%ISOlat1; %ISOlat2; %ISOnum; %ISOpub; %ISOdia; ]> Lives of the Saints from the Book of Lismore An electronic edition Unknown Whitley Stokes Electronic edition compiled by Elva Johnston University College, Cork Professor Marianne McDonald via the CURIA Project. Second draft. 71130 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
1995 2010 CELT online at University College, Cork, Ireland. G201001

Available with prior consent of the CELT programme for purposes of academic research and teaching only.

 Manuscript sources Chatsworth, Book of Lismore (at Chatsworth since 1930), folios 41ra1–84ra9 (facsimile foliation); published in facsimile: R. A. S. Macalister (ed), The Book of Mac Carthaigh Riabhach otherwise the Book of Lismore, Facsimiles in Collotype of Irish Manuscripts V (Dublin: Stationery Office for Irish Manuscripts Commission 1950). Stokes's edition was made from the original, lodged for him in the British Museum. Dublin, Royal Irish Academy, MS 57, 477 (olim 23 K 5 see Catalogue of Irish Manuscripts in the Royal Irish Academy, fasc. 2, 163), made by Eugene O'Curry, c. 1839. Dublin, Royal Irish Academy, MS 478, 474 (olim 23 H 6 see Catalogue of Irish Manuscripts in the Royal Irish Academy, fasc. 10, 1278), made by Joseph O'Longan in 1868. Internet resources The book is available online in .PDF format at www.archive.org. See http://www.ucc.ie/celt/book_lismore.html for further details and bibliographical information. See http://www.ucc.ie/celt/ocurry_lismore.html for Eugene O'Curry's description of the manuscript's rediscovery in 1814, from 'Lectures on the Manuscript Materials of Ancient Irish History' (Dublin 1861). The edition used in the digital edition Lives of the Saints from the Book of Lismore Whitley Stokes First edition cxx + 411 pp Clarendon Press Oxford 1890

CELT: Corpus of Electronic Texts

All editorial introduction, translation, notes and indexes have been omitted. Editorial corrigenda (pp. 404–411 and elsewhere in the edition) are integrated into the electronic edition. In general, only the text of the Book of Lismore had been retained, since variants are cited from other MSS in a non-systematic way and most are non-significant. Therefore, only significant variants are retained and these are tagged as variants. Missing text supplied by the editor is tagged.

Text has been thoroughly checked and proofread. All corrections and supplied text are tagged.

The electronic text represents the edited text. The editor's expansion of the notum for 'vero' as 'immorro' is retained throughout. Words are segmented in accordance with CELT practice.

Quotation marks are rendered q; double quotation marks are nested within single quotation marks.

Soft hyphens are silently removed. When a hyphenated word (hard or soft) crosses a page-break or line-break, the page-break and line-break are marked after the completion of the hyphenated word.

div0=the volume; div1=the individual saint's Life or religious text; paragraphs are marked div2; poems are marked for stanzas and lines. Page-breaks and line-breaks are marked, and the number of every line-break is give as lb n="nnn". Folio numbers of the manuscript as rendered in the facsimile are marked mls unit="folio" n="n".

Dates are standardized in the ISO form yyyy-mm-dd

Names of persons (given names and surnames), groups (dynasties, tribes, peoples etc.), places are tagged. Offices and titles (king, abbot, lord etc.) are tagged. Numbers and dates are tagged.

 By unknown authors in Irish monastic scriptoria c. 1100–1200, various and unknown Approx. 99% in Middle Irish and Early Modern Irish. Approx. 1% in Latin, mostly biblical citations. 2011-11-14 Beatrix Färber ed. Additions to header made. 2010-04-30 Beatrix Färber ed. Conversion script run, header updated; new wordcount made; file parsed; new SGML and HTML versions created. 2008-08-29 Beatrix Färber ed. Keywords added; file validated; header modified. 2008-07-27 Beatrix Färber ed. Value of div0 "type" attribute modified, content of 'langUsage' checked; minor modifications made to header. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:38:22+0100 Peter Flynn ed. Converted to XML 2003-11-19 Peter Flynn Validation Minor corrections to markup 1997-09-15 Margaret Lantry ed. Header modified; file parsed using SGMLS. 1997-09-01 Margaret Lantry ed. Header re-structured; text parsed using SGMLS. 1996-01-31 Mavis Cournane ed. Revised text parsed and mark-up verfied using SGMLS. 1996-01-10 Elva Johnston ed. Re-checking and re-correction of mark-up and text for second digital edition and segmentation of words completed (Oxford 1995-1996); biblical citations identified. 1995 Donnchadh Ó Corráin ed. Header created. 1993-06-04 Elva Johnston ed. Stokes's readings collated with the manuscript. Non-significant marking of expansions such as those for 'dano, didiu, iarum, immorro, acht, amal, amail, amlaid, amhlaid, cech, gach, gacha, cach, eter, etar, etir, eitir, ingen, ingine, mac, maic, meic' were removed. Expansions tags on Latin words were deleted. Adverbial 'co' was separated from the following initial. Stokes's change of 'noem' and its variants to Old-Irish equivalents, being unwarranted, was not retained. 1993-05-11 Elva Johnston ed. Stokes's readings and corrections checked. Non-significant additions from other MSS deleted. Significant verse passages from other MSS to be added/retained. 1993-04-30 Elva Johnston ed. First proofing completed. 1993-02-27 Elva Johnston ed. Data capture completed. 1992-12-10 Elva Johnston ed. Input began.
MS in Paris, Bibliothèque national, fonds basques et celtiques 1
Lives of the Saints from the Book of Lismore BETHA Patraic inso, &ersir; tabrad gach aon legfas bennacht for anmannaibh na lanamhna dar' scríbad in lebhar so.

POPULUS qui sedebat in tenibris uidit lucem magnam Is. 9:2, Mt. 4:16 .i. in pobul dessidh i n-dorchaibh at-connairc soillse móir, et in foireann ro bui i bh-foscudh báis fuarutar soillsi dia tainig a n-inshorcugud. IN Spirut Naemh immorro, an Spirut as uaisli cech spirut, in Spirut do-rinfidh &ersir; ro thecuisc in eclais ceachtardhai, petarlaice &ersir; nu-fhiadhnaisi, o rath h-ecnai &ersir; fhaitsine, IS h-e in spirut sin ro raidh na briathra-so tria gin in prím-fatha Ysaias mic Amois, de cuius laude loquitur Hieronymus dicens: Potius dicendus est propheta quam euangelista . IS dia molad sidhe at-beir Cirine faidh conadh cora suiscelaigthe do radha friss ina faidh, ara foillsi &ersir; ara imchuibhdhe frisin nua-fiadnaisero innis scela Crist &ersir; na h-ecailsi noeimhe, cuna budh doig la nech cu m-badh taircetul ro-fhet etar do neth, acht aisneis ret rem-thechtach cena iar bh-forbhthiugud in gníma.

Oen didiu dia taircetluib foillsigthib inni it-fiadhar sunn tria aisneis sechmadachte. Populus qui sedebat in tenebris uidit lucem magnam Is. 9:2, Mt. 4:16 . IN pobul didiu dessidh i n-dorchaibh at-connairc soillsi moir. IS e didiu leth atoibe in n-aisneis-sea lasin bh-faidh cu du i n-debairt remhe in suiscelaigthe cetnai: primo tempore eleuata est terra Stabulon et terra Neptalim Is. 9:1 . Tainic didiu la h-athnuadhugud na h-aimsire gloiri mhor &ersir; indocbail do treib Zabulon &ersir; do treibh Neptalim. Conudh for slicht na h-aisnesean-sin at-beir: Populus qui et cetera. IN popul deissidh i n-dorchaibh. Madh iar sdair cipinnus popul Israel sin ro boi i n- dorchata na daeiri la h-Asardhaibh. At-connairc soillsi na taithchreca don daeiri-sin .i. Estras &ersir; Nemias &ersir; Iosue &ersir; Zorbobel. Madh iar sians immorro is e popul it- berur sunn, popul na n-gennte ro bui a n-dorchaib aineoluis ic adhradh idhal &ersir; arracht, cu ro arthraigh in fhir-shoillsi dhoibh .i. Íssu Crist cona apsalaib, air bui dorchata mhor for cridhib na n-gennte cein co ro scail grian na firinne .i. Íssu Crist a ruithne fo ceathra h-airdib in domain dia inshorchugud.

Oen iarum dona ruithnibh ro eisreid grian na firinne isin n- domun-sa, in ruithen &ersir; in lasair &ersir; in lia loghmhar &ersir; in lochrand lainderdha ro shoillsigh iarthar in bhetha, inti uasal dia ta lith &ersir; foraithmet a n-ecmhong na ree-sea &ersir; na h-aimsire .i. noemh Patraic mac Calprainn, aird-esbul iarthair domuin, athair bathais &ersir; creitmhe bh- fer n-Erenn.

IS ann iarum cheleabrait lucht na h-ecailsi lith &ersir; foraithmhet inti noem Patraic, &ersir; innister ni dia fertuibh &ersir; mhirbhuilib i ndh-ecalsaib na Cristaidi, isin séssed la dec Kl. April arai laithe mis grene isin bliadain i tam cipinnus, in margreit &ersir; in leg loghmhar isa lithlaithe so .i. sanctus Patricius episcopus.

Ad-fiadhat ind eolaig ba do Iudaidib dho iar m-bunadus, air is follus as na mirbhuilib do-rinne Dia air-sium conad do clainn Israel dó, air is dibh ro batar Iudaidi arcena; air in tan tucad in digal la Tit &ersir; Vespesan ro h-esreideth Iudaidi fon m-bith &ersir; tainic a chinél bunaidh-sium Phatraic cu Bretnu, &ersir; do-gabhadh foirb leo ann, uair at-fet Patraic fein sin i n-aroili leabur dia epistlibh: Nos dispersi sumus per multas regiones terrarum propter peccata nostra eo quod Domini praecepta et mandata eius non custodiuimus cf. Conf. 1 . Cunad don eisreideth-sin do-rocht a chenel bunaidh-sium cu Bretnu.

Patraic didiu do Bretnaib Al Cluaide a athair, Poduig deochain a shenathair, Conches ainm a mhathar, ingen Ochmais do Frangaib &ersir; siur do Mhartan h- í, &ersir; i Nemhtor ro ghenair, &ersir; in leac fors ro genair in tan do-berar lugha n-eithig foithi do-fussim uisqui amal bhidh oc caíneadh in gu fhoircill. Madh fir immorro in lugha tairisidh in cloch 'na h- aicnidh fein.

Ceit fhirt Patraic inso &ersir; a m-broinn a mháthar do-roine .i. mac righ Breatan tainic co h-airm i m-bui in ben, co ro innail si dho &ersir; ro ghabh greim eisdi: co tuc a shetich-siumh dig neme do Chochmais tria ét, co nus-ibh, cu ro ghab Patraic in neim ina ghlaic, &ersir; do- righne cloich di ina laimh, conidh amhlaid sin rucadh-sum. Ro morad ainm De &ersir; Patraic de sin.

O ro ghenair didiu Patraic rucadh dia bhaithius cusin mac n-dall claireinech, Gornias a ainm, et ni bui usce oca as a n-dingned in bathius, cu tard sigin na croichi do laim na nuidhin tarsin talmain cur' mebaidh topur as; &ersir; nighidh Gornias a einech assin topur, &ersir; ro errslaic a ruscu dho; &ersir; ro erlegh in m-baithius, inti na ro fhoghlaim litir riam. Do- rine Dia tra firt treda annsin .i. topar as in talmain &ersir; a rusca don doll &ersir; airleghiunn uird in bhaithis donti nach faca litir riamh. Ro fothaiged immorro eclais forsin topar sin in ro baistedh Patraic, ocus is ann ita an topar oc unn altoir, &ersir; techtaidh fuath na croichi, amal it-fiadhat ind eolaig.

Ron-gabh dano siur a mháthar ind altramh, áir ba h-aimrit h-i fein. Ro n-alt iarum Patraic i Nemptor cur' bhó gilla, et is lia a tuirium &ersir; a ais- neis a n-do-rindi Dia do fertuibh &ersir; mhírbhuilib aire ina naidin &ersir; ina gillaighecht; ár bui rath Dé 'na comuidecht in cech aeis.

Fect didiu do Phatraic a tigh a muime a n-aimsir gheimrid do-thoet tola mor &ersir; linad usce forsin n-árus i rabutar, cur' bhaidh in tene, cu m-batar na leastra &ersir; fointreabh an tighi for snamh. Ro chai-sium dano for a mhuime, oc cuinghidh bhidh amal is bes do noidinuibh. Ni h-e sin snim fil oruinn, ol in muime. Dous-fuil didiu ní is toisechu dhuin inas biadh do denumh duit-si, áir ni beo cidh in tene. O ra-chuala Pátraic sin, ro cuinnig loc isin tigh in bhail nach rainic in t-uisqui, &ersir; ro thum a laimh isin n-uisqui. Na coic banna iarum do-bruinndis as a meruib batar cóic oeible teined fo cétoir. Ro las didiu in tene, &ersir; ní ro arthraigh in t-usce iar sin. Ro mórad ainm De &ersir; Pátraic don moir-mirbuil-sin.

Fecht a n-aimsir geimrid con-aitecht a muime brosna connaidh cur' tinoil lan a urtlaig do phisibh oighridh, &ersir; tuc lais dia thig co a muime. Ro bad fhearr dhún, ol a muime, brosna connaid chrin do thabairt diar n-gorad inas a tucuis. As-bert-som fria muime: Creit-si conad sochma do Dhia cu ro lasat na pisi amal crinach. Amal ro suidhighed forsin teinid ro lassat fo cétoir

Feacht do Phatraic &ersir; da shiair Lupait oc ingaire caerach. Atn-aigset na h-uain cu h-opunn, amal ba bes doibh, docum a maithrech do ól lomma. O 't-connuic Pátraic &ersir; a shiúr in ni-sin, ro reithset co dian dia terpadh. Ad-rochair an ingen, &ersir; ro ben a cenn fria cloich cur' bo comhfhocus bas di. Luidh Pátraic dia saigid cu tard airrdhi na croichi tarsin crecht, &ersir; ba slan fo cétair.

Feacht aili do Pátraic oc na caeirib co ruc in cu allaid chaeirig uadh, cu ro chairig a muime gu mor. Luid didiu in cu arabháruch cusin maigin cétna, &ersir; in chúra imlan leis; et fa h-ingnad in ní-sin .i. aisec a fiaclaib in con allaid immon m-biadh n-gnáhach. Morthar ainm Dé &ersir; Pátraic de sin.

Feacht ann luid a mhuime-sium do bleagun a bó. Luid-sium do ol dighi leamhnachta lé. Dasachtaighter immorro im boin isin m- buaili .i. Demon do-chuaidh innti, &ersir; do-beir a h-adharc isin m-boin ba nesa dhi &ersir; nos-marbhann. Ro marbh dono .v. bú ba dech isinn indis, &ersir; luidh iar sin isin n-dithreibh. Teid iarum an noem .i. Sucait, tre comairle in Spirta Noeim docum na .v. m-bo, &ersir; dos-fuisigh iat a b-bas. Bennachais in m-boin n- dasachtaig ucut, &ersir; ba cennuis iar sin amal chaeirig.

Bui dal mhor la Breatnu. Luidh-sium don dail-sin la aidi &ersir; laa muime. Tecmaing tra co n-erbailt a aite isin dail-sin. Ro shochtsat na h-uili dhe sin, &ersir; ro chiset a comnesomh, &ersir; ro chí a com- mam, &ersir; adubairt: A gilli, cidh umar' leicis h-imarchoirthidh do ec? Luid iar sin Patraic docum a aidi &ersir; do-rad a lama ima bragait &ersir; at-bert fris: Eirigh co n-dighsium asso. At-raigh fo cétoir la breithir Patraic &ersir; ruc for a muin dia thig inní Patraic.

Feacht n-aill do-bertis meic beca in phuirt mil dia maitribh as na miltenaibh. Co n-debairt a muime fris- sium: Ni thabraisi mil dam-sa, a meic, amal do-bearuit meic in baili dia maithribh. Teit-sium iarumh docum in uisqui, &ersir; leastar lais, &ersir; senais an t-uisqui cur' bo mil, &ersir; co n-dernta cretre don mhil-sin, &ersir; no icad cech teidm.

Feacht ann at-bath lenam alaile bannscaile no cungnadh la muime Patraic ic bleagun a bo. As-bert iarum muime Patraic: Tuc lat do mac inniu isin n-innis feib no berthea cech dia. Do-ghní samlaid. A m-batar iarum na mna oc on bleagun, &ersir; in mac marbh for lar na buaile, do-breath a mhuime leamlacht do Patraic &ersir; is-bert fris: Gairm cucatt in mac aile co n-eisbhiudh comaidh friut. Táre, a naidhiu, oul se, ille! At-racht fo cedair in mac a bas la togairm Patraic co n- eisbetar commaid iarum. Ro morad ainm De &ersir; Pátraic de sin.

Feacht aili do-chuaidh rechtaire in righ da fhuacra for Patraic &ersir; for a muime co n-dighsitis do glanad theallaig in righ-thigi i n-Al Cluaide. Teit iarum Pátraic &ersir; a muime, co tainic in t-aingeal co Pátraic, co n- debairt fris: Guidh in Coimdhi, &ersir; ni ba h- eicin duit ind obar-sin cu brath. Glanais in t-aingel in teallach iar sin, &ersir; at-beir ce no loiscthea a bh-fil do chonnudh i m-Bretnaib isin tealluch ni bheth luaithne arnabharach ann, &ersir; comuillter fos sin.

Feacht aile didiu do-luidh rechtuiri in righ do chuinghidh chisa grotha &ersir; imme co muime Patraic, &ersir; ní raibhi aici ní do- berad ind isin gaimredh. IS and sin do-righne Pátraic gruth &ersir; imm don t-snechta co rugad don righ, &ersir; o ro taisilbhadh don righ ro soadh a n-aicned snechta doridisi. Ro maithedh iar sin do Phatraic on righ in cis-sin.

Becc tra de mhor annso do mac-fertuibh inni noem Pátraic.

IS h-e tra tuirthiudh toid- hechta Pátraic docum n-Eirenn. Batar .iiii. meic rig Bretan for longius. Rancatar cu n-dernsat orcuin i nn- Urmarc Leathu, &ersir; do-recmaing lucht do Bretnaib Al Cluaidhi for turus n-Urmarc Lethu in tan-sin, &ersir; ro h-orta isin orcuin sin. Ro h-ort ann cetamus Calpurnus mac Potaidhe athair Patraic &ersir; a máthair .i. Conces. Ro ghabhsat Pátraic &ersir; a dhi siair .i. Lupait &ersir; Tigris. IS ed didiu leth lotar meic rig Bretan, timcill Eirenn atuaidh, cu ro rensat ini Patraic fri Miliuc mac h-ui Bhuain cona triur brathar. Ba h-esidhe ri Dal n-Aruidhi, et ro rensat a shiair leth n-aili &ersir; ni ma-fitir daibh. Ba de tra ro lil- sium in t-ainm as Cothruighi ar foghnum do cethrar muinntire.

Bai tra do dhichracht in fhoghnuma i m-bai Pátraic co toimniudh cechae dona cetheora muinteruib dia bh-foghnad cumad do a oenar foighneth, et bai gidh in anmcairdine ele fair-sium .i. cét slectain matan &ersir; cét fescor &ersir; oen-proind on trath co araili.

Batar didiu .iiii. h-anmanna fair .i. Sucait a ainm o thuistidhibh: Cothraighi dia m- bui ic foghnum do cheathrar: Magonius oc German: Patricius .i. athair na caitherdha, a ainm la Selistinus .i. comarba Petuir

O 't-connuic Míliuc gur' bo mogh irisiuch, ro cennuigh on triur aili cu fognadh dó a oenar, &ersir; ro fhoghain fo bes na n-Ebraidhi fria re .iiii. m-bliadne, uair ba deithber dhó iar n-aili genealaig; et iss ed ro h-erbadh do, ingaire muc; &ersir; ro cesair mór n-imned i n-ditribh Slébi Mis, amail it-fet fein i liubar a eipistlech.

IS lia tra tuiriumh &ersir; aisneis a n-do-roine Dia air-sium isin ditribh. IS ann sin don-athuiged-som Victor aingel &ersir; no fhorchanad im ord n-ernaigthi. Tictís dono chuici-sium meic &ersir; ingena Milcon cona cnamat do, &ersir; nos-forchanadh im chrabud cristaidi do reir forcetuil in aingil.

IS inn inbaidh-sin it-connaic Miliuc fís .i. Cothraighi do thuidhecht cuca, &ersir; lasair theined as a ghion, cu ro lái-seom uadh in teinid na ro loiscedh, &ersir; ro loiscc a meic &ersir; a ingina comdar luaithred, &ersir; ro h-esreided a luaith fo Eirinn. Ruc iarum Cotraigi breith forsin n-aisling, &ersir; at-bert ba h-e tene in raith diadha asa coimlaifed uad-sum iardain co Miliuc, &ersir; ni creitfedh do. No loiscfed immorro pectha a mac &ersir; a ingen, &ersir; no creitfitis, &ersir; bidh irdraicc a n-ainm fo Eirinn.

I n-araili aidchi didiu isin du sin ro- cuala guth in aingil, &ersir; at-bert fris i fis: Bene, serue Dei, ieiunas et oras, et cito exiturus eris ad patriam tuam . Ro comhfhaicsigh tra aimsir fuaslaicthi Patraic a daire, air no clechtatais na gennte soerad a moga cecha sechtmad bliadne. Ro imraidh iarum Miliuc cinnus no fhastfadh a mhogad ocai .i. Patraic. Crenaidh didiu chumhail .i. Lupait siur Patraic. Dos-bert Miliuc dia mhogaid. Ro tinoiltea i teach fo leth aidhche a m-baindsi. IS annsen ro pritchai Pátraic don cumail cu ro thocaitetar in aidhchi oc ernaigthi. ISin maduin iarnamharach at-connuic Pátraic in gelchrecht i n-dreich na cumaile, cu ro fhiafraigh fochunn in crechta. As-bert in cumal: In tan ro bhasa i Nemptor i m-Bretnaib rot- ecmaing gur' ben mu cheann re cloich gur' bho comfhocus bas damh. O at- connaic mu brathair Sucait in crecht do-rat airrdhe na croiche cona laimh tar mo cenn, &ersir; ro h-ictha fo cétoir. Ro raidh Pátraic: Misi do brathair, &ersir; is me rot-íc, &ersir; is trocaire De fo-dera ar n-accomal doridhisi iarnar n- esreideadh. Ro ghniset iar sin atlaigi buidhi do Dhia, &ersir; do-cuatar isin n- dithrub iar sin.

O ro bui Pátraic isin dithrub at- cuala guth in aingil ica radh: IS fuiridhe didiu in long co n-dighi-sa innti cusin n-Eatail do fhogluim na screptra noime. IS ed ro raidh Pátraic frisin aingel: In duine dia bh-foghnaim-si fria re .uii. m-bliadne ni fharcabh-sa h-e cen a airle dam. IS-pert didiu in t-aingel: Eirc-si co bh-fesair. Do-roine Pátraic amlaid sin. As-bert Miliuc na comarleicfeadh muna thardad tallann oir dia chinn. IS tualang Dia cidh eadh on, ol Pátraic. Do-riacht Pátraic isin dítreibh &ersir; at-cuaidh don aingel briathra Milcon. At-bert in t-aingel fris du i tat Foillichta in Aingil: Coimhet-sa amarach araili torc ic claidhi in talman, &ersir; do- cuirfea bruth oir dhuit ass, &ersir; tabhuir ar do shaeire. Ro comailled amlaid &ersir; ro leicedh Sucait do imthecht soer iar sin. Aithrech immorro la Milcoin deonugud dia mhogad imthecht, &ersir; fuid- hius a muinntir 'na dhegaid dia thabairt for culai; sech ni tharra-sum Patraic &ersir; ni tharraid in t-or ar n-impod.

Luid didiu Patraic i crich h-Ua Neill for aighidhecht co Sein Chianan. Is h-e ro fheall fair. Rod-rir ar chaire n-umai. Suidhighidh a coiri for fraighidh a theghduisi co ro lensat a lamha don choire iar sin. Luidh a ben dia chabair. Ro leansat a lamha-sidhe don coire. Luidh in mhuinnter uili cusin coiri, &ersir; ro leansat a lamha uili don coiri, &ersir; ro lean in coiri don froigid. IS annsin ro raidhset: Is mogh righ mhor-chumhachtaig ro rensam. Gairmter duin doridisi. Do-lluidh Pátraic iar sin cuca, &ersir; do-lleic a l-lamha dhoibh trena n-aitrighi, &ersir; ro laiset in coire for culai.

Luid Pátraic iar sin la Gulla for muir &ersir; dus-fobair ainbhthine moir. Ro ghuidh Pátraic a Dhia leo &ersir; ba raeithinach in muir. IAr n-gabail tiri dóib do bhatar tredenus i nd-oine iar scithlim a l- loin. Guidhset Pátraic iarum im cuinghidh bídh doibh co Dia. IAr sin do-rat Dia dhoibh muic n-uir fhonaithi, et do-breath mil choillidi do Pátraic amal Iohain Babtaist. Scarais friu-saidhe &ersir; do-lluidh co Nemptor. O rainic iarum a athardha ro ghuidhset h-e im anad acu, ocus ni frith uadh, uair cech tan at-codlad indar lais ba h-i inis na n-Gaeidel at-ceth co cluineth claiscetul na macraidi o Chaill Fochlad.

Do-luidh didiu tar Muir n-Icht i n- airrterdeiscirt na h-Etailli docum Germain .i. sai-eascop na h-Eorpa uili in tan-sin, cu ro legh in canoin n- eclusdai lais.

DO-LUIDH co Martan iar sin cu Torinis, cu tart berrad manaig fair.

.XXX. bliadne didiu a aoes in tan ro- siacht gu German, xxx. bliadne oc foghlaim oca iarum, &ersir; xl. bliadne ic proicept a n-Eirinn.

Ro fhaidh German iar sin inhí Patraic do Roimh do airidin graidh espoic fair, &ersir; senoir sruith lais .i. Egedius prespiter, dia theastugud fiadh Romanchu.

Luidh iarum for muir, nonbur a lin, co rala an innsi cu n-fhaca in tech nua &ersir; lanamain ann; &ersir; at-bert frisin oclach bui isin tigh, cia fot ro batar annsin. O aimsir Íssu, ar se, &ersir; is e ron-bennach conar tegduis, &ersir; bemait amlaid co brath, et timarnai Dia duit- si, ol in t-oclach, dul do proicept i tír n-Gaeidel, et for- fhacaibh Íssu bhacaill lindi dia tabhairt duit- si. Do-breat iarum Patraic bachaill Íssu leis, &ersir; do-luidh co Germán for cula. As- pert Victor fris. Timarnai Dia doit-si dul do proicept i tir Ghoidel. Dia cloisinn dam, ol Pátraic, ad dó no raguinn. Tair-si, ol Victor, dia acallaim- seom i Sliab Herimon.

LUID Pátraic iar sin, &ersir; ron- ecain fri Dia dúrcraidhitaid na n- Gaoidel. As-pert Dia: Biat-sa, ol se, oc furtacht duid.

LUID iarum Pátraic do Roim co ro-et gradh esbuic o comarba Petair .i. Selestinus .xl.ú. o Phetur. IS e ro fhaidh Palladiam espuc docum n-Eirenn, acht ni ro gabhsat Gaeidil a proicept-side, ár ni dó ro cinn Dia a comhshódh, acht is do Patraic. Luidh iarum Palladius for cula co n-erbailt a m-Bretnaib. Luidhset a caeimthechtaidhi co Roim.

IN tan luidh Pátraic fo gradh n-espuic is ann do-breth in t-ainm is Patricius fair. Do-radad grad for Pátraic iar sin o German &ersir; o Shelistinus &ersir; ó Mhatha o righ Romhan. IN tan tra ro bas occ tabuirt graid espuic fair ro freacairset na teora classai .i. class muinteri nime &ersir; class na Romanach &ersir; class macraidhi Cailli Fochlaid. Et is ed ro cansad uile: Ibernienses omnes clamant ad te puer cf Conf. 71 . Ro fhaidh didiu comarba Petair inhí Pátraic do proicept do Ghaeideluib.

A m-bai Pátraic for muir ic ascnamh docum n-Eirenn co n-acai an clamh forsin carraic oc cuinchidh inaidh ar Dia isin curach. IS ann sin rola Pátraic a leic isin muir resin clam, acht in tan do-rochtatar Eirinn fuaratar in lec ara cind isin purt.

Luidh iarum Pátraic co n-geibh Innber De i Crich Cualunn, &ersir; nibdar failtigh na h-iascaire fris. IS ann sin do-rad-sum breithir forsin n-innbhir cu nach biadh torad ann cu brath. Et is e thainic a n-agaid Patraic .i. Sínell mac Finnchada. Is h-e cedna fer do-chreid do Dhia &ersir; do Pátraic. Et facbhuidh bennachtuin fair &ersir; for a shil.

.XL. bliadne on ló tainic Pátraic a n-Eirinn co la a etseachtai.

Fo-cerd a luing iar sin sech Eirinn soir co h-Inis Pátraic. Luid i tír.

Aroet araili fer for áighidecht i suide &ersir; creitis dó. Luidh Pátraic cum a luingi d' acallam Laeghairi co Temhraig. Ro imir as-sidhe co h-Innber na m-Barc, &ersir; do-gní aoighidhecht a tigh fhir mhaith annsin. Sescnech a ainm. Pritchaid Pátraic breithir n-De dhó, &ersir; creidid do Dia &ersir; do Pátraic. Baister h-e iarum. Bai mac bec aigi. Ro toltnaigh-sidhe do Patraic &ersir; ro char gu mor intí Pátraic. Gabhuis in mac cos Pátraic 'na ucht, &ersir; ní r' aemh codlud le a máthair na a athair in aidhchi sin, acht ba toirrsech &ersir; no chaifedh muna leicthi i fochair Pátraic h-e. Ar madain immorro, in tan do-chuaidh Pátraic do imthecht fora set, tucad a carpat cuice. Cuiris Pátraic a chois isin carbat. Iadhaidh in mac bec a dhi laimh im chois Pátraic, &ersir; is ed ro raid: Rom-leicid aroen fria Pátraic, ár is e Pátraic m' athair dileas. Do-raidh Patraic: Baistter in mac &ersir; do-berur isin carbut. Co n-ebert Pátraic iardain: Bidh comarba dam-sa in mac-sin. Et do-breth Pátraic ainm fair, Benignus .i. Benén.

Teit iar sin a coeimthecht Pátraic co Ferta bh-Fer bh-Feic i Muig Breg adaig chasc. IS annsin ro celeabair Pátraic ord na casc, &ersir; adaiter tene cosecartha acu do oifreann. Ba h-i sin aidhchi fhele Laeghuiri meic Neill, ár ro gnithea la Laeguiri feil a gene do gres gacha bliadne i Temraig Breg, &ersir; ni lamhtha la Laeguiri tene d' fatudh in Erinn resiu no h-aduighthea tene lais-sium i Temraig.

IS annsin ro mhallach Pátraic Innber n-Domnann &ersir; Innber n-De, &ersir; ro bennach Innber m-Boinne ar fuair iasc ann.

LUIDH iar sin co h-Innber Slainghe cu ro fholuigh a lunga isin du-sin. Conidh ann do fhuair mucaid Dichon meic Trechimh, bhail ita Sabull Patraic inniu, co n-ecidh dia thigerna. Luidh Dichu co n-greis a choin fona clerchiu. IS ann sin do ghab Pátraic in fersa: Ne tradas bestis animam confitentium tibi cf. 1 Kings 13:4 et cetera. IAr sin sochtais in cu &ersir; ni ro urchoidig doibh. O 't-connaic Dichú inhi Pátraic ro fhuasluicc a claidhiub dia orcain. Seacais a laim os a cinn acedoir, cu n-derna atach Patraic &ersir; ron-gabh congain cridi, &ersir; ro creit, &ersir; ron-baist Patraic iar sin, conid h-e tóisech ro ghab baisde &ersir; creidium la h-Ulltu o Pátraic. IS annsin ro idbair Dichu do Pátraic in Sabull. Senoir immorro Dichu in tan-sin. Do-rat Pátraic a rogha dó, a athnuaideged i n-aeis trichtaigi nó a dhul i flaith nime fo cétoir. IS ferr leam ol se, mo athnuaigeded ind aes trichtaig. Bendachais Pátraic Díchoin gu n-deachaid i n-oitiud as a h-aithli.

Feacht do Pátraic isin t-Sabull oc oifreann. Luidh araili drai sech in eaclais. Fo-cerd a eachlaisc dar senistir na h-ecailsi isin coileach. Sluicid in talam in drai fo cétoir.

LUID Pátraic do proicept do Miliuc mac h-ui Bhuáin, &ersir; ór lais ar gabail in chreidme uadh, áir ro-fhidir cur' bhó sanntach um crudh &ersir; um ór h-e do sunnraid. O 't-cuala Miliuc Pátraic do techt cuigi nir' bo failid dhe, ar ba meabhul lais creidium dia mogh &ersir; dia fhogantaidh. IS i didiu comairli ro aslag Demon fair .i. tene do tabairt fair ina thigh bodein, cu ro loisced ann &ersir; co n-dechaid dochum n-ithfirn. Ro foillsiged do Pátraic inní-sin, &ersir; is ed ro raidh: Ní bia rí na righdamhna uadh, &ersir; is ac foghnum dhaine ele bias a shil &ersir; a seimeth do gres, &ersir; ni tharga a ainim a h-ifirn cu bráth na iar m-brath.

IS i sin aimser do-rala ri feochair for Eirinn .i. Laeghaire mac Neill. IS ann didiu bai a shosad &ersir; a greim rigda i Temraig. Teora bliadni re tuidhecht do Pátraic i nn-Eirinn ro terchansat na druidhi a taidhecht .i. Luccatmhael &ersir; Luccra. Et is ed ro raidhset: Ticcfat tailcinn tar muir meirceann, a m-bruit .i. a cocaill oifrind toillceann, a crainn .i. a m-bachla croimcenn, a miasa .i. a n-altoire a n-airrther a tigi, friscerat uile amen.

IAr sin is-pert Pátraic ria Dichoin: Eirg uaim, ar se, co Laegairi mac Neill co n-ebre mo aithiusc fris, cu rabh flaith &ersir; eclais isin tir. Dia n-deochus-sa cu Laeguiri, ol Dichu, itat .ix. n-geill dam-sa occa i Temraig. Muirbhfiter mo geill &ersir; nom-muirbfiter fein in lín raghat. Ternaife-sa fein &ersir; ternaifeat do geill summdidge gingu terno, ol Dichu, ragat ar do bennachtain. Luidh iarum Dichu co Temhraig. IS e tra in fer, ol Laeguiri, ceta ro creit don Tailcenn ria feru Eirenn. Beridh, ol se, in fer-so a n-aen-tech re giallu, &ersir; tarduidh biadh saillti doibh &ersir; na tardaid digh. Do-ronad samlaid. Dosn-ainic macdhacht &ersir; do-breath drolmhuigh fhina dhóib ae Pátraic &ersir; dáil doib &ersir; do-breth soillsi doibh . Dosn- ainic cleirech cu casal lin uime &ersir; tall na glasa &ersir; na slabhrada dib, &ersir; tuc a n-eochu do ba for lár in lis ina srianuibh, &ersir; ro oslaic doirrsea na Temrach reompa. Leangait iar sin for a n-eochu &ersir; ti co Pátraic i tir n-Ulad. At-fet iarum Dichu a scel do Pátraic. IS doigh, ol Pátraic, ní icfut fáithe nait fir fessa in fer-sin co rissa fein.

O ro comfocsig sollumun na casc ro midir Pátraic nach raibhi baili in bud cora dhoib ard-shollumun na bliadne do cheileabrad ina i Muig Bregh baile i m-bui cenn druidechta &ersir; idlachta na h-Eirenn , &ersir; i n-ard-dingna na h-Eirenn .i. i Temraig.

Ro cheleabair do Dhichoin, &ersir; do-rad a luing for muir, &ersir; luidh co h-Indber Colptha &ersir; co Ferta b-Fer b-Feic for tir, &ersir; saidhidh a phubull ann, &ersir; ro beanad in tene chascda coisecarta lais. Ba h-i sin aimser no ceileabraitis na gennte in t-sollomun-sin, &ersir; ba geis do righ Temhra tene d' fatud re teinid na Temrach in adaig-sin. Ni fhidir didiu Pátraic in geis-sin, &ersir; cia ro-fesadh ni tairmiscfed. A m-batar ann lucht na Temhra co bh-facatar in tenid ro atta Pátraic, air ro soillsigh Mag m-Breg uile. Ro raidh in ri didiu: Is coll cana &ersir; gesi dham sud, &ersir; finnta dhun cia do-rine in tene ut. At-ciam in tene, bhar na druidhe &ersir; ra-fhetamar in aidhche a n-dernad h-i acht mina didbhuigther re maduin ni baithfiter co brath. Ro gab ferg in ri iar sin, &ersir; ro h-innled a carpat do, &ersir; do-dechaid co Ferta b-Fer bh-Feic. Do raidset na druid fria Laeghaire: Na h-eirc-si cusna fira ucut air do-ragat-som cucat. Do-deochaid didiu Pátraic cu h-airm i m- bui Laeghaire. At-bert Laeghaire.

Luidh iarum Pátraic co Sith n-Aeda et ro bennach Conall &ersir; Fergus a mac. IS annsin do ar a lamha for cenn an meic. Ingnad la Conoll inni-sin. As-bert Pátraic: Gignidh macan dia fine, bidh sai, bidh faidh, bidh file, inmhain lespaire glan glé, nat ebera imarbhe.

Colomb Cille mac Feilimthe insin.

Ro bennuch Pátraic didiu Conull mac Neill &ersir; a cenel, &ersir; for-fácuibh bennacht for a n-dáinibh &ersir; for a n- innberuibh &ersir; for a ceallaib.

LUIDH Pátraic i Tir n-Eogain &ersir; as-bert fria muntir Fomnid nach for-tair in leo uathmhar .i. Eogan mac Neill. IM-atarraidh doib frisin set .i. Muiredach mac Eogain ro bui i tosach luirc na n-occ, Sechnall immorro do-bhui i n-dereth luirc na clérech. IS ann as-bert Sechnall fria Muiredach. Rat-fia a logh leam da creidi h-athair do Dhia. Cia logh? ol se. Righi uait, ol Secnall. Do-ghena amh, ol Muiredach. A bh-Fidh Mhor is ann con-rainicc Muiredach &ersir; Eogan fria Pátraic. Ro creit didiu Eoghan do Dia &ersir; do Pátraic. Damadh a tigh no creit- tea, ol Pátraic, do-ticfatis geill Eirenn dod tigh. Uair nach edh, ni ticfat co tisat tria nert airm.

LUID Pátraic cu h-Oiliuch na Righ cu ro bennuch in dún, &ersir; for-facuibh a licc ann, &ersir; ro tarrngair righi &ersir; ordan re h-edh for Eirinn a h-Ailech, &ersir; do-rat beannachtain gaiscidh for Eogan, &ersir; at-bert Pátraic: Mu bheannacht for na tuatha do-biur o Bealach Ratha, ocus for Cinel Eogain deoraidh co laithi m-bratha. Cein bes macha fo toruibh beit a catha for feruibh, cenn sluag bh-fer bh-Fail dia maigin, saigidh daibh for cech tealaigh.

LUIDH Pátraic iar sin a n-Dail Araidhi cu da macuibh déc Caelbaidh, &ersir; do-rat beannachtain foraib acht Sarán a oenar, &ersir; do-rat mallachtain fair sein cu nach gabhtha righi uadh cu brath.

Luidh Pátraic i n-Dail Araidhi cu ro baist espac Olcán fil in airrter Maigi Cobhai, &ersir; cu ro legh Mac Nisse Conaire a shalma lais. Luidh Pátraic co h- Eochaig mac Muiredaigh, co righ Ulad, dia m-bui oc damnad &ersir; oc pianad da naemh- ogh ro edbradair a n-oighi do Dhia, ica timturgud i l-lanamhnus &ersir; i n-adhrad idhal. Ro ghuidh Pátraic itghi leo arna ro phiandais, occus ni etas. Do-rat didiu Cairill mac Muiredaigh .i. brathair in rig, impidi la Pátraic, &ersir; ni ro aemh in ri fair. At-bert Pátraic fria h-Eochaig: Ni bhiat righ nait rigdamna uait co brath ocus a n-oidhidh fort bhudhein. Do brathair immorro .i. Cairill bhidh ri é budhein &ersir; beit righa uaidh &ersir; flaithi os do claind-si &ersir; os Ulltaib uili co brath, conud iat sin sil na righi .i. sil Demmain meic Cairill tre breitir Pátraic.

Luidh didiu seitig in righ &ersir; slechtais fo chosaib Pátraic. Do-rat Pátraic bennacht dí, &ersir; ro bennaig in gein bui ina broinn, conud h-e Domhanghart mac Eochach insin. IS e for-facaibh Pátraic ina churp fesin i Sleibh Slanga &ersir; bíaid ann co brath. Uair is h-e sin in sechtmad fer for-facuibh Pátraic ana bhethaid oc coimet h-Eirenn.

Luidh Pátraic iar sin a Dail Araidhi tar Fertais Tuama co h-Uaibh Tuirtre. Do-dechaid iar sin a n-Uaibh Meith Tire. IS ann tallsatar triar do Uaibh Meith in dara boc no bidh oc tabhairt usci do Pátraic, &ersir; do-dechatar do luighi eithich do Pátraic cu ro mheichleastar in bocc fesin a bragait in tres fear dos-tall. Mo de broth, ol Pátraic, aisneidhidh in boc fesin a bhaile ar' h-ithed. Et o aniu cu brath, ol Pátraic, leanat buic fort claind &ersir; chenel, &ersir; is ed on comalltur fos.

LUID Patraic co Firu Rois iar sin. IS ann sin ro soe i clochu na faiscre grotha cosin nemh. Et ro baithtea isin ath uile laich ro mhidhatar orcain Patraic.

LUIDH Patraic iarum tar Magh m-Breg i crich Laighen co Dun Nais. Ata lathrach pupla Pátraic i fhaighthi fria sligid anair, et ita tipra fria dun atuaidh du in ro baisd Patraic da mac Dunlaing .i. Ailill &ersir; Illann &ersir; di ingin A recent hand has made Aill into AilbiAilill .i. Mugain &ersir; Fedhelm ro idbertatar a n-oighi do Dhia, &ersir; senais Pátraic caille for a cenn. IS annsin do-cuas o Phatraic for cenn rechtuire Náis, Faillén a ainm. Ro doilbh-sein cotlud fair, &ersir; adubhradh bai in rechtaire 'na chodlud. Mo Dhe brath, ol Patraic, ni h-ingnad cidh tiug chotlud. Do-chuatar a muinnter iar sin do duscud in rechtairi. Et frith marb h-e ar an anumaldoit do-rine do Pátraic, conid de sin is athiusc m-breithri la Gaedelu: codlud Faillein i n-Dun Nais.

Dricriu didiu is e ba ri O n-Garrcon for cinn Pátraic in tan sin, et inghen Laegaire meic Neill do mnai oca. Et do-diultsat fre Pátraic immon bh-fleidh oc Raith Innbhir. Et do-rat Cilline foilti dhó, &ersir; ro marbh a aen-boin do, &ersir; do-rat dó i n-airmed mine fo-ghebadh dia fhulung i tigh in righ. IS ann sin at-bert Patraic fria mnai fhuine, &ersir; si oc derchainedh a meic: A ben, taisigh do macan! to-taet torc mor do orcan: is do aibhell do-taet breo, bid beo, bidh slan do macan. IN t-arbur is dech do losail talman: is se Marcan mac Cillin duini bus dech d' Ibh Garrcon.

Fothaighis Pátraic iarum cealla &ersir; congbala imdha i Laignib, ocus for-facuib bennachtain forru &ersir; for h-Uibh Cennselaig sainriudh, &ersir; for-facuibh h-Uasailli i Cill h- Uasailli &ersir; Mac Tail i Cill Cuilinn, et ro oirdnestar Fiachu Finn i Sleibtib in espocoidi in cuicid. Ro mhaidh dano Failge Berraidhi co muirbhfedh Pátraic du i comhraicfed fris a n-dighuil an idhail Cinn Croich, ar is eisidhe ro ba dia do Fhailgi. Ro ceilset tra a muinnter ar Pátraic inni ro raidh Failghe. Laa n-ann as-bert Odhran a aru fre Pátraic: Ol atusa fri re cian og aruidecht duit-si, a popa, a Pátraic, nom-leic-sea isin prim-shuidi inniu, &ersir; ba tusu bus ara. Do-rine Pátraic samlaid. Luid Pátraic i crich Ua Failghi iar sin. Teit Failghi cu tard fuasmadh triaOdran i rict Pátraic. Nir' cian iarum co n-erbail Failghi co n-dechaid a ainim a n-ithfern. Teit iar sin Demun i curp Failghe co m-bui eter dainibh amal b Teit Pátraic iar céin mair iar sin co Failghe, &ersir; ro thoiris an dorus in dunaidh i muigh, cu ro fhiafraig do aen do mhoghuibh Failghi cait i m-bui Failghi. Ro fhacbas-sa ina thigh, ol in mogh. Raidh fris, ol Pátraic, tuidecht dom acallaim. Teit in mogh ar cenn Failghi, &ersir; ni fuair dhe isin tigh acht a cnamha lomai cen fhuil, cen feoil. Tic in mogh co Patraic cu m-bron &ersir; toirrsi &ersir; at-fet dó amal do-connuic Failghi. As-bert Pátraic: On lo ro ghon Failge mo araid am fhiadhnuisi do-chuaidh a ainim a n-ithfern isin gnim do-rinne, &ersir; do-choidh demun ina corp. Conid h-i oided Fhailghi insin.

Failghe Rois immorro issi a clann fil isin tir inniu, &ersir; ro bennuch Pátraic, &ersir; is uadh flaithius in tire co brath.

LUIDH Pátraic iar sin for Bealuch n-Gabrain i tir n-Osraigi, &ersir; for- fothaig cella &ersir; congbhala ann, &ersir; adubairt no bhetis oirdnidi laech &ersir; clérech dibh co brath, &ersir; ni biadh furail nach coicid forru cein no beitis do reir Patraic.

Ceileabhrais Pátraic dhoibh iar sin, &ersir; for-facoibh martra sruithe ocu &ersir; foirenn dia muntir du ita Martarthech inniu i Muigh Raighne.

LUIDH Pátraic iar sin i crich Mhuman do Chaisiuil na Righ. Co tarla do Aenghus mac Nat Fraich ri Muman, &ersir; feruis failti fris, &ersir; nos-beir lais dia thigh don dun cusin maigin i ta Leac Pátraic inniu, &ersir; creitis Aengus do Dia &ersir; do Pátraic annsin, &ersir; ro baisdeth h-e &ersir; moran d' feraibh Muman maille fris. IS ann sin tra tinnscnamh baithis bh-fer Muman, conadh ann as-bert Patraic: Muimhnigh dia nom-sáruighet um Chaisil cenn a m-baithis imghuin leo ar lar a tire beit a righi fo aithis. A Caisil ro bennachus Eirinn co n-ic a h-ura: co mo dhá laimh ro ben- nachus conna bia cen maith Mumha. IN tan tra ro bai Pátraic oc ben- nachad cinn Aenghusa luidh foghrain na bacla trena traighidh. Iar bh-foirchinn immorro in bennachaid co n-accai in crecht i cois Aenghusa. As-bert Pátraic: Cidh ro m-bai nad ebris frium? Atar lem, ol Aengus, rop h-e corus in creitmhe. Rat-fia a logh ol Pátraic. Ni ragha do chomharba aidheadh n-gona onniu cu brath acht oen-fer nama. As-beir Pátraic co m-biad a rath i Caisil, ut dixit: Eisseirgi Patraic a n-Dun, a ordan a n-Ard Macha, i telchan Chaisil cheolaig ro dheonaig trian a ratha.

Luidh Patraic a Muscraighi Breoghain. Laa n-ann didiu boi oc innlat a lamh i n-áth ann cu torchair fiacail as a chinn isin n- áth. Luidh iar sin isin telcha frisin ath anair, &ersir; do-tiaghar uadh do cuinghidh na fiaclu, et do-raitne fo cétoir in fhiacail isin ath amal grein. Et Ath Fiacla ainm inn atha et Ceall Fiacla ainm na cille i farcaibh in fhiacuil. Et ro fhacuibh cethrar dia muntir ann .i. Cuirche &ersir; Loscan, Caileach &ersir; Beoan.

Luidh iarum i tir Ua Figinti co n-derna Lonan mac Erca ri O Figeinti fledh do Pátraic, &ersir; deochain Mantain do muntir Pátraic leis ica fur. Do-lluidh cliar aesa dana co Patraic do cuinghidh bídh. Fuid- hius Pátraic techta uadh co Lonan &ersir; co Deochain Mantain do chuinghidh neich don oes dana. As-bertatar side napdis druith no bernfad a bh-fleidh ar tus As-bert Pátraic na biadh rí na espoc o Lonan &ersir; na biad ard congbhail deochain Mantain i talmain. IS ann sin do dechaid araili moethoclach, Nesan a ainm, &ersir; molt &ersir; tanag &ersir; tri faiscre grotha for a mhuin do Pátraic. As-bert Pátraic: IN macan do-toet atuaidh is do do-berbadh in bhuaidh, cona moltan for a muin docum Cotraighi do-fuil. Co nus-tuc Pátraic dona caintibh. Amal batar iarum na cainti oc ithe in muilt notas-sloicc in talam fo cedair cu lotar i fudoman ith- frinn, &ersir; marait fos na faiscre iarna sodh i clocha. Do-bert iarum Pátraic bennachtuin do Nesan, &ersir; do-bert gradh deochain fair, &ersir; is e fil i Mungharait.

Luidh Pátraic iar sin i Findine fri Domnach Mor aniartuaith, telach asa n-aicter in tuath fri Luimnech atuaidh, co tart bennachtain for Thuadmumain ar a dhuthrachtaighi do-dechatar co n-imat innmhuis leo ar cinn Pátraic. Cairthenn macc Blait, sen Clainne Tairrdealbhuigh, ro creit don Choimdhid, &ersir; ro baist Pátraic i Saingil .i. sain aingil do-dechaid dia acallaim annsin, &ersir; ni h-e Victor. Ní berthe dano clann do Cairthenn co sin. IS ann sin rucadh Eochu Baillderg do Chairthenn. Patraic do-chruthaig don phairt croa, et co rabha in ball sin in a churp do comhartha ind fherta. Ni dhechaid Pátraic fesin isin tir acht at-ceth o Luimnech siar &ersir; budh thuaid, &ersir; bennachais ind airet ad-connaic. Et prophetauit de sanctis qui in eis fierent, nominibus et tempore quo peruenissent.

IN t-ailen glas tiar, ol Pátraic, i m-belaibh in mhara ticfa caindeal do muntir Dhe ind bus cenn athchomhairc dona tuathaib-sea, .i. Senan Innsi Cathaig. Diagh .lx. vel .vi.xx bliadne iarum Senan mac Gerrginn meic Dhubhthaig.

Ni dhechaid dano Pátraic dar Luachair ind Iarmhumhain. Prophetauit de Brenainn mac h-ua Alte, qui nascetur .cxx. anno. Quod impletum est.

LUID Pátraic i Muscraighi Thiri baptisare et fundare fidem. Ibi inuenit tres fratres .i. Fuirc &ersir; Muinech &ersir; Mechar, tri meic Forait meic Connla. Creitidh Muinech protinus, et ro m-beir as Pátraic &ersir; ron- bennach &ersir; for-fhacuibh oirdnidi laech &ersir; clerech uadh cu brath &ersir; airdrighi a thiri uadh do gres.

Ro bhui tra .uii. m-bliadnii i Mumain, &ersir; iss ed do-rimet ind eolaig co n-derna aifrenn cacha sechtmad imaire do neoch im-rulaidh i Mumain. IArsanni tra ro fhothaigestar Pátraic cealla &ersir; congbhala la Mumain, &ersir; ro oirdnesdar "áes gráid"aes cecha graidh, &ersir; ro ícc aes cecha tedhma, &ersir; ro thodhuisigh marbhu. Ceileabhrais doibh iardain, &ersir; facbhus bennachtain forru.

LUIDH iar sin co h-Ele. Lotar fir Muman ina dhiaidh feib don-ucsat cach dibh di alaile i n-degaid Patraic. IS ann sin do airtetar fir Mumhan, feruibh, macuibh, mnaib, inhi Pátraic .i. oc Brosnachaibh, cu ro lasat mor-ghair &ersir; mor-broscar ar fhailti fheghtha for Pátraic. Et is de sin ro h- ainmniged Brosnachu Ele.

IS ann sin ro ceileabuir d' feruibh Muman, &ersir; do-bert bennacht forru: ut dixit: Beannacht De for Mumain, feruibh, macuibh, mnaibh, bennacht forsin talumh do-beir taradh dhaibh. Bennacht for cech n-innmhas gignes for a m-brughaibh, cen nach foiri cobair bennacht De for Mhumain. Bennacht for a m-bennu, for a leacu loma, bennacht for a n-glenna, bennacht for a n-droma. Gainiumh lir foa longnibh roppat lir a tealluig, i fanuibh, i reidhibh, i sleibhibh, i m-bennib. Ben.

Luidh Pátraic for cul co Firu Rois cu ro thriall congbail in Druim Mor. IS ann sin tainic in t-aingel &ersir; at-bert fris: Ni sunn do-raid Dia friut airisiumh. Ceist, cia h-airm? ol Pátraic. IS in Mhacha thuaidh, ol in t-aingel. Do-lluid Pátraic iar sin do Ard Pátraic fria Lughbhadh anair, &ersir; ro triall congbail ann. Ticedh Patraic cech dia o Ard Pátraic, &ersir; ticedh Mochta o Lughbadh aniar cu comraicdis imacallaim cech dia oc Lic Mhochta. Laa n-oen ann tuc in t-aingel eipistil eatarra. Airleghuidh Pátraic h-i, &ersir; iss ed bui innti: Mochta craibhdech credhal bidh airm in ro gabad, Patraicc la breithir in righ h-i Macha non-anadh.

