indeclas folí
    feib dosrorann int-ardrí,
    uascachmaig rodasderscaig
    cenforcraid, cenimthesbaid.
    4425] Ri dosrat foríaglaib recht
    dosfuc ahíathaib Egept,
    ishé mal naslog, slan síu,
    inri ran raraid fríu.
    Ri roraidi friu cenlén.


    4429] Ri roráid friu aithesc n-uag
    dohorddogud forsinsluag,
    immonn-eclais n-ena n-aird
    tritreba docachóenaird.
    4433] Tritreba condéni anair
    greni friturcbail toebdein,
    isatrí dondleith aniar
    frisreith, frifuiniud fírian.
    4437] Tritreba dondleith andes
    cencleith frifeba firles,
    isatri tecrais cech mbuaid
    frisinn-eclais afírthuaid.
    4441] Ri roraidi friu triarath,
    friaiffrenn, fricelebrad,
    treb Leui lerol cengreis
    im-medon, immonn-eclais.
    4445] Indaramac d'Ioseph án


    Mannasse mílib ollgd,
    dessid iarndligud Dé de
    in-inud trebe Leue.
    4449] Rí dorat Áarón fosmacht
    combahe bapmsacart,
    ocus Moisi, mo cech n-ail,
    itoisigecht inpopail.
    4453] Ri betha buirr, buan ablat,
    ri domuin
    ri oscach ríg, cengleo cert,
    ri roraid friu inn-athesc.
    Ri roráid friu athesc n-úag.


    4457] Ba formtech iarsain inslóg
    friMoisi ocus frihArón,
    imdliged sacairt, sáer smacht,
    ocus immontoísigecht.
    4461] Atrachtár iarsin codian,
    triadiumus istrianriad,
    in-agaid Moisi, mod n-án,
    Core, Abiron, Dathan.
    4465] Inri rodígail insain
    forru fein forasluagaib,
    rosloisc tene, tolaib gal,
    ocus rossluic intalam.
    4469] Atraig insluag diarb'gnath cath
    diambas arrodis brathar,
    con-erlatar, lin atuir,
    corice intabernacuil.
    4473] Rosnort int-angel cogle
    arherge doib friMoise,
    cethrimili dec dontsluag
    lacet toisech ndian dermuad.
    4477] In-agaid mac n-ammra n-án
    triallsat cath calma comlán,
    intslúaig 'nasrethaib 'mosech
    sech bafeochair, baformtech.
    Baformtech iarsain inslog.


    4481] Raidid Moisi frisinsluag
    arnabetis forimluad,
    flesc cachatreibi cengeiss
    dothabairt leo dondeclais. {folio 30 b 1}
    4485] Nech assa flesc, buan bolud,
    úraigfes foalantorud,
    toimled dodeoin De, din ngle,
    ord saer nasacerdóte.
    4489] Clannaid Moisi doib cechfleisc,
    batuaslucud domorcheist,
    flesc Ároin, amra bolud,
    rothaitni folantorud.
    4493] Rooirdned Aron insain
    isacerdóti in phopail:
    dorairned diumus namborb,
    roairbered cechfodord.
    4497] Mosi mórglan, moltais máil,
    targai inslograth 'nasóerdail,
    clethaib cialda, gair cencleith,
    iarrethaib ríagla ráidid.
    Radid Mosi frisinslúag.


    4501] Rocluned cach, clu cengeis,
    tan teged Áron d'eclais,
    dó dicechleith deoda tíi,
    cantais céola clucíní.
    4505] Ado secht ndeich, comgrinn cóir,
    tuidmide dronmind dergóir,
    ocus ubull dondór gle
    eter cech dá cluicíne.
    4509] IArnacumrech, cumnech gloir,
    dichocholl huillnech Aróin,


    iarnacrechad, crichid cruth,
    iarsrethad, iarsuidigud.
    4513] Aron baamru cech n-ail,
    saided 'sintabernacuil,
    centathair diagrad foglóir,
    'nachatháir druimnig dergóir.
    4517] In chathair chóir, cain acucht,
    centathair donprimsacurt,
    lór duis fiadcachdruing dein,
    adruim frisintuiridein.
    4521] Dothairced cach dib adáil
    docechleith immonsanctáir,
    senad sruithi, sóerda slóig,
    dofuctais recht iscanoin.
    4525] Achethri meic, monor ngle,
    Aroin uasail meic Amrae,
    bitis frigartglóir, cain cacht,
    osaltóir nóib nan-edpart.
    4529] Slúaig nasacart, srethaib gd,
    cach dib 'sadruim friachoemchlar,
    dondeclais noeb bamasse,
    fricumtach nacóemclasse.
    4533] Nafograid ann friandeochair,
    nadeochain, nasuibdeochain,
    friannad caindle, gnim cert,
    fritairbe, fritimthirecht.
    4537] In slog biid ifus frifeis
    docechleith immonn-eclais,
    séolaib soidngeib, suilgib srath,
    céolaib cuibdib rochluined.
    Rocluined cach, clu cengeis.


    4541] BAmertnech Moisi, mod n-uag,
    frihilchaingni, friimluad,
    friaforcetal ascechcruth,
    friasrethad, friasuidigud.
    4545] Friorddugud caich fomám,
    isfriimmad an-ilgrad,
    fricuibdigud foglóir glain,
    friatinchosc, friatimmarcain.
    4549] Friambid coóg, forecht run,
    frisreith iarslecht naslógdún,
    fohuamun Dé, dind arthlus,
    cenhúabur, cenimmarbus.
    4553] Dorat achliamain coglé
    comairli maith doMoise,
    'guid dondRíg reil, reim fobaid,
    nech dontsluag dot'imchobair.'
    4557] Rogaid Moisi, monor nglé,
    iarsin forríg nair nime,
    corothogad nech dontslúag
    diachobair fricachn-imluad.
    4561] Inri doraiga triarath
    asintslúag frisid sonthach,
    frietargleód caingen nglicc
    dáfer déc istrifichit.
    4565] Sessiur derb dib docachtreib
    dobrithemnaib bronngaethaib,
    fricocairt caingen, gnim ngle,
    forbélaib morglain Moise.
    4569] Cangnib gleraib, gloraib cacht,
    ardib trenaib tocomrac,
    laMoise modmar cenmeth,
    sech bamolmar, bamertnech.
    Bamertnech Moisi, mod n-uag.


    4573] ISnasabbotib saeraib,
    isnafelib fírnóebaib,
    tictis d'eclais, tola trén,
    sloig móra mac n-Israhél.
    4577] Ticed cach dib docach leith
    con-edpartaib diaChoimdeid, {folio 30 b 2}batar hili slóig ascuir


    fritóir dontabernacuil.
    4581] Ticed ann Moisi combúaid,
    cathbarr gaissi cach morslúaig:
    basainigthi sechcechngnuis
    fíal glainidi friagelgnúis.
    4585] Cid dondeclais, cid dodáil,
    cid dochertchlais achomráid,
    diis arsechtmogait, mod cert,
    bahé lín bíd 'nachoemthecht.
    4589] Cenócdaine, cenaes mbaeth,
    acht toga fer fíal, fírgaeth,
    friatimarcain, cuibdi cacht,
    frifuigli, fribrithemnacht.
    4593] Dochoistecht fritimna trel,
    fri hidna, fri forcitel,
    sreba naslúag ascachthreib
    tictis isnasabboteib.
    ISnasabbotib soeraib.


    4597] FORcongrad Moisi maith, mór,
    cenbaisse braith forArón,
    darcenn intsluaig, tolaib smacht,
    dul doerdduch nan-idpart.
    4601] Atraiged Árón friandail,
    coslánóg isintsanctáir,
    baceim comlan comgraid ndil
    icomdail inglanaingil.
    4605] Tairced int-angel donim
    icomdail Aróin imdil,
    con-innisenn dó cenlen
    adlaice macc n-Israhél.
    4609] Aisneided Arón foleith
    doMoisi cenimthesbaid
    mor doathescaib idnaib,
    dochétlaib, doglantimnaib.
    4613] Aisneided Moisi cenchleith
    diathuathaib, diadagdoineib,
    connachbeth díb nachsluag sen
    digsed huad cenforcitel.
    4617] Condechaid coglé centair
    d'acallaim Dé 'sinsanctair,
    briathar bunaid, bág cenbráth,
    huair bacubaid forcongrad.
    Forcongrad Moisi maith mór.


    4621] Ri Rosbiath iarn-urd riagla
    frire dáfichet bliadna,
    isindíthrub, digrais scél,
    dithreib dec mac n-Israhél.
    4625] Ri thuc doib inmaind donim
    frituara tarbaig, nderbdil,
    ocus indiall én diadéoin
    conabetis cenhurféoil.
    4629] Ri thuc doib sruam usci uair
    asindailig reil, rachruaid,
    cechblas bamaith leo fonim
    fogeibtis forsnuscisin.
    4633] Nadáthuaith déc centrebad,
    mnáib, maccaib istrénferab,
    soillsidir ingrein alí,
    inri réil rodasbiathái.
    Ri rosbiath iarn-urd riagla.


    4637] Maire ingen Ammrai ain,
    finngel frisamlai soergid,
    mor dul dulcc doromnat aclú,
    robá icformait friabrátriu.
    4641] Rosgab claimi, rosoi dath,
    fiadroscaib nasluag sonthach:
    menbad Moisi, monar ndein,
    atbelad dinchlaimisein.
    4645] Duini delbda, togu drong,
    banscal fedbda foretrom,


    cen aliud imgaissi gné,
    siur maith doMaisi Maire.
    Maire ingen Amrai áin.


    4649] Oshunn rosiacht inslúag
    coArnon n-airdairc n-adrúad:
    foidit uadib dreimm triablad
    diatuathaib dothascelad.
    4653] Rodosterbaiset foleith
    oenfer glicc dicachoentreib.
    rodasfaidset forset slán
    dochuairt imcricha Cannán.
    4656] Corofegdais leo cenbrath
    inmór immed achathrach,
    aslúaig imtarláin diangail,
    imtarilerda acóraid.
    4661] IMtartaicthig atrebthai,
    imtarimdai an-ilchethrai,
    imdar ilarda alubai,
    imtar cáine aclarbrugai.
    4665] Oshunn dochuatar forsét
    nochostarraid nachoenret,
    coruachtatar, monor ngle,
    cocenn cethorchat lathe.
    4669] Huair rofegsatar intír,
    etermin ocus anmín, {folio 31 a 1 }tancatar cencredim cruth
    foracúlu dondíthrub.
    4673] Mór n-ergal, mór n-erbach n-úag,
    mor tortrelmach friimluad,
    ismór cath ngarbron rochacht,
    coArnon orosiacht.
    Oshunn rosiacht inslúag.


    4677] Gabsat aCoimdid dothair
    fiadambriathrib 'nammordáil:
    'farnDía doforfuc forbrath,
    cian atá ocformbrecad.
    4681] 'Fuaramar tír n-uar n-ainbtech,
    acgarb, anmín, etortech,
    con-ilur drong, trén athbach,
    con-immud ahillnathrach.
    4685] 'Con-ilur achorad cruaid,
    ocus coniurt ammorsluag,
    con-armaib grandaib, glassaib,
    conágaib, conhernmassaib.
    4689] 'Cocuradaib gleraib cath,
    coturadaib trenmiled,
    conacathrachaib calmaib,
    daingnib, deimnib, dithoglaib.'
    4693] Rotriall Satan asoimled
    arecnach ammorchoimded,
    indna trúag triamuin roscacht'
    timna Diabuil rogabsat.
    Gabsat aCoimdid dotháir.


    4697] IArsin rohimclóe inscél
    laIéssu ocus laCaléb:
    'gó thairic dóib ascachdu,
    nachascreitiu abrathriu!
    'Fuarammar morthír mainbthech,
    toichthech, trebthach, iltairthech,
    con-ith isblicht, bafo fecht,
    cofín, comil, cocruthnecht.
    4705] 'Memais remaib forcechtuáith,
    bidforcoscraig conglanbuáid,
    bidlib huili, linib bla,


    eter tír iscathracha.
    4709] 'Cosétaib saidbrib slánaib,
    con-ardib, con-ildanaib,
    tírib, túathaib, tolaib dál,
    feib rotharngered d'Abram.'
    4713] Cia roscuibdig morí ran
    roscuibrig focacht commám,
    rola nel dicachtreib toi
    iarsin inscel roimchlóe.
    Iarsin roimchlói inscel.


    4717] IArsin tarmairt moDia dil
    frisintúaid n-engaig n-anbil
    corossluiced talam tenn
    acor foleittreib lethglenn.
    4721] Raidid friu Moisi cenlén,
    menbad Iessu ocus Caleph,
    amal én 'mon-iadai sás,
    noragdais huili oénbás.
    4725] Sét cethrachat lathi lén
    fail oshunn cotir Cannan,
    rigfidir sét bas mo de
    cocenn cethrachat mbliadne.
    4729] Nocoría nech dib aréc
    donadib trebaib deéc
    cocrich Cannan, crichid scel,
    acht mad Essu ocus Caleb.
    4733] Tír Cannain cofairgi fraig
    nista daréis an-ecnaig,
    acht marannait, airdairc dul,
    formeic iarforn-adnacul.
    4737] Rádid friMoisi iarsein
    moDia déoda baderbdein,
    toimlid forre marcachsruith
    dogress ingnais indíthruib.
    4741] Menbad Essu, immaid raith,
    ocus Caleph cóir, ciallmaith,
    atabairt fo thalman tlacht
    iarsin moDia dil tarmart.
    IArsin tarmairt moDia dil.


    4745] Dochuáid aclu forcachleith
    coscélaib atrénmiled,
    corolín cechtuaid toirsi
    arhúamun am-mórloingsi.
    4749] Dodeochaid cách dicachtreib
    cosinsoerslúag n-anaichned,
    sluag cechthiri, derb colar,
    con-ilur mili Moáb.
    4753] Rosgab crith grainne atcha.
    eter tír iscathracha,
    robaid brig nasluag nasreth
    cengnim, cengail, cengasced.
    4757] Tarchomail cach cumtaig arg
    cosinslóg serig serbgarg,
    nifrith dib tuath trelmach, trén,
    gabad friclainn n-Israhél.
    4761] Tinolsat dóib, torum ngle,
    cethricatha coimtide, {folio 31 a 2}Seon, Bassan, badbda slóg,
    amra Moáb isAmmón.
    4765] Memaid remib, ruathar ndein,
    forsnacethrib slógaib sein,
    cirtis cerpaib incath cron
    forleccaib arddaib Arnón.
    4769] Dorochratar ann frigail
    forsnaslébib slamdergaib,
    sessiur sescat cet frilar
    ar secht mílib, bamorár.
    4773] Ri dosfuarggaib, uathmar ail,
    cathaib cródaib comramaib,


    aclú cenchiabair cechleith,
    iarsin iarmaib dochúaid.
    Dochuaid aclu forcechleth.


    4777] Foidit huadib Balám mbras,
    badrui, bacóir, bacomadas,
    diam-mallachad dicachbla
    triabrechtaib adruidechta.
    4781] Doluid foragabrai gluair
    Balam ahucht inmorslúaig,
    connágabdais cle fricath,
    cotuaid Dé diamallachad.
    4785] Doluid angel Dé diatraig
    arcinn Baláim baethbriatraig,
    nachareilic siar nosair,
    asindfiad hitarrasair.
    4789] Gabaid forbualad aheich
    Balám baeth dicechoenleith,
    conid arlassáir indláir
    dondaithiusc airdairc imnair.
    4793] 'Cenombuala fobagaib
    lat'feirg, lat'bruth, aBaláim?
    nimleic angel Dé nachleth
    conachlaidiub derg tened.'
    4797] Forcongart tóisech intsluaig
    forBalám cennachglanbúaid:
    'asinbaile atái triabrath
    deni uait ámallachad.'
    4801] Asoslaic Balám agin
    friathesc n-alaind n-imdil,
    uran uair balán dorath,
    nirochan acht bennachad.
    4805] Tuargaib Balam aguth ngluair
    darasargud inmorslúaig;
    diambennachad, monar ngle,
    forfeimdes ahergaire.
    4809] Nirás nachnduine dalbda
    commus huili aaurlabra,
    isderb is lam'Choimdid cain,
    rodelb nem ocus talmain.
    4813] Macc Beoir, bág mbuiden mbras,
    baleor plág friag n-amnas,
    forset saer, deochair triablait,
    uair bafael feochair foidit.
    Foidit uadib Balam mbras.


    4817] Ri rosheitte, ri rosbiath,
    rí dodassáer aranriad,
    isindíthrub frisith sain,
    cethrideich doib dobliadnaib.
    4821] Ri dorat comarle nglaein
    doMoisi cona slúagaib,
    diatír trebach cennachcacht
    iarciunniud acethrachat.
    4825] Ri roraid riu uascech cruth:
    'mithig dúib techt ondithrub,
    cosintír saer suthach slan,
    dorairngered doAbram.
    4829] 'Eirggid forset dobartaig:
    nabid uamnaig, imeclaig:
    messe forsaera arcachcath,
    etirdered istossach.
    4833] 'Ciambat ilardai naslúaig,
    ciamtar imdai indríg rorúaid,
    nigebat frib fornachmaig
    icathaib, icomramaib.'
    4837] Ri dorát doib biad bacet
    dona dib trebaib deéc,
    arri óchéin, glan alí'
    ishe inri reil roshéti.
    Ri rosheti, rí rosbiad.



    4841] 'Clunid mothimna doléir:
    narbardúrcridig 49 docheil,
    nadénaid friu, ruathur mbras,
    cuibdi, cardes no clemnas.
    4845] 'Lam friidal nglethech ngal,
    friethech, frigúforgal,
    censaint, cenaccobur nglé,
    maini caine cocéile.
    4849] 'Cengail, cenecnach, gním cain,
    cenetrad, cenduinorgain,
    honoir tuistide, dreim nglan,
    serc Dé ocus comnessam.
    4853] 'Cométaid iarn-urd ríagla
    inchaisc cachaoenbliadna,
    ochoicid déc, isdin cert,
    cosinn-oen febdai fichet.{folio 31 b 1}
    4857] 'Foirbthi, feidli, feth cenchel,
    foglaim ocusforcitel,
    ladeichthimna, torum nglé,
    cometaid recht n-imdibe.
    4861] 'Ladechmada 50, derbtha bí,
    primiti ocus primgeinni,
    honoir doDia, digrais gair,
    dogres isintabernacuil.
    4865] 'Cách conaalmsain iartain,
    iarndligud, iarndutrachtaiab,
    isiarrúnaib cridi chóir
    dogres iconglanaltóir.
    4869] 'Nadermaitid timna nDé,
    idna huimle aurnaigthe,
    niburn-ecnaigid Dé dil,
    nibforcétludaig, cluinid.'
    'Cluinid mothimna doléir.'


    4873] Orddaigid inn-eclais n-uaig,
    dogres immedon intsluaig,
    se sluaig rempi, rígda gair,
    ocus sé slúaig 'nadegaid.
    4877] Nocolaimed nech dontslúag
    macc n-Israhél friimluad,
    dochois nalaim, comrac cuir,
    friclar dontabernacuil.
    4881] Treb Leue colini théol
    immoneclais cenanshéol,
    friaimmarchur oscechcruth,
    friasrethad, frisuidigud.
    4885] Muinter nasacart fosmacht
    ocimmarchur nan-anart,
    batheisreite, srethaib srath,
    immonn-eclais dianechtair.
    4889] Drong nandeochain, derb lacach,
    friimmarchor curtínad
    cosnafuilgib, bamod ngle,
    cotuidmib nadrumslaite.
    4893] Sluag nasacart, sochla dal,
    friimmarchur nacoemclar,
    cocachcumtuch, cain allí,
    conafothaib findruini.
    4897] Senad nasruithi foleith,
    amal bite 'nacomsreith,
    iartimnaib De tiagait de
    d'immarchur nasanctáre.
    4901] Achethrimaicc conamblait
    Aron indhuasalsacairt,
    iarn-urd ríagla, ruathur nglé,
    fri immarchur nahairce.
    4905] Indarc huasal osintslóg
    iarnacumtuch dodergór,
    conaaidmib, aidble bainn,
    cocilurnn lán dodegmaind.


