Corpus of Electronic Texts Edition
Lives of the Saints from the Book of Lismore (Author: Unknown)

Life 12


4590]

Betha Mo Chua Balla


4591] HOMO PROFICISCENS UOCAUIT SERUOS SUOS TRADIDIT ILLIS bona
4592] sua’’

Mt. 25:14

. O dho-chuaidh in fer maith for turus ro congair a mhogada &
4593] ro fhodhail daib a indmusa. Ocus as ecsamail amuil ro fhodail doibh na
4594] h-innmais sin .i. do-rat cuic tallne dh' fir, & a dhó dh' fhir aili, & aen-talland don
4595] fhir déidhinach.


4596] Matha immorro mac Alpei, in sui Ebhraidhi, in cétna fer ro scribh in
4597] soscela coimdheta, is é ro scrib i curp soscéla ind aisneis noeim-si dia chuimniugud
4598] don eclais amail dailius Mac in Athar nemhdha dána ecsamhla in
4599] Spírta Nóimh da cech aen isin eclais.


4600] IS e immorro in duine at-berar do dhul i l-leith aili ann .i. Issu Crist
4601] Mac Dé bhi do-dhechaid do chabair in chinid daenna cu ros-ben a glaic
4602] Dhiabuil & cu ro freasgabh iar sin for nimhibh noemhdha ar amus in Athar
4603] neamdha, & ro congair cuice a apstola cu ro fhodhuil doibh dana écsamhla in
4604] Spirta Nóim amail rop fhollus do chách isin cincdighis. Ocus cu tidhnaic
4605] na dana cetna dona noemaibh & dona firenuibh fo ind t-samail na n-abstul tria
4606] forceatal na screaptra n-diadha.


4607] Na cuic tallanda immorro at-berar sunn iar siens coic cetfada cuirp &
4608] anma sin ro tidhnaicedh o Dhia don cinedh doenna dia fhoghnamh fein &
4609] d' fegad De trompa.


4610] Na da thalland immorro it-berur sunn, iss ed do-fhornet in t-etarcnugud
4611] & in tuicsinugud do-berut na noeimh & na fireoin for an Coimdhid gu cumaid
4612] a n-degh-ghnima fon n-etargna sin.


4613] IN oen-talland immorro iss ed do- forne, in dliged derrscaightech fil isin
4614] anmain doena, triasa bh-feghann h-i fein & na duili aili filet i talmain & renna
4615] & firmamint & in sosad ainglecda & in Trínoit{folio 82rb} uilichumachtach.


4616] No as iat na cuice tallanda at-berur sunn. i. coic liubair rechta Moysi;
4617] ár foghnaidh a nemh-forbunn-side do luct núi- fhiadhnusi, ár fo-gabur amlaid-so
4618] aenta petarlaici fria nui- fhiadhnusi .i. rechta fria soscéla: uair dia tarta nech
4619] leis na coic fa dhó is a deich fhásas dibh. Dia tuctha dano na deich fo cethair


p.138


4620] is .xl. fhásas dibh. As inann sin iarfír & coic liubair Moysi co n-deich
4621] timnuibh in rechta diadha do accomhal do ceithir liubur in t-soiscéla dia
4622] bh-foghnum don duine thoirises on cethar dhúil & cu bh-foghuin an duine-sin
4623] don fhir Dhia do-rat rechta & riaghla ecsamla dona h- ecnaidib.


4624] A h-aithli immorro rechta & riaghla na coic n-aimser rem-techtach tainic
4625] Issu sunn isin domun cu ro chum-sidhe rechta & riaghla tria forcetal soiscéla
4626] don chiniud doena & dona h-apstalaib seoch chách, & ro for- chansat-sidhe
4627] a fothoscaighthe & a n-deisciplu noemhu tara n-eisi imna riaghluibh-sin.


4628] Sochaidhe, tra, do noemuibh & d' fhirenuibh ro comaillset na rechta-sin
4629] & na riaghla in Coimdhed na n-dula & na ro leicset i mudha a taillne. Amhail
4630] ro comuill in noem uasal oirm- heitnech dia tá líth & foraithmet i n-ecmong na
4631] ree-sea & na h-aimsiri .i. in grian t-solusta & in rétla loinnerdha & in tene
4632] thaeidhliuch & in ruithen rathmur ro fhaidh Grian na Firindi isin domun cu ro shoillsigh
4633] i bh-fhertuib & i mirbhuilib coiced Connacht .i. Mu Chua Balla. I teirt
4634] Kallaind Mharta immorro gacha bliadne indister ní dia fhertuib & dia mirbhuilib
4635] & dia ghenealach collaidi & don fhorbadh do-rat for a rith m-buadha i bhus
4636] isin t-saegul freacnairc .i. Mu Cua Cronan a ainm dilius mac Becain mic Bairr
4637] mic Nathi mic Luighdhech, Caindech immorro mac Luigdech mic Liligdech mic Dalann, o taat I Luigdech, mic Dalann do Ultaibh.
4638] Cumne immorro ingen Conamhail mic Machdain, do Dhail m-Buáin, a
4639] mháthair. Briunsech & Lucait{folio 82va} & Tuideall a tri derbhshethracha.


4640] I n-araili aimsir immorro tainic Comghall Bendchair do thigh Becaín
4641] remraidti, et at-connaic timtirecht aingiul os cinn in tighi, & ro fhiarfaig do
4642] Bhecán: ‘Cidh fil ocut-sa do macuibh’? ‘A dho do neoch is áirmhighthi’, ar
4643] Becán, ‘& macán lasc bec fil oc na caeirib, & ni h-airmhighthi h-e’. ‘Tabar isin
4644] tech co n-fhacamar h-é’, ar Comgall. Tuccad ón. IS ann sin ro raidh Comgall:
4645] ‘As forbhfhaeilid m' anam-sa resan mac-so, ár ita rath in Spirta Nóimh 'na
4646] comuidecht’. Ruc iarum Comgall Mu Chua leis cu Bennchar, cu ro légh
4647] canoin phetarlaici & nui-fiadnissi ann, & ind ord n-eclusdai, et do-ghnídh-somh
4648] ferta & mirbuili isin inad-sin, ina gillaid- hecht.


4649] FEACT ann tainic ben aimrit dia atach-som dia soerad ar an aimrite.
4650] IS ann sin do-rala do-sum bheith oc cái iarna bualad dia oidi, & ni thuc
4651] freacra fuirri. IS eadh do-róini in ben, do-chuir a bas fo a dheoruib-sium
4652] cu tard ina beolu, cu ro thuisim fo cétoir, & co ruc mac .i. Dabiu mac esidhe
4653] iardain.


p.139


4654] IS brect immorro, & is ecsamail innisit na h-eolaig fatha tuidhechta
4655] Mu Chua a h-Ulltaib, ár iss ed at-berut foireann con- ad araili baili ruc Comgall
4656] uadh, cumad h-é fochunn a dheabtha. No is e in fotha iar bh-fir .i. araili
4657] aimser ruc a mháthair le Mu Chua do thorruma a h-athardhai .i. Dal m-Buain,
4658] & a coibnesta; et o 't-conncadar-sum esseom ro anóraighset h- é, & ro treicset
4659] cach airi. Ro bai immorro senoir uasal don cinedh-sin .i. Coman sacart meise
4660] Fiachna mic Baetain; et is ed at-bert-sidhe rá Mu Chua: ‘Ro bentar anóir
4661] h' athardha fort amail ra benuis-si form-sa’. O ro bhatar .i. Mu Chua & a máthair,
4662] ic toidhecht do Bennchar for cula do-ralatar macaimh Fiachna mic Baetain
4663] doibh, cu m-batar ic fanamhat imon clérech, & iss ed at-bertis: ‘Clérech lascc’.
4664] ‘Meic cen casc’, ar Mu Chua. Ro fhergaiged iarum friu cu mor, gu ros-cuir fon
4665] talmain. Cu ro cosait Coman{folio 82vb} & Fiachra mac Baetain fria Comgall
4666] in gnimh-sin. IS ann sin at-bert Comgall cona biadh Mu Chua in Ulltaib, et as i
4667] briathar Comain fa-dera sin. ‘Os 'gum innarba dhuit’, ar Mu Chua, ‘tabair
4668] comhartha dhamh triasa tuiceabh bhaile i bh-fothaighiubh reclés’. ‘Ni fhil
4669] comhartha ocum’, ar Comgall, ‘acht mana bera lat in topur-so’. ‘Is tualaing
4670] Dia cidh edh on’, ar Mu Chua. O do-chuaidh immorro Mu Chua a Bennchar
4671] amach ro dhechsat a coimmite dara n-eisi, & at- conncatur in nell uiscidi ina n-diaidh
4672] cech leth no theighdis. ‘IS é in topur sút’, ar Mu Chua, ‘& ernuighium
4673] fris curub é bias remhainn & bus treoraigi dhun’. Et fo in t-samail Moysi mic
4674] Amra riasa rabha nell solusta ic tiachtain a h-Eigipt at-bert-som sin. Ra-siacht
4675] Mu Chua as sin gu Gael, cathair sin i bh-Feruibh Rois, & Gabrin espoc do
4676] Bretnaib innti-sein, & tarcaidh-sium in cill do Mhu Chua, ar bat comhaltadha.
4677] Ro thuit immorro bainne as in nell-sin co n-derna topur isin bhaili dhe a
4678] comartha a n-aentad.


4679] Ro-siacht iar sin Mu Chua co Fobhar Feichin. Is í sin aimser a n-dernad
4680] muilenn ac Feichin, & ní raibhi uisci aigi, & as i comairli do-ronsat na cleirig:
4681] ‘O dho-rócht’, ar siat, ‘Mu Chua cucainn, tiagham gu Loch Lebinn dus in
4682] bh-fuighbim uisci as’. ‘IS torathar comhairli sin’, ar in soer, ‘ár ita in sliab
4683] lan-mhor eatraibh’. ‘IS tualuing Dia cidh edh on’, ar Mu Chua. O ro-siachtatar
4684] tra na cleirig in loch ro lá Mu Chua a bhachaill isin loch, gu ro tholl
4685] roimpe in sliabh. Do-róine dano Feichin in cétna & na cléirig arcena, co
4686] frith amlaid sin uisqui don mhuilinn. Do-ronsat a n-aentuidh iar sin Feichin
4687] & Mu Chua.


p.140


4688] TEIT iarum Mu Chua as sin cu Tech Telle i termann Durmaighe, et iss ed
4689] rob ail do-som cathair d' fothugud i farrad an inaidh-sin, & araidhe nir' h-etadh,
4690] ár ní ro thoirinn in topur.


4691] LUID iar sin Mu Chua tar Sinainn i crich Connacht. Ceallach mac
4692] Ragalluigh ba ri Connacht in tan sin. IS eadh immorro do-rala do Mhu Chua
4693] dula i Soghan Ua Maine, et ro{folio 83ra} shlechtsat uili dhó ar connailbhi,
4694] ár do Ulltaib a m- bunadus. Ro anoraigh dano rigan craibhdhech bai isin
4695] tír esiumh cu lánmor, Baill-gel a h-ainm-side. Bai tra Mu Chua cethracha in
4696] carghais isin tir-sin, & ro fhuabratar a fhostad acu do gres. ‘Ticfa immorro’,
4697] ar Mu Cua, ‘uaib bodhein mac bethad dia bh-foighentai’. Comman dano
4698] ro tarrnguired annsin.


4699] IMthighis uathaibh iar sin, & facbhus bennacht foraib & for a n-daltuibh
4700] & fora macuibh sethar, sicut at-bert:

    1. 4701] Bendacht for a n-daltuibh
      4702] da m-beat do reir riaghla:
      4703] mu bennacht cu dermhair
      4704] ara n-degh-mhnaibh diadha.
    2. 4705] Gach gilla is gach garmac
      4706] bias dom réir cu ro ghar,
      4707] biaidh doibh 's ni bhá falumh,
      4708] talam cona thorad.


4709] LUIDH Mu Chua iar sin cu Loch Cime. IS ann ro bui Cellach mac Raghallaig
4710] ri Connacht oc seilg. Luid in fiadh isin loch, cu ro an for cloich moir ann,
4711] & nír lamad dul 'na dhiaidh, ár ro bui peist isin loch no erchoidiged cu mór
4712] dona dainibh. IS ann sin do-raidh in ri re Mu Chua: ‘Da mad dana lat fer
4713] dar muinntir do dul i n-deghaidh in fiadha for do comairci riasin peist
4714] no ragad’. ‘Is tualaing Dia cidh edh on’, ar Mu Cua. Luidh in fer iar sin
4715] isin loch cu ro mharbh ind agh n-allaid bai forsin leic, & iss ed ro raid. ‘Roba
4716] maith’, ar se, ‘an t-inad innsi so’. Tainic iar sin in t-ocláech isin snamh cu
4717] ro shluic in peist 'na oen-mhír esidhe, cu ro aithisigh in do Mu Chua.
4718] Ro fergaig immorro in clérech risin peist, cu ro sceith ind ocláech n-oghshlan
4719] i bh-fiadhnusi na slóg, & ni ro erchoidig do neoch riamh iar sin. Ro morad ainm
4720] De & Mu Chua triasin bh-firt-sin, et ro shlecht in & urmhor na slóg do
4721] Mu Chua. Et ba h-e sin tosach a ard-ratha a cuiced Connacht.


p.141


4722] Luidh Mu Chua iar sin tar Odhbha bu thuaidh i crich Cera, cu riact cu
4723] Ros Dairbriuch, ut dixit:

    1. 4724] Ros n-Dairbhrech cathair Mu Chua
      4725] re n-abur Balla bith-nua,
      4726] inmain dos ainglech idhan {folio 83rb}
      4727] Ros n-Dairbrech na noeimh-ibur.
    2. 4728] Balla ag dainibh noemhdha anú
      4729] in t-ainm coitchenn gu coemh-clú:
      4730] Ros n-Dairbhrech rob edh a aimm
      4731] re linn Tuathail Treathanghairbh.
    3. 4732] O crich Benncuir na n-ath n-uar
      4733] gu clar Cera na caemh-shlúagh,
      4734] a tir Fher n-Domhnann na n-dos
      4735] ro fhaidh Comhghall gu coem-Ros.

      Ros.


4736] Anaid adaigh isin dú-sin. O ro fheghsat immorro in coimmite os a cinn
4737] aramharach ní fhacatar in topur. Do-raidh Mu Chua friu in topur dh' iarrad.
4738] IS and do-raidh scoloc friu: ‘Ata topur ball-aluinn tisana’. ‘Bidh uadha sin
4739] ainmneghthar in baili’, ar Mu Cua: amail as-bert fesin:
    1. 4740] Bidh Balla ainm in bhaili
      4741] ár do-rala for mh' airi:
      4742] bid h-e a ainm o sin imach
      4743] cu tí in dine déidinach.

4744] Ro altuigh-sium do Dhia inad a reclésa dh' fhoillsiugud dó. Coic bliadna
4745] trichat immorro robo slan do Mu Chua in tan sin, & bliadan ar fichit do oc
4746] foghnum don Choimdhid isinn inad-sin, co n-dechaid docum nime:

    4747]
    1. Rann.
      Bliadain ar fichit gan acht
      4748] do Mu Chua a coiced Connacht,
      4749] fraigh uiri ic tarainn a thaeibh
      4750] fa dúire crabhuidh cnes-chaeil.

4751] Tainic immorro Eochaidh Minnech, flaith Clann bh-Fiacrach, do diultadh
4752] resin clérech. Ro foillsiged, dano, dhó aingil ós cind in dairi i r-roibi
4753] Mu Chua
, & o 't- connaic in clérech ro thairinn dó fo chedoir. As amlaid
4754] immorro do-bhui Mu Chua in tan sin, i carcair cloichi. Do-riacht Eochaid ar amus
4755] in cleirig & cét do maithibh a muinntiri 'na fharrad .i. Maine cona secht

p.142


4756] macaibh & Domhnall & Feradhach & Mael Cathaigh & Ronan & Suibhne &
4757] Finntan Finn & maithi Clann Fiacrach. Et cidh marbad in cleirig ro triallsat
4758] is í a reir do-rónsat, ár ro thaitnighset na ruitne spirtaldai & ind fhoghnuma diada
4759] as a gnuis. Ro idbairset dó in baili iar sin cona ferann do dheoin
4760] Cheallaig mic Raghallaig, conadh dia fhothugud-sin ro chan in seanchaid:
    1. 4761] O Clugh Chuiri Calgaigh curaidh
      4762] co Móin fri h-Adhradh atuaidh,
      4763] o Mhuigh Moetla cona moin
      4764] gu Croit Cualachta cleth mhoir.
    2. 4765] IS amhlaid thuccsat a tír{folio 83va}
      4766] Clanna Rosa gu roibrigh
      4767] gan ainbhthine 'na n-anmain,
      4768] ga mainchine mor-adhbhail.
    3. 4769] Gu cuairt gach treas bliadan balc,
      4770] itir fhir is mhnái ocus mhac,
      4771] do Chua na carcrach caeili
      4772] re atach, re ecaine.
    4. 4773] Bo gach fir feramail uili,
      4774] idir righ is rodhuine,
      4775] do Chua chedach na fharrad,
      4776] edach gacha h-ollaman.
    5. 4777] Muc mhor gacha tighi thuaidh.
      4778] o Traigh Eothuili cu Muaidh,
      4779] screpul gach teineadh cin tart
      4780] do neimeadh Coicidh Connacht.
    6. 4781] Robo le Mu Chua gan ces
      4782] o Odhba na n-drong n-diles,
      4783] roba tairptech a tuili
      4784] cu traigh n-ainbhtech n-Eothuili.


4785] RO fhothaighesdar amhlaid sin a cheall & a con- gbáil, et tuc tri h-espaic
4786] do coisecrad a releac & a reclés & do roind in feruinn dia manchaib.


4787] BA do fertuibh Mu Chua. Aroile ben aimrit tainic cuigi, cu ro bennach
4788] da ghas bilair dhi, & cu ro coimper fo cétoir mac & ingin .i. Luicenchair
4789] Craibdech
& Scannlan iat-saidhe.


4790] FIRT amra aili bheous .i. Mu Chua do-dechuidh gu Loch Cime,
4791] gu r' indisetar na timtirigh do Cind Fhaeladh mac Colcan, ár is e ba


p.143


4792] Connacht in tan-sin: ‘Ata’, ar siat, ‘anmhchara Cheallaig mic Raghallaig
4793] amuigh’. ‘Ni dochaidi linn h-e’, ar Cend Faoladh, ‘a bheith 'na anmcaruit ag
4794] Ceallach mac Ragallaig, & ní thargha isin n- innsi-si’. IS ann sin tuc Mu Chua
4795] in loch tarsin n-indsi. Do-chuaidh in ri ar eicin a n-ethar a n-degaid Mu Chua.
4796] & tuc h-e fein & a mac & a ua a n-daeiri dhó, & inn inis do shoerad, & ro
4797] soerad iar sin.


4798] BA do fertuib Mu Chua .i. Sil Muiredhuigh ro bui isin Buidhi Connaill,
4799] cu ro shirset cleirigh coicidh Connacht dia bein dib, & ni fhuaratar, cu
4800] tancatar airm i m-bui Mu Cua, cu ro ic-sidhe iat, & cu tuc in dath bai orra for a
4801] bhachuil, et tucsat iar sin a maincine dhó: conudh dia dathugud-sin as-bert in
4802] senchaid:

    1. 4803] RO shirset Sil Muiredaig
      4804] tuatha Eirenn isalla
      4805] da n-din ar an duinebaidh
      4806] cu tancatar cu Balla.
    2. 4807] Ro gheallsat Sil Muireadhaig
      4808] riar an cleirig gil glanna
      4809] cumadh lir fri duilleabur
      4810] a n-indmhussa do Balla
    3. {folio 83vb}
    4. 4811] Do-rat for a naemh-bachail
      4812] galar na tuaithi uile,
      4813] conadh edh for-caemhnacair
      4814] is de ata in Bachal Bhuidhe.
    5. 4815] Cuic cét fa chúic thancabar
      4816] d' feruibh arm-ghlana uailche,
      4817] cu brath dia nam-riaraidh-si
      4818] ní bete ni bus uaitte.
    6. 4819] Gach eicen dos-ficfa-si
      4820] guidhidh m' ainm co Dia
      4821] choidhche ni bar-ricfa-si
      4822] anmforlunn 'na dhiaidh.


4823] BA do fhertaibh Mu Chua. Fecht do- chuaidh a crich Muaidhi cu riacht
4824] cu h-Inis Amhalghadh, & ní tucadh ethar cuigi. ‘Ni ba eicin feasda’, ar
4825] Mu Chua, ‘ethar d' iarradh innti’. Tuarcaibh iar sin an talam cu tiaghar do
4826] chois innti o sin cusaniu.


p.144


4827] FEACT n-oen do-chuaidh-sium cethrar cu bru Mhuaidhi. Tucsat na
4828] h-iascairidi era fair. ‘Dia m- beth’, ar esium, ‘timthiridh Dé tis no bered
4829] dhuinne’. As ann sin do-chuir in ron cethra bradana dhoibh-sium for tír.


4830] FEACT aili do-cuir Mu Chua a timtiridh d' acallaim Foelain. O ro-siact-sidhe
4831] cu h-All in Cleibh tancatar chuice da ban-gaisgedhach batar issin tir .i. Bec
4832] ingen Con Choraig & Lithben ingen Aitreabhthaigh, et iss é reabrad dodeitbir
4833] do-gnitis-sidhe, in duine teched sechu do-bertis essidhe i cliabh & da théit
4834] as-side & a imluadh tar an allt n-adhuathmhar. Ro faillsiged do Mu Chua a gilla
4835] do chur isin clíab. Luidh Mo Chua cu riacht an t- inad. Ro riaruig Lithben
4836] ingen Aitreabhthaigh h-e fo cétair, & ní ro leic Bec uaithi an gilla co tard an
4837] clérech a chochull di. Ro lassidhe ima lamuibh & ro riaraig in clérech iar sin.
4838] Et ro agaillset na h-ingena an da n-athair cu tardsat do shaigid Mu Chua, &
4839] cu r-ro baist
Mu Chua iat iar sin. Táinic immorro in Bhéc-sin cu m-boi secht
4840] m-bliadna ic fognum do Mu Chua, cu raibhi i n-araili tan ic acaine beith cen
4841] claind & is ed a cetna dano do-raidheadh Coel mac Aedha, sen Ceneoil Aedha,
4842] & tancatar a n-dis co tucsat a maincine do Mu Chua do gres.


4843] Aillsi dano ro bai for Taithleach mac Cind Fhaelad. Ro íc Mu Chua h-e, &
4844] ros-cuir ara cloc fein, & ata fair fos do derbhadh na mor-mirbuile-sin.

{folio 84ra}


4845] Araili aimsir shamraidh do-cuired Mu Cua do coimhet na
4846] n-uan. Ro bui-sium immorro ic gabhail a bhiaide ina bh-farrad. Ro choimhrithsat
4847] na h-uain ar amus a maithrech, ár ní raba fal eatarra. Tainic Mu Chua
4848] & ro tarraing a bhachail 'na dhiaidh forsin talmain, & ni ro lamh uan dona
4849] h-uanaib toct tar slict na bacla, acht cach dhe oc dechsoin a cele tarsin slict
4850] anunn.


4851] I n-araili la tucadh gu Mu Chua gilla anfhabrachtaidi nar' fhet a lamha na
4852] a cosa na a uile bulla arcena do gluasacht. Ro tadaill Mu Chua o a laimh a uili
4853] bhall ind gilla, & adubairt fris: ‘Eírig a n-ainm Issu, & fegh in n- grein, &
4854] imthigh;’ & ro eirig fo cétoir & ro morad ainm De & Mu Chua de sin.


4855] Feact aili tucad duine demhnach cu Mu Chua. Ro innarb-som in demon
4856] uadh ind ainm na Trinóite.


4857] I n-araili aidhchi tainic araili merleach do ghait cruithnechta Mu Chua.
4858] O ro tocuibh in merlech in t- oire fair ro fheodhaigh fo cétoir, & ní ro-fhet
4859] imtheacht na a oiri do cur dhe, no gur' bennach Mu Chua iar sin.