TEIT Pátraic iar sin don Macha la breithir in aingil co du ita Ráith Daire inniu. Bui araili fer soimm airmhitnech ind inbaidh-sin a n-Airteraibh, Daire a ainm. Ro ghuidh Pátraic intí Daire ar co tartadh inadh a reclesa do i n-Druim Sailech, du ita Ard Macha inniu. As-bert na tibhreth in tealaig dho. Do-breth immorro inad do isin glinn, du ita ind Fherta inniu. Fothaigius didiu Pátraic fria re cian ann. Laa n- ann tuctha da ech Daire do ithe feoir in du sin. Ro fergaiged Pátraic de sin curro marb na h-eochu fo cétoir. Fergaigther Daire umma h-eochu do mharbad, &ersir; at-bert in clérech do mharbad. Dos-fanic tamh &ersir; tregat opunn cu Daire, cur' bo focraibh bas dou. Tocradh in cleirig fo-dera sin, ol in ben bui oca, &ersir; ríaruidh fris, or si. Do-cuas iar sin do chuingidh uisqui ernaigthi for Pátraic do Daire. Ni sechmaid, ol Pátraic minbadh in ben didiu ni biad eseirgi do Daire co brath. Bennuighis Pátraic in t-uisqui, &ersir; raidhis a tabairt do Dhairi &ersir; tar na h-eochu. Do-gniter amlaid, &ersir; at-racht Daire cona eochu fo cedair. Rucad didiu coiri umha a n-edbairt do Patraic o Dhaire. Deo gracia, ol Pátraic. Ro fhiarfacht Daire dia muintir cid as-bert an cleirech. Gratiam, or in muinter. Ni maith in luach deghcoiri, ol Daire. Tabhur uadh doridhisi, ol Dáire. Tucsat in coiri uadh doridhisi. Deo gracias, ol Pátraic. Indisit a munter do Daire a n-as-bert Pátraic. IS e cét briathar aici-siumh in graciam, or Daire, .i. gratiam ica tabairt do &ersir; gratiam ica breith uadha. Luidh Dáire cona sheitig iardain do oighréir Pátraic, &ersir; ro edbairset in coiri do &ersir; in tealach con-aiteach fair ria sunn dan ainm Ard Macha inniu, et Ard Soilech a ainm cosin.

IS amlaid immorro ro thoraind Pátraic in raith, &ersir; in t-aingel reme &ersir; esiumh 'na dhiaidh cona muntir &ersir; cona shruithibh, &ersir; in Bhachall Issu i l-laimh Pátraic.

At é annso na sruithe at-cuaidh ferta Patraic .i. Colum Cille &ersir; Ultan &ersir; Adhomhnan mac Tinde, &ersir; Airenan ind ecna, et Ciaran Bealaig Duin, et espoc Airmedach o Clochar, et Colman Uamach, &ersir; Cruimther Collait o Druim Relgech.

Fear fír tra in fer sin o glaine aicnid amal uasal- athair. Fir ailither amal Abraham. Cennais dilgedach o cridhi amal Moysi. Sailmcetlaid molbtach amal Dabid. Estudh h-ecna &ersir; eoluis amal Sholmoin. Lestar toghai fri fogra firinni amal Phol n-apstal. Fer lan do rath &ersir; deolaidhecht in Spirata Naim, amal Eoin. Lubhghort cain co clannaib sualach. Gesca finemna co tairthigi. Tene thaeidhlech co n-gris n-gairthe &ersir; tesaigechta na mac m-bethad um fhatudh &ersir; t-soillsiughadh dhesherce. Leo ar mharnirt &ersir; chumachta. Colum ar chennsa &ersir; diuite. Naithir ar thuaichli &ersir; treabaire. Fer maeth, cennais, umal, ailgen ria macuibh bethad: ainmin, ecennuis fria macaib bais. Mogh saethair &ersir; foghnama do Christ. ri ar ordan &ersir; cumachta fri cuibriuch &ersir; tuaslucud, fria soerad &ersir; dhoerad, fria bethugud &ersir; marbad.

IArna moir-mhirbuilib-si, tra, &ersir; iar todhuscud marbh, ar n-íc dhall &ersir; clamh &ersir; bacach &ersir; aosa cacha tedhma olcena, iar bh- forcetul bh-fer n-Eirenn &ersir; iar m-baithius, iar fothugud cheall &ersir; mainisdrech, iar coscrad idhal &ersir; arracht &ersir; ealadhan n-druidhechta, ro comfhoicsigh laithi a eitsichta inhi noebh Patraic &ersir; a dhula dochum nime. Et iss ed ro triall, dul do Ard Macha ar cumad ann no beth a eiseirghe. Do-riacht Victor aingel chuige, &ersir; is ed ro raidh fris: Eirc fortculai don bhaili as a tudhcaduis .i. don t- Sabhall, ár is ann at-bela &ersir; ní a n-Ard Macha do-rat Dia duit h-eiseirghi. Th' ordan &ersir; th' oirechus, do chrabudh &ersir; t' forcetul amal do-bhethea beo a n-Ard Macha. Do-gealluis do Dichoin comad aigi no beth h-eiseirghi, ol in t-aingel. Do-raidh Patraic: as i n-daeiri co crích dam-sa in tan nach cumngaim mo adhnacul isinn inad is tol dam. Ro raidh in t-aingel: Ná bidh bron fort, a Pátraic, ár biaidh h-ordan &ersir; h-oirechus a n-Ard Macha, gid a n-Dun bias h-eserghe; &ersir; do-rat Dia maithiusa imdha duit. Or do-rat duit nemh do Dhichoin cona clainn. Do-rat duit moirseser gacha sathairrn d' feraibh Eirenn do breith o phein docum nimhe. Do-rat duit gach aen ghebhus do ymonn i l-laithi a eit- seachta conach bé ind Ithfern. Do-rat duit cu m-ba tu bus breithium bratha ar feruibh Eirenn.

Do-roine Patraic comairle in aingil, &ersir; ro thoiris i crich n-Ulad.

IN tan tra tainic uair a eitsechta Pátraic do-rat espoc Tassach corp Crist do, &ersir; ro fhaidh a spirut docum nimhe isin dara bliadain .xxx. ar cét a aoisi. Tancatar immorro aingil nime ar ceand anma Pátraic &ersir; rucsat leo h-e docum nime gu n-anoir &ersir; airmitin moir. Et gidh mor a anoir coleic bidh mo a n-dail bratha in tan ad-reset fir dhomain la forcongrai Michil archaingil. Et raghait fir Eirenn a comhdail Pátraic co Dun Lethglaisi co n-dichset maroen friss co Sliab Sion, baili i n-dingne Crist mes for clainn n-Adhaimh isin laiti-sein: in tan, didiu, suidfes Crist for righshuidhi a mhiadamla ac meas na tri muinnter .i. muinter nimi &ersir; talman &ersir; ithfirn. Et suidhfit in da esbal déc imaille fris for dibh righ- shuidhibh dec oc mes for dibh trebaibh dec clainni Israhel. Suidhfidh didiu Patraic in tan sin for righshuidhi a brethemhnachta &ersir; midhfidh for feruibh Eirenn, ár is e Pátraic is esbal for Eirinn, &ersir; is athuir forcetuil &ersir; irsi doibh, &ersir; is e bus bretheamh forru i l-lo bratha. Et is maille fris ragait iar bh-fuighiull bratha in fhaireann ro com- haillset a timna &ersir; a fhoircetal a n-aeintibh, a n-errnaigthi, a n- almsanuibh, a trocuire, a cennsa, a n-dilghitaidh &ersir; isna timnaibh diadhaibh olcena isin bh-flaith nemhdhai.

Ro fhacuibh in t-aingel comhairle la Patraic amal no h-adhnachta, &ersir; is ed as-bert fris: Tucthar, ar se, da óc-dam dhisciri do cethrib Conaill a Finnabair .i. o Clochar, &ersir; suidigter do corp a cethurraen, &ersir; cibe leth dhighset &ersir; i tairiset a n-aenur bidh insin nod-adnasta. Et do-ronad amlaid iarna eitsecht. Et fri re da oidhchi dhéc.i. airet ro batur sruiti i Eirenn ica aire, ni raibhi adaig i Maig Inis acht soillsi aingelacda ann. At-berat araili is co cenn m-bliadne ro bui in t-soillsi ann. Conid de ita Tricha Cét na Soillsi.

Bui tra triall cuiblingi moiri &ersir; cata itir Ulltu &ersir; h-Ua Neill ica cosnam do Ard Macha &ersir; Ulaid ica fhastud acu fein. IS ed didiu tarfas doibh uili breith in cuirp do cách dibh docum a thiri, cu ro etarscar Dia fonn innus sin tria rath Pátraic.

Arroét didiu comunn &ersir; sacarbaic o espac Tassach, &ersir; ro fhaidh a spirut docum nime isin t-Sabhall.

Ro h-adhnacht immorro Patraic a n-Dun da Lethglas co n-anoir &ersir; co n-airmhitin, co bh-fertaibh &ersir; mirbhuilib cech- laithidhi. Cidh mor, didiu, a anoir colleic, bidh mo a n-dail bratha ind oentuidh apstal &ersir; descipul Íssu, ind oentuidh .ix. n- gradh nimhe, i n-oentuidh dheachta &ersir; daenachta Meic De, a n-aentaid na naem-trinoidi .i. Athair &ersir; Mac &ersir; Spirut Naem.

Ailim trocuire De ulicumhachtaigh co risium ind aentaid sin IN saecula saeculorum, amen.

Betha Coluim Cille annso &ersir; tabrad gach legfas a bheannacht for anmannaib na lanumhan do cuir da scribenn h-í.

EXI de terra tua et de domo patris tua, et uade in terram quam tibi monstrauero Gen. 12:1 .i. Facoibh do thir &ersir; do thalamh &ersir; do coibnesom collaidi &ersir; t' athardha n-dilis eram-sa, &ersir; eirc isin tir faillsigfet-sa duit.

IN Coimdhi fein do-rat an comairle cairdemail sea do chenn na h- irsi foirphthe &ersir; na creitme comlaine .i. do Abraham mac Thara, cu ro fhacbad a thir fesin .i. tir Caldea &ersir; cu tised dia ailithri isin tir no fhaillsighfed Dia dho i. Tir Tarrngaire. Moysi, immorro, mac Amhrai taisech tuaithi De, in fear ro linad o rath &ersir; o deolaidhecht in Spirta Nóimh, is e ro scribh in coibdhe coisecartha tall i n-Genisis in Rechta cu ro maradh do gres oc on eclais in chain chomhairle cairdemail-sea in Coimded fadesin, do Abraham, do erail ailitre fair, co n-epert fris: Exi de terra tua Gen. 12:1 . Facoib do thir &ersir; do talmain erum-sa.

IS ed scel erdraicighter on Coimdid fein da irail for Abraham facbáil tire Caldea rop athardha dhiles do &ersir; toidhecht da ailithre i Tir Tharrngaire ar daigh in mhaithiusa no bhiath do fein de &ersir; dia clainn &ersir; dia cineadh da eisi.

IN fer immorro dia tard Dia in comhairle-sea .i. Abraham, IS esidhe airmither isin scriptur mar athair don a h-uilib iriseachaib, amal deimnighes in t-apstal co n-apair: AS iat meic Abraham iar bh-fir, ar in t-apstal, na h-uili nos-inntsamhlaighet o iris forbhthi.

IN mhaith didiu ro erail Dia sunn for athair na n-irisech .i. for Abraham, dleghar da macuibh na dhiaid .i. dona h-irisechaibh uile a comhall .i. a tir &ersir; a talam, a n-innmhus &ersir; a n-airfited saeghulla d' facbail ar in Coimdid na n-dula, &ersir; dul i n-ailithre fhoirbhthi iarna inn t-samail-som.

Ó thrí moduibh immorro to- chuirter na daine co h-aithnius &ersir; co muinnterus in Coimded. IS e in cétna modh, gresacht &ersir; adhannadh na n-daine on rath diadha co tecait do fhoghnam don Coimdid iar n- deismirecht Phoil &ersir; Antoin manaig &ersir; na n-uili manach n-irisech olcena no fhognad do Dia thall is in Eghipt. To-chuirter na daine on mudh thanusti tria proiceptoiribh noemaibh pritchait in scriptur n-diadhai dona dainib iar n- deismirecht Poil apstail ro pritchai do genntibh co nus-tuc tre lin in t-soscéla docum puirt bethad. To-chuirter dano na daine on treas mudh tre ecentaidh .i. in tan coimeicnigther fria foghnum De tria treabhlaiteibh &ersir; tre guassachtaibh báis, no tre deiliugud frisna maithibh aimserdaibh i m-bit, iar n- deismirecht sin popuil Israel ro comshoi cusin Coimdhe o adhrad idhal &ersir; arracht iarna coimeicnigud ona treablaitibh &ersir; o na documhlaib fuair cach a cinélaib echtrannaib, amal innister isin scriptuir. Conid da forcell sin at-beir in faid Dauid: O fo-ghebut popul Israel treablaide &ersir; guasachta mora not-gessiut &ersir; not-aitcet in Coimdhe cu soerad in Coimde iar sin iat o na documlaib sin .

Abraham, didiu, cenn na h-irsi foirbhthi &ersir; na creidmhe comlaine, o ra greisedh on rath diadha ro comaill an timna ro for-congradh fair on Coimdid .i. do-chuaid i tir Caldea co rainic airm a n-derbailt a athair, &ersir; tainic as-side i Tir Tarnngaire.

Atait immorro tri h-ernaili o bh-facuibh duine a athardha in tan teit ind ailithri, et ita aen dibh-side arna fagur focraicc o Dhia, &ersir; ata a dho ara fagur. Uair tan ann facaibh nech a athardha o curp namá, &ersir; ni etarscarann a menma ria pecthaibh &ersir; duailchib, &ersir; ni sanntaigh sualach na so-ghnimh do denamh. IN ailithri, iarum do- gniter amlaid sin ni fhasann torad na tarba don anmuin, acht saethar &ersir; imluadh cuirp co dimhain, ár is suaill a tharba do neoch deirghi a atharda mina derna maith 'na h-ecmais. Uair cid Abraham fein is iar bh-facbhail dó a thire dilsi &ersir; iar n-etarscarad fris iar curp do-rat in Coimdi in comairli so co n-debairt: Exi de terra tua Gen. 12:1 : Ben do cheill budhesta dot tír &ersir; dot talmain, &ersir; na bidh do menma re h-impódh fris doridhisi. Amal bidh edh at- bereadh Dia fein cu follus re h-Abraham: Imgaibh o churp &ersir; o anmain o sunn immach it ailithri. pectha &ersir; duailche in tire in ro aitreabuis anallana iar curp, uair is inann do neoch &ersir; no aitreabadh ana atharda dia n- indtsamhlaigi bes a athardha ina ailithre, uair nochon ó shet choss nach o coimimluadh cuirp comfhoicsighes nech do Dia, acht is tria denum sualach &ersir; so-ghnimh. Feacht aili immorro facbaidh nech a atharda o duthracht cridhi &ersir; o mhenmain cen cu facaibh o curp, amal do-cuirethar dona h-oirdnidibh tóchaithiumh a m-bethad ina tiribh fein cu bas ar ros-fastat tuatha &ersir; h-ecalsa isna ferannaib i m-bit, ar mhét a tarbha dhoibh, uair nach ar chollaidecht tairismhighit 'na n-athardha, gebidh a caein n-duthracht greim n-ailitre dhoibh ic on Coimdhi.

Feacht aili facoibh neach a athardhai cu comlán o curp &ersir; o anmain, feibh ro fhacsat in da apstal dec &ersir; lucht na h-ailithre foirbhthi dar' tarrngair in Coimmde mor-maith dia n-ebairt isin t-soscél: Dénuid áirithe dhe so, ár ó uathad co sochaidi ro treicseabhuir orum-sa bar tir &ersir; bar coibhnesa collaidi, bur sealbh &ersir; bar n-aibhnis saegulla co bh-fuighbhidh a cét coibheis do mhaith uaim-si i bhus isin t-soegul &ersir; in betha shuthain tall iar b-fuighiull bratha cf. Mt. 19:29 .

IS iat so lucht na h-ailithre com- laine iar bh-fír isa persainn at-beir in faidh: Berim a buidi riut, a Dhe, is ailithre &ersir; is deoraidecht dam in soegul iar n-intsamail na sruithe remthechtach cf. Ps. 39:12 .

Sochaide, tra, do mhoghaibh dilsi in Coimdhed, itir petarlaic &ersir; nu-fhiadnissi, ro comullsat co forbhthi in comairli caen-dutrachtach-sa &ersir; for-fhacuibhset a tir &ersir; a talmain &ersir; a n-athardha &ersir; a coibnes collaidi ar in Coimdid na n-dula, &ersir; do-chuatar ind ailithre i tiribh ciana comuighthi. Feibh ro comuill &ersir; ro fhacoibh a duthchus talmanna ar gradh &ersir; uamun in Choimdhedh an t-ard-noebh &ersir; in t-aird- ecnuidh &ersir; in mac togaidi do Dia dia ta lith &ersir; foraithmet i n-ecmong na ree-sea &ersir; na h-aimsire .i. uasal-shacart innsi Góidel, in choer com- raic ro h-ecradh o thaillnibh &ersir; o danuibh ecsamla in Spirta Nóim .i. inti noem Colum Cille mac Feidhlimid.

IS ann ceileabrait na Cristaidi lith &ersir; sollomun eit- sechta Coluim Chilli, h-i cingtidh Iuin arai laithi mis grene cacha bliadne isin laithi-sea inniu &ersir; rl.

INdisit h-ecnaidi na n-Góidel ind inbaidh-sin cacha bliadne becan cumair d' foillsiugud shochair &ersir; shoerclanndachta Coluim Cille, &ersir; dona fertuibh &ersir; dona mirbhuilibh diairmhidi do-roine in Coimdhi aire i bhus isin t-soegul, &ersir; don fhorbadh &ersir; don fhoircenn shainemail do-rat fadeoidh for a rith m-buadhai .i. rochtain co a fhír athardhai &ersir; co a dhuthchus fein .i. cu h-aitreibh parrduis i frecnarcus De tre bithu sir.

Uasal immorro a ceneol Choluim Cille i l- leth risin soegul uair do cenel Conaill maic Neill ata- comnaic. Toich dó righi n-Eirenn iar n-genelach, &ersir; tarcas dó mina leiged uad ar Dhia. Follus cu m-ba mac togha do Dia h-é, ár ro bhatar suithi Eirenn ica thairchetal ríana gheinemhuin.

Do-rairngert cetus sinnser shacart Eirenn Sen Mochta Lugbaid inti Colum Cille bliadain riana gheineamain. Uair fechtus do-lluid a choic, Mac Rith a ainm, &ersir; coadh cno ina laimh, co n-ebairt Mochta fris: Ni leam-sa, ar sé, an ferann asa tucad na cno so: taisigh iat co ti intí asa ferann. Cuin do-rega se? or in coicc. I cinn cét bliadne, or Mochta. No gnathaiged dano Mochta a aigheadh budhtuaid oc ernaigthi. Ro fhiafraighset a muinter dhe cidh ara n-denad sin. Ro raidh Mochta: Macan gignither atuaidh ic turcabail na m-bithó toirithnighed Ere in breo ocus Alba dhainech dhó.

Do-rairngert immorro athair baitsi &ersir; forcetuil na n-Goeidel .i. noem Phatraic, dia m-bui occ bennachad Conuill a Sidh Aedha in tan ro fhuirim a dhi laim for Conull &ersir; for a mac, for Ferghus .i. a lamh dhes for cenn Ferghusa &ersir; a lam chlé for cenn Conaill. Ro mhachtad Conall sin, &ersir; ro fhiafraig de cidh ar ro shamhuigh a lamha amhlaid sut. Ro gabh Patraic in rann-sa: Geinfidh macan dia fhine bidh sai, bhidh faidh, bidh file, inmhain lespaire glan gle, na h-ebera imarbhe. Bidh sui ocus bhidh craibdech, bidh dalbh la righ na righ-rath, bidh buan ocus bidh bith-mhaith, ron-fia in bith-fhlaith dia dhidhnad.

Ra thirchan dano Bec mac De dia n-debairt: Macan Eithne Toebhfhota sech is bail is bláthugud, Colum Cillecan cen on nir' bo romh in ráthughadh.

Do-rairngert dano esboc Eogan Arda Sreath co n-ebairt: Mac beruir do Fhelimid bidh minn for cech cleir, Felimid mac Fergusa, maic Conuill, maic Neill.

Do-rairngert Baide mac Bronaigh a n-uair a eitsichta inti Colum Cille, co n-eibirt ria muintir: Ro genair isinn aidhchi-sea innocht mac n-uasal n-airmheitnech fiadh Dia &ersir; daine, &ersir; do-ragha sunn i cinn .xxx. bliadne ónnocht. Dá fher dhec a lín, &ersir; is e fhoillsighfes mu lighi-sea &ersir; toirrnebhus mu relec, &ersir; biaidh ar n-aenta in nimh &ersir; i talmain.

Amail ro tirchanad o sruithib Eirenn gein Coluim Cille, is amlaid ro fiugradh i bh-fisibh &ersir; i n-aislingibh feibh ro fiugrad isin taidhbh-sin tarfas dia máthair .i. dar le brat mor do tabairt di cu rocht o Indsi Modh co Caeir n-Abrocc, &ersir; ni bhui dath nat bui ann: co n-acca óglach ind étach thaitnemach cu ruc uaithi in brat isin n-aer, &ersir; ba toirsech Eithne dhe sin. Et atar le tainic in t-oclach cétna a dochum doridisi, co n-ebairt ria: A ben mhaith, ni rice a leas bron na toirrse do denam, acht is cora duit subhai &ersir; forbhfailti: uair in brat-sa iss ed do-forne co m-bera-sa mac, &ersir; bid lan Ere &ersir; Alba dia forcetul.

At-connuic dano a ben imthasi aislingi eathaite in aeir &ersir; na talman atar le do breith in athair Eithne fo crichaib Eirenn &ersir; Alban. Ruc Ethne breith na h-aislingi sin: Berat-sa mac, ol si, &ersir; ro- sia a forcetal fo crich Eirenn &ersir; Alban.

Amal ro tirchanad iarum o sruithib Eirenn &ersir; amail it-ces i bh-fisibh, ro genair Colum Cille amlaid sin. Gortan dano ainm an inaidh in ro genair. h-I septit Decimbir dano arai laithi mis grene, &ersir; dardain arai laithi sechtmhuine.

Amra tra in mac ro genair ann sin, mac do righ nimhe &ersir; talman. .i. Colum Cille mac Feilimid meic Fergusa meic Conuill Gulban meic Neill Naighiallaig. Do Corpraighi Laigen a máthair .i. Ethne Ollmhar ingen Dimai meic Naei. Baisdter iarum in mac la Cruithnechan mac Ceallaig in t-uasal-shacart, &ersir; ros-ail iar- dain arna radh d' ainglib De fris.

O tainic tra aimser leiginn dó, luid in clérech co araili faid bui isin tir da fiarfaigi dhe cuin bud choir tinnscetal don mhac. O ro fhegh in faidh in nemh is ed ro raidh: Scribh innosa dho aibghitir. Ro scribad in aibghiter i m-bairgin &ersir; is amlaid do-romailt Colum Cille in bairgen .i. a leth fri h-uisce anair &ersir; a leth fria h-uisci aniar. As-bert in faidh tria rath faitsine: IS amlaid bias ferann in meic-si, a leth fri muir anair &ersir; a leth fri muir aniar .i. ind Eirinn.

Nir' chian iarum, luid &ersir; a aidi ar notluic gu Brogach mac Dega cusan esboc do Rathaibh Enuigh a Tír Enna. Ro h-erbadh ria aidi-sium risin clérech ord sacairt do dhenamh isin inad-sin ar in sollamun. Ro gabh imnaire eside cor' éimidh in salm do rocht do do gabail Misericordias. Gabhuis immorro fer in raith .i. Colum Cille in salm dia raith acht cena ni ro legh-som acht aibghiter nama cosin. Ro morad ainm De &ersir; Coluim Cille tresan mírbhuil sin.

FEACHT aili luid-sium &ersir; a aidi do thoruma dhuine galair. Ic dul doib tria chaillid tuislidh cos in cleirig don carraic, gu torchair co n-erbailt cu h- obunn. Do-rat-somh a cochull fo cinn in cléirig ár ni fhitir nach ina chodlud ro bui. Et ro ghabh for mebhraghadh a aicepta cu cualatur araile caillecha a urleghiunn co rice a reclés. IS ed do-rimhet ind eolaig, mile co leith do beth etarra, et cluinti co menic fogur a ghotha in airet-sin. Tancatar na caillecha iar sin, &ersir; fuaratar in clérech marbh ara cinn, &ersir; ro raidset ris-seomh dúscad in cleirig doibh. Do-cuaidh-sium acétor docum in clérigh da dhuscud. At-racht dano in clérech a bas la breitir Coluim Cille amail bidh 'na chodlud no beth.

IS AND sin ro n-edbair Colum Cille don Coimdid na n-dula &ersir; conatuigh teora itghi uadh .i. oighi &ersir; h-ecna &ersir; ailithri. Do-ratait do na triur cu comlan.

CEILIBRAIS iar sin dia aidi, &ersir; do-rat in t-aidi deonuchud &ersir; bennachtain do co dicra. Luidh iar sin d' foghlaim ecna cusan uasal-shacart .i. cusan esboc, co Finnen Mhaighi Bile.

FEACTUS ann teasta fín &ersir; bairgen ar Fhinnen oc onn oifriunn. Bennachais Colum Cille in t-uisqui cu ro-soidheth i bh-fin cu tart isin cailech n-oiffrinn. Ra morad ainm De &ersir; Coluim Cille tresin bh-firt-sin.

CEILIUBRAIS iar sin do Fhinnen i Maigh Bile ocus luidh cu Gemmán Maighister. FECTUS oc denamh aicepta ac German co n-accatur ingin 'na n-dochum oc teiched re araili dun-oirgnid, cu torchuir 'na bh-fiadhnuse gur' bhó marbh. Ro fhuirim Colum breitir n-escaine fair co n-erbhailt fo cedoir.

CEILIBRAIDH iar sin do German &ersir; luid co Finnen Clúana h-Eraird. Ro fiafraig-sium d' Finnen cia airm i n- dingned a bhoith. Denaid a n-dorus na cille, ar Finnen. Do-ghní-sium a bhoith, &ersir; nir' bó dorus na cilli in uair sin. At-bert-sum cena ro bud h-e dorus na cathrach iardain. Et iss ed ón ro comhailled.

FEACHTUS do-mheiled broin gach fer dona h-espocaib arnuair. Aingeal do nim immorro no mheiled do-raith Coluim Cille. Ba h-i sin anoir do-bereadh in Coimdi do-sum ara shochenelaigi seoch cach.

TAIDBSI tarfas fechtus do Finden .i. da esca do turcbhail o Cluain Iraird .i. esca órdhuidhi &ersir; esca aircdidi. Luid in t-esca orduidi i tuaiscert na h-indsi .i. cu ro las Ere &ersir; Alba de. Luidh an t-esca aircdidi gu ro ghabh o Shinainn, gur' ro las Ere ar medhon. Colum Cille sin cona rath soceineoil &ersir; ecna et Ciarán co taitnemh a shualach &ersir; a sho-gnim.

CEILEABRAIS iar sin Colum Cille do Finden &ersir; luidh co Glais Naiden, ár ro bui coeca oc foghlaim isinn inadh-sin ac Mo Bhi im Chainnech &ersir; im Comgall, &ersir; im Ciaran. A m-botha fria h-uisqui aniar. Adhaig ann ro beanad in cloc im iarmérghi. Luid Colum Cille don eclais. Lia mor isinn abuinn. Luidh araidhi Colum Cille cona étach trethe. IS calma tecar annsin inocht, a h-uai Neill! ar Mo Bhi. IS tualang Dia, ol Colum Cille, in soetar do dingbáil dinne. Icc tiachtuin doib didiu isin eclais co n-acatar na botha fria h-uisqui anair re comhfhocraibh na h-ecclaisi.

FECHTUS ann do-ronad eclas mhor ac Mo Bí. Batar na cleirig ica imradh cia lan bud maith la cach dibh do beth acu isinn eclais. Robo maith leam-sa, ol Ciaran, a lan do macuib ecalsa do tathaighid na trath. Robo maith leam-sa, ar Cainnech, a lan do leabhruibh ocum do foghnam do macuibh bethad. Robo maith leam-sa, ar Comgall, a lan do shoeth &ersir; do ghalar do beth am curp fadesin dom traethad &ersir; dom timargain. Do-raega dano Colum Cille a lan do ór &ersir; argut do chumhdach minn &ersir; mainisdrech. Ad-rubhairt Mo Bhi na bhudh shamlaid, acht ro bhudh saidbre sámhud Coluim Cille inas cech sámud etir Eirinn &ersir; Albain.

ADUBHUIRT Mo Bhi re dhaltuibh derge ann inaid i r-rabhutar, ár don- icfad teidm anaithnid ann .i. in Buidhe Conaill. Adubairt dano ra Colum Cille na ro ghabadh ferann cu ro deonuige-som.

LUIDH Colum Cille a Cenel Conaill. Do-chuaid tar an abhuinn dianad ainm Biur. Annsin adubairt-sium: Bir fri fochaide; &ersir; ni luid in teidhm secha sin, et is firt bithbeo beous sin, ar cech teidhm acht co tiagur tairis ní lean secha sin tre breithir Coluim Cille.

LUID iar sin do Daire re dun Aeda meic Ainmirech: as eside ba rí for Eirinn in tan sin. Ro idhbair in ri in dun-sin do Colum Cille. Roob-side fo bith timna Mo Bhi. Ac toidecht immorro dó as in dun amach con-ric fria dís do muntir Mo Bhi, &ersir; criss Mo Bhi acu dho-som, &ersir; deonugud ferainn do ghabáil iar n-ec Mo Bhi. IS ann adub- huirt Colum: Cris Mo Bhi nipdar simne imm lo: nír' h-osglad um shaith, nír' h-iadhadh im ghó.

Gabais Colum Cille iar sin dún Aeda &ersir; fothaighis eclais ann co bh-fertuibh imdha do denum innti.

FEACHTUS ann ro fhaidh-sium a manchu isin chaillid do bein caelaig do cumhdach eclasi acu i n-Daire. IS ann ro boingedh, a bh-ferunn araili oglaich ba comhfhocraibh don eclais. Ba tocradh do-sidhe in fidhach do bein ina fherann cin deonugud dó fein. O ra-chuala Colum Cille inní-sin do-raidh re mhuinntir: Beridh lógh a fhidhaich dó do gran eorna, &ersir; cuirid isin talmain. Do-chuaidh immorro tar medhon samhraid in tan sin. Rucad iar sin in gran don oclach. Ro lai-side isin talmain. Ro fhas cur' bó abuidh am lugnasadh.

FEACHT do-sum a n-Daire do-breth leanamh bec cuigi da bhaisded . Ni raibhi uisce i comhfhocus do, co tard-som sigin na croiche tarsin carraic bai na fhiadhnaisi, cu ro mhuidh tobar uisce eisdi &ersir; gur' baisded in leanamh as.

FECHTUS do-sum n-Daire, no imraideth dula do Roimh &ersir; do Iarusalem. Luidh-sium fechtus iar sin a Daire cu Toirinis Martain, co tuc in soiscél bai for Martain cét bliadne i talmain, co nus-facaib i n-Dairi.

MOR, tra, do fertuibh &ersir; do mhirbhuilib do-roine Dia ar Cholum i n-Dairi. Ro char-som cu mor in cathraig sin, co n-ebairt: IS aire caraim Dairi, ara reidhi, ara ghlaini, ár is lomlan aingeal bh-finn on chinn co ric araile.

Fothaigidh iar sin Raith m-Botha. Annsin ro thodhuisc-seomh in soer iarna bhadhadh a linn in muilinn.

FEACHT ann i Raith Bhoth, teasta socc ona mhuinntir, cu ro bennach-som lama in meic bhic boi 'na fharrad, Ferghna a ainm, co n-derna sidhe in soc; &ersir; ba h-eoluch n-gaibnechta h-e o sin amach trena bennachad-som.

LUID iar sin for cuairt co righ Tefa, co tard sein do an t-inad danad ainm Dermach iniu, et do- roine recles ann. A n-Dermhuigh dano tuctha ubla serbha dho-som, cu ro bhennach iat comdar soimhillsi.

IS o Dermhaig ructha uadha-som claidhiub senta do Cholman Mor mac Diarmada. IS e rath ro bui fair na h- apladh nech ina freacnarcus, con-atuich iarum araili duine bui a n-galar in claideb. Tucad do cu m-boi oca. Bliadain tra don claideb oca sech nír' bó beo, nír' bo bó marbh in airet-sin. Co rucadh in claideb uadh iar sin co n-erbailt fo cétoir. IArsinní tra ro bheannach-som Dermach, et for-facuib coimeduidhi da muintir ann Cormac u Liathain.

LUID-SIUMH iar sin co h-Aed Slaine mac n- Diarmada. Taraill cusin maighin risa raitter Cenannus inniu. Dún rig Eirenn eisein in tan sin .i. dun Diarmada meic Cerbhuill. O ra fhuirig didiu Colum Cille in dorus in duine do-ghabh for tairchetul in neich do-biad don baili iardain, co n-ebairt iar sin fria Bec mac n-De .i. faidh Diarmada meic Cerbaill: A Bhicc an, innisi dhamh, &ersir; rl.

Ro raidh Bec: Cleirigh fileat for ar lar, &ersir; rl.

Toirnidh iarum in cathraig, &ersir; bennachais h-i do leir, et adubairt ro bad h-i congbhail budh airdi no bhiadh aca isna talmandaibh gen gub innte no beth a eiseirghi. Oc denam na faitsine sin do-som do-rat a agaid siardhes, &ersir; ro fhaitbeasdar cu mor. Ro fhiafraig Baithin fath na foilti. L. mac bethad, ar Colum Cille, gheinfes i n-aen-oidhchi don Coimdhi isinn imarach so thiar. Grafann Cille Scire ro thircan annsin feib ro comuilled iardain. Dair mhor immorro foa raibhi Colum Cille cein ro bai isin maigin sin ro mhair cusna h-aimsera déidhincha cu tor- chair tria dheilm n-gaeithe moire, co ruc araile duine ní dia rúsc do coirtedh chuaran. O ra ghabh immorro na cuaranu uime ro benadh o claime o bhonn co a bhaithis.

LUID-SIUMH iarum co h-Oedh Slaine co n-derna faitsine do, co n-ebairt fris ro bad slan saeghlach acht munbhat finghalach. Da n-derna finghal ní bhia acht ceathra bliadni i m-bethaid. Ro shenastar dano cochall do, &ersir; do-raidh nat gonfaithi cein no beth in cochall uime. Do-roine immorro Aed Slani finghal tar breitir Coluim Cille for Suibne mac Colmain i cinn cethra m-bliadan. Luid-sium for fecht: dermatus a chochull: marbhtar isin lo-sin.

FOTHUIGIUS Colum Cille cealla imda i m-Breaghaibh, &ersir; facbhus sruithi &ersir; minna imda inntibh. Facbus Ossene mac Ceallaig i Cluain Mor bh-Fer n-Ardai. Luidh iar sin do Mainistir. IS ann sin ro ben a bachall-som risinn arradh n-glainidhi fris ro freasghabh Bóiti docum nime, cu clos a foghar fon cill uili, et ro fhoillsigh lighi m- Boiti &ersir; do-rinne amail do-rarngert Báide fadhesin i l-lo a eitseachta. Ba mor, tra, do cheallaib do- thorainn-sium &ersir; do leabraibh ro scribh .i. ccc. ceall &ersir; .ccc. lebur. IN leabur ro scribhadh a lamh, cidh foda no beth fo uisce ni báitte cid aen-liter ann.

Fothaighis eclais i Recrainn airthir Breagh, &ersir; facbais Colman deochan innti. Fechtus batar isin eclais sin Colum Cille &ersir; Comghall &ersir; Cainnech. As-bert Comgall co n-dernad Colum Cille idhpairt cuirp Crist &ersir; a fola 'na fhiadnusi. Do-roine Colum umuloid doibh ime sin. IS ann at-connaic Caindech colomna teinntidhi os cinn Coluim Cille cein ro bai oc onn edhpairt. Ro indis Cainnech do Comgall sin, &ersir; at-conncatar diblinaibh in colomna. Fothaighis eclais isin inad ita Sord inniu, &ersir; facbus fear sruith dia muintir ann .i. Finan Lobur, &ersir; facbus an soiscél ro scribh a lamh fadesin. Toirneas dano an tiprait danad ainm Sord .i. glan, &ersir; senais crois. Uair ba bes do-som crosa &ersir; polaire &ersir; tiagha leabur &ersir; aidhme eclusdai arcena do denum. Senais immorro ccc. cros &ersir; .ccc. tiprat &ersir; .c. polaire &ersir; .c. bachall &ersir; .c. tiagh.

LAA n-oen bui Colum Cille &ersir; Cainnech for bru mara. Bui anfadh mor forsin fairrce. As-bert Cainnech fri Colum: cid chanus in tonn? As-bert Colum: Do munter-sa bai i n-gabhudh anallana forsin bh-fairge co n-erbhailt aen dibh, &ersir; dos-bera in Coimdi cucainne isin maduin imarach isin purt-sa i tam.

FEACHT do Bhrighid oc imthecht Churrig Life. O 't-connaic in noemh-ogh in magh aluinn scoit-shemrach 'na fiadhnuse, is ed ro raid aice 'na menmain, da mad le comus in muighi co n-idhberad don Coimdid na n-dula. Ra foillsiged do Cholom Cille &ersir; se 'na recles i Surd, co n-ebairt o ghuth mhor: As inann di oc on Coimdid &ersir; comad le fein do dilius an ferann do idbair dhó.

LUID Colum iar sin cu Laighnib co farcaibh cealla imda iarna bh-fothugud leo im Druim Monach &ersir; im Maen &ersir; cealla imda aile.

LUID iar sin cu Cluain Mac Nois cusinn imainn do Chiaran lais, uair do-ríni molta imda do muntir Dhé, amail ro raid an file: Soer tri coecca uaisli ina gach apstal, at lin ferta fér, aill tri Laidin dobasoebail, aill tri Gaeideilg, cain in scel.

IS a Cluain immorro do-luidh mac bec 'na dhocum-somh cur' thall brotairne beg da etach cen airiugud dó. Ra foillsiged o Dhia do Cholum inni-sin, &ersir; do-rarrngair don mac cu m-ba sui &ersir; comad craibhdech. Et iss e Eirnin Cluana Deocra insin.

LUID Colum iar sin i crich Connacht for cuairt procepta gur' fhothaig cealla ile &ersir; congbala isin coiced sin im Es Meic Eirc &ersir; im Druim Cliabh, &ersir; facbhais acu in bachaill do-rine fesin.

LUID Colum dar Es Ruaid, &ersir; fothaigis cealla ilarda la Conall &ersir; la h-Eogan, &ersir; fothaigis eclais a Toraigh, &ersir; facbais fer sruth dia muintir innti .i. Ernine.

O ROLA Colum cuairt Eirenn uili, &ersir; ro shilasdar iris creidmhe, &ersir; ro baisd sloigh imda, &ersir; ro fhothaig cealla &ersir; con- gbala, &ersir; ro fhacaibh sruithi &ersir; minda &ersir; mairtire inntibh, tainic iar sin for a menmain an cinnedh ro cinn o thosach a bethad, techd a n-ailithri. Ro imraith iarum dul tar muir do procept bréthre De do Albanchaib. Luidh iarum for fect .xlu. bliadne do inn Alpain .lxxuii. m-bliadne a aeis comhlan. IS e immorro lin do-chuaidh .i. xx. espoc, .xl. sacart, .xxx. deochan, .l. mac leighind.

LUIDH iarum fo sheol shoinmech cu rocht an t-inad danad ainm h-Í Choluim Cille aníu. Adaig cingcdise is i immorro ro-siacht. Tangadar da espoc batar isin tir do ghabhail a lamha ass. Acht ro fhaillsigh Dia do Colum Cille napdar esbaic iar bh-fir, conad aire sin for-fhacoibhset an indsi o ro indis a tinnrum n-dilius &ersir; a tuirthecht. Adubhairt Colum Cille rea muintir: IS maith dhun ar fremha do dul fon talmain sunn, &ersir; do-raidh: As cead duib nech eicin uaibh do dul fon talmain sunn, no fo h-uir na h-innsi-sea, dia coisecrad. Ad-racht suas Odran erlathad, &ersir; is ed adubairt: Diam-gabthasa, ol se. As errlam leam sin, a Odhrain, ar Colum Cille. Rat-fia a logh. Ni tibirter idge do neoch icom lighi-se minab fort-sa iarfaigter ar tos. Luid iarum Odran docum nime. Fothaigis Colum eclais aice iar sin. Tri .l. ri teoir a máinchine aici-sium in h-I, &ersir; .lx. ri achtail, amail adubairt in file: Amhra ocbhudh bai in h-I, tri cóicait a mainchini, ima curchaibh iar sin ler, oc imram tri fichit fer.

O ro fothaig Colum Cille h-Íí, luidh for cuairt proicipta fo Albain &ersir; Bretnu &ersir; Saxanu, &ersir; dos-fuc docum n-irsi &ersir; creidme iar bh-fertuibh ile &ersir; iar toduscud marb a bás. Bai immorro araili duine isin tir dia ro pritcha Colum Cille co ra creit cona muintir uili don Coimdid. Ba formut la Demon inni-sin, cu ro ben-se mac in duine út o galar thromm, co n-erbhailt de. Ro badar na gennti og ecnach Crist &ersir; Choluim Cille. Luid Colum iar sin a n-ernaighthi dicra co Dia, co ro dhuisich in mac a bas.

DIA m-BAI Colum i n-araili laithi ic procept dona sloghuibh, luid arali duine tar an abhuinn bui i comfhocus doibh, ria m-beith oc eisdecht re m-breitir n-De. Nos-benann in naithir h-e isinn usqui &ersir; nos-marbhunn fo cétoir. Do-beruir in mac i bh-fiadnusi Choluim. Dos-beir-sein crois dia bhachaill dara bruinne co n-erracht fo chedair.

GALAR trom tainic dia thimtirid-seom .i. Diarmait a ainm, co n-erbailt, co n-derna-som ernaighthi leis cu ro thodhuisc a bas. Et ni nama acht ro chuinigh soegul .uii. m-bliadne do dara eis bud- hesin.

FEACHT ann tainic Cainnech uadha-somh a h- I. Dermatais a bhachaill tair. In tan tainic ille fuair a bachaill ara chinn abhus, &ersir; léne Coluim Cille maille ria .i. cuid Cainnigh sin dia rachall-som i, et is airi do-righne-sium sin ár ro-fhitir cur' bho comfhocraibh dia eitsecht.

LOISE mor tainic do-sum fecht an h-I. Ro fiarfocht de-sium fath na loisi. Tene Dhe do nim, ar eisium, tainic for teora catracha isin Etail, cu ro marbh teora mili d' feruibh cenmotat mna &ersir; macu &ersir; inghena.

GAIRM ro-chuala sum fechtus a purt h-I. Ann sin at-bert-sum: Bachlach 'san purt cona bachaill 'na chrob, do-aidhlebha mh' adhaircín, do dhoirtfe mo dhubh. Tairnfidh-som sis d' innsaiged mu pháx, is benuidh fria mh' adhaircin, nos-faicebha fass.

FEACHT n-aill do Colum for-facbhudh h-e ag bruith mairt do mheithil. Bui athlaech d' feruibh Eirenn .i. Mael Umha mac Baedain. Ro fiafraig Colum Cille cia meit a loingthi in tan ba oclaech? In tan baam oglach, ol Mael Umha, no chaithinn mart meth am shaith. Ro for-congair Colum Cille fair cu ro thoimled a shaith . Do-roine Mael Umha airesium sin. Ro chaith in mart uile. Tainic Báithin iardain &ersir; ro fiafraig in ba h-errlamh in esair. Ro fhor-congair Colum for Mael Umha cnamha in mairt uile do timarcan ind oen-bhaile. Do-ronad amlaid. Bennachais Colum na cnamha, &ersir; ro bai a n-uili fheoil impuibh co rucad don mheithil.

FEACHT do Cholum Cille i mís Mái luidh d' fios scel na n-airemhon i tuaisciurt na h-indsi. Ro bhui ica comdhidnad &ersir; ica forcetul. Maith, ol se, fon caisc do-chuaidh i mís Aipril, is ann sin do-bail dam-sa thecht docum nime. Acht nir' ail dam bron na toirrse duibh-si iar bhur soethar, conadh aire sin ro anass acuibh o caisc gu quingcigis. O ro chualatar na manuigh na briathra-sin, roptar toirrsigh co mor.

RO-SSOI tra iar sin a agaid siar, &ersir; at-bert, Ro bhennacha in Coimdhe an innsi cona h-aitreabhthaib, &ersir; ro innarbu loiscinn &ersir; natracha aisdi. O ra bennach immorro an innsi, tainic da recles. Nir' bó cian iarum tancatar cricha na saboidi &ersir; tosach in domnaig, et o ro thocuibh a rosc a n-airdi táinic loisi mor dia ghnúis &ersir; agaid, &ersir; at- conncatar na braithre sin. Aingel De immorro tarasair ann sin os a cinn.

LUID-SIUMH iar sin do bennachad in t-sabhaill et at-bert fria Diarmuid co n-escomluifedh adhaig domnuigh docum nime. Ro shuidh iar sin an senoir airmitnech .i. Colum Cille for or na conaire; air tainic scis do, ger' bhó gairit a uidhe, áir .lxxuii. m-bliadne a aes in inbhaid sin.

LUID a dhochum in gerran do-bui occ na manchuibh annsa n-inis, &ersir; cíidh a n-ucht in cleirig cor' bo fliuch a etach. Ro triall in fos .i. Diarmuid innarba in gerrain uadh. Leicc dhó, a Diarmait, ol Colum Cille, gu n-derna a dhaethain der &ersir; toirrse acom cháinedh-sa.

IS LIA tra tuirium &ersir; aisneis a n-do-roine Dia do fhertuibh &ersir; do mirbuilibh isna talmannaibh ar Colum Cille, uair ni fil nech co n-icfedh a thuirium co leir acht mina thisadh a ainim fein, no aingel do nimh dia n-aisneis. Conadh lor, didiu, duin so do thabairt ar dheismerecht.

Ní ro geinir tra do Goidelaib gein bud uaislea, na bud eaccnaide, na bud soiceineilce inás. Ni tainicc dib araile bud bec- cda, na bu umla, na bu inisle. Mor eim an inisle do Colom Cille conad é fein do-benad a n-iallacranna da manchuib, &ersir; conad e do- indmad doib. Do-beiread a cuid arba go menic ara muin don muilend &ersir; no meiled, &ersir; do-beired lais dia toig é. Ni geibed lin na olonn ria cnes. No comruicced a taeb ria h-úir nocht. Coirthe cloiche no bid fo a cind do fhrithadart, &ersir; ni denad cid do codlad eitir acht airet no bidh Diarmait a dalta ag rádh tri caibdel don Biaid. Atraiged fo cedoir iar sin, &ersir; do-gnith gol &ersir; basgaire amail máthair buid ag cained a h-aein-mic. No geibed na tri coécta a n-gainem na traga ria-siu no turccbad grian. ISin lo immorro no athaiged na tratha. No idhbrudh corp Crist &ersir; a fhuil. No pritchadh soiscelu. No bhaisted, no choisecrad. No iccad clamhu &ersir; dullu &ersir; bachacha &ersir; oes cacha tedma arcena, &ersir; no dhuisced marbhu.

O THAINICC gusna déidhenchuibh do Colum Cille, et o ro benadh clocc iarmerghi adhaigh domnaigh cingcdhighisi, luid-siumh ria cach docum na h-ecailsi, &ersir; do-roine slechtain &ersir; ernaighthi dhicra iconn altóir. Ro lín in tan sin soillsi ainglecdha in eaclais uime da gach leith, &ersir; ro fhaidh ann sin in sruith airmhitnech a spirut dochum nime i subhai &ersir; i bh-failte mhuinteri nimhe. Ata immorro a chorp i talmain abhus cu n-anoir &ersir; cu n-airmhitin o Dia &ersir; o dhainibh, co bh-fertuibh &ersir; co mirbhuilibh cech laithi. Et gidh mor a anoir coleic bidh mo a n-dail bratha in tan taitnebhus amail ghrein nemh-thruailnidi a chorp &ersir; a anum.

IS ann, immorro, bias in mor-ghloir sin &ersir; in mor- innocbhail do-somh, a n-aontuidh naoi n-gradh nimhe na tairmdhechatar, i n-aontuidh apstal &ersir; deiscibul Íssu Crisd, i n-aontuidh deeachta &ersir; daenachta Mheic Dé isin n-aentuidh is uaisli cech aentaidh, i n-aentaid na naemh-trinoidi uaisli airmhitnighi .i. Athair &ersir; Mac &ersir; Spirut Noemh.

Ailim trocuire Dhe uilechumachtuigh tre impidhe noemh Choluim, co rosium uile in aentaid sin. Roissem, ro aitreabhum, in saecula saeculorum! Amen.

 Betha Bhrighdi. Tabrad gach nech legfus in betha-sa Brigdi bennacht for anmannaibh na lanoma dar' scribad in lebar-so

HII SUNT QUI SECUNTUR AGNUM QUOCUMQUE IERIT Rev. 14:4 . IT iat so lucht leanuit in t-Uan neimelnidi cipe conair dech. Eoin mac Zebedei, bruinne- dhalta Íssu, comarba na h- Oighi, is é ro scribh na briathra-sa &ersir; ro fhacuibh a cuimne lasin n-Eclais don fhochraic &ersir; don logh ro thidnaic Dia don tres grad na h- Ecalsa .i. do lucht na h-oighe .i. tochoisceim inn uain neimhelnidhe.

IS e immorro leth ataoibhi in n-aisneis-sea la h- Eoin cu dú a n-debairt: Nemo potest dicere cauticum nisi illa .c.xl. iiii milia qui redempti sunt de terra Rev. 14:3 . Ni thic do neoch molad na claiscetul do denum don Coimdhid acht nech écin do comhlanus na h- Ecalsa ro congbhad a n-genus &ersir; a n-oighe &ersir; do-cenngad do logh fola Crist.

Áir is iat sin na h-ogha co deimhin. Conad for slicht na m-briathar-sin ro raidh Eoin: Híí sunt qui secuntur agnum Rev. 14:4 .i. is iat lucht leanait in t-Uan cipe conair theit.

IS e leanmhain in Uain, Crist do in t-samail &ersir; do thocoisceim tria comallad rechta &ersir; t-soscéla gan sainnt na talmandai, gan grad na n-erchraidhe, imghabhail na h-anoire, dinsium in domhain, tarmnugud dona h- uilibh, neimhdhenum indlighidh na aincridhi do neoch, fulang cu foidhideeh na n-ammus dianechtair, dilghudh do tabairt do lucht na h- ingreama. Gach maith done nech gurub ar metughud De do-ghne &ersir; narup ara anorugud budein. INtshamlaid, didiu, ar an t-ecnaid, amail bis an t-uan neimheilnidhe ind oigi colla, as inann on &ersir; corp neimh- thruailnidi Meic in Athar Nemda. IN t-samlaid, dano, in t-uan rundai .i. Crist, a n-oighi &ersir; a naeimhe menman amail ro raidestar fein: Bidh cu noem &ersir; cu genmnaidh Levit. 11:44 , ar in Coimdi, ár am noebh-sa fein &ersir; am ennac Levit. 11:44 . Ár ni ferdi genus an cuirp madh anfhoirbhthe &ersir; mad eilnidi ind ainim.

Sochaidhe tra do noemhuibh &ersir; do fhirenuibh ro comuillset in timna-sa na h-oighi a nu-fhiadhnuisi feibh ro comuill in noemh-ógh dia tá lith &ersir; foraithmet i n-ecmhong na ree-seo &ersir; na h-aimsire .i. Sancta Brigida uirgo Dei .i. noemh Brighit ogh in Coimdheadh na n-dula.

IS and iarum ceileabhrait na cristaidhi feil &ersir; lithlaithi na h- íí noemh Brighdi, i kalainn Febrai arai laithe mis grene iss iniú arai laithi sechtmhuini isin bliadain i tam.

INnister sunn iarum ní do fhertaibh &ersir; do mhirbhuilibh na h-ii noeb Brighdi, &ersir; dia geinealach collaidi .i. Brigit ingen Dubthaig, meic Dhemre, meic Bresail, do slicht Echach Finn Fuath n-Airt.

IN Dubhthach-sin immorro o ro genair naemh Brigit ro cennaig-sein chumail, Broicsech a h-ainm, inghen sein Dallbronaig do Dail Concubair in deiscert Breag. Ros-aentaigh Dubhtach dó i l-lánamhnus in cumail-sin cur' bo alachta uadh. Ro gab ét seitich Dubhthaig imon cumhuil co n-ebuirt fria Dubthach: Mine renusa in cumhail út i tiribh ciana toicebhut-sa mu thinnscrai dhit, &ersir; ragat uait. Arai sin nir' bo ail do Dubthach reic na cumhaili.

FEACHT ann do-luid Dubthach &ersir; in cumal immaille fris i carput seoch thegduis araili druadh. O ro-chuala in drai foghar in carpait is ed ro raidh: A ghilla, ar se, fegh cia fil isin carput, ar is fogur carpait fo rig inso. Ro raidh in gilla: Dubthach, ar se, fil ann. Luidh in drai ara cinn &ersir; ro fhiafraig cuich in ben bui isin carput. Leam-sa, ar Dubthach. Maithgen, dano, ainm in druadh, is uad Ros Maithgin. Imcomaircidh in drai in rob alachta o neoch? Is alachta uaim-si, ol Dubthach. As-bert in drai: Bidh amhra in gein fil ina broinn, ni bhia a cosmuil isna talmandaib. Ni leig dhamh-sa mu shetig, ar Dubthach, gan a reic na cumaili-si. Adubairt an drai tria rath faitsine: Foighena sil do mhna-sa do sil na cumuili, áir beraid in cumal ingin reil taitnemaich thaitnighfes amail grein itir renna nimhe. Ba buidech Dubthach don aithiusc-sein, ár ni rugad ingen dó cosin.

Tiagait iar sin chum a tighi, &ersir; do-gniset altugud buidi diblínaibh.