    4909] Arón amra, ard agair,
    bahuasalsacart húasaib,
    deichtimna De, digrais bes,
    forabruinnib dobithgres,
    4913] Treb Leue col-línib cest,
    nocodlegat atairmesc,
    friairdiu domuin, dín cloth
    fricaingniu, fricathugod.
    4917] Na aurraind tíri natúad,
    na imfognam rige rorúad,
    na snim no saethar, sliucht ngle,
    acht dliged an-ecailse.
    4921] Inri rosnordaig, reim n-uag,
    etereclais ocus slúag,
    indeclas diareir cogle,
    insluag doreir naecailse.
    4925] Indeclas conagradaib,
    sruithib slógaib saerdanaib,
    airbrib alaib uascechmaig,
    ardib anaib ordaigid.
    Orddaigid inn-eclais n-uaig.


    4929] Rádid Moisi menicc dóib,
    huair basnimach, sruith, senóir,
    'Iessu mac Nun, nassad ngle,
    fortoisech darm'essese.'
    4933] Mosi mac Amra, meic Caid,
    meic Leue, meicc Iacaib,
    meic Isaic, meic Abraim óig,
    meic Thaire dil, meic Nachóir.
    4937] Meic Reu rocháin, rúathar ndein,
    meic Seruch saer, meic Ebeir,
    meic Sale sláin, srethaib gal,
    meic Fallech, meic Arfaxad.
    4941] Meic Sem sochraid, srethaib iath,
    meic nair Noe, meic Lamiach,
    meic Mathussalem óscechrot,
    ocus meic huasail Enóc.
    4945] Meic Iareth, tomthaib triath,
    meic maith molbthaig Malalíal,
    meic Cainain, meic Enos ail,
    meic Seth saindil, meic Adaim.
    4949] Adam mac Dé, dingnaib dál,
    dorimgair Fíadu findnar,
    gle cocachn-eladain n-óig,
    sé senathair armorslóig. {folio 31 b 2}
    4953] Dorumalt Moisi, mod mass,
    in-oitid, in-oclachas,
    iarn-urd riagla, rethaib recht,
    dáfichet blíadna in-Egept.
    4957] Dafichet aili comblait
    iclemnus inprimsacairt,
    os sléib Choreb, grata bainn,
    forinnarba óForainn.
    4961] Dafichet aili, deilm n-uag,
    do 'sindithrub riasintslúag,
    iartimnu ríg nimi nel,
    ocimthus mac n-Israhél.
    4965] Se fichit bliadan insain,
    cenforcraid, cenimhesbaid,
    saegul Moisi, mílib rann,
    feib leir adfet inscríbenn.
    4969] Inrí rongart lais immach
    Moisi crichid glantoisech,
    conruc leis ontslog forleth
    onduáir thanic aamser.
    4973] Oshunn roscarad friaslúag
    Moisi con-ilur imluad,
    nibae dib nech lasmadbecht
    aadnacul no hetsecht.
    4977] Mac Ammrai baardrí intsluaig,


    combáig baldai, combithbúaid,
    crich aaissi, derrit breth,
    Moisi menicc noráded.
    Rádid Moisi menic doib.


    4981] Lín afer fír ferdais feirg
    fricath croda claidebderg,
    secht cet dec tricha, deilm dil,
    arsecht cetaib domílib.
    4985] IShé lin doruaraid díb
    diatuathaib cenimmirím,
    iarn-ec an-athar, cechcruth,
    iarnandíth isindithrub.
    4989] Mairb huili isdithrub insin,
    an-athir, as-senathir,
    cenoenfer mbeo fonim nel
    acht madhEssu ocusCaleph.
    4993] Inri rodastraeth triafrois
    hicinaid an-immarbois,
    rodastroeth triachetfaid ngairg
    cin indecnaig 'sindoenaird.
    4997] Deithbir badchosc docach sain,
    cobrath triabithu samlaid,
    donech frignim, cetlach ngle,
    baeth an-écnach nasruithe.
    5001] Cenárim mogad nachthreib,
    maccaib, mnáib no ingenaib,
    oscechmaig frigaethgail gnim
    lainib laechaib alánlín.
    Lín afer fír ferdais feirg.


    5005] Ri rooirdnistar mac Nún
    Essu, con-immud hilrún,
    cor'bhé bahárdri dontslog,
    icdul darmaige 51 Moób.
    5009] Ri roráid frihEssu n-uag:
    'heirg frilessu namorslúag:
    frithail cocalma, gním ngle,
    catha garba, geintlide.
    5013] 'Suidig naslúagu 'nasreith,
    bii impu docach oenleith,
    nigébat frit'gnuis ngddai
    buidni borba barbardai.'
    5017] Ri dorat sainhsamlai slain
    forclainn n-airegdai n-Abráim,
    ambith cencessu, cenchacht,
    cein bae hEssu itoissigecht.
    5021] HEssu cocoscor congrad
    dosrat fochoscor coemnár,
    iarmaigib Moab, mod mass,
    cosruth n-Eordanain n-admas.
    5025] Trifichit míli iarsét,
    trichoic mili laglanchet 52,
    cet mili morfesser múad
    docachoenleith donmorslúag.
    5029] HEssu fodiud, delm n-uag,
    triur dorosern inslúag,
    cenlen frisrethad sechtar,
    coimthrén 'coan-imnertad.
    5033] Cia nolindais forru inmag
    slúaig cechthiri, tolaib gal,
    rianothuathaib codinnim
    nomaidfed forilmílib.
    5037] Ri roréidig doib sét slán
    doascnam tíri Cannán:
    cossaib tirmaib, digrais scél,
    lotar darsruth n-Eordanén.
    5041] Dofucsat leo asintsruth,
    fricorgud, fricertugud,
    lasinslog, balór n-eire,
    cloch mor cachaoentreibe.


    5045] Ri rianadúilib, delm n-úag,
    ri bias beos iarmbrath bithbúan,
    rí uas gin, isgle roscar,
    inrí réil rooirdnistar.


    {folio 32 a 1}
    5049] Ri rodaslín dobrig brais
    clanna Israhél admais,
    corosirset acricha
    immaigib imhEricha.
    5053] IArsain rosernsat ascuir
    árteclammad amorchruid,
    insluag lonn, lín an-athbaig,
    san chan immonprimcathraig.
    5057] Inchathir cumtaig datha
    frifrithalim n-ilchatha,
    dosrimchelsat, derb, dana
    secht muir tréna, dermara.
    5061] Secht stuic rosephain inslúag
    immoncathraig friimluad
    corolegai, lathar ngle,
    mur cechlathi sechtmaine.
    5065] Lucht nacathrach conalí,
    hili, huili, ilmíli,
    doreir De troethas cachngail,
    dochotar fogin claideib.
    5069] Acht mad Rab, amru gnímaib,
    nitherna dontromdígail,
    dothréon natrúag nithuaraid
    oenfer donamorslúagaib.
    5073] Ri dosfuc forsoirthib sláin,
    adoirthib díthruib dermair,
    reim n-an cenag, iarset sir,
    inrí rán rodaslanlín.
    Ri rodaslin dobrig brais.


    5077] Tinolsat tor tolach talc
    corad comfossad comnart,
    arcind túaithi Dé dochath
    secht tuatha Cannán cathach.
    5081] Clanna Cannan gniset cath
    frituaith Dé, dúr rodelbad,
    coroclaithe fobrig bróin
    icrichaib broga Bethróin.
    5085] Tan turcbad Essu adiláim
    friCoimdid nime noebnáir,
    nomaided incath granna
    forsecht tuathaib Cannána.
    5089] Tan bascith lais, lathar ngrinn,
    adilaim icrosfigill,
    dossleced hIessu friathoeb
    foramuintir bafírroen.
    5093] Dorónsat toisig intslúaig
    comairle nglicc conglanbúaid,
    rosuidigset folama
    dicloich tréna dermára.
    5097] Romebaid incath iarsein
    ocus roscail indimguin,
    nirb'hanad díb, derb inrad,
    coralád huili andergár.
    5101] Coromarbtha na secht ríg
    conasluagaib, slocht 53 ndirim,
    cechoenfer beo, torgbad dail,
    dochiniud clainni Cannáin.
    5105] Doaitne ingrian frisinslóg
    dondleith aniar darGabón,
    nisgluais rosmbai innatass
    frirae dálathi lanmas.
    5109] Tarrasair intsoillsi dil
    iartimnu Dé donoebnim;
    fir sluaig Cannain comtarmairb
    nirosluaid asindoenairm.


    5113] Andorigni Dia donim
    dofertaib, doadamraib,
    ardainib frihuair mbáge
    atdirecrai, díárme.
    5117] Na secht rig réil, reim ruanaid,
    congail géir commórslúagaib
    buadaib, bagaib, brigaib blat,
    tuathaib, tírib tinolsat.
    Tinolsat tor tolach talcc.


    5121] Roraind Essu, airdirc scél,
    dosluagaib mac n-Israhél,
    indiraind déc, deilm dána,
    secht primthuatha Cannána.
    5125] IMraind atíri d'espaib
    dorigset mor d'imresnaib,
    conidcrannchor roscoraig
    fornatuathaib dermoraib.
    5129] Cetnacrann iarcuimnib cein
    babúidnib Benieméin,
    isnadálaibse iarséol
    intánaise laSemeón.
    5133] Suidid intres, bagnim cóir,
    lasíl suilig Zabuloin,
    incethramad, gnimraid graid,
    laclaind n-irglain n-Isachair.
    5137] Incuiced crannchor, gnim gér,
    laglanthor cinid Assér,
    insessed crannchor iarseing
    dochlainn noithig Neptalim
    Insechtmad crannchor laDán
    iarcertrad glannchor comlan,
    int-ochtmad glanbda, gnim ngrinn,
    laciniud n-amra n-Effraim. {folio 32 a 2}
    5145] Innómad laGád cenchess,
    conág frisruth anairdes,
    indechmad crann d'Iudas diadeoin,
    isroga rann laRubeoin.
    5149] Treb Mannase, mílib gne,
    rorannadside hicerde,
    frisruth aness fofuair greim,
    al-leth n-aill tuaid icEffraim.
    5153] Treb Leue, colinib scél,
    fothírib mac n-Israhél.
    cennachngaile, congrad glé,
    frisoere, frisacerdote.
    5157] Indeclas nóeb conaairc
    rodosuidigthi in-oenailt,
    frisilad saincomnart slán,
    fritaircomrac acomdál.
    5161] Secht primthuatha Cannáin cain
    fallain conafortuathaib,
    eter sessu nasluag soimm,
    dorigni hÉssu ingléraim.
    Rorainn Essu, airdirc scel.


    5165] Treb Iuda, treb Semeoin séim,
    ocus treb Beniamein,
    siarthuaid ontsruth tana thren
    cocricha mara Torrén.
    5169] Lethtreb Mannase centáir,
    treb Effraim, treb Issacháir,
    atuaid cechndiriuch dontsruth
    frisiniud, frisuidigud.
    5173] Treb Neptalim, noithech scél,
    ocus treb áibnech Assér,
    cechcruth rognisset ambuaid
    dontsruth rosinset sairthuaid.
    5177] Treb Zabulon slaides feirg,
    ocus treb Dán daigerdeirg,
    acuir friglanaige ngluair


    omuir Galaile sairthúaid.
    5181] Treb Ruben, treb Gaid nadchress,
    fograd frisruth anairdess,
    nocomeirtnech amasse,
    ocus leithtreb Mannásse.
    5185] Dondleith anair dothreib Dáin
    sernait sreith slébe Lebáin,
    frislatbrig slaidi sluaig sréin
    icaccrich uaig Israhéil.
    5189] Annaneos, nuall nadchres,
    Sidarios, ruad riges,
    Echeos, glere cengin,
    trisluaig sin slebe Lebáin.
    5193] Ebron, Gassear, Masheal már,
    Gabaa, Gesseon, Galád,
    cathracha attaig úaig
    clainni Israhéil adruaid.
    5197] Ri dosfuc triadíthrub trén
    istrisindsruth n-Eordanen,
    ri congart cóir cotagaib,
    dorotacht doib cechoentreib.
    Treb Iuda, treb Semeoin séim.


    5201] Ri dosfúargaib triananert
    adóire huathmair Egept,
    ishé rodasidaig, sliucht slán,
    forcrichaib clainne Cannán.
    5205] ForFelistín oscechmaig,
    forNathsared, forGalaib,
    forArabia conaslóg,
    forMoáb is forAmmón.
    5209] Forbrugaib Abethib ban,
    forsrethaib naSamratán,
    fornamaigib, mod cenlén,
    san chan im sruth 54 nIordanén.
    5213] ForZeb, forZebe, sliucht n-án,
    forPsalmandra, forIsmál,
    forsliab Sióin, rethaib rad,
    forGalad, forIosophath.
    5217] ForAmalech oscechdrung,
    forAssur is forTirum,
    forMadian mín, mod glanna,
    forCisson, forSissarra.
    5221] Forfiliis Loth, línib gial,
    forEdom, forhIdumiam,
    forAmorreorum, reim n-án,
    forGebal isforBassán.
    5225] Fortir nGeth, forCarmill cron,
    forTerebinthe, forTabor,
    forGalgala rochar Dia,
    formaig Messopotamia.
    5229] Fortírib naningen n-úag,
    Selfaid fritindrem tromslúag,
    Malaa, Melcha, Egia án,
    Micha ocus Tersa tonnbán.
    5233] Forglinn n-Ammrai, amrai rád,
    cétna adbai doAbrám,
    forSeon slanda naslóg,
    forSamara, forBethrón.
    5237] ForhEricho, aurdaig slog,
    forGiluae nglain, forGabón,
    forriathur Cedróin cenbreic,
    forsliab n-amra n-Olaueit.{folio 32 b 1}
    5241] F(or) ca(ch) tuaith trein, derbcenlen,
    rogabsat meicc Israhel:
    doreir Dé, bagnim cenchol,
    rolethsat darsindomun.
    5245] Otha Alaxandir ain,
    aness oAffraic imslain,
    fothúaid cocrich Med isPers,
    rorigset acomaithches
    Dondleith aníar, aith cenlén


    otraig mór mara Torrén,
    fosrugensatar comblait
    sair cocrich n-orda n-Eofrait.
    5253] MoDia tricc frisrethchor slamm,
    rí conic trethnu torann,
    ri condathaeb oschrí chain,
    rí centathair dosfuarcaib.
    Rí dosfuargaib trianert.


    5257] RI Rodasáer uascechmúr
    arcechn-irgail, réim rogúr,
    connachasclai cath no crech
    aned bai Essu atoissech.
    5261] Robris for trichait cath crúaid,
    ruc acoscur anglanbuaid,
    con-ilur muirech, mod neim,
    cotrichait ruirech roreil.
    5265] Oshunn báth Éssu mac Nún,
    atoisech tolaib tromthúr,
    liunsatar cach dib foleith,
    rodiultsatar aCoimdeid.
    5269] Fichi bliadan ocus chét
    aés Éssu meic Nun rian-éc,
    cor'hadnacht, fograda greim,
    inTamara, isleib Effraim.
    5273] Ri robai riambetha bann,
    dorigni retha retglann,
    conrotaig cechngd hicri,
    inrí rán rodasaeri.
    Ri rodasáer uascechmúr.


    5277] OShunn Roscarsat, gnim glé,
    friadrad rig noebnime,
    rodasbate plág dibaid,
    dosrat focachtromdigail.
    5281] Dosrat cenbaide fomnad
    fodóire, fobithfognam,
    Gussán garg, crodu cechnia,
    toisech Mesopotamia.
    5285] Ochtmbliadna doib, toromm n-án,
    fodubdoire doGussán,
    conastorslaic uad triablait
    Nathanel amra aurdairc.
    5289] Rodasdáer coleir colór
    reil ri naMoáb Eglón,
    cotuc Ógeth huad triachath
    arécin iarnamarbad.
    5293] Rodasdáersatar diambríg
    Sissarra ocus Iabín,
    condossaersat dicechthracht
    Diborra ocus Barác.
    5297] Fosrordingsetar codían
    Amalech ocus Madían:
    gle rodasaer Gedeon cain
    lafortacht Dé donoebnim.
    5301] Diatarfas indlassar lór
    asindailig réil romór,
    diafer broen forincnai nglain
    diambai tart forsintalmain.
    5305] Ort trifichit mili mas
    artribcetaib, gnim n-amnas,
    inidapad Oreb de
    Psalmanae Zeb is Zebe.
    5309] Bai clann Israhél cachtreib
    fodóere, fodeirmitneib,
    cenbuaid, cenbrig, cenbaeg mblat,
    friarig osunn roscarsat.
    Oshunn roscarsat, gnim glé.


    5313] Bretha doGedeon glan glic
    deich meicc ocus trífichit,
    rosnort acht oenfer, baliach,
    ambrathair Abimeliach.
    5317] Acht atrula int-ossar uad


    Ionás toxal natromsluag,
    bagnim truag dodaing d'aes raith
    atascomaing foroenchlaich.
    5321] Ilardai atoisig cechthreib,
    nibtar foismid foroensreith,
    Tolia, Ior, Ioipti óg,
    Abisson, Abigilón.
    5325] Ri rosdilsig doéc thricc
    nónbur dóib istrifichit,
    foroencloich cuchtai, cain blai,
    isann ructhai ambrethai.
    Bretha doGedeon glan glicc.


    5329] Genair dothreib Dán, delm
    Samson slan, sochla, saergein,
    mac Manúail, mind mordais máil,
    dochiniud amra Abráim. {folio 32 b 2}
    5333] Dochuaid assathír immach,
    huair badelbda, diummussach,
    cotuc mnái n-uallaig, trúag gnim,
    dithuathaib naFilistin.
    5337] Ní rosaisneid nech fomeirg,
    gnimrada Samsóin slegdeirg,
    feib lor doranic, tuc ndein
    mór docech hulc ochlemnaib.
    5341] Trisluag nasinnach, sliucht nglé,
    doloscud nafinemnae,
    triasinfidba cnáma crúaid,
    dian-erbailt míli morsluaig.
    5345] Triasinfodb
    ngell nglan,
    triasinceist cruaid cáin comram,
    triadoirsi, tarbach clissiud,
    5349] dian-erlai uadaib diatreib
    nacathrach doforbrissiud.
    tren asnatricumrigib,
    trianan-indriud centlathe
    cosluagaib cechoenrathi.
    5353] Mori reil rígda rathmar
    dorigni firt n-imathlam,
    diambai icselach naslúag
    Samson slan, serig, slamrúa(d).
    5357] Diambai in-hitaid osindleirg
    ocslaide inchatha cródeirg,
    dia rodáil dó Dia dig
    dolind glan asindfíaccail.
    5361] Dianmert fodein truag cumma
    doberrad amormungga,
    bade bai andith iartain
    andegdoenib in-oentaig.
    5365] Samson slattra slaidi slúaig,
    ba mál machta mac Manúail,
    nifrith amacsamla sain
    isindamsir rogenair.
    Genair dothreib Dán, delm ndein.


    5369] Genair gein airmitnech án
    Samuel óg, ettal, imnár,
    mac Elcanna, glan abbeirt,
    ocus mac Anna ambreit.
    5373] Alcanna, crichid agreim,
    deNamatha ósleib Effraim;
    Anna, bási aben combúaid,
    máthair sainsemail Samúail.
    5377] Basui, basacard 55 sruith, saer,
    bahalgen, craibdech, glanáeb,
    bafaith humal, ennac, óg,
    friforcital namorslóg.
    5381] Rí dorat digail iartain
    forhEli conamaccaib,
    Samuel iarsin, srethaib smacht,


    sechbafaith, baprimsacart
    5385] Oshunn báth Essu combúaid
    coamsir saindil Samúai(l),
    nibae dib cotacoimsed
    doprimfaith noprimthóisech.
    5389] Ri dasfuargaib, milib scel,
    fortirib macc n-Israhél,
    diathuaid batrénfer badech,
    rogénair gein airmitnech.
    Génair gein airmitnech án.


    5393] Bahuallach forDagon56 dían,
    diahídal immid anrían,
    arc Dé cuce rian-ócaib,
    iarsligthib, iarprimrótaib.
    5397] Diatardad dígal cotrén
    fortirib mac n-Israhél,
    icind Hele conachlaind,
    dochuatar huile imbadbraind.
    5401] Diatorchair dib isinchath
    trichet mili fer n-armach,
    imdámac Hele andiis,
    Ofne ocus Finees.
    5405] Diarucsatar leo indairc
    Filistín feib dosrimthairc,
    línib gelglor conangrain
    dothempul dérmor Dagain.
    5409] Or'siacht coDagan diathaig
    airc inCoimded cumachtaig,
    dorigni dé min islúaith,
    rochlaemchlai gne 'sindoenúair.
    5413] Mór domilib, buiden mbras,
    dorochair dib, delm n-amnas,
    rodosnairg Dia, toromm ngle,
    arairgabail nahairce.
    5417] Cid nahí naherbalt díb
    rodospianta fodimbríg,
    lotar forru immach, mod ngle,
    conara an-imthelgthe.
    5421] Arcc indríg reil rígi áir
    morchoimded nime noebnair,
    robai ann fogris grada
    secht mís caine comlána.
    5425] Tuargabad indarc corath
    fordiócbáe cendomnad,
    al-loeg fogaile cachta,
    até caine, comblechta.{folio 33 a 1}
    5429] Rochumrigthe leo dondairc
    cuibdigthe feib dosrimthairc,
    fuath lochad57 landai lordai,
    fuath nan-ainne erordai.
    5433] Ri rosnordaig nadibai
    cosinn-airc cenimmarbae,
    iarconair chóir, crichid scél,
    cotarrasair forambel (?) 58.
    5437] Batar ann túatha frifeis
    dianidainm Bidsomieis,
    dosrinolsat, toga ngle,
    doimcassin nahairce.
    5441] Acht chena insluag, lathar ndil,
    dodeochaid diahimcasin,
    trifichit fer feochair glóir,
    bamarb uadib fochetóir.
    5445] Cáeca mili, medar n-úag,
    iarsin bamarb donmorslúag,
    dontúaith dathglain, dine ngle,
    imchathraig Bidsomite.
    5449] Bidsomite foidit scél
    cosluagu mac n-Israhel,
    cotissed nachslúag dib de


    coluath arcenn nahairce.
    5453] Dodeochatar natúatha
    cuce, caine, comlúatha,
    d'fáilti fria, cenait n-uabuir,
    frihairc indrig roruanaid.
    5457] IArsin cotucsat hifén
    indarc docharraic Abél,
    argra de delbais cechcath
    cotegdais Aminadab.
    5461] Elizorus rigdu rath,
    dochinud Aminadab,
    fricacart cáin, caingen nglé,
    bahé sacart nahairce.
    5455] Indarc amra, ilair blad,
    in-adbai Aminadab,
    robai fichit mbliadan mbind
    isintúaith Cariathiarim.
    5469] Corodmbroe rí betha bailcc,
    rodclái triagertha comthailc;
    badremun degrach dochath,
    sechba menmnach bahuallach.
    Bahuallach forDagon59 dían.


    5473] Oshunn dorúacht indárcc úag
    darmórtíri, darmórtuath
    meic Israhél, cosreib sáil,
    rothinolsatar oendáil.
    5477] Friinnarbu n-idal n-él
    dothirib mac n-Israhél,
    dorinolsat, srethaib srath,
    combátar huili imMesbad.
    5481] Roráid Samuel, snímach scél,
    frisluag n-írach n-Israhél;
    'doforfua digal cechmaig
    icin forn-idal n-angbaid.
    5485] 'Manichuirid húaib coluath
    ilar forn-idal n-ollmuad,
    derb doforfua digal tinn
    oríg nime náir nóebfind.'
    5489] Doratsat réir nDe cech
    meic Israhél fiadchainchlú;
    rodosslechtsat doDia dil
    iarsin cenadrad n-ídail.
    5493] O shunn atchuas iarfír
    doslúagaib naFilistín,
    dodeochatar conacath
    cucu corice Mesbad.
    5497] Roraidsetar, érim n-úag,
    meic Israhél friimlúad:
    'corob linni búaid donchath
    guid inCoimdid cumachtach.'
    5501] Adropart audpart triarath
    isrogaid coduthrachtach,
    Samúel dorig nimi nél,
    darcenn clainne Israhél.
    5505] Inrí thuc inn-arcc forcul
    immusracht darcechmórmúr,
    incechairm, cechdú, cendín
    dorat maidm forFilistín.
    6509] Ri dorat digail cendín
    forslógaib naFilistín,
    oscechthracht frisratha smacht
    indarc oshunn doroacht.
    Óshunn doruacht indarc úag.


    5513] Ohel, Abía, erctha buáid,
    dámac sain segda Samúail,
    nibatclithemail 'moscél,
    brithemain mac n-Israhél.
    5517] Ecoitchinn60 eat frigním ngann,


    frigubreith, frigúforgall:
    badimdaig díb, tola trén,
    sloig mora mac n-Israhél.
    5521] Linib treb dál, tola nglé,
    otha Dán coBersabe,
    dochum Samuél cosindrath
    dodeochatar coRamath.{folio 33 a 2}
    5525] Gadatar doDia, delm n-úag,
    isgadatar doSamúal,
    fricathu, fribruth, fribríg,
    conábetis cenoenríg.
    5529] IArfacht dóib Samuel frisreith:
    'cid tachthi Día forcoimdeid?
    forríse isferr cechríg ráin,
    ardruire nime noebnáir.
    5533] 'Fónmissi robriss recht réil
    foirb ritecht darbforn-amréir,
    arforfelmáine cenlén,
    adegdáine Israhel!'
    5537] IArsin roraide inslúag
    an-athesc fir friSamúal:
    'friimmad mbrig mbuidenn mbla
    niruibem cenríg ndóenna.'
    5541] Rooirdnistar Samuel faith
    Saul mac Cis conglanbaig,
    frisoerbríg ndúasaig, deilm ndil,
    5545] O shunn rogab ríge rúad
    Saul digrais daigermúad:
    rodaslin galma ocus glóir
    clanna ámra Iacóib.
    5549] Connabetis cenrig rain
    gádatar huili ahoendail:
    romiscnigset, mílib scél,
    Abía ocus Ohél.
    Ohél, Abía, erctha buaid.


    5553] Nás ri Ammón, aurdairc rád,
    dorat smacht forsluag Galad,
    cosúilib dessaib tennaib
    dogait asacoemchennaib.
    5557] Conaclannaib rosdoeraid,
    gnim nammail61 fodubroenaib,
    cocoicthib trenaib trommaib,
    cocroicnib díanglédrommaib.
    5561] Rogáid slúag Galad cogle
    forNas ossud sechtmaine,
    dus infoigebtais fonim
    nech donech an-imditin.
    5565] Foidit atechtairecht trúag
    coSaúl is coSamúal,
    dus infogebdais nert n-óg,
    nos-ainsed forslúag n-Ammón.
    5569] Dolluid Saul iarsét sen,
    sécet míli, cenimlén,
    ocus tricha míli mass,
    doslúagaib n-Iuda n-amnas.
    5573] Rodobris coslattra slán
    forNás cath calma comlán:
    bahé achetnacoscur nglé
    iarnagabail ir-rige.
    5577] Doluid Sául, gléraib cath,
    cotúatha n-Ammon n-engach,
    tor troeta triáth, sas naslóg,
    roiad imNas ri Ammón.
    Nas rí Ammon, airdirc rad.


    5581] Coscur n-aili trén túargaib,
    diar'maid forsnamorsluagaib,
    con-immud muirech, mod n-án,


    riaSául, rian-Ianothan.
    5585] Diatancatar cucu intslúaig
    Filistín feochair firchruaid,
    nicondilgud acht congail,
    diandibdud, diandianarggain.
    5589] Dodígail Náais, noithech ág,
    forSául, forslúag Galad,
    cocath gér geimlech, gnim n-óg,
    icoemthecht neimnech n-Ammón.
    5593] Díarmide daigrech dín
    drong daigrech naFilistín,
    tricha mile cairptech cath
    issé mili fer n-armach.
    5597] Lotar lín ateglaig dein
    bagním dedgair coanaimteib,
    dámíle laSaul slán
    ismíle laIonathán.
    5601] Cofopartatar inslog
    naFilistin, nan-Ammon,
    corálsatar og glanóg ngrinn
    for Ammon, forFilistim.
    5605] Macc Ciss óragab ríge
    robris formór n-ilmile,
    rosindre iarcoscur glé,
    dorigne coscur n-aile.
    Coscur n-aili tren túargaib.


    5609] Fecht dodeochatar otír
    fianna feochra Filistín,
    sluaig sin sirden frislait srén
    dodilgen mac n-Israhél.
    5613] Arim asluaig, slicht cenchol,
    línib atuath, atromthor,
    secht mili fer, ferr cech ngail,
    con-armaib, congascedaib.
    5617] Tinólsatar, tola tren,
    slóig mora macc n-Israhél, {folio 33 b 1}bahuamnaig triamnaig diatraig
    combatar uili in-oendáil.
    5621] Cororaid moRí noebnar
    sech cach n-oen friIonathán,
    condigsed íarfoimsin fir
    do'rfaicsin sluaig Felistin.
    5625] Dochuaid Ionothan forleth
    aoenur 'saarmiger,
    coromarb díb, díni nder,
    fichi mili fer fortrén.
    5629] Ri dorat digail, delm n-án,
    forrígaib rian-Ianothán,
    oMachim, comílib slóg,
    cocrich n-iraig n-Achilon.
    5633] Nir'línaib fer, formnaib snas,
    lainib ligdaib, ler n-ernmas,
    nisnacht osbrí brigda brass,
    acht moRi rígda rinnmas.
    5637] Rucsat réim, rod rainni sloig,
    dochlod clainni Iacoib,
    fribríg bert, fricumtach ngal,
    otír fecht dodeochatar.
    Fecht dodeochatar otír.


    5641] Ri roraid friSamúel súg
    con-erbarad friSaúl,
    condechsad lín athor triath
    cendil d'argain Amaliach.
    5645] Conátuctha lais ambrat,
    étach, nahór, naargat,
    atairbirt uili frilár,
    etermnái isfer, badergár.


    5649] Centáin cethra, cengraig cóem,
    centróetu muc foroenróen,
    connátuctais leo coatech
    almai gabur nachairech.
    5653] Dodeochaid Sául iarsein
    cosindneoch fuair diócaib,
    coroslig seirgib selggaib,
    díglaib demnib drumdergaib.
    5657] Tri cét míli, maith inscél,
    doslúagaib mac n-Israhél,
    ocus deich mili, mor mbla,
    diocaib treibe Iuda.
    5661] Rosaraig Saul nasluag
    ani roraidi Samúal,
    tuc leis toirti attír natriath,
    ocus tuc ríg n-Amaliach.
    5665] Togach rohiccad infiach
    friAgach, friAmaliach,
    osbri niblaith abríg buan
    inRi roraid friSamúal.
    Ri roraid friSamúel súg.


    5669] Badebthach friSaul slán
    Dia deoda, dechrach, dermar,
    diar'anacht Agach, rad nglé,
    diar'sáraig aforngaire.
    5673] Samúal cenanad rosiach
    coAgach rig n-Amaliach:
    rochind aaided n-ada
    fochlaideb inGalgatha.
    5677] Rí roraid friSamuel faith
    athesc n-inclithi n-imtlaith:
    'inn-ined Sául, slicht síd,
    deni lat oirdned Duíd.'
    5681] Ri doraega, rúathar nglé,
    Dauid degmac Iessé,
    or'bamac slán secht mbliadna
    dorat fogd chomchialla.
    5685] Rí betha binn, búan ablat,
    arcrúan ngrinn, arclithcomnart,
    dondindlach sainti 'masech
    acht badimdach, badebthach.
    Badebthach friSau l slán.


    5689] Inrí dosfuc sechinslóg
    Abimelech coMoób,
    aben isadámac, cain blá,
    dialuid oBethil Iudáe.
    5693] Abimelech, censíl mbrón;
    Nóemi, Malléon, Celleón,
    Orbba friluth, líth ngarta,
    ocusRuth Moabdita.
    5697] Dodechaid huide fata
    Ruth rochain Moábdita
    laNóemi, mílib bla,
    cotoracht Bethil Iuda.
    5701] Rooentaig iarsin friBoz
    mac Salamoin, nirb'anfost:
    húaide rogenair iarcéin
    mac diarbochomainm Obéid.
    5705] Salamon slan, srethaib séis,
    bahiarmhuasede Fares:
    Fares friglanail, gnim nglé,
    bamac Tamair isIudae.
    5709] Ruth máthair Obed, rád ngle,
    Obeth athair Iessé:
    Iessé, cendimess díth,
    baathair díles Dauíd.


    {folio 33 b 2}
    5713] Duíd togu dodelm glé
    bai fechtas ichingaire:
    dofarraid leo, lan dogail,
    coruc caerig diacháireib.
    5717] Cororaith foróenaib ríad
    Dauid aoenur 'nadíad,
    triagradaib achoiblid chain,
    cotarraid inleoamain.
    5721] Coforbart Dauid dána,
    coleomain nalonnbága,
    cotuc trialáeschur cenchleith
    asachráesluch incáireig.
    5725] Rofersat cumleng ngradach
    Dauid 'sindleo lonndbágach:
    tressiu Dauid, tolaid crich,
    lafortachtain indardríg.
    Inrí dosfuc sechinslóg.


    5729] Rothinólsat slúagad sír
    tuatha feochra Filistín,
    con-hilur mbuada, mor scél,
    cotuatha mac n-Israhél.
    5733] Con-immud sleg ocus slúag,
    conniurt curad claidebruad:
    batrén roindled leo insain
    dian-inred isdian-argain.
    5737] Dodilgenn androng ndalach,
    amban, amac mórgradach,
    diacor diacrichaib, mod cert,
    diafichaib aforaithmet.
    5741] Sinsit cenerbrón donchath
    inslóg dermor diummussach,
    congabsat longphort nglám ngle
    forlár glinne Tribinthe.
    5745] Eterfocus ocus chián
    dorigset huili comtriall,
    intsluaig cendil, tolaib tlacht,
    diatuaithtir rothinólsat.
    Rothinólsat slúagad sír.


    5749] Tucsat leo trénfer n-írach
    diarb'ainm Gola garbgní
    nirb'fer suairc sochraid oslóg:
    bahéo duairc dermór.
    5753] Matud mógda merda mend,
    mor d'étuch aimthimchell,
    inaairdde, adbul deil,
    secht ferchubait core sein.
    5757] Lurech imme, garb achruth,
    fricomrac, fricathugud;
    cóeca dochétaib unga
    robae innacomthrumma.
    5761] Bái slind agae fiadcachdrung
    secht cét unga doiurn,
    cocraunn chain, crichid, cumma,
    remidir déil damchunga.
    5765] Ahiallacrann humai glain
    otha aglúine cotalmain:
    dohiurn glass rochummad,
    cathbarr immachertmullach.
    5769] Claideb gér garbda 'naglaic,
    méit claidib garmna comthailc,
    scíath forachliu, niclithi,
    balethiu indá damseche.
    5773] Fer cachlaithi lais il-lén
    dislógaib mac n-Israhél,
    nifrith díb oenfer foleith
    folilsad arái ngaisceid.
    5777] Gola granna congail gluair,
    dána fritola tromsluaig,


    frisrengal nirb'súairc asmacht,
    batrénfer duairc tí thucsat.
    Tucsat leo trénfer n-irach


    5781] Giabdarilardai intslúaig
    clainni Israhél adrúaid,
    rosgab crith, gléraib ellach,
    rianGola ngér garbgrennach.
    5785] Dosrat hituaim immondeil,
    roscacht cenhuail, cenergail,
    glerden roscnái sechcachndáil,
    trénfer cechlae diandigbail.
    5789] Rolin toirsi, rogab ferg,
    Saul slisfota slegderg,
    fer cachlae laiss, ciarbobin,
    domarbad diadegdáinib.
    5793] Saul mac Ciss croda, ger,
    ri cóir clainni Israhél,
    rogell aingin cenmeth
    frióenfer dafinggebad.
    5797] Dosrat frisním, serig sel,
    cendín demin diatairchel,
    trúagdai garbdai cennachtlí
    ciamtaramrai ilardai.
    Giabdarilardai intslúaig.


    5801] Dodeochaid Dauid amné,
    ossar clainne Iessé,
    isindinbaidsin othreib,
    'sin slog colón diabrathreib. {folio 34 a 1}
    5805] Cocuala incóe, nuallaib nél,
    bóe forsluagaib Israhél,
    acomruc désse cenchath,
    fer cach lae díb nomarbad.
    5809] Roiarfacht Dauid cenchleith
    isinphopull diabratreib:
    'coalog dobeir no ciarath
    inrí dondfiur nombífad?'
    5813] Atchuadatar inbráthir,
    briathraib bithib bithblaithib,
    doDauid, cenní iarcul,
    feib léir rodgellai Saul.
    5817] Rogellai Saúl mac Ciss
    ahingin cendil n-indliss,
    lacachmaith do doberad
    dondoenfiur dafingebad.
    5821] Dauid dualach, tolaib gal,
    bahé inset sluagach salmglan,
    badeccair taidbsen diadrech
    isindaimser dodechaid.
    Dodeochaid Dauid amné.


    5825] 'Regatsa,' arDauid cenlén,
    'coSaul rig n-Israhél,
    cotuc aingin cenclith
    is coromarb incóraid.'
    5829] Gabsat acharait cechcruth
    achosc isa chairigud:
    diabraithrib robogábud
    alabrad noaimrádud.
    5833] Roraidi Dauid cotren
    fiad dagdáineib Israhél:
    'fingébsa infer hut dontslóg,
    istábar dam adaglóg.'
    5837] Rogellai Saul iarsain
    doDauid cenimresain
    aingen dó, demin scél,
    agrad sechclainn n-Israhél.
    5841] 'Ainige fris, foglóir glain,
    ameic Cis chóir comramaig!


    cendimiad imchoible cruth,
    cofírian diafírugud.'
    5845] 'Rótbiat limm anige intslúaig
    fotheisc sainigthe Samuáil,
    feib thorgaib bríg imratha
    fom'forgal fein fírflatha.
    5849] 'Enech Ioseph uascechdu
    Moisi, Iacob isIessu,
    henech fodeoid oscechdáil
    uaisliu doib Dia Abaráim.
    5853] 'Huaim dait fricechndáil, delm nglé,
    frit'laim, ameic Iessé,
    frisotharfa dochor cain
    acht coromarba incoraid.'
    5857] 'Muirfetsa Gola, gním ngle,
    bihé cora arcardine,
    biaid mobríg bág forassa,
    doreir morig regatsa.'
    'Regatsa,' arDauid cenlén.


    5861] Luid cenlurig, lathar ndein,
    Dauid arcinn indfirsin,
    cengae, censcíath, cloithi bann,
    cenchlaideb cíar, cenchathbarr.
    5865] Rogab cóic clocha cengin
    atraig intsrotha dermair,
    dodosrat fein fribuáid

    innathéig n-uaig n-áigarda.
    5869] Gabaid cloich díb, bagnim ngér,
    sréid huaid isinn-aer,
    roben Gola iclethi achind,
    corocht conice ainchinn.
    5873] Doluid Dauid cucai iarsin,
    gaibid dó achlaideb fessin,
    cotuc achenn triagail ngúir,
    combóe forbélaib Saúil.
    5877] Dauid cenbini adreth buáid
    oruirig nimi noebuáig,
    nitrúag dluige ríanadreich,
    baluath luide cenluirech.
    Luid cenluirig, lathar ndein.


    5881] Atrachtatar nadaslúag
    donchath croda claidebrúad,
    doimruachtain cinn icenn,
    doimthuargain cocomthenn.
    5885] Frifúrad nangrúam nglorach
    nacúrad, nacruadchorad,
    colin androng ndían ndaigrech,
    bátar ciai iccomclaidbed.
    5889] Ri dorat triall forsincath
    rianDauid ndian, dássachtach,
    coroemid incath cendil
    forslog faelid Filistín.
    5893] Bai crú garb darcorp centlí
    icath glinni Treibinthi,
    diatorchair dib, toromm nglé,
    séssiur cóica coicmile.
    5897] Slúaig naFilistín fonél
    ocus slúaig mac n-Israhél,{folio 34 a 2}
    nírbuchian friginol ngal
    tinól dían atrachtatar.
    Atrachtatar nadaslúag.


    5901] Oshunn romebaid incath
    ríanDuid cosinmórrath:
    atbered inslóg cogúr:
    'ferr comor62 indá Saúl.'
    5905] Ocmolad Dauid, delm n-uag,
    sechSaúl, sech inmorslúag,


    babind acéol ngrinngel nglé
    innan-ingen n-Ebraidé.
    5909] Intan baóenmíli aig
    ocSaúl conaslúagaib,
    deichmíli mora, mordíth,
    dorochratar ocDauíd.
    5913] Tinól Dauid diluth glan
    friherud nahairmiten,
    cetheirtréin tairbbig foleith
    dichairdib, dichomdíneib.
    5917] IArsin tuc fobríg buadaig
    ingin Sáuil srethsluagaib,
    Míchol mór, mó cách ngaine,
    dohinchaib nandagdaine.
    5921] Or'ort Gola, cruach golach,
    diambái inslúag 'coamormolad,
    lammac croda
    baduairc laiss aimcasain.
    5925] Intslúaig indruirig combríg
    inmuirig immonn-ardríg,
    bafaelid cach díb dialuid
    incath oshunn romebaid.
    Oshunn romebaid incath


    5929] Dorigensatar sid slan
    Dauid ocus Ionathán,
    íarriaguil Dé, fochucht chain,
    friaré hifut asaegail.
    5933] Dorat Ianothán iarfír
    huad aheirriud doDauid,
    eter etach friríad rath,
    eter gae issciath ischlaideb.
    5937] Rochinnset acotach cáid
    cennach cocad imchomdáil,
    cidolcc, cidmaith, triabith sír,
    etir Sául isDauíd.
    5941] Duthracair Michol cenmeth
    abráthair, aairchinnech,
    ambith icairddes cendíth
    Ionathán ocus Dauid.
    5945] Bái Dauid foglórai grad
    iarcórai friIonathán,
    innathig fomíad, fecht ngúr,
    octriall dothecht coSaul.
    5949] Rogab Míchol, medar fír,
    cotrebar tinchosc nDauid:
    'nidechais frislemna scel,
    coríg n-ergna n-Israhél.
    5953] 'Náteig cotdiss, agass glé,
    comac Ciss cencommairgé,
    babaeth meni adair rún,
    nátabair toeb friSaul.'
    5957] Doluid Saúl frisnúad sid
    coluath dothegdais Dauid,
    fritairsin Dauid ifus
    cenaigsin, cenfurachrus.
    5961] Induair dodechaid, tarm trén,
    ri croda clann n-Israhél,
    ann dothaet Dauid, delm ngúr,
    immach forsét coSaúl.
    5965] Sernai Saul insreth slain
    imthreib nDauid commórgin:
    roiad marnathraig, níth nglé,
    imchathraig meic Iessé.
    5969] Mar'tchuala Míchol inmbreis
    conrúala insluag 'montegdais,
    rothinól dintoirt tachtai
    nalínbroit, nahanartai.
    5973] Dor'imthas, bahé ingnim cass,
    ambé findchass fíramnas,
    rosuidig cosuairc naslaimm
    immuacuaird immoncerchaeill.
    5977] Conderna fúath indfir de
    colúath innagaethrige,


    feib ba bés bith icétlud
    dogress doib foainétgud.
    5981] Rogart asdorus immaig
    smacht solus Saul sáergein,
    roraid comall, monor nglé,
    'infail tall mac n-Iessé?'
    5985] Roraid Michol, mín aguth,
    friSaúl diachennsagud:
    'menipcél críntaig dochath
    mochen tíchtain degathar.'
    5989] 'A Michol merda, menmnach,
    gelda, genbda, comdelbach,
    taet 'mach fochléire cachta
    doché ile, dochomalta.'
    5993] 'Aní condnigi, ameic Ciss,
    achlí gaili ceneisslis, {folio 34 b 1}atá sunn, cennach gláim nglé,
    eter daláim th'inginé.'
    5997] 'Ciabeith dolám, lathar nglé,
    dardrochmac n-an n-Iessé,
    ninanais fritindremm tinn,
    ahingen Achinoym!'
    6001] 'Cidnech badmó miscais lat,
    arí Israhél con-armacht,
    tissed ríandígla fom'guth,
    nirígda duit mosárgud.'
    6005] 'A Míchol mer, menmnach, mas,
    ahúa engach Athemas,
    nítbia frit'dil ndogra nder,
    rígdomna mac n-Israhél.'
    6009] 'A meic Ciss fort'glonnaib gaib,
    nabris fordochommorgeib,
    na63 báid triaderbága trén,
    cenn n-erbága n-Israhél.'
    6013] 'O dorala, rúathar nglé,
    frim'thala mac Iessé,
    duit, abé féne fechtach,
    nibacéle cridserccach.'
    6017] 'Ameic Ciss clechtaig, gnim nglé,
    nahettraig mac n-Iessé,
    tairinn thogail gnáthaig ngil,
    nasáraig dodegingin.
    6021] 'Násáraig Ionathán uais
    congail gnáthaig, corochrúais,
    cenolc, cenainces, cendíth,
    rogab cairdes friDuíd.
    6025] 'Nasáraig Samuel fáith finn,
    congab grad núalnar, náebdind,
    nasaraig cengáisi nglór
    Máisi, Ioséph, Iacób.
    6029] 'Nabris báig n-airech noláech,
    noainech nafer fírgáeth,
    nagnáthaig ni assia doscél,
    nasáraig Dia n-Israhél.'
    6033] 'Cia dobertha dam frimthóir,
    aben, cét n-unga ndergóir,
    argais galais no gart ngle,
    nianais mac n-Iesse.
    6037] 'Rodonanacht Dia donim,
    cain glanalt cenimresain,
    fogdglunn, cenchúairt nglassa,
    dochúaid uait donfabullsa.'
    6041] Foruirecht Míchol nanníth,
    cendul indegaid Dauid,
    corocht Dauid, reim iarruth,
    icéin in-oen nandithrub.
    6045] IArsin adcocrat cencrad,
    Dauíd ocus Ionathán,
    cor'chinnset cenchíthu cess
    triabithu 'nambithchardess.
    6049] An-óentu dogress cechcruth,
    atóebtu cendíscailiud,
    fofiadnaib indinngnaib gal


    iartimnaib dorigéntar.
    Dorigénsatar síd slán.


    6053] Bái Dauid 'sa druim frifraig
    fecht fiadindríg 'sindrígthaig,
    focháinbuide nandrong ndál,
    in-oensuidi isIonathán.
    6057] Luam laidi fochaini cruth,
    gengaili ocairfitiud,
    dondríg, dontslúag, centeidm tind,
    icseinm athimpáin téidbind.
    6061] Dauid indratha, réim saer,
    bafotha flatha fírnoeb:
    sephain seol salmda osbla,
    baceol n-amra n-adamra.
    6065] Basegunn séim ascechmud
    archruth, archéil, archoibliud,
    lasinsluag sóer, soismert sid,
    bind leo coistecht friDauid.
    6069] Ciarboairfitiud lacách
    linib tairchitul ndermár,
    iarsét slemun, sechinslóg,
    dochoid Demun iSaól.
    6073] Sreeis Saúl uad insleig
    forDauid isindrígthig,
    triachlár cruaid itoeb achinn
    robidgc ingái gluair gerthind.
    6077] Atraracht inslúag istaig,
    batoracht núall integlaig:
    indar lacach gae indríg
    robáe triamedón Dauid.
    6081] Atraracht Ionathan ard
    coruc reim ruanaid rogarg,
    cor'idnacht Dauid, toem nglé,
    uad coóen nafidbaide.
    6085] Rochathaig cogarg, combríg,
    friaathair, frisinn-ardríg,
    rangab guba, rochlói cruth,
    ardula diasarugud.
    6089] Ferais Míchol debaid tinn
    friSaul, friAchinoim,
    nochor'bo choimsech acath,
    batoirsech, batromdebthach. {folio 34 b 2}
    6093] Ferais inslúag athber ngúr
    forsindríg ruam, forSaúl,
    adul censamsúgud sid,
    diasárugud imDauid.
    6097] Mac Sauil slaide glonn ngal
    badúscud lonn leoaman,
    rosoer cenchíabair cachta
    achlíamain, achomalta.
    6101] Ri rodnanacht forsinmaig,
    cenámarc ondleoamain,
    hé rosáer cenbuide indríg
    isintsuide imboe Dauid.
    Báe Dauid 'sadruim frifraig.


    6105] Dorigni Dauid, deilm n-án,
    comarle ocusIanothán,
    imdul cencleith frigail gúir,
    cenbeith itegluch Saúil.
    6109] Roraidi Ionathán fris:
    'Saul natabair d'eisleis,
    an frit'gairm ifail sunn sel
    naclochi dian-ainm Ephel.
    6113] 'Cofesser friselba síd
    inmaith frit menma indardríg.
    indeil dúrchathach natres,
    no'ndúthrachtach frit'amles.
    6117] 'Dotrua comarda uaim,
    bid sodamna frit'banbúaid.


    imdul reut, recht ngúr ngle,
    nothecht arcúl dorise.
    6121] 'Fochuriub uaim saigit snéid,
    féig friglaineilc frit'glanchéil,
    airet rosso, réim corath,
    cid icéin nofaicserad.
    6125] 'Mad hicein chingges cenchess
    ber cheim cinnes dot'lanles:
    menipcían frisoirchi sain
    toirchi codían dorígthaig.'
    6129] Dochúaid Ianothán istech,
    cosindríg, cosinteglach,
    condessid censil ndogra
    innasuidiu rigdomna.
    6133] Roiarfacht Saúl frisním
    d'Ianuthan scéla Duíd:
    'ciabaile ifail, delm nda,
    dofer comtha comdána?
    'Ciabaili ifail immaig
    drochmac Iesse angbaid?
    nithoracht fiadnachdrung tra
    sunn in-oen naláasa.'
    6141] Atchuaid Ianuthán, án aig,
    dondrig rán innarígthaig:
    'dochúaid, cendechel, deilm tra,
    diathreib, doBethil Iudá.'
    6145] Roráid Saul frisnuad sess:
    'cia istslúag nádigni m'amles,
    tan istussu rogni inse,
    adrochmeic namerdrige?'
    6149] Dochúaid Ionothán immach
    combái formúr nacathrach,
    feib nognathaiged cendíth
    dús inrathaigfed Dauid.
    6153] Focheird cenlén onmúr 'maig
    airchur trén forsinn-ailig,
    segda, sodalbtha, slicht nglé,
    icomartha cumnigthé.
    6157] 'Máta nech iconcloich thall,'
    arIonathan nírb'imgann,
    'orthad colúath, táet cotricc,
    isléced uad insaigit.'
    6161] Rí roleth brat nimi náir
    imthoebu talman tonnbáin,
    ocus gin ngúir conalí,
    diaréir cachduil dorigní.
    Dorigni Dauid, delm n-án.


    6165] Luid ass Dauid, tolaib rath,
    cengáe, censciath, cenchlaideb,
    iarcálaib garb rogáel gail,
    fácaib aarm 'sindrigthaig.
    6169] IArsin dochúaid fochucht cacht
    coAchimilech sacart,
    cotormalt leis, gleire guir,
    bargena réile remfúir.
    6173] Cianchacht imchangnib cuirp criad,
    roiarfacht Abimeliach,
    doDauid r'iarfacht cucht cain,
    'indatglain lucht dotheglaig?'
    6177] Dorat Dauid teist iarfír
    ifrecnarcus indardríg,
    cencomrac dó frimná imne
    re trilá is teoran-aidche.
    6181] Robái cenglorai, cengeis,
    claideb Golai 'sindeclais,
    fribrig mbladailc fiadcachslóg,
    iarnathabairt doSaól.
    6185] Roráid Dauid ciarbodalb,
    'olcc dul icéin cendagarm,
    fritala indrig, rúathar mbras,
    domrala triatinninas.' {folio 35 a 1}
    6189] DoAchimilech nirb'folith,


    rofer fáilti friDuid,
    ocus doridnacht do immach,
    claideb Golai gér golach.
    6193] IDumeus atchúaid inscél
    doSaul ríg Israhél,
    Dauid colucht rabolíach,
    rochaith bíad Abimeliach.
    6197] Nitrúag fúair fáilti fosmacht
    Dauid icsluag nasacart,
    ocus ruc cenloga leis
    claideb Gola ceneisleis.
    6201] Luid Saul cechthucht iarmbrath
    corágaib lucht nacathrach,
    ort slúag nasacart cenclith,
    coiciur arcethrifichtib.
    6205] Rosnort iarcétrud agleo
    in-étgud, ephud lineo,
    labruth mbrathlaig, bág amné,
    'sinchathraig dian-ainm Noué.
    6209] Acht itrulai oenfer díb
    corice tegdais Dauid,
    Abiathar conablait,
    macc Abimeliach sacairt.
    6213] Romiscnig Saul, gnim nglé,
    Dauid mórmac Iessé,
    coforcongrad lais, lethan scél,
    nabeth forcrích n-Israhél.
    6217] IArnafocra domac Ciss
    Dauid nitharat eisleis,
    cennachtechel dochuaid ass,
    ruc atheged coAchess.
    6221] Roimraid cách fiad indríg
    intrath dodeochaid Dauid,
    'innhé seo inclí glanna
    Dauid ri natalmanna?
    'In dosom labras inslúag
    nan-ingen n-amnas n-adrúad:
    'ort Dauíd derb deichmili,
    ort Saúl serb óenmíli?'
    6229] IArsin rongab galar gér,
    frisním calad nirb'imthrén,
    corochumscaiged achíall,
    cotunscanad (sic) cachn-anríad.
    6233] Cororaid Achis triasním,
    niharaithis forDauíd;
    'berid uain cenmíad immach
    induini ndían ndásachtach.'
    6237] Luid Dauid, linib aslog,
    hitírib minib Maob,
    con-aes lathair, con-aig thaig,
    coamáthair is coathair.
    6241] IArsin roaittreb coog
    indess im-Maffa, im-Moób,
    brig bladmar rogab Maffa
    primadbar indfirflatha.
    6245] O roathain fiad inslog
    aathir forrig Moob,
    foIsrahél, ilar crích,
    iarsin ass doluid Dauíd.
    Luid ass Dauid, tolaib rath.


    6249] Saul iarselaib frisním
    dorat mebail forDauid,
    diatardad Míchol fogreis
    doAlathi mac Lais.
    6253] Roráidset coleir coluth
    amuinter fein friSaúl:
    'biaid nech imbánugud Dé
    dosárgud64 meic Iessé.
    6257] 'Digelaid doDia cechcruth
    fort fein, fort'clainn, fort'chiniud,
    Dauid fridalgud nachdil
    dosargud 'mochetmuintir.'


    6261] Tuirid natuath tinach trén,
    ilar nuall mac n-Israhél,
    cotrethnaib iarsrethbruig súg,
    bátar debthaig friSaúl.
    Saul iarselaib frisním.


    6265] Bóe Dauid ré mór foleith
    fofuacru, foinnarthaib,
    fodichruth, foclére greim,
    indithrub slebe Carmeill.
    6269] Icailltib Séb, srethaib sleg,
    imrulaid Dauid tonngel,
    isleib Síon immallé
    isindithrubaib ainge.
    6273] Secet caini gascid glain
    diocaib friimmargail,
    doDauid iarfír frifraiss,
    bahé alin foralongais.
    6277] Bantrocht coem, corcarda, cóir,
    conatimthaigib dergóir,
    drong n-ingen, drong ngilla cert,
    friatindrem, friatimthirecht.
    6281] Friseilg, frifiadrad fogd,
    cenmeirg friciallrad comlán,
    conafein húathmair cenlén,
    fortúathaib mac n-Israhél.{folio 35 a 2}
    6285] IMsliab Carmeill docachleith
    cengarbgreim friachomaithcib,
    bamenic nodechrad dáil
    imchethraib n-aidblib Nabáil.
    6289] Nabál iCarmill rochlos
    gabál gremma icomaithcheos,
    balcbethraid osbetha blá,
    aittrebthaid indithrubá.
    6293] Abigail, glan agreimm,
    ben Nabáil slébi Carmeill,
    set suthach, slicht nádchelar,
    banscal cruthach coemtrebar.
    6297] A almai aidbli cenmeirb
    imCharmill docachoenleirg,
    míli dogabraib frigleith,
    teoramili docháireib.
    6301] Dochúas oDauid coathech,
    inbaid lommartha cairech,
    coNabál frigabáil nglé,
    diaglanáil imfeis n-aidche.
    6305] Araburba friaig thaig
    isarchumga amenmannraid,
    Nabál sin slebi Carmil
    rofemid immoenbargin.
    6309] Coic muilt, dacét mbargen mbil,
    dacét mías docharicib,
    daphaitt fína, iarset sid,
    ruc inben lee doDauíd.
    6313] Cethrib cétaib gilla cain
    iarsétaib friimmargail,
    conarmrath tánic 'nadáil
    Dauid domarbad Nabáil.
    6317] Ferais inben fáilti fris,
    friDauid cennach n-eisleis:
    'cucut tucsam forset sain,
    nifailmet darth'airmitein.'
    6321] 'Manithorasta modáil,'
    arDauid frimnái Nabáil,
    'imbarach 'sinchamair chain
    nobíad Nabál cenanmain.'
    6325] Nabal nemnech, gemlech, crín,
    attib tadail dorofín:
    'sindechmaid lá, líth cenchol,
    bamarb Nabál aoenor.
    6329] IArsin tuc Dauid cendáil
    Abigail mnai Nabail,


    dosrimthos dó Dia donim,
    con-innmos, con-innilib.
    6333] Inrí robennach sechcách
    Dauid frihellach n-ollgd,
    secht dé badichmaig cendíth
    isdíthraib imbai Dauid.
    Báe Dauid ré mór foleith.


    6337] Sephi65, niptar seccle slóg,
    atchuadatar doSaól,
    'Dauid dichmaig, doig notcheil,
    'narndíthruib, 'narnderriteib.'
    6341] Doluid Saul, nisuail sain,
    lín aslúaig conaarmgail
    frigním ngúr cumtaig catha,
    combái ictúr indithruba.
    6345] Rosuidiged longphort leis,
    bagním comnort ceneisleis,
    rosainig cosrethaib sét
    formaigib nacairechtrét.
    6349] Fofúair fiaddínib athuir
    huaim itírib indithruib,
    frignim cinti achuirp cachcruth
    luid inti diaimthelgud.
    6353] Dauid cotriathaib darb'bai
    bái in-iarthur nahuamai,
    tréin iartimchul daire daill,
    conaféin, conafairaind.
    6357] Roráidset fris, réim cendíth,
    amuinter féin friDauíd,
    'feib tharngert duit, rem cenbrath,
    innossa rochomolnad.
    6361] 'An-dorarngered ochéin
    dorairbered fot'huagréir,
    iscían inbúaidsi fosmacht,
    isindúairsi doroacht.
    6365] 'Mór intuicthiu oDía dil,
    duitsiu, aDauid toebgil!
    osdálaib tharaic triablait
    fot'lámaib dodergnamait.
    6369] 'Gaibther doclaideb ger glé
    dot'reir, ameic Iessé!
    naroa dál derbdrong immach
    Saúl slan serblonn sirthech.'
    6373] Atraracht Dauid iarsin
    ocusrochoisc amuintir,
    badechrad fodétgail dúir
    doletrad étaig Saúil.
    6377] Dodécaid fein, febdai glonn,
    Dauid delb dreim
    cor'letair, gním ndetlach dúr,
    inn-étach bai imSaul.
    6381] Cia dochuaid Saúl immach
    asinduaim isinteglach,{folio 35 b 1}rogaba friglamma gné
    nimbai samái laSephé.
    Sephi, niptar seccli slóg.


    6385] Dolluid Dauid dána dúr
    aidchi sáma coSaúl,
    coruc agái cumnech cóir,
    lacúach ndruimnech ndergóir.
    6389] Ingái robae itóeb achind,
    maroen frichúach coemgrinn,
    ruc Dauid, bagéire gúr,
    indédesin oSaúl.
    6393] Manbad omain Dé donim
    glé fricachcomul cóemdil,
    frisretha sell nagreiss gúir
    noberad leis cenn Saúil.
    6397] Dorigni troich ndorchaid dé


    cotorchair icath Giluáe,
    nimbái suidi saigthi síd
    ondaidchi doluid Dauid.
    Doluid Dauid dána dúr.


