Ro gabh Finachta mac Duncada maic Aedha Sláine ríghe n-Erenn i cinn ré iar sin. Bói cís coitcend do Leith Cuinn for Laignib isin aimsir-sin .i. Boromha Laighnech. Ro bás trá oc imbert écni & dochraite for lucht na críche ic tobach in císa-sin forræ.
Ro h-indisedh do Mo Ling anní-sin, ocus bá bádhach129-side im Laighniph. Ro fiarfaigh-sede do senaibh ocus do senchaidibh Laighen in raibhe i fáistine nó i t-taircetal accaibh brith in chísa út díbh. Atá trá, ar síat, a breith tré clérech. Cía fis nách treom-sa atá sin, ar Mo l-Ling, & cidh damh-sa cen dul d' iarraidh a maithme.130