Ba suaichnidh tra gradh na h-ingine ag Dia, ár do-dhechatar da espoc do Bretnaib otha Elpu dia taircetul &ersir; dia bennachadh, Mel &ersir; Melchu a n-anmanna. Do-rat Dubthach failti dhoibh, &ersir; do- roine in chumal umhuloit &ersir; timterecht doib. Ba bronuch &ersir; ba toirrsech seitig Dubthaig. IMcomaircid espoc Mel di fath a toirrsi. Do-raidh in ben: ár do-roisc Dubthach a chumail dím. Ro raidh espoc Mel: Dethber ge no dherrscaighed, ár foigenaidh do sil-sa do sil na cumhaile, acht tarnnaighfidh a sil-si dot shil-sa. Ba fergach si de sin. IS and sin do-rala file de h-Uaib Meic Cuais o thochur maine do thig Dhubthaig. O ro-fhitir in fili fochunn feirgi na mna adubairt: In recai in cumail? Reacfat, ol Dubthach, ár is eicen damh. Ro raidhset na h-espuic: Ren in cumail &ersir; na ren in coimpert. Do- roine samhlaid. Teit as an file cona chumail. I n-adaig iarum rainic in fili a thech, is ann do-rala fer noemh isin tigh og atach in Coimdhed &ersir; oc errnaigti. Ro foillsiged do-somh lasair &ersir; coloma tenntidhi don inad a m-bai in cumal. Do-dhechaid araile drai a Crich Conaill do thigh an fhiled remhraitte. Ro luaigh modhud na cumaile. Ro rec in file ris in chumail &ersir; ni ro reac in coimpert bai ina broinn. Teit in drai cona chumail leis dia thig.

IS ann do-rala don drai fleadh mhor do dhenum a Conaille, cu ro gart an ri cuice docum na fleidi. IS ann rop aimser tuismeda do mnai in righ. Boi faidh i comaidecht in righ, cu ro fhiafraig cara don righ dhe, cuin bud maith sen don righain tusmhedh? At-rubhuirt in drái: Gein no tuisimhthea imaruch la turcbail grene na bud imuich na itigh no berta no fhoruaislighfead cech n-gein ind Eirinn. Reimhdheachaid tra tusmhed na rigna in uair sin, co ruc mac marbh. IN tan immorro do-choidh in cumal aramharuch la turcbail ghrene, &ersir; leastar lan do leamhlacht 'na laimh, in tan tuc in dara coisceim tara tairrsiuch an tighi &ersir; a cos aili imuich, is ann ruc inn ingin .i. noem Brigit. Ro nigset na bantairsi inhíí noeb Brigit don lemlacht bui i l-laimh a mathar. Ba cubaid immorro sin re h-airilliudh m-Brigte .i. re deallrad &ersir; re taitnium a h-oighi. Rucadh an ingen acétair iarna breith cu mac marbh na rigna, &ersir; o ra-siact anal na h-ingine in mac ad-racht a bas.

LUIDH iar sin in drai cona chumail &ersir; cona ingin i crich Connacht, ár do Connachtuibh a mháthair, a athair immorro don Mumain.

I n-araili laithi do-luid in cumal do bleagun a bo, &ersir; for-facuib an ingin 'na h-oenar 'na cotlud ina tigh. At-conncatar araili com- fhoicsig in tegduis i raibhe an ingen for lasad, co n-derna aen-breo dhi o thalmain co nem. IN tan tancatar do cabair an tighi ni ro artraig in tene, acht ro raidset ba lan do rath in Spirta Noeimh an inghean.

Laithi n-ann deisidh in drái cona chumail i n-araile inadh, co n- acatar in cannadas bui for cenn na h-ingine for lasadh. O ro shínetar a lama cuige, ní ro artraigh an tene.

FEACHT ann ro cotail in drai co n-aca triar cleirech ind etuighibh taitnemachaib, cu ro imretar ola for cenn na h-ingine, cu ro fhoirbhthighset ord in baitsi on beus gnathach. Tri h-aingil insin. Adubairt an tres aingel risin drai ba h-e ainm na h-ingine Sancta Brigida .i. noem Brigit. Ad-racht an drai &ersir; ro innis inní at-connaic.

I n-araili lo ro-clos guth na naidhen oc diucaire, &ersir; iss ed ro raidh: Meum erit hoc .i. bidh leam so. O ro-chuala an drai sin iss ed ro raidh: Comaillfider inní at-beir an ingen .i. bidh leam an ferann iar- dain, et iss ed on ro comhailled. O ra-chualutar aitreabhthaigh an feruinn sin ro fhuacratar in drai as in tir, gu n-dechaid-siumh dochum a athardha fein.

Ro alt tra in noeim-ingen-so .i. Brigit, o chomairbhirt bid ecsamail fria a comaosu, áir bithe ina cech náidhi. Ni thoimhleth biadh n-eisidan. No frithbhruidheadh biadh in druadh &ersir; no sceidhed. Ro imraith in drai cidh ro m-bui an ingen. Doigh lais ba h-inglaine &ersir; corpad a bhidh. Ro erbh iar sin bhoin n-o dheirg do bleagun foleith do Brigit, &ersir; ro leic bhannscail n-irisigh dia bleagun. Toimleth an ingen noebh sin, &ersir; ní sceidhed.

Ro alt iarum an ingen noeb-sa gur' bó timthiridh, et cech ní risi comhruicedh a l-lamh no fhoirbreadh. No lesaigheadh na caercha: no shasadh na h-elta: no bhiathad na bochta. O tháinic calmatus &ersir; nert &ersir; meit do Brigit accobhrastar techt do torruma a h-athardha. Ro fhaidh in drai techta co Dubthach ar co tissed ar cenn a inghine. Tiaghait na techta co Dubthach, &ersir; innisit fearta &ersir; mirbuili na ingine. Teit Dubthach &ersir; ba failid leis. Do-roine in drai failti fris, &ersir; do-ratt a ingin soer dhó. Tiagait iar sin Dubthach &ersir; Brigit dia tir i crich Ua bh-Failghi, &ersir; a muime malle fria Brigit, cu ro ghab galar a muime ar toidhecht, cor' faidhed Brigit &ersir; ingen aile do chuinghidh dighi do coirmm dhí co araile fer oca n-dernadh fled mhor. Baethchu a ainm-sidhe. Do-rat era for Brigit. Taraill Brigit iar sin co araili topur gur' lin leastar as, &ersir; ro beannach cu ro soudh i m-blas corma, &ersir; do-bert dia muime, &ersir; ba oghshlan fo cedair. IN fhleadh immorro icár' h-eimdhed isi, tiagur dia h-ól &ersir; ni frith banna dhi.

FEACHT da n-dechaid Dubthach ar turus cu farcuibh a ingin ica mhucaib, co tancatar da meirlech cuice, co rucsat da thorcc don tred. O dho-chuatar treall iar sin cond-ric Dubthach friu. Benais na muca dhibh. Do-thaet iarum co Brigit, In marut na muca, a ingen? ar Dubthach. Airim lat, ar Brigit. Ro airimh Dubthach na muca, &ersir; ni teasta nach muc dibh.

Nir' bho cian iar sin tainic áighe uasal do tigh Dubthaig, co n-dernad fóidhi dó, co tartad coic thocta saille do Brigit da m-berbad. Do-choidh Dubthach amach. Do-thoet cu goirt ellscothach isin tech co Brigit. Do-rat Brigit dó in coiced tocht saille ar trocaire. Nir' bo saithech in cu dhe. Do-rat Brigit tocht aili dhi. Doigh le-si ba codlud don aighidh &ersir; nír' eadh on. Tainic Dubthach &ersir; ro raidh re Brigit: In ro bhearbhais in t-saill &ersir; in marat na h-uronna? Airimh-si iat, or si. Ro áirimh Dubthach. Ní testa ni dhibh. At-cuaid in t-áighi do Dhubthach a n-do-roine Brigit. Ni ro chaithset na h-aighidh in biadh-sin, ár ro batar eisinnraic, acht ro fodhladh do bhochtaib &ersir; aidhilcnechaib.

FEACHT ann do-rothluigh araili bannscal irisech co tised Brigit le i Magh Life, ár ro bui coimhthinol senaid Laigen ann. Ro foillsighedh d' espoc Ibhair bai isin dail Muire Ingen do thecht isin dail. Teit in bannscal arnamharech, &ersir; Brigit maille fria, docum na dala. IS ann ro raidh espoc Ibhair: As i so in Mhuire ad- connac-sa. Ro bennachsat in uile shlógh inhi noemh Brigit, conad h-i Brigit Muire na n- Gaeidel o sin ille.

IAr sin do-chúaid Brigit do torruma a máthar bui i n-doeire. IS amlaid ro bhui in máthair a n- indlobrai ara cind-si, &ersir; bui for airghi, &ersir; da bai dhec aice, &ersir; si oc tinol ime. Ro fhoghuin immorro an ingen co h-umail tar eis a máthar, &ersir; ro gabh for leasugud na h-airghi. In maisdred do-ghnith no rannadh a n-dibh cuibhrennaibh dec i n-anoir in da esbal dec in Coimdhed, &ersir; ro shuidhiged in treas cuibrinn dec cu m-ba mo inás cech cuibhrenn i n-anoir Crist, &ersir; do bereadh do bochtuibh &ersir; do aigheadhuib. Ar at-bereadh-si bidh Crist i persoin cech aighedh irisigh. Ba h-ingnad lesin m-búachail sin co n-dechaid la do acallaim in druadh. Ro fhiafraig in drai &ersir; a ben: In maith leasaighius an ingen? Tainic ann na bu. IS maith, ar an buachail. Am buidhech-sa cipinnus &ersir; at reamra na laeigh, ar ni ro-lamhair cassait Brigte 'na h-ecmais. Do-chuaidh in drai &ersir; a sheitig don airghi, &ersir; rusc mor leo a rabhutar ocht n-duirnn dec dia linad do im. Do-rine Brigit foilti friu, &ersir; ro innail a cosa, &ersir; do-rat biadh dhoibh. IS ann adubairt séitigh in druadh re Brigit: IS do thancamur dia fhis in ro gab greim inni ro h-erbad friut. Cid fil ocut do im? Ni raibhi immorro aici-si ind erluime acht torad cu leith maistertha. Do-chuaidh iar sin Brigit isin cuili, &ersir; iss ed ro raidh: A MO ruire-sea conic inna h-uili-sea bennuch, a Dhe, nuall gan gheis, cot laim dheis mo cuili-se! Mo chuili-sea! cuile Fiadhat finn, cuili ro bennach mo Rí, cuile ica m-bí imm. Tic Mac Muire mo chara du bennachad mo chuile, flaith in domain co h-imeal ron-be immet la suidhe. Et tuc leath torad maistirtha aniar. Ro fhaitbheastar ben in druadh, &ersir; iss ed ro raidh: IS maith do linadh ruisc mhoir in cobhes ime- sea. Linaidh bhur rúsc, ar Brigit, &ersir; do-bera Dia ní inn. No theigheadh si beous ina cuili &ersir; do-beread leath torad gacha fechtais le aisdi, &ersir; do-gheibedh rann dona rannuibh út ag dul siar. Dia tucdais dano a raibhi do rus- cuibh oc feruibh Muman di no linfad iat uile. Ro adhamhraig an drai &ersir; a ben an fhirt ad-conncatar. IS ann at-bert in drai re Brigit: In t-imm-sea &ersir; na bu ro blighis eadpruim-si duit, et ni bhia og foghnam dam- sa, acht foghuin don Choimdhidh. Ro raidh Brigit: Ber-si na bu, &ersir; tuc dam-sa soeri mu mháthar. Do-raidh in drai: Ac sud do máthair soer dhuit &ersir; na ba, &ersir; cibedh at-bera do-génsa.

Ro fhodhuil Brighit iar sin na bu do bhochtaibh &ersir; aid- hilcnechaib, &ersir; do-baistedh in drai, &ersir; ba h-irisech &ersir; ba i comhuitecht Brighdi co a bhas.

Tainic Brigit iar sin &ersir; a máthair le co tegh a h-athar. Cacha bh-faghbhaitis immorro a lamha-si do chrudh &ersir; bhiadh &ersir; airilliudh a h-athar do- bereadh do bhochtaibh &ersir; aidilcnechaib in Coimdhed, cur' bhó dimdhuch a h-athair dhi aire sin, cu ro acobhrastar a reic na h-i noemh Brighdi. Luidh i carbat &ersir; a ingen malle fris, &ersir; adubairt: Ní ar anoir ná ar chataidh duit dot-berur isin carput, acht is dod breith dot reic &ersir; do bleth bron do Dhunlaing mac Enna, do righ Laigen. O rancatar co dun in righ, luid Dubhtach isin n-dun cusin righ &ersir; fácbhais a claidhiub i bh-fail Brigte isin carput. Do-thoet clamh co Brighit, &ersir; aitchidh ainm n-De re Brigit um ní do tabairt do. Tairberidh Brigit claidiub a h-athar dhó. Raidhidh Dubthach risin righ iar toid- hecht anunn: In cennechtha mh' ingen dím? Cidh ara reccai h-ingin fein? ar Dunlaing. Ni anse, ar Dubthach, ar bheith ac reic mh' indmhais &ersir; ica thabairt do droch-dhainibh truagha. Tucthar cucainn con n- fhacamar, ar Dunlang. Teit Dubthach ara ceann. O rainic do bhai oc fegad in charbait ocus ni fhacai a claidiub. Ro fhiafraig do Brigit cid do-roine don claidib. Do-ratus, ar Brigit, do bhocht tainic dom ghuidhi. Ro fhergaigh Dubthach gu mor friasi ar an claideb do tabairt i l-leth n-aili. O thainic Brigit i fiadhnusi in rig raidhis in ri: Cidh ara n-gatai crodh &ersir; airilliud h-athar, &ersir; anas mesa ann, cidh ara tucuis in claideb i l- leth n-aile? IS ann ro raidh Brigit: Ro-fhitir Mac na h- Ingine, diamadh leam-sa do commus-sa cot uile innmhus &ersir; cot Laighnibh uile do-bherainn don Coimdid na n-dulai. Do-raidh an ri re Dubthach: Ni comadhais dún cunnradh na h-inghine-sea, ár is uaisli a h-airilliudh fiadh Dia innámne. Conud amluidh sin ro soerudh Brigit dia dáire.

Nir' bo cían iar sin cu táinic araile fer sochenelach go Dubthach do chuingidh a ingine. Ba tol do Dubthach &ersir; dia macuibh in ní sin. Ro opastar Brigit immorro. Do-raidh brathuir dia braithribh ria- si: IS esbach in t-suil glan fil at cind-sa gana beith for adhart i bh-fail fhir eicin. Ro-fhitir Mac na h-Inghine, ar Brigit, ni beodha dhun massi do-beir pudhur foruinn! Do-rat iarum a mer f'on suil co nas-tall as a cinn, cu m-bui for a gruaidh. O 't-connaic Dubthach &ersir; a braithre sin ro gheallsat nach ebertha ria-si dul co fer, acht an fer budh mhaith le fein. Tuc Brigit annsin a dernainn fria a rosc &ersir; slanaighter fo chétair.

LUID Brigit &ersir; araili ogha maille fria do ghabail chaille o espoc Mel i Telcha Mhidhe. Ba faeilid sein friu. Anais Brigit for umhaloit co m-bad h-i déidhinach for a tartta caille. At-racht columa teintidhi dia cinn cu clethe na h-ecalsa. IS ann ro raidh espoc Mel: Tair, a noem Brigit, co ro sentar caille for do chenn riasna h-oghuibh aili. IS edh do-rala ann tria grasa in Spirto Nóimh gradh n-esbuic do eirleghiunn for Brigit. As-bert Mac Caille nar' bho ord gradh n-espuic for bannscail. Adubhairt espoc Mel: Ni leam a commus. O Dhia do-ratad in anoir-sin do Brigit seoch cach m-bannscail, conidh anoir espuic do-berat fir Eirenn do comarba Brigte o sin ille.

I n-ochtmadh uathaid ro genair Brigit, i cedain sainriudh: i n-ochtmad dec ro gabh caille: i n-ochtmad .lxxx. do-choidh docum nime: i n-ochtmad ro coisecradh Brigit fo lin ocht m-biaidi in t-soiscela ro comallastar, &ersir; biaid in trocaire do-roega Brigit dib-saidhe.

FEACHT o ro chomfhoicsigh sollaman na casc duthracair tria dhesheirc coirm do denamh dona h-ecalsaibh imdhaibh ro batar impe, et ro bhui terca arbha in inbhuidh-sin h-i Midhe, &ersir; ni ro thecht Brigit acht oen-criathar bracha. Ni rabhutar dano leastair ac muinntir Brigte, acht da lothar. Do-ratsat a m-braich isin dara lothar. Ro linsat araile don chuirm. Ro fodhlad iar sin o Brigit in chuirm do .uii. n-ecalsaibh dec bh-Fer Tulach, cu ro fherastar toradh in oen-mheich bracha iat tre shobharthan Brigte o chaplait co minchaisc.

FECHT ann do-luidh araile clamh co Brigit do chuinghidh bhó. Do-raidh Brigit ris: Cia dhibh is ferr lat, bó do breith leat, no h-íc don claimhe? Do-raidh in clamh ba ferr leis a ícc on claimi ina do- bertha righi in domuin dó. Do-roine Brigit ernaighthi co Dia, cu ros-íc in clamh, &ersir; ro fhoghuin do Brigit iar sin.

ARAILE caillech do muinntir Brigte do-rala a n-galar trom cu ro mhianaigh leamhlacht. Ni tharla bo isin recleis ind inbhaidh-sin, cu ro linadh leastar lan d' uisce do Brigit, cu ros-bennach, cu ro soudh i l-leamhnacht. do-rat don caillig &ersir; ba h-oghshlan h-i fo cedair.

O dho-cuaid immorro clu &ersir; oirrdhercus Brigte fo Eirinn, tancadar da dhall do Bretnaibh &ersir; clam ica remthus dia n-íc co Brigit. Do-raidh Brigit: Bídh imuigh colleic cu ro a in ceileabhrad, ár deinmnedhaigh iat-sein. Ro ícais daine dot cheniul fein ané, &ersir; ní ro fuirighis cen co n-icai sinne inniu. Do-righne Brigit ernaigthi, &ersir; ro h-íctha a triur fo cétair.

O ro forbhudh sollaman na casc do-fhiafraig Brigit dona h-inginaib in roibhi fuidheall acu o linn na cascc. Do-raidhset na h-ingena: Do-bera Dia, ol siat. IS annsin tainic dias ingen istech, &ersir; dronglach lan d' uisci leo. Ro-fhitir Mac na h-Ingine ata maith ann, ol Brigit. Doigh le-si comad coirm. Amal adubairt si sin ro soud a coirm toghuidi fo cedair. Do-ratad iar sin d' espoc Mel &ersir; dona h-oghuibh arcena.

ISANn aimsir cétna tainic galar sula do Brigit, &ersir; ba tiachair le a cenn cu mor. O ro-chuala espoc Mel sin, iss ed ro raidh: Tiagham aroen do cuingidh legha cu rot-léicter fort cenn. Do-raidh Brigit: Min badh anumhaloit duit-si, ni bhudh ail dam-sa liaigh corpdai etir, acht araidhe do-ghenam anní at-bera-sa. O ro batar oc imthecht do-rochair Brigit as a carput co tarla a cenn fria cloich cu ro crechtnaiged cu mor &ersir; cu ro theiper in fhuil. Ro h-icta dano don fuil-sin di bannscail amhlabrai ro batar for in conair. Do-rala dhoibh iar sin for a set in liaigh ica rabhatar iarraidh. O ro fhegh-sidhe in crecht at-bert: Ni ro chuingea-sa liaigh aili o so amach acht in liaigh rot-íc don cur-sa; ár cia no bheitis leagha Eirenn icot leighius ní dingnidis ni bhudh fherr, conad amhlaid sin ro slanaighedh Brigit.

FECHT ann do-rala ri Teafa i comfhocraibh doibh ar fleidh. Bai leastar cumdachtta i l-laim in righ. Gabhais araile fer anfhaitech as a laimh cu torchair co n-derna blogha dhe. Do-gabhadh an fer la righ Tefa. Do-choidh espoc Mel dia cuing- hidh &ersir; ni h-etas on righ acht a bhas, co n-atuigh espoc Mel in leastar m-brisde &ersir; tuc leis co Brigit. Do-rat Brigit a h-anal uime &ersir; ro h- athnuaighed a cruth ba ferr. Rucadh iar sin don righ, &ersir; ro fuaslaiced in cimbid. Et adubairt espoc Mel: Ni h-oram-sa do-roine Dia an firt-sa, acht ar Brigit.

FEACHT ann do-dhechaid Brigit do thigh araile oighi .i. Brighit ingen Conaille insin. In t-uisqui do-ratadh dara cosaibh do Brigit iar taidhecht ro íc araili ógh ro bai istigh a n-galar. O dho- chuadur immorro Brighit cona h-oghuibh do chaithium a proinne ro ghab Brigit for fegadh na méisi co fada. Ro fhiafraig an Brigit aile: Cid rathaigi-sea? Do-raidh Brigit: At-ciu Deman for in meis. Ro badh maith leam-sa a fhaic- sin, ar an ogh aile. Tabair crois Crist ar h-agaid &ersir; ar do shuilib, ol Brigit. Do-rat in ogh, &ersir; do-connaic-si in Satan re toeb na meisi, a chenn sis &ersir; a cosa suas, a dhe &ersir; a lasair as a craes &ersir; as a shroin. Ro raidh Brigit: Tabair freacra duin, a Diabuil!

Ni chumngaim, a chaillech! ar an Deman, gan fregra duit, a coimeduidhe timnai De, &ersir; a trocaireach fri bochto &ersir; fri muindtir an Choimdhedh.

INdis duinn iarum, ar Brigit, cid dia tangais cugaind 'nar caillechaib?

Araile og craibdech fil sund, ar Deaman, is 'na coimiteacht atussa ag furail leisce &ersir; maindeachtnaige uirre.

Adubairt Brigit frisin oig h-isin: Tabair cros Crist tar th' agaid &ersir; tar do t-shuilib. Do-ratt fo cetoir. At-condairc an og an torathar n-granna. Ros-gab ecla mor an og o at-condairc an Demon. Adubairt Brigit: Cidh ara n-imghaibhe in dalta icá tai leasugud fria re cian? Do-righne inn ogh aithrighi iar sin, &ersir; ro h-icadh on Demon.

Araile bannscal tuc rúsc lan d' ubhluibh co Brigit. IS annsin do-raladur claimh ic faighdhe ubhall co Brigit. Do-raidh Brigit: Tabair dhoibh na h-ubla. O 't-cuala in bannscal sin ruc a rusc uball chuice, &ersir; is ed ro raidh: Duit-si fein tucas-sa na h-ubla &ersir; ni do chlam- haibh. Ba tocradh do Brigit tairmeasc na h-almsaine uimpe, &ersir; ro mallach na cronna dia tucad. O rainic in bannscal da tigh ni fhuair oen-ubhull ina h-ithlainn giar' bhó lan in tan ro fhacuibh &ersir; batar etairthigh o sin immach.

FEACHT ann do-luidh Brigit co Tefa, &ersir; sloigh mora 'na comhaideacht, &ersir; dá clamh 'na diaidh cu tarla deabhaid etarra. In tan rob ail do clamh dibh araile do bhualad ro shec a lamh uasa &ersir; ro crap lamh indalanai. Do-ronsat aithrighi iarum &ersir; ros-íc Brigit dia claimhe.

Do-chuaidh Brigit co araili eclais a tír Thefa do cheileabhrad na casc. Do-raid ban-airchinnech na h- ecalsa fria h-inghenaibh neach dhibh do umhaloit dia dhardáin cennla dona senoiribh &ersir; dona dainib fannaibh inlobhraibh batar isin recles. Ni frith nech dhibh don umhaloit. Do-raidh Brigit: Do-gensa aníu in umaloit. Cethrar do dhainibh galair batar isin recles .i. anbhfabrachta &ersir; dasachtach &ersir; dall &ersir; clamh, &ersir; do-righne Brigit a fos a cethrar, &ersir; ro h-ictha o gach teidm bui forru.

FEACHT ann do-chuaidh Brigit i n-araile tech for áighidhecht. Do-rala co n-dechaid in muinnter uili immach acht aen-ghilla bec anbhfhabracta, &ersir; se balbh, &ersir; ní fhitir Brigit a bheith amlaid. IS ann tancatar áighid co Brigit isin tech do chuingidh bhídh. Do-fhiafraig Brigit don gilla bhalbh út, cáit i raibhi eochair na cuile. Do-raidh in gilla: ro-fhetar-sa baile i ta. Do-raidh Brigit: Eirg &ersir; tabair damh. Ro eirigh fo chedair &ersir; ro timthirigh do na h-áigedhaibh.

IS AND do-rala coimthinol bh-fer n- Eirenn i Tailltin, airm i raibhe Patraic &ersir; senadh Eirenn uime. Do-cuatar docum na dala Brigit &ersir; espoc Mel, &ersir; fuaratar caingin doilig ara cinn 'san oirechtus .i. araile ben ruc leanbh ann, &ersir; is ed ro raidh, cor' bhó la h-espoc m-Bron do muintir Patraic, an leanp. Ro diult espoc m-Bron nar' bo lais. Tucadh in ceist-sin co Brigit dia tuaslucud. Ro fhiafraig Brigit don mhnai, cia o ra coimprestar a gein, &ersir; do-raidh ria ná h-abradh breic. Do-raidh in ben: is ó espoc Bron. Ro lín att &ersir; borrfad a tenga ina cinn cu na caemnacair labhra. Do-rat Brigit airdhi na croichi dar ghin na náidhiun &ersir; ro fiafraig: Cia h-athair? Do-fregair in naeidhi: Duine duthair deroil fil a n-imeal ind airechtais, is e sin m' athair-si. Cu ro saerad espoc Bron amlaid sin tre rath Brigte.

IS AND sin do-chuaidh fer ar cenn Brigte co n-dighsedh do coisecrad tighi nua do-righned aige. O ro erlamhaigh biadh do Brigit is ed ro raidh Brigit re a h-ingena: Ni h-adha dhúin biadh ind fhir genntlidi sea do tomailt, ár ro fhaillsigh Dia dam-sa na ro baisted etir h-e. O ro- chuala in fer maith sin ron-gaibh congain cridhi, &ersir; ro baist espoc Bron. Iar sin ro for-congair Patraic for Brigit &ersir; for a comharba co nach beth do gres gan fer graidh 'na comhuidecht. IS aire ro ghabh Nat Fraich gradha sacairt.

ISinn aimsir cétna tuc fer do dheiscert Breagh a mháthair for a mhuin co Brigit dia h-íc, ár ba h- anfhabrachta, co ros-lai dia mhuin for foscad m-Brigdi, &ersir; o tharaill in foscudh rob óghshlán acétair.

I n-ARAILE aimsir ann ad-conncatur Patraic chuca. Senadh mor maille fris. Do-raidh Lassair re Brigit: Cidh do-ghenam frisin sochaide tangatar chucaind? Cidh do biudh fil ocuibh? ol Brigit. Ni fhil, ar Lasair, acht aen- chúra &ersir; da bhairghin déc &ersir; becan loma. Do-raidh Brigit: Ata maith ann. Do-gentar proicept bhreithre De dhun, &ersir; non-sasfaiter uadh. O thairnic do Phatraic in proicept tucad an biadh co Brigit dia roinn, &ersir; ro bennach, &ersir; ro sasta in da phopul De .i. samad Brigte &ersir; samad Pátraic, &ersir; ro ba mhó cu mor a bhfuidheall ina in t-adbar ro bhai ann ar tús.

ARAILI fer ro bhai i cill Lassaire, &ersir; ro bui a ben occá fhacbhail, &ersir; nís-geibheadh cuit na codlad imailli fris, cu tainic co Brigit do chuinghidh eptha cu ro charadh a bhen h-e. Ro bennach Brigit usqui dhó &ersir; is ed at-bert: Tabair in t-uisci-sin tar in tech &ersir; tar bhiadh &ersir; tar digh dhuibh fein &ersir; tar an leapuid a n-écmais na mna. O do-ríne amhlaid do-rat in ben sheirc n-dímhoir do-som conná faghbhadh bheith 'na ecmais cidh i l-leth in tigi fris, acht for a leath-laim eiccin. Laa n-ann do-chuaidh-sium for turus &ersir; ro fhacuibh in mnai 'na codladh. O ra dhuisigh in ben at-racht co h-anbhfhail &ersir; do-chuaidh a n-degaid an fhir cu bh-facuidh uaithe h-é &ersir; gabhal mhara etarra. Ro ghairm sí a fer, &ersir; iss ed ro raidh, no ragad isin fairrce mina thised som cuice.

ARAILE bannscal d' Uib Maic Uais tainic do fhaighdhe co Brigit, &ersir; bui i tercu do gres roime sin. Co tard Brigit a criss di, &ersir; adubairt Brigit, gibe teidm nó galar cusa m-bertha no ícfad; &ersir; do-ronta samlaid, conadh amlaid sin do neth a bethamhnus o sin imach.

FEACHT ann tancatur caraid co Brigit araile sollumun &ersir; edhpairt leo, co farcabhsat a teach dia n-eis cen choimhetuidhi. Tancatar merligh iar sin, &ersir; tallsatar na damhu ro bhatar isin tigh. Ad-racht abhunn Life friu, cu tardsat a n-eduighi for adharcuibh na n-dam, cu ra impaset na daim otha sin cusan inad a m-bui Brigit cusna h- étaighibh leo.

FEACHT aili luidh Brigit: i Magh Lemna do acallaim Patraic. Bui ic procept shoscela and . IS ann sin ro chotuil Brigit risin proicept. At-bert Pátraic: Cidh ar ro codlais? Ro slecht Brigit fo tri &ersir; ro raidh: Fís at-connac, ol sí.

Innis in fhís, ol Pátraic.

At-connac, ol Brigit, cethra h-arathra anairdeas ro airsetar an indsi uile; &ersir; resiu thairsedh a silad, ro aipthighedh in bhuain, &ersir; tancatar topuir gheala &ersir; srotha taitneamacha as na h-etrighibh. Eduighi geala um na síltoiribh &ersir; um na h-aireamnaibh. At-connac cethra h-arathru aili atuaidh, ro airset an indsi tarrsna, &ersir; ro soeiset an bhuain doridhisi, &ersir; ro fhas in corcai ro shilsat fo chedair gur' bo h-abaidh, &ersir; tancatar srotha duba as na h-eitrighibh, &ersir; eduighi dubha um na siltóiribh &ersir; um na h-airemhnaibh.

Ni doiligh sin, ol Pátraic. Na .iiii. h-arathru toisecha ad-connacuis, misi &ersir; tusa sin, silmaid cethir leabur in t-soiscéla co silad irsi &ersir; creidmhe &ersir; crabhuidh. An bhuain at-connacais, na h-íí thecat docum n-irsi &ersir; creidmhe sin trianar fhoircetal-ne. Na ceathra h- arathra ad-connacais atuaidh, na saebh-fhoircetlaidi &ersir; na bregaire sin, laifid dar cenn in forcetul shílmid-ne.

FEACHT do Brigit a n-Ard Macha do-lluidh dias secce &ersir; dromlach uisce forro. Tancatar do bennachadh do Brigit. Do-rochair in dronglach dia n-eis, &ersir; do-chuaidh druim tar ais otha dorus ratha co Loch Lapháin. Acht ni ro brisedh &ersir; ni thorchair banna aisdi. Ba follus do chach bennachad Brigte forro. Iar sin adubairt Pátraic: Fodhail ind uisqui for Ard Macha &ersir; for Airthera, &ersir; ro-icadh gach n-galar &ersir; gach n-ainces bui isin tir.

LUID Brigit i crich bh-Fer Rois d' fuascalad chimedha bui isin crich. Do-raidh Brigit: In lece orum-sa in cimid út amach? As-bert in ri: Gia no berthea dam-sa righi bh- Fer m-Breagh uili, ni thibhrinn duit in cimid acht na dighis-sea fó era do-berthur anmchoimhet oen-oidhche erut-sa dhó. Ro artraigh Brigit deodh lai don cimidh &ersir; do-raidh fris: In tan tuaslaicfiter in slabradh dhit geibh in n-ymmonn so, &ersir; ela for dha laimh dheis. Do-gniter amlaid. Elaid in cimidh la breithir m-Brigdi.

FEACHT do-luidh Brigit tar Sliabh Fuait. Bui dasachttach issin t-sleib no oircedh na cuitechtna. O 't-conncatar na caillecha h-e ros-gabh ecla &ersir; uamun mor iat. Adubairt Brigit risin n-dasachtach: O dhat-rala ann pritchai breitir n-Dé dhun.

Ni cumngain, or se, gan umhaloit duit, ár it trocar fria muinntir in Coimded etir truagha &ersir; bhochta.

IS ann sin do-raidh in dasachtach: Car in Coimdi, a chaillech, &ersir; not-carfa cach. Airmhitnigh in Coimdhe &ersir; not- airmhitnighfea cach. Ataigh in Coimdid &ersir; not-atuighfea cach.

FEACHT do-ghuidh a h-athair naemh Brigte co n-dighsed co righ Laigen .i. co h-Ailill mac n- Dunlaing do chuinghidh dilsighthe in chlaidhib do-rat dó fecht aile. Do-thoet Brigit ar forcongra a h-athair. Tainic mogh don righ do acallaim Brigte &ersir; adubairt: Dia nom-soertha don fhog- namh ica tu don righ ro budh am cristaidhi, &ersir; no fhoighenaind duit-si &ersir; don Coimdhidh. Luidh Brigit isin dun &ersir; conatuigh di ascaidh cusin righ .i. dilsiugud in claidib do Dubhtach &ersir; sóire don mhogaid.

Cidh ara tiber-sa sin duit-si? ar an rígh.

Do-bérthar clann t-soineamhail duit, ar Brigit, &ersir; righi dot macaib &ersir; nemh duit fein.

Adubairt in ri: Flaith nimhe, ár níis-faicim, nís-chuingim. Righi dano dom macaib ni chuinghim ar am beo fein ar aird ann, ár gniat cach a aimsir. Tabair dhamh cena fot soeghuil a righi, &ersir; cath-bhuadhaighi for Leth Cuinn, ár is menic cocadh eadrainn.

Do-berthar, ar Brigit, &ersir; isedh ón ro comailled, ár .xxx. cath ro mhebadh roime ind Eirinn &ersir; a nai a n-Albain tria bennachtain Brigte. Tancatur h-Ui Neill i Laighnibh iarna ecaibh-sium. Tucsat Laighin a corp docum in chatha, cu ro mhebadh rompa fo cedair.

FEACT do Brigit ica caerchuibh isin Currach co n-acai mac leighinn ana rith sece .i. Nindedh scolaighi esein.

Cidh dot-gní anbhfhorusta, a meic leiginn! or Brigit, &ersir; cidh innsaighi amlaid sin?

A chaillech, ol in scolaighi, teighim docum nime.

Ro-fhitir Mac na h-Inghine, ar Brigit, is mo-ghenar theit in turus, &ersir; ar Dhia dena ernuighthi leam-sa cu rab reidh dham dhul.

A Chaillech, or an scolaigi, nochan-uain dam, ár atat doirrsi nimhe osluicthe innosa &ersir; ad-águr a n- dunadh frium. No mas acom thairmesc dhuit, guidh in Coimdhe leam gurub soraidh dhamh dul docum nime, &ersir; guidhfet-sa Dia fort-su cu rob reidh dhuit, &ersir; co r- ruca il-mhile lat docum nime.

Ro ghabh Brigit pater leis, &ersir; ba craibhdhech o sin imach, &ersir; is h-e do-rad comman &ersir; sacarbhaic dhi iardain. Conid as sein do-rala cumthanus mac leighinn in domuin re Brigit, co tabair in Coimdhi doibh tria atach Brigte gach maith fhoirbhthi chuinghid.

LUIDH Brigit co h-espoc Mel co tised do thorainn a cathrach dhi. O do-chuatar iar sin co dú i ta Ceall Dara inniu, ba h-í sin inbhuidh do-rala Ailill mac Dunlaing &ersir; cét marclach do fhinnchaeluch leis dar lar Cille Dara, Tancatar dano inghena o Brigit do chuinghidh neich don caelach, et do-ratad era forro. Ro beanaid na h-eich fo a marclaighibh fria lar. Ro gabhtha iarum suinn &ersir; slipredha dhoibh, &ersir; ni errachtatur no gur' eadbair Ailill in cét marclach do Brigit. Conid de do-ronad tech mor sancta Brigte i Cill Dara, &ersir; is e Ailill ros-biath na soeir &ersir; ros-íc a dulchinne. Facbhais Brigit cu m-badh o Ailill mac Dunlaing no bheth righi Laigen co brath.

FEACHT ann tancatar da clamh co Brigit do chuinghidh almsaine. Ní rabha araill isin coitcenn acht aen- bhó. Do-rat Brigit dona clamhaib in m-boin sin. Do-rinne in dara clam atlugudbuide don Coimdhidh. Dimdach immorro in clam aile, ár ba diumsach. Do- choidh, ar sé, cid mh' airi-si m' oenar ria boin. Cu n-ice aníu, dano, ni rom- comhairmeadh-sa riam etir celiuda Dé &ersir; bhochta &ersir; lobhrai. Ni bhiu dano i commaidh imon m-boin-sea. Do-raidh Brigit risin clamh n-umhal: Ansa i bhus co bh-faghthar ní dhuit, &ersir; teit as in clamh dimsach út guna bhoin. IS ann sin tainic fer co Brigit gu m-boin leis di, co tard don clam umal. O dho-chuaidh immorro for set in clam diumsach forfheimidh imáin a bhó a oenar, co tainic for cula co Brigit &ersir; co a fher cumtha, co raibhi ic glamhudh &ersir; ic imdergad Brigte. Ni ar Dhia, ar se, do-ratuis t' eadhpairt, acht is ar lisdacht &ersir; tromdhacht rot-gaibh frium-sa. Tiaghuit iar sin in da clamh cum na Berbha. Ad-racht inn abunn friu. Elaidh in clamh umal cona bhoin tria bennachtain Brigte. Tuitid in clam diumsach cona bhoin for a tharr risin n-abhuinn cor' baithedh.

FEACHT ann tainic righan Crimhthain mheic Enna Cennsealaig rí Laigen, &ersir; slabrad aircit le i n-edhpairt do Brigit. Fuath deilbhe duine isin dara cenn de &ersir; ubhall aircit isin cinn n-aile. Do-rat Brigit dona h-oghuibh. Ro thaiscset na h-ogha gan fhis do Brigit, ár ba mor no ghatadh a crodh &ersir; do-beiredh do bochtuibh. Do-riacht clamh co Brigit, cu tard Brigit in slabhrad dhó cen fhis dona cailleachaib. O ro-fhedatar na h-oghu is ed ro raidhset co bh-fheirg &ersir; lonnus: Bec a mhaith duinne, ar siat, do trocaire-si do chach, &ersir; sind fein i riachtanus a leas bhidh &ersir; eduigh!

Ataidh for antacadh, ol Brigit. Eirgidh isin eclais in baile a n-denaim-si ernaigthi, &ersir; fo-ghebhthai ann bhur slabhrad. Do-chuatar la Brigit. Gia do-ratad do bocht fuarutur na caillecha in slabhrad.

FEACHT ann tainic ri Laigen d' éistecht re proicept &ersir; ceileabhradh dia casc cu Brigit. Iar bh-fhorbhudh an cheileabhraidh do-chuaidh in ri for sed. In tan do-chuaidh Brigit do chaithimh a proinne adubairt Loman clamh Brigte nach caithfedh ní no gu tuctha dhó armghaiscedh righ Laigen, etir ghai &ersir; sciath &ersir; claideb, cona bheirt foithibh. Do-chuaidh techtaire o Brigit a n-diaidh in righ. O mhedhon immorro cu nonai don righ for merugud, &ersir; ní rancatar oen-mhile ceimenn co tuc in t-armghaisced uadha &ersir; co tucadh don clamh.

FEACHT ann at-connaic Brigit araili duine secce &ersir; salann for a mhuin. Cidh fil fort mhuin? ol Brigit. Clocha, ol an duine. Bidhat clocha dano, ol Brigit. Do-ronta fo chedoir clocha don t-salann. Tainic doridhisi an fer cétna sech Brigit. Cidh fil fort mhuin? ol Brigit. Salann, ol se. Bidh salann dano, ol Brigit. Do- ríne fo chedoir salann dona clochaib tre breitir m-Brigte.

FEACHT ann tancatar dá clamh co Brigit dá n-íc don claimhe. Adubairt Brigit risin dara clam nighi araile. Do-roine amhlaid. Dena-sa, ar Brigit risin clamh aili, fosaic &ersir; nighe h-fir cumtha amal do-roine-seom umhaloit duit-si. Acht airet co n- facamar, ol se, ni co n-faicfium. Cidh on, in coir lat-sa, a chaillech, mhisi slan coam ballaib nuidhibh &ersir; com etach nua do nighi in claim granna út, &ersir; a bhaill dubhghlasa ic toitim de? Ni fiu leam-sa in nos a leitheit sin. Ro nigh immorro Brigit fein in clam umul truag. Adubairt in clam dimsach ro glanad ar tus on claime: Atar leam-sa, ol se, is oeible teined mhoidhid triam croicenn. Ro linadh h-e do claime o a mhullach co a bhonn ara anumaloit.

FEACHT ann do Brigit oc techt do laimh in espuic cu tarfas di cenn puic do beith annsa chailiuch oifrinn. Ro opastar Brigit in cailech. Cidh ara n-opai? ar an fer graidh . Cenn puic foillsighter dam ann, ar Brigit. Ro ghairm in t-espoc in gilla tuc ind imaltoir, &ersir; adubairt ris tabhairt a choibhsen. Do-chuadhus, ar in gilla, i tech a n- gabhar puic, cu tallus poc méth as &ersir; ad-uadhus mo sáith de. Ro phend in gilla &ersir; do-roine aithrige. Do-chuaidh iar sin Brigit do laim &ersir; ni co n-facai in fuath.

FEACHT ann tancatar áighidh co Brigit: at iat uaisli craibdecha .i. na secht n-espuic fileat a tilaigh ind airrter Laigen. IS ann sin for-congair Brigit for araili fer dia muinntir techt dochum in mhara co n-dernad iasgach dona h-aighedhuibh. Teit in fer &ersir; a mhurgha lais &ersir; tecmhaing ron dó. Saidhidh inn in rónghai &ersir; cenglaid a theit dia laim. Tairrngidh in ron leis in fer tar in bh-fairrce co traigh mara Breatan, cu bh-farcuibh annsin h-e for carraic iar m-brisiudh na téta. Ro cuired dano in ron for culai, &ersir; a ghai ann, cu ro laa in mhuir h-e forsin traigh ba comfhocraibh do Brigit. Do-ratsat immorro iascaire Bretan curach do iascaire Brigte o ro indis a scela dhoibh. Tainic iar sin tar muir co bh-fhuair a ron i traigh mhara Laigen i bhus, co ruc leis co h-áigeda Brigte. ISin maduin do-chuaidh tar muir &ersir; do-rocht dar muir m-Breatan doridisi dochum Brigte medhon lai. Ro mhorsat na h-aeighedha &ersir; in slúag arcena ainm De &ersir; Brigte triasin bh-firt-sin &ersir; triasan n-adhamhra.

FEACHT ann do-ghabh mian araile caillech do muintir Brigte im shalann. Do-roine Brigit ernuighthi cu ro soudh na clocha i salann, &ersir; ro h-icad in caillech.

FEACT ann ro bui bachlach do muintir Brigte oc bein chonnaid. Do-rala dho gu ro mharbh peta sinnuigh la righ Laigen. Ro h-irghabhudh in bachlach lasin righ. Ro fhor-congair Brigit for an sinnach taidhecht as in caillid. Tainic dano cu raibhi oc cleasaibh &ersir; oc cluiche dhoibh &ersir; don righ la forcongra Brigte. O dho-roine in sinnach a ghnímha do-chuaidh fon coill slan, &ersir; slogh Laigen etir chois &ersir; eocu &ersir; chona 'na deghuid.

FEACT ann tancatar espuic co Brigit, &ersir; ni raibhe aice ní do-berad doibh 'ar m-bleagun na m-bó fá dhó. Tucait na bai in treas fecht don baili &ersir; rop uilli leo in loimm annsin inas cech m-blegun.

FEACHT ann ro bui meithiul ag Brigit ic buain. Feraid fleochud mor i Muigh Life uile &ersir; nir' tuit banna ina gort-si.

Ba dia fertaibh immorro, ro bennach in dall clairenech co tuc a súili dó.

FEACHT ann do-rala Brigit cusin m-baintreabthaigh, cu ro marb laegh a bo do Brigit &ersir; ro loisc a garmain fai. Do-ríne Dia ar Brigit ba h-oghslan in garma arnamharach &ersir; bui a máthair og lighi in laeig.

FEACHT do Brigit &ersir; d' espuc Eirc i Laignibh. Do-raidh Brigit re h-espoc Eirc: Ata cathugud itir do thuaith-si, &ersir; innosa comraicid. Adubairt mac-clérech do muintir espuic Eirc: Ni doigh linn, ar se, conid fír sin. Senais Brigit a ruisc in mac-cleirig. Do-raidh iar sin in mac-clérech: At-cím-si, ar se, mo bhraithre icca marbad innosa, &ersir; do-rine aithrighi moir insin.

FEACHT do Brigit oc inghaire chaerach. Tainic gataidhi chuice &ersir; tall .uii. multa uaithe. Arói ro h- airmhedh in tret, &ersir; frith na multa a n-oighe tre ernaigthi Brigte.

FEACHT do-ríne araile fer do mhuinntir Brigte midh do righ Laigen. In tan tancus dia ol ni frith bainne ann, ar ro caithed re Brigit. Ad-racht Brigit do thesarcudh an truaigh, &ersir; ros-bennach na leastra, &ersir; frith an midh a comhlanus, et ba firt amhra eis- sein.

FEACHT ann tancatar na .uii. n-espuic a h-Uaibh Briuin Cualunn o Thealaig na n-Espac, co bh-fuaratar Brigit i l-luc re toebh Cilli Dara atuaidh. Do-fhiafraig Brigit da coic .i. do Blathnait, in raibhe biadh aice. Adubhairt nach raibhe. Bá nár la Brigit gan biadh aice dona noemhuibh, &ersir; ro ghuidh in Coimdhe co dicra co n-debairt in t-aingel ria na bai do bleaghan in tres fecht. Do-bligh Brigit fein na bu, gur' linsat na dabhcha donn ass, &ersir; ro linfatis cidh leastra Laigen uili, co n-dechaid in loim tar na leastraibh imach, co n-derna loch dé, unde Loch in Ais .i. Loch Leamhnachta inniu. Ro morad ainm De &ersir; Brigte dhe sin.

Ár cach ní con- aighedh Brigit forsin Coimdhi do-berthe di fo cétoir, ár ba h-e a sainnt: sasad bocht, dichur gacha documla, air- chisecht gacha truaigh. Ni raibhi immorro bhudh naraighi, na bhudh fhele, na bhudh cennsa, na bhudh umla, na bhud cunnla, a bud cuibdi ina Brigit. Ni ro nigh riamh a lamha na a cosa na a cenn etir fhiru. Ni ro dhech gnuis fherscail. Ni labhradh cen loisi. Ba h-aintech, ba h-annac, ba h-ernuightech. Ba foidhidech. Ba foilidh i timnuibh De. Ba cobhsaidh. Ba h-umhal. Ba dilghed- hach. Ba dercach. Ba comra choisecartha coimeta chuirp Crist &ersir; a fhola. Ba teampul De. Ba righshuidi tairismhe don Spírut Noebh a cridhe &ersir; a menma. Ba diuid &ersir; ba toirrsech do truaghaibh. Ba h-edrocht i bh-fertuibh &ersir; mirbuilibh. IS airi sin is é a h-ainm itir duilibh, colum etir enuibh, finemain itir fhedhaibh, grian etir rennuibh. IS é athair na noem-oighi- sin, in t-Athair nemhdhai. IS é a mac, Ísu Crist. IS é aoidi, in Spirut Noem, conid aire sin do-ghní in noemh- ogh-sa na mirbuile mora &ersir; na ferta diairme.

IS í furtachtaiges da gach aen bis a cuimgi &ersir; a n-guasacht. IS h-i tracthus na tedhmanna. IS í tairnes feirg &ersir; anfadh an mhara. IS í ban-taircetlaid Crist. IS i righan in deiscirt. IS sí Muire na n- Gaeidhel.

IS e Colum Cille do-righne an imann-sa do Brigit, &ersir; is a n-aimsir Aedha mic Ainmerech do-roine h-i. Et ba h-e fath a denmha. Anfud mor tainic do Cholum Cille in tan do-choid tar muir, co tarla i Caire Breacan, cu ro atuigh Brigit co tised feth dó, &ersir; co n-ebairt Brigit be bhith-mhaith. Nó is e Brocan Cloen do-roine, &ersir; as inann aim- ser a n-dernad &ersir; Ni char Brigit buadach bith. No as triur do muintir Brigte do-roine h-i in tan do-chuatar do Roim cu rochtatar Blasantiam. Co tarla fer do muintir na cathrach dhoibh imuig, cu ros-fiafraig dibh in rancatar a leas aighidhecht. Adubratar-som cu rancatar. Rous-fuc leis iar sin dia thigh, co tarla doibh scolaigi ar toidhecht o Roimh, cu ro fhiafraig dibh can as tangatar, &ersir; ced ara tancatar? Adubratar-somh conadh ar áighidecht. IS pudhar sin, ar se, ar is h-é bés in fir-sea marbad a aeighedh, &ersir; ro fhiafraighset-som sin tria thinchosc in scolaigi. Tucadh tra neimh doib i linn, cu ro mholsat Brigit dia soeradh &ersir; cu ro chansat Brigit be bhith-maith &ersir; rl. Atibhset an linn cusan neim, &ersir; ní derna pudhur doibh. Tainic iarum fer in tighi dia fegad dus in ros-marbh in neim, &ersir; at-connaic iat 'na m-bethaid, &ersir; ad-connaic ingin t-sochraid etarru. Tainic iar sin isin tech, &ersir; ro bui for iarair na h-ingine &ersir; ni fhuair, &ersir; ro fhiafraig dibh cidh do-choidh an ingen, &ersir; adubratar-som ni facadur etir h-í. Do-ratad tra cuibrech forro- som co marbhdais iarnamharach mina foilsighdis an ingin. Tainic dano in scolaigi cétna chuca arnamharach dia bh-fis, et inuenit cos in uinculis, et interrogauit eos quomodo euascrunt et cur ligati sunt.

No cumad h-e Brenainn do-righne in n-imunn-sa. Tainic dano Brenainn co Brigit co bh-fesadh cidh ara tuc in bheist isin mhuir anoir do Brigit sech na noemhu arcena. O ro-siacht tra Brenainn co Brigit ro chuinnigh co tartad a coibhsina cinnus ro bhai gradh Dé oicce. Adubairt Brigit: Tabair, a cléirigh, do coibhsena prius &ersir; do-ber-sa iar sin. Adubhuirt Brenainn: on lo ro ghabhus-sa crabhudh nocha dechadhus tar .uii. n-immairibh cen mo menmain i n-Dia. As maith in coibhsen, ol Brigit. Tabair-si dano, a chaillech, ol Brenainn, do choibsin. Do-fhitir Mac na h-Ingine, ar Brigit, on uair do-ratus-sa mu menmain i n-Dia ni thucus ass. Dar linn, a chaillech, ol Brenainn, as coir do bhiastuibh gia no berut anoir duit sechainne.

No is é Ulltan Arda Breacain do-roine an ymonn-sa ar molad do Brigit. Ár ba do Dail Concubair do- som, &ersir; rop edh dano do máthair Brigte .i. Broicsech ingen Dallbronaigh. I n-aimsir immorro da mac Aedha Slaine do-ronad fesin, ár it e ro marbhsat Suibhne mac Colmain Moir, for leth- laim Ulltain, do-ronad: Brigit be bhith-mhaith, bruth ordhai oibhlech, don-fé don bhith-fhlaith an ghrian tind toidlech. Ron-saera Brighit sech dhrunga demhna, ro raena remhainn catha gach tedma. Do-rodhbha indonn ar colla cissao an chraebh co m-blathaib, an máthair Íssu. An fhirógh inmain go n-ordan adhbhuil, bum saer gach n-inbaid lam naemh do Laighnibh. Leth-colbha flatha la Pátraic Primhdhai, an tlacht uas lighaib, an righan righdha. Ro bet iar sinet ar cuirp a cilicc dia rath ron-braeno, ron-saera Brighit. B.

Mor tra do fertuibh &ersir; do mhírbuilib fon n- innus sin do-righne in Coimde ar Bhrigit. IS sé a mhet cunná cumhaing nech a fhaisneis acht mina thised aspal fein no aingel De dia fhaisneis: acht cena is lor so ar dheismirecht dibh.

O thainic tra cusna deidhinchaibh do Brigit, iar fothugud &ersir; iar bh-furtacht cheall &ersir; eclas &ersir; altorach n- imdha iar bh-fertuibh &ersir; iar mirbuilibh imdha at lir gainemh mara no renna nimhe, iar n-desheirc &ersir; trocuire, do-ruacht iar sin Nindedh Laimhidhan o Roim Letha. IS aire dano at-berthea Nindidh Laimh-idan frissein, ár ni tard a laim fria thaebh o ro ghabh Brigit pater leis. Cunad h-e do-rat comman &ersir; sacarbaic do Brigit &ersir; ro fhaidh a spírut dochum nimhe. Atait a taisi isna talmandaibh gu cataidh &ersir; gu n-ordan &ersir; gu n-airechus, gu bh-fertuibh &ersir; mirbhuilibh. Ata a h- ainim amal grein isin bh-flaith nemhdha etir claiscetal aingel &ersir; archaingel. Et gidh mor a h- anoir abhus coléic bidh mó gu mor in tan ad-rae ina lochrann lainnerdha i comlanus cuirp &ersir; anma i mor-dail lai bratha, ind oentuidh hyruphin &ersir; saruphyn, in aentuidh Mic Mhuire óighe, ISann aentuidh is uaisli cech n-aentuidh, ind aentuidh na noeim-trinóite, Athair &ersir; Mac &ersir; Spirut Noem.

Ailim trocuire De uasail uilecumachtaig tre impidi noeimh Brigte: ro airiltnigim uile in aentaidh sin, ra-issam, ra-aitrebam, in saecula!

 Betha Shenain meic Geirrginn

MIRABILIS DEUS IN SANCTIS SUIS Ps. 67:36 ET CETERA. IN Spirut naom do roisce cech spirat, in Spirut ro lesaigh in eclais cechtardhai .i. petarlaic &ersir; nu-fhiadhnaisi o rath ecna &ersir; fhaitsine, is h-e ro raidh na briáthra-sa a gin in righ-fhatha Dabid meic Iese don molad &ersir; don adhamhrughadh fil do Dhia triana noemhu &ersir; triana fhirenu, amal at-beir Mirabilis Deus in sanctis Ps. 67:36 .

Oen didiu dona naemhuibh &ersir; dona firénuibh triasa tainic molad &ersir; adhamhragud in Choimdedh fiadh dainibh triasna fertuib &ersir; triasna mirbuilib do-roine Dia aire i talmain, IN noemh uasal airmitnech dia ta lith &ersir; foraithmet i n-ecmong na ree-so &ersir; na h-aimsire .i. sanctus Senanus espocus.