    6401] Cein bae Dauid dichmaig, dil
    isdithruib 'coaimditin,
    bacomaithech, glére glé,
    Nabail slebi Carmelle.
    6405] Corothafind Saúl ass,
    latochim abag mbladbras;
    luid friadintrén66, narbodis,
    itir nGed coriacht Achis.
    6409] Dorat Achis, glérib crech,
    inchathir dianidainm Siclech,
    conatír, tolaib dliged,
    doDauid friaprímhined.
    6413] O roaittreib Dauid dian
    iSiclig conamormiad,
    isé aainm oshain illé,
    Siclech án nan-Iudaidé.
    6417] Fecht dochoid Dauid cengreis
    dothecht slógaid laAcheis,
    daraéissi tanic crech,
    cor'ort, coroloisc Siclech.
    6421] Nir'leicsetar leo nacein
    Dauid sluag naFilestein,
    artessed Dauid nachdis
    fofuacru uadib d'Achis.
    6425] 'Arnáronfuapair cosneid
    mac Iesse meic Obéid,
    niraga linn Dauid trén
    dochath frisluag n-Israhél.'
    6429] Nirelic Dia Dauid dil
    dothuilled intslúagaid sin,
    ór ishe sin, srethaib slóg,
    fecht diaromarbad Saól.
    6433] Tan dochúaid Dauid iarsain
    coAchis conasluagaib,
    fúair adún ndonn iarnacrod,
    Siclech, lomm iarnaloscod.
    6437] Centech, centegdáis, delm nglé,
    ceninnmas, ceninnile,
    cenduine mbeo fonim nél
    n'innisfed dóib nachn-oenscél.
    6441] Cenmná, cenmaccu, mét ngal,
    cenór, cenargat n-allmar,
    censosid fritoirsi atraig,
    tarmairt Dauid ahaidid.
    6445] Luid Dauid indiaid intslóig
    coroacht cosruth Pessóir,
    cofuair fer d'aes indfechta
    iarfemiud ahimthechta.
    6449] Dó dobreth biad cenbrath
    laDuid diacomnertad,
    ruc eolas uair narboscíth
    dochum intsluaig rianDauid.
    6453] IArsin dochuaid Dauid ass
    cotrib cétaib, gnim n-amnas,
    fogeib dacét cóir cachta
    fós iarfemiud imthechta.
    6457] Mebaid forru, bafúam fír,
    forsintslúag mór rianDauid,
    cofárgsat centuili ndala
    huili cruid angabála.
    6461] Gabais insluag raind indfaidb,
    gluair iarnangalais glégairb,
    cenní dondini bai ifus
    hisuidib firi hiforus.
    6465] Nirelic Dauid, dalb tenn,
    acht rainn nafadb cocoitchenn,
    doib icein congrad cengreis,
    cobráth combad beim forais.


    6469] O dochuaid coAchis n-án
    fofuair mathius commorgd,
    congail glé cech cluid rogníd
    doreir Dé céin boe Dauid.
    Cein bói Dauid dichmaig, dil.


    6473] Saul sírach slaide sluaig
    basnímach iarn-éc Samúail,
    cosaibe fogaili gné,
    cennoibi, cenfáithsine.{folio 35 b 2}
    6477] Mac Cis Cenlíthaib folén
    forcríchaib mac n-Israhél,
    rodlín snim sribgrinn, slicht nglé,
    ohingrim meic Iesse.
    6481] Bái mac Ciss icocud chían
    friDauid conamórmíad,
    cotorachtatar otír
    sluaig fer fortrén Philistín.
    6485] Dor'inól fribualad mbal
    sluagad n-Israhél n-armglan,
    aracenn, cengailib gne,
    forcláraib cainib Giluae.
    6489] Indadaig riasincath ngúr
    robai snim mór forSaúl,
    arnaconfitir triarath
    cia fors'maidfid inmórchad.
    6493] Dodeochaid Samúel iarsin
    coSaúl inn-aidchisin,
    con-erbairt fris, rád cenbrath:
    'notmairfider immárach;
    6497] 'Ocus dotrimeicc, mod cert,
    hit'chinaid, it'tairimthecht,
    ocus ár trog, díglach, trén,
    forslóg n-írach n-Israhel;
    6501] 'Ocus roscarad frit'scél
    ardflaithius macc n-Israhél:
    t'imthacht friafégad cofír
    doridnacht Dia doDauid.'
    6505] Inri scaras gói frifír,
    congaib clói, glanas anfír,
    dorat adigla, deilm n-og,
    ruc breith primda forSaol.
    6509] Intrath rothaitne ingrian glan
    oscechrían imdreich talman,
    feib bagnáth dóib dul dochath
    rogab cách achatheirred.
    6513] Gnísit cath ciana, cét nglonn,
    snisit frifíana ferdrong,
    icath Giluae conaslog
    romarbad iarsin Saól.
    Saul sírach slaide sluaig.


    6517] Batar ocSaul mac Ciss
    morféssiur doclaind dílis,
    cethrimeic, monor n-ada,
    triingena imglana.
    6521] Melchisau, basluagach slán,
    Iessu, Ispas, Ionadán,
    Brígente, Merob medrach,
    ocus Michol mormenmnach.
    6525] Achinoym amáthair mass,
    ingen amra Athemas,
    ocus Saúl, srethaib gal,
    nibochlethaib robatar.
    Saul sírach slaide slúaig67.


    6529] Sil Saul snímaich frisrén
    forclainn n-íraig n-Israhél,
    nirosliuna hed diacur
    acht madtreb Iuda ahoenur.
    6533] Dorat Abner triagail ngúir


    rígi d'Ispas mac Saúil,
    fordeichtreib tarraid areir
    isfortreib Beniemein.
    6537] IArndechraib dóib díni dé
    debthaig immonn-ardríge,
    centlí tarba, foraig thaig,
    niptaramra oentadaig.
    6541] Fosralaig cenrige rúad
    or'sáraig Saul Samúal,
    immanduinib duinnig dúir
    niptarsúinig síl Saúil.
    Síl Saul snímaig frisrén.


    6545] Bae dígal deithbir doráith
    dirain fordeichtreib dimbláith,
    lataidbsin fainni forúin
    in-aimsir clainni Saúil.
    6549] Rodoselaig cechsluag saer
    rodosdedaig fodubraen,
    garbthenn dosrimmart cuairt cacht,
    dosnarmchell cech n-ecomnart.
    6553] Rodastroeth cech n-olc arhuair
    rosglaed cechlocht cenlonnbuaid,
    dosr'imgair arsechcói cath
    indinbaid robái indígal.
    Bae dígal deithbir doráith.


    6557] Rogab Dauid, tola nglé,
    rígi n-ogda n-Iudaidé,
    iarngormchath nangruad ngúr,
    itorchair slúag imSaúl.
    6561] Roaittreb in-Ebrón án
    rochaitreb Cebrón comlán,
    fortreib Iudae, cengris nglé,
    mis ocus secht mbliadné.
    6565] Fóidis Dauid, censíl mbróin,
    techt coIspas mac Saóil,
    cotuctha dó, saer sluinter,
    Michol chaem achétmuinter.{folio 36 a 1}
    6569] ISpas mac Sauil cenlén,
    rogab ríge n-Israhél,
    dafuc Michol, ciarb' olc leis,
    oAlathis mac Lais.
    6573] Corucad doDauid húad,
    'arbuide n-Iuda n-ollmúad,
    armbeith iarmbes hitóebtaid
    dogres innarfíróentaid.'
    6577] Bai cluichi garb, glinni glór68,
    forochair linni Gabon69,
    eterAbnér mac Néir nair
    ocus Iob mac Sairb soeráil.
    6581] Cethror arfichit coglé
    doBeniemin is d'Iudae,
    fochutrummu cenclói clu,
    dorochair 'sincétchuinnscliu.
    6585] 'Singleo thánaise iarnarím,
    doócaib Beniemín,
    dorochratar, traig fritraig,
    trifichit artribchétaib.
    6589] Romebaid incath iarsin
    forAbnér conasluagaib
    Asser mac Sairb, srethaib scél,
    conid ann romarb Abnér.
    6593] IOb badicerta crich,
    toisech míltnechta Dauid,
    macSairb, baglanger imgail,
    romarb Abner 'nadígail.
    6597] Banna ocus Recab, réim rúin,
    marbsat Ispas mac Saúil:
    frisretha sell iarnadíth


    rucsat achenn coDauid.
    6601] Céin báe Dauid forIuda trén
    riaríge mac n-Israhél,
    in-Ebron frignim n-aircc n-íd
    bretha secht maic doDauid.
    6605] Ammon asinser, slicht n-óg,
    Eleab, Abisolon,
    Athenoias, frigart nglán,
    Asfothías ocus Esrom.
    6609] Rí dorát recht n-Iuda n-oll,
    doDauid deoda drechdonn,
    srethaib slánaib slógaib sid
    congdaib rogab Dauid.
    Rogab Dauid, tola nglé.


    6613] Tinólsat dáil, derb cenlén,
    sruithred slóig mac n-Israhél;
    iartimnu Dé, din cech síd,
    dodeochatar coDauid.
    6617] Doratsat rígi, réim nglé,
    domac amra Iesse,
    doDauid conamílib
    fortúathaib, foriltírib.
    6621] Rogab Dauid rígi ran
    cechacríchi cocomlán,
    othá Dán, fritola Dé,
    coclár broga Bersabé.
    6625] Arcruth cengaile imgaes,
    arsáere, arairmitin,
    nibái remi innachdú
    ríg n-aile bádadamrú.
    6629] Lín amuirech, lín amál,
    rím aruirech corogd,
    lín aslúaig sláin frisár slait,
    bamór indál tinolsat.
    Tinólsat dáil, derb cenlén.


    6633] Tricha bliadan, cenbaes bríg,
    iarn-urd riagla, in-áes Dauid,
    fortir, fortalam, treb tlácht,
    coragab fír flathemnácht.
    6637] DoDauíd centressi tra
    sluinnit seissi senchassa,
    fricethrachait mbliadan mbalcc
    roríaglad afollomnacht.
    6641] Cethricóraid, cóir andíth,
    dorochratar laDauíd.
    Benedab, Séb, Góla cain,
    isinfer cosé méraib.
    6645] Cethrur nalúaided, laíded nglé,
    laDauid mac n-Iesse,
    Ethán delbda, tolaib rún,
    Assaph, Eman, Ithidún.
    6649] Agitophel, sód cengreis,
    is hIssau Arachiteis,
    dede cosinairdib (sic) síd,
    daprimchomairlid Dauíth.
    6653] Tan rogab airichas n-ard
    Dauid daigermas derbgargg,
    friág n-úathmar, uascech bla,
    baslán dotuatach tricha.
    Tricha bliadan, cenbaes bríg.


    6657] Túargabad lais, líth cenlén,
    primchathir mac n-Israhél,
    forsleib Sioin, srethaib sell,
    cor'fothaig Hierusalem.
    6661] Suidig forsléib, sossad slán,
    Sion snéid, srethaib saergd,{folio 36 a 2}rosmathig fritoir uasdinn
    cathir coir fagabulrind.


    6665] Tricha mili, mod cenhír,
    lotar d'ócaib laDuíd,
    arcenn nahairce congrad
    cotegdais Aminadáb.
    6669] Conaclasschétlaib glinnib,
    conacruittib céolgrinnib,
    con-organ cainiu clíaraib,
    comáinib, comórmiadaib.
    6673] Bai indarc forcuclaigi gell
    'coatabairt diHierusalem:
    tarall lám Oxa inn-airc n-óig:
    bamarb Oxa fochétóir.
    6677] Úair dosfuargaib, rígda ell,
    coslúagaib Hierusalem,
    arcc Dé thargcai oscach traig
    tucad lais donprimchathraig.
    6681] Riasinn-airc noib, noithi mail,
    lingged arfailti ndermáir,
    Dauid frialuth, línib smacht,
    amal druth icfurséoracht.
    6685] Badegrach rodéc immach
    Míchol menmnach, meruallach
    forsinríg, reim cendochta,
    baréil di ahimnochta.
    6689] Rochúrsaig inrig fomeirg
    corondúsaig fomorfeirg,
    cotarat Dauid, delm n-om,
    amallachtain arMíchol.
    6693] Incathir centomaidm tenn,
    dían' comainm Hierusalem,
    cain cumtach, clú cotagab,
    oscachdu dofúargabad.
    Túargabad lais, líth cenlén


    6697] Dauid cotrethnaib tor trell
    forsrethbruig Hierusalem,
    róriagla fodelba tlacht
    tribliadna derba trichat.
    6701] Rosrethaig tolgdail triath tenn
    iartorgbail Hierusalem,
    oscechdándíne drong trén,
    il-lánrige n-Israhél.
    6705] Mespossad friattach n-án
    mac baccach bae icIonadán,
    dafuc Dauid osdrongaib
    sechcách innabithcommaid.
    6709] Ammon mac Dauid, delm n-án
    dorat forran forTamár;
    eter fer ismnái bacol,
    isde báe amudugod.
    6713] Abisalon, ni frisid,
    romarb Ammón mac nDuíd,
    combái cendíamra fogreis
    teorabliadna forlongais.
    6717] Muinter Dauid, frisíd slóg,
    fecht lotar coríg n-Ammón,
    impu rogerrtha atuinchi
    is roberrtha alethulchi.
    6721] Nisrelic Dauid, delm n-óg,
    dían-imcasin donmórslóg;
    frian-athnugud, friatogo
    robátar inhEricho.
    6725] Tuc Dauid Annon mac Náis
    ríg n-Ammón indig tiugbáis,
    cotuc amind diachind chóir
    irabi tallann dergóir.
    6729] Roart Dauid, glérib crech,
    tír n-Ammoin forcechn-óenleth,
    rodamnad cosáthib slóg
    Ramath, cathir nan-Ammón.
    6733] Teora bliadna, bochta bríg,
    bói gorta in-aimsir Dauid,
    cotarmartad huili ambás
    icinaid Ammonitas.
    6737] Saúl robris cotach ngér


    Ammonita isIsrahél,
    dosrat fochrúach cachta,
    romarb slúag Ammonita.
    6741] Aingel Dé tharic cech síd,
    radid coglé friDuíd:
    arnaraib dígal forslóig,
    adíbad forsis Saóil.
    6745] Doratta darcenn intsloig
    morféssiur clainne Saóil,
    dosr'idnacht Dauid datta
    ilámaib Ammoníta.
    6749] LahAmoníta coataig
    archomailliud inchotaig,
    doréir Dé, sochlai senchai,
    rochrochdai in-oentelchai.
    6753] Sedba, Sobab, Nathan nár,
    Salemon ocus Ibár,
    Elessia lanmas cechdía,
    Iafeig ocus Iabía.
    6757] Elizammama, aurdaig rád,
    Elida, Elezeliáb,
    clanna Dauid, sretha snó sell,
    bretha dó inHierusalem.{folio 36 b 1}
    6761] Rí con-ammodair bith mbán,
    con-allodaib ollmár,
    rí coláinib lúathaib líth,
    ostúathaib tuárgaib Dauid.
    Dauid cotrethnaib tor trell.


    6765] Tinolsat deimni teclai
    slúagai sergi Sirecdai,
    cotolcaib nator talc, trén,
    doorgain mac n-Israhel.
    6769] Dodíbad tuath itraiti,
    dochrínad uad Affraice,
    cotindrud natriath, torm tenn,
    dohindriud Hierusalem.
    6773] Forrogellsat iarfír fecht
    noragtais itír n-Egept,
    cobrath natargtais díatig
    cor'airgtis Alaxandir.
    6777] Focart dóib Dauid derb drúad,
    fosropart inserb slegrúad,
    combátar lanaib lerggaib
    donasrábaib srebdergaib.
    6781] Ort dib Dauid, delbda drech,
    deichmíli derbdai traigthech,
    ocht cét córad carpat cruaid
    cethorcha míli marcsluaig.
    6785] Inrí doruásat cechríg,
    rí cenguásacht, cendimbríg,
    ríanDauid trén derbdai raind
    dosrat hirén romadmaim.
    6789] Slúag naSerda, sretha drong,
    frifúam febda faebarglonn,
    lethnaib, lúathaib, lúardaib lac,
    trethnaib túathaib tinólsat.
    Tinólsat deimni teclae.


    6793] Rothráeth natúatha díana,
    dosrat fogláed comríada:
    trialonnbruth nambríg mbassa
    rol-lin tondgur diummusa.
    6797] Dorairchel ilar tiri
    cuaird gairbthenn fochoemríge,
    Dauid, ciarbo deoda doss,
    dorigni mor d'immarbos.
    6801] Dia roráined70 lais lín slog
    bái focumachtu clannmór,
    diatuc inmnái dorímid,
    diaromarb atrénmílid.


    6805] Dáinib, dínib, tolaib dind,
    máinib, milib ammórmind,
    glé roscacht triagin, triacath,
    dosrat fotig diatroethad.
    Roteth natúatha díana.


    6809] ÓR'fáided Íob, bátrúag scél,
    d'arim sluag mac n-Israhél,
    otha Dán, frithola Dé,
    coclár broga Bersabe,
    6813] Nóimis lána, lathar tricc,
    isoenlá tesbaid difichit,
    fririad robalcc natriath tenn
    cotoracht Hirusalem.
    6817] Dorigni Iob dondríg ráin
    inslóg dorim 'narígdáil,
    cóir adfét deserc Dé dil
    trichet dec dóib dimilib.
    6821] Ocht cét mili foroen recht
    díni nan-óentreb ndéac,
    treb Iuda arfír, adfet scél,
    cóic cét míli fer fortrén.
    6825] IArcach n-áraim díb aruair,
    coslánaib sid frisrethbúaid,
    róráid71 innia, núall cenlén,
    torraim Día slúag n-Israhél.
    6829] 'Menisbennachad Iob án,'
    arint-angel óg imnár,
    'ferg Dé rofig forfartur
    eterríg ocus phopul.'
    6833] IOb baóg imgním cert,
    dondrig, dontslóg basainserc,
    othír dothír fribrig mbreth,
    ondríg díarím rofáided.
    Ór'fáided Íób, bátrúag scél.


    6837] Fergach fris Fíadu, féidm n-úag,
    aran-árim namórslúag,
    uair narbo leis asnach cruth
    ambíathad nach an-étiud.
    6841] Bai ferg aili laDía ndil,
    lathigerna donóebnim,
    diar'ort amílid, mét gal,
    tuc amnái iarnamarbad.
    6845] Roraid Spirut Dé friGád
    aithesc glé, crichid, comlán:
    'ráid friDauid, nigó gaib,
    roga dó artribbrethaib.
    6849] 'Secht mblíadna dó bochta búan,
    ocus gorta conaimlúad,
    no trimis agair riacreich,
    no gris galair trib latheib.'{folio 36 b 2}
    Roraid Gád fri Dauid tan,
    ciarbochrád riamenmanrad:
    'toticfa dígal nochath
    triath'imrádud ndiummasach.'
    6857] Corogaid Duid iarsein
    asoerad foranáimteib,
    dígal basmaith lais fodein
    tabrad forru diaógréir.
    6861] Dauid babibdu rechta
    fricachtimnu tarmthechta,
    d'fis trialla deochair dochath,
    Fíadu fris feochair, fergach.
    Ferggach fris Fíadu, feidm n-úag.


    6865] Rosnort int-angel cosnéid
    triachinaid diumsa Duíd,
    sechtmoga míli, mor scél,


    dodíni mac n-Israhél.
    6869] Dorigni Dauid fogail
    athirgi fothromdéraib,
    cocétlodaib salm slechta,
    in-étgodaib cilecda.
    6873] Ri rodet dilgud derb, dein,
    doDauid diamórchintaib,
    dodeccraib agním clithi
    iarnahettlaib athirgi.
    6877] Dodeochaid Gad glanbda gle,
    comac n-amra n-Iesse,
    con-erbairt fris, fath cenchlith,
    'dena tegdais donChomdid.
    6881] 'Túargaib altóir doDia dil,
    buidnib balcthoir donChomdid,
    in-aria, cenlunni lí,
    Ornaunndi Iabussi.'
    6885] Dorinnscan Dauid insein
    doruirig nimi nóebgil,
    nicheil frignim nglérda nglan
    tempul sain ségda Solman.
    6889] Mor míli iarset roslas,
    mor cét, mór ndíni ndronmas,
    mor slúag rosmacht frisnúad sel,
    nitrúag rosnort int-angel.
    Rosnort int-angel cosnéid.


