Corpus of Electronic Texts Edition
The birth and life of St Mo Ling (Author: Unknown)

chapter 3

CAPUT TERTIUM

9

Is annsin táinic Brénaind mac Findlogha cona macaib eccalsa cucu, co faca side in timthirecht aingel ó nimh co talmain ós cind na nóedhen. Is ann at-bert an cléirech ra fer maith da muintir .i. fri Collanach sacard: ‘Erigh,’ ar sé, ‘do fhis ind inaid út thall, ar atá timthirecht aingel ó nimh co talmain and.’8 Do-luid iar sin Collanach conici in inad, ocus at-connaic in colum & in náidin, & in mnái ar tí clochta9 na náidhen & in colum ica dítin. Luidh iarum in saccard co Brénainn & ad-fet dó in gnímh uile. ‘Erigh,’ ol Brénainn,


p.12

ocus baist in náidhin, & tabhair ainm irdairc fair, ar atát angil nime icá onóir ocus ica airmhitin. Ocus beir lat in náidhin & a máthair leis da lessughadh co rob am léigind dó’.

10

Do-cóidh Collanach sacard & ro baist in náidhin, & do-rad10 ainm fair .i. Taircell .i. don taircelladh tuc in colum fair ica dítin for a máthair.