IS ann didiu erdharcaigit in cristaidi lith &ersir; sol- lumun a eitseachta inti noeimh Shenan in ochtai Kalainn Marta arai laithe mís grene, is indiu arai laithe sechtmaine isin bliadain frecnairc i tam. At-fiadhat na h-eolaig ní do bunad &ersir; do gheinemain anti noem Shenan, o ghuidhi &ersir; o forcetal do rath in prim-fhatha &ersir; in aird-espuic innsi h- Eirenn .i. noemh Patraic, gein t-Senain &ersir; dona mirbhailibh do-rine Dia aire .i.

Seanan mac Gerrginn meic Cobhthaig meic Builc meic Dece meic Imchada meic Cuirp meic Roduind meic Luigdech meic Aililla meic Echadha meic Aenghusa meic Fiachra Find meic Coirpri Bhaschain meic Conaire meic Mogha Lamha meic Luigdech Allaid meic Cairpri Croim- cinn meic Daire Dornmair meic Cairpri Finnmhair meic Conaire meic Etersceoil meic Eogain. Coimgheall didiu ingen Ernaig meic Golbine máthair Shenain, do Alltraighiu. Do-rairngair immorro in primh-fhaidh &ersir; in prim-apstal ro fhaidh Dia do proicept d' feraib Eirenn .i. noemh Patraic, gein t- Senain. Air in tan bái Pátraic ic proicept do h-Uaib Figeinti &ersir; ic a m-baithius i n-Domhnach Mor tancatar Corco Bhaiscind gona righ .i. Bolc mac Decce, mur-choblach mor tar Luimnech atuaidh cu Patraic, &ersir; ro guidhseat Pátraic fa próicept doibh in la-sin &ersir; a m-baisted fo cedair. Do-raidh Pátraic friu-som airisiumh co maduin ár ba scith in la-sin. Ro raidset Corca Baiscinn re Patraic: Ni cumhgamait, ar is fas ar crich dar n-eis cen ocu ica h-imchoimhet, &ersir; ita ar coblach cen nech oca recmait a leas tindenus docum ar criche. Do-luidh Pátraic iar sin ina carput co faiced cach h-e &ersir; cu ro-cluindis a guth &ersir; proicept brethri De uadha, et ro creitset annsin do Dhia &ersir; do Pátraic. Canuid didiu Pátraic in baithius doib forsin abhuinn bui a comhfhocus doibh, &ersir; baistter innte na sluaigh uile. Et do-ratsat almsana mora do Pátraic. Bendachaid Pátraic iat-somh, &ersir; do-raidh cu m-biadh imad ana &ersir; innmhusa i Crích Baiscinn co brath. Ro áilset Corca Bhaiscinn for Pátraic toidhecht leo do bendachadh a criche &ersir; do baisted a m-ban &ersir; a leanamh &ersir; a mogad for-fhacsat dia n-eis. Ro raidh Pátraic friu: Nidam uain-siu do thuidhecht libh &ersir; imluadh mu mhuinnteri tar in sruth-sa inunn. Ro raidset Corco Baiscinn: Ata, ar siat, coblach mor linne dod timochar tar in muir, &ersir; not-berum tairrsi cot uile mhuinnteraib cosaibh tirmaibh, &ersir; dot-berum aris for culai. Ro op Pátraic aris dul leo, &ersir; ro raidh: Ni fhetaim-si, ar se, facbhail na criche i tu no gu tair a coisercadh &ersir; a m-bennachad uile. Et do-rat Patraic bennachtain for Corca Bais- cinn, &ersir; for-fhacaib buaidh cabluigh forro. Conid de sin ro chan Pátraic in rann-so: Ní ró do Chorcco Baiscind, ní gó; gen beth cloidim for a cliu ni gébtar riu ni beas mó.

Do-raidh Pátraic re Corco Baiscinn; In fil i focus duin airm as budh reill damh-sa bar crich co ros-fegainn fein om shuidhi &ersir; co rous-bennachainn as in maigin-sin? Ata eicin, ar siat, in tealach thall .i. Findine. Luid Pátraic leo iarum for mullach Findine &ersir; ro raidh friu: An h-í so bar crich fria Luimnech i tuaidh co rice in n- oician siar? As si, ar iat-som. In roich, ar Pátraic, in sliabh tall tuaidh .i. Sliab Ellbe, i crich Corca Mruadh in Nindois? Ni roich, ar siat. Ro-sia re m-brath, ol Pátraic. In roich dano bur crich in sliabh thall tair .i. Echtgi i crich na n-Desa? Ni roich, ar siat. Ro-sia iar cein, ar Pátraic. Beannachais Pátraic iarum Corca Baiscinn &ersir; do-raidh riu: Ni ricthe a leas techt dam-sa libh an bhar tír, ár ita gein ocuibh i m-broinn mhna, &ersir; is dó do-radadh o Dia bur tir-si: is iarnachul bheithi, is dó fhoighentai &ersir; foighenus in cenel-sa Ua Figennte. IS e bus Patraic duibh. Et bidh mór a cata in gein gignither lib. Mo- genar bias 'na aircill. Et ann inis tall tiar a m-beluibh in mara, in fil aitreabh innte? ar Pátraic, .i. Inis Cathaigh. Ni fhil, ar siat, ar itá peisd adhuathmur innte nach leicc a h-aitreabad .i. Cathach a h-ainm. IS amra, ar Pátraic, an mind ordain &ersir; in lia loghmur &ersir; in mogh airmitnech sain-shercach oc Dia &ersir; oc dainibh in macan gignither ocaibh, ár is ara chinn coiméttar talam na h-innsi út i n-óighe, ár is ann bias a eiseirghi &ersir; eiserghi shloigh moir do noemuibh maille fris. IS ann sin ro raidh Patraic oc taircetal gene Senain: Gignidh macan 'san tir thiar isin oilen os aician, biaidh Corca Baiscinn fo láimh, feruibh, macaibh ocus mnaibh. Bid án, uasal, ordnidi ac Dia ocus ag daínibh: mo-ghenar tuath ocus ceall bias ar cul in meic-sin, WS moved the following six words from their original place between the above quatrainsBidh urdraic airmhitnech in mac-sin ar Pátraic, uair do-bhera dhoibh sídh co n-imat gacha maithiusa &ersir; dichur gach teadhma indlighthigh dia n-dernat reir in meic sin .i. noimh Shenán gu n-dechmhadaib &ersir; primitib &ersir; almsanuibh do Dia &ersir; do Shenán. Mairg dia manchaib immorro do-ghenat aimhreir in meic-sin, ár do-bera Dia dighla troma forro in tan sin, cu m-bia dith for a n-daínibh &ersir; for a n-indilibh, &ersir; bérthar ith &ersir; blicht &ersir; gach torad uathuibh iar sin, co m-beit fo gorta &ersir; dith, chu recfa cach a mac &ersir; a ingin a crichaib ciana ar a m-bethugud, mina rabhut do réir Shenáin. Bidh urgna, oirdnidi a clanna isin bith freacnairc dia rabhut da reir.

O ro raidh Pátraic na briathra-sa, oc tairchetal gene Senáin, &ersir; o ra bennach crich Corca Baiscinn, faeidhis uasal- shacart &ersir; deochan do Romanchaib batar maille fris, Maculatus &ersir; Latius a n-anmanna, immaille re Corca Baiscinn da m-baithius. Et i n- adaig do-rochtatar co Pátraic,is é sin aimser do-pritchaiset iris &ersir; creidium Crist &ersir; do-ronsat baithius &ersir; comna i crich Corco Baiscinn. IS ann dano ro thoghsat na noeimh-sin recles doibh &ersir; port a n-eiseirghi do thaeibh puirt Innsi Cathaig don leth tuaidh i n-ercomair Reilgi Aingil Dé, ár ro-fhetatar ba h-i Relic in Aingil i n-Inis Cathaig no biath esseirghi Shenáin, &ersir; ba maith leo-som a n-eiseirghi do beith i comhfhocus d' eiseirghi Senáin cumadh aroen re Senán ro dechsatais do mhor-dail bratha.

Nir' bho cian iar sin in tan boi mor- dhal Corca Baiscinn ind oen-bhaile. Tainic dano lanumain docum in airechta. Amal do-rochtatur in t-airecht ad-racht in drai boi isind airectus rompa. O 't-conncadar cach sin ad-racht in t-oirecht uile rompa, ár ba mor anoir in druad acu-som isin aimsir-sin. Faitbis in t-airecht imon drai, &ersir; at-bertsat fris. Ba linn, ar siat, do-deachaid dhuit Gerrginn aithech &ersir; a sheitig do-ghní do ureirghi. At-bert in drui: Ni do aithech do-ghniu-sa ureirghi, acht mac fil a m-broinn na mna thall, ár ad-resset Corcu Baiscinn uili roime. IS dó fhoighenat. IS e bus flaith doibh co brath.

IN tan tra thainic aimser ghene in meic-sin .i. Senán, tairisidh a mhathair ina h-oenar ina lubhghort fria deiseabhair na grene, &ersir; tainic aingel De dia furtacht cona raibhi docair di a tuismed a meic, &ersir; bennachais in t-aingel in mac rucad ann. IN t- uaitne caerthuinn bai ina laimh oc tuismed a meic gabais talam cu m-bai fo blath &ersir; duille fo cedair, &ersir; maraidh beous in crann-sin.

Nir' bho cian dóib iar n- gein in meic-si luidh a máthair do uisqui &ersir; a mac le 'na h-ucht. Tarasair iarum in mháthair for lomrad a smer don mhuine bui i comhfocus in topair, ár ba i tus fhogham- hair ro genair Senán. Do-raidh in mac remhraidte asa h-ucht: An de sin, a mháthair, ár is proinn riana trath coir insin.

Oc Muig Lacha dano ro bhai ar tus aras &ersir; orba do thustidhibh Senáin riasíu ro genair Senán. Bai dano orba n-aill doibh oc Tracht Termainn. Ata didiu ré cian eter in da fhorba sin. IN tan dano ba h-áil do thustidhibh Senáin imeirghi do dhenam no thicedh Senán la no da la rempaibh do denamh thighi &ersir; lias &ersir; mhachad &ersir; gach comhnacal cena ricdis a leas da bheith urrlamh ara cinn. Senán immorro is ed ro gnith-saidhe ar dhesheirc cabhair da gach oen ricedh a les, &ersir; no bith urlam ar cinn a muinteri tech nua aigi-sium.

Feacht ann fergaighis a már fris-sium imon ní-sin, &ersir; is ed ro raidh: A meic claindi &ersir; ceniuil, ar si, as beg do tharbha dhuin. A mháthair, ar se, dena airisiumh &ersir; rat-fia comnacal. Do-aircebha dhuinne inni-sin, ol in mháthair. Do-aircebha co fir, ol Senán. In tan tra batar for na briathraibh-sin con n-acatar cuca isind aer na liasa &ersir; na machadha &ersir; na nascu &ersir; ind uile comnacal ran- catar a leas for-fhacaibset isin baili asa tancatar. Cu ro fuirmeadh na bh-fiadnusi isin maighin robo des leo a suidhiugnd. Ro moradh dano ainm De &ersir; Senáin triasin firt-sin.

Feacht dano lotar Corca Baiscinn for sluagad a Corca Mruadh i Ninduis. Beridh dano nert foireicnech na flatha Senán isin crich sin. O ro-siactadur na sluaig crich Corca Mruadh geibid for innred na criche. Senán immorro is ed do-roine: teit i sabull n-arbha bai i comfhocus dó, &ersir; cotlaidh ann cein batar na sluaig oc innred an tire. IMpoit na sluaig docum a tire fein iar n-indredh Corca Mruadh doibh. Facuibter Senán isin t-sabhull ana chodlud ait a raibhe. O thainic tra cach isin crich deis in t-sluaig día n-duthaig fein, is amhlaid at-ces in sabhull i m-bui Senán, ina thor teineth for lasad. O at-ces inni-sin tainic socraiti mhor dia thesarcain. O thancatar i bh-focus don t-sabhall i m-bui Senán con n-acatar ba slan don teinid. Lotar araile dibh isin t-sabull con n-facatar ind oclach ina chotlud. Ro triallsat araili dhibh a ghuin. Anaidh fris, ol in fer maith bes is cara no is coibhdealach dúinn fil ann, &ersir; is h-e ros-anacht in sabhall. Ro fiafraigset can dó. Do-raidh Senán ba don t-sluag ro innredset in tir do, &ersir; ni bui cara na coibhdealach dhó isin tir. O ro airigset iarum curbo duine cu rath De h-e ro anaicset &ersir; ro idhnaicset uatha as in crich co h- imlan. Luidh-sium co tech araili fir mhaith i crich na n-aicme do chuinghidh dhighi, ar ba scíth &ersir; ba h-itadach oc imdeacht a n-diaidh in t-sloig. Bui dano fleadh urlamh isin tigh sin do ri na tuaithi. Ro h-eradh dano Senan &ersir; luidh cen biad cen dig as in tigh. Tainic in ri docum an baile do chaithimh na fledhi 'ar n-imthecht do Shenán. IN tan dono at-cós dó taispenad an bhídh &ersir; in leanna frith, na uisqui bren &ersir; na biadh bren. Ro ingantaighset na sluaig in gnim-sin. Do-raid in ri: Inn dechaid nech uaibh fo era bhidh nó leanna? Ni dhechaid, ar siat, acht oen-gilla do lucht no aes na creach tainic sunn do chuinghidh dighi, &ersir; ni tardad dho. Do-raidh in ri: Tiaghar a n-diaidh in duine sin, ár is duine co rath De h-e. Do-cuas a n- diaidh Senáin, &ersir; tucadh dochum an tighi, &ersir; ro bennach in biadh &ersir; in linn, &ersir; do- dhechaid a m-blas coir dhoibh, &ersir; ro ingantaighset na h-uili do connuic in mirbuil-sin.

Laa n-aill do-luidh Senán co n-damhaib a athar leis a h-Urrus aniar da m-breith sair do Mhaigh Locha co n-faca in muir lan ara chinn. Ba focus dano adhaigh in tan sin. Luidh do chuing- hidh thighi aeighed co Dun Mechair bai i comfhocus do. Ni raibhe dano Mechar ina dhún in adaig sin, &ersir; ro dhiultsat a muntir fria Senán. Luid Senán for cula docum in mara, do fhunnraidi tragha, &ersir; ní raibhi i comfhocus dó tech ele dia rachad annsin. Amhail lotur a dhaimh reme a tracht in mara co n-fhaca in mur-traig ara chinn. Imanaid a dhamha iarum tár in traigh. Amal ruc Senán a chosa tarsin adhart suas for tir co forcluin in tonn oc bein ria shaluibh. Sóaidh a menma fris in tan sin, &ersir; iss ed ro raidh: IS lor dam a fhat i tú occ on loechdhacht-so. Brisidh iar sin in gai bai 'na láim, &ersir; do-righne crois de, &ersir; saidhidh i talmain, &ersir; slechtaid fo tri aice do Dia. Luidh dana caibhdhen &ersir; ro aircset in aidchi-sin dún Mechair, &ersir; ro ortsat a mac, &ersir; rucad a ben a m-braid; &ersir; ni ro h-aitreabhad o sin ille in dún, &ersir; nicon dingentar co brath.

Luidh Senán co farcuibh a dhamha oc a athair, &ersir; teit iar sin, &ersir; geibhidh bachaill o Cassidan ancharadro gabh recles i crich Urrais. Do Chiarraigi Chuirchi dano, do Cassidan. Leghaidh dano Senán a shalma &ersir; a ord ecalsa la Cassidan.

Luidh dano Senán do legad cu Notail cu Cill Manach Droichit i crich Osraigi. Ba h-e, immorro ord bai oc un scoil .i. no theighedh cech fer don scoil in la ro-soigsed dó inghaire laegh na cille. IN lá dano do-rala do Senán techt do inghaire na laegh in tan no imaineth a laeigh roime i l-leth-sea ticdis na bai ina n-diaidh. In tan no imanad na bai i l-leth n- aill ticdis na laeigh 'na n-diaidh. IS h- i comhairle do-roine Senán fris-sodhain. Do-rad tóruinn dia bachaill etarra &ersir; na laeigh &ersir; tar in m-brugh a m-batar, &ersir; ni lamad nechtar dhe techt do shaiged araili tar in torainn- sin, &ersir; ro ghnith Senán amlaid sin gach la ro-soiched dó ingaire na laegh. Téighedh dano Senán do denum a leighinn iar sin co ticedh trath tabarta na m-bo dia n-innis.

O ro-chuala Senán a radh do Crist fria apstalu, Si quis inter uos uult maior fieri, sit uester minister et seruus Mt. 20:26 ro ghabh do laim don scoil athaighidh in muilind. Bliadain dano núna &ersir; gorta moiri in bliadain sin. Batar da latrainn isin crich oc slait chaich. Ro raidhset i n-araile aidchi: Cidh do-ghniaid innocht do iaraidh neich dún? Raghmait, ar fer dhibh, do mhuileann Cille Manach, ár bidh aein-fer ann cech n- aidchi oc bleith arbha, &ersir; oircfimit an fer-sin, &ersir; do-beram cucainn in t-arbur. Lotar cu m-batar a n-dorus in muilinn. Fegait tria tholl na comla co n-fhacatar in dias isin muilinn, indalanae oc leighiunn, araile oc trathairecht an mhuilinn. At-berut iar sin eturra: Cidh do-ghenum? In bh- foiberam na fira? Ni fhoiberam, ol siat, ár in fer fil oc bleith is leis fesin in t-arbur mheilius, &ersir; ni h-inann muinter dhoibh, &ersir; raghaidh dia thigh acht cu roisc dhó a bleithech, &ersir; raghmait 'na dhiaidh, &ersir; oircfimít h-e, &ersir; bermait linn a arbhur &ersir; a fhodhbh, &ersir; do-ragham iar sin docum in muilleora &ersir; oircfimit h-é, &ersir; bermait a arbur uadh. Ro ansat iar sin gu tairnic in bleithech. Scoiris in t-oclach bui og bleith in arbha issin muilinn. Iadhais dano Senán a leabhur &ersir; contuil. Bui dano a chele cen codlud. Anuid na ladrainn a n-dorus in muilinn co maduin. O thainicc in madan osluicid Senán in muilenn. Tecuid na ladrainn chuige isin muilenn &ersir; do-raidhset fris: Cia ro bui itt farrad cein ron-boi ic leiginn &ersir; ic codlud? Nir' bo machtnadh, or Senán, cid h-e no beth ann, inti dia n-ebhradh Non dormitabit neque dormiet qui custodit Israhel Ps. 120:4 . Caide-sidhe? ar siat-sum. Atá i bh-fogus, ar Senán, ut dicitur: Praesto est dominus omnibus inuocantibus se Ps. 144:18 . Do- ghniat immorro aithrighi na latrainn, &ersir; ro laiset in aentaidh re Notail, &ersir; ro fheidhlighset iar sin ina chomhaidecht cein batar beo, &ersir; it iat fein ro innis in scél-sin.

Aidche n-aill do-luidh Senán do cuinghidh cainnel cusin coic do bleith in arbha. Ni fhileat coinnle tumtha agam, or an coic, acht aen-chainneal, &ersir; ber-si lat coleic, &ersir; berthar cainnli duit acht co tumthar. Luid as Senán dia muilinn &ersir; a aen-chainnel lais. Fo-cerd dano menma in coca thairis cur' bhá slan a sechtmain. IS ann do-raidh in coic: IS machtnad linn na tic in muilleoir do chuinghidh cainneal &ersir; se ic bleith gach n-aidhchi. Luid didiu i tosach aidche dia fhis cinnus no meileadh cech n-aidhchi, &ersir; fegaidh tria tholl na comlad co n-acca in cainnealbra occa &ersir; in muilenn for bleith a oenar, &ersir; sesium oc denam a leighinn. Luidh as in coic iar sin dia thigh. Do-thoet dano arís arabaruch im iarmheirghi dia fhis cinnus dom- both isin mhuilinn. Co n-aca in cainneal cetna for a cainnelbra feibh ro bhui tosach aidhchi. Luidh dano in coic dia thigh in fecht- sin, &ersir; do-toet doridisi co n-acai samlaid. Ro scaich la sodhain in bleith, &ersir; scoires in muilenn a aenar &ersir; do-berur in cainnel don coic. Ba derbh immorro lasin coic ann side ba sí in cainnel tucadh uad ro bhui oc Senán ar caithimh cech n-oidhchi co cenn sechtmaine &ersir; ní ro didhbhadh. Teit in coic dano &ersir; at-fet do Notail inní sin. As mac raith do Dia, ar Notail, in fer isa scela sin. Timaircfidh muinntir do Dhia. Do-gena Dia mor do fertuibh &ersir; do mhirbuilib aire. As coir bheith 'na fhaitchius, áir bidh mairg donti do-gena a aimreir. Mo-genar dontí bus riarach dhó.

Luid Senán laithe lá aidi, la Notail, for tirus co Cill Mhóir Arad Tire. Amal rancatar dorus na cille co n-fhacatar in sochraite n-dermhair oc cáine &ersir; oc toirrsi .i. aen-mac tuisigh na tuaithe robo marb acu &ersir; se ica breith dia adhnacul. O 't-conncatar na cleirig a n-docum ansat ara cinn, &ersir; ro raid in ben friu: Ar an Coimdhi dia n-adhraidh, a clérchu, to-dhúiscidh dam-sa mo mac marbh! Monuar dhuit, a ben, ar Notail, a n-at-bere: is la Dia a chomus in gnima sin &ersir; ni la duine. Ar bháide &ersir; ar trocaire, ar in ben, áilidh-se lem-sa an Coimdi-sin cu ro thod- huisce dam-sa mh' aen-mac; &ersir; do berad in mac a bh-fhiadhnusi Notail. Na tuc ille in mac, ar Notail, acht tabair do Shenan. A mo shruith, ar Senán, ni coir a n-at-beri. As coir eicin, ar Notail, ar is duit ro ceduigh Dia to-dúscadh in mheic, et geibh in mac fot coim, ar as ced duit. Ni lamhair dano Senán friththairisium friá aidi. Gaib- hidh in mac fo a coim, &ersir; ro dhluthaig fria cridhe, &ersir; do-ghni ernaighthi n-dicra air maille deruibh. Nir' bhó cian tra gu cualatar in mac oc labhra fa coim Senáin, &ersir; do-rat in mac beo do Notail. Do-rat Notail i l-láimh a mháthar. Ro morad ainm Dé &ersir; Notail &ersir; t- Senáin triasin bh-firt-sin. Lotar iarum na cleirig dia cill fein o ro gleset in les frisa tancatar.

Ro leth tra clú Senáin fona cricha da gach leth ara mhet d' fertuibh &ersir; do mirbuilibh do-ghnith Dia aire. Ticdis na tuatha &ersir; na cenela as gach aird ina dhócum: foirenn dibh co n-almsanaibh &ersir; co n-duthrachtaibh, foirenn aile do chuinghidh almsan, foirenn do cuinghid a n-ictha o gallraib, foirenn do ghabhail a anmcairdiusa, foirenn da cur a n-aentad fris &ersir; do ail cu ro ghabad inad reampaibh. O ro airigh Notail inni-sin ro raidh fria Senán: A brathair inmain, as mithig duit dul do ghabail inaidh riasin popul fuil 'god togha. Do-ráidh Senán: A athair, a Notail, ni coir inni it- berid, ár ni h-edh sin domidar-sa acht bheith i mainchine acut-sa do gres. Do-raidh Notail: Ni h-amhlaid bias, acht eirg &ersir; geibh baile risin popul fil 'gut furnaidhi. A athuir thogaidhi, ar Senán, cidh no rag &ersir; cia h-airm i n-gebh inadh? Do-raidh Notail: A meic inmain, faillsighfidh duit inti fil 'gud togha in maigin a n-gebha.

LUIDH Senán do comhairli a aidi .i. Notail i cenn shéta &ersir; do-beir Notail a bennachtain dó, &ersir; geibhidh Senán a n-Inis Coirthe do thaeibh na Slaine i crich Ua Cennsilaig. Do-ghni dano aentaidh &ersir; M'oedhoc Ferna Moire. Timnuid M'aedoc a baili dia eis do Senán &ersir; a bachaill, &ersir; geibhidh aipdine Fherna déis M'oedoc.

Teit as a apdhaine do Roim. Teit o Roim d' acalduim Martan cu Torinis. IS ann ro bhui Martan oc scribhiunn t-soscelai ara chinn-som. IS ann ro raidh Senán: Ropadh amra lium comtais iat na lamha ut at-cím oc on scribenn do-berad sacarbaic dam i laithe mo éitsechta. Bidh iat ecin, or Martan. Et do-ghniat a n-aentaid ann sin, .i. Senán &ersir; Martan, &ersir; do-beir Martan do Senán i comartha a n-aentad in soiscéla ro scribh ara cinn. IS essidhe soscél Senáin inniu.

Luidh Senán iar sin do saiged Eirenn co toracht cu Cill Muine co Dabid. Do-ronsat a n-aentaid annsin Dabid &ersir; Senán, &ersir; do-rat Dabid a bachaill do Senán a comartha a n-aentad.

Luidh iar sin Senán for muir do shaiged Eirenn, &ersir; gabais ind ailen Arda Neimidh i crich Ua Liathain, &ersir; anaidh annsin fria re .xl. la &ersir; aidhchi, gur' fhaillsigh Dia do inad a eiserghi. Tainic dano Raphel archaingel d' agallaim Senáin, &ersir; do-raid fris: Viriliter age et con- fortetur cor tuum, quia ad te Dominus tantam familiam congregabit Ps. 30:25 . Eirg dano, &ersir; geib inad risin mor- popul fil agut furnuidhi. Ceist, ol Senan, cia leth no rag, &ersir; cia baili i m-bia mo eiserghi? Ni tainic duit cu sodhain, ar in t-aingel, ar ita do lín in popuil do-rinolat chucat cu nach tallat ocut ind oen-bhaili. Conudh aire sin gebha-sa congbhala imdha ar tús, &ersir; ro seis iar sin cu maighin i m-be h-eiserghi.

Facbus Senán drecht dia muntir ann sin, &ersir; luid for forcongra in aingil cu rainic Inis Cara i toibh Luae, &ersir; fothaigis eclais do Dia ann. IS ann tancadar lucht luinge a tiribh Letha dia n-oilithre ind Eirinn, cóic deichnebuir a lin uili do aes foirfe. Ro tog didiu gach dechnebar dib a men- marc do naemuib Erenn, &ersir; ro laiset for a muinterus riasiu tistais asa n-duthaig fein, &ersir; ro laiset forro ainecrus a n-indtige &ersir; a n-imtechta co toirsitis Erinn .i. la co n-oidce do gach ceitirn gusa naom asa muindterus no togad do luamairecht a n-imramo co roised cach gusa noem do-raega. It e dono naoim do-raegatar .i. Findia &ersir; Senan &ersir; Brenainn &ersir; Ciaran &ersir; Bairrei. A l-lá dono do-ralo do muindtir t- Shenain enechrus an imrama, ro raid an luamaire: Cuich an la-so aniu? Lá muindtere Senain, ar siat. Torced cobair co luath uadaib ma ta ocaib nech nos-toire, ar do-rala an gaeth anarnagaid. At-racht espoc Mula dib fo cétoir, &ersir; as ed do- ralo ana laim cnaim na lairge air, áir as í uair ro batur ag proindechad; &ersir; bendachuis in aer &ersir; at-bert: A t-Senain, tiged cobair go luath, &ersir; taet an gaeth ina coir. O ro raidh espoc Mula na briathra-so tarla in gaeth ina n-diaidh isin bhrut, co nus-tarla 'na feth choir, cu ro ghabhsat ic Corcaig. Anuit a mhuindter la Barrae. Lotar olcena cu Senán, co h-Inis Cara, &ersir; ba foilid friu, &ersir; ansat aice a muinter fein .i. espoc Ioháin &ersir; espoc Mula a n-deichenbur, &ersir; tiagur uadh la muintir co Finnia &ersir; Ciaran &ersir; Brenainn.

IS AND sin tancus o righ Raithlind .i. o Lugaid Cíchech, do cuingidh arrad co Senán. Do-raidh Senán frisna techta nach biath fo chis do righ talmanda. Ba lonn la Lugaid ind aithesc- sin, &ersir; do-raidh re muintir: Beiridh mo each m-buadha cusin clérech, &ersir; biattar ar arbur aice h- i. Tucadh iar sin in t-ech co Senán, &ersir; tucadh a lind in proinntighi dia fothracad, &ersir; baitter acétoir in t-each isin linn, conná ces di acht a cara uasin lind; conadh de do-garar Inis Cara, ar ba Tuaim n-Aba a h-ainm co sin.

O ro h-indisedh do Lugaid a ech do bhadhud do-luidh co bh-feirg &ersir; lonnus co Senán, &ersir; baghaidh fris cu mór. Fergaighius Senan fria Lugaid &ersir; do-raidh na gebhtha righi cu brath uadh for Uaib Echach, et do-raidh beous no ghetad nem &ersir; talmain aire mina thugad a reir dho. Do-batar immorro da dhalta ag Lugaid .i. Aedh &ersir; Laeghaire, &ersir; do-raidhset-side ris: Tabhuir a oighreir don clérech. Do-rat iar sin Lugaid a oighreir doibh-sen &ersir; do Senán, &ersir; facbhuidh Senán ordan do gres for cloinn Luigdech. Do-rat dano Aedh &ersir; Laeguiri a oighreir do Senán, et for- facuibh Senán doib-sium rigi h-Ua n-Echach ocu do gress cen tiactain eatarra cein do- ghneat reir Shenáin. Cunad de sin ro chan an file co rath n-De .i. Colman mac Lenin, an laidh: Aeinis Senan tes ind ailen Arda Neimidh, fria crabudh ceart, cídh nach co m-maith ba feacht feidhil. Feidhligius ann cethracha la la fir-fiadhait no gu tainic Raphel aingel cruth ad-fiadhait. As-rubart ris Raphel aingeal ro ataire ára tesseadh, taghraim sonae, do Tuaim Aibhe. Fothaighius altoir iar suidhiu isin tuaim-sin la breithir n-De feidhligius ré isin ruaim-sin. Raitti ris-sium o Lugaid lonn lith co maithgreim arradh co m-brigh cen nach drochrainn do righ Raithlenn. As-bert Senán frisna techtaibh tograim n-allmhar nach beth fo chis, na fa fhoghnam do righ talmhan. Lotar a techta co Lughuidh cosin n- aithesc: fochtais forro cen nach n-aithiusc coir a cleithescc. Búi ech amra lassin Lugaid, fer co n-déine, aille da each ni frith ara m-beth a nd-Éire. Beiridh mh' ech-sa cusin clérech, lith no labhrad, tré breithir m-brais cu ro biattar lais ar arbur. Cosin anall ba h-edh a h-ainm, Tuaim na h-Abha, cunudh de ata iar suidhiu, Inis Cara. Do-luid anes riu ri Raithlenn, ruathar nuallach, ar beluibh caich gur-rabáidh fria Senán sluaghach. IS edh is-bert risin cleirech Lugaid Cícheach tre labhra lonn a bhreith a n-uisci trom thirech. Fo bith a n-as-bert fris Senan, sasadh n-allmhar: ní seol sidhe, ni gebhthar uait righi talman. Ni gebhthar uait righi rathach, ruathar creachach, tre breithir naeim ni bat suthach ar Ib Eachach. Acht mina thabra mo reir-sea, gnim gu n-glanbhail, radh as-robhart gétad orat nemh is talmain. Nocha maith do-ghni-si, a Lugaid, gnim gu n-gartghail, Senán soer sreidh tabair do a reir, ar a daltaibh. Tabair a oighreir don clérech, cruth ro techta, cen labra len, curap scel co deireadh m-beatha. Do-rad Lugaid reir do Sheanan ara bh-fuighled, do-breth fír ordan fonn foghlach do clainn Luigdech. O do-ronsat ógreír Shenáin, sássad sainricht, in dís máraen Aed ocus Laegaire laindreach. O do-ronsat oighreir Shenáin sloindti aiffrinn do-bert doibh la sídh is so- chlainn righe Raithlinn. As-rubhairt briathar ind apstail shaerus saetha righi nat baeth d' Aedh is do Laeguire laechdha. O ro clai-sium cath for deman ni len claoine mór do ghradhaibh do-ratad dhó daltaibh aine. Ainius

FOR-facuibh Senán iar sin ochtur dia muintir a n-Inis Caro im Cillín &ersir; im Fheichin, mac-saidhe righ Múscraighi &ersir; dalta do Senán h-é. LUID Senán iar sin la forcongra n-De cu ro ghabh a n-Inis Luinge, &ersir; fothaigis eclais innti. IS ann sin tancatar na noemh- ógha a dhochum .i. ingena Brenainn righ O bh- Figeinte, &ersir; ros-idbrait do Dia &ersir; do Shenán. Ba h-i sin primit Eoganachta Gabra do Senán. Facbaidh Senán iarum in recles leo-som. lineation jumps from 2153 to 2155. An empty line-break is inserted here. LUID Senán as-side co h-Inis Moir i nd-Irrus Deiscirt. Nous-beir in gáeth seice cu ro gabsat a n-Inis Tuaisceirt. Anais dano Senán i suidhiu &ersir; fothaigis eclais do Dhia innte &ersir; facbais drecht dia muintir innti.

LUID Senán iar sin cu ro ghaibh a n- Inis Moir &ersir; fothaigis eclais innti. Tipra asa tabartha usce doibh, do-luidh ben do lucht na h- indsi do nighe eduigh a meic ina docum. At- connaic espoc Sétna inní-sin, &ersir; ro raidh: IS olc in gnímh út. Cía gnímh sin? ar Libern mac Daill. Bannscál ag nighi eduigh a meic as in tiprait asa tabarr usce oiffrind dún. Do-choidh a mac uaithi dar or n-Éirenn, ar Libern. IS ann bai in mac in tan sin oc cluichi for bru inn aille i bh-fiadhnuse a máthar. Do-fhuit in mac isind all. Goilis in bannscal a n-diaidh a meic. IS olc dhaibh in dun-orcuin do denumh, ar Senán. At-damam pen- nait forainn, ar siat. Do-raidh Senán: Eirigh-si, a escuip Setnai, ar ita fochunn duit a m-basugud in mheic, &ersir; beir lat Libhernn, &ersir; facaib é for an carraic gu ruca Dia breith fair, &ersir; tuc lat a mac don mhnái. Luidh espoc Setna cu farcoibh Libern in a carraic, &ersir; luidh for iarair in meic, cu bh-fuair isinn orcel i raibhi, &ersir; se oc cluichi frisna tonna .i. do-roicdis na tonna a dochum cu tibhtis uimme. No thibhedh-som frisna tonnuibh, &ersir; do-bereadh a bhais fria h-uan na tonn, &ersir; ro lighedh amal uan lemhnachta, et bui in mac annsin on trath co araile. Geibhidh espoc Setna in mac chuigi isin noi, &ersir; do-beir do Senán, &ersir; do-beir Senán dia máthair. Do-raidh Senán fria h-espac Setna: Eirg &ersir; tuc Libern as in carraic, ar at-ciu is coindircleach a breithium fris. Ni tic in muir chuice fot a bhachla gacha lethi uad. Luidh iar sin espoc Setna, &ersir; do-beir Libern lais as in carraic co h-airm i m-bui Senán.

Do-raidh Libern: Ni má dhun cia no beimis inn aice neich im usce sunn. IS ara fíad duit-si, ar Senán, ár ita tipra fot cosaibh isin bhaile i tái. Saidh do bhachaill ra taebh do coisi isin talmain &ersir; do- theperfea usce duit. Saidhid Libern a bhachaill la taebh a choisi isin talmain, &ersir; do-eiprinn fo cétoir topur firuisce as in maighin-sin, &ersir; is h-e a h-ainm, Tipra Libernn.

Do-raidh espoc Dalann: As criata brisc in talam: nochnaife in muir &ersir; beraid leis ar reilgi-ne: ni maith in baili eiseirghi dun. Nib amlaid sin bias, ar Libern, acht tabhair mu da bhonn-sa frisin muir in tan do-ghenaidh mo adnacal, &ersir; nom-bia-sa o Dhia na brisfe in muir in talmain sin o sin amach; et ro comailled amlaid.

FACBAIDH Senán espoc Dalann &ersir; espoc Setnai &ersir; espoc Eirc &ersir; Libern mac In Daill &ersir; araili fir noemu maille friu a n-Inis Moir, et do-luidh Senán cor' ghabh a n-Inis Caeirech &ersir; facbuidh drecht dia muintir indti. Do-luidh Senán as sin cu ro ghaibh a n-Inis Connla i crich Ua Setna, &ersir; fothaigis eclais ann, et facbaidh dís dia muntir ann .i. espoc Fiannai &ersir; espoc Findein.

IS AND sin tainic Raphel archaingel d' acallaim Senáin, &ersir; ro raid: Tair leam co ro faillsigiur duit bhaile i m-bia h-eseirghi, ár is mithig la Dia a rochtain duid. Lotar iarum Senán &ersir; in t-aingel cu m-batar for mullach Feis. IS annsin do-raidh in t-aingel fris: Feg lat in n-indsi tall: is innti bias h-eiseirghi &ersir; eiseirghi shlóigh mhoir do naemhuib maille frit. Ni fhil a n-iarthar betha ailen is noeime. Ni dernad tocradh Dé ann. Ro fhaidh Día péisd adhuathmhur da imchoimhet cona ro aitreabdaiss coraidh náit meic mallachtan innti, acht gu m-beth a naeime ar do chind-sa. Do- cuirfither romat-sa in bhéisd út as inn ailen na ro craide do muintir a comaitriubh frie, ar is mithig la Dia do dhul-sa do chumhdach ecalsa isin n-oilen sin. Bidh uasal airmheitnech an eclais-sin. Bidh cenn crabhuidh &ersir; bidh topur ecna iarthair betha. Bid dín attaig do Gallaib &ersir; do Gaedealaib. Ro raid Senán frisin n-aingel: As mithig leam-sa inní is mithig la Dia, ár is ed connaigim-si do gres, inní is tol do Dia. La sodhain tocbhait na h-aingil leo h-e cusin licc cloichi for a m-bídh ina shuidhi do mhullach Fessi, cu ro fhuirmit for tulaig aird a medon na h-indsi, conudh de sin itá Ard na n- Aingel &ersir; Lec na n-Aingel a n-Inis Cathaig. Canait molad do Dhia isin maighin-sin .i. Senán &ersir; na h-aingil, &ersir; lotar iar sin do shaigid na piasda cusan inad a raibhe an péisd.

O 't-chuala an peisd iat, ro craith a cend, &ersir; ad-racht a guairi fuirre &ersir; a gairbh-driuch, &ersir; ros-feg co h-ainserg ainniardhai. Nir' bhó ciuin, cairdemail, cennais in fegad do-rat forro, ar ba h-ingnad le nech aile da h- indsaigid ina h-indsi. Do-ching dono a n-a n-dochum co tren &ersir; co tairptech, cu ro crithnuigh in talam fo a cosaibh. Ba h-eitigh, anaithnid, angbhuidh, adhuathmhar an míl doeirig ann. Airrter eich lé: rosc loindrech lasamain 'na cinn os sí feigh feochuir fichda fergach faebhrach for-dherc fuilidhe firamhnus forluaimhnech. Ba doigh la nech is trit no theiged a rosc in tan ro shilled fair. Da chois urgrana imremra foithe iar n-airrter. Ingne iarnaidi fuirre do-boingdis frasa teinedh as na h-ailchibh cloiche airm i cingdis tarrsa. Anal tenntidhi le, no loiscedh amal gris. Midhbolg aice cosmhuil re bolg-sidhe. Eithre muirmhil fuirre iar n-iartar. Ingne frithrosca iarnaidhi forra-saidhe. No lomraitis forrúsc in talmhan leo in conuir no theighdis a n-deghaidh na píasta. IS cuma no imthighedh muir &ersir; tír in tan ba h-al dí. Ro fhiuchad didiu in fairrce ar mhét a brotha &ersir; ara neimhnigi in tan no cingedh innte. Ní is n-etfaitis ethra, ni térnai uaithi ó sin inall nech at-fessed a scéla. O do- rocht iarum an péisd cu feochair cusin maigin i m-bui Senán, oslaicidh a craes cu m-bó reill a h-inathar tar in croes docum in cleirig. Do- thocuib Senán a laimh la sodhuin, &ersir; do-bert sigin croichi Crist ina h-aghaid. Sochtais in pheisd iar sin, et is edh so ra ráid Senán fria: At- berim friut, ar sé, ind ainm an Athar &ersir; an Maic &ersir; in Spírto Nóib, facuibh an n-indsi- sea, &ersir; ni derna urchoit isin crich tarsa raghai na isin crich cosa ricfa. Luidh acedair in péist la breithir Senáin as ind ailén gu riacht Dubloch Slébi Collain, &ersir; ni derna urcóid do neoch co rainic sin na iar rochtain, ár ni lamhair techt tar breithir Senáin.

LOTUR dano iar sin Senán &ersir; na h-aingil for deisil timcheall na h-indsi cu rancatar aris Ard na n-Aingel iar coisecrad doibh na h-indsi, do-raidh Senán frisind aingel: Is amhnus in muir fil imon indsi, as doigh popul imnedach indti. Gidh amhuus, ol in t-aingel, gebe manach co n- umla craidhe raghus fri h-erlathar uait-si ni baithfidir co tora cucat doridhisi. Roir Dia duit, or in t-aingel, ni ba h-ithfernach iar m-brath anti dara ragha úir na h-innsi-si. Is ann at-bert in t-ai&ndot;gil in rann-so: Muir n-ard n-áinbtheach seoch a taeb. debrad nocha rigda dúil ní blaisfe pendaid acht ecc intí tara tét a h-úir.

O RO-clos fona tuatha an scel-sin .i. Senán do aitreib a n-Inis Cathaig &ersir; d' innarba na péiste aisdi, O Ro-cuala immorro Mac Tail, ri h-Ua Figeinti, an scel-sin, ro fherguigh, &ersir; is ed ro raidh: Cia ro- lamhair, ar se, aitreb mo thire-sea cen deoin damh? Faidhis a rechtaire uadh cu ro ghaibh ar braithribh Senáin .i. ar Chael &ersir; ar Liath, co n-dingbhaitis a m-brathair asinn innsi. Lotar-saidhe don indsi co Senán, &ersir; do-raidhset fris: IS dot breith-si as in innsi-si thancamur-ne, ar ro thubh ri h-Ua Figennte frind. At-beir is leis an indsi-sea &ersir; innse Luimnigh olcena. IS deimhin, ol Senán, ni ba leis an indsi-sea, &ersir; ni ba mó a chuit dona h-innsibh olcena oldas mo chuid-si. IS deimhin, tra, ar a braithri fris-sium, is eicen duinne do bhreit-si as in indsi. Geibidh iar sin cechtar dhe a lámha &ersir; ro tairrngit leo ar eicin tar an carraic sis. Ba fergach didiu boi fris-sium, Cael oca sreing fris frisna clocha cur' brisedh uile. Cidh tai, ar Cael fria Liath, na tairrnge in fer-so maille frium? Ni dhigen, ol Liath, as aithrech leam a n-dernas fris. Da mad do dhenam gnima ele thista is amlaid do- genta. Cidh armadh ferr lat do thir diles do breith uait inas breith an gilla-so as in tír nach leis? As usa liumsa, ar Liath, cidh facbhail na h- Eirenn inás sárugud ind fir-si. Ni ba h-eicen, ol Senán, áir aitreabhfuidh do clann ad diaidh an tír. In fer út charus an tír ni aitrebha fein na a clann dia eis, &ersir; bidh tusa nos-melfa. Lotar iarum as, &ersir; facbhait Senán ina innsi. Amal ro-siacht Cael dorus a lis ind Ochtar Maigi Fochailleach luidh do dhian-bhas. O 't-connaic Liath inní-sin luidh co Senán arís &ersir; do-ghni aithrigi. Do-raidh Senán fri Liath: Ni sechbhaidh duit cen aentaidh fria Cael, ár ni bhadh shia do shaegul ina Coel, &ersir; ro bad didhbad do clann. Do-raidh Liath re Senán: In tibhirter corp in truaigh út cucat? Ni tibirter, ar Senán, ár ní cubaidh a ainim ag Diabhul &ersir; a corp lium-sa: acht adnaicter isin tulaig i torchair. Ro h-adhnacht iarum Cael isin maigin-sin, &ersir; ro didhbat a clann dia eis, &ersir; ata a thir la Senán.

LUIDH dano a rechtaire co Mac Tail, &ersir; at-fet a scéla dho. Ba bronach Mac Tail dona scelaib-sin, &ersir; ro raid: IS saoth lium, ar se, in bachlach ut do ghabail form ar éicin. Adubairt a dhrúidh frisin righ: Ni rice a leas a shnímh fort, ar do-ber-sa sén chuigi, &ersir; at-bela no fuicfidh do thír lat-sa. Ba faeilid in ri don aithiusc sin, &ersir; luidh in drai iarum, &ersir; do-beir dá chairpthech in righ i n-eccor for Senán, &ersir; scorais isin maighin ba togha lais isinn innsi. Luid iar sin co h-airm i m-bai Senán, &ersir; ro chan brechta ina agaid, &ersir; do-raidh: Facuib an tír lasin sén- sa. Do-raidh Senán: Do-ro at cenn do shena. is fort-sa bus mela. ba at tru cen deilm n-dina. is tusa not-béla.

IS treisi an sen tucus-sa lim, ar Senán, &ersir; is ferr mo dhan. Biaidh ní dia fesamur, ol in drai, ár do-ghen-sa innousa ní nach dingne-siu. Ni dingne-sa ní do maith etir, ar Senán, nach dingen-sa. Cech olc do-ghena cuirfidh Dia leam-sa for cúlai. Do-rat in drai doirche darsin n-grein conach faicedh nech aighedh a chéli isind innsi. Senais Senán na dorcha co n-dechatar as fo cétoir cu m-ba solus. Do-rat an drai toirnech &ersir; saignenu imdha &ersir; cumasc mor isind aer. Senais Senán sin uili, &ersir; berthe for culai. O nar' chumhaing in drai tra ní do Senán, luidh as ind inis &ersir; do-raidh re Senán: Nachat-aicim-sea ar mo chinn sunn in tan tíos aríss. Cidh theighi-siu? or Senán. I l-leth téighim, ol in drai, ni fhedrais-si &ersir; ni fheisir cun ticabh, &ersir; can do-rrag do dócum arís. Má ro-fhetar-sa, or Senán, ní ticfa tusa aris, san tír asa téighi, &ersir; ni ba soinmhech duit isin tir i ricfa. LUIDH as iar sin an drai la feirg, &ersir; dolbhais chiaigh uime ar na h-aiceasda cu m-bai i n-Dairinis .i. inis bui ar belaib Innsi Cathaig anairdhes. IS airi do-chuaidh innti, co n-dighsedh i formnai a dhana innti, &ersir; cu ro thochuiredh demhna dia fhoiridhin, ár nir' lamhsat demhnai techta dia fhoiridin i n-dagaid Senáin. O ro-siact tra an drai cu m-boi isind inis tic in muir tairrsi &ersir; baitter in drai cona muintir innti, conad h-í sin Carrac na n-Druadh aníu. At-ces do Mac Tail an drai do bhádhadh, &ersir; ro fhergaig de co h-adhbhal.

BOI dano in tan sin comhdhal forsin righ i Corca Mruadh. Taraill lais co h-Inis Cathaig, &ersir; raidhis fria Senán: IN tusa gheibhes mo thir frim-sa ar eicin, &ersir; ro mharbh mu drai? IS deimin bidh inann adnacul daib, áir leicfiter cloch fot braghait i fudhomhuin na fairrgi do dighuil fort in gnima do-ronuis. Ni leat a chomus, ol Senán. Do-raidh dono an ri fria Senán: Na tiaghat mu eich i mudha ocut. Ni ba misi bus echaire duit, ol Senán. IS chugut-sa tucus-sa mo eocha cu tisar dom thurus. IS tualaing Dia, or Senán, connach ticfa-sa arís is-tir-sea, &ersir; cun ná rís cenn do sheta. Sluicid dano in talam na h-eochu isin maighin a m-batar, i bh-Fán na n-Each, a n-iartur Innsi Cathaigh. Do h-indised don righ inni-sin, &ersir; ni ba ferdi lais a menma. Nir' choir duit, ar a mac frisin righ, a n-dene frisin cleirech, &ersir; do-fhetamur do- ghebha dígail fort ind. Ni mo lem a brigh, ol in rí, inas cúra mhael lachtnai. Gin ghub nertmur sin, or Senán, as tualaing Dia co ticfa h' aided-sa dhi.

Luid iar sin in rí i cenn t-seda la feirg &ersir; diumus. IN tan dano ro-siacht cu m-bai oc imtecht ra taebh n-aille i tuaiscirt Chriche Baiscind, fo-ceird in cura mháel lachtna bedhg fo chosaibh na n-ech batar fon carput, co n-dernsat na h-eich cuclaigi moir fon carput roim in caeirig, cun rala in rí as in carput, cur' ben a cenn fria cloich, co n-eipilt de, &ersir; co n- dechaid la miscaidh Senáin fo dhimbuaidh martra docum ithfrinn isin maigin-sin, la dilsi a thire do Senán ó sin imach. LUIDH dano Dondan mac Leith, dalta do Senán, &ersir; da mac becu batar ic leighiunn imaille fris do bhuain duilisc leis ar tír. Beridh in mhuir a naei uadha, cu na búi oca naei ar cenn na mac, &ersir; ni raibhe noi ele isin innsi do cabair na mac. Ro baidhit dano na meic isin carraic. Tuctha dano a cuirp arnamharach cu m-batar i tracht na h-indsi. Tancatar a tuistidhi co m-bátar isin tracht &ersir; do-chuindighset a macu do tabairt doibh a m-bethaid. Do-raidh Senán fria Dondan: Abair frisna macuib eirghi dom acallaim. Ro raidh Donnan frisna macuibh: As ced duibh eirghi dh' agallaimh bar tustidhi, ár it-beir Senán fribh. At-rachtatar fo chedoir la forcongra Senáin, &ersir; do-raidset fria tuistidibh: IS olc do-ronsaidh rind, oc ar tabairt as in tír rancamar. Cid armad fherr lib-si, ol a máthair friu-som, anadh isin tir-sin anas tuidecht cucaind-ne? A mháthair, ar iat-som, gia do-bertha cumachta ind uile dhomuin duinne, &ersir; a aibhnes &ersir; airphiteadh, ro budh inann linne &ersir; no bhemis i carcair ic feghain bheith isin bethaid &ersir; isin tír rancamur. Na fuirghidh sinn, áir is mithig linn rochtuin arís an tíri asa tancumar, &ersir; do-ghena Dia fornne cona bia ar cuma foruibh díarneis. Do-berud dano a tustidhi deonaghadh doib, &ersir; lotar aroen ra Senán docum a reclesa, &ersir; do-berur sacarbhuic dhoibh, &ersir; tiagait docum nimhe, &ersir; adnaicter a cuirp a n-dorus in reclesa a m-bai Senán. Et it eat sin cét mhairb ro h-adhnacht a n-Inis Cathaig.

TANCATAR dano Brenaind &ersir; Ciaran cu ro ghabsat Senán do anmcharuid doibh, ár ba sine inait fein, &ersir; ba h-uaisli a gradh .i. espoc Senan, &ersir; sacairt in dias aile. Ni raibhi dano biadh indairithi isin coitcenn in tan do-ríachtadar. Ro bhátar dano tredhenus cin bhiadh idir aeigeda &ersir; mhuinntir, &ersir; ni thoract biadh o neoch. Ro h-indised dono do Nechtain Cenn- fhada, do righ Ua Fighennti, Brenainn &ersir; Ciaran a n-Inis Cathaig oc acallaim Senain, &ersir; ba lan a treidhinus cen biadh. Ro raidh Nechtain fria rechtaire: IN tairnic ocut fúr na fleidhi oca rabhadhuis denumh dam-sa? Tairnic, ol in rechtaire. Beir lat cu leir do Senán cona aeigedaib fileat cin biadh a n-Inis Cathaig. do-ronad amhlaid sin, &ersir; tainic in ri fein cu m-bai i purt na h-indsi, ár ni lamhair in ri techt on purt cen deonugud Senáin. Ro taispenad in fhled don choic, &ersir; ro-fuc leis cu m-bui isin cuicind. Ro thochuired na clérigh dano d' agallaim an righ cu port na h- indsi, &ersir; iss ed ro raidh friu: IS eadh is ail damh más airichthe mo dhuthracht curub airichthe mo manche la Senán. Slechtuid Nechtain do Senán in tan sin, &ersir; ro udhpair cona shil ina dhiaidh i m-bith-dilsi cu brath do Dia &ersir; do Senán i bh-fiadhnaisi Brenainn &ersir; Ciarain. Do-ratsat na cleirig iar sin ben- nachtuin for Nechtain &ersir; for a shil cein no comalldais reir Senáin, &ersir; do-raidhset na clérig .i. Brénaind &ersir; Senán ná roissed righi na airechus na feibh thochusa inte do shil Nechtain ná dingned reir Senáin. LUID iar sin in ri dia crich, &ersir; berid bennachtain ona noemhuibh. Tancatar dano na cléirigh dochum a reclesa, &ersir; ro bennachsat in fhleid thucad dhoibh. IS annsin do-raidh Brenainn: As deimhin, ol se, biaidh dígal Dé i bhus &ersir; tall forsinti tomela torad aeine &ersir; urnaighthi Senáin co deolaidh in tan is damh-sa a caithium &ersir; Ciaran na ro comarleiced co n-dernsam a luagh do aeine &ersir; urnaigthi ar tus.

BLIADAIN tarta móir tháinic ann iar sin. Acainit a muinter re Senán beith cen usce occu. Tainic iar sin aingel De do acallaim Senáin iar n-ernaigthi dó ina iarmheirghi, &ersir; is ed at-bert: IS mór acainit do muintir friut bheith cen uisqui. Eirigh co n-accamur in bhaile i ta uisqui i bh-focus doibh. Ad-rachtatur fo cétoir Senán &ersir; in t-aingel, &ersir; do-chuatar cusin maighin i tá in t-uisci inniu. Do-raidh in t-aingel fria Senán: Tochuil sunn, ol se. Geibhidh cuaille cuill bui i comhfhocus dó, &ersir; tochlaid an talam amal ro raidh in t-aingel fris. Amal ro claid- headh Senán do-glanad an t-aingel. Do-raidh an t-aingel: As lor a dhoimne thochlai, ni bhia urcra ar uisci isin tiprait-si cein bias aitreib isin cill-so, &ersir; icfaidh cech n-galar do-berthar cuici. Saididh dano Senan an cuailli bui ina láimh for bru na tiprat cu raghaibh talam fo cétoir. Amhuil ad-rachtatar na braithri ar maduin co n-fhacatar an tiprait lán d' uisqui &ersir; in bili cuill for a bru.

FEACHT ann luidh Ciaran d' agallaim Senáin cu tarla clamha dhó in Ochtur Sceith. Gabhsat ailgius de cu tart a chasal doibh. Luidh iarumh ina enshnaithi cu m-bui for bru na h-indsi athuaidh. Ro faillsiged do Senán Ciaran do beith isin phurt. Berur dano naei cen chodhuil ar cenn Ciaráin, ár ní raibhi noi eli isin innsi. Luidh Senán cu m-bui isin purt, &ersir; a chasal leis fo a coim da thabairt do Ciarán, ar na budh imdergad do beith cen cochull. Amail do-rocht Ciarán in port do-raidh Senán la faitbedh: Ciarán cen cochull, or se. Bidh gairit mu nochta, or Ciaran, ita casal damh fot coim-si. Gabuidh Ciarán in casal uime, &ersir; is amlaid sin tancatar cusan recles, et is e sin casal Ciaráin iníu.

BRIGHIT ingen Con Cathrach de h-Úaibh Maic Tail, naemh-ingen ógh, gabhais reicles i Cluain Infide for bru Shinna. Ro bui aici-side casal i n-almsain do Senán, &ersir; ni bhui aice techtaire leis, co n-derna cliab bec do fhleascaib cuill &ersir; co tart cúnnach friss, &ersir; co tuc an casal inn, &ersir; cu tard a rinde do chuinghidh shacarbaice, &ersir; fo-ceird iar sin in cliabh for Sinainn, &ersir; at-bert: As ced duit sin do breith let co h-Inis Cathaig. IN la iarum rainic in casal co h-Inis Cathaig ra raid Senán fria deochain: Is cead duit má fo-gheibhe ni isin traigh a tabhuirt lat. Luidh in deochain co bh-fuair in cliab isin traigh, &ersir; do-beir leis co Senán. Benaidh as in casal &ersir; nus-geibh Senán uime. Do-berar íar sin dá cloich t-salainn isin cliabh cétna, &ersir; do-berar in rinde co sacarbaic, &ersir; cuirter for an uisqui cetna, &ersir; do-raidh Senán fris: As ced duit so do breith cu ro thaispenu an rinde &ersir; an salann cu Brighit, cu Cluain Infidhe, &ersir; in salann aili do Diarmait, co h-Inis Clothrann. O ra-siacht in cliabh co Cluain Infidhe, luidh Brigid chuigi &ersir; geibhidh chuce as an rinde &ersir; in dara salann. Do-beir sruth Sinna beim uaithe forsin cliabh conid farcuibh oc Diarmait a n-Inis Clothrann. Do- ghni dano Brighit &ersir; Diarmait altughadh buidhe do Dia &ersir; do Sheanan iar sin.

CANIR Craibhdech, naemh-ógh do Benntraighe deis- ceirt Eirenn, gabhuis disert ina crich fein. Bai adaig ann iar n-iarmeirghi oc ernaigthi co tarfas dí cealla Eirenn uili, &ersir; tor teined dá cech cill dibh docum nime. In tene thurgaibh a h-Inis Cathaig as í ba mó dibh, &ersir; ba h-edrochta, &ersir; ba dirgha docum nime. IS cain in recles ut, ar si: iss ed ragat-sa curub aice bias mo eiseirgi. Tainic roimpi acétair cen eolus acht in tor teined at-connaic oc lasad cen cumsanad etir la &ersir; aidhchi co toracht cuice. O dho-rocht immorro cu m-bai for bru Luimnigh andes luid iarum cosaibh tirmaibh amal bid ar talamh réidh, cu m-bai i purt Innsi Cathaig. Ro-fhidir dano Senán inní sin, &ersir; luidh cu m- bui isin purt ara cind, &ersir; feruidh failti fria. ISs ed do- rochtus-sa, ol sí.

A Chanir, eirigh, ol Senán, docum mo máthar do shethar fil isin indsi út tair, co n-derntar h' áighidhecht ann.

Ni h-edh do-rochtamar, ol Canir, acht is aire do-rochtus, co nam-raibh aighidhecht lat-sa isin indsi- seo.

Ni thiagat mna a n-indsi-sea, ol Senán.

Cid dia ta lat-sa sin? ol Canir. Ni messa Crist, ar ni lugha thainic do thathcreic ban inás do thathcreic fher. Ni lugha ro ces ar daigh ban inás ar daigh fher. Ro bhatar mná oc umaloid &ersir; oc timterecht do Crist &ersir; dia apstalaib. Ní lugha, dano, thiaghuit mna isin bh-flaith nemhdha inait fir. Cidh, dano, ar na gebhtha-sa mná cucat at indsi?

IS talchar atai, ar Senán.

Cidh on, or Canir, in roa inní connaigim, inat mo thaeibh isin indsi-sea &ersir; sacarbhaic uait-si damh?

Do-bérthar, or Senán, inat eiseirghi duit sunn for brú thuindi, &ersir; is ecal lim in mhuir do breith do taisse as.

Rom-bia-sa la Dia, ol Canir, ni ba h- edh toisech béras an mhuir as don inis in maighin a m-biu-sa.

IS cet duit-si, tra, ol Senán, techt a tir.

Ár is amhlaid ro bui sisi cein ro batar oc imacallaim, &ersir; sí 'na sesamh forsin tuind, &ersir; a trosdan fo a bruinne amal bidh for tír no bheth. Tic iarum Caneir for tír, &ersir; do-berur sacarbhaic di, &ersir; teit docum nimhe. Ro ir Día Canir cibe thaidhles a recles ria n-dul for in muir ni baithfider no gu ti aris.

IS lia, tra, tuirium &ersir; aisneis a n-do-roine Dia do fhertuibh &ersir; do mhirbuilib ar Shenan, ár ni fhil nech dia tissed a fhaisneis uile, acht mina tissed aingel Dé dia fhaisneis. IS lór tra in bec-so dhibh ar deismirecht .i. a betha inmhedhonach, a airbhirt bhith-bhuan cech laithe, a umhla, a chennsa, a caeinfhuarraighi, a ainmne, a ailgine, a dhesheirc, a trocuire, a dhilghidhche, a aeine, a apstanait, a ernaigthi, a frithaire gresach, a menma indfhethmech in Dia do gres. Ni fil nech do-fhetfad a innisi acht nech o Dia.

Batar ile tra buadha Senáin. Ba h-é in topur glainide triasa nighter ind uile popuil ro erb Dia fris do glaine a fhoir- cetail. Ba h-e, dano, in nell nemhdhai triasa bh-fursanntar talam na h-ecalsa &ersir; anmunna na firen o braen a forcetuil co n-astudh sualach. IS h-é, dano, in locrann órdha ro h-adhnad on Spírut Noemh triasa teichet dorcha cinudh &ersir; targabhal a tegdais Eculsa Dé. IS é in barc bith-bhuadhach berius slóghu na firian tar ainbhthine in domuin cu tracht na h-Ecalsa nemhdha. IS é so in fetal coisecartha in Righ nemhdha do-gní sidh &ersir; set &ersir; corae eturro &ersir; meic dhaine. IS e so maer &ersir; rechtaire &ersir; ronnaire ro fhaidh an t-Airdri nemdhai do thabhuch císa sualach &ersir; so-gnímh do ilclannuibh Gaeidhil. IS é in lia loghmhar o cumhduighter an richedh nemhda Jn. 15:1 do sloghuibh na talman. IS é in leastar glan triasa n-dailter fín breithre De dona popluibh. IS é in mor-briughaidh sona so-fhoircetuil no shasadh bochta &ersir; nochta. IS e gesca na fír fhinemna tuaraidh bheathaid &ersir; sasad don domon. IS e in fír-liaigh icas gallra &ersir; teadma anma cech dhuine irisigh isin eclais cristaidhe.

O RO chomhfhoicsigh tra laithi a eitseacta in noim-sin .i. Senan, ar n-íc dall &ersir; bodhur &ersir; bacach &ersir; amhlabhar &ersir; gacha h-aimhreidhi arcena, IAr fothugud cheall &ersir; recles &ersir; mainistreach do Dhia, &ersir; iar n-oirdnedh indtibh-sein espoc &ersir; t-sacart &ersir; áes gráidaes gacha graidh arcena fo ongad &ersir; coisecrad &ersir; bennachadh tuath, tainic ina mhenmain do Senán techt do dhenam ernaighthi oc relcibh Cassidain a aidi &ersir; sethar a athar .i. Scath Craibhdheach ingen Dubhthaigh. Luidh iarum i leth-sin &ersir; aidhleadh leis co Cill Eochaille d' acallaim ingen Neir ro batar ann .i. naemh-ogha craibhdecha ro ghabhsat caille fo láimh Senáin &ersir; ro batar for a anmcairdius. Ailit-sidhe dano do Senán co tardta corp manaigh umhail dá mhuinntir cuca-somh da adhnacal ocainn co rabdais a reilce oc ar n-imcoimet. Do-bérthar cucaibh, ar Senán, nech dia targha bar n-imcoimét na bídh a shnim foruibh. Ceileabhraidh iar sin dona noemh-oghuibh, &ersir; do-ghni ernaigthi oc reilcibh Cassidain, &ersir; tic arís cu torocht in sceich fil isin fiadh re Cill Eochaille aníar. Cu cuala ann-sidhe in guth fris dona nemhaibh, &ersir; is ed ro raidh: A Shenáin noeimh! tair docum nimhe. Do-fhrecair Senán, &ersir; is ed ro raidh: Cex, ar sé. Deisidh fo cétoir isin maigin-sin. IS annsin ro tocbait aingil De Martan o Toirinis i neoll nemhdha, &ersir; fuirmidhset isin maigin a m-bui Senán, &ersir; do-rat comna &ersir; sacarbaic dhó. Amar thairnic dó sin ro dheonuigh Dia ro tocbaiset na h-aingil Martan manach isin neoll cetna cu ro fhacuibset i Toirinis isin ló cetna. Ro raidh dano Senán fria mhuinntir: Bídh mu corp-sa sunn cu mochtrath. Et faididh Senan a spirut docum nime etir airbhribh aingel for cuiredh na Trinoidi i medhon lai i kl. marta. Bái dano corp Senáin innsin co aramharach, &ersir; gia theasta soillsi na grene in aidhchi-sin uatha som ni theasta freacnarcus aingeal na soillsi nemhdha uathaibh. Tancatar tra ar madain a muinter assan indsi ar cenn cuirp Senáin .i. Odhran &ersir; Mac Inill &ersir; espoc n-Iuil &ersir; espoc Mula Segda mac Baith &ersir; na noeimh arcena, &ersir; ro adhnaicit corp Senáin gu n-anóir &ersir; airmhitin móir, &ersir; rucsat aingil a ainim cusan cumsanad suthain a n-aentaidh na naeim-trinoidi &ersir; muinnteri nime. Ailim trocaire Dhé tre impidi Senáin co roisem in aentuidh-sin. In saecula saeculorum. Amen.

 Betha Fhindein Clúana h-Eraird

AT-FIADAR DIDIU A CUMAIR FERTA &ersir; MIRBUILI in craibhdhigh-seo &ersir; in forbhadh do-rat for a rith m-buadha i bhos isin bith frecnairc: at-fiadhar sin ar airfited anma na n-irisech .i. Findian mac Findtain, meic Conchraid, meic Dairchealla, meic Senaigh, meic Diarmada, meic Aedha, meic Fherghusa, meic Aililla Taulduibh, meic Cealtchair, meic Uithechuir. In Findtan-sin, didiu, do-ráidh-sem, tuc-side setig socenelaig, Teluch a h-ainm-side. Do-rala cu m-ba alachta isidhe uadha-som. A n- aimsir a h-imtruma co tarfas dí araili lasair theined do dul ina beola &ersir; a tiachtain a n-deilb eoin edrochta for cula for in conuir cetna, dula don eon co n-essidh for barr crainn, eoin &ersir; enluithi Leithi Mogha do thiachtain cuigi isin crainn-sin co n-asta uile aca-som, a tiachtain in eoin i l-Leith Cuinn co n-eissed ann-sidhe for barr chroinn ele. Eoin &ersir; énluithe Eirenn do thiachtain cuice cu ros-fhasta ocai. At-cuaidh didiu in aislingi-sin dia céli. Coimpert craibhdhech eicin fil ocut, ar se. Scaram coimleapuid cein bhia-sa fon n-indus-sin. Do-ronsat amhlaid. Ni chaitheadh didiu Teluch fésin biadha inmarra acht luibhe ailghena &ersir; airera etroma, cu ro genair in ghein buadha sin.

Rugad iarum inti noeim Finden cu h-Abban mac h- úi Chormeic cu ro m-baist. Batar didiu dá thopar isin mag in ro baisted-somh, Bal &ersir; Dimbal a n-anmanna. As an topur dia n-ainm Bal ro baisted-som amail ba cubaidh dia airilliudh. O ro forbair intí noeimh Fhinden rucad co h-espoc, cu Fortchernn, cu ro legh salma &ersir; in t-ord n-ecclasda occa. Ro fhothaig-siumh immorro tri h-ecalsa asa ghillacht .i. Ros Cuire &ersir; Druim Fiaid &ersir; Magh n-Glas.

O ra-siact immorro co h-aes trichtaighi luidh tar muir. Taraill co Tairinis. Fuair senoir ara cind innti, Caemhan a ainm. Batar seal immalle &ersir; do-ronsat aentaid. Luid Finden iar sin cu Cill Muine. Fuair tri suithe ara cind annsin .i. Dabid &ersir; Gillas &ersir; Cathmael a n-anmanna. Rob e fath a comthinoil annsin, cosnum cennachta &ersir; apdaine innsi Bretan etir dís díbh .i. etir Dabid &ersir; Gillas. Do bretheamh choitcenn ro aentuighseatt eatarra Cathmhael. O 't-connaic immorro Cathmhael noemh Finden ro fhegh co h-innfheithmech: Cia h-innithemh romhor, ar Daibhith fria Catmael, do-beri forsan oclach n-anaithnid do-dechaid isin tech? Rath mor, ar Cathmhael, airighim air. Ma ata, ar Daibhith, rath fair, labradh innousa as in bérla Bretnach et etercertad in caingin ima taím-ne. Do-rat Finden airrdhe na croiche tara ghin, &ersir; ro labair as in m-Bretnais amail bhud h-é a berla bunaid, et do-rat an indse do Daibid ar senserecht.

Luidh iar sin Finden &ersir; Cathmhael &ersir; Daibid &ersir; Gillas d' agalduim righ Breatan do chuinghidh inaidh reclesa fair. At-bert saidhe ná raibe oga. At-bert co h-essomain immorro araili duine istigh: Madh ail, ar se, dona clerchib, cuiret ass in loch mor-sa imuich a toebh in dúine &ersir; denat recles doibh 'na inat. Dia n-dernat-somh sin, ol in ri, rot-biat cidh an dunad-sa la toebh inaidh in locha. Luidh Finden immorro &ersir; aithinne 'na láimh co rathum isin loch, cu ro theich roime isin muir: cu ro morad ainm De &ersir; Finnein triasin moir-mirbuil-sin. Ro h- edpartha tra na feranna-sin do Dia &ersir; d' Fhinnian. Do-rat-sidhe iat dona sruithibh Bretnachaib batar malle fris. Ro fothaiged tri cathracha ocu-side inntib. As dib-sidhe Lann Gharban no Gabran aniu. Bui immorro Finden .xxx. bliadne oc foglaim immalle frisna sruithibh Breatnachuibh batar malle fris.

LAA n-aen ann lotar manuigh isin caillid do bhuain chrann 'chum ecalsa. Ni ro leicset Finden leo ar chadhus dó. Tainic in secnap tara n-eis co Findén, co n-ebert friss: Cidh ro m-bai, or se, ná dechadais isin caillid? Cidh o chianaibh, ar Finnén, at-berthea frind no raghmais: in tan dano at-berur frind no ragam acht fo-gabhur a comadhbhur dhún. Atat, or in secnap, dá óg-dhamh amuigh isind achad; timairc-si lat iat &ersir; eirg isin caillid. Luidh Finnén leo isan caillid, &ersir; ba h-e feidhm toisech do-riacht an eclais a fheidhm. Ni fes immorro dil in t-secnap rota-cursaigh-seom. Ro morad ainm Dé &ersir; Findéin tresin moir-mirbuil sin.

FEACHTUS tancatar Saxain d' innarba no d' innred Bretnach. Ro gabhsat longphort i taebh shleibhi aird. Do-chuatar Bretain i muinighin Findein im chuinghidh osaidh doibh o Shaxanchaib. Luidh Findén forsin n-umuloit. Do-ratsat Sachsain era fair. Do-rat Finen buille dia bachaill isin sliabh, cu torchuir in sliabh for Saxanchaib, cu na térno fer indisdi scel dibh.

TAINIC iar sin tocra do Fhinnen dula do Róimh iar forbhadh a fhoglama. Tainic aingel Dé chuigi co n- ebert fris: A n-do-bertha dhuit icc Roim, ol sé, do-berthar i bhos. Eirg &ersir; athnuidhig iris &ersir; creidium a n-Eirinn tar eis Patraic. Do-dhechaidh iarum Finnén do thoil De dochum n-Eirenn. Luidh Muiredach mac Aenghusa ri Laigen dochum puirt ana frithshet co n-do-fhuc for a mhuin a tri h-uidedaib tar na tri h-achdu roptar nesa don phurt. Ann-side at-bert fer do mhuinntir in righ: Is tromdai atai, a cleirig, forsin righ. Easpach sin, ar Finnén, ár in lín fechtus nom- gebhudh-sa for a mhuin no bhiath in lín righ sin for an cuicid dia shil. Uair as fo tri dano, ar se, nom-gabh, gebuit tri rig dia shil coiced Laigen. Ro bennach Finnén iar sin Muiredach bhadein, &ersir; at- bert: Amail fuair, ar se, mogh De faeilti ocut, cu bh-faghbhu-sa faeilti ac muinntir nimhe i Tír na m-Beo. Ro bennach dano broind a sheitche co ruc-side mac sainemail, Eochu a ainm .i. athair Branduibh iar sin. At-bert in ri re Finden: Gebe inad, ar sé, i Laighnib bus maith lat do-berthar dhuit do dhenam do reclessa. Tainic aingel Dé ria bh-Finnen cusan sliabh danad ainm Condal. Ro imchuirset aingil Dé h-é cona mhuindtir i n-adhaigh-sin do mhullach in t-slébi isin glinn ba nesa dhó. At-bert-somh isin maduin ria muintir techt isin caillid do bhuáin crand do cumhdach reclesa. Do-dhechaid aen dibh cuici-sium ar cula, &ersir; geg do abhuill cona torad 'na láimh. Luidh-siumh amalle fris-side cusan inadh i m-bai in abhall. Dentar, ar essium, in recles isunna. Dia m-batar forsna briathraib-sin co n-fhaccatar chuca Bresal mac Muiredaig &ersir; Cremhthann espoc a bhrathair. Luid Breasal co ra ghaibh co slatra laimh in cléirig do deoin in espuic. Feargaighter iarum in clérech, co n-debairt: In lámh, ar se, ro sinedh do dlomad dam-sa, resiu dorua in trath so imarach ind ingnibh seabaic, cu ro fuirmidter am fhiadhnaisi. In t- espoc dano dia n-dernadh deoin, ní ba h-ard a congbhail isna talmandaibh, &ersir; ni festar cidh inadh a eiseirghi. Tangatar immorro Osraighi for creich isin tír 'arnamharach. Luidh Bresal dia fuapairt, cu ro marbad and, cu tucad lasin seabac a lamh, co rus-fuirim i bh-fiadhnuse Findéin, cu ro mórad ainm De &ersir; Finnein don mhóir-mhirbuil-sin.

TAINIC iar sin Muiredach athair Bresail, gu tard do Finnén in magh as radlomh Bresal dó. Ro leasaiged lais- sium, conad h-e Achadh Abhall aníu. Bai-sium .ui. bliadni dec isin inad-sin oc foghnum don Coimdid na n-dula, co n-debert an t-aingel fris: Ni h-é so inadh h' eiseirghi, ar se. Bid h-e cena inadh do comdhala riat mhanchuibh i l-lo bratha: conudh desin ita Sliabh Condala .i. sliab comdhala Finnein ria manchaib i l-lo bratha.

Ceileabhraidh Finnén iar sin dia mhanchaib &ersir; tainic i crich h-Ua n-Dunlainge. IS ann-sidhe ro edhbair in ri Coirpri Mugna Salcain do-sum. Bui-sium se bliadni ann-sidhe. Tainic iar sin co h-Achad Fhiacla: ann-side do-rochair fiacal as a cind-som, cu ro fholaig i muine dresa. Ic tiachtain doibh-sium iar sin as cun-aitchetar na braithre uadh afhiacuilcomurtha d' facbhail acu, cu n-debairt-seomh friu: Eirgidh, ar se, cusin muine n-dreasa út at-ciche, &ersir; tucaidh as in fhiacuil for-facbhas-sa ann. Do-thiaghat iarum &ersir; fuaratur in muine ar lasad, &ersir; tucsat in fiacuil leo, &ersir; is uaithi ro h-ainmniged in baile .i. Achadh Fiacla.

TAINIC iar sin Finnen cu Cill Dara co Brighit, cu m-bui ic tiachtuin leiginn &ersir; proicepta fri re. Ceilebrais iar sin do Brigit, &ersir; do-breth Brighit fainne oir dho. Nir' bho santach-som imon saegul. Ni ro ghabh in fainne. Ce no optha, ar Brigit, ro-ricfea a leas. Tainic Finnen iar sin cu Fotharta Airbrech. Do-rala uisce do. Ro innail a lamha as in usqui: tuc lais for a bhais as an uisqui in fáinne targaidh Brighit dó. Táinic iar sin Caisin mac Nemain co faeilti moir fri Finden, &ersir; ro n-eadhbair fein dó, et ro acain fris rí Fotharta ic cuinghidh oir fair ara shaeire. Cia mét, ar Findén, connaigheas? No ghebhudh uingi n-oir, ar Caisin. Ro thomhuis sé iar sin in fainne, &ersir; frith uingi oir ann. Do-rat Caisin h-i ar a shaeiri.

TAINIC Findén iar sin tar Bóinn co h-Eiscir m-Branain, ait ita Ard Relec iníu. Ro fothaig eclais isin maigin-sin. Tainic duine etrocar chuigi-sium, Baeth a ainm. At-bert frisin cléirech na bíat isin maighin-sin. Ro berthea a rosc uadha achedoir. Do-roine aithrigi iar sin &ersir; tucad dó arís a shúili.

Crech do-dhechaid an inbhaid-sin a Feruibh Tulach sech recles an cleirig, co tarla d' áraile gilla don creich cu n-dechaid i sorn na h-atha bui i focus in reclesa. Ro faillsiged do Finnén inní-sin. Luid-side &ersir; aidhme in berrtha leis, cu ro coronaighedh aca in duine-sin fon n-ecosc n- eclasda, cu ro légh ac Finnén, co tart gradha fair iarumh, conad h-e espoc Senaigh .i. cetna comharba ro ghabh iar Finnén.

FEACTUS d' Finnen oc glanad thiprat oice. Tainic aingeal cuigi co n-ebairt: Ni h-e so inad na tiprat. Do-beruinn, ar Finnén, gusan inad a n-dlegur. Luidh in t-aingel roim Finnén seal soir on eclais gu ro foillsigh dhó inadh na tipraiti. A mo coimdhi, ar Findén, in saethar-sa do-ronsam-ne o chianuibh cidh bias de? Cibe tara ragha in uir ro claidhis, ar an t-aingel, do-geba trocaire on Coimdhid.

TANCATAR iar sin noéimh Eirenn cuca-som as gach aird d' foghlaim eccna oca, cu m-batar tri mile do naemuib imalle fris, conad dibh-sidhe ro thogh-sum na da aird-espoc dec na h-Eirenn, amail do-fhindat ind eolaigh. Ocus at-fiadhat ind eolaig &ersir; na scribenna conna dechaid nech dona tri mhile-sin uadha-som cen bhachail no soiscél no comartha suaichnidh eiccin, cunadh impaibh-sin ro gabsat a reclesa &ersir; a cathracha iardain.

FEACHTUS ro faidh-sium a dhalta .i. espoc Senaigh, do taiscelad for lucht a scoile dus cidh do-ghnítis. Ba sain, tra, an ní ica bh-faghbhaithe cach dibh, acht battís maithe uile. Frith, tra, Colum mac Crimhthain &ersir; a lama a sinedh úadh, &ersir; a menma indithmheach a n-Dia, &ersir; eoin oc tairisium for a lamhu &ersir; for a cenn. O 't-cuas do Fhinnen inní-sin at-bert: Lámha ind fhir-sin, ar se, do-bera comunn &ersir; sarcarbhaic dam-sa frisna déidhenchu.

TAINIC aingel De co Finnén co n- ebairt fris: Ni h-e so inad th' eiseirghe, ár biaidh duine maith dot muindtir i sund. Tainic aingel co Findén, cu Ros Findchuill, is eisidhe Les in Memra inniu. Ann sein gabhus Finnén in fersa fathachda, Hec requies mea. Annsin tainic Fraechan drui a docum-som. Ro fhiarfocht-sum: In ó Dia, ar se, ata dhait-si in fis fil ocut? A fhromhudh duit-si, or Fraechan. Abair cetamus, ar Findén, inadh mo eiseirghi-sea. At-cim a nimh &ersir; ni fhaicim i talmain. At-racht Finnén. In t-inad asa n-errachtair innósa, or Fraechan, is as ad-reis do mór-dhail bratha.

TANCATAR iar sin a dha shiair co Finnén .i. Righnach &ersir; Richenn, &ersir; a mathair .i. mathair Ciarain, cu ra gaibhset i Cill Righnaigi. Luid Finnén &ersir; Ciaran dia torruma. Batar na caillecha oc acaine beith cen usce. A choimdhe, ar Finnén fria Ciaran, cait i bh-fhuighbhium uisqui doibh sut? IN budh leasc lat-sa, or Ciaran, eirghi as an inad i tai? At-ract Finnén. An t-inadh asa r' eirghis, ar Finnén, as é inadh na tiprat. Ro fhiarfocht Finnén do Righnaigh cindus bai in chaillech a máthair. Ni cumangar ced n-dul i n- aicsighudh di ar tromdhacht a h-anala. Ro imderg cu mor imon cleirech &ersir; at-bert-somh: In Coimdhe, ar se, airchesas cech aen don chinedh daena dia h-airchisect! Luidh Righnach iar sin dia taigh. Fuair a máthair n-óghshlain la breitir in noeim.

Molad thuc Geman maighister fechtus donti noimh Fhinden, iarna dhenum tria rithimm. Ni h-ór tra, ná airget, ná étach loghmar, ar Geman, chuingim-si fort ar an molad-sa, acht oen ni, ferann bec fil ocam, is h-e étairthech, co n-dernta-sa ernuighthe cu rub toirthech. IN t-immann do-righnis, ol Finnén, geibh ind uisqui, &ersir; sreith in t-uisci-sin tarsin bh-ferann, &ersir; bidh toirthech. Do-righnedh samhlaid, &ersir; ba toirtech in ferann.

CRAND leimh bai ic Rúadhan Lothra, crann o sileadh linn shomblasta for a faghbhudh cach in blas ba maith lais, conad de no lesaighdis na manaig na h-áighidh, conadh do sin batur manuigh Eirenn ac togra gu Rúadhan. Tangadar a dhaltae co Finnén cu m-batar ica acaine fris a dhaltada icá fhacbhail. Ron- gáidetar im dula leo co Rúadhan cu m-beth Rúadan i coitchinne m-bethadh amail cach. Luid Finnen immaille friu gu Lothra. Ba h-edh toissech do- chuatar cusan crann cu tard Finnén crois dia bachaill tarsin crann, conná ro sil banna ass. O ro- chuala Rúadhan inní-sin do-raidh uisqui a thopair do thabairt dó. Do-rigne ernuighthe. Do-soud uisqui na tiprat a m-blas lenna. In lind rucadh do Finnén cona noemhuibh do-rat-sidhe airrdhe na croiche thairis. Ro sóud fo cedoir a n-aicned uisqui. Cia tarba sin? ar na cleirig fria Finnén, mina choiscir in tiprait? A braithre inmuine! ar Finnén, cidh táithe do Rúadhan, ár cidh a bh-fhuil d' uisce isin monaidh-sea i taeibh in reclesa bhus ail leis do shoudh i lind shomblasta, do-gena Dia aire. Ro gádatar iarum diblinaibh Finnén &ersir; na noeib inhí Ruadhan co m-beth a betha amal chach. At-bert Rúadan do-ghenadh sein ara aidi, ar Fhinnen. Ro cesnuigh cena ferann beag bui imon recless do bheith etoirthech. Ro bendachai dano an ferann sin, conadh toirthech.

Luid Finnén iar sin i crich Connacht co Druim Eitir Da Loch i nh-Úaibh Oililla. Fuair Muisi &ersir; Ainmire ann ara chind &ersir; siat toirrsech do écaib a sethar an lá-sin. O ro airigh Finnén inni-sin luidh isin tech i m-bai corp na sethar. Do-righne depraccoit n-dicra n-dedhghair fri Dia, cu ro thodhuisc in caillig a báss, cu m-bui ica fherdhaighis, et cu ro mharbh in laegh bui fo a h-aen bhoin, &ersir; cu tuc drolmaig n-englaisi dhó, cu ro bennach Finnén an englais curra soudh a m-blas fina. Frith didiu in laegh beo 'arnamharach fo a mhathair. Ro morad ainm De &ersir; Finnéin triasin moir-mhirbuil-sin. Ro edbair iar sin Múisi &ersir; Ainmire a reclés do Día &ersir; d' Finnen.

LUID Finnén iar sin isin Corunn i crich Luighne. Tainic Crumtir Dathi co m-bai amalle friss. Tainic aingel Dé co n-ebairt fris: In bhaile, ar sé, in debera fer dot muindtir frit is caein in t-achad-so: fothaig eclais ann. Nir' bho cian co n-debairt fer dia mhuinntir-seom: As cain, ar se, in t-achad-so. Ro fhothaig-siumh iar sin eclais isin inadh-sin. For-fhacaibh cruimthir Dathi isin dú-sin. Ita innsin tipra Fhindein &ersir; a lecc. Geb e duine othair dhech isin tiprait ticfa slan eisdi. Geb e dámh dhuilech thí cusin n-airchindech ni berthar a einech acht gu ro ghabha a phater oc on leic-sin. Sic Tipra Fhinnein &ersir; Leac in Pupail ic Achad Abla.

TAINIC iar sin Finnén i Coirpri Mhoir. Aengus ba rí an inbhaidh-sin i Coirpri. Tainic a mac-saidhe .i. Nechtain, do dlomad don cleirech. Ro leansat cosa a mhuinntiri don talum &ersir; at-bath fein. Táinic Aenghus iar sin cu tard a reir don clérech, co rus-dúisigh a mac do a bás, et co tard inad reclesa dhó. For-fhacaibh-siumh Grellan mac Nat Fraeich annsin.

O ra fhothaig tra Finnén cealla &ersir; congbhala fon n-innus-sin, et o ra proitche breitir n-De do feruibh Eirenn, do-dechaid docum a reclesa gu Cluain Iraird. LAA n-oen ann-side do espoc Senaigh, dia dhalta-somh, ica fhégad, amlaid at-connaic a caeile &ersir; a troighi mhoir h-e, in meit co n-airmitís a esnae triana étach inmhedhonach amach. At-connaic dano in cruimh do thechta as a thaebh, et ba h-e in fath, ón uar-chris iarainn búi uime ardaigh pennaiti don curp cu ro thesc gu cnaimh. Caíis iar sin espoc Senaigh. Cidh dot-gni toirsech? ar Finnen. Do chaeili-siu, ar espoc Senaigh. Ferfaidh cruimh for h' asnaibh-si in chaile-sin, ar Finnén. Moidi ón rochái espoc Senaig. Cuma dano duit, ar Finnén, toirrsi dho sin. Beruidh aen duine do corp docum n-adhnacail.

IS lia, tra, tuiremh &ersir; aisneis a n-derna in Coimdhe do fertuibh &ersir; mhírbhailib ar noemh Fhinden: áir mina thisadh a spirut fein no aingel de nim dia n-indisi, ní caemhnacair nech aile a mhiadhamhla, a bhetha inmhedonach, a comhairbirt bith-bhuan in cech lithlaithe, acht is Dia nama rodus-fidir. Ba sí immorro a proinn lai .i. boim do ar an eorna &ersir; deogh do uisce: i n-domhnaighibh immorro &ersir; i sollumnaibh boim do ar an cruithnechta, &ersir; orda do bradan fhonaithi, &ersir; lán copain do mhidh ghlan no do chormaim. No chairighedh na daine at-ceth ac craesachad &ersir; no ciedh &ersir; na pendedh a pecad. Ni chodlad for clúimh na for colcaidh, co comhairsedh a thoebh re h-uir noicht, &ersir; cloch do fhrithadhart fo chind.

Glan-edhbartach do Dhia amal Aibel mac Adhaimh. Diprocoitech amal Enoc mac Iareth. Luamhaire lan-toltnaightech do airec no do fhollamnacht na h-ecalsa eitir tonnaibh in t-saeguil amal Noe mac Laimhiach. Fir-ailitir amal Abraham. Búidh bláith amal Moysi mac Amra. Feidil fodhailtech amal Iop. Eacnaid eoluch amal Sholam mac n- Daibhíth. Primh-proiceptoir coitcenn &ersir; leastar togaide amal Pol apstal. Et cosmailighter o mhodhaibh imdhaibh fria Pol, áir amal ro genair Pól tes a tir Cannan, a cenel &ersir; a bhunadas tuaidh a tir Caldea, as amhlaid sin ro genair Finnen i bhus, i Laighnib, a cenel &ersir; a bhunadns tuaidh a n-Ulltaib. Et amal ro legh Pól ic Gamaliel, ic sui in reachta, fri re .xxx. bliadne cur' bhó sui, as amlaid ro legh Finnén ag na suidhib Bretnachaibh adubramar fria re .xxx. bliadne cor' bó sui. Et amal ra tairmesc an t-aingel Pól na dighsed do Damaisc, acht cu tised do shiladh irsi &ersir; creitmhe do chách, is amlaid sin ro tairmisc in t-aingel Finden na dighsed do Róimh, acht co tised do shilad irsi &ersir; cretme do feruibh Eirenn. Et amal ro nertadh o Dhia Pól, iar fothugud ceall &ersir; eclas &ersir; cathrach isin athardha in ro ghenair, co tisedh do forceatal irsi &ersir; creidmhe do Roimh, as amlaid ro gressedh o Dhia noeibh Fhinnen, ar fothugud ceall &ersir; cathrach 'na athardha, co tised do mhúnud &ersir; d' foircetal noemh Eirenn gu Cluain Iraird. Et amal ro tharrngair aingel do Pól na bhadh ithfirnach cu bráth nach aen no ragad a n-uir Romha, as amhlaid ro tharngair in t-aingel do Finnén na bhadh ithfirnach iar m- brath cach aen tara ragad uir Arda Relec. Et amal at-bath Pól i Roimh dar cenn in popuil Cristaidi, arna h-erbailtis uili a pianaibh &ersir; i todhernaibh ithfrinn, as amlaid at-bath Finnén i Cluain Iraird dar cenn popuil na n- Gaeidhel, arna h-eplitis uili don Buidhi Chonnaill.

Et is annsin ro tharrngair in t-aingel do-somh co n-indarbfad gach teidm &ersir; gach galar coitcenn a Cluain Iraird tre irnaighthi in t-samhail &ersir; co n-indarbfadh a h-Eirinn uili tre troscudh shámhaid Finnéin isin pupull ic Ard Relic &ersir; ic Achad Abhull &ersir; i Condail.

O do-dechaid immorro cusna deidhinchaibh dontí noeimh Fhinnen, ro fhaidhestar a aingel comuidechta co h-Inis Mac n-Indeirc fri Luimnech, co tuc-side Colum mac Crimhthain cona theigh liubhar fo dhuibh nellaib cu Cluain Iraird, cun ro ghaibh Finnen coman &ersir; sacarbhaicc dia láimh, cu ro fhaidh a spirut dochum nimhe i cinn .xl. ar cet bliadne.

Ata immorro intí noeimh Fhinnén i n-aibnes &ersir; i n-airfitedh etir muntir nimhe i bh-fhiadhnaisi Dhe dia ro fhoghain. ITat a relce &ersir; a thaisi gu n-anoir &ersir; gu n-airmhidin i talmain, co fertuibh &ersir; co mirbhuilib gach laithe, co traeth gach aen tic friu &ersir; coimhedaid gach aen cungnus leo.

Gidh mor immorro intí noeim Fhinnen i n-etarscarad a chuirp &ersir; a anma on mhudh-sin colleic, bidh mo a anoir iar n-eiseirghi ind oentuidh noemh nem-truaillnidi, i mor-dhail bratha, in tan bus bretheamh for fheraibh Eirenn &ersir; for a mnaibh imalle fria Patraic &ersir; Issu Crist. Taitnighfidh insin amal grein. Biaid isin mhor-mhaith-sin, ind aentuidh noemh &ersir; noem-ogh in domuin, i n-aentaidh naei n-gradh nimhe na dernsat imarbhus, isan aentaid is uaisli cech n-aentaid, i n-aentaid na naeimh-trinoidi, Athair &ersir; Mac &ersir; Spirut Noem.

Ailim trocaire Dhé, ro airiltnigem in aentaid sin! In saecula saeculorum. Amen.

Betha Finnchua Bri Gobunn inso.

BOI BRUGAIDH AMRA A n-ULLTAIB FECHT n-AILL do Mhughdhornaibh do-shunnraid .i. Findlogh mac Setna meic Abruinn meic Branain meic Dubhda meic Aenghusa meic Erca Deirg meic Briain meic Echach Muighmedhain. Bai baincheli oca fria ré .xxx. bliadne, co nus-tarraid bás in tan-sin .i. Caemeall ingen Aedha Fogarta do Feruib Breg . Ro fhurail a chara &ersir; a chomhalta féin fair .i. Fiacha Súidhe mac righ Eirenn, techt do thocmarcc bainchele eili conná beth i serg galair amal ro bhai do chumhaid a mhná fesin. Et ba h-i sin Idhnait inghen Fhlainn Leith-deirg do Chiannachta Glinde Geimhin o Chomar Cinn t- Slebhe. Tochmaircidh-sium iarum in n-ingin-sin cu m-bo torrach uadh. Urailidh immorro Finnlogh cona mhuindtir for a comhalta .i. for Fiacha Suigdhe feall for righ Temra .i. for Blathmac mac Aedha Slaine. Do-gniter in feall, et geibhidh Diarmait mac Aedha Slaini righi Temra déis a brathar. Di-chuirter atuaidh lucht an fhill .i. Fiacha mac righ Temra &ersir; Findlogh a chomhalta &ersir; mile teinntech lais-sein.

IS ann sin do-rala Mael Tuile mac Cuilchi, anmchara Findlogha, &ersir; faillsighter dhó an ingen do bheith torrach, &ersir; cumad gein amra diamad lán beoil bh-fer n-Eirenn in gein bai 'na broinn; &ersir; at-bert Mael Tuile: INdsaighfidh gala, traethfaidh bidhbhaid, saighfidh mind-righa, bidh crann cuisc Temra, lesaighfes Life, fhoirfes Laighne. IAraidh immorro an cleirech an gein bai i m-broinn na h-inghine do idpairt do Dhia &ersir; a thabairt docum leiginn, &ersir; geallait-sium do-som sin. IDlaicter iarum iat cu righ Connacht, cu h-Eochaig Tirmcarna, &ersir; idlaicter o Eochaig cu righ Muman .i. gu h-Aenghus mac Nat Fraeich, gu Caisiul, et orduighidh-sein ferann doibh i Crich Mhogha Ruith, &ersir; toirrnid-siumh ráith amra ann .i. Raith Ua Cuile. Do-gniat didiu a mhuindter fleadh mhor do rígh Fer Muighi .i. do Mhellind mac Tuirc, isin ard fria Raith Ua Cuile aniar. Luidh máthair Fhindchua, &ersir; si torrach, cu ro chuinnigh digh don linn for na scoairib, ár ros-gabh mían don linn, et ro h-erad h-i. Ro labair in gein bai 'na broinn, &ersir; it-bert so ann: Gerthit gurthit erail-sium sala mor muincille melsedar Ulaidh uir amal melis milchu for mhil cu rossam. Gertit

LUIDH iarum an ingen dia tigh, et scailit a cercalla dona dabhchaibh acedair dia h-eis, &ersir; teit in fhlaith dimhain fo lár. Do-roich ri Fer Muighi .i. Meleand, cusin tech i m-bui in fhlaith, et o ro-chuala an scel gabhuidh cona bhuidhin lais for lurg na h-ingine dia marbad. Do-berur celtchair dhichlethi imon ingin o rath na gene bai 'na broinn, co rocht imshlan Raith h-Ua Cuile. Tainicc iar sin inbhaidh na h-ingine, &ersir; tecat idhain da h-indsaigid, cu ro thusimh in mac idhan ro bhui 'na broinn.

BErar iar sin in mac thairrngertaigh co h- Ailbhe Imlech Ibhair dia baistedh, &ersir; do-berar screaball dó ara bhaisded .i. sect pinginne oir. Bennachais Ailbe iar sin in ghein, &ersir; do-berar ainm fair .i. Finnchua, &ersir; at-rubairt Ailbhe a thabairt fria leighenn i cind a secht m-bliadne. LOtar iarum lucht in bhaistte &ersir; in mac leo cu Raith Ua Cuile.

Teacar iar sin o Chumuscach mac Cuind, o righ bh-Fer Tefa, mac sethar d' Finnchua e fein, do cuinghidh in meic dia altram; &ersir; do-berar dó, &ersir; ailter an mac i tigh Cumascaigh a n-Ard na Rigraidhi os brú Locha Ri, gu cenn secht m-bliadne, cu toracht Comhghall for cuairt Clainni Neill, co tarla do thigh Chumuscaig, co facaid in macamh óg isin tigh ara chind &ersir; spirut aingil 'na comaidecht. Do-breth Comgall gradh do, &ersir; imchomaircidh cuich h-e? Findchua sin, ar siat, mac Findlogha. Ocus misi ron-alt, ar Cumuscach, &ersir; Ailbhe ron-baisd. Cuinghidh Comhghall in mac for a aidi, &ersir; do-berur dó h-e. Do-rad in mac seirc do Chomhgall, &ersir; teit leiss co árus, co Bennchar Ulad, &ersir; do-ghni leiginn oca amal cech n-dalta ele.

Bui didiu ferghort cluana in tan-sin ac Comhgall, &ersir; mogaid no bhidis ica coimet cu toracht Findchua. O r'ptar toirrsigh iarum na mogaid at-bert Findcua: Leagar duinne 'mar n-daltuibh in ferghort do choimhet gach lai timcheall. At-bert Comgall: Coimhet-sa aníu h-e ria cach. Teit iarum Findchua do coimet in fheoir. Tic ri Ulad .i. Scannlan mac Dunadhaigh, cona sluag do Bennchar, &ersir; cuirit a n-eocha isin bh-fergurt co Findchua. Dí-chuiris Findchua fo tri uada iat. Feargaighther friu fa deoidh, &ersir; escainid iat, cu ro soudhait na h-eich i clocha, conad Gort na Liag at-berur fris ó sin ille. Férgort na Mogad h- é cosin. Lonnaighter in ri de sin, &ersir; tiaghar uadh ar cenn Comghaill dia fhis uadh cia do-genad in gnim út. Tic Comgall guna dhaltaibh cusin righ, &ersir; Findchua i cuma chaich. Do-breth in ri aithne fair-siumh, conud h-é do-roine in gnim út triasin tuarascbáil tucsat na h-araid do fair, &ersir; ruamnais rosc in righ 'na cinn comtar derga teinntidhi. Rathaigius Finnchua inní-sin &ersir; fergaighius frisin righ, cu ro eirig in talam uimi, cu riact co a ghluinibh. Ad-chi Comhghall inní-sin, &ersir; sillaid tara ghualuinn, &ersir; at-bert fria Finnchua: As fearr lat-sa do beith fein mór innúsa, ar Comgall. Imdergthar im Findchua dhe sin, &ersir; cuiris a cheann fa chochall Comgaill, cu ro loisc in cochull. Ar Dia rit, a meic bic! ar Comhgall, nachat-geibhedh ferg, &ersir; rat-fia do breth fein o righ Ulad &ersir; uaim- si. Cidh ar nacham-gebhudh ferg, ar Finnchua, umat shárugud-sa &ersir; umam sharugud fein don aen-gurt gabala bui ocuinn? Beir-si do breith, ar Findchua fria Comgall. Berat, ar Comhgall, acht gur' bhat buidech- sa. Sillis Comgall forsin righ, &ersir; at-bert an ri: Gach ni uma m-bia biat-sa fair. IS sí mu breth, ar Comhgall, na secht fichit bo blichta do-berur dam-sa uait-si gacha bliadne a tabairt do Fhindchua cu cenn .xxx. bliadne tarmheissi, &ersir; abdhaine Bennchair, &ersir; darabh a cinniud do dhula i l- leith n-aili leath na cuarta-sin do-som &ersir; a leth n-aili i bus. Ba bhuidech Finnchua de sin, &ersir; cuirid in talam on righ tarais ana áit, &ersir; loiscter uili cochall Comgaill, conad aire sin nach dleghar cochall um comharba Comhgaill. Cunad iat tri ferta Finnchua iar rochtain co Bennchar .i. liaga cloch do dhenamh d' echaibh righ Uludh, &ersir; an talam dh' eirghi imon righ có a gluinibh, &ersir; cochall a aidi do loscud tria bruth a fheirge.

Bai Comghall iar sin a m-Bennchar co cenn .ix. m-bliadne. Et foillsighter dó bás do beith 'na ghoiri, &ersir; tiagait teachta uadha ar ceann Ailbhe co Imliuch Ibhair, comad dia láimh no dhighsed dochum nime. Foillsighter do Ailbhe inní sin, &ersir; teit-sein cona dhírim cleirech cu rocht Bennchar. Et do-ghniat a n-aenta &ersir; a codach ann sin a triur .i. Ailbhe &ersir; Comgall &ersir; Finnchua. Teit Comhgall docum nimhe innsin do laimh Ailbhe, &ersir; facbhaidh Finnchua i n-apdhaine Benncair tara eisi co cenn secht m-bliadne, &ersir; erbaidh do Ailbe co m-beth Finnchua ria udhacht ceb é tan no ghebhudh dia lámh fair.

IAr caithimh na secht m-bliadne di- chuirter Finncua o Bennchar &ersir; a h-Ulltaib uili tria cuimhgi fherainn. Tic iar sin Finnchua a h-Ulltaib atuaidh cu toracht la greasacht aingil cu fira Muman &ersir; co a righ .i. co Cathal mac Aedha, gu Caiseal, et feruidh in ri failte fris, &ersir; ordaighidh a rogha ferainn a Mumain dó. AS-bert Finncua: Ní cetuighter dhamh ferunn acht in bhaile a freicera mu cloc mhe a n-oenar gan cungnum duini aigi. At-bert Cathal: Sir-si Mumain cu ro freagra do clocc thu, &ersir; in bhaile a n-gebha rat-fia gan imrisan friut. Tic Finnchua roime o Chaiseal co crich Fer Muighi .i. h-i cenn iarthurach Maigi Maistertha, et siridh cain in maighi dús in freicerad a clocc h-e, et do-freagair isin maduin arnamharach i bh-Fán Muilt. Scoirit a n-eochu annsin, &ersir; leicit a foroire dhibh, &ersir; scailit a m-buar &ersir; a tainte fona ferannuibh ba coimnesa dhoib. Do-gniter iarum comhaighthes friu &ersir; diultad, &ersir; gerrtur a n-indile &ersir; buailter a n-aeghairedha. Acaínit a mhuinnter fria Finnchua. As-bert Finnchua fria coic .i. Dronan mac Dronbic: Eirg cusan m-baili as comfhocus duinn annso, &ersir; tabair tene lat ass. Luid iarum an coic ar cenn na teined cu tech rechtairi righ Muman .i. Baeth Brughai &ersir; Som ingen Mhothla a bhaincheli. IMcomhaircis in rectaire: Cia h-airm asa tanacais ar cenn teined? As-beart an coic: O Fhinnchu, o dhalta Comhghaill. In annsin bia fuirech fair? ar an rechtaire. Ni fhetar amh, ar an coic, et cuinghidh an tene. Do-breath an rechtaire tria thoghdacht urchar d' aithinne dho. Gabhuidh in coic ana ucht, &ersir; iss ed bui uime, cochall Finnchua. Timaircidh-sium in cochall imon teinid, &ersir; beiridh lais h-í. Cuiridh in rechtaire nech dia muintir cen fhis don coic co fesadh in loiscfedh an cochull. Cuiridh in coic asa ucht an tene a fiadhnuse Finnchua, &ersir; ní ro loisc finna na brothairne don cochall. Indisidh an techtaire anní sin don rechtairi gur' thaeidhligh a mhenma ind aithrigi, co n-ebairt cu tibhred failti dho gengu tucadh nech aili. Lotar iar sin in rechtaire &ersir; a baincele d' agallaim an cleirig fesin, &ersir; riaraighit h-e, &ersir; slechtait do, &ersir; bhiathait an cleirech in adaig-sin da gach bhiudh acht linn nama. At-fiadar do righ Muman conidh ann ro ghabh Finnchua, i Fan Mhuilt, etir a portaibh-sium &ersir; a airgeda. Fergaighther baincheli in righ de sin .i. Mughain ingen Fhiachrach Finn ri Eoghanachta Locha Lein. At-bert si na toillfitis a n- en bhaili .i. muindter Finnchua &ersir; a muinter- si. Fiafraighis in ri cá cís do-bertha don righain &ersir; do fesin as in ferann-sin. Ni anse, or an rechtaire: oen chúra fhinn &ersir; a furrthain d' fholcadh &ersir; d' únadh, &ersir; airmhed bracha as gach baili do nái m-bailib at coimhnesa dhamh. Eirgedh techtaire uainn, ar in rí, cu Finnchua, dia fhis in bh-faemhann an cis-sin, &ersir; mina faemhann eirgead leth nn-aili. Faemhuidh Finnchua in cís-sin &ersir; geallaid a thabairt uadh, áir is ann sud ro faillsiged do a árus do beith &ersir; a thaisi &ersir; a eiseirghi i l-laithi bratha. Toraindter iarum in baili la Finnchua .i. Cuil Muilt, &ersir; orduighter a airles, &ersir; cumhduighter a thighi, &ersir; fodhailter a muindtera do na nai m-bailib ele batar ind arus ag righ Muman. Feidligid iarum Finnchua gu cian isin baili-sin. Cu tainic Conaing mac Marcain, rí na n-Deisi, do slechtain do, &ersir; co tart Finnchua a sheut anmcharut a inad fein ar nimh dho-somh.

Tugad tra cuigi-sium annsin secht n- ollumain ghabhunn batar i comhfhaicsi dó co n-dernsat secht corrana iarainn dó for a m-biadh co secht m-bliadni co faghbad inadh a nimh, ár do-rat a inad bunaidh do righ na n-Deisi. Bennachaid-siumh gaibhne in bhaile-sin, &ersir; facbhais buaid lamdai .i. n-gresa dhoibh do ghres acht cumad isin baili-sin do-ghendais no do-tinnscainfitis h-e, &ersir; buaidh n-olluman dibh. Cuinghit na gaibhne fair-sium a n-ainm forsin m-baile a lógh a n-gresa .i. Brí Gobhunn. To-chaithidh Finnchua secht m- bliadni for a corranuibh acht aen-adaig nama. Et iss ed fo- dera eisein .i. Ronan Finn Maighe Lainde, mac sethar máthar do Finnchua, sennser noemh bh-Fer m-Breg do toidecht dia atach-somh co tised do chabair Clainni Neill Naighiallaig &ersir; righ Midhi .i. Sechnusach mac Aedha Slaine, áir ro bhui cogad allmharach don mhuir forro, &ersir; ba do Fhinnchua ro boi in dán a bh-fhoiridhin. Et ba h-iat do-roine in cogad-sin, Breasal Bern-bhel Buaid-ealtach &ersir; Tuire Tortbhuilleach &ersir; Tinde Tren- mhor: do Breatnaib iar m-bunadus iat-sein. Et ba h-iat eicne do-ghnítis an loingius-sin gacha bliadne i crich Ua Neill in deis- cirt, port gacha luingi do loscud, &ersir; crechad gacha tuaithi, &ersir; giall gacha fine do breith leo. Do-berut iarum Clanna Neill bennachta dontí do-thicfad ar cenn Fhinnchua co Feruibh Muighi dia cabair. Ro ghabh Ronan Find Maigi Lainde do laim an umaloit sin. Faillsighter d' Finnchua, &ersir; se for a chorranuibh, sennser noem Clanni Neill do beith for sligid chuigi, et erailidh for a dhaltuibh freastal &ersir; frithailimh na techtairedh n-uasal-sin do dhenum. Tabhur, ar se, ian measctha .L. do lind doibh, &ersir; proinn céit do biudh, &ersir; mad bec leo sin fuillter fris. Do-riachtatar na cleirig iar sin, &ersir; ro frithailit amal as-bert Finnchua. Et ni thormailt Ronán ní don biudh-sain no gu tised Finnchua dia chorranuibh chuice, dia acallaim. O ro-siacht a fhis co Finnchua Ronan do beith i troscadh, ailidh Finnchua in Coimdhi cumhachtach cu ro fhaillsiged do an ní bhudh coir do dénamh, uair nir' bo áil dó dhula dia corranuibh comtais comhlana a shecht m- bliadna forro. Tic iar sin spirut aingil do nertad Fhinnchua co n-dechad d' agallaim an cleirig aili do ced Issu Crist. Luidh iarum Finnchua am trath proinne d' acallaim Ronain, gér' imnár lais a corp tretholl iarna treaghdad &ersir; iarna thollad do dhaeluibh &ersir; do phiasduib d' faicsin do neoch etir; et feruid cach dhibh failti fri araili, et at-fét Ronan d' Finnchua in toisc imma tainic. Bidham umhal-sa frisin toisc-sin, ar Finnchua. Lotar iar sin rompa cu rancatar tuatha Teamra. O at-conncatur Clanna Néill na cleirig chuca do-bhi do mhett a n-eicne cu r' eirighset uile ar fhailti fria Findchua. IN adaig immorro do-rocht Findchua co Temraig ba sí adaig do- rochtatar na dibergaigh, &ersir; tucsat agaid a long gu Clannaibh Neill an deisceirt co Dubhcomar. At-cuas inní-sin do righ Temhrach &ersir; d' Finnchua. Eirghid iarum idir laech &ersir; cleirech, &ersir; impóit ar deisil tria thecasc Finnchua, &ersir; tecait rompa ina foram-rith co n-acatar na dibergaigh uatha. Eirghidh iarum aicned an cleirig friu cu ro mhemhatar spongcaibhle teined trichemhruaidhi as a dhetaibh sechtair, cu ro loisc in tene-sin cronna na sleg &ersir; doite &ersir; righthe na n- dibercach, gur' bo toi tuaith-gerrtha iat. Eirghit, ar Finnchua, fesa uaibh dia saigid da fhis in tibritis slan dia bh-foghail. Lotur na techta cuca. As-bertsat na tibritis slán doibh tria bhithu. Lonnuighter Finnchua don aitheasc-sin na n-allmurach. Eirghit iarum a n-aein-fhecht chuca, etir laech &ersir; clérech, conad h-e olc déidheanach do-rónsat friu a n-gilladha do mharbad &ersir; a longa do loscud &ersir; carn dia ceannaibh &ersir; dumha dia n-eduighibh; conadh amlaidh sin ro dhichuir Finnchua na dibercaigh. Do-berur a breth fein d' Finnchua .i. Dun Dubchomair cusna secht n-dolaidhib batar fris, &ersir; corn lámha righ cona thimthacht do or derg, &ersir; a thabairt sin dó gacha sechtmad bliadne o righ Mide. Gealltar sin uili d' Finnchua, &ersir; ceileabraidh do Clannaibh Neill iar sin, &ersir; facbhaidh bennachtain acu, &ersir; tic dia árus féin iardain. Conad h-i sin fóiridhin Fhinnchua ar Clannaibh Neill &ersir; ar Fheruibh Midhe, &ersir; cain uatha-som d' fhir a inaidh da eis cu brath.

Fosaigid Finnchua 'na inad fein fria ré cian.

IS ann sin do-éirig cogad for Laighnibh fria linn Finnchua. Sen Nuada Eicius fa ri Laigen in tan-sin. Batar da bainchele oc on righ-sin .i. Aífe ingen Rosa Failge &ersir; Anmet inghen Colmain meic Crimhthain do h-Uibh Cennselaig, et annsa lasin righ issi inas in bhan Fhailgech, &ersir; ba torrach sein uadh. Cuinghidh in ben Chennselach in toirrchius bai oc on mhnai Failghigh do tabairt ar comus di. Gia ro gheall in ri di-si sin ní ro comuill. Cuiridh in ri fis fo cleith cusan m-ban Fhailgigh, &ersir; at-bert fria dhul isin Mumain síar ar comairce Fhinnchua Shlebhe Cua, uair comairce mís &ersir; raithi &ersir; bliadne aice-sein sech gach noemh aili da gach duine dar sarugud bh-fer n-Eirenn, áir ni lamhdais sloigh náit sochaide, curaidh nait cathmilid ní do Finnchua ar mhét a aicnidh, &ersir; ar saeire a cheiniuil, &ersir; ar mét a bhrotha &ersir; a bhrighe. Luidh iarum an inghin for set i crich Muman, triar fer &ersir; nonbhar ban cona cairpthib leo, cu rochtatar iartur Maighi Maistertha, cu ro mhemaidh fertais carpait na h-inghine, conadh Áth in Carpait ainm inn atha o sin ille. Urdhaingnighter in carpat re h-edh, &ersir; scailid doridisi &ersir; leathnaigid, conadh ass ro h-ainmniged Druim Leathan &ersir; Ceall Droma aníu. Gabsait iar sin idhain diana an ingin, et faillsigter esein do Finnchua &ersir; sé ica fhothracadh a n-dabaigh uar-uisci .i. ben righ Laigen do thecht chuige ar chomairci. Et as-berar uadha fria gan techta as an inadh a raibhe co rucadh a toirrches, áir ni ghnáthaighdis mna naít bandala techt ar eclais Finnchua in tan-sin. Beridh ingen mac mochtrath aramárach, &ersir; berar uaithi h-e dia bhaisdid co Finnchua. Baisdter iar sin an mac &ersir; do-berar Findtan fair .i. Finntan mac Sen Nuadha Eices meic Breasail Bric, meic Fiachach Foibric. Oilter in mac oc Finnchua, &ersir; do-beir a chích des dó, cu ro fhas bainne innti, &ersir; fogarthar dá mháthair imtheacht 'na tír fein. Do-bhí bisech ar an mac sin nách bíadh oca mháthair fesin dia m-beitis noenbur banaltrann fai. Fortamhlaighidh iar sin in cocad thair for Laighnibh o Chennsealach mac Dunlaing meic Dunadhaigh, o raitter h-Úi Cennsealaig. Tecait iar sin a aes gradha co Sen Nuadha Eiceas da fhis cidh do-gendais risin cocad-sin, ár ba senóir in drai ann. As-bert in rí: Ata cathaighi conghaluch i cinn Shlebhi Cua .i. Findchua o Bri Ghobhann, &ersir; itá mac damh-sa aigi, &ersir; ticfaidh am shocraiti tre bháidh doigh am inmhain leis allos mo meic, &ersir; eirgedh airechus co naenbur eces lais ara cenn, ár itá do mhét a naire na tibhre éra for an aes dana. Lotar na filid for a sét cu rochtatar i comfhocus baile Finnchua .i. cusan abuind fria cill anair. Faillsigter sin do Finnchua &ersir; se i n-dabhuigh uar-uisci, &ersir; luidh gusan aes dana na tistais cuigi co tairsedh dhó-somh a fhothrucud. Fergaighit na filid fris-sium uimi sin, &ersir; fergaighidh-som frisna fileduibh. Conna dlegur aes dana do theachta tar an abhuinn anóir cusin m-baile o sin cen ceadugud, et is dimbuaidh doibh da n-decat, conadh Sruth na n-Eces ainm na h-abhunn o sin ille. Conná dlegur do righ Laighean techtaire filed do cur uadh o sin ille, &ersir; is dimbuaid dia cuire. Do- roich tra in t-aes dana co Finnchua aithle a fhothruicthi, et as-berut fris: Ar do chend-sa tancamar-ne o righ Laigen, ar siat, co n-dighiss dia fhoirid- hin don cocad fuil fair. Ragat-sa fris sin, ar Finnchua, cen imrisain,&ersir; nidham leasc uime. Luidh Finnchua cu moch arnamhárach ina dhírim cleirech, &ersir; mac righ Laigen lais, &ersir; in t-aes dana, cu rangatar cusan righ cu Dún uas Berbha. Ferthar failti fria Finnchua, et tairisis menma in righ fria mac, &ersir; fa buidheach don lesugud tucadh fair. Do-gniter a freastal co maith. As-bert Finnchua frisin rígh comha shidha do bhreith uadh do Chennsealach, &ersir; muna gabad cath d' fhuacra fair. Ge rucadh coma shídha gu Cennsilach nir' ghabh nach ni acht Dun os Berba dh' arguin aramhárach. Gabais ferg &ersir; fuasnad an clerech dhe sin, &ersir; do-badh fhearr lais cu faghbhadh cath in uair-sin. Córaighter iarum a chath la cechtar dhe, cur' bat comdlúthta, comharda iat. Teit Finnchua i tús in chatha, &ersir; ro eirig a barann &ersir; a bhorrfad, &ersir; ro línustar tonn danatais a criche &ersir; a cheiniuil 'mon am-sin, et ro ghabh a cosa &ersir; a lamha &ersir; a súili for slogh Ceindsealaig, cu nar' thualuing n-imghona iat a n-agaid a námhut. Tic iar sin tonn diadhachta co Finnchua, &ersir; as-bert friu gialla &ersir; aidide do tabairt do righ Laigen, &ersir; nír' fhaemhsat inní sin eitir. Ad-rachtatar Laigin a n-oein-fecht lasin clérech isin cath, et as-bert Finnchua na briathra so: A Laighne, nom-lenaidh-si, et reliqua. Ro cuired iar sin in cath gan choicill, &ersir; nir' fagbhudh mac righ 'na shesamh ann acht Cennsealach a oenar, et tucadh .L. mac righ dhibh co Dun Os Berbha, conadh Dinn Rígh ainm an inaid sin o sin ille. O ra h-aincedh Cennsilach ro edhbair dilsi a clainne &ersir; a ceiniuil &ersir; a iardaighi do Finnchua, &ersir; ced da gach chrudh gacha sechtmad bliadne dó fein &ersir; d' fir a inaid o righ Laigen &ersir; o h-Uibh Cennsilaig do gres. Facbhuidh Finnchua buadha do righ Laigen &ersir; do righ Ua Cennsilaig .i. genus ina righnuibh &ersir; ana mnaibh, &ersir; naire 'na n-ingenaib, &ersir; firinde 'na b-feruibh.

Cuinghes ri Laigen for Finnchua Finntan a mac d' facbail aigi ina crich fesin, et ceduighius Finnchua dó sin, &ersir; tuc bennacht dia dhalta, et do-bert a dhalta i fosugud ann, &ersir; do- bert a rogha dia dhalta in loechdacht no an cleirchecht, et ruc in dalta do roghain in cleirchecht, et do-bert ferann dó iar sin .i. Cluain Irarrois frisa n- apar Cluain Eidhnech inníu, et cumthar trian cuarta in baili-sin d' Finnchua do gres.

Conad iat sin gnimartha &ersir; ferta Finnchua i Laighnib, &ersir; do-roich iar sin co adhbha fein i Mumain.

IS é ba ri for Ulltaib in tan-sin, Eochu Croibh- derg mac Scannlain meic Dunadaigh, et ba h-i a baincele, Moinginn ingen Daire meic Finnchaid d' feruibh Mumhan; et nir' ghabh o a fer gan techt a Mumain do cosnumh righi dia macuibh .i. Cas &ersir; Cian &ersir; Cingid, &ersir; gabhaidh in ri do laim sin. Foillsighter d' Finnchua inni-sin .i. aslach Diabuil do tabairt da mnai for righ Ulad um thoidhecht i cenn catha i Mumhain cen fhotha. Et gabais ceim conalbais Finnchua annsin uma crich fein gur' cuir fesa i n-agaidh righ Uladh, uair nir' ail dó a mharbad i crich Mhuman fria linn, &ersir; dia tised tara sharugud cu fuighbhedh bas &ersir; aidhedh anabuidh. Tancatar arai sin Ulaid tria gresacht na mna cu riachtadar Mairtine Mor Muman gan airiugud do righ Muman, cor' ghabsat sosad &ersir; longphort a n-Ard na Righraidi frisi n-apar Cnoc Samna iniu. IS ann immorro do bi Cathal mac Aedha Flaind Cathrach ri Muman &ersir; Mumu ingen Fiacrach a baincele a n-Dun Eochair Mhaighi in tan-sin, &ersir; at-ciat ar n-eirghi doibh na samhlacha i Cnuc na Righraidi riu anes .i. na mergedha ana etarbhuasacha &ersir; na pupla do breacsroll righda isin tulaig 'arna tocbhail. Lotar fesa o righ Muman dus cia ro bhai isin tulaig. Ri Ulad, ar siat, &ersir; Moingfhinn ingen Daire ic iarraid righi Muman dia macuibh. O ra h-indised do righ Muman sin at-berat a chomhairlig &ersir; maiti Muman: Tiaghar uainn ar cenn in chathaige mharbhthaigh-sea rind anes .i. Finnchua Bri Gobann, uair do-gheall dam-sa geb e tan no bheth éicen catha form co ticfad a cenn catha leam dom chabhair &ersir; in Cennchathach lais .i. a bhachall fesin. Lotar na fesa gu Finnchua .i. Ger &ersir; Tualaing &ersir; Turscur, tri ghille in righ, &ersir; ad-fiadhat dó rí Ulad do tiachtain tara sharugud-sumh isin Mhumain. Gluaisis Finnchua andsin ana shomhulrith charpuit, &ersir; a bhachall 'na laimh, gan airisium ria cleirchibh idir, cu riacht Dun Eochair Maighi, baile a raibhi Cathal mac Aedha. Ferthar failti fris on righraid. As-bert in ri sin fria Finnchua dul do tabairt comhadh do Ulltaib, &ersir; o nár' thoich dó righi Muman nach fuighbhedh h-i. Luid in clérech fris- sin, &ersir; do-bert Moingfhinn aithne fair uaithe, et at-bert fria macuib deabaidh logaissi .i.bregi do dhenamh ardaigh co tised in clérech dia n-etrain, &ersir; cu ro mharbdais a meic-si h-e, uair dob egal leo in clérech do bhrised chatha forro, &ersir; dia marbhtha-som robo bec brigh Muimnech leo. O dho-rocht Finnchua cusan longphort ro fhiafraig: Cia deabaidh sut do- ciam? ar se. Mo meic-si sut, ar Monginn, oc deabaidh um righi Muman, &ersir; eirg-si dia n- etrain. Ni thó emh, ar Finnchua, áir bat sidhaigh meic Moinginne. Ni ro foemhad tra o Finnchua in comha frissa n-dechaid co righ Ulad, et geibhidh ferg &ersir; fuasnad h-e, &ersir; tic co righ Muman, &ersir; at-fet na ro gabhudh comha uadh etir. DENUIDH, ar Finnchua, cippe com dhaingen catha dhibh o do-rochtabair oen mhaigin. Teit iarum Finnchua i tús in chatha-sin, &ersir; in Cenncatach ina laimh .i. a bachall, &ersir; ten- naidh in comhairle &ersir; nertaidh in cath, &ersir; tic fo tri deisiul in t-sluaigh, &ersir; a bhachall 'na láimh, &ersir; cia ro cuindigh in rí in bachaill 'na láimh ní tard Finnchua dho. Cumad air fesin no beth maisi in catha do brisedh dara eisi. INnlit Ulaid iat fein a n-aghaid Muimhnech annsin, &ersir; gabhuit a n-arma irghaili. Ro bhúirset &ersir; ro beicset amal damhu damhghaire, &ersir; tiagait a mullach an cnuic. Saighidh in clérech in fán tarrsa, &ersir; leicidh in cnoc doib-sium. Cromsait Ulaid co dicra do cur in catha. O 't-connaic Finnchua sin tarraid iat fon suidigud-sin, conar' leic eirghi dhoibh sech a n-gluinib suas etir, &ersir; moidhid an cath forro a n-agaid an aird. Cor' fhacuibh Finnchua do Muimhnechaib maidm rempa i n-agaid in aird o sin amach co bráth a n-agaid allmurach, &ersir; gach sloigh arcena, &ersir; iss ed chomalltar iarfír. Do-rochuir ri Ulad &ersir; a shetig Moingfhinn cona tri macuibh leo isin cath-sin, co fuilet a bh-ferta &ersir; a lighi isin tulaig da n-eisi.

Tecait a tri daltada co Finnchua iar sin .i. Coimde &ersir; Conmhach &ersir; Concraidh, &ersir; do-berat a lamha for a gualainn, &ersir; at- bertsat fris: As dith fine, as forba fás, as sechna thire &ersir; talman duit a n- do-ronais aniu, &ersir; inní rob ail duit do dhenamh .i. do bhraith-bheimenna do bein for Ulltaib. Tairisis iar sin menmha in clérigh &ersir; tairisid a aicned, &ersir; ainicer in t-sluaigh, co n-dechatar da einech imlan uadha. IMpoidh iar sin co feruibh Muman co tarladur dhó ara chinn i crolighi .i. Cairthenn Finn &ersir; Cairthenn Donn, &ersir; secht meic Forannain de h-Uibh Cassin, &ersir; Fermac &ersir; Ifernan, &ersir; aitchit in clérech uma chabhuir, &ersir; do-berat a bhreith féin dó. IMpóidh iarum Findchua friu, &ersir; bennachais iat, &ersir; slánaighidh triana fheartuibh &ersir; adhamhraibh cor' bhat slaincrechtaigh dia eis, et ordaighit sein a cuarta dhó .i. .L. ech allmardha a h-Uibh Toirrdelbaigh &ersir; .L. corn buabhaill a h-Uib Caisin &ersir; .L. sitheal aircdidi o mhaithibh Dail Cais. Do-roich iar sin Finnchua cosin righ, &ersir; do-berur a bhreth féin do .i. bó cech lis on Ardchnoc .i. Cnocc Brenuinn, co Dairinis ic Imliuch, &ersir; bo bhith-blicht do clérech a bhachla cech tan bérthar i ceann catha h-í, &ersir; coimeirghe re bh-fear a inaidh do gres ó righ Muman. Facbhais Findchua bennachtain oc on righraid &ersir; oc feruibh Muman, &ersir; tic roime dia adbha fesin iar m-buaidh bh-fert &ersir; mirbuile.

EIRGHEAS iar sin cogad allmurach i coicedh Connacht re linn Fhinnchua. Tomaltach mac Muiredhaigh ba rí Connacht in tan-sin. A n-indmhusa immorro no bertis allmharaig uatha gacha bliadne tar muir sair, gur' fhacuibhset gorta &ersir; terce bidh isin coiceadh. Lotar fesa o Thomaltach co Finnchua cu ro dhingbad na h-allmuraig dhe &ersir; a breth fesin do. Luidh Finnchua lasna techtaibh gu Cruachain Maigi h-Ai. Batur failtigh Connachta roime. Batar dono na h-allmuraig i bh-fosadhlar longpuirt ina bh-farrad i Cuil Fedha, frisi n-abar Cul Cnam Rois inniu. Cidh as ail dúibh friu sut? ar Finnchua. Cath do thabhairt doibh, ar Connachta. Din-gebhut-sa in cath, ar Finnchua, dar cenn mu riara. Geallait Connachta a breith fein do-sum. Teit Finnchua leo a ceann in catha &ersir; ad- cí na h-allmuraigh uadha. Geibhidh iarum teasbach dermhair na h-allmuraig annsin tria cumachtaibh an cleirig a medhon a longphuirt dona sonnuibh iarnaidibh batur i timcheall an longphuirt imacuairt, conná frith dibh aramharach acht a cnama &ersir; a taisi a medhon a longpuirt, &ersir; frasa dia n- armaib 'na bh-farrad: conadh Cuil Cnamh Rois ainm ann inaid o sin ille. Tairisnighit Connachta iar sin a mhirbuilibh an cléirig, &ersir; ordaighit a cana &ersir; a cuarta dho, &ersir; ech gach deg-duine &ersir; screabal gach aenn duine &ersir; erradh rígh Connacht o mhullach co lar gacha bliadne dhó. FACBHAIS Finnchua iar sin buaid catha la righ Connacht, &ersir; buaid n-gnima &ersir; buaid marcachuis, &ersir; nach gebhadh nert allmharach crich Connacht cu brath da eisi, conud h-e sin fotha Finnchua a Connachtaibh tria bhithu. Ceilibraid Finnchua do Connachtaib iar sin, &ersir; tic có a mennat fesin i Feraibh Muighi.

AS e ba ri Ciarraige in tan-sin, Mothla mac Floinn meic Aenghusa. Bai mac brathar aigi-sein .i. Ciar Cuircheach o raidhter Ciarraigi Cuircheach. Ocus as-bertadar comaltada in righ marbad an meic-sin a bhrathar cu nach tised fris, et cedaigius in ri a mharbad amuich in tan no bhiadh oc seilg. Acht ní ro-siacht leo gia ro gabsat do laimh. At- fiadhar sin don righ, &ersir; do-berar linn somheasctha soola gusan n-gilla .i. Ciar Cuir- cheach, gur' cuired 'na chodlad h-é, &ersir; do-cuiredh a curach aen-shluaisti for muir, &ersir; seolaid gaeth é gu h-Inis Fuamnaighi, bhaile i raibhe Magor Dub- loingsech do allmharchaibh. Gabhar aigi-sein Ciar Cuircheach isin churuch &ersir; innisidh a imthusa do Mhagar, &ersir; ainicis Magar h-é o 't-cuala a scela, &ersir; ise luach anacuil ro chuinnig fair .i. eolus cusan crich asa taínic cu ro airgeadh h-i, ar ni bhídh arbhur na treabhad aige 'na innsibh eidir. Lotar iarum i Ciarraigi fria re tri bh-faghmhar, gu rucsat a h-arbhur eisdi ana m-barcaibh iarna crechad, co ro fhas gorta mor a Ciarraige uili dhe sin. As-bert Mothla mac Flainn: Eircter uainn ar cenn ar m-bráthar bunad-chineoil .i. Finnchua Slébi Cua, cu ros-foire sinne amail fhoires cach. Teacat na techta aniar co Finnchua, &ersir; at-fiadhat dó a tosca. LUID Finnchua i Ciarraigi iar sin d' fóiridhin a bunad-cheiniuil, et ba si sin adaig thangatar na dibercaigh isin tir, &ersir; gabhsat a bh-Findtracht Cind Maghair. Fiafraigidh in ri d' Finnchua, cidh do-genduis friu. Fiafraigidh Finnchua don righ cia h-olc do-ghnítis gacha bliadne isin tír? Ni fhacbaít, ar in rí, a bec do arbur isin crich dia n-eis. Leagur scailed dhoib, ar Finnchua, cu ro ghabhat a n-oireda forru, &ersir; tecam-ne isin traigh tara n-eis, &ersir; is ced lim-sa gan ar bh-faicsin doibh cu tisat chucainn 'nar cenn. Nir' bó cian iarum gu bh-facatur cuca iat isin traigh, &ersir; a n-oireda furmada forra. Ro eirigh immorro a bharann &ersir; a bhorrfad in cleirig, amail lanna derglasrach no amail thoichim tuindi fria tír. Ba h-e tricce &ersir; tindisnigi do- thoet Finnchua a cath a brathar in lá-sin tre bhaidh cur' bho meidightir airdigtir fria seol primh-luingi uas fheth-fhairrgi ferta &ersir; cumachta De tre ghuidhi in naeim i n- agaid na n-allmurach in la-sin, cu ro eirgetar tonna Eirenn fris. Ro ghabh tra scemhdhacht &ersir; leadarthaighi chon h-e ina gaiscedh in la-sin. Gengu betis Iaeich ag cur in chatha acht esiumh a aenur is roime no mhoidhfeth, áir is cuma no theascad da arm &ersir; da fhiaclaibh na h-allmurchu. Conadh de ro lil Finnchú de .i. amail choin in la-sin h-e. Et tucsat in sluag Ciarraighech a n-aigti uili re h-agh &ersir; re gaisced in tan-sin, cu ná terna dona h-allmharchaib cen ghabail no cin marbad acht Ciar Cuircheach a aenar. Et is h-e Finnchua ro ainic esein. Ro com- maidhed an gnímh-sin acu iar sin, &ersir; ro móraid ferta De &ersir; Finnchua cuna gabann nert allmurach gana duthaig budhein innti acht gu cuimnedar Finnchú oc tabairt in catha &ersir; a thabhuirt a n-ainm Dhé &ersir; Finnchua &ersir; a chana dh' fir a inaid da eis.

AS-pert in rí fris: Beir do breith, a cleirig, &ersir; ben do beim císa orainn infecht-sa, uair bidh manuigh dhilsi duit-si &ersir; d' fir h' inaidh inne do gres. As í mo breth, ar Finnchua: miach bracha gacha baile dhamh, cona furrthain do bhiudh cacha bliadne. Ro chinnset-som cu tibritis. AS- pert iarum in rí nach fuighbhedh Ciar Cuirchech failti oca &ersir; no cheaduighfed d' Finnchua a bhreith laiss. LUIDH iarum Ciar Cuircheach la Finnchua .xxx. .i. a bh-fuair dia chairdibh &ersir; dia choiceilib isin tir. CEILEabhrais Finnchua iar sin don righ &ersir; don righraidh, &ersir; facbais bennachtain acu, &ersir; teit gó a aras fesin. Et cuiris Ciar a Ciarraigi Cuircech, conadh uadh ro sloinned. Et dligid Finnchua gacha bliadne .xxx. torc o Ciarraigi Cuircech.

TEACAIT iar sin re linn Finnchua Clanna Neill in tuaiscirt do ghabail righi Muman, uair at-cualatar in tír ina folmaisi &ersir; Leth Mogha 'ar bh-fagail leoin ima righuibh &ersir; ima codhnachuibh, &ersir; gan rígh diles orra. Gabhait iarum longport oc Loch Sighleann i n-Gurt Clainni Neill aníu, &ersir; nír' bacad dibh, uair nír' bhe airdrí for Mumain in tan-sin acht comard oirrig. Do-cuadur immorro Muimnig a muinighin a noem um coscur Clainni Neill do breith, uair ni rabhatur cuingid chatha acu 'na n-agaid. Do- bhí tra mac rígh acu in tan-sin .i. Scannal mac rígh Ua Cairbre. Erlamh airmhitnech do shil Eogain esein, &ersir; adubairt gu ticfadh moirsheiser naem do cur in chatha acht gu m-beth aen-laech do Clannaibh Eogain roime do mac rígh no rigdamna. At-cuas d' feruibh Muman cu raibhi fer calma don Mumain .i. Cairbre Crom mac Crimhthain t-Sreib meic Echach meic Aengusa meic Nat Fraeich, &ersir; fa mac righ &ersir; righna, &ersir; fa h-adhbur righ acht gu righdais tuatha &ersir; fine é, &ersir; ro h-inniseadh doibh-sium a bheith ac seilg a n-droibheluibh &ersir; a b-fasaighibh &ersir; a bh-fheduibh .i. ar mhucaibh &ersir; aigib, &ersir; lotur fesa uathaibh ara chenn, &ersir; adubratar fris no bherdais righi dó ar tiachtain a cenn chatha leo. At-bert-sum friu ná raghadh no gu tised in cathaighi calma bai i Mumain lais, .i. Finnchua Slébi Cua. Berar a fhis sin dona naemaibh út, &ersir; tecait sein ar ceann Finnchua gu maithibh Muman leo da breith don chath. Caidhi, ol Finnchua, in lucht ros- gabh do láimh in cath. Ní nert leo itir cu raibhais-si ica thabairt leo aroen fria Scannal. Do-ruménar- sa ris, ol Finnchua, gidh leasc leam; et tainic leo cu riachtatar Loch Silenn gu comthinol Muman. Et do-riacht Cairbre Crom chuca cona shochraite amail ro gheall in tan ad-cuala Finnchua do techt ann, et ad- conncatur Clanna Neill uatha ag eirghi gu moch isin matain ina longport ina m-broin adhbhail ildathaigh. Locuid fir Mhuman in cath re gráin Clainni Néill &ersir; ar imut a laech &ersir; a trealaim, acht Finnchua a aenar. Et comairliged Lineation jumps from 3231 to 3242. Ten empty line-breaks have been inserted. Finnchua Fir Mhuman, &ersir; adubairt nach leicfithe baile dia b-ferunn doibh damad locad leo. Do-raidhset Fir Muman: Atait Clanna Néill ar tri coimlín-ne. AS-pert Finnchua a n-imarcraidh do shlaidhi comtis coimlina, eto ro bheitis coimhlín cach do mharbhadh a fhir chomhlainn iar sin. Cidh tra, ro gress &ersir; ro nert Finnchua &ersir; Cairbri Crom fir Mhuman 'cum an chatha, áir ni raibhe Cairpre ara imghabáil. Ro aemsat fir Mumhan in cath tria naire &ersir; tria nertadh Finnchua &ersir; Cairbri. IS ann sin ro choraighset Clanna Neill iat fein 'cum an chatha, &ersir; tancatar a n-dail fher Muman cu dian &ersir; cu dasachtach .i. doiri dia n-armaibh uasa cennuibh &ersir; leibheann da sciathaibh 'na timceall. Eirghit Muimnig 'na n-agaid iarum &ersir; a naeim leo, et ger' sat liu do Clannaib Néill ro sraeinedh in cath forra a nertuibh naemh &ersir; curadh, &ersir; leantar in maidm, &ersir; dichenntar móran dibh, &ersir; tinoilter a cind a n-aen-inadh, &ersir; do-berur i l-Loch Silenn frisa n-abar Loch Cenn aníu. Et righthar Cairbri Crom mac Crimhthain for Mhumain. Et aitchidh Finnchua Dia um deilbh mhaith do thabairt fair, uair ba scairbighi a dhenamh, &ersir; fuair Finnchua ó Dhia a rogha dealbha dhó, conad Cairpre Caemh at-berthea fris iar sin iar n-aithearrach crotha &ersir; datha. A Cill Crom-ghlaise ro h-ailed in Cairpre sin ac Sceallan Chael, conad de ro lean Cairpre Crom dhe, amail as-bert: Fa direch o chinn go bonn ge at-bertea fris Cairpre Crom: as de run-geibh ainm re ais ara altramh a Cromglais. Beannachaidh Finnchua fir Mhuman &ersir; rí Caisil annsin .i. Cairbre cona shil, &ersir; do-rinne in rí cadach fria Finnchua do fein &ersir; da shil, &ersir; sraeined catha ria Clainn Cairpre in tan do-bertais a n-ainm Dhe &ersir; Finnchua, no minn dia mhinnuibh oca ag dul a n-deabaidh, &ersir; bhidh leo a buaidh; et geallais Finnchua nach cuirfedh cath o sin amach. Cinnit Muimnigh ima rígh cana Finnchua forru .i. in cet laegh &ersir; in cét uan &ersir; in cét arc d' Finnchua &ersir; d' fir a inaidh o feruib Muman, &ersir; coimhet a inaidh ar Clannaibh Cairpri do gres. Et almsa as cech sroin o Feruib Muighi d' fir a inaidh, &ersir; a ghuidhi-sium dhoib-sium ind am eicne, &ersir; guidhfed-sium Dia um shlicht Coirpri &ersir; Chathail d' foirithin iar bh-fir.

TEIT Finnchua iar sin dia mhennat fesin; &ersir; teitt iar sin do Roim, uair rob aithrech leis na catha do-chuir &ersir; na gnimha do-roine ar connailbhe &ersir; ar bhaidh brathairsi. Ocus ro chan na runna-so sis: Lineation error, line 3277 duplicated. The duplicate is here rendered 3277a. SEACHT catha ro chuires-sa, as me Finnchua cin meabhuil, o chath Duine Dubhchomair gu cath Finntraicht Cinn Maghair. Cath i Temhraig thucus-sa, cath i Laignib lem crabhad, cath a Mumain mhedhonaigh do-radus h-e cen gabhadh. Cath Locha Cenn comramhach ar Clannuibh Neill cin mheab- hail, cath Cruachna Ai ollbladhach as romam-sa ro mheamaidh. Mu thachar fria Muimhnechaib le mac Aedha lem fhertuibh, mu chatha re cuimnechaib coir a n-airimh 'na sechtuibh. Co Roim Letha mh' ailithre for sligid Poil is Petair, i mainistir Bronaidi .i. Buidi meic Bronaigh rom-airmidter 'na sectaibh. Conadh iat-sin gnimhradha &ersir; geinemain Finnchua &ersir; a chatha &ersir; a conghala &ersir; a thurusa o do-labuir a m-broinn a mháthar no gu n-dechaid do Roim Letha, cu raibhi fria re m-bliadne innti oc aithrighi, amail ro scribh fesin i Leabhur Mainistreach Baidhi Meic Bronaig.

In brathair O Buagachain ro scribh an Betha-so as in leabhur Mainestrech Baidhi.

Finit re Fionnchua.

 Betha Brenainn meic Fhinnlogha

BEATUS UIR QUI TIMET DOMINUM, IN MANDATIS EIUS uolet nimis Ps. 111:1 . IS fechtnach &ersir; as firén foirbhthe in fer forsa m-bi ecla &ersir; imuamon an Coimded cumachtaigh &ersir; accobhras co dermhair timna &ersir; forceatal De do comallad, amail luaitter i canoin petarlaice &ersir; nu- fhiadnissi in t-aithinse-so.

Sochaidhi tra do uasal-aithribh &ersir; d' faidibh &ersir; d' apstalaib &ersir; do deisciplaib in Choimdhedh, frisi n-debhradh i petarlaic &ersir; i nui-fhiadnissi in t-aitheasc-sa .i. a bheith fechtnach firen forbhthe forasta ar accobor &ersir; ar ailgius leo na timna &ersir; in forcetuil diadha do com- hallad, &ersir; ar imecla in Coimdedh co foirbhthe 'na cridibh &ersir; 'na menmannaibh cen scrutain aili acht mad sin.

A oen iarum don luct-sin in nui- fhiadnissi, intí diata lith &ersir; foraithmet ind ecmong na ree-sea &ersir; na h-aimsiri .i. h-i .uii. kl. Iuin .i. Brenainn mac Finnlogha do shlicht Ceir meic Fherghusa. Ceann creitme &ersir; crabhaidh ermhoir in domuin uili inti noem Brenainn .i. amail Abraham n-irisech. Sailmchetlaid primh-fhathacdai amail Daibith mac Iese. Ecnaid derrscaightech amail Sholmain mac n- Daibid. Rechtaidhi amail Mhoysi mac Amhra. Tintodhach tidhnaictech amail Hieronymus Cirine fáidh. Intliuchtach amhra amail Aguistin. Mor- leighnidh primh-coitcheann amail Origin. Ogh amail Eoin bruinne-dalta in Coimdhed. Soiscelaigthe amail Matha. Foircetlaid amail Pol. Cend dithreabhuch amail Eoin Baitsi. Trachtaire amail Grigoir Roma. Techtaire treabar mara &ersir; tire amail Noei mac Laimech. Uair amail ro thocaibh Naei in n-airc uas tonnghor na dilenn ind airdi, as amlaid sin toicebus Brenainn a mhancha &ersir; a mhuinntera a n-airdi úas teinid bhrátha, cuna ria dé na ceo na crithir iat tre cumhachtaibh &ersir; caen-crabud Brenainn meic Finnlogha.

A n-aimsir immorro Aengusa meic Nat Fraeich righ Muman, is ann ro genair intí noemh Brenainn. Do Chiarraigi Luacra dhó .i. do Alltraigi Caille do-shainnred.

Bá fer saer socheneoil craibhdech irisech a athair in meic-sin .i. Findlogh. IS amhlaid batur in lanamhain sin, i smact &ersir; i coibligi dlighthigh fo riagail espuic Eirc. At-connaic máthair Brenainn aislingi resiu ro genair Brenainn .i. lan a h-ochta dh' ór glan do bheith aice &ersir; a ciche do taitnemh amail t-snechta. IAr n-indisi na h-aislingi d' espoc Eirc adubairt gu n-geinfeth uaithi gein chumhachtach bhudh lán do rath in Spirta Nóemh .i. Brenainn.

ARAILI fer saidhbhir bai i n-aitreibh co fada ó taigh Finnlogha, Airdi mac Fidhaig a ainm. Tainic primh-fhaidh na h-Eirenn in tan-sin co tech Airrdhe meic Fidhaig .i. Beg mac Dé. Ro fiafraigh Airrdhe do Bec: Cid ni is nesa dún innosa? Adubairt Bec: Geinfidh do rí dilis dingbhala fein eadrat &ersir; muir inocht, &ersir; bidh sochaidhi do ríghaibh &ersir; do ruirechaibh aidheorus he, &ersir; berus leis docum nime. ISinn adhaigh- sin gene Brenainn rucsat tricha bó tricha laegh ag Airrdhe mac Fidhaig. IAr sin ro éirig co moch arnabarach Airdhi, &ersir; boi oc iarrad in toighi a rucad in mac beag, &ersir; fuair tech Findlogha, &ersir; in naidhiu ann, &ersir; ro shlecht co duthrachtach 'na fhiadhnusi, &ersir; ros- edbair in tricha loilgech cona laeghaibh dhó, et ba si-sin ced-almsa Brenainn. Ro gabh iar sin an brugaid in mac ana laim, &ersir; adubairt: Bidh dalta dam-sa in mac-so tre bithu na bethad, ol se.

A n-adaig immorro ghene Brenainn ad-connaic espoc Eirc Alltraigi Cailli fo aen-lasair dermhair amail na aices riamh roime, &ersir; timtirecht examuil na n-aingiul i n-edaighibh glegheala imon tír immacuairt. Eirghius espoc Eirc gu moch aramharach, &ersir; tainic gu tech Finnlogha, &ersir; ro ghabh in mac ina laim, &ersir; adubhairt fris: A dhuine Dhé .i. duine fhoigenus do Dhia, gabh mhisi cucat amail mhanach n-dilius; et cidh sochaidi is forbhfhaeilid friat ghein as forbhfailid mu cridi-si &ersir; mh' ainim, ol espoc Eirc. Iar sin ro shlecht 'na fhiadhnusi &ersir; rochí co dermhair i comurtha fhaeilti, &ersir; ron-baist iar sin, &ersir; tugad Mo Bhí fair mar ainm artus o a thustidhibh. ut dixit poeta: Mo Bhi a ainm-sium ar tus o thustidhib, caomh a rus: macaom sluaghach, sirthech, seng, ba cobair d' Feraib Erenn. IAr sin ro fherastar broen find .i. ciabhor fhinn, cu ro lín in Fhianann uili. As de-sin bha Broenfinn a ainm-sium. Finn immorro do-radh fris, ar ba find o churp &ersir; o anmain: ut dixit: Braonfind a ainm-sium iar sin o curp ocus o anmain on braon-sin fuair slain o epscop Eirc a aon rain.

IS ann sin ro scennset tri muilt corcra as in topur fiacha baistigi Brenainn. ut: Tri muilt corcra, suairc in tred, fiacha baistigh Brenainn beg, ro sgeinnset, ba caom an cor, as in topur an aonor.

Rucsat a mhuinnter leo h-e cu m-boi bliadan occa iar sin ica altrum. I cind bliadne iar sin ruc espoc Eirc lais h-e ar amus a mhuime fein .i. Íta, &ersir; bai coic bliadne oc Ítta, et tuc in chaillech gradh n- dermair dou, áir it-ceth timtirecht na n-aingel h-uasa &ersir; rath in Spirtu Nóim fair co follus, et no bhith Brenainn, oc sir-ghaire frisin caillig cech tan at-cídh h-í. ARAILI la ro fhiarfaig Ita dhe: Cidh do- gní faeilti dhuit, a naeidhiu noemh? ol si. Tusa, ol se, at-cím oc labra frim choidhchi &ersir; ogha imdha ele amail tusa, &ersir; siat acum comhaltram as cech laímh diachéle. Aingil immorro batar annsin i n- dealbhuibh na n-ogh. Aingil i n-dealbhaibh ógh fhind badar ic altram Brenainn, as cech laim ina cheile don naoidhin cin mor-mheile.

Iar sin ro legh oc espoc Eirc a shalma co gressach i cinn .u. m-bliadne, &ersir; ba fada la h-Ita beith 'na ecmais. Ni rabha immorro bó blicht oc espoc Eirc, áir ní gabhudh almsana o neoch acht becan o dhainibh riaghalda. Ro boi-siumh tra i n-araile la occ iarraid bainne for a aidi. IS tualaing Dia ón, a mic! ar espoc Eirc. IS iar sin ticedh ind agh allaid cech lái do Shleibh Luachra cona laegh le, co m-blighthe do-sum h-i, &ersir; teighedh a h-oenar isin sliab iarna bleagonn.

IS annsin boi Bríg inna farrad-sum .i. derbhshiur dhó, &ersir; ba dermhair méd a grada lais, ár ba follus dó timtirecht na n-aingel fuirre, &ersir; ro fhegadh gnúis a aidi amail ruithen n-grene samhrata.

ARAILI la do-chuaidh espoc Eirc do proicept. Luid-seom lais isin carput, &ersir; ba h-aesach deich m-bliadne Brenainn in tan-sin. Facabar-somh a aenar isin charput iar n-dul don clérech don proicept. Suidhius Brenainn isin carput &ersir; se oc gabail a shalm a áenar. IS annsin do-riacht ingen min macdachta mong- bhuidhe, do cenel rígda, gusan carpat cuici-siumh, &ersir; sillis fair, &ersir; feghaidh a ghnúis aluinn edrocht, &ersir; fuabrais leim chuice isin carpat fo chedoir &ersir; a cluiche do denamh ris. IS ann as- pert fria: Imthigh dod tigh &ersir; beir mhiscaidh cidh dod-fucc ille, &ersir; geibhidh-sium ialla in carpait, &ersir; gabhuidh for a sraeighled cu cruaidh cu raibhi ic cai &ersir; occ diucairi, cu riacht gu h-airm a raibe a máthair &ersir; a h-athair .i. in rí &ersir; in rigon. IMpoidius iar sin espoc Eirc, &ersir; gabuidh ica cairiughudh-sum cu gér im bualad na h-oighi neimelnidhi. Do-gen-sa aithrighi inn, ar Brenainn, &ersir; abair-si h-í. Tair isin uamaidh-sea co maduin, ar espoc Eirc, &ersir; bí at aenar inntí cu torus-sa cugut imarach. Suidhis Brenainn isin uamaidh iarum, &ersir; gabhais a shalma &ersir; a immna molta don Coimdhid innti. Oirisidh espoc Eirc i bh-farrad na h-uamadh ic eistecht ra Brenainn cen fhis dó. At-clos tra foghur gotha Brenainn ag gabáil a shalm míle ceimeann for cech leth. Do-cluinti foghur gotha Coluim Cille in comhfhad cetna in tan no bhith ic cantain a shalm &ersir; a immunn. Foghar gotha Brenainn bhinn isinn uama 'con fhiannaind, mile ceimend in cech dinn at-cluintea a ard-guth alainn. IS annsin ad-connuic in clérech buidhne aingel súas cu nemh &ersir; anúas co talmain immon uamhaid co maduin. O sin imach immorro nír' chumhaing nech gnúis Brenainn d' faicsin ar imad na ruithne n-diadha acht Finan Cam a aenar, áir ba lán do rath in Spirta Nóim éisidhe, &ersir; is edh fo-dera do a fáicsin-sium seoch cach, ut dixit: Silledh for aghaidh m-Brenainn ni cumgaid nech a n-Eirind acht Fínan Cam, caom an modh, ar met a ratha a aonor.

ARAILE la batar oc imthecht for an sligid .i. Brenainn &ersir; espoc Eirc. Do-rala oen óclach ina cuidechta for an sligid. Teacmhuidh didiu namhait batur aigi dhó .i. moirsheser laech, &ersir; gabhais ecla mhor in t-oclach, &ersir; adubairt: Muirbhfit sud mhisi innosa. Eirg becan ar scath in chairthi cloichi ucut, ar Brenainn, &ersir; sín ara scath tú. Do-ghní-sium tra amlaid sin, et tocbhuidh Brenainn a lama fria Dia, &ersir; do-ghní ernaighthi, co ro soeirtea in t- óclach i rict coirthi cloichi. Teacait iarum a namhait-sium cosin coirthi, &ersir; benuid a cenn de ina richt-som, &ersir; gonait in coirthi 'na thoebh, &ersir; faccbhait in cloch 'arna dicennad, &ersir; berait in cenn leo a rict cinn a namhat. Et maraidh beos in cloch sin isin luc cetna. Conudh annsin do-roine Brenainn cloich don duine &ersir; duine don cloich. Denaidh aithrigi, ar escup Eirc, uair ceann na cloiche fil occuibh, &ersir; ro imthigh bur namha imshlan uaibh. Do-gníat iarum aithrigi n-dicra fo riaguil espuic Eirc o sin immach.

IAR b-fogluim immorro canone petarluice &ersir; nui- fiadnaisse do Brenainn, dob ail dó riagla noem i n-Eirenn do scríbadh &ersir; d' fogluim. Cedaighis tra espoc Eirc do-sum dul d' fogluim na riagla-sin, ár ro-fhitir gurup o Dhia ro bui do-somh in comairli-sin. Et adubairt espoc Eirc: Tar doridhisi cucam-sa, &ersir; na riagla-sin leat, cu ro ghabha tú gradha uaim-si. IAr n-dul do-som d' agalluim a muime .i. Ita, is ed adubuirt in cedna fris .i. riagla naemh n-Eirenn d' fogluim, &ersir; adubhuirt ris: Na dena foghluim ag mnaibh na ac óguibh cu nach derntar h' égnach. Imthigh, ar sí, &ersir; teicemhaid laech suaichnidh sochenelach dhuit ar an sligid. Ecmaing, dano, ba h-é mac Lenin in laech-sin. IAr n-imthecht immorro do Brenainn do-rala mac Lenín dó. IS ann do-raidh Brenainn fris: Dena aithrigi, ar itá Dia ocut toghairm, &ersir; baat mac dilius dó o sunn amach. IS annsin ro-soei Colman mac Lenin cusan Coimdhi, &ersir; cumhduighter eclas lais fo cédair, ut dixit Colman: BRENUINN breo betha buadhaig beim in ael airimh aenuigh siar cu h-airbhire in aenuigh Thíre Tairngire taebhuigh. Ní taebh fri fann na feles, coemh a cland cubhaidh ires, mac fial Finnlogha re bas dim cech dindrogha dliges. Dlighidh midh modh nad maidim, aibinn modh mag nat senaim, ard-urdaig Mhuman magda cli cumdaig Banba Brenainn. Br. Mu chin bhias ina dhírim lir lebinn domuin dedhuinn, fir Eirenn tar ler lilit co Brighit is co Brenuinn. Brenainn. Colum Cilli ceall ualann inmhain inne ina shenaim, rad b-fer n-Eirenn a h-innair in flaith a birraib Brenainn. Brenainn, breo.

IAR SIN ro-siact Brenainn crich Connacht fo clú araili fir craibdhigh bai ann .i. Iarlaithe mac Logha, meic Trena, meic Feic, meic Macta, meic Bresail, meic Sirachta, meic Fiachach Finn. Et ros-foglaim- sium .i. Brenainn, na h-uili riagla naom Eirenncha aici-sein. Et as-bert fria Iarlaithi: Ni h-ann so bias h' eiséirgi etir, ar se. A meic noeim, ar Iarlaithi, cid uma bh-folcai forainn ratha diadhai in Spirta Nóibh filet innat cu follus &ersir; cumachta díairmhidi in Choimdhed cumachtaigh fil gu h-incleithe it menmain neimellnidi? TUSA tra do-riacht cucam-sa do fhoghlaim occum, ol Iarlaithi. Misi immorro bias ogut-sa o sunn amach, acht geibh misi it mhanchaine tria bithu na bethad. Act cena, ar Iarlaithi, abuir frim cait i m-bia mo eiseirghi? At-bert Brenainn: Dentar carput nua leat, ar se, ár is senoir thu, &ersir; eirg inn for an sligid. Ocus cipe inadh i mebsat dá fhertais an carpait, is ann bias h' esseirghi &ersir; eiseirghe shochuidhi immaille frit. IAr sin tra teit in seanóir isin carput, et ni cian rainic in tan ro mebsat da fhertais in carpait; et as é ainm an inaidh-sin, Tuaim Da Ghualann. IS ann sin do-ronsat a n-dís in laidh-sea eturra, ic feghudh na reilgi uathaibh, &ersir; timtirecht na n-aingel co follus dí; &ersir; as-bert Brenainn na .u. cét rainn di &ersir; as-bert Iarlaithi iar sin: ARD reileac na n-aingel n-an at-cim tar mo shuil, ni tadhbhaister ithfern uar anas tardtar ana h-uir. Comad oin iar tairceall cros Do-ro in fotan glas niba h-aitreabh dheaman n-dúr taithfentar dhun ass. Bidh aird-ceall cu n-imut cliar i m-bíat senadh mor, bidh lighi tren ocus truagh, bidh sligi do shlóg. Diultfait do manaig do cill, bid beir tabair treall, olc in comha ros-bia inn tadhall ithfrinn tall. Ticfat do braithre biaidh uair. du-roichset do chein, bidh tusa bhus fuighleoir dhoibh, do-genat do reir. IN airet donet mu riar mairet in da clar, cuirfit a naimdhi i cein, lasfait amail grein. IN airet do-net mu reir budh fir dhamh an rann, betit a meic tara n-éis, ni biat i pein tall. Mo-genar thoghfas in clar ard na n-iubur n-úr, ni ba h-itfernach iar m-brath neach ro-sia 'na h-uir. Ni budh bairnech a mheic Dhuach rot-fia lim-sa a luach, neam ocus tuile cen tlath, mo chuile cen crich. Buaidh rígh is cleirech dod shil i cein bed dom reir; nocha cirrfa nech do giall cindfet tar gach reir. et reli- qua. IAR b-facbail Iarluithe annsin do Brenainn gabais roime for amus Mhuighi h-Ai. Do-rala immorro aingel do for an sligid, &ersir; is ed as-bert fris: Scríbh, ar se, briathra in crabhaid uaim-si. Scribhais Brenainn annsin oc onn aingel ind uili riagail n-eclusdai noemdha, et maraid bheous in riagol sin. IN tan immorro batar oc imthecht in muighi co n-aicet in fuat, &ersir; duini marbh fair, &ersir; a charait icá cháiniudh. Tairisnigid isin Coimdhid, ol Brenainn, ocus bidh beo in duine fil ocuibh. IAr n-denum ernaighthi co Dia do Brenainn eirghes in t-ocláech acedoir, &ersir; berait a muinnter leo h-e co bh-faeilti n-dermhair. Iar sin tra geibhidh cach ica fhegad- somh cu mor, &ersir; berait leo h-é cu righ in mhuighi. Et tairgidh in rí ferann do in bhaile in bhudh ail do isin maigh-sin, &ersir; nír' ghabh uadha, ár nír' bail leis beith isin magh-soin.

IAr scribeann tra riaghla ind aingil &ersir; riagla noemh n-Eirenn cona m-besaibh &ersir; cona crabud do Brenainn, impais co h-espoc Eirc, &ersir; gabais gradha uaidh. IS ann at-cualaidh-siumh isin t- soscéla: Qui relingquit patrem aut matrem aut sororem aut agross centuplum in praesenti accipiet et uitam eternam posidebit Mt. 19:29-30 . IS iar sin tra ro fhás gradh in Coimdhed co dermhair ina cridhi-siumh, &ersir; ba h-ail dó a thir &ersir; a talam &ersir; a thustidhi &ersir; a athardha dh' facbail, &ersir; ro thothlaigh co duthrachtach ar an Coimdid cu tarda thalmain n-derrit n-diamhair n-inill n- aluind n-etarscartha dhó o dhainib. IAr codlad immorro do-sum in adaigh-sin cu cuala guth in aingil do nimh &ersir; at-bert fris: Eirigh, a Brenainn, ar se, &ersir; do-rad Dia duit inní ro cuinghis .i. Tir Tairngire. EIRghis Brenainn iarum, &ersir; ba maith lais a menma on aitheasc-sin, &ersir; teit a aenar i Sliabh n-Daidche, &ersir; feghais ind aicen n-dermair n- dofholachta uadh for cech leth, et is ann sin at-connuic-sium an innsi n-aluind n-airegda co timtirechtaib na n-aingeldi. Iar sin tra anaidh-siumh tredhenus annsin, &ersir; codlais doridhisi. Tic aingeal in Coimdhed dia acallaim annsin, &ersir; at-bert fris: Biat-sa, ar se, o sunn imach maroen friut tria bhithu na bethad, &ersir; múinfet-sa duit an innsi n- álainn at-connarcais &ersir; is mian lat d' faghbail. Cíís Brenainn annsin co dermhair ara fhaeiltighi leis aitheasc in aingil fris, &ersir; do-ghni atlaigthi buidi do Dia.

EIRghes iar sin Brenainn as in t-sleibh, &ersir; tic co a muintir, et at-bert friu: Dentar tri longa mora libh, ar se, &ersir; tri sretha do rámhadhuibh for cech luing, &ersir; tri seola do croicnibh, &ersir; tricha fer an cach luing, acht nír' bhat cleirig uile. ut dixit poeta: Tri longa seolais in saoi tar tonngar mara romaoi tricha fer in cech luing lais tar treathan mara mongmais. Tri sretha do ramaib leo ar gach luing dib, caom an gleo, seol croicenn go loinneolais isna tri longaib seolais. Nochu cleirchiu luid uile for loinges, caom in chaire, munter h-uathad, lom a lí, isna tri longaib seolai.

SEOLAIS tra Brenainn mac Finnlogha annsin for tonnghor in mara mong-ruaidh &ersir; for treathan na tonn toebh-uaine &ersir; for beluibh ind aicein ingantaigh adhuathmhair agairbh, airm a b-facatar ilar na m-biast m-beil-derg muiridhi; et fo- geibhdís ailena aille ingantacha, &ersir; ní tairistis inntibh sin beos.

BATUR tra amlaid sin fria re .u. m-bliadan for an aicen n-ingantach n-anaithnidh n-aineolach dhoib-sium; et ni tharla duine dhoibh frisin re-sin, &ersir; ni roibhi esbaidh dhuini dia popul forru, &ersir; ní ro frithortadh corp na anum duini dib; et ba h-ingnadh inní sin, ar ni ro leicc Brenainn doibh lon do breith leo, acht at-bert ba tualuing Dia biadh doibh in cech dhú i m-beitis, amal ro shasastar na .u. mile dona .u. aranaibh &ersir; don dhá n-iascaib.

IN tan immorro ba comfhocraibh don chaisc, batar a muinter icca radh fria Brenainn dula for tír do cheileabhrad na casc. As tualang Dia, ol Brenainn, talam do thabairt duin in gach inadh bus ail dó. IAr toidhecht immorro na casc toccbhais in mil mór muiridi a fhormna a n-airdi uas treathan &ersir; uas tonnghar in mara, cur' bho talam com-trom cobhsaidh amal faichthe choimh-reidh chomh-aird. Et tiaghait-sium forsin talmain-sin, &ersir; ceileabrait in caisc ann .i. oen la &ersir; da oidhchi. Iar n-dul doibh-sium ana longuibh sceinneas an bledmil fon muir fo chedair. Et ba h-amlaid sin do-ceileabraitis in chaisc co cenn secht m-bliadne for druim in mil moir, amail at-bert Cundedan: Carais Brenainn buan-chrabudh do reir shenuid is shamhaidh: secht m-bliadne ar druim in mil mhoir ba docair in coir chrabaidh. Uair in tan ba comhfhocraibh don chaisc cacha bliadne no thocbhadh in mil mor a druim co m-ba talam tirim techtaidhe.

ARAILI laithe dhoibh for an aicen n-ingantach co bh-facadar srotha doimne dubha in mara mong-ruaidh, &ersir; as inntibh-sin do-rimartus a longa dia m-badhudh ar mhet na h- ainbthine. Gabhuidh cách iar sin ic fegad i n-agaid Brenainn, ár ba dermhair met in gabhuidh i r-rabutur. Tocbus Brenainn a ghuth cu h-ard, &ersir; at-bert: AS lor duit, a mhuir mor-sa, ar se, mhisi m' oenar do badhadh, &ersir; leicc uaid in lucht-so. IS ann sin tra ro fhethnuig in mhuir, &ersir; toirnes fethedha i na soebchoire fo cetoir. O sin imach iarum ní ro erchoitset do neoch aile.

ARAILI laithi batar forsin muir. Tainic Diabol a n-deilbh shenta adhuathmhair aidheidig inglain ithfernaidi co n-deisidh for seol na luinge a bh-fiadhnuse Brenainn, &ersir; ní fhaca nech acu-som h-e acht Brenainn a oenar. Fiafraighis Brenainn de cidh má táinic riana aimsir choir .i. ria n-aimsir na h-esseirghi moiri. IS airi tanac, ar Diabul, d' iarrad mu phianta i clusaluibh doimhne in mara duibh dorcha-sa. Iarfaigius Brenainn do-sum: Cidh on, cait i b-fuil in locc ithfernaidi sin. Truagh sin, ar Diabul, ní chumaing nech a faicsin &ersir; se beo iar sin. Cidh tra foillsighis Diabul annsin dorus ithfrinn do Brenainn. ET fegais Brenainn in carcair n-gairbh n- guirm lan do brentaidh, lan do lasair, lan do mhosair, lan do longportaibh na n-deman neimhnech, lan do ghol &ersir; d' eighiumh &ersir; d' urchoit, &ersir; gaire truagha &ersir; nuallghotha mora &ersir; golfadach, &ersir; basgairi na tuath pecthach, &ersir; betha dhubach bronach i cridhibh pene, i carcraibh teneadh, i sruamuibh na sreath sír-theined, i cailiuch bith-broin, i lathachuibh dubha dorcha, i cathairibh trom-lasrach, i n-imut bróin &ersir; bais &ersir; riagh &ersir; cuibrech &ersir; troimthres n-dichumhaing cu m- blaedhail adhuathmur na n-deman neimhnech, i n-aite bhith-dorcha, bith-fhuair, bith-brein, bith-shalaig, bith- ciamair, bith-ghairbh, bith-foda, bith-mhúichnig, marbhthaigh, mhalartaigh, muchna, mhoing-teinntidhi ichtair adheitig ithfrinn. For sleasaibh sliabh sir-theined, cen anad, cen airisium, acht sluaigh dhemhna ica tarraing i carcraibh troma, teinntidhi, dorcha, doimne, diamra, doera, dubha, deinmeacha, sir-dheabtacha, sir-throtacha, sir-scithaigh, sir- marbhthaigh, sir-bheogholaigh, gaethach, golfartach, grechtha geranach, gothach ghoirt, ghudhamhnach, cruma, croma, cruaidhe, calma, cend-mhora: &ersir; biasta buidhi, bel-mhora . Leomain lonna léitmecha. Dracuin derga demhnacdha. Tigri trena tangnacha. Scoirpi gorma gimacha. Seabhuic ruadha, ro-arda. Gribha garba, goib-ghera. Daela dubha, dronn-mhora. Cuili gera, guilbnecha. Creabair croma, cnamh-ghobacha. Farcha troma, iarnaidi. Susta senta, sen-garbha. Claidib gera. Gai ruadha. Deamna dubha. Teinnti brena. Srotha neimhe. Cait ac scripadh. Coin ic letrad. Gadhair ic tafunn. Demhna ic glaedad. Lochu brena. Lathacha mora. Cuithi dorcha. Gleanna doimne. Slébti arda. Creaca cruaidhi. Longphort salach. Pianad cin anadh. Saithi sanntach. Tachar menic. Troit cin fhuirech. Demhna ac pianad. Betha bronach. Airm i fuileat srotha secdha serbha sir-brena lobhtha leaghtha loisctecha loma luatha lain-theined cumhga cruaidhi cairrgecha. Fada fuara fodhoimhne. Muighi loma loiscnecha. Tulcha corra gimhacha. Glennta cruaidhi crumhacha. Mointi garbha deilgnecha. Caillti dubha teinntidhi. Slighthi salcha biasdaidi. Mara techta tuilbrena. Cloithe aidble iarnaidi. Uiscedha dubha domillsi. Aitte imda ecsamhla. Samhadh salach sir-dhubach. Gaetha goirti geimhreta. Snechta secdha sir-shilti. Lanna derga teinntidhi. Gnuisi doera dor- chaidi. Deamhna luatha leitmecha. Piana aidble ecsamla.

IS annsin ro fiafraighset a muinnter do Brenainn: Cuich agailli? ol iat. Do-innis Brenainn doibh cu rub Diabul boi oca agalluimh, &ersir; ro indis doib becan dona pianuibh ad-connaic, amail adubhramar amal frith i sein scribheannuibh na petarlaici.

IS annsin as-bert fer dia muintir ra Brenainn: Leicc dam-sa, ar se, cun n-facar ni dona pianuibh-sin. IArna chetugud do ith- fern cona ilpianaib d' faicsin ba marbh acétoir, et is ed as-bert ic ecc: Mairg, Mairg, Mairg, ar se: tainic &ersir; ticfa &ersir; ticc isin carcair-si! iar sin tra do-gni Brenainn ernaighthi, &ersir; aith- beoaighter in fer sin ba marbh da muintir.

Nir' bho cian do-chuatar as sin in tan fuaradar an inghin min, macdachta, mong-bhuidhi. Gilithir snechta nó uan tuinne, &ersir; sí marbh iar tabairt buille do ghai trena formna, co n-deachaid itir a da cich. Ba dermhair immorro mét na h-ingini sin .i. cét traiged ina h-airdi &ersir; nai traighthe itir a da cich &ersir; secht traighid i bh-fot a meoir medóin. Taithbeoaigi Brenainn h- é fo chedair, &ersir; ro baist iar sin, et ro fhiafraig a cenel di. Do aitreabtachuibh in mhara damh-sa, ar si .i. don lucht oilit &ersir; ernaidit eiseirgi doibh. Fiafraigis Brenainn di cidh ba h-ail le: In docum nimhe ragha fo chedair, nó in docum h' athardha? Do-freagair an ingen tre berla nar' thuic nech aili acht Brenainn, &ersir; is ed adubairt: Docum nime, ar si, uair do-cluinim gotha na n-aingel oc molad an Choimdeth cumhachtaig. IAr caithium immorro chuirp Crist &ersir; a fola don ingin at- bath cen nach snimh, &ersir; adnaicter co h-onorach h-i la Brenainn annsin.

ARAILE la do-batar forsin muir co soinmhech, &ersir; siat oc imramh, co n-accatar araili inis álaind, &ersir; si ard, acht cena ní fhuaratur port reidh. Batar cu cenn da la dhec uimpi immacuairt, &ersir; nír' fhétsat dula innti frisin re-sin. At-cualatar immorro gotha daíne innti ag molad in Choimded, &ersir; ad-conncatar eclais n-aird n- airegda n-aibinn innti. IAr cloistecht doibh-siumh fhoghuir lochta na h-innsi, cotlaidh Brenainn cona mhuinntir acedoir ina suan spirtalda. Uair nar' leicit-sium tra docum na h-indse cuirthear clar ciartha dhoibh anuas &ersir; se scribtha, &ersir; is ed bai ann: Na denaid soethar frisin innsi-sea do tiachtain innti, ár ni ticfaidhi do gres, acht an inis iarrthai fo-gebhthai, &ersir; ni h-í so h-i, &ersir; eirg dod thír fein &ersir; dod talmain, ár itá sochuidhi ann ocut iarraid, &ersir; las bhudh ail h' faicsin, &ersir; túir na scriptuire noemdha, quibus dictum est mansiones Dei multae sunt Jn. 14:2 . Amal bidh edh ad-bereadh: as imdha aitti &ersir; adba aili oc on Coimdhi a n-ecmais na h-indsi-seo. IAr sin tra impait-sium on innsi-sin, &ersir; berait leo in tabhuill ciartha út i comartha failti &ersir; deithiten lochta na h-innsi thuc dhoibh, et no h-airleghtha cach dia aca-sum amal bidh o Dia no bertha dhoibh.

ARAILE la batar oc imram in mhara. Gabhuis íta dermhair iat, cur' ba comhfhocraibh bás doibh. IS annsin at-conncatar na srotha aille eocharglana usqui ic teipersin &ersir; ic snighi as in carraic. Fiafraighit na braithre: In ibham in t-usce? ar siat. Bennachaidh ar tus h-e, ol Brenainn, dia fhis cret h-e. IAr m- beannachad immorro in uisqui, &ersir; iar cantain alleluia h-uasa, traighid fo chedoir na srotha, et ad-conncatar iar sin in Diabul ic sceirded na n-uiscedh uadh &ersir; ic marbad in lochta nous-ibheth. Saerthar-som tra annsin tre cumhachtaibh Brenainn, &ersir; irchraidhis a n-íta fo cétoir. For-iattar immorro in loc-sin for Diabul, cu nach derna olc fria duini na fria h-anmannuibh eli o sin amach.

IAR m-BEITH immorro do Brenainn secht m-bliadni for loingius, impáis doridhisi co a thir &ersir; co a thalmain fein amal ro for-congradh fair isinn innsi. IS annsin do-chuatar lucht a thire &ersir; a thuaithi fein 'na agaid, &ersir; batar ica fhiafraigid de cidh poind boi dhó dia loingius; &ersir; tucsat máine &ersir; ascadha dhó amal do-bherdais do Dhia. Iar bh-facbáil immorro in t-saeguil do ilibh dhibh leanait iar sin Crist, &ersir; do- ghni-sium ferta &ersir; mírbuili imdha annsin, &ersir; do-shlanaigh aos galair &ersir; cuimhrighthi, &ersir; ro innarb demhna &ersir; duailche.

ACCaillis iar sin a aidi .i. espoc Eirc. Tainic iar sin co du a m-bui a mhuime .i. Íta, &ersir; iarfaigius di cidh do-ghenadh fría loingius. Feraiss Ita foeilti fris amal no feradh fria Crist cona apstalaib. Et is ed at- bert fris: A meic inmhain, cidh dia n-dechadhais for longais cen a chomhairle frium-sa, uair in talam ica tái iarradh ar Dhia nocha n- fhaghbhai h-i iarsna croicnibh marbhaibh mochlaigibh-sin. Uair talam noemh cosecartha h- í, &ersir; ni ro doirted fuil duine riam innti. Acht cena, ar si, dentar longa crannda lat, &ersir; is doigh is amhlaid sin fagheba in talamh shire.

IAR SIN tra luidh Brenainn i crich Connacht, &ersir; do-gniter long mor mhírbulla aice ann sin, 'sí derscaightech dermair, &ersir; teit innti cona mhuindtir &ersir; cona phopul, et beruit luibhi &ersir; sila ecsamhla leo da cur innti, et dano beruit soera &ersir; gobhuinn leo iar n-atach Brenainn doibh ima leconn maroen ris. IS annsin tainic in crosan cu Brenainn, &ersir; sléchtais ina fhiadhnusi, &ersir; is ed at-bert fris: A Brenainn, ar se, geibh ar Dhia mhé, &ersir; airchis dom troighi co n-dighser lat. Beris Brenainn lais h-e iar sin; &ersir; teit isin luing leo .LX. fer immorro ba seadh a l-lin, &ersir; batar uili ic molad in Coimdhed &ersir; a menmana cu Dia, amail at-berat na scribhinn.

IS e, immorro, leath tóisech ro ghabsat, for amus Áirne, co dú i m-bui Enne &ersir; Pupu &ersir; Rochath; &ersir; batar re h-edh mís ana bh-farrad.

IAR n-DULA, immorro, doibh sealad siar o Araind at-ciat in t-ailén mor n-ard n-airegda n-alainn. IS AND sin immorro ro batar lochait amail mhur-chata, &ersir; linuit in tracht fo cétoir dia slucudh-som. IArfaighit, immorro, na braitre do Brenainn: Cidh áilgidit na lochait-si? ar siat. Ar n-ithi-ne &ersir; ar slugud, ar Brenainn. IS annsin dano at-bert Brenainn frisin crosan: Eirg, ol se, &ersir; caith corp Crist &ersir; a fhuil, &ersir; eirg iar sin docum na bethad suthaini, ár at-cluinim-si clascetal aingel icot togairm cuca. Ba maith lais-sium sin, &ersir; is ed as-bert: A Thigerna! ar se, cia maith do-ronus in tan dom-berur acedair docum nime? IAr caithiumh tra cuirp Crist &ersir; a fhola don crosan, lingidh fo chedair co faeilti dermhair, co n-duatar na mur-chata h-e uile acht beg dia chnamuibh. Et adhluicter leo-sum sin, &ersir; scribhthar a ainm a martralaic, ár ba mairtír amra h-é. IS follus as sin connaircle in Coimdhed ar in follus-pectach tháinic fa dheoidh isin luing do thogha ar tus dochum nimhe. IS amhlaid sin tra bias cech caen- duthrachtach deidhinach thicfa isin eclais cu ragha ar tus docum nime tre imarcraidh caen-duthrachta sech in lucht batar rompa: ut Christus ait: nouisimi primi, primi nouisimi Mt. 19:30 .

IAR bh-facbáil immorro doibh na h-indsi-sin gabais galar opunn in gabhuinn cu m-ba comfhocus bas. At- bert Brenainn fris: Cidh mhachtnuighi, ar sé, eirg dochum na flatha nemhdha amal ro thúiris duid cusaniu, nó mad ail lat beith isin t-saegul beous, do-gen-sa ernuighthi fort co Dia, &ersir; fo-ghebha slainti. At-bert in gobha: At-cluinim, ar se, guth in Coimded ocum togairm; et iar caithimh cuirp Crist &ersir; a fola dhó, teit docum nime. BAI, tra, ceist mor itir na braitribh 'mon corp do beith gan adhnacul, ar ni raibhi talam 'na bh-farrad. IS annsin do- raidh Brenainn a adhnacul idir tonnaibh in mhara, ár in té do- róine nemh &ersir; talmain &ersir; na duili arcena, is tualang h-e tonna in mara dh' fastúdh in cuirp inntibh co nemchumhscaigthi. Cidh tra acht adhnaicit-sium in gobainn itir tonnuibh in mara, cen rochtain cu talmain, sis, cen eirghi ar uachtar shaile, cen chumscugud anunn nó ille, acht amal bidh a talmain no beth; et biaidh annsin cen truaillnedh cu tora la an mesraighthi.

IAR bh-Facbáil immorro dhoibh-sium an inuidh-sin ad- conncatar talmain m-bic n-deroil. IAr n-gabail doibh phuirt annsin líntar in port forru do demnaibh i n-dealbhuibh abhac &ersir; luchrapan, &ersir; a n-gnuisi com dhubh fria gual. IS andsin at-bert Brenainn: Cuiridh ind ancaire imach, ár ni fhétfa nech dul isin tir-si, acht intí gnifes catha fria demhna &ersir; doirtfes fola toraibh. Batar tra annsin cu ceann secht la cona n- oidhchibh, &ersir; nír' fhétsat a n-ancaire do thocbail anís. Et facbuit annsin h-e idir na cairrcibh i leanmain, &ersir; imthighit ass iar sin. BATur som, tra, a n-documal mor d' esbaidh an ancuiri &ersir; d' ecc in gabunn, ár ni raibi acu angcaire na gobha do-gneth doibh h-e. IS ann sin adubairt Brenainn fria sacart da muintir: Dena-sa feidm gabunn gu ceann in mís so. Beannachais tra Brenainn lamha in t-sacairt, ar ni ro fhoghlainn gaibhnecht. IS annsin do-roine in sacart angcaire n- derscaightech nach frith roime ná 'na dheagaid a com-maith.

IMrait iar sin forsin aicen seal siar, et fo-ghabhat an indsi m-bic n-aibinn n-aluinn co n-imat eisc aireghdha iarna fhacbhail don mhuirtraigh i cusalaibh i caislibh na h-innsi airdi-sin. A m-batar ann iarum imonn innsi imacuairt co n-fhaicet eclais clochdha innte &ersir; senoir etlaidhi aighedh bhan ic ernuighthi innti. As amhlaid bai in senoir-sin, cen fhuil, cen fheoil, acht leathar tana truagh forsna cnamhaibh cruadhloma- sin. IS ann at-bert an senoir ut: Teich, a Brenainn, ar se, co luath. Fil immorro mur-chat mor sunn amail og-dam no ech trebliadhnaidi iarna fhorbairt do iasc na h-indsi-sea. Imghabhaid-si h-é, ar in senoir. Gabait-sium ina luing fo cétoir, &ersir; imrait forsin aicen cu h-athlumh iarum. AMUIL batar ann co n-fhaccatar in m- biast-cat muiridi ic snamh 'na n-diaidh: meidightir coire n-umhaidi cechtar cech ruisc dhou. Fiacla torcdha lais. Guaire aitenndai fair. Craes onchon aga, co nirt leoman, cu confad con. IS annsin gabus cach dib-som for ernuighthi fri Dia ar met na h-ecla rotas- gabh. IS ann as-bert Brenainn: A Dhe uilichumachtaigh, tairmisc do phiast dind ná ron-ethad! Eirghis iar sin bleidhmhil mor muiridi &ersir; gabus cach dib oc badhudh a celi &ersir; for cathugud cu cruaid, cu ros-baidh cach a cheli dhibh i fudhomain in mara, &ersir; ni facus nechtar dibh o sin imach. Do-gniat immorro Brenainn &ersir; a muinnter atlaighi buidhi do Dia, &ersir; impoidhit aridisi co du i m-bui in senoir, et ferais in senóir failti friu, &ersir; cíis ar met na faeilti, et do-rinne na runna beca-sa ic ferthain failte ra Brenainn: Dia do betha, a Brenainn, sunn &ersir;rl for creatha denaim na tonn: fota atú 'cot íarraid ann, buide lem t' iadhad 'mun fhonn. Di feraib dec bamur sunn, do-cuadar éc in samad sunn: acht misi ro facbad dib ba maith in lín badur ann. Lodamur-ne d' iarraid nimhe, dirim a h-Eirinn ili, tar tonnaib in mara mir, conair ro bad coir d' iarraid. Fuaramur innsi n-fhuair n-aird uas trillsib na tonn trengairg, seisem innti sealaib sealg erramaid eséirghi a h-aon aird. Dabucsum linn in cat m-bec, rinn ni tainic cen cor lac: da-rorbair for cnamaibh eisc angbaid in beist amlaid ro fhast. Faeilidh mo craidhe co n-drucht frisna h-aoighedaib dom-riacht: mithig dam-sa tocht fo lía imthiges dia for a sét. Día Do feruibh Eirenn damh- sa, ol in senoir, &ersir; da fhear dec do- dechamar diar n-ailithri, &ersir; do-rat-sum in mur-chat m-biasdaidi ut linn ana én bhic, &ersir; ba h-inmain linn h-e cu mor, &ersir; ro fhorbair iar sin cu mor, &ersir; ní ro erchoit duinne riam, et isat marbha aein-fher dec dhibh, &ersir; itu-sa sunn m' aoenar agut irnaidhi-si cu tarda corp Crist &ersir; a fuil dam &ersir; dula iar-soduin docum nime. Foillsighius immorro in senoir doib-sium in talmain icca rabutar iaraid .i. Tir Tarrngairi. IAr caithimh tra cuirp Crist &ersir; a fola don t-senoir, luidh docum nimhe, &ersir; adlaicter annsin h-e maroen ria braithribh cu n-onoir &ersir; co n-airmhitin móir acus cu salmaibh &ersir; cu n-imnaibh, ind ainm in Athar &ersir; in Maic &ersir; in Spirta Nóimh.

IAr sin tra ro-siachtatar-som in talmain ica rabatar iarraid fria re secht m-bliadne .i. Tir Tairngire, amal ita in prouerbio, qui quaerit inuenit . IAr rochtain immorro doib-siumh i comfhocraibh in tiri-sin, &ersir; ba h-ail doibh port do ghabail ann, at-cualatar guth araile senorach, &ersir; is ed at-bert friu: A dhaine lan-shaethracha, a oilithrecha noemhdha, a lucht ernaighit na logu nemhdha, a bheatha bith-scith ic ernaidi in tiri-sea, ernaidhid bican da bar saethar coleic. Iar m-beith immorro doibh-sium seal annsin ina tost at-bert in senoir ut friu: A braithre inmuini, ar se, cidh nach faicthi-si in talmain n-airegda n-alaind-sea arnar' doirtedh fuil duini riam, &ersir; nach imchubaidh do adhnacul pectach na droch-dhaine ann. Facbhuidh didiu in bhar luing cech ni fil ocuibh cenmothá becc n-etuigh umaibh nama, &ersir; tecaidh anís. IAr tiachtain immorro doibh-sium for tír pocais cach díbh a chele, &ersir; cíis in senoir cu mor fria met na faeilti. Siridh &ersir; feghaidh, ar se, brughe parrthais &ersir; muighi milidhi in tiri solusta, suaichnidh, socharthanaig, socharchain, n-aird, n-aireghdha, n-aluinn, n-oeibhinn. Tir boladhmhar, blathmhin, bennachtach. Tir ilcheolach, airphetech, nuall-fhaeiltech, nemh- thoirrsiuch. Airm i bh-fuighbhidh, ar in senoir, slainte cen galar, aeibhnes cen imrisan, aoenta cen tachor, flaithes cen scailedh, sáimhe cen dímhaine, soeire cen saethar, aenta solusta aingel, airerdha parrthais, timthirecht aingeal, fleadhugud cen airdhidhbhadh, seachna phene, aighthe firen, tochaithium na mor-casc, betha bennachtach, coir, chumdaighthe, moir, mhilidhi, saeir, saim, sorcha, cen dubhai, cen dorchai, cen pecad, cen aimnert, i cor- paibh edrochtaibh nemh-truailnidib, i sostaib aingeal for bruighibh Tiri Tarrngiri. IS adhbhul a soillsi &ersir; a suthaighi na h-indsi-sin, a saimhe, a sercaighi, a caeimhe, a chobhsaidi, a fostacht, a loghmaire, a reidhi, a ruithnigi, a glaine, a gradhmhaire, a gile, a cheolbinni, a noeimhe, a niamglaine, a soeire, a sádhaile, a h-aille, a h-ailgine, a h-airdi, a h-edrochta, a h-airmhidiu, a lanshidh, a lan-aenta. Mo-genar, tra, bias co n-degh-airilliud &ersir; co n-dech-ghnimaib, &ersir; gairfeas Braen Find mac Findlogha ina aentaidh isin leth-sin, ar in senoir, do bhith-aithreibh na h-indsi i tam tre bithu na bethad.

IAr bh-faicsin immorro doibh-sium in pharrthais sin etir ton- nuibh in mhara, machtnuighit &ersir; ingantaighit cu mor mírbuili De &ersir; a cumachta, &ersir; anoraighit in Coimdhi cu mor iar bh-faicsin na moir-mirbal-sin.

IS amlaid immorro bai in senoir noemh sin, cen etuch n-daenna etir, acht ba lan a corp uili do clumuibh gleghealaibh amail cholum nó fhailinn; &ersir; ba h-erlabra aingil acht bec bui aice. Ceileabharthar in teirt leo iar m-bein a cluicc. Canait atlaighi buidhi do Dhia &ersir; a menmana tudmidi ind. Ni ra laimset ní do fhiarfaigi, &ersir; no aemdais a n-anmcairdine dho la turcbhail soiscela.

IS e dano proicept ba menca do-gníth Petar &ersir; Pól &ersir; na h-apstail noemhdha olceana, in proicept-so na pian &ersir; na fochraice, ar ro aibhsighthea dhoibh fon cuma cétna. IS e dano proicept do-rindi Siluestar ab Roma do Consantin mac Elena, d' airdrigh in domain, isin mor-dail dia ro edbair Roimh do Petar &ersir; do Pól. IS e so proicept do-righne Fabian comarba Petair do Pilip mac Gordian, do rígh Romhan, dia ro creid in Coimdhidh &ersir; dia ro creitsett il-mhile aili annsin; et ba h-essidhi ceid ri do Romanchaib do-creit in Coimdi Issu Crist. IS e so, dano, proicept gnathaighius h-Ely do dhenumh do anmunnuibh na bh-firen fochrunn na betad i Parrthus. IN tan iarum osluicis h-Ely an leabur don proicept tecuit annsin anmunna na bh-firen i rechtuibh en n-glegheal cuice da cech aird. Indisid dano dhaibh ar tús fochraice na firen; aibnes &ersir; airera flatha nime, et at forbhfhaeiltigh-sium ind airet-sin. Indisidh iarum doib piana &ersir; todernama itfrinn &ersir; erbhadha laithi bratha. IS follus cu mor gne m-broin forra-som fesin annsin .i. h-Eli &ersir; Enoc, conad h-e sin Da Bron Flatha Nime. IAdhuidh h- Eli iarum a leabar proicepta. Do-ghniat ind eoin nuallghubai dermhair in uair-sin, &ersir; tennait a n-eittiu fria curpu co tecat srotha fola eistibh ar omun pian ithfrinn &ersir; laithi brátha. IN tan iarum is iat anmunna na noem dianad erdhalta sir-aitriubh flatha nime do-gniat an gubai sin, bad deithbhir do dhainibh in domain ciamdais déra fola do-ghnetis oc airichill laithe bratha. Bete immorro uilc imdha &ersir; imnedha isin laiti sin .i. i l-laithi bratha. IS andsin icfus in Coimdi a commain fein ria cach aen n-duine isin domun: pian lais dona pectachuibh, fochraic dona firenuib. Cuirfitir iarum na pecthaigh annsin i fudhomhain na pene suthaine for dos-iadhta glas breithri De fo mhiscaidh bretheman bratha. Berthar iarum na naeim &ersir; na fireoin, lucht na desheirci &ersir; na trocuiri, for deis De Athar, do bith-aithribh flatha nimhe. Beit iarum isin mor-gloir sin ind aontaidh dheeachta &ersir; daonachta Meicc De, ISind aoentaidh is uaisli cech aentaid .i. ind aentaid na naoimh-trinoiti uaisli uilicumachtaighi, Athar &ersir; Maic &ersir; Spirta Nóimh.

Ailim trocuiri De uasail uilicumachtuigh tre impidhe noeimh Brenuinn, ro airiltnighium uile ind aentaid- sin, roissam, ro aitreabum, in saecula saeculorum!

 Betha Ciarain Clúana Mac Nois

OMNIA QUE CUMQUE UULTIS UT FACIANT HOMINES UOBIS ITA et uos faciatis illis Mt. 7:12 .i. Cech maith as ail libh do dhenamh dhuibh o dhainibh bidh amlaid sin ra ghnéthe dhoibh. Haec est enim lex et prophetae, uair is é sin rect &ersir; faitsine.

Tairmeascaidh cecha h-uilc immorro, fuacarthaidh cecha maithiusa, sídhuighi Dé &ersir; dáine, Issu Crist mac Dé bhi, sláinicidh ind uili dhomain, IS é ro raidh na briathra-so do thinchosc a apstal &ersir; a deiscipul &ersir; na h-uili ecalsa im comhlud na desherce .i. co n-derndais na daine do mhaith &ersir; do dheirc fria coibnesom ind uile do-ghendais doibh fein. IS do sin at-beir Issu: Omnia quae cum- que uultis Mt. 7:12 . Matha immorro mac Alfei, in sui forbhurach de Ebhraib, in cethrumad fer ad-cuaidh in soscéla coimdheta, is e ro scribh na briathra-so i curp shoscela, co n-apair for slict a maigistreach .i. Issu: Omnia quae cum- que Mt. 7:12 .i. Mad do-berthi-si an bhar n-dainibh maithe da bar clannuibh as mo cu mor do-bera in t-Athair nemhdha maith dia macaibh non-guidet, conad for slict na m-briathar-sa do-ráidh Issu in comairli-si. Omnia que cumque et reliqua Mt. 7:12 . Uair aithnidh rect &ersir; fáitsine gradh do tabairt do Dia &ersir; don coibnesam. Uair as é clethe &ersir; forair in forcetuil diadha in derc, uair is si in derc sualaig dhilius na cristaidi, uair na suailche arcena bite oc degh-dhainibh &ersir; oc droch-dhainibh. Ni tectann immorro in deirc acht deg-daine nama, conadh air sin at-beir Issu: IS ann ro-fhinnfat na h-uili daine conidh dom muinntir-si dhuibh, dia cara cach uaibh araili amal ro carus-sa sibh-si Mt. 5:46, Lk. 6:32 .

Sochuidhi immorro do macuibh bethad, etir apstala &ersir; desciplu in Coimdedh, o sin ille ro comhaillset cu duthrachtach &ersir; cu leir in comairli-sin tuc Issu doibh um comhallad na derce feibh ro comuill &ersir; tuc saeingradh don deirc sech gach sualuigh in t-apstal uasal oirmitnech, in t-anmchara, in oeibelteoir, in fer dia ro las iarthar in betha a bh-fertuib &ersir; a mirbhuilibh, a suailcibh &ersir; a so-ghnimhaib .i. Sanctus Ciaranus sacerdos et apostulus Christi, In t-uasal-sacart &ersir; in t-apstal, inti noeim Ciaran mac in t-Saeir. Mac ón in t-Saeir do-roine nemh &ersir; talmain cusna h- uilib filet inntib, mad iarsan geinealach nemhdha. Mac in t-Saeir denmha carpat &ersir; cech saeirsi arcena h-e iar sin n-genealach talmanda.

IS ann didiu airmitnighit ind irisigh lithlaithi in uasail-sin, i quingtidh septimper arai laithi mis grene, isin laith-si iníu arai laithi sechtmaini.

At-fiadhat didiu taithmet cumair dia fertuib &ersir; dia mhirbhuilib in craibhdhig-sin ar airfited anma na n-irisech, &ersir; dia ghenelach collaidi &ersir; dia coimpert bhith caith &ersir; don fhorbadh do-rat for a rith m-buadha isna talmandaibh. Fer didiu onoiri móire ic on Coimdhid in fer-so. Fer dia ro congaib Dia a chathraig .L. bliadne rian a geinemain. Fer fil a n-urd apstal la Crist isin domun-so, amal ro ráidh Colum Cille: Quum tu Christi apostulum mundo missisti hominem 'Alto et ineffabili' Lib Hymn I, 157 . Locharn didiu h-e for lasadh co soillsi ecna &ersir; forcetuil amal ro raidh Colum Cille: Lucerna huius insolae, lucens .l. mirabili . Fear ro fhothaighistair aird-eclais asa rucad greim riagla &ersir; ecna &ersir; forcetuil do uilib ecalsaibh na h-Eirenn amal ro raidh in t-ecnaid cetna: Custodiantur reg- mina et caetera .i. Coimhéttar oc sruithibh na g-cathrach-so na ríagla &ersir; na forcetla &ersir; na bésa arichta on maighister, o Ciaran, conid iat-saidhe ríagla &ersir; besa ro scailtea &ersir; ructha do uilibh cathrachuibh noebh Eirenn, ár is aisti berar ríagla &ersir; besa fo Eirinn uili.

Fer fil a n-urd na primh-fhaithe oc on Coimdid isin domun-so amal ro ráidh in fáidh cétna: Profeta qui nouisimus , et cetera, ár bai dia uaisli &ersir; dia airmhitnigi oc on Coimdhid cu ro tirchanadh o fhaidhib foda riana genemain, amal ro thirchan Ysac &ersir; Eoin Bauptaist Issu, et a n-is uaisli and. Ro tircan cetus Patraic mac Calpuirn i Cruachan Oighli, iar n-dunad in crainn imma thaisib isinn inad i ta an cathair-sin aniu. Ro thirchan Brighit o 't-connaic in lasair &ersir; in t-aingel .L. bliadne ria Ciarán isinn inadh i tat crosa Brighdi indiu. Ro thircan Bec mac De co n-debairt: Andsin, a meic in t-Saeir, it casair chaeimh cot clasaibh, cot coraibh, cot cairpthibh, cot ceolaibh. Ro thirchan Colum Cille i n- Ard Abla do Aedh mac Brannuib no Brenainn.

IS e so didiu genelach Ciarain: CIARAN mac Beoit meic Olchain meic Dichon meic Cuirc meic Cuindenn meic Cuinneadha meic Feic meic Maeil Cathrach meic Lairi meic Lairne, meic Cuiltri meic Gluinig meic Coirpri meic Logai meic Meidle meic Duibh meic Lugna meic Feidlimid meic Echach, meic Bresail meic Deghadh meic Reo Soirche meic Reo Doirche meic Tighernmhais meic Follaigh meic Eithreoil meic Ireoil Fáidh meic Eirimhoin meic Mhiled Esbaine.

Beoid dano mac Olchain do Latharnaibh Maighi Molt do Ulltaib a athair talmanda inti Ciarain. Dar Erca ingen Ercain meic Buachalla a mathair-sium, ut dixit Ciarán: Dar Erca mu máthair-si, nírbo bannscal olcc, Beoit soer mo athair-si, do Latharnaibh Molt. Do Chiarraigi Irluacra didiu dia máthair .i. do Glasraigi insainnriud. Glas fili didiu a senathair. Ba h-í fochonn a n-acomail na deisi sin. Dia n-dechaid Beoid do thorruma a brathar batur i crich Ceneoil Fhiachrach, o 't-connac-sium an ingin .i. Dar Erca, for a cinn ro chuindigh for a tuisdidhibh cu tucad dó h-i iar bh-fír. Et ruc coicc macca dhó iar sin, &ersir; is e so ord ara rucaid .i. Lucoll a primh-gein, Donnan in tanaisti, Ciaran in treas, Odran in cethramad, Cronan an cóiced, &ersir; ba deochain, uasal-shacairt immorro na cethra meic aili. Ruc didiu teora ingena do, &ersir; batar di óigh dibh-saidhi .i. Lugbec &ersir; Rathbeo. Pata immorro in tres ingen, &ersir; ba feadhbh craibhdech iside. IT e inso relge i tat taisi na naemh-sin .i. Lucholl &ersir; Odhran i n-Isil Ciarain; Donnan &ersir; Ciaran i Cluáin Mac Noiss. Cronan deochan &ersir;&ersir; Beoit &ersir; na tri h-inghena i Tigh Meic in t-Saeir.

BAI, tra, rí ecraibhdech in tan sin i Crich h-Ua Neill .i. Ainmiri mac Colgan a ainm-sidhe. No ordaighedh-sidhe na tuatha &ersir; na cenela fo chíss ro-trom. Luidh didiu Beoid for teiched in righ-sin i crich Connacht cu Cremhthann mac Lughdach meic Dallain .i. ri Eirenn, co Raith Cremthainn a Muigh Ai.

IS ann ro coimpredh Ciaran, i sex kalainn Iuin, &ersir; ro genair i sex kalainn Marta. Ro tirchanad gein Ciarain o Lugbrann .i. o druidh in righ remhraidhti. Dixit in drui: Ró ic gabair Aenghusa dia raibi i cris i cliaban tucad i sog n-aen-lo-sa o Dhia in firt-sin do Ciaran. O ro-chuala in drai i n-araili lo fogar an carpait, Fogur carbait fo rig annso, ar se. O 't-cotar na gille imach ni fhacatar acht Beoid &ersir; Dar Erca isin carput. O ro faitbiset na gille imon n-draidh, is ed ro raidh: In mac fil i m-broinn na bannscaili, ol se, bidh ri mor h- e, et amal do-aitne grian idir renda nimhe do-aitnebha-sum i bh-fertuibh &ersir; i mirbhuilib diaisnéidhi isna talmandaibh.

Ro genair didiu iar sin noemh Ciaran i Maigh Ai icc Raith Crem- tainn. Ro baisted o deochain Iustus, uair rob imcubaid cumad o fhiren no baistfithe an firén.

I N-araili lo at-bath ech Aenghusa meic Cremthainn cu ro gaibh toirsi moir do ecuib a eich. O ro chotuil tra Aenghus ro artraig aingel De dhó ind aislingi, &ersir; is ed ro raidh ris: Ticfa Ciaran mac in t- Saeir &ersir; to-duiscfe h' ech dhuit; &ersir; is ed on ro comhailled, ar tainic Ciaran la breithir ind aingil &ersir; ro bennach uisce co tucadh darsind each, &ersir; ad-racht fo cétoir a bas. Do-rad immorro Aenghus ferann mor do Dhia &ersir; do Chiaran ar thoduscadh an eich. Tír na Gabrai ainm in fherainn.

I N-araili lo ro chairigh a mháthair esium. Do-berat, tra, ol si, gille bheaca in baile mil leo amuich as na miltenuibh dia muindteraibh, &ersir; nocha tabrai-si dhuinne. O 't-cuala Ciaran inní-sin, luidh co araili topur, &ersir; línaid a leastar as, &ersir; bennachaidh cur' bhó mil togaide, &ersir; do-beir in mil-sin dia mháthair cur' bo buidhech. Et as í sin mil-sin rucad do deochain Uis i lógh a bhathis-sium.

I N-araili lo ro ghresset droch-dhaine coin fheochair co Ciaran da letrad. O 't-connaic Ciaran in coin, ro chan in fersa-so: Ne tradas bestís animam confitentem tibi Ps. 73:19 . Et o ro ráidh-seom sin ad-rocuir in cú fo cetoir &ersir; nocho n-erracht o sin.

Ba h-e immorro monur do-bertis a thustidhi fair-sium .i. inghaire, fo cosmailius Dabid meic Iese &ersir; Iacoip &ersir; na sruithi anall, ár ro-fhitir Dia cumad bhuachail treabhuir do moir- tretuibh eisium .i. treta na n-irisech. IAr sin for-caemhnacair ní adhamhraighthi icc Raith Cremhthainn i Muigh Ai, eisiumh oc coimet indile a aidi .i. deochain Uis oc Fidharta, &ersir; sist fhoda etarra. Ro-cluineadh-som immorro inni it-bereadh a aidi amal no betis toebh fria toebh. IS ann sin táinic sindach co Ciaran as in coill, &ersir; gníth cennsa fris. Do athaighedh co menic chuigi, cu ro erail fair umaloit do dhenamh dhó .i. a leabar salm dh' imochar etarra &ersir; a aidi .i. deochain Uis. Uair in tan at-bereadh oc Fidharta: abair so a n-ainm ind Athar &ersir; in Maic &ersir; in Spirta Nóimh do-cluineadh Ciaran ic Raith Cremthainn otha sin cu deredh in aicepta, &ersir; no bhídh in sinnach gu h- umul oc irnaidi in aicipta, co tairseadh a scribenn i ceir cu tabhradh lais iar sin cu Ciaran. FEACHT ann mebhais a thangnacht aicinta triasin sinnach gur' fhobair for ithe a liubhair, uair ba sanntach um na leadhbuibh batar uime dianechtair. O ro bhai-sium oc ithi in liubair, is ann tainic Aenghus mac Cremhthainn gu céitheirn &ersir; gu milconuibh cuici, cu ros-toifnetar h-e, cu nach fúair a dhín a n-inad, co n-deachaid fa chochull Ciarain. Ro morad ainm De &ersir; Ciarain tre anacol in liubair ar in sinnach, &ersir; tria anacul in t- sinnaig ar na conuibh, et is e in leabar-sin Polaire Ciarain aniu.

IS friu as cuibhdhi sin fria droch-dhainib bite i comfhocraib don eclais, &ersir; fo-gabut torba na h-ecalsa, eter comuinn &ersir; baithius &ersir; bhiadh &ersir; forcetul, &ersir; arai ní anat-sum oc ingreim na h- ecalsa, cu tic mortlaid &ersir; galar anaithnidh chucu, conadh andsin as eicen doibh tuidhecht fo diten na h-ecailsi, amal do-chuaidh in sinnach fo cochull Ciarain.

I n-araili la do máthair Ciarain oc denumh glaisne cu ro-siact co tabuirt eduig innti. IS ann ro raidh a máthair fris: Amach duit, a Chiarain! Ni h-ada leo-sum fir a n-aein-tigh fria dathugud eduigh. Sriabh odhur ann-sumh on, ol Ciaran. Do neoch tra do educh tucad isin n-glaisin ni raibhi nach n-etuch dibh cen sreibh n-uidir ann. Do-gnithir dorisi inn glaisin, co n-debairt a mháthair fris-sium: Eirc-si imach dano infecht-sa, a Ciarain, &ersir; na bidh sriabh odhur ann, a Chiarain 'nósa. IS annsin do-raidh-sium: Alleluia Domine, rob geal glaisin mo muime! cech tan ti am laimh rop gilither cnáimh, cach tan ti a bruth rop gilithir gruth! Cech edach, didiu, do-ratad innti rob aen-geal iar sin. Do- gnither an treas fect in glaisin. A Chiarain, ol a máthair, na mill umam innosa in n-glaisin, acht bennachthar lat h-i. O ros-bennach immorro Ciaran ni dernad roimpi na 'na diaidh glaisin bhudh com maith ria, ar cidh edach Ceniuil Fiachrach uili do-berthi ina h-iarcain nos-gormfadh; &ersir; no gormadh fadeoidh na conu &ersir; na catu &ersir; na crunda frisa comhraiced.

FEACHT do-sum oc inghaire bhó. Do-táet cu allaid ro-trúagh cuici. Iss e arosc m-breithre no bidh aice-sium .i. don-fair trocuire! Eirg &ersir; tomuil in laegh, &ersir; ná bris &ersir; na h-ith a chnámha. Do-chuaidh in cu &ersir; do-righne amhlaid. O rogheis in bó oc iaraidh in laeig, is ed ro raidh a máthair fris-sium: Innis, a Chiarain, cia airm i ta laeg na bo-so, toircedh uait in laegh cibe aided i n-dechaid. Do-chóidh Ciaran cusan inad a n-duaidh in cú in láeg, cu ro tinoil cnama in laeigh, &ersir; do-rat i fiadhnusi na bo, &ersir; ad-ract in laeg &ersir; ro sheasaimh.

In araili lo tancatar foghlaid a h-Uaibh Failge do mharbad daeine i Ciniul Fiachrach, cu b-fuaratur inti naeim Chiaran oc leighinn ica indilib, cu ro triallsat dia marbhad, acht cena ro benuit-som o dailli, &ersir; ni caemhnacair cor do cois na do láimh doibh no gu n-dernsat aithrighi, &ersir; cur ro tuasluicthea tre breithir n-De &ersir; Ciarain iat.

FEACHT aili ro fhaidh a athair eisium do idhnacul coiri don righ .i. do Fhurban, co nus-tarlatar boicht dó forsin conuir &ersir; atn-aig cairi in righ dhóibh, cor' cuibrighed-som annsin, &ersir; tucad daeiri fair ac un righ, &ersir; ba h-e monar no h-erbtha fair, bró do bleith. For-caemhnacair mirbhuili mora annsin .i. in tan ro triall-som bleith na bron no impa a h-aenar, &ersir; do-gnith samlaid do gres, et ba h-iat aingil in Coimdhedh no mheiled dia raith-seom. Nir' bhó cian iar sin cu tancatar gobuinn a tiribh Muman, &ersir; teora cairedha leo do Chiaran a n-almsain, cu rub amhlaid sin ro saerad Ciaran o fhognum in righ.

IArsna h-iibh sin, tra, ba mithig la Ciaran teact for scolaidhecht d' fhogluim ecna cu Finden Cluana h-Iraird. Ro chuinnig immorro bhoin for a máthair &ersir; for a athair dia breith lais dia fhoglaim. At- bert a mháthair na tibhred do. Ro beannach-som boin dona buaibh .i. Odhur Ciarain a h-ainm o sin amach, et do-dhechaid cona laegh a n-diaidh Chiarain otha sin gu Cluain Iraird. Do-rat-som iarum tí dia bhachaill eatarra, ár ní roibhi airbhe etarra, &ersir; no bhith in bo oc lighi in laeigh, &ersir; ní ticeadh cechtar dhibh tarsin toraind. Loim immorro na bo-sin no rannta etir in da espoc dhec-sin cona muinnteruibh &ersir; cona n-áigheadhaibh, &ersir; nos- folartnaiged uili iat, ut dixit: Caeca for cet comlana no biathadh Odhar Ciarain, la h-áidhib, la lobhrána, la lucht proinntigi is grianain. Ata immorro sece na h-Uidhre i Cluain Mac Nois, &ersir; gebe anum scarus ria corp don t-seichid-sin aitreaba in bethaid suthain.

BAtar didiu da esboc dec na h-Eirenn a scoil Findein i Cluain Iraird, ut dixit: .r. Da Fhinnen, da Cholum caidh, Ciaran, Cainneach, Comghall cain, da Brenainn, Ruadhan co li, Nindedh, Mo Bi, mac Nat Fraeich .i. Mo Laisi Daminnsi. IS e ord no bhith acu .i. cech espoc dibh do bleith na bron a la. Aingil didiu no mheiled in m-broin do-raith Ciarain in la ba leis.

Tucadh ingen righ Cualann fechtus cusin Finnen do léghadh a salm iar n-idhbairt a h-oighi do Dhia. Ro erb Finnen ra Ciaran an ingin, cumad aigi no leghudh a salma. Ni fhaca tra Ciaran do curp na h-ingine cein batar immale acht a traighthi nama.

TANCATAR didiu dá clamh dhéc cu Finnen, dia n-ic. Faidhis Finnén iat cu Ciaran. Ferais Ciaran failti friu, &ersir; luidh leo on cill siar, &ersir; beanaid fótt as in talmain cur' mhemhaid sruth uisqui glain as. Do-rat-sumh tri tonna donn usqui tar cech bh-fer dibh, comtar óghslana fo chedoir.

ISin scoil-si beous no athaiged damh allaid cu Ciaran, cu tabrad-sum a leabar for congnaibh an daimh. Laithi ann at-cuala Ciaran an clocc. Ad-raigh suas co h-opunn risin cloc, araidhe ba dene ad-racht in t-agh allaidh, &ersir; luidh as cona leabhar for a congnaibh. Ciar' bhó fliuch in la-sin &ersir; inn adaig, &ersir; ciar' bho oslaicthi an leabar, ni ro fliuchad oen-liter ann. Ad-racht in clérech iarnamharach, &ersir; do-riacht in t-agh allaidh cona libur imshlan do.

ISin scoil-sin didiu tainicc Nindedh Saebh- ruisc o Lochuibh Eirne do legadh cu Finnen, &ersir; ní raibhi leabar oca. Essidh leabar, or Finnen. Rola Nindedh cuairt for an scoil, &ersir; ni fuair o neoch dhibh libar. In ranacais in moethóclach fil i tuaisciurt na faighthe? or Finnén. Raghat innousa, or Nindedh. In tan iarum rainic Nindedh, is ann luid Ciaran tar teistemain medhonach liubuir Matha: Omnia quecumque uultis ut faciunt homines uobis ita et uos faciatis illis Mt. 7:12 . Tancas do iasacht liubhuir, ar Ninnedh. Don-fair trocuire, ar Ciaran, as fris leghaim-si &ersir; iss ed as-beir in teistemain frium cech ni budh maith dam do dhenamh dhamh co n-dernaind do neoch. Beir-si in leabar, ol Ciaran. Ro fiarfhocht a aes cumtha de aramárach occ denamh in aicipta, cait i m-boi a leabar? Dos-fuc dhamh-sa, ar a Ninnidh, bídh Ciaran leth Matha a ainm, ar fer don scoil. Acc, ar Finden, acht Ciaran leith n-Eirenn e uili, ut dixit Finnén: Oc Finnen ro leghastur Ciaran craibdhech gu n-greische, leath liubair leis cin léginn, leth Eirenn dó da esse. IS uadh sin rucadh in m-breithir n-urdraic co Roim co h-Alaxander .i. non legam Marcum quo usque compleueram Mattheum.

Do-rala tra iar sin teirci arbha &ersir; fhuluing don scoil- sein, cu m-ba h-eicen, fer maith dibh for timcheall do choimet in builc arbha do- berthea don mhuileann. Do-rala do Chiaran iar n-urd timchill, bolc corcai do breith don mhuilinn. Ro raidh-siumh oc oscailt in builc-sin: A Choimdhe, ol se, ro badh maith lium cumad cruithnecht chaein, &ersir; comad shásad adhbhul, ailghen, oirmhitech so dona sruithibh. For-caemhnacair amhlaid sin .i. aingel De ro tairbired in muilenn ina laim-sium, &ersir; esium oc gabhail a shalm gu n-glaine cridhi &ersir; menman, &ersir; in coirci do- berthea inn ba cruithnect togaide oc toidhecht as. Tic didiu inghen airchinnigh in mhuilinn cu raibhi ic saichthin for Ciaran, &ersir; cu tart gradh dhó, ár ba h-ailli a dhealbh oldas cech duine a com-aeis didiu duit, ol Ciaran, nách edh do-beri dot aire ercra in t-saeguil &ersir; laithi bratha &ersir; piana ith- frinn ara n-imghabail &ersir; fochraic nime ara rochtuin? O do-chuaidh an ingen dia tigh innisidh in scel- sin dia h-athair &ersir; dia máthair. Tancatar saidhe &ersir; tarcatar an ingin do Ciaran. Dia n-edbra a h-oighi do Dhia, ol Ciaran &ersir; dia bh-fogna dhó, baam aentadach-sa fria. Ro idpair didiu an inghen a h-oighi do Dhia &ersir; do Chiaran, &ersir; ro idhbuir-sum a muinntir uili a m-bith-fhoghnum &ersir; a m-bith-dilsi do Chiaran o sin amach. O do-chuatar dia tigh tucad cuibrenn uata do Chiaran .i. tri bairgena cruithnechta cona bh-furrthain do shaill, &ersir; d' feoil leo, &ersir; leastur lan do lind O ro fhacoibhset na timthirigh sin, &ersir; o rucsat bennachtain, ro raidh-sium: Don-fair trocuiri, or se, ni cubhuidh dúinne so do caithimh seach na braithribh aili. Fo-ceird iar sin an biadh uili iarna mhiniugud cusin muilenn, &ersir; fo-ceird in linn co n-derna min cruithnechta dibh uili. O ro airigh Ciaran in timthirid ica forchoimhet frisin cleith, do-rat breithir fair co n-debuirt fris: Rom-bera corr, ar se, do shuil as do cinn! For- caemnacair amlaid iardain, uair benais peta cuirri a shuil asa chinn cu rabha for a gruaidh oc dul dia thigh dhó. Tainic in t-aircinnech acedair maille frisin timthirid cu ro shlechtsat do Chiaran, &ersir; ro edbuir in muilenn cona fherann uili do Ciaran ar ícc in gilla. Tard Ciaran a dernuinn frisin súil cu rola 'na h-inad, &ersir; tard sigin na croichi tairrsi cur' bhó oghshlán.

O ro scaich tra meilt in arbha frith cethra builc lána do cruithneacht cossecartha annsin tria rath De &ersir; Ciarain. O ro-siact-sum dia thigh cona arbhur lais do-righne tuara dona sruithibh. Tuara on ba ferr thucad dhoibh riamh. Or on aimsir frith an mainn rundai tall ic macuibh Israel ní frith samail in tuara-sin, ár is amlaid ro boi, gu m-blas cacha degh-bhidh, etir mhidh &ersir; fhín, cu ro shas &ersir; cu ro slanaig iat uili. Uair gach duine galair bai isin cathraig uili di neoch ro chaith ní dhe ba h- oghshlan fo chedair.

Ni ro airigset na sruithi ind iarmeirghi in adaig-sin cu primh iarnamarach. O ro fiafraig Finnén do Ciaran in mhirbhoill for-caemnacuir ann ro innis Ciaran uili o thosach co tidhnacul in mhuilinn &ersir; in fherainn cona aidhmibh no cona dhainib dhó a n- idhbairt, et ac sin duit-si in ferann-sin uili, a Fhindein! ar Ciaran. IS annsin do-rat Findén a bennacht co duthrachtach do Chiaran. Ut dixit Findén: A Ciarain, a cridhican! ar do noeime not-caruim. dot-ria rath a dhilican imut flatha ocus feruinn. A Chiarain uais oirnidi ollbladaigh! duit rop soma gach freacra, cu rab it cill comhramhaigh imut orduin is ecna. Do-ratad tra in bennacht-soin co dúthrachtach do Chiaran tria ro-gradh &ersir; tria meisci spírtalda. Conad annsin for-fhacuib leth derce &ersir; ordain &ersir; ecna fria firu Eirenn do Chiaran &ersir; da cathraigh. For-fhacuib didiu Ciaran ana aice-sium &ersir; ara cathraig, conadh de sin ata ana Fhindein. For-erlangair didiu in t-arbar-soin samhad Findéin gu cenn .xl. la cona n-oidhchibh, et ro taiscedh a trian do aes galair, ár ro ícadh cech n-ainces, &ersir; ni ro lamh luch na peist a mhilled co n-derna cre dhe fa dheoidh, &ersir; no icad cech n-galar for a taburtha.

LAITHE n-oen do Chiaran oc tinol meithli buana cu tarla dhó araili ocláech dár' ainm Clúain. Tabair cabhuir dhún ic on buain amarach, ol Ciaran. Do-bhér, ar Cluain. O dho-chuaidh immorro Cluain dia thigh, at-bert fria muinntir: Abraidh-si, ar sé, mo bheith-si a n-galar dia tistar ar mo chenn o Ciaran. O ro h-indised don gilla do dhechaid ara cenn-som sin, at-chuaidh do Ciaran inní sin. Faitbes Ciaran ica cluinsin, &ersir; ro tuic conadh for togaeis ro bai Cluain, uair rob fhaidh De íarbhfír Ciaran. O do-chuatur tra muinnter Cluana dia dhuscad is amhlaid fuarutur h-e, cin anmain. Ro chaeinset a mhuindter cu mór h-e, &ersir; tancatar lucht an imfhoraidh fai cur' fhiafraighset dibh fochunn na h-accaine. Cluain, ar siat, do-chuaidh imshlán ina leabhaid &ersir; marbh anosa h-e, &ersir; is é Ciaran ros-marbh ona breithir, o nach dechaid don bhuain lais. Tiaghuit in lucht-sin uili do etarghuidhi Ciarain um thaithbheogud in mhairbh. Do- ghenum-ne uili, ar siat, buain duit-si, &ersir; do-béram ar mainchine &ersir; ar bh-foghnamh duit &ersir; do Dia cu brath, dia n-duisce dhun in marbh. IS annsin at-bert Ciaran fria scoloic: Eirg-si, ol se, &ersir; beir mu bhachaill lat docum in mhairbh, &ersir; tabair sighin na croiche don bhachaill for a ucht, &ersir; geibh in rann so: Rodháil Clúain aniu cucam-sa do bhuain, ar is galar án forrich beo ina thigh marbh fofhuair.

Ad-racht iarumh Cluáin acedair, &ersir; do-riacht co luath dochum Ciarain. Bendacht fort, a naemh Chiarain, or se: is maith ina n-dernuis frim, ar is buidhi lium tuidhecht ó ilphianuib ithfrinn. Anois ro-fhetamar tarbha na h-umaloite, &ersir; etarba na h- anumaloidi, &ersir; ro-fhetamar in mor-cataidh fhuil oc on Coimdid fort-sa, &ersir; fil ic muintir nime cu coitcheann. Ro shlect iar sin do Ciaran, &ersir; do- rat a mhainchine dhó.

Ro fhiafraigset araili dona cleirchibh do Fhinnen cia no taispenfadh in irnaigthi in tan nach beth Finnen i bhus. In t-ocláech út, ar Finnén, .i. Ciaran, esidhe. Abdhaine do-bere dhó, ar Brenainn seoch chach. Do-radad, do-berar, do-bertar, or Finnén. Format didiu lasna naemhu inni-sin cenmota Colomb Cille.

IS ann ro fiafraig araili dib-sum cia dona naemuibh budh mo fochraic a nimh. Don-fair trocuire! ar Ciaran, ro-finnfaigter in ar congbhaluibh ar talmain. IS ann sin do-righne Brenainn Birra faitsine dhó: Gebmait-ne da congbail for Brenainn, for dib srothaibh itir prim-chathrachaibh, &ersir; in dethbir bias etir na da sruth biaidh etir met na cathrach.

IN tan immorro ba mithigh do Chiaran toidhecht o Cluain Iraird iar bh-foghluim léiginn &ersir; ecna, for-fhacuib in Uidhir oc Ninded noemh, acht as-bert-som a seche do rochtuin dó iardain, et at-bert Ciaran foss: Gidh sochuidhi do-chabair dia blicht ro budh liu dia tibhreadh a seiche cabair. Et as-bert-som: Cech ainim raghus asa churp do sheichid na h-Uidhre nocha pianfaider a n-ithfrenn.

At-connuic Finden aislingi do-sum &ersir; do Colum Cille .i. da esca isin aier co n-dath oir forru. Do-chuaidh indalanae for fairrce sortuaidh os mhedon Eirenn. Colum Cille sin cu taitnemh a shaeiri &ersir; a socenelche et Ciaran cu taitnem a derce &ersir; a trocuiri.

TEIT Ciaran iar sin d' acallaimh righ Eirenn .i. Tuathail Maeilgairbh, do cuingidh fair chumhaili bai aigi. Do-rat tra Ciaran a dhorn imon m-broin ar deirc, &ersir; ro gheall cu bh- foighenadh deis na cumaile. Ro derluic Tuathal iarum in cumail do Dia &ersir; do Chiaran, &ersir; do-rad fos a etach rígda, &ersir; do-rat Ciaran do bochtaib fo cétóir.

FEACHT ann do-luidh Ciaran do cuingidh cumuili aili cusin righ .i. cu Furbaidi. IS annsin tuc fer ele boin do-sum a n-edbairt: tuc araili brat dó, tuc araile aighen. Do-rat-sum uili do bhochtuibh fo chetóir isin lo cetna, et do-rat Dia tri h-edburta roptar ferr do Ciaran .i. coiri deis a aighin, da brat dec deis a aen-broit, da bai dec a n-inad a aen-bhó. O 't-connuic in rí inní-sin do-rat in cumail dó.

O thainic tra co celeabhrad do-sum dia aiti targaid-siumh a chathraig do fhoghnum dho. Acc, ar Finden, nir-ben do chathraig-si fri nech aili acht fri Dia do-rat sain-seirc duit sechainne uili. Cíidh Ciaran, ar ba h-uasal lais a aite do thaircsin a chathrach dhó. Biaidh dano aenta edrann cena, ar Finnén, &ersir; ni ba nimhidhech na talmanda intí millfeas ar n-aentaidh. Bidh amlaid, ar Ciaran. Do-imthig Ciaran roime iar sin. Et is ann tuc Colum Cille in test-si fair rann Amhra ocláech teit uann siar, Ciaran mac in t-Shaeir: cen saint, cen uail, cen ecnach, cen etradh, cen aeir.

IAr sin do-cuaidh Ciaran co h-Aruinn do agallaim Enna, &ersir; at-condcadur aen-aislingi Ciaran &ersir; Enna .i. crann mor toirthech i farrad srotha for medhon Eirenn co n-didnad inis Eirenn, &ersir; ros-dechaid a thorad tar muir bai imon innsi amuigh, &ersir; ticdis eoin an domain gu m-berdis ní dia thorad. At-cuaid Ciaran in fhis do Enna. Ro raidh Enna: An crann mor at-connacuis tusa fein 'sin áir it mor fri tua &ersir; doenaib, bid lan Eiri dot thanoir. Ditnebaidh fo scath do ratha an innsi-sea, &ersir; sasfuider sochaidi ó rath th' áine &ersir; th' urnaigti. Eirg didiu la breithir n-Dé for ur srotha &ersir; fothaig eclais ann.

Fectus do-san a n-Aruinn ac tíradh isin áith, &ersir; Lonan Cerr malle fris, &ersir; i frithbert no bhidh-se coidhci fri Ciaran, co facadur in naoi for nó- chombáthad 'na b-fhiadnusi. Indar leam, ar Lonan, baidhfider inníu in nói út, &ersir; loiscfider in aith-sea le mét na gaeithi. Acc, ar Ciaran, in nói út loiscfider, &ersir; as bádudh baidfidh in aith-sea cona h-arbhur. Ocus iss edh ón ro comhailled, uair terlá lucht na nói &ersir; tucadh in nou i farradh na h-atha. Gabuis tene in aith &ersir; loiscter in nóu, atn-aig in gaeth sétedh forsin áith cona h-arbur isin fairgi, gur' báidedh tre breithir Chiarain.

O do-dhechaid Ciaran a h-Aruinn tachraid bocht dó ar in conair. Atn-aig Ciaran a chasal lín dó &ersir; do-toet co h-Inis Cathaigh do ben- nachad do Shenan. O ro bhui-sium ina aen-bhrut ro foillsiged do Senán inní-sin, &ersir; do-chuaid 'na choinne, &ersir; casal lin fó ocsail, &ersir; do- raidh re Ciaran: Nach nar, ar se, sacart do imthecht cen chochull. Don-fair trocuiri! ar Ciaran, airchisfid Dia atá cochull dam-sa fo choim mu senorach. O do- rócht Ciaran gu Clúain Mac Nois dob ail dó co ructha casal eli uadh do Senan. Ro leicedh in casul fri sruth na Sinna, &ersir; ro-siacht gen fhliuchad gu port Innsi Cathaig. Adubairt Senan re mhanchaib: Eirgid don muir &ersir; fo-ghebaidh aeighidh ann, &ersir; tucaidh libh co n-anoir &ersir; co n-airmhitin. O dha- chuatur imach na manaigh, fuaratar in casul forsin muir, is se tirim, &ersir; tucsat leo h-e co Senan, &ersir; ro ghni-sium atlugudh buidhi don Coimdidh, &ersir; as e sin casal Senan inníu.

Do-dhechaid iar sin co a braithribh co h-Ísill, &ersir; do-rat Cobhthach mac Brecain Isel do Dia &ersir; do Ciaran, &ersir; do-aitreabh annsin maille na braithribh. Et do-bhi la ic denum a aicciupta immuich for in achad, do-chuaidh-sium do thorruma a aeighed, &ersir; for- facuibh a leabur oslaicthi co matain fon fliuchad, &ersir; ni rainic banna fliuch in lebur.

Fechtus do-bhi Ciaran ag cur sil an Ísill. Do-taed bocht cugi. Atn-aig Ciaran mam don gran 'na ucht, &ersir; ro soudadh fo cétoir in gran a n-or. Tucadh carpat cona echaib do Ciaran o Aenghus mac Crimththuin. Do-rat Ciaran don bocht ar in ór, &ersir; ro soe in t-ór a n-gran, &ersir; ro sioladh an gort de.

Ro bui immorro loch i farradh Ísill, &ersir; no aitreabdais aes tuaithi &ersir; daescarshlúag an innsi bui fair, &ersir; do- thairmiscedh nual &ersir; fogur in lochta-sin ad-tarbha um na clerchiu. Ro ghuidh Ciaran in Coimdi cor' alta asa h-inad in innsi, &ersir; do-ronad in ní-sin, &ersir; at- cither beos an t-inad a roibi isin loch re cuimnigud in fherta-sin.

O ná caemnacatar immorro na braithri fulang deercí Ciarain ara mét, &ersir; o ron-gaibh format, do-raidhset fris: Eirg uann, ol siat, ár ni ruibem a n-aein-inad. Do-raidh Ciaran: Diamad sunn, ar se, no beinn-si gidh Isel an t-inad-so arai luic, ro badh ard arai n-anoire &ersir; n- airmiten. As ann ro raid-sium so: Ciar-sa isiul ro badh ard mina thísedh in fodhard: in fodhard mina thisedh ro badh ard gersa ísel. Do-rat Ciaran annsin a liubhair for oss n-allaid. Ro comaithig-seom iarum in n-os n-allaid cech a tiged. Do-chuaid in t-agh roime-sium co h-Inis n-A&ndot;gin. Do-cuaid-sium isin innsi &ersir; nos- aitreabhann.

Do-dechadur iarum a braithri cuigi-sium as gach aird. Ro bhui araili uasal-shacart isin innsi. Dainel a ainm, do Breatnaib dhó, &ersir; ron-greis Diabul gu ro formdigh re Ciaran. Rucadh iarum cuach rigda co tri h-enuib ordha o Chiaran do-sum i comartha n-dilgudha. Ro ingantaigh an sacart inni-sin, &ersir; do-ríne aithrighi, &ersir; do-shlecht do Ciaran, &ersir; do-rat an innsi dó.

Fecht do Ciaran an Inis A&ndot;gin gu cuala in gairm isin purt. Ro raidh risna braithribh: Eirgidh, ar se, ar cenn adbhair bur n-abadh. O rancatur an port ni fhuaradur ann acht moethógláech tuata. Raidhit fri Ciaran inní-sin: Eirgidh arai sin ara chenn arís. Follus dam-sa for a ghuth co m-ba h-e bhus abb daib-si am degaidh. Tucadh iarum in t-oglach isin innsi co Ciaran, &ersir; ro bherr Ciaran h-e, &ersir; ro legh aigi, &ersir; ba h-e sin Enna mac h-ui Laigsi .i. fer noebh adhamraigthi 'con Coimdidh, &ersir; is e rob ab iar Ciaran.

Do-rala cu torchuir soscéla Ciarain isin loch o araili brathuir anfhaitech, &ersir; ro bhui cu fota fon loch. I n-araili laithi a n-aimsir samhraid do-cuadur bai isin loch gu ro len iris an t-shoscéla do cois bó dhibh, co tuc le gu port tirim. As de sin ata Port in t-Soscéoil a n-Inis A&ndot;gin. O ra h-oslaiced immorro in soscél, is amlaid ro bui, glegheal, tirim, gan dith litri tre rath Ciarain.

Tainic araili fer do Corca Baiscinn co Ciaran, Donnan a ainm, mac brathar do Senan mac Gerrginn, &ersir; in ann máthair dó &ersir; do Senan. Cidh accobrai nó cidh theigi? ol Ciaran. Do chuingidh inaidh i tairisiur &ersir; i foighén do Dia. For-facuibh Ciaran Inis Angin la Donnan. Ro raidh Donnan: Uair as condeirc duit frium, facuibh ní dod comurthaib &ersir; dot minnaib agum. Facbaidh Ciaran aigi a soiscél .i. an soiscél frith as in loch, &ersir; a clog &ersir; a fher imchuir .i. Mael Odran. Tri bliadne immorro &ersir; tri mís ro bui Ciaran a n-Inis Angin. Et is ed tainic iar sin co h-Ard Manntain i farrad na Sinna. O 't-connuic-sium aibhne an inaidh-sin, iss edh ro raid: Madh annso thairismit, ar se, bidh imda saidbreas in t-shaeguil aguinn, &ersir; bid uaithti anmunna docu nimi as. Tainic iar sin cusin m-baile-sa. Ard Tiprat a ainm in tan sin. As sund immorro anfamit, uair bat imdha anmain docum nimhe as, &ersir; biaidh torroma o Dia &ersir; o dhainib coidchi forsin inad-so. I n-ocht kalainn Febra ro ghabh Ciaran i Cluain, in dechmad esca, i sathrann. Ochtur immorro do-chuaidh leis. i. Ciaran, Aengus mac Nisse, Cael Cholum, Mu Lioc, Lugna mac h-ui Moga Laim, Colman mac Nuin. Amhra tra ro gabadh an congbhail-sin la Ciaran i Clúain cona ochtur iar d-daidhecht do thonnaib in uisce feibh ro ghabh Noe mac Laimhiach in doman cona ochtar iar tuidhecht do thonnuib na dilenn. As annsin ro clann Ciaran an cét cleath i Clúain &ersir; Diarmaid mac Cerbaill maille ris. At-bert Ciaran re Diarmait ic sádhudh na clethi: Leic, a laeich, mu laimh uas do laim, &ersir; bia-sa uas fheraib Eirenn i n-aird- righi. As ced lium, ar Diarmait, acht co tuca comarda dam aire sin. At-ber immorro, ol Ciaran. Cid at uathad-sa inniu baat ri Eirenn in trath-sa imarach. Ba fior-son, dano, ar ro marbadh Tuathal Maelgarb rí Eirenn in oidchi-sin, &ersir; ro gab Diarmait rigi h-Eirenn aramhárach &ersir; ro edhbuir cét ceall do Ciaran. Conad dia forcell sin as-bert: At-bér co fír foirglidhi cid uathad do dream dhámhach bát rí Eirennrí aebhda oirdnidhi Eirenn in trath-sa imárach. Marbadh Tuathal MaelgarbTuathail togaidhe Maelgarbh bá gairm gun gloire, as de itá in rádh roghaidi ba h-e a écht Mael Móire. Gen mhaidm is gan eirsclaidi ro ghab Uisnech nír iar n- dál. do-rat Diarmait derrseaighthi cét ceall do Dhia 's do Chiarán. IAr sin ro shaidedh in cleth, &ersir; adubairt Ciaran ica sáthad: Ac so, ar se, i rosc Triuin .i. Tren mac-sidhe ro bhui i n-Dun Cluana Ichtair ro triall anumaloit do-sum. Mebhuis fo cétair a aen-suil 'na cinn la breitir Ciaráin.

Araili lá do-bhadur na braithri a n-ítaidh moir &ersir; siat ic buain i Cluain. Foidhit araili timtiridh uathaibh cosin clerech co ructha usqui doib isin gurt, conad ann is-pert Ciarán dia ro ghabhduis inniu for a n- ítaidh no imfhulaingfedh saidbreas mor in t-shaeguil dona braithrib thicfatis dár n-eis. As derbh eimh, ar na braithri, as ferr linne ainmne ara tibertar fochraic dhuin fein do denamh, &ersir; dia ticfa les dona braithribh 'nar n-degaidh, inas sasad ar n-itad inniu. Tucad telcoma lan d' fhin otha tire Franc cosin m-baili do Ciarán i logh na h-ainmne-sin, &ersir; ro mhair blagh don telcomu-sin sunn co h-aimsera déidhincha. O thainic immorro in fescur ro bennach Ciarán lestur lan d' usqui, &ersir; ro soudh i fín togaidhi, &ersir; ro dáiledh for na manchaib cona bai flaith ro derrscaig don fhlaith-sin. Ár do-dechadur muinter Coluim Cille o h-Í iar n-aimseraibh fodaib cosin cathraig-si. Ro fuiredh flaith doibh, &ersir; ro h-erdurcaiged triasin cathraig uili nach raibhi roimpi nach 'na degaid flaith a com-maith. As annsin as-pert senoir ro bui i tich sruithi: Ro-fetur-sa, ar se, flaith ba ferr indas. Ferr in flaith do-ríne Ciarán dia mhanchaib dia m-batar a n- ítaid mhoir, cu ro-soi-sium in t-usqui i fin doibh. Narub scel cen comurdha duibh-si sin, ar in senoir, misi fein ro dail in fin-sin, &ersir; teighed mh' orda dar eochair in bledhi isin fin taiscid-si, &ersir; fin- naidh innosa boladh mh' ordan ara tuma isin fin an tan sin. Tancatar &ersir; ro rasasta uili o bolad in meoir-sin. Ad-rubratar: As ferr, ar iat, in fhlaith-sa ina cech flaith in flaith isa bolad mharus iar n-aimsir ro- foda for meor. Bennacht, ar siat, for Ciarán, &ersir; bennacht for in Coimdid ro dhanaigh do cech maith.

Crichidh Clúana, scoloc Ciaráin, do- cuaidh co Saigir, cu ro feidhligh fri re cian innti, cu ro aslaigh Deman fair in tene senta bui ic na manchaib isin cuchtair do bhadudh. It-bert Ciaran Saigri na caithfed biadh co tistais aeighid do-bhéradh teine dhó. Luid immorro Crichidh uaidib sealad bec sechtair in cathrach gur' marbsat coin allta &ersir; nochur' mhillset a corp. O ra-cuala Ciarán mac in t- Sair bas a ghilla, luidh co Ciarán Saigri dia chuinghidh. O ra-siacht is ed as-pert Ciarán Saigri: Is ed tóisech ricthi a leas usqui dar bur cosa, acht ní fhil tene ocuinn do thégadh usqui dhuibh, acht tucaidh-si bur n-aidedha tened duin, ar is daeibh ro cinn Dia. IS annsin tuarcoibh Ciarán mac in t- Shaeir a lamha docum nime, &ersir; do-róine ernaigthi n-dicra. Iar forbadh na h-ernaigthi tainic tene do nim co n-eisid for a ucht. Ro thimurc a uct imon tenid &ersir; dus-fuc lais cosin mainistir. Fo-ceird uadh in teinid for lar, &ersir; ni ro mill cid brothairne don casal bui ime. Ro tathbheodaig dano a gilla at-bath roime sin, &ersir; ro caith proinn malle riu-san. Do-ronsat a n-aeintaidh annsin na da Quiarán. Saidbrius an t-saeguil, ar Quiarán mac in t-Saeir, i Saigir moir. Ecna &ersir; ordan cen ercra i Cluain Mac Nois, ar Quiarán Saigri. Nocu raibhi anim Ciaráin isin baili-sin acht fri re .vii. mis nama, co n-dechaidh docum nimi isin nomad la i míss medhonaigh fhoghmhuir.

O ro-fhidir immorro Ciarán gur' chomhfhoicsigh laithi a eitsichta, do-roine faitsine gu toirrsi móir. Adubart ro budh mhor ingreim a cathrach o droch-dhainib fri deredh n-domain. Cedh, immorro, do- ghenum-ne ind aimsir in lochta-sin? ol na manaigh, in ocut thaisibh-si anfamait nó in leth n-aili raghmait? Eircidh, ol Quiarán, &ersir; facbhuidh ma thaisi amhail fhacbaither cnama oiss re grein, daigh as ferr dhuibh aitreabh immalle frium-sa in nim innás feidhliugud icum thaisibh i bhos. O ro chomhfoicsigh tra aimser a eitsichta dontí noeibh Quiaran ind eclais bic, isin tres bliadain .xxx. a aeisi, h-i quincid Sep- timber arai laithi mis greine, h-i satharn arai laithi sechtmaine, in ochtmadh decc arai esca, as ann ad-rubairt-sium: Nom-berur in dinn bec, or se. Et o ra fheghastar in nemh &ersir; ind aer n-ard uasa cinn, iss ed as-pert: AS aghasta in set-sa suas. Nidait as aghusta, ar na manaigh. Ni fhetur-sa emh, ar se, nach ni do thimna De dar mo thiasainn acht cena ro imeclaigh cid Daibhith mac Iesse &ersir; Pol apstal in seut-sa. As annsin rucad in t-adhart cloiche uadh ara h-aine. Acc, ar eisium, tabair fomorno. Qui enim perseuerauerit usque in hiis .e Mt. 10:22 . Ro linsat tra aingil idir nem &ersir; lar i frithshét a anma-som. Tucad iar sin ind eclais bic, &ersir; tuarcuibh a lamha, &ersir; ro benduch a popul, &ersir; adubairt risna braithriu ind eclais do dhunad fair gu torsedh Coeimgen o Glinn Da Lacha. O do-rocht Coeimhgen iar tredenus ni uair lan-cennsa na g-cleirech fo chetair, uair ro batar i m-bron &ersir; i toirrsi mhoir deis a g-cleirig. Ro raidh Coeimhghen friu: Foircsi gruamdhachta, ar se, foruib do gres. Ro ghabh imecla iar sin na sruithe, &ersir; do-ronsat reir Coimhgen, &ersir; ro oslaic- sit ind eclais becc reme. Do-dechaid fo cétair spirut Ciarain dochum nimhe, &ersir; tainic arís ina churp do agalluimh Chaoimhgen, &ersir; ro fher failti friss, &ersir; badur on trath co araile andsin ic imacalduim &ersir; oc denumh an aentad. Bennachuis Ciaran iar sin Coeimhgen. Beannachuis dano Caeimhgen uisqui, &ersir; do-gní comman do Quiarán, conad annsin do-rat Quiarán a clog do Caeimgen i comurtha a n-oentad &ersir; i screpul a chomnae. As eiside Boban Coeimhgin inniu.

Noeib Eirenn tra ro fhoirmdechsat re Quiarán ara fheabhus, co n-dechadar i muinighin Riogh nime cu ro gairdighthe a shaeghal-som. Rop é met in formait ros-gabsat fris co n-debairt cidh a fhír- chumthach fein .i. Colum Cilli: Bennacht for Dhia, ar se, ruc inti noeib Quiarán, daig da maradh co m- badh senoir ni fhuicfed inad da ech charpuit ind Eirinn na bhudh leis.

IS sunn tra ata Quiarán cosin ochtur ro ráidh-sium co n-il-mhiltib naomh archena. IS sund itat taisi Poil &ersir; Petuir for-facuibh Benian &ersir; Cumlach isin crund chocai i bhos. IS sund itat taisi in meic dhaill .i. deiscipul Peca. IS sund dano ita scrin ind aiged .i. Peca, is eiside it-connairc araili craibdech d' imorchur d' ainglib co h-adnacul Ciaráin. Tri inganta i bhoss in oidche-sin, in tech n- áeigedh gan teinidh, gan aeigidh, gan ernaighthe, ár robu lór Peca do theinidh &ersir; d' aeighidh &ersir; d' ernaighthe.

Ni fil, tra, do-ruirmeadh gu leir a n-do-róine Dia di fertaibh &ersir; mírbhuilib ar inhíí noeib Quiarán, daig as lia tuiremh &ersir; aisneiss dib. Daigh ni ro génair iar taidhecht Crist i coluinn nech budh mho déeirc &ersir; trocuire, budh mó saethur &ersir; aine &ersir; ernaighthi, bhadh mo umhla &ersir; caen-duthracht, badh mo cennsa &ersir; ailgine, bhadh mho deithitin &ersir; iret im eccluis n-De, bad mo saethur laithidhi &ersir; fritaire aidhchi. IS é na tarat nach n-inmar no nach ní mesc ina churp riam o ro ghabh crabud. IS e na h-eissibh loim na linn no gu m-beth a trian d' uisqui. IS e nar' chaith ar an no gu m-beth trian do ghaineam trit. IS e nar' cotuil co comuirsedh a thaebh re h-úir nocht. IS fo chinn na raibhi acht cloch do ghnath do adhurt. IS fria chnes na ro chomhraic lion ná olunn. Fer é cu lánedpartaib toghaidhi toltanchaib don Choimdidh, amail Aibel mac n-Adaim. Fer co n-depracoitibh dichraibh don Dia, amail h-Enocc mac n-Iareth. Luamuire lan-fholartnaighthech do airc na h-Ecuilsi etir thonnaibh in t-shaeguil, amhail Noei mac Laimhiach. Fír ailither co sonairte irsi &ersir; creitmhe, amail Abraham mac Tharae. Fer búidh bláith dilghedhuch o cridhi, amail Moyse mac n-Amhrae. Fer feid- hil foiss i fulung fochaidhi &ersir; trebluidi, amail Iob fochadhach. Salmcetlaidh lan-bhind lan-airpeitech do Dhia, amail Dabid mac Iese. Estadh fir-ecna &ersir; fír-eoluis, amail Solmain mac n- Dabid. Ail nemchumhscaighthe for a fothaigter ind Eclas, amail Petur n- apstal. Primh-proiceptoir coitcenn &ersir; lestar toghai ic foera firinni, amail Pol n-apstal. Fer lan do rath in Spirta Nóimh &ersir; d' óigi, amail Eoin m-bronn-dalta. Fer lán do cosmailius o ilmoduibh re h-Issu Crist, re cenn na n- uile. Ar do-ríne an fer-sa fion don uisce dia mhuinntir &ersir; dia áigeduib isin cathraig-si amail do- ríne Issu fin togaidi don usqui ic fleidh Cannan Galale. Mac saeir dano at-berur frisin fer-sa amail aderar mac saeir re Crist isin soscél .i. hic est filius fabri Mt. 13: 55 .i. Ioseph. Tri bliadni .xxx. i n-aeis ind fhir-si amail asat .iii. bliadni .xxx. i n-aeis Crist. Ro bui eiseirgi dano don fir- sa iar treidenus i bhus ina imdhai i Cluain do acalluim &ersir; do chomdhidnad Chaeimgen, amail ro bhui eiseirghi do Crist iar tredenus as in adhnucul ind Iarusalem do comdhidhnad &ersir; do nertad a mhathar &ersir; a dheiscipul. Conid arna maithib-sin &ersir; arna maithibh imdhaib ailib ata a ainim ag muinntir nimhe. Atát a rélce &ersir; a thaisi i bhus co n-anoir &ersir; co n-airmheitin, co fertuibh &ersir; co mírbhuilibh cechlaithidhe. Et cid mor a anoir coleic on mhudh-soin bidh mó a anoir i n-aentaidh naoibh nemh-truailligthi a chuirp &ersir; a anma i m-mor-dhail bratha, in tan bus brithem for toradh a foircetuil inti noibh Quiarán immálle re h-Íssa Crist dia ro fhoghain. Biaidh immorro isin ma moir-sin, i n-aontaidh uasal-athur &ersir; fhatha, i n-aontaid apstal &ersir; deiscipul in t-Shlánicedha Issu Christ, i n- aontaid .ix. n-grad n-aingel na tairmdhechadur, i n-aontaid déechta &ersir; daenachta Mheicc Dhe, isin aentaid as uaisli cech n-aentaid, i n-aentaid na noeib-trinoidi, Athar &ersir; Meic &ersir; Spirta Noimh.

Ailim trocaire n-De uasail uilecumhachtaigh tre impidi noib Quiaráin co risem in aentaid-sin. Ros-aitreabham in saecula saeculorum!

Ni me as cintuch risna focluib dichéillidi ata isin m-bethaid-si, acht an droch-chairt

 Riaghail Patraic inso

Soerad eclasi De co m-baithus &ersir; g-comnai &ersir; gabhail n-ecnairce, co macuibh do leighiund, co n-edbairt cuirp Crist for cach n-altoir.

Ni dleagur dechmada na bó cennaithe, na trian annoiti, ná dire sét do mhainib, mane bhe a frithfholad na h-eclasi do baithius &ersir; chomnai &ersir; gabail n-écnairce a manach itir biuu &ersir; marbhu, &ersir; co raibh oif- friunn i sollumnaib &ersir; domnuighib, &ersir; co rabhut aidhme og gach n-altoir dib mar aderur &ersir;rl.

Cosc Mo Colmoc maic ui Beona

Cidh as imgaibthe do duine? Ni anse. Fergughudh menic. Mordata cen dan. Discire fri senoir. Moille fri clocc. Coicce fri h- antesda. Immat forluaman. Faitphed briathar. Briathra inglana. Agairbhe taitheisc. Tairisiumh fri secnapaid. Sithe fri cursachad. Commarbai do mhanchaib. Mence chestaigthe.

Ceist, cid as inleanta? Ni cundtabart. Foss occ etlai. Enfaitiu m-briathur. Briathra ailgena. Riaghail do chudnodh. Eirghi la ceit-breitir. Ceim n-urlatad ar Dhia. Diuide cride. Combádudh toile. Traethad aicnid. Ainmne fri fochaidhe. et caetera.

AS doilghi leam ina in t-écc do-techt idir adám dét an cuire ticfus ar m' eis, a m-beth uili for ainsheis. Olc in aimser thicfa ann, format, fingbal, forrach fann, toidecht gach uilc co h-éimech, gan fhír-laech, gan fhir-clérech. Gan righ damus cert ná cóir, gan espoc óg uas altóir, gan brugaidh gebhus dechmaidh da crudhaibh, dá choem chethruibh. Sruithi bitis do dheoin Dé i tosach na h-aimsiré, ces loma clama cechra, nirsat bailce bloingecha. Lucht na foghluma feighi fo-gnitis do righ grene, ni thairmesdais mec nait mná, robsat glana a n-aicenta. Leinti beca, bruit mhora, cridhi triamura trogha, pudralla gerra garbha, ocus riagla ro-gharbha. Dot-icfad sunn iar sodhuin sruithi deridh in domuin co m-brat, co m-buar, co m-bennuibh, co failghibh, co fitchellaib. Co sida is siric is srol, gu coilcibh caemha iar n-ol, co n-dímhes ecna Dhe dil, beit i seilbh dilis Diabuil. At-berim fri siol n-Adhuim ticfat lucht an fhuar-chrabuid: gebait orra dealbha De na sleamna, na sladuighé. INann luas imthighit ass fér ocus fochon fonnghlas: amhlaid raghuit immale ocus blath na m-brogaire. Bregaire deridh dhomain raghait uili i n-aen-conair, i n-glaic dhiabuil do dheoin Dé, a b-phianuib dorcha doilge. A. d. Betha Mo Chua Balla

HOMO PROFICISCENS UOCAUIT SERUOS SUOS TRADIDIT ILLIS bona sua Mt. 25:14 . O dho-chuaidh in fer maith for turus ro congair a mhogada &ersir; ro fhodhail daib a indmusa. Ocus as ecsamail amuil ro fhodail doibh na h-innmais sin .i. do-rat cuic tallne dh' fir, &ersir; a dhó dh' fhir aili, &ersir; aen-talland don fhir déidhinach.

Matha immorro mac Alpei, in sui Ebhraidhi, in cétna fer ro scribh in soscela coimdheta, is é ro scrib i curp soscéla ind aisneis noeim-si dia chuimniugud don eclais amail dailius Mac in Athar nemhdha dána ecsamhla in Spírta Nóimh da cech aen isin eclais.

IS e immorro in duine at-berar do dhul i l-leith aili ann .i. Issu Crist Mac Dé bhi do-dhechaid do chabair in chinid daenna cu ros-ben a glaic Dhiabuil &ersir; cu ro freasgabh iar sin for nimhibh noemhdha ar amus in Athar neamdha, &ersir; ro congair cuice a apstola cu ro fhodhuil doibh dana écsamhla in Spirta Nóim amail rop fhollus do chách isin cincdighis. Ocus cu tidhnaic na dana cetna dona noemaibh &ersir; dona firenuibh fo ind t-samail na n-abstul tria forceatal na screaptra n-diadha.

Na cuic tallanda immorro at-berar sunn iar siens coic cetfada cuirp &ersir; anma sin ro tidhnaicedh o Dhia don cinedh doenna dia fhoghnamh fein &ersir; d' fegad De trompa.

Na da thalland immorro it-berur sunn, iss ed do-fhornet in t-etarcnugud &ersir; in tuicsinugud do-berut na noeimh &ersir; na fireoin for an Coimdhid gu cumaid a n-degh-ghnima fon n-etargna sin.

IN oen-talland immorro iss ed do- forne, in dliged derrscaightech fil isin anmain doena, triasa bh-feghann h-i fein &ersir; na duili aili filet i talmain &ersir; renna &ersir; firmamint &ersir; in sosad ainglecda &ersir; in Trínoit uilichumachtach.

No as iat na cuice tallanda at-berur sunn. i. coic liubair rechta Moysi; ár foghnaidh a nemh-forbunn-side do luct núi- fhiadhnusi, ár fo-gabur amlaid-so aenta petarlaici fria nui- fhiadhnusi .i. rechta fria soscéla: uair dia tarta nech leis na coic fa dhó is a deich fhásas dibh. Dia tuctha dano na deich fo cethair is .xl. fhásas dibh. As inann sin iarfír &ersir; coic liubair Moysi co n-deich timnuibh in rechta diadha do accomhal do ceithir liubur in t-soiscéla dia bh-foghnum don duine thoirises on cethar dhúil &ersir; cu bh-foghuin an duine-sin don fhir Dhia do-rat rechta &ersir; riaghla ecsamla dona h- ecnaidib.

A h-aithli immorro rechta &ersir; riaghla na coic n-aimser rem-techtach tainic Issu sunn isin domun cu ro chum-sidhe rechta &ersir; riaghla tria forcetal soiscéla don chiniud doena &ersir; dona h-apstalaib seoch chách, &ersir; ro for- chansat-sidhe a fothoscaighthe &ersir; a n-deisciplu noemhu tara n-eisi imna riaghluibh-sin.

Sochaidhe, tra, do noemuibh &ersir; d' fhirenuibh ro comaillset na rechta-sin &ersir; na riaghla in Coimdhed na n-dula &ersir; na ro leicset i mudha a taillne. Amhail ro comuill in noem uasal oirm- heitnech dia tá líth &ersir; foraithmet i n-ecmong na ree-sea &ersir; na h-aimsiri .i. in grian t-solusta &ersir; in rétla loinnerdha &ersir; in tene thaeidhliuch &ersir; in ruithen rathmur ro fhaidh Grian na Firindi isin domun cu ro shoillsigh i bh-fhertuib &ersir; i mirbhuilib coiced Connacht .i. Mu Chua Balla. I teirt Kallaind Mharta immorro gacha bliadne indister ní dia fhertuib &ersir; dia mirbhuilib &ersir; dia ghenealach collaidi &ersir; don fhorbadh do-rat for a rith m-buadha i bhus isin t-saegul freacnairc .i. Mu Cua Cronan a ainm dilius mac Becain mic Bairr mic Nathi mic Luighdhech, Caindech immorro mac Luigdech mic Liligdech mic Dalann, o taat I Luigdech, mic Dalann do Ultaibh. Cumne immorro ingen Conamhail mic Machdain, do Dhail m-Buáin, a mháthair. Briunsech &ersir; Lucait &ersir; Tuideall a tri derbhshethracha.

I n-araili aimsir immorro tainic Comghall Bendchair do thigh Becaín remraidti, et at-connaic timtirecht aingiul os cinn in tighi, &ersir; ro fhiarfaig do Bhecán: Cidh fil ocut-sa do macuibh? A dho do neoch is áirmhighthi, ar Becán, &ersir; macán lasc bec fil oc na caeirib, &ersir; ni h-airmhighthi h-e. Tabar isin tech co n-fhacamar h-é, ar Comgall. Tuccad ón. IS ann sin ro raidh Comgall: As forbhfhaeilid m' anam-sa resan mac-so, ár ita rath in Spirta Nóimh 'na comuidecht. Ruc iarum Comgall Mu Chua leis cu Bennchar, cu ro légh canoin phetarlaici &ersir; nui-fiadnissi ann, &ersir; ind ord n-eclusdai, et do-ghnídh-somh ferta &ersir; mirbuili isin inad-sin, ina gillaid- hecht.

FEACT ann tainic ben aimrit dia atach-som dia soerad ar an aimrite. IS ann sin do-rala do-sum bheith oc cái iarna bualad dia oidi, &ersir; ni thuc freacra fuirri. IS eadh do-róini in ben, do-chuir a bas fo a dheoruib-sium cu tard ina beolu, cu ro thuisim fo cétoir, &ersir; co ruc mac .i. Dabiu mac esidhe iardain.

IS brect immorro, &ersir; is ecsamail innisit na h-eolaig fatha tuidhechta Mu Chua a h-Ulltaib, ár iss ed at-berut foireann con- ad araili baili ruc Comgall uadh, cumad h-é fochunn a dheabtha. No is e in fotha iar bh-fir .i. araili aimser ruc a mháthair le Mu Chua do thorruma a h-athardhai .i. Dal m-Buain, &ersir; a coibnesta; et o 't-conncadar-sum esseom ro anóraighset h- é, &ersir; ro treicset cach airi. Ro bai immorro senoir uasal don cinedh-sin .i. Coman sacart meise Fiachna mic Baetain; et is ed at-bert-sidhe rá Mu Chua: Ro bentar anóir h' athardha fort amail ra benuis-si form-sa. O ro bhatar .i. Mu Chua &ersir; a máthair, ic toidhecht do Bennchar for cula do-ralatar macaimh Fiachna mic Baetain doibh, cu m-batar ic fanamhat imon clérech, &ersir; iss ed at-bertis: Clérech lascc. Meic cen casc, ar Mu Chua. Ro fhergaiged iarum friu cu mor, gu ros-cuir fon talmain. Cu ro cosait Coman &ersir; Fiachra mac Baetain fria Comgall in gnimh-sin. IS ann sin at-bert Comgall cona biadh Mu Chua in Ulltaib, et as i briathar Comain fa-dera sin. Os 'gum innarba dhuit, ar Mu Chua, tabair comhartha dhamh triasa tuiceabh bhaile i bh-fothaighiubh reclés. Ni fhil comhartha ocum, ar Comgall, acht mana bera lat in topur-so. Is tualaing Dia cidh edh on, ar Mu Chua. O do-chuaidh immorro Mu Chua a Bennchar amach ro dhechsat a coimmite dara n-eisi, &ersir; at- conncatur in nell uiscidi ina n-diaidh cech leth no theighdis. IS é in topur sút, ar Mu Chua, &ersir; ernuighium fris curub é bias remhainn &ersir; bus treoraigi dhun. Et fo in t-samail Moysi mic Amra riasa rabha nell solusta ic tiachtain a h-Eigipt at-bert-som sin. Ra-siacht Mu Chua as sin gu Gael, cathair sin i bh-Feruibh Rois, &ersir; Gabrin espoc do Bretnaib innti-sein, &ersir; tarcaidh-sium in cill do Mhu Chua, ar bat comhaltadha. Ro thuit immorro bainne as in nell-sin co n-derna topur isin bhaili dhe a comartha a n-aentad.

Ro-siacht iar sin Mu Chua co Fobhar Feichin. Is í sin aimser a n-dernad muilenn ac Feichin, &ersir; ní raibhi uisci aigi, &ersir; as i comairli do-ronsat na cleirig: O dho-rócht, ar siat, Mu Chua cucainn, tiagham gu Loch Lebinn dus in bh-fuighbim uisci as. IS torathar comhairli sin, ar in soer, ár ita in sliab lan-mhor eatraibh. IS tualuing Dia cidh edh on, ar Mu Chua. O ro-siachtatar tra na cleirig in loch ro lá Mu Chua a bhachaill isin loch, gu ro tholl roimpe in sliabh. Do-róine dano Feichin in cétna &ersir; na cléirig arcena, co frith amlaid sin uisqui don mhuilinn. Do-ronsat a n-aentuidh iar sin Feichin &ersir; Mu Chua.

TEIT iarum Mu Chua as sin cu Tech Telle i termann Durmaighe, et iss ed rob ail do-som cathair d' fothugud i farrad an inaidh-sin, &ersir; araidhe nir' h-etadh, ár ní ro thoirinn in topur.

LUID iar sin Mu Chua tar Sinainn i crich Connacht. Ceallach mac Ragalluigh ba ri Connacht in tan sin. IS eadh immorro do-rala do Mhu Chua dula i Soghan Ua Maine, et ro shlechtsat uili dhó ar connailbhi, ár do Ulltaib a m- bunadus. Ro anoraigh dano rigan craibhdhech bai isin tír esiumh cu lánmor, Baill-gel a h-ainm-side. Bai tra Mu Chua cethracha in carghais isin tir-sin, &ersir; ro fhuabratar a fhostad acu do gres. Ticfa immorro, ar Mu Cua, uaib bodhein mac bethad dia bh-foighentai. Comman dano ro tarrnguired annsin.

IMthighis uathaibh iar sin, &ersir; facbhus bennacht foraib &ersir; for a n-daltuibh &ersir; fora macuibh sethar, sicut at-bert: Bendacht for a n-daltuibh da m-beat do reir riaghla: mu bennacht cu dermhair ara n-degh-mhnaibh diadha. Gach gilla is gach garmac bias dom réir cu ro ghar, biaidh doibh 's ni bhá falumh, talam cona thorad.

LUIDH Mu Chua iar sin cu Loch Cime. IS ann ro bui Cellach mac Raghallaig ri Connacht oc seilg. Luid in fiadh isin loch, cu ro an for cloich moir ann, &ersir; nír lamad dul 'na dhiaidh, ár ro bui peist isin loch no erchoidiged cu mór dona dainibh. IS ann sin do-raidh in ri re Mu Chua: Da mad dana lat fer dar muinntir do dul i n-deghaidh in fiadha for do comairci riasin peist no ragad. Is tualaing Dia cidh edh on, ar Mu Cua. Luidh in fer iar sin isin loch cu ro mharbh ind agh n-allaid bai forsin leic, &ersir; iss ed ro raid. Roba maith, ar se, an t-inad innsi so. Tainic iar sin in t-ocláech isin snamh cu ro shluic in peist 'na oen-mhír esidhe, cu ro aithisigh in rí do Mu Chua. Ro fergaig immorro in clérech risin peist, cu ro sceith ind ocláech n-oghshlan i bh-fiadhnusi na slóg, &ersir; ni ro erchoidig do neoch riamh iar sin. Ro morad ainm De &ersir; Mu Chua triasin bh-firt-sin, et ro shlecht in rí &ersir; urmhor na slóg do Mu Chua. Et ba h-e sin tosach a ard-ratha a cuiced Connacht.

Luidh Mu Chua iar sin tar Odhbha bu thuaidh i crich Cera, cu riact cu Ros Dairbriuch, ut dixit: Ros n-Dairbhrech cathair Mu Chua re n-abur Balla bith-nua, inmain dos ainglech idhan Ros n-Dairbrech na noeimh-ibur. Balla ag dainibh noemhdha anú in t-ainm coitchenn gu coemh-clú: Ros n-Dairbhrech rob edh a aimm re linn Tuathail Treathanghairbh. O crich Benncuir na n-ath n-uar gu clar Cera na caemh-shlúagh, a tir Fher n-Domhnann na n-dos ro fhaidh Comhghall gu coem-Ros. Ros. Anaid adaigh isin dú-sin. O ro fheghsat immorro in coimmite os a cinn aramharach ní fhacatar in topur. Do-raidh Mu Chua friu in topur dh' iarrad. IS and do-raidh scoloc friu: Ata topur ball-aluinn tisana. Bidh uadha sin ainmneghthar in baili, ar Mu Cua: amail as-bert fesin: Bidh Balla ainm in bhaili ár do-rala for mh' airi: bid h-e a ainm o sin imach cu tí in dine déidinach. Ro altuigh-sium do Dhia inad a reclésa dh' fhoillsiugud dó. Coic bliadna trichat immorro robo slan do Mu Chua in tan sin, &ersir; bliadan ar fichit do oc foghnum don Choimdhid isinn inad-sin, co n-dechaid docum nime: Rann. Bliadain ar fichit gan acht do Mu Chua a coiced Connacht, fraigh uiri ic tarainn a thaeibh fa dúire crabhuidh cnes-chaeil. Tainic immorro Eochaidh Minnech, flaith Clann bh-Fiacrach, do diultadh resin clérech. Ro foillsiged, dano, dhó aingil ós cind in dairi i r-roibi Mu Chua, &ersir; o 't- connaic in clérech ro thairinn dó fo chedoir. As amlaid immorro do-bhui Mu Chua in tan sin, i carcair cloichi. Do-riacht Eochaid ar amus in cleirig &ersir; cét do maithibh a muinntiri 'na fharrad .i. Maine cona secht macaibh &ersir; Domhnall &ersir; Feradhach &ersir; Mael Cathaigh &ersir; Ronan &ersir; Suibhne &ersir; Finntan Finn &ersir; maithi Clann Fiacrach. Et cidh marbad in cleirig ro triallsat is í a reir do-rónsat, ár ro thaitnighset na ruitne spirtaldai &ersir; ind fhoghnuma diada as a gnuis. Ro idbairset dó in baili iar sin cona ferann do dheoin Cheallaig mic Raghallaig, conadh dia fhothugud-sin ro chan in seanchaid: O Clugh Chuiri Calgaigh curaidh co Móin fri h-Adhradh atuaidh, o Mhuigh Moetla cona moin gu Croit Cualachta cleth mhoir. IS amhlaid thuccsat a tír Clanna Rosa gu roibrigh gan ainbhthine 'na n-anmain, ga mainchine mor-adhbhail. Gu cuairt gach treas bliadan balc, itir fhir is mhnái ocus mhac, do Chua na carcrach caeili re atach, re ecaine. Bo gach fir feramail uili, idir righ is rodhuine, do Chua chedach na fharrad, edach gacha h-ollaman. Muc mhor gacha tighi thuaidh. o Traigh Eothuili cu Muaidh, screpul gach teineadh cin tart do neimeadh Coicidh Connacht. Robo le Mu Chua gan ces o Odhba na n-drong n-diles, roba tairptech a tuili cu traigh n-ainbhtech n-Eothuili.

RO fhothaighesdar amhlaid sin a cheall &ersir; a con- gbáil, et tuc tri h-espaic do coisecrad a releac &ersir; a reclés &ersir; do roind in feruinn dia manchaib.

BA do fertuibh Mu Chua. Aroile ben aimrit tainic cuigi, cu ro bennach da ghas bilair dhi, &ersir; cu ro coimper fo cétoir mac &ersir; ingin .i. Luicenchair Craibdech &ersir; Scannlan iat-saidhe.

FIRT amra aili bheous .i. Mu Chua do-dechuidh gu Loch Cime, gu r' indisetar na timtirigh do Cind Fhaeladh mac Colcan, ár is e ba rí Connacht in tan-sin: Ata, ar siat, anmhchara Cheallaig mic Raghallaig amuigh. Ni dochaidi linn h-e, ar Cend Faoladh, a bheith 'na anmcaruit ag Ceallach mac Ragallaig, &ersir; ní thargha isin n- innsi-si. IS ann sin tuc Mu Chua in loch tarsin n-indsi. Do-chuaidh in ri ar eicin a n-ethar a n-degaid Mu Chua. &ersir; tuc h-e fein &ersir; a mac &ersir; a ua a n-daeiri dhó, &ersir; inn inis do shoerad, &ersir; ro soerad iar sin.

BA do fertuib Mu Chua .i. Sil Muiredhuigh ro bui isin Buidhi Connaill, cu ro shirset cleirigh coicidh Connacht dia bein dib, &ersir; ni fhuaratar, cu tancatar airm i m-bui Mu Cua, cu ro ic-sidhe iat, &ersir; cu tuc in dath bai orra for a bhachuil, et tucsat iar sin a maincine dhó: conudh dia dathugud-sin as-bert in senchaid: RO shirset Sil Muiredaig tuatha Eirenn isalla da n-din ar an duinebaidh cu tancatar cu Balla. Ro gheallsat Sil Muireadhaig riar an cleirig gil glanna cumadh lir fri duilleabur a n-indmhussa do Balla Do-rat for a naemh-bachail galar na tuaithi uile, conadh edh for-caemhnacair is de ata in Bachal Bhuidhe. Cuic cét fa chúic thancabar d' feruibh arm-ghlana uailche, cu brath dia nam-riaraidh-si ní bete ni bus uaitte. Gach eicen dos-ficfa-si guidhidh m' ainm co Dia choidhche ni bar-ricfa-si anmforlunn 'na dhiaidh.

BA do fhertaibh Mu Chua. Fecht do- chuaidh a crich Muaidhi cu riacht cu h-Inis Amhalghadh, &ersir; ní tucadh ethar cuigi. Ni ba eicin feasda, ar Mu Chua, ethar d' iarradh innti. Tuarcaibh iar sin an talam cu tiaghar do chois innti o sin cusaniu.

FEACT n-oen do-chuaidh-sium cethrar cu bru Mhuaidhi. Tucsat na h-iascairidi era fair. Dia m- beth, ar esium, timthiridh Dé tis no bered ní dhuinne. As ann sin do-chuir in ron cethra bradana dhoibh-sium for tír.

FEACT aili do-cuir Mu Chua a timtiridh d' acallaim Foelain. O ro-siact-sidhe cu h-All in Cleibh tancatar chuice da ban-gaisgedhach batar issin tir .i. Bec ingen Con Choraig &ersir; Lithben ingen Aitreabhthaigh, et iss é reabrad dodeitbir do-gnitis-sidhe, in duine teched sechu do-bertis essidhe i cliabh &ersir; da théit as-side &ersir; a imluadh tar an allt n-adhuathmhar. Ro faillsiged do Mu Chua a gilla do chur isin clíab. Luidh Mo Chua cu riacht an t- inad. Ro riaruig Lithben ingen Aitreabhthaigh h-e fo cétair, &ersir; ní ro leic Bec uaithi an gilla co tard an clérech a chochull di. Ro lassidhe ima lamuibh &ersir; ro riaraig in clérech iar sin. Et ro agaillset na h-ingena an da n-athair cu tardsat do shaigid Mu Chua, &ersir; cu r-ro baist Mu Chua iat iar sin. Táinic immorro in Bhéc-sin cu m-boi secht m-bliadna ic fognum do Mu Chua, cu raibhi i n-araili tan ic acaine beith cen claind &ersir; is ed a cetna dano do-raidheadh Coel mac Aedha, sen Ceneoil Aedha, &ersir; tancatar a n-dis co tucsat a maincine do Mu Chua do gres.

Aillsi dano ro bai for Taithleach mac Cind Fhaelad. Ro íc Mu Chua h-e, &ersir; ros-cuir ara cloc fein, &ersir; ata fair fos do derbhadh na mor-mirbuile-sin.

Araili aimsir shamraidh do-cuired Mu Cua do coimhet na n-uan. Ro bui-sium immorro ic gabhail a bhiaide ina bh-farrad. Ro choimhrithsat na h-uain ar amus a maithrech, ár ní raba fal eatarra. Tainic Mu Chua &ersir; ro tarraing a bhachail 'na dhiaidh forsin talmain, &ersir; ni ro lamh uan dona h-uanaib toct tar slict na bacla, acht cach dhe oc dechsoin a cele tarsin slict anunn.

I n-araili la tucadh gu Mu Chua gilla anfhabrachtaidi nar' fhet a lamha na a cosa na a uile bulla arcena do gluasacht. Ro tadaill Mu Chua o a laimh a uili bhall ind gilla, &ersir; adubairt fris: Eírig a n-ainm Issu, &ersir; fegh in n- grein, &ersir; imthigh; &ersir; ro eirig fo cétoir &ersir; ro morad ainm De &ersir; Mu Chua de sin.

Feact aili tucad duine demhnach cu Mu Chua. Ro innarb-som in demon uadh ind ainm na Trinóite.

I n-araili aidhchi tainic araili merleach do ghait cruithnechta Mu Chua. O ro tocuibh in merlech in t- oire fair ro fheodhaigh fo cétoir, &ersir; ní ro-fhet imtheacht na a oiri do cur dhe, no gur' bennach Mu Chua iar sin.

FEACT aili tháinic fer saegulla &ersir; mac bodur lais cu Mu Chua, &ersir; ro ghuidh h-e cu ro slanaiged a mac dhó, &ersir; ro guidh Mu Chua in Coimdhe fair, &ersir; ba slan in mac do chumachtaibh Dhé &ersir; do guidhi Mu Chua, &ersir; ro morad ainm De &ersir; Mu Chua dhe sin.

IS e immorro in fer-so .i. Mu Chua do-rat a uili fhoghnuma o thosach a bethad fria ecna &ersir; crabhudh. IS e ro imeaclaig in Coimdhi as a naidinacht. IS e ro traeth cech pecad. IS é ro bhaidhestar ann fein airfitedh in t-saeguil frecnairc. IS e ro traeth fuailfedh a cholla. IS e ro dermuit na h-aibhniusa freacnairc. IS e ná ruc a menmain na a innfheitiumh o th-sirfheghadh na flatha neamhdha. IS e ro miscnigh na maithi aimserda marbhtis otraighi. IS e ro imghabhudh onoire in domuin amail bás. IS e ro adhuathaig na h-indmhusa &ersir; na maine. IS e no comainsighedh in t-airfited collaidi mar badh neim. IS e na tuc gradh don brentataidh collaidi. IS e do-rat loghudh da gach aen do-ghníth olc fris. IS e ro traeth a corp &ersir; ros-tairbhir frisin bh-foghnumh n-diada. IS e ro h-adhannadh o theinid gradha Dé &ersir; no adhannadh-som on teinidh cétna cridhedha na n-daine aili. IS e no charad in comhfhocus amail h-é fein. IS e no tarm- naighed do corpuibh &ersir; d' anmannuibh na n-daine. IS e no charadh a naimdiu, amail no charadh a cairde. IS e no ernedh na maithiusa do neoch cia mhiscniged neach é. IS e do-ghníth ernaighthi tar cenn lochta a ingreama &ersir; a aithisighthe. IS e ba foidhidechu fria fulang cech imnidh &ersir; cech fochaide. IS é do-bereadh na máine diadha &ersir; doenna da gach aen non-athchuinged. IS e no furtachtaiged do cech aen no bhith a n-eicin amail athair. IS e no thorramad cech aen no bidh i carcair no i cuibrech, &ersir; nos- tuasluiced. IS e do-bheiredh crodh do shoerad cech daeir &ersir; cech mogad. IS e do-bereth etach do bhochtuib &ersir; aidilcnechaib in Coimdhed. IS e ba soma &ersir; ba saidhbre dona bochtuibh ciar' bo bocht fein &ersir; ciar' bhó aidhilgnech é féin. IS e do-bereadh biadh dona gortachuibh &ersir; deogh dona h-itaduchaibh &ersir; etach dona nochtuib &ersir; failti coitcenn dona h- áighedhaib &ersir; do cech aen ricedh a leas. IS e no dhitnedh na deibhlena &ersir; na fedhbhu truagha. IS e no shoerad na bochtu &ersir; na h-amhfhanna o cumhachtaibh in t-saeguil. IS e na ro gradhuigh ór &ersir; arcat acht amail clocha no luaithred. IS e na ro ghluais a bhel na a thengaid riamh cu dimhaín. IS e na ro leic nach n-anairchius chuice riam triana eistechtuibh. IS e no thaisced 'na cridhi cech ní no raidhedh Dia fris. IS e na facaidh ní nar' bhu dir dhó do fhaicsin. IS e na ruc coisceim fria h- anbhfhorus riamh. IS e ro traeth a cetfuidh o shanntugud na rét talmanda. IS e no cengail indeithium a menman isna nimhib noemhdhai. IS é na ro leic uadh nach n-uair dimhaín cen toradh. IS e na ro leic da cridhi dhul o Dhia. IS e ro mhianaigh cu bh-fodhmadh cech ni ar Crist, ar dhaig gu roissed cusan athardhai nemhdhai. IS é no fhuired an chumsanad suthain do fein tria traethad a cholla ind oeine, ind apstanait, quia crucifixus est mundus illi et ipse mundo Gal. 6:14 .