Feacht n-aile luidh Seachnall do Ardmachae & ní raibi Pátric hi fus, co-n-acca dá ech carpuit lá muintir Pátric for a cind for sgur. Ocus ro-ráidhe Seachnall ba córu ind eich uccut do breith dond espug .i. do Fíiac. Úair do-r-úacht Pátric att-cúas dó inní sin. Dohindled a carput forsna h-eocha & nu-s-fáidhe Pátric cen duine léo cu féotur ina dísirt la Mochtae. Lotar deisell arnauárach go Domnach Seachnaill. Lotar íarnanairter do, Cill Auxile. Lotur íar suidhiu do Cill Monach. Lotur íarum cu Fíacc cu Sleibte.
Is hí tucait in carpait do breith cu Fíacc, ar no-téighed día sathairn init co m-bídh oc Cnocc Droma Coblai.2 Úaim dó ann, cúicc bairgena leis, ut fama est. Día cásc dosaighedh docum Sleibte. & dothuairthedh boim leis de chuig panibus. Is í tucait