    6893] Dorodiúsaig Día amac
    'naagid frifrituttacht,
    mór d'ulc triabrathaib rogní
    diaathair combad athri.
    6897] Dor'inól slúag sleoda sneid,
    in-agaid ndeoda nDauid,
    triabladblat feib rofirad
    cotarmart aathrígad.
    6901] Túargaib cosluagaib cosreith
    combuadaib, combrithemnib72,
    nir'fírda dó dul donchath
    iartecht corígna aathar.
    6905] Abisolón, srethaib slúag,
    rothinól cath claidebruad,
    d'innarba Dauid cotrén
    nabeth forcrich n-Israhél.
    6909] Glérdin rofersat incath
    trenfir Dauid comorrath:
    riacruadgail nacórad crón
    rotheich slog Abisolón.
    6913] Uarromebaid incath cerb
    for Abisolón slegdergg,
    among buidi, mín adath,
    rogiul dogéscu darach.
    6917] IOb trénfer derbtha treith
    toisech míltnechta Dauid,
    donchath chródonn rogab greimm
    atacomong dooenbeim.
    6921] O shunn romarbad amac
    dor'arbrad fothochomracht,
    cotarmairt éc, bascél tróg,
    dochumaid Abisolón.
    6925] Asbert Iob, bascél treith,
    fiadintslóg mór, friDuid:
    'ragab bás baide fobrón
    dochaine Abisolón.'
    6929] IArum rogab aríge
    Dauid con-ilur míle,
    uair dorochair leis icath
    Abisolón slógbuadach.
    6933] Dilliud for Duid dána
    con-immud cechdrochdála,
    Abisolón díandiumsaig
    ríanarian dorodiúsaig.
    Dorodiúsaig Día amac.



    6937] Diatánic Dauid andess
    darIordanan, nirb'imchres,
    tárnactar 'nadáil cenlén
    slóig Iuda, slóig Israhél.
    6941] Rofer slóg Iuda coslán
    fáilti friDauid ndermár,
    bafálti fóil, nirbothrén,
    failti sloig mac n-Israhél.
    6945] Rofer Sephi, gléssib glór,
    forséssib Abisolón, {folio 37 a 1}rotriall cath aili fogreim
    mac Bachaire osléib Effraim.
    6949] Sephi mac Bachairi braiss,
    doclainn Israhél admaiss,
    rothinól slóg, nirb'frisid,
    dochomhéirge friDuid.
    6953] Romebaid fair, nifuair dín,
    rian-Iób comuintir Duid,
    corocht incathraig, cét mbla,
    Abella Pedamacha.
    6957] Corongiuil Iob ilar cath,
    nirbochiuin cóir conarmrad,
    condessid mardlúm dardreich
    immondún docachóenleith.
    6961] Bae banscal écnaid is'dún
    iarfrecraib imcechglanrún,
    d'acallaim Iób bái 'sinchath
    doluid formúr nacathrach.
    6965] Gorelic gairm, ba gním n-óg,
    formac Sairb, nirbuerthróg,
    donmúr fiadintslog immaig
    condernai Iob d'acallaim.
    6969] 'A Iob it'foimsid frisíd,
    achoimsid forslóg nDuíd,
    nahimbeir luinni colén
    formuimmi mac n-Israhél.
    6973] 'Senfoccul buada, buan scél,
    latuatha mac n-Israhel,
    docachcheist chialchaid rotchná
    iarfaig inPedamachá.'
    6977] Roraid Iob ilar dáil,
    fiadintslog frisinmbanscáil:
    'teilgc cenn meic Bachairi 'mach,
    nigébthar ell nacathrach.'
    6981] Roradi inben iarsein
    comblathi, cenimresain:
    'ferr oenfer dontslog dodul
    indá inmor domudugud.'
    6985] Dorigned sain arIob
    mac Sairb frisretha soerslóg,
    cenn meic Bachairi immach
    rolad darmúr nacathrach.
    6989] Dorumalt Dauid cenchess
    ahorddan, ahairechass,
    cofargaib friSolam slán
    iarsin inflaithius forlán.
    6993] Samma mac Geraid condith
    iarndebaid dó friDuid,
    roslecht doDauid cotrait
    darIordanan diatánic.
    Diatánic Dauid aness.


    6997] Rogab Solam, srethaib slúag,
    rígi n-Israhél n-adrúad,
    rí samlaid nifrith sunn sel,
    eter talmain isnóebnem.
    7001] Con-écnu óg, cocruth glan,
    targcai cechslóg séis Solman:
    balór forggal oscachmaig
    arorddan, arairmitein.


    7005] Écna Solman, srethaib slóg,
    osbith bladmar mardergór,
    macsamla Solman, síth nglan,
    nifrith dorigaib talman.
    7009] Dáarrig dec, digrais gair,
    héd robátar icSolmain,
    cach forachuaird, demin scél,
    fordáthuaith dec Israhél.
    7013] Frithalim tigi indrig
    sloig sir Solman meic Dauid,
    fritinol bíd ocus chiis
    cachdíb icind cachoenmíss.
    7017] Fess cech n-aidchi, cenchess cain,
    tairbi tigi Solamain,
    cenlubai lergg, leri líi,
    censelgc slebi nahuisci.
    7021] Tricha miach cruithnecht osblái,
    trifichit miach n-eornáe,
    deichndaim fichet bó, nibréc,
    ocus cet molt, ba morthrét.
    7025] Arécnu, arordun oll,
    frifrecru forgal fírdrong,
    amru brígaib, brosnaib gal,
    osrígaib rogab Solam.
    Rogab Solam, srethaib slúag.


    7029] IS leis rothurcbad olár
    incumtach crichid comlán,
    oscach clothmaig, cocruth glan,
    tempul sruith sochraid Solman.
    7033] Fácbaid Dauid, déde ndein,
    diamarbad icSolamain:
    Iob trén
    dlomad cath
    ocusSambe mac Gerad.
    7037] Solam basúi saigtis máil
    frifoglaim écnai imláin,
    'coadrad, nidal cenbríg,
    rohuc hed docach ardríg.
    7041] Mac Dauid fritarba trén,
    ríi macc n-amra n-Israhél, {folio 37 a 2}cengói, cengeiss, cumtaig rath,
    Solam isleis roturcbad.
    ISleiss rothurcbad olár.


    7045] Oadrad indidail áin
    dorat Día digail ndermáir,
    forclainn Solman, sruth nasreith,
    coroscartha frideichthreib.
    7049] Síl Solman forróed, réim nglé,
    rodastróeth rí rindnime,
    cenforgal, cenmiad mathius,
    cenordan, cenárdflathius.
    7053] Mac Solman Robuam rofich
    fordethreib conadligthib,
    ocus hIrobuam roclos
    fordeichtreib rogab flatheos.
    7057] Solam básui saigtís druing
    frifoglaimm n-ecnai n-eruill,
    roscar fribúaid isfriblaid,
    ohuair adartha indidail.
    Oadrad indidail áin.


    7061] Rí dorat dígail, deilm n-úag,
    forsinríg réil hIrobuam,
    diancursaig infáith foleith,
    diambái icadrad indídail.
    7065] Domarbad indfátha áin
    luid hIrobuam conagin,
    seccais alám, lathar ngrinn,
    immonclaideb ngarb ngérthinn.
    7069] Diatormailt infáith inmbíad
    dartimna nDé, baanríad,


    rí rofaed leo lán dogail,
    iarsain cucai diaargain.
    7073] Ruri betha, bríg nadbréc,
    rorude imgretha glangéc,
    rochacht cachrí fogin glain,
    inrí dorat indígail.
    Rí dorat dígail, deilm n-úag.


    7077] IArn-écaib hIrobuam ráin
    dodeichtreib, deithbir golgair,
    in-Israhél, foglór gal,
    robái mór n-arracht n-ídal.
    7081] Bái mór n-ergal ndegrach ndian,
    bái mór doulc, doanríad,
    eter déthreib, tolaib treb,
    ocus deichtreib nan-imned.
    7085] Bái dóib fritindriud mór cath
    dian-indriud isdiatróethad,
    cechsluaig 'mosech, foraig thaig,
    dogeintib isd'echtrannaib.
    7089] Bái, badeithbir, toirsi thrúag
    fordeichtreib conamórslúag,
    slúag nuall nan-idal cechthreib
    imhIrobuam iarn-écaib.
    IArn-écaib hIrobuam ráin.


    7093] Rogab rígi, réim n-achtach,
    Achab úallach imthaltach,
    croda, conglandath, congail,
    friandamnad, friatimmarcain.
    7097] Fritimarcain cáich forecht
    iarfinnaltaib fath firchert,
    friadrad De, tolaib gál,
    frimandrad n-angbaid n-ídál,
    7101] Frihinnarba n-echtrann n-úag,
    línib aclechtchlann comlúad,
    frigním nglé nglériu cechcruth,
    friréir nDé dohorddugud.
    7105] In-amsir Hele cenchol,
    conglere, cenimforddol,
    fordeichtreib conagrad glé,
    Achab án rogab rígé.
    Rogab rígi, réim n-achtach.


    7109] Rí dor'úargaib Héle fáith,
    glére crúanmaith cechcomráid,
    lestar lán, cenáeb n-engaig,
    inSpírta saér sechtdelbaig.
    7113] Teorabliadna, buan inscél,
    bái tart fortúaith n-Israhél,
    nirelic deochair Día dil
    broen fleochaid doib donoebnim.
    7117] Ann dognid Héle amra
    infirt n-aurdaircc n-adamra,
    oenmac nafedba fofeib
    dothathbeogud ahécaib.
    7121] Ort incóecait, bagnim glan,
    dosacarddaib nan-ídal,
    roloisc tene diblinaib
    infeoil fíadnahardrigaib.
    7125] Diabreithir baferr cechndáil
    Héle condene noebnáir,
    roloisc tene trom, tuaimnech
    cét fer fortren, foruaibrech.
    7129] Rohoirdnestar, araseircc,
    Héle, Helesius airdeircc,
    frignim cumtaig cóir cechgid73,
    combahé doib báprimfáith.{folio 37 b 1}
    7133] Dorurgabsat Hele fáith


    slúaig aingel nimi noebnáir,
    fornem noebda niab nemed,
    icarput dian dergthened.
    7137] Tuistid talman, tolaib drong,
    bladmar frifuismiud ferdrong:
    isamru brígaib congaib
    Rí osrígaib doruargaib.
    Rí doruargaib Héle faith.


    7141] Ri RUC Héle oscech rót
    in-óenbaili coHenóc,
    he dorat rath, ruithnib rían,
    emnaide forHelessiam.
    7145] Diar'luid Helessium cenlén
    fectas dosruth Iordanén,
    luid insruth forcúl, ceim cían,
    laforngaire Helessiam.
    7149] Diambennach, mod ngémlech ngle,
    insruth nemnech nemide,
    oshain cobráth, nibág brass,
    conidhe insruth slán somblass.
    7153] Dialuid set sáer, slan cenbrath,
    Helesius lan donoebrath,
    fobas martra rodasmacht
    inmacrad romallachsat.
    7157] Díarodail Día codían
    derb labréthir Helesiam,
    bagním tuicsi dontuaith dein,
    sruaim uisci dothalmannaib.
    7161] Ri frisindalat74 intsluaig,
    rii congradgart, conglanbuáid,
    ri tarcai cechfein, fuaim nglé,
    morí reil rofuc Hele.
    Rí ruc Hele oscechrót.


    7165] Diambennach Helesius lor
    mellach fricobair coemslog,
    bec d'olai glannai bái is'treib
    connárothallai il-lestraib.
    7169] Oenmac mná, batoirm truagi,
    bamarb dobidc oenúaire,
    atraracht abrath, beirt pían,
    óshunn tanic Helesíam.
    7173] Dorigni firt n-amra n-uag
    Helesius fiad inmorsluag,
    claimi Nemain doreir De
    luid75 agledail forGesse.
    7177] Bafinbert Helessi lain
    ocimthecht iartír Dathain,
    frinuall n-angel cenmailli
    bainsluag dolándailli.
    7181] Incorp roláad, luad nglé,
    forlige lór Helessé,
    atraracht cencheo, gním cóir,
    amal bidbeo fochetóir.
    7185] O shunn cái Helessius arcel
    eternoebu fornoebnem,
    bafergach friu Dia donim
    artharmthecht daratimnaib.
    7189] Fedb rogáid cofobaid fial
    acobair forHelessiam,
    indola glé, gleoir corath,
    isdodeóin Dé rosbennach.
    Diambennach Helessius lór.


    7193] Rí doraraic doib mór slúag
    fogradgreit echtrann nadrúad,
    forro congbgail cherta


    dodígail atarmthechta.
    7197] Ri rodatriall, tolaib drong76,
    fairne fían fortren, fortromm,
    lín armach, censíl n-etla,
    dodamnad am-morphectha.
    7201] Rí dosrat fogailib gail,
    fodairib, fothromdiglaib,
    fosolaig cengrad, cengloir,
    brónaig imbrait Babiloin.
    7205] Secht míli trénfer fritóir
    ructha imbrait mBabilóin,
    ocusmíli, mét cachta,
    doaes cachahintliuchta.
    7209] Deichmíli fer ferdais nual
    ised rombai 'sinmórslúag,
    cenmná, cenmacu folli,
    cenaes ndán, ceniunachi.
    7213] Rí tarccacht bith mbladmar mbras
    rosmacht cechn-adbar n-amnas,
    congaib iarsiraib seircc77,
    rí corigaib doraraic.
    Rí doraraic doib mór sluag.


    7217] Ri tarlaic inlíc ochéin
    hicenn nadeilbi dontsleib,
    isint-herdornn óg cenrig
    icscribunn coir caindligid.
    7221] Rii roscar inríg roclos
    friarigi, friaardflatheos,
    combái secht mbliadna foleith
    amal nacethra iccomgleith. {folio 37. b 2}
    7225] Ri roheirn dál domuin troig
    corala ár inmórsloig,
    diatuc leo cenmerbe ammaig,
    cenn deOlferne 'sincathraig.
    7229] Rí rofaed inn-angel n-uag,
    bagnim ndangen frihimluad,
    feib imroraid, rigda scél,
    dochobair mac n-Israhél.
    7233] Dia rohort frisaerbuáid sain,
    frióenhuair donanaimteib,
    noifichit mili, met cath,
    ocus coeca arcet corad.
    7237] Rí roreraig, rigda triall,
    iarn-edaib doEzechiam:
    cóic bliadna déc, dochtaid dul,
    doforcraid forasaegul.
    7241] Ri ruc ingrein cuires cách
    diaréim ruithess corognath,
    fri deich n-úara foracul,
    fogne búada buan brígrun.
    7245] Andorigni morí raith
    arsíl n-Adaim dobithmaith,
    osbith builid, bág centreis,
    islia tuirim is aisnéis.
    7249] Formorgrain Med ocus Pers
    Greic ocusRomain rigthess (sic),
    forbriga betha comblait,
    foraríga rí tharlaic.
    Rí tharlaic inlic ochein.


    7253] Ri roeirn78 doib dál triarath,
    cidhed aman bahingnad,
    dosíl Adaim, gradaib cruth,
    cosmailius cosainigud.
    7257] Doalmaib airbrib fonéim,
    doénaib aidblib aéir,
    dobíastaib bit cenblaid,
    dohiascaib snait isrothaib.
    7261] Dodechraib gotha nan-én
    ocus acrotha comthrén


    doberlaib cechmil bladmair,
    dian-ergnaib, dian-iladbaib.
    7265] Glé nihinunn seis nasmacht,
    gne, nahintliucht, na admat,
    naberla, naciall, nacruth,
    nahergna no horddogud.
    7269] Rí rodasgni, gnim glanna,
    ildelba nan-anmanna,
    ri congrad cenchredim cain,
    morí ran roheirn dooib.
    Ri roeirn doib dál triarath.


    7273] Ri thuc doib ilar luba
    triathalmain ahimthuga,
    forberat uili immalle,
    ciatecsamla itcosmaile.
    7277] Sain ní diafognai cechluib
    dosrósat Dia diadegthoil,
    sasait, sergait, línait blait,
    ícait, bethaigait, marbait.
    7281] Ri rosfaillsig foriagail
    friataidbsin cechoenblíadain,
    folígdath frididnad suth,
    fricrínad, frihurugud.
    7285] Brechtrad cechdatha foli
    clechtmaith dosrigni int-ardri,
    dath amlaid fricetlud nglan
    nibái foretgud Solman.
    7289] Adamra indrig naruam rath,
    nimtha luad aran-ilar,
    atlíu luibni fidbad fann
    noruibni rinndglan retglann.
    7293] Rí dosrergaib osbith balcc
    friserggad, friinforbart,
    nignath imbruc oscechtreib,
    congrad dofuc dooib.
    Rí tuc doib ilar luba.


    7297] Ri rosáer Abel centair
    dogradmiad domuin dermair,
    daroega, frisuilge seirc,
    triahuimle, triaglanedpairt.
    7301] Rí rosaer fritormach triath
    Noe nóebglan mac Lamiach,
    ocus Abram fiadcachdrung
    dearmgrad Caldeorum.
    7305] Ri rosáer Loth, lathar ndil,
    dintslog, isadahingin,
    diatargbad inplág badbda,
    diatardad sár Sodomda.
    7309] Ri rosáer Isaac ochéin
    dondidpairt isindardsléib,
    diatuc int-aingel inmolt
    diambai fonchlaidiub glénocht.
    7313] Ri rosáer Iacob doaitt
    doláim Isau meicc Isaic,
    diandechaid fothuaith combuaid
    dothig Labain meic Bathuail.
    7317] Rí rosáer fritreba tóir
    Ioséph ossar clainne Iacóib, {folio 38 a 1}dianfarslaic Dia trialáthar
    dolámaib aderbráthar.
    7321] Ri rosáer Ioseph, fo fecht,
    asincharchair in-Egept,
    combahairri oscechclainn
    orofúaslaic fís Forainn.
    7325] Ri rosáer Moisi, met rath,
    dosruth Níl cenabádad,
    díar'erail Día, derbod raind,
    forTermod ingin Forainn.
    7329] Ri rosáer Moise, mor scél,
    ocus popul n-Israhél,


    doMuir Romuir, rigda smacht,
    isdodiglaib nan-Egept79.
    7333] Ri rosáer, segda atóir,
    dogin Balaim meic Beóir,
    dialuid clann Israhél áin
    doaittreib tíre Cannáin.
    7337] Ri rosáer, saerda inscel,
    sluag noebda mac n-Israhél,
    diarosfuc, ruamna cenlén,
    darsruth n-uarda n-Iordanen.
    7341] Ri rosáer Iessu mac Nún
    diambai ictogail naprimdún,
    conasluag dichra, dána,
    dochathaib naCannana.
    7345] Ri ran rodasáer secho
    Raab diráenaib hEricho,
    diarlegsat, duiri athbach,
    secht muir innaprimchatrach.
    7349] Ri rosáer Oeth80 ócda
    dochlaidiub naCiclopda,
    ocus Geodeon, gním ndana,
    doburba nambarbarda.
    7353] Ri rosáer Samson cenhír
    dolámaib naFilistín,
    diar'bris díarig roimsi rath
    primdoirsi namorcatrach.
    7357] Ri rosáer Susannam slain
    diatucad isinmordáil,
    donguforgull roches cath,
    dian-erracht cach diaclochad.
    7361] Ri rosáer Hele fáith
    ocusEnoc án imthláith.
    fogriandaib caidib cengeis
    indiamraib blathib Parduis.
    7365] Ri rosáer Dauid alchur
    diambai aoenur is'dithrub,
    diatuc incairig coglan
    agailig indleoman.
    7369] Ri rosáer Dauid dána
    dochathaib nacombága,
    diatuc cenn Gólai, gním ngúr,
    combae forbélaib Saúl.
    7373] Ri rosáer Ezechiam slan
    ciarb'focus adédendal,
    diarohícad cosolmai
    dongalur, dondinnlobrai.
    7377] Ri rosáer Daniel, deilm nglan,
    acuthi naleoman,
    ocusNeman, rosóe lí,
    asindindlobrai grandí.
    7381] Ri rosáer Michiam, mod mblaith,
    dodiumus uaibrech Achaib,
    ocus Ionas fiadcachclainn,
    díatanic abrú bledmaill.
    7385] Ri rosáer, baleor dobuaid,
    naNinuiandai frioenhuair,
    dia rostarmchell, mor inmairg,
    tob tened dicachoenaird.
    7389] Ri rosáer Toba, derb de,
    diambai itroga nadaille,
    isnatrimeic cosindrath
    rodasaer is'tsurnn tened.
    7393] Ri rosáer Petur cechcruth
    bahecgal rianabádud,
    dial-luid coCrist, cengói ngle,
    diambái fordói nafairge.
    7397] Ri rosáer Petar centair,
    bahettal in-aurgabail,
    dianforslaic angel Dé dil
    acosraib, acumrigib.
    7401] Rí rosáer Eoin bai tan
    trianagnim ngleóir ngléglan,
    digae gona indnemi glais
    ocus dindolai amnais.


    7405] Rí slógdil rosaer cenlen
    Maire mórdil Magdalen,
    cenathelluch, deoda tlus,
    d'atherruch in-immarbus.
    7409] Rí saer Teclai ndíascaig ndil
    onabíastaib béldergaib,
    isint-anfabrocht forruth
    bahadbalbocht dindfuatluch.
    7413] Ri rosáer Pol, bláith aniab,
    ocus noeb naslóg Siliem,
    batar fochircolggaib cath
    icrinchumgaib nacatrach.
    7417] Romsaera Dia trebar trén
    arDemun conadubnél,{folio 38 a 2}feib rodasaer, slicht roscar,
    cechnoeb remitrubarmar.
    7421] Rí cengáeli caine imrúin,
    ri conáibe oscechnoebdúil,
    fogni cachminn, mocachmiad,
    ri narind rosáer Abial.
    Rí rosáer Abial centáir.


    7425] Rí Roróen romaib cenmeth
    cech ndoraid forcechoenleth,
    uair bátar mogaid, mod nglan,
    dorig nimi ocustalman.
    7429] Ri dorat fothraig cechtúaith
    congail, congrain, conglanbúaid,
    conidhé aconn, acenn,
    acathir Hierusalem.
    7433] Rí dorat sobarthain sláin
    forciniud n-amra n-Abráim,
    mor ríg, mor faithi, mór mban,
    génair oAbram armglan.
    7437] Ri oscechrinn, ruathar ndil,
    tuarcgab cachdind diadulib,
    rosuidig frisid cechsreith
    rí cendíth docachóenleith.
    7441] Nicheil cachsúi segda slán,
    manidcloe ergna n-imlán,
    fogníat geill cechcoim n-inceil
    donRíg réil roróen remib.
    Rí roróen romaib cenmeth.


    7445] Ri dosnúargaib óscech iath
    Isaac, Iacób, Iosiaph,
    Moisi ocusIessu fófríth,
    Samuel deoda ocus Dauid.
    7449] Rí rochar Heli cechdia,
    Helesium isIsaia,
    Heremiam frifeba fiss,
    Etzechel isDanielis.
    7453] Hestra, Osse, Ohel án,
    ocus Abdias imlán,
    isMichiae, bafó fia,
    Ambacuc is Fuffoniae.
    7457] Agiae, Zachariae cencheist,
    athair Iohain uasail Babtaist,
    Misaelis fiadcechdrung
    ocus Machabeorum.
    7461] Rí d'anglib glanaib géraib,
    ri d'arbrib fonemnélaib,
    ri corígaib, rigda ail,
    mó rigaib, rí dosfuargaib.
    Ri dosnúargaib óscachiath.


    7465] Ri Rosaer Sarra combúaid,
    Rabecca ingin mBathuail,
    nadíphiair, mor am-míad,
    Lia lór ocusRachíal.


    7469] Ri dosfuargaib oscechcrích
    Ester, Conra isIudith,
    mathri nafatha, mod mbláith,
    ocus indAnna banfáith.
    7473] Ruiri richid, rí roscar
    huili máthri nan-apstal,
    nadíMaire, milib triath,
    máthair Iohain Elizafiath.
    7477] Ri rodasaer oscechthreib
    arcech n-olcc, arcech n-erbaid,
    slúag nanoebuag immasech
    lasluag namban n-athergech.
    7481] ArnDia delbda, tolaib drong,
    arFlaith fial, febda, foroll,
    arClí, nicloen oscechblai,
    Ri naroen rosaer Sarrai.
    Rí rosaer Sarrai combúaid.


    7485] Macc Zachair sainsercc intslúaig
    glainelcc cenmbathail mbithbuaid,
    mac Elizafeth, sid nglé,
    remthectaid ríg noemnimé.
    7489] IOhain Babtaist, blaith ingein,
    baremthechtaid Crist coemdil,
    rosluind doMaire mormiad
    diambai imbroind Elizafiad,
    7493] Diatanic Maire, mor míad
    dofis scel Elizafiad,
    diaraid ria cenchaire cath
    Maire máthair inChoimded.
    7497] Hua Iobe cenathis cinn
    dorinnscan bathis mblaith bind,
    gleoir indógraith óscechdáil
    Iohain mórmaith mac Zacháir.
    Mac Zacháir sainsercc intslúaig.


    7501] Ri doRaiga, ruathar nglé,
    indflesc dochlainn Iesse,
    indóg findlem, glan agné,
    Maire ingen Ebraidé.
    7505] Insa dosraiga ochéin
    oaimsir athar Abéil,
    baili buan cechberlai bind,
    Maire úag ingen Iochim. {folio 38 b 1}
    7509] Rí thanic donim nerta
    diaroet chorp ndóinachta,
    mó cech mbríg ardeseirc ndil,
    dothesargain sil Adaim.
    7513] Ri dorósat bith mbuidi,
    conic traig ocus tuili,
    robai nói mis, morda re,
    imbrú naógda Ebraide.
    7517] Ri thanic icolla crí,
    hé donrosat donephní,
    donfuaslaic dochum nimi
    triachoimpert nahingini.
    7521] Huaislium rígaib rígda gein,
    rí rogenair imBetheil,
    dorarngert cechfaith ochein
    gigned iflaith Ochtauein.
    7525] Diatánic Gabriel donim,
    mor inglanmiad dondIngin,
    mor inbrig De rodasta
    doreir indríg dosraiga.
    Ri doraiga, ruathar nglé


    7529] Ri Rogenair, ni bine,
    domulluch nahIngine:
    réil doraittni oscechrainn,
    rian-Enair, in-ocht kallainn.


    7533] Ri diar-rochet, cain caingen,
    class angel isarchaingel,
    sid dodoenaib oscechbruig,
    indocbail Dé uasnemdaib.
    7537] Rí roruithnig rétlaind ráin
    riasnadruidib 'nachomdail,
    diatucsatar leo lith lor
    mirr ocus tuis isdergór.
    7541] Rí bái imBethil, buaid becht,
    ruc reim techid in-Egept,
    diambai inteduar oscechmaig,
    diar'hort Heruad inmaccraid.
    7545] Rí tucad aness81 iartain
    oshunn rohort indarggain,
    cor'alt iarsain, bagnim gle,
    inNazáreth Galaile.
    7549] Rí dessid, nitlaith atlí,
    eterscribae isfarsaidi,
    foraiarair, triamain triath,
    diambai Maire ocusIosiab.
    7553] Rí roimchomairc, mor scel,
    dosruithib mac n-Israhél,
    rí dorat mor cesta ngle
    forsuidib rechta Moise.
    7557] Rí romol Semeon bacoir,
    diambái iconglanaltóir,
    diatuargaib foradílaim,
    ardruire nimi noebnáir.
    7561] Rí dorat forngaire trén
    forsruth n-amra n-Iordanén,
    conarogluais, clú cengeis,
    inhed rombas 'conbatheis.
    7565] Rí tarrasair fiadintslog
    moruiri fírmaith finnmór,
    forsndessid inSpírut Noeb
    laforggal Fiadat fírsaer.
    7569] Mac Dé, Dia deoda cechthan,
    baoen, batréoda derbglan,
    nihé inforuallach friagair,
    ri robúadach rogénair.
    Rí rogenair, ni bine.


    7573] Ri Róaen, Rothroisc coglé,
    cethrachait lá ocusaidche,
    ardessmerecht docachsruith,
    indiamraib dorchaib dithruib.
    7577] Ri tharlaic cuce, gné gaind,
    nagorta foracholainn,
    coroclóad Demun de
    triasinn-aimsigud trede.
    7581] Ri doraiga teglach ndil
    diachumtuch eter dóinib,
    dosil Abráim, árim nglain,
    dáfer dec doapstalaib.
    7585] Ri rochar Petar isPol,
    Andreas uais isIacob,
    Iohain, Pilípp, blaith angus,
    Bartolom ocusTomus.
    7589] Rí rochar Madian maith, mór,
    isinglanfial Iacob,
    Simon isTatha centass,
    Matha, Marc ocus Lucas.
    7593] Ri rochar dásessiur fer,
    bahé atheglach toebgel,
    ladeisciplu, noebda smacht,
    ado soerda sechtmogat.
    7597] Ri arroet bathis fosmacht
    cenathis ardeismeracht,
    rofigle cengaile gne
    inrí dorigne inn-óene.
    Ri roáen, rothroisc coglé.



    7601] Ri Robennach, mellach búaid,
    na secht lestru usci úair,{folio 38 b 2}diamboe 'sinchoiblid gil glain,
    dianderna infín inGalail.
    7605] Rí imRulaid, rígda fecht,
    combuidin móir 'nachoemtecht,
    diar'hiicc inclam, comul nglé,
    bae fortoeb naconairé.
    7609] Rí ruthanic, tolaib drong,
    incathraig Capharnaum,
    diabrethir féin, feib rothúir,
    roíccad mac inchetuir.
    7613] Rí conattail il-luing lóir,
    in-ainbthine dein dermóir,
    diar'choisc inngaeth corbothláith,
    corabi inrianfeth robláith.
    7617] Ri rofaed drong ndotchaid, ndúb,
    'sindorcraid cenimforddúl,
    diar'hícc fer fothedmaib tra
    dogrethaib dremnaib demna.
    7621] Rí rosas nacoicmili,
    cenmotha slóg cechdine,
    dochoicbargenaib, mod n-án,
    ocus dondáoenbratan.
    7625] Rí robennach, ferr cechgein,
    nadáiasc, nacoicbargein,
    cotarfuaraid léo foleith
    dáchliab déc diafuidlechaib.
    7629] Ni dinsid tiar na tair,
    rí in-hislib, ri in-arddaib,
    adrell cechrig immosech,
    ferr cechrig ri robennach.
    Rí robennach, mellach búaid.


    7633] Ri cos'tuctha dagalar
    bodor ocusamlabar,
    immuich arbélaib intslúaig
    rodashicc isindoenhuair.
    7637] Ri conattaig, tuiccsi dáil,
    deog d'uisque forsinmbannscáil,
    dian-ebairt frie centlais
    bái coicer innacomgnais.
    7641] Ri rohic, amra tola,
    mnai truaig dindrobur fola,
    diataraill alám focleith,
    finna abrothirni innétaig.
    7645] Rí rohicc mac nafedba
    diantuc othoraib demna,
    amra firt fiadrongaib dál,
    diarohiccad inbacclám.
    7649] Ri condranic forsinmaig
    frideichnebur doclannaib,
    nícian rolla fordala
    comtar coema comlana.
    7653] Ri robennach secht mbargin
    la bec d'iascc, nírbo daidbir,
    facbait secht cleib d'fuidlib de
    sloig nacetheoramíle.
    7657] Ri rocháimchlai cruth cia cóir
    intan luid islíab Taboir,
    diatarfaid, gléalt cenhacht (?),
    adéacht trianadoenacht.
    7661] Tan bateist coicfer, gnim n-og82,
    Petar, Iohain isIacob,
    congaissi ceilli, clú cass,
    Moise ocusHele admass.
    7665] Rí bethad buadaig, buan blad,
    cli imgretha gluair ili gor:::
    nicerr fribrig buidni bla


    ferr cachríg ri cos'tuctha.
    Rí cos'tuctha dágalar.


    7669] Rí Roirscart isroglan
    tempul sóer segda:::
    tegdais dil deoda Dé bí,
    bid teg n-amra n-aurnaigthi.
    7673] Rí rothodiusaig ahuaig
    Lazair balór dolánbuaid,
    iarnaécaib, feib roclos,
    in-adnacul cethri ndenos.
    7677] Mori réil, coméit glaine,
    imrualaid muir nGalaile,
    cossaib tírmaib, deoda gáir,
    fescur fiadnaapstalaib.
    7681] Ri roshícc fiadchuirib clann
    forsintsét nadámac dall,
    dianderna donchríaid chéir
    combarosc roglan roréil.
    7685] Ri rofuc immrim n-amra
    indomnuch naglanphalma,
    diatucad dó immasech
    indassan isint-ochech.
    7689] Rí frisin-erbairt inslúag
    huili eter tren ocus trúag;
    'dena arn-íc triabithu sir,
    atbennachda, ameic Dauid!'
    7693] ArCoimdiu glé cumtaig rath
    turcbaid cechgne cechcumtach,
    cain clí cendigna, cenchacht,
    mori rigda rohirscart.
    Ri rohirscart isroglan.


    {folio 39 a 1}
    7697] Ri dorigne triacheill nglain
    humalloit diaapstalaib
    india dardain, foglóir gle,
    riacaisc móir nahésserge.
    7701] Ri robennach tuara doib
    imtrath nóna fochétóir,
    dian-ebairt friuu triarath,
    robui nech díb 'coaglebrath.
    7705] Ri roraidi friu cogle
    forgal febda firinne:
    'nech uaib tic arthus donméiss
    ishé ata fordrochséis.'
    7709] IArsin dochuaid Iudas ass
    con-ilur mbriathar foglas,
    commairni aríg, bagnim trait,
    archuic ungaib dec argait.
    7713] Ri roraidi friu cocert
    frisinslóg bái 'nachoemthecht:
    'scailfidir intret coglé
    innocht immonn-oegaire.'
    7717] IArsin asbeir Petur bán
    ocus aétan frilár:
    'ní nomscarad friCrist cain
    nifil innim notalmain.'
    7721] Ri roraidi athesc n-uag
    friPetur fiadinmorsluag:
    'nomdiultfa fothrí triachleth
    riasiu gaires incailech.'
    7725] Inri rodasalt sunn sel
    fritinchosc, friforcetel,
    roraid friu triacomrad cain:
    'bid forcomdal inGalail.'
    7729] Cuaird nime imchlar betha bind,
    suairc slan frisretha soérgrinn,
    gnim centathair taidbrit bi,
    morí rachain dorigni.
    Ri dorigni triacheil nglain.


    7733] Ri secht nimi, rí talman,
    ardruiri nan-iladbar,


    imrulaid etronn, fo fecht,
    friré tribliadan trichat.
    7737] Ri dochoid fecht forfolocht
    bahé inri tairchert torocht,
    diarochind Iudas inmbrat(h)
    diambui inglinn Iosofath.
    7741] Ri risfer failti osblai
    Iudas triaphoicc mbrathemdai,
    rí cosrucad sluag 'nadail,
    rí rucad in-aurgabail.
    7745] Ri rúad rofucad hicacht
    hitech coslúag nasacart,
    diarodiult Petur cobras
    nadrabe 'namuinteras.
    7749] Rí rodamair cech ndigail
    fophlagaib fiaderrigaib,
    ri tarcbad fiadchuirib clann,
    rí fors'tardad guforgall.
    7753] Rí dochoid fricrann crucha
    asathoil nir'athrucha:
    ri noeb diatardad indneim,
    rí goét 'nathoeb colagein.
    7757] Ri dochoid iarsoeralt slecht
    asadoenacht 'nadéacht:
    rí rosáilset frian-úine,
    rochainset nahilldúile.
    7761] Tarblaing dorcha darcachmag:
    mairb thalman asrachtatar;
    bathómnaig dúili Dé dil
    diar'fodluig fíal intempuil.
    7765] Rochichlaig cech duil, deilm nglan,
    rochrithnaig nem istalam,
    muir darcricha rothriall techt,
    cride cloch ciar roscáilset.
    7769] Ri roches hicriaid chain
    croich darcenn clainni Ádaim,
    iarsin ruc creich, calma adrenn,
    cotarat láim darhIffern.
    7773] Ri rochuimrig Demun dub
    dianidcomainm Lucifur:
    atat fochrithfeidm osain
    sloig hIffirnn conan-amsaib.
    7777] Ri dofuc brait hIffirn uair
    apein, acrithfeidm comtruaig,
    rosuidig slánaib foadeis
    forbruigib bánaib Parduis.
    7781] Rí doeni, tolaib caingen,
    ri aingel, ri archaingel,
    dessid iarsin, soerda clu,
    osrigaib 'narigsuidiu.
    7785] Mori rígfial forlassad,
    isflaith firian forbhassach,
    doróssat cechmbrig, mod ngle,
    ferr cechrig rí secht nime.
    secht nime, rí talman.83


    {folio 39 a 2}
    7789] I samaithrech, febda fecht,
    aCoimdiu, domtharimthecht:
    dilig dam cachcin romthe,
    aCrist, ardotrocaire.
    7793] Ardothitacht cain hicrí,
    ardogein, amo noebri!
    ardobathis mbuain hifus,
    dilig dam cech n-immarbus.
    7797] Ardochrochad colére,
    omarbaib arth'eseirge,
    tabair dam dilgud mothal,
    aritFiadu fírthrocar.


    7801] Ardofresgabail soer sel84
    cosinn-Athair fornoebnem85,
    feib roradis frim riatecht,
    dilaig dam motharimthecht.
    7805] Ardothitacht, déoda ingair,
    domess forslog síl Adaim,
    arnoengrad nimi cenchlith,
    dilgiter dam mochinaid.
    7809] Arbuidin nafátha fir,
    ardrong molbthach namartir,
    dilig dam cachcin romgab,
    arfairinn nan-húasalathar.
    7813] Archleir nan-apstal cenchol,
    arsluag nan-uag ndeiscipol,
    arcach noeb corath rigda,
    dilig dam momígnima.
    7817] Arcech noebuaig osbith bras,
    arbantrocht naprimlaichas,
    dilig dam cach cin fonim,
    arMaire n-amra n-Ingin.
    7821] Armuintir talman, torm ndil,
    armuntir nimi noebgil,
    tabair dam dilgud basdech,
    domchintaib uair86 amaithrech.
    ISamaithrech, febda fecht.


    7825] Nimtha saegid forDia ndron
    con-ilur mod medar nglan,
    condarcuiri arcrichid ngel,
    ruiri reb richid romchar.
    7829] Relat triarintriuchta (?) ráid,
    áes indintliuchta áin ém,
    iarfinnalta frisid sloig
    inganta móir morig réil.
    7833] Retha gaissi canar lib
    cotibgaib cenbaisse blad,
    dána cenecla nachneich,
    slana iarsreith ecna corath.
    7837] Coniarfus duib, duraib eim,
    ni dorunaib moríg réil,
    gleod cachcesta uair daruair,
    leor buaid diafesta doleir.
    7841] Denaid friartarba cenchrith,
    amra rith relaid iarsreith,
    nadibleisc linib run raith,
    tur daith forcachceist foleith.
    7845] Cia 'cata, iarnglé doléir,
    dála De diareir rothúir,
    ciamét naree, reim n-uag,
    robui inri ruad riacachdúil.
    7849] Cia dorat comairli coir
    cenbríg mbroin dondrig hiruin,
    riasiu nobeth bith ochein,
    siu dogneth rí reil cachnduil.
    7853] Siudognetis aingil uais
    artuais cechcaingil iarséis,
    siu nobetis moini arbes
    nagres nadoine fondeis.
    7857] Nariched natalam tir,
    namuir mil met magar muad,
    no nachdúil glanglanna cél
    nem nél no anmanna úag.
    7861] Cia rochuimnig domrig rain
    cengrain cordascuibdig fein,
    cech duil derb frisoerbuaid slain
    rosdelb frioenuair diaréir.
    7865] Cia adbar adbal infess
    diacess inbith bladmar brass,
    incuman lib arcachn-ai
    ciabunad diambai inmass?
    Heisse rotheipi cech nduil


    iarruin rosleice87 diaréir,
    inrí doruasat cechcri,
    int-uasabb rogni ingréin.
    7873] Cia rolin dosilaib bith
    dolubaib lígaib cenchleith,
    cia rodelb friathuil andath,
    ciarath forcachluib foleith?
    Cia rosdechraig innacri,
    cia rosgni iarcechraig gleo,
    cia cruthaig glanglanna clú
    nadu nachn-anmanna beo?
    Bunad anman lib ingle
    congaib gne glanbda col-lí,
    ciacinn cenbaegul riangein,
    saegul sein cechduini bí?
    Cia 'cata indarim úag
    fil forsluag sil Adaim áin, {folio 39 b 1}cia 'coata, cendánim duib,
    árim nguir ganim cechtraig?
    7889] Ónchetna duini robúi,
    etir fer ismnái col-lí,
    fordomun dérgidach Dé
    gle cosndedinach atchí.
    7893] Crícha aicgein airm itát,
    aicbeil imrat, rígda inset,
    cose nirosfoillsig mori
    doneoch icrí rianaéc.
    7897] Cid canat tonna, toirm trén,
    cennachlén lonna fritóir,
    congaibet gala, crech ngúr,
    cachleth darmúr mara móir?
    Can tic tuili trethan tuaircc
    lethan cuairdd fobetha barcc,
    cialeth fondomun rotháig
    intan astig forcachtracht?
    Cialín nasluag, srethaib drong,
    dosceil tonn muad mara mind,
    ceti arbair trebait ann
    dondleith tall dontalmain tinn?
    Fillit anglúni cognath
    cechtrath cennachndúiri dréil,
    molad marcharait cohóg
    canait cechslog dondríg réil.
    7913] Cid roleth bith, brigach cuaird,
    cid dogni suairc sirach set,
    isindaidchi fririad reb,
    ocus grian gel cidimthet?
    Ocus esca cid dodfeim
    tan doceil nachngesca nglan,
    cid dogni cithu gaeth cain,
    cid nachgaim triabithu sam?
    Cialin naretlann adrann
    mod mall friarim oscech dind,
    rethait rithrosc iarsetsain,
    cidcotasgaib na sechtrind?
    Cia de ismo messar combuaid
    infail uaib rofessad iarfír?
    aer alad, ilar neil,
    nó intalam tren trebach tír?
    Cia de islethiu domun dúr
    no isdoimniu amúr, monur muad,
    ciaso baili ata incrann
    lethas barr daraer n-úar?88
    Cid 'mifoilngi torann tren
    cenlen lin abarann mbúan,
    argair cechn-ahél athrial
    sair, siar, isinaher n-úar?
    Cia criathras usce n-an, n-uais,
    iarluais forcach n-iathmass n-éis,
    cia roalt crotha dogres
    dorat bes forsrotha séis?


    Cairm itat adbai nangaeth
    baeth balnai imrát fricachmbruach?
    neoil indaeoir, noithech bes,
    cid doib dogres bid forluad?
    Cialin nangaeth carait nual?
    ciabrig buan canait friimluad?
    ciadechair fail dararath?
    ciadath ata forcachgaeth?
    Congili cinnas atat
    na secht nimi noebda cuaird?
    cid dosgni fostaib cenbet?
    ciamet fil 'nasostaib suairc?
    Cia 'coata tomus inchlair
    richid rain friforus fír?
    cia doroemadair ochein
    diareir coemchathir indRig?
    Cade lín atheglaig lib
    rosdedlaig Dia dil diathreib,
    indfir rodelb betha brig
    indrig robái rianagein?
    Tuirmid triariagla, rét reil,
    ciamét bliadan cobrath mbúan,
    tuirid lib triabescna bríg
    ciahaes esca forsindlúan.
    7965] Can dodechamar ille
    forbith ché chetarchair gle,
    infitir forcialbann clú
    ciadú cosatiagam dé?
    Acht arnDia, derb centair,
    rondelb riandail domuin dúir,
    'coarflaith cenguasacht, cencrich,
    'coarrig donRuasat cechndúil?
    Cia rogni cech n-uili n-uag
    lethan luad fribuidi mbríg,
    acht monoebrí donim nél
    arn-oenDia trén, ishé arndil.
    7977] IS he doruasat cechret
    cenbet, arn-uasabb, nadbrec,
    rí rosmacht foraessu ec
    iarset rochacht gaessu Gc.
    7981] Cometaid cenecla agáis
    ecna cenbaes oibind bes,
    doneoch dorucai morí
    bec dofucaid ni diags.
    7985] Tairinnid formbréthir móir,
    atibtroig treithfir fondríg, {folio 39 b 2}ennga huimli duib lagáis,
    nabid forbáis nofribrig.
    7989] Nabagaid ahecnu uag
    nual cenecla crabuid gúir,
    lib niderb osbetha bríg
    retha indríg rodelb cachndúil.
    7993] Truag formbith fodorchaib trel
    forfeb fothomthaib Dé dil,
    ingnassaib garbdai cechcin
    nidatglain forn-adbai hil.
    7997] Hili huili dúili Dé,
    dili druini dreim asmá,
    iarnacáintuistin foleith,
    coemthuicsin cachneich nimtha.
    8001] Ni hetraigim rúna Dé,
    gle nisteclaigim frimla,
    firthuicsi rig bethad bí,
    anhed beo hicri nimtha. Nimtha.
    8005] Ni naderna sen nasúi
    nadrúi nisderbai bamá
    ciapsat guir fricrabud nglé
    túir fordalaib Dé nimtha. Nimtha.
    8009] ISme Oengus céle Dé,
    coemdos gle clere fodchna,
    diathuicthib deimnib De
    tuicsin forcachní nimtha. Nimtha.
    8013] Morí corunib, cain clú,


    cachdu diaduilib ata osbith,
    balcc bladmar
    acht adrad frimre nimtha. Nimtha.

    Deichdúan naheisseirge inso.


    8017] Bacoir docachcristaide;
    cianochiad cachthratha,
    huamun domnaig tristaide
    sechtmain rialathi mbratha.
    8021] Biaid fogur fenedach
    congairib grandaib garbaib,
    isindomnuch dedenach
    rian-eisseirge domarbaib.
    8025] Ticfa nel derg teinntide
    atuáisciurd nime ninaig,
    granna, gér, garb, geintide,
    lethfaid dartalmain tinaig.
    8029] Ticfa fleochud fuilide
    asindníul dorcha dogor,
    truag deochair diarcuiribne
    linfaid inn-huili ndomon.
    8033] IMtrath terta tinscanat
    frossa fégfola fomnaig,
    nitercca, niimscarat,
    coti leth lathi indomnaig.
    8037] Ticfat luaichthi lasracha,
    ticfat toirne centola,
    ticfat cruaidi casracha,
    ticfat froslacha fola.
    8041] O leuth lathi lanaide
    cotrath nona nicletha,
    fleochud fola falaide
    fochetheora ardda inbetha.
    8045] Tomadmann tuath talmanna,
    cretha granna isglorae,
    inmuir colin anmanna
    tet daramuru mora.
    8049] Mairg cechn-oen 'nafrithele
    nachfoichlidar cofooil,
    uamun brátha bithféle
    ciadogneimmis bacooir.
    Bacóir docach cristaide.


    8053] Isindlathiu tánaissi
    dia-luain luaidfiter arbair,
    nidatairdi aniussa
    crithnaigfid nem imthalmain.
    8057] Tonna saile sétaigfit
    frisnahairera ardda,
    biasta bledmaill beccaichfit,
    fochichret gaire garga.
    8061] Guba granne golgaire,
    cui cencheol, garg angretha,
    cenaine, cenforngaire,
    fochethri ardda inbetha.
    8065] Bethu bronach belgaide,
    censid, censláine suba,
    drong togach condedgaire
    iarndith fortrágaib duba.
    8069] Truaga dini domblassa,
    bergga conbenfat bassa,
    nisuan sidi somblassa,
    lergga conlínfat lassa.
    8073] Ferad cach aneimele
    friDia, din asdaithiu,
    friar Coimdid congelféle,
    ararsoerad 'sindlaithiu.
    ISsindlaithiu tánaise.


    8077] 'Sintres laithiu lainderda
    dia-mairt 'mustuairc amura
    arCoimdiu cóir caindelbda


    timmairgfid cuaird adula{folio 40 a 1}
    8081] Legf(ait) fothai fudomnai
    domuin dein, dál asderbu,
    crethfait clocha cruthamrai,
    cosceraitar friandelbu.
    8085] Dluma dergga teintide,
    niseol seim, nisuairc soraid89,
    gura, cerpa, geinntide,
    fochichret cuaird indomuin.
    8089] Turcgeba sruth sroibtened
    ahuillib talman toebaig,
    cumgeba cruth croithfider
    forbruinnib betha broenaig.
    8093] Bidoenbreo bith brainechda
    othathurcbail cofuined,
    linfaid cloencheo cairechda
    cechrind reil corian ruided.
    8097] Ri cosaidbrib slanchaingen,
    doRósat gréne goho:
    con-arbrib aarchaingel,
    ronsoera 'sintresslóho!
    'Sintreslathiu lainnerda.


    8101] 'Sinchethramad lithlathiu
    cetaine, cetaib omun,
    ticfe athach écaine,
    croithfaid inn-huili ndomun.
    8105] Turcgeba inmuir mormongach
    othalmain, tolaib tine,
    cumgeba agrith glorglonnach,
    coroa niulu nime.
    8109] Nuall nambledmall mbeccedach
    nambiasta mbélderg mbirach,
    sluaig nasedlang setfadach
    forsintracht tírimm tinach.
    8113] Dofuit sís arithisi
    trethan tromm, toromm n-adbal,
    connachfess afithissi
    cid teite fothuinn talman.
    8117] Tic tathellach tathlúgud
    congnithaib fiadnaslogaib,
    atherruch friaathnúgud
    combi 'nachrichaib coraib.
    8121] Gaetha galacha gera,
    ginmara, cetaib ahél,
    combruet nafidbada,
    comberat leo 'sinn-ahér.
    8125] IAlla ainble, engacha,
    imriadat cech n-iath n-allmar,
    diana, daingne, dedgarcha,
    diallait forbiad intalman.
    8129] Ticfait airde inganta,
    casrai cruaidi, cru granna:
    sil n-Adaim attimmarta,
    trúaga cechdu andala.
    8133] Atbera insluag sirechtach
    sil n-Adaim sernait srethu,
    an-athesc truag, dínertach:
    'ferr dún bas indabethu.'
    8137] Bresma búana bruthacha,
    gretha grainne congairgge,
    sreba srúama sruthacha,
    consceraiter frifairge.
    8141] Fillfidir nem, nassad glan,
    afudomnaib aadbair,
    cinnfidir agnas adbal
    combruifider fritalmain.
    8145] Mac mor Maire Ingine
    ronsóera laprimmaithiu,
    arcachn-olcc n-óg n-indlide
    'sinchethramad lithlaithiu.
    'Sinchethramad lithlathiu.



    8149] Coiced laithe lígaide
    dia-dardain, tolaib tine,
    ticfet toirne díglaidi
    conscértar renna nime.
    8153] Nicheil cachduil delgnaide
    timmarta condattrúaga,
    domun duR condedgaire
    roscar friabriga buana.
    8157] Beti dorchai triamannai,
    betit adhuatha adbail,
    srebai solmai síabardai
    linfait ónim cotalmain.
    8161] Toethsat ruibni rétlannai
    sis asostaib asesta;
    nisfoelsat atetbannai,
    formuchthair grian isesca.
    8165] Coe granna ocus golgaire,
    duba dian ocus toirse,
    cenaine, cenforngaire,
    censíd, censuba soillse.
    8169] Sruama serba, seimlide,
    fochasrachaib dosfemed,
    muada merda meirblige,
    isnalasrachaib tened.
    8173] Dia deoda doroegasa
    tarcai turu condaithe,
    marcachnoeb romsoerasa
    archuru inchoiced láithe. Coiced.


    {folio 40 a 1}
    8177] Sessed lathi lordata
    dia-haine, tolaib tuile,
    doberthar inmormartra
    ann forsil Adaim huile.
    8181] Nichélat indécnaide,
    leir adfiadat iarsrethaib,
    atbélat ec etlaide
    cachmil beo roblais bethaid.
    8185] Bidbronach, bidbrainechda,
    cruachda focherdaib casrach:
    nibaglorach graigechda
    luarda colerggaib lasrach.
    8189] Oslaicfitir coemdoirsi
    richid ranmair cenbine,
    domun conachoemsoillsi
    fortuigthir arbair nime.
    8193] Nanoeb isindnoebaingil
    isindlassair lúaith lethain,
    atsoer imcachcoemchaingein
    amal iasc bis hitrethain.
    8197] IArndul acrí chaingnide
    coCrist caid fordoi dessel,
    bithoentu achaiblide
    cengoi madchin rosessed.
    Sessed lathi lordata.


    8201] Dia-sathairnn nasechtmaine
    bíaid inbith focrithur,
    firfid graphainn gergaile,
    amal choire forfichud.
    8205] Fochicher achruadchasra
    iarfeirg diagalaib glethib,
    luadfit lergga luathlasra,
    sinfit suas osnaslébib.
    8209] Sergfait srotha serblomma
    iarsrethaib siabrai sirfecht,
    centuili, cenderbthonna,
    cenrethaib riaglai rigrecht.
    8213] Roinnfitir triathomthaigi
    sithbe naslébi slemun,
    cloifitir triachomchaire,
    menmaigfitir codremun.


    8217] Coclóefet nahaicneda
    cechdúla, deilm asamru,
    sóefeit nabiat attreba
    eterbeohu ocus marbdu.
    8221] Ardrí richid rinnime
    Crist caid conic cachngraphainn,
    ronfaema ardinnbile
    coronsaera día-sathairnn.
    Día-sathairnn nasechtmaine.


    8225] Il-láithiu nalánchangen
    domnaig tadban diarndoidngib,
    ticfait airbri archangel
    dochum talman líarCoimdid.
    8229] Congera int-archaingel
    gairm gluair90 óscriaid cechduine,
    forsil n-Adaim n-ardaingen
    con-héirset hili huile.
    8233] ISsinchetna eisseirge
    riacách foguth indaingil,
    apstail conaseiselbe
    coCrist cenchrad diacaingin.
    8237] 'Sindeisseirgi thanaisi
    atressat fáthe inbetha:
    foismedaig nisfailgaisi
    dontress essérgi ingretha.
    8241] 'Sinchethramaid essergi
    atreisset martir thalman,
    isincoiced eisseirgi
    huilidettu noeb n-arbar.
    8245] ISintsessed eisseirgi
    heirgit othalmain taisced
    aes óge, aes athirge,
    nanoidin iarnambaisted.
    8249] ISsintsectmaid eisseirgi
    atraig cachoen coanmain,
    atenid, atrommthuilib,
    amuir, atir, atalmain.
    8253] Tinolat drong tóebadbal
    dochum dála triacrithfeidm,
    muinter nimi noebarbar,
    muinter thalman iss iffeirnn.
    8257] IS fossud afledugud
    linib anduis andile,
    asossud, asrethugud,
    fiadgnuis réil rig secht nime.
    8261] Na secht nime noebnara
    fillfitir fodlaib fuiled,
    gebaid tene toebdana
    otha thurcbail cofuined.
    8265] Forhinnaib nalasrasin
    seiss intsluáig innasrethaib,
    osdindaib nacasrasin
    combuaid fobrátha brethaib.
    8269] Atre inrí robúadach
    conidfoidreich doib huile,
    conachroich deirg dodúalaig
    friaaiss fiadgnúis cechduine.{folio 40 b 1}
    8273] Seiss isuidiu amiadamla
    Mac De Athar centimme,
    innachuiriu grianamra,
    adáapstal dec imme.
    8277] Mac nahOge ebraide
    dorósait slógu hisaithiu,
    din artróge delgnaide
    diarndítin isindlaithiu.
    Il-láthiu nalánchaingen.


    8281] Indomnuch nacomdála
    iarn-eisseirge condremna91,
    nibaceim soer sograda


    tecait druing duba demna.
    8285] Tuir nan-arbar n-iffernna
    cendil acarcraib comul,
    fogarbdath acrithfedma
    linfait inhuili ndomun.
    8289] Dofoethsat nahídala,
    dee duib nangeinte cuilech:
    nisfoelsat angnímrada
    dobith fiadgnúis indRuirech.
    8293] Ruibni ruada richessa,
    tene derg troethas duisse,
    duilgi trúaga trichessa,
    con-ilur fergg friangnússe.
    8297] Congluaisfi fonn fudomna
    domuin dein, dál condubai,
    artúaisfi condodomnai,
    cenbuaid, cenbrig, cenbrugai.
    8301] Coe granna ocus glammairecht
    condith cenchoimsi ngretha,
    cencennsa, censadailecht,
    censíd frisoillsi sretha.
    8305] Sreba siabra saraigter
    snimaig forhinn nalasra,
    cretha ciara granaigter
    gnimaig forcinn nacasra.
    8309] Guidem frisinmorchoimdid
    incech huair arcomráda,
    arsoerad diartrógdoidngib
    indomnuch nacomdála.
    Indomnuch nacomdála.


    8313] Il-lathiu indluain lainnerda
    bratha frisndalat píana,
    ferfait arbair aingelda
    catha fridemna díana.
    8317] Troethfaidir drong dergnaide
    triadremnu tolaib guba:
    rian-angliu centerbaide
    mebais fordemnu duba.
    8321] Conatóisiuch dolbaide
    Lucifer léom asdúru,
    in-Iffern ogolgaire
    fochichritar forcúlu.
    8325] IArsin bertair fírbretha
    fíadgnúis De forclainn Ádaim,
    scertair iarnangnímgreth(a),
    dechraigfiter 'nandálaib.
    8329] Dlomthar lat drong demnachda
    ipíanaib úaraib Iffirn,
    peccthaig censil nderbgarta,
    fochiabraib cruadaib crithfeidm.
    8333] Cechfirian foglangeltad
    fordeiss Dé bí, buan bithfeidm;
    fodimiad cechanrechtach,
    forlaim cli dochum n-Iffeirnn.
    8337] Indformdig, ingúbrethaig,
    inchosnamaig, inchuilig,
    indruid, inderetecdaig,
    ingeint, ingalaig guinig.
    8341] Inmeirlig, indadaltraig,
    ingoaig gloraib guba,
    intsantaig, indiumussaig,
    indeithchich linib luga.
    8345] Indferggaig, indetradaig,
    induinoirgnid condremnai,
    aes ecnaig, aes athchossain,
    aes indindlaig nosdedlai.
    8349] IT he sin inprimpeccthaig
    artrebat hIffernn húarach,
    tiagait cenni d'fírettlaib
    laDemun ndremun trúagach.
    8353] Dochum pene suthaine
    icarcair guires grithu,
    iatsom nipdat duthaine
    icafulang triabithu.


    8357] Bethu brónach bithtoirsech
    ítu, dochtai iarsetaib,
    cuairt glórach, niclithchoimmsech,
    uacht, gorta, crith fordetaib.
    8361] Dia dil, tuistid dítnidi
    nandúla ndelbda ndegrach,
    ronsoera argliphiti
    nandemna in-Iffurnn engach.
    8365] Indnoib isindfírianaig
    doreir indAthar nemda,
    congerdar cendímiada92
    dochum flatha sechtedma.{folio 40 b 2}
    8369] Nassad side siráidde,
    amru cechnduis cenchithu,
    imcaissiu naTrinóite
    ognúis dognuis triabithu.
    8373] Bith isámaib sonmige
    iarmbas cendomgnas ndangen,
    'nandalaib cendonmige
    dogres hicomgnais angel.
    8377] Cenchrini, cengalara,
    censním, censaethar sníid,
    cenoccurus cotulta,
    cenaurchra broitt nabíid.
    8381] Bith isoere sirsoillsi,
    classa caine, ceoil gelbda,
    innoebi censirthoirsi,
    cenhass, cenáes, cenerchra.
    8385] Adroillemm, adaittrebam
    oentaid aingel cechtratha,
    liarCoimdid cocaitchennam
    iarmbuaid abrethaib brátha.
    8389] Adfiadat indécnaide,
    doréir naríagla asmóo,
    imriadat cohéttlaide
    mili bliadna 'sindlóo.
    Il-lathiu indluain lainerda.