Corpus of Electronic Texts Edition
The Metrical Dindshenchas (Author: Unknown)

poem/story 60

LOCH SÉTA

  1. Sund robáided in sét sen
    mind Lóegaire Luirc Lagen
    dianos-tucsat aindre ind
    ingena Faindle féith-grind.

    2. p.226

  2. Mac Duib Dá Roth, détla in daig,
    doluid éc isin cinaid:
    in sét is in fáel fulla
    atