Corpus of Electronic Texts Edition
Betha Molaga (Author: Unknown)

p.12

section 1

Mo Lacca didiu d' Feraibh Muighe Feine a chenél .i. do Uibh Cúscraidh .i. do Cloinn Luchta an ti h-i-sin do sunnradh, ar ro bhattar

p.13

tri fine aireghda do Uibh Cuscraidh an tan-sin .i. Clann Luchta & Clann Dedhadh & Clann Dímma, & as óna finib-sin ro ghenair triar onórach i n-nimh & i t-talmain .i. Cuana mac Cailchin meic Dimma meic Findbhairr meic Findlogha meic Dece meic Fili meic Cúscraidh ro genair immorro a Cloinn Dímma .i. Cuana. Mo Chuilli mac Diuchuill meic Comain meic Degha meic Buidhi meic Colla meic Cuscraidh ro genair o Cloinn Degha .i. Mo Chuilli. O Cloinn Luchta immorro ro genair Mo Laga .i. Mo Laga mac Duibh Dlighidh meic Duibh Deochain meic Duibh Cuille meic Luchta meic Colla meic Cúscraidh meic Fir Ailche meic Buain meic Mogha Ruith.