Corpus of Electronic Texts Edition
The Metrical Dindshenchas (Author: Unknown)

poem/story 85

MAG MANDACHTA

¶1] Magh Mandachta, cidh diatá? Ní ansa. Mand Muirisce mac Daíre brathair Damháin meic Daíre atorchair and la Coinculaind mac Sualtaigh for Táin Bó Cúailnge, conidh de raiter Magh Mandachta .i. Mand-echta .i. écht Mainn and. Nó comadh ona mnaibh romarb Cúchulaind and a cinta Derborgaill mná Lughdach sríab-nderg, romarbsad-som tría fhormud, nóraite Magh Mandachta de .i. Magh in Bain-échta, & Ath Bannleachta forsin ath .i. o ban-lechtaibh ban Uladh ann.