4860] FEACT aili tháinic fer saegulla & mac bodur lais cu Mu Chua, &
4861] ro ghuidh h-e cu ro slanaiged a mac dhó, & ro guidh Mu Chua in Coimdhe fair,


p.145


4862] & ba slan in mac do chumachtaibh Dhé & do guidhi Mu Chua, & ro morad
4863] ainm De & Mu Chua dhe sin.


4864] IS e immorro in fer-so .i. Mu Chua do-rat a uili fhoghnuma o thosach a
4865] bethad fria ecna & crabhudh. IS e ro imeaclaig in Coimdhi as a naidinacht.
4866] IS e ro traeth cech pecad. IS é ro bhaidhestar ann fein airfitedh in
4867] t-saeguil frecnairc. IS e ro traeth fuailfedh a cholla. IS e ro dermuit na h-aibhniusa
4868] freacnairc. IS e ná ruc a menmain na a innfheitiumh o th-sirfheghadh
4869] na flatha neamhdha. IS e ro miscnigh na maithi aimserda marbhtis otraighi.
4870] IS e ro imghabhudh onoire in domuin amail bás. IS e ro adhuathaig na h-indmhusa{folio 84rb}
4871] & na maine. IS e no comainsighedh in t-airfited collaidi
4872] mar badh neim. IS e na tuc gradh don brentataidh collaidi. IS e do-rat
4873] loghudh da gach aen do-ghníth olc fris. IS e ro traeth a corp & ros-tairbhir
4874] frisin bh-foghnumh n-diada. IS e ro h-adhannadh o theinid gradha Dé &
4875] no adhannadh-som on teinidh cétna cridhedha na n-daine aili. IS e
4876] no charad in comhfhocus amail h-é fein. IS e no tarm- naighed do corpuibh
4877] & d' anmannuibh na n-daine. IS e no charadh a naimdiu, amail no charadh
4878] a cairde. IS e no ernedh na maithiusa do neoch cia mhiscniged
4879] neach é. IS e do-ghníth ernaighthi tar cenn lochta a ingreama & a aithisighthe.
4880] IS e ba foidhidechu fria fulang cech imnidh & cech fochaide.
4881] IS é do-bereadh na máine diadha & doenna da gach aen non-athchuinged.
4882] IS e no furtachtaiged do cech aen no bhith a n-eicin amail athair. IS e no thorramad
4883] cech aen no bidh i carcair no i cuibrech, & nos- tuasluiced. IS e do-bheiredh
4884] crodh do shoerad cech daeir & cech mogad. IS e do-bereth etach do bhochtuib
4885] & aidilcnechaib in Coimdhed. IS e ba soma & ba saidhbre
4886] dona bochtuibh ciar' bo bocht fein & ciar' bhó aidhilgnech é féin. IS e do-bereadh
4887] biadh dona gortachuibh & deogh dona h-itaduchaibh & etach dona nochtuib
4888] & failti coitcenn dona h- áighedhaib & do cech aen ricedh a leas. IS e no dhitnedh
4889] na deibhlena & na fedhbhu truagha. IS e no shoerad na bochtu & na
4890] h-amhfhanna o cumhachtaibh in t-saeguil. IS e na ro gradhuigh ór & arcat acht
4891] amail clocha no luaithred. IS e na ro ghluais a bhel na a thengaid riamh
4892] cu dimhaín. IS e na ro leic nach n-anairchius chuice riam triana eistechtuibh.
4893] IS e no thaisced 'na cridhi cech ní no raidhedh Dia fris. IS e na facaidh ní
4894] nar' bhu dir dhó do fhaicsin. IS e na ruc coisceim fria h- anbhfhorus riamh.
4895] IS e ro traeth a cetfuidh o shanntugud na rét talmanda.{folio 84va} IS e


p.146


4896] no cengail indeithium a menman isna nimhib noemhdhai. IS é na ro leic
4897] uadh nach n-uair dimhaín cen toradh. IS e na ro leic da cridhi dhul o Dhia.
4898] IS e ro mhianaigh cu bh-fodhmadh cech ni ar Crist, ar dhaig gu roissed cusan
4899] athardhai nemhdhai. IS é no fhuired an chumsanad suthain do fein tria
4900] traethad a cholla ind oeine, ind apstanait, quia crucifixus est mundus illi
4901] et ipse mundo’’

Gal. 6:14

.