Corpus of Electronic Texts Edition
Betha Molaga (Author: Unknown)

section 12

Luid didiu Mo Laga iar sin do Charn Sidai h-i Corca Baiscinn. {folio 133r} Is annsin tairnic lasin m-Buidhe Conaill lucht an tire do dith acht ceithre nonbair d' feraibh & ceithre móir-sheisir do mnaibh. Et ro aincestair Día íatt ar dáigh Mo Laga don teidm-sin gan nech dib d' écc go rócht a síl go naoi cétaibh & ro moradh ainm Dé & Mo Laga don firt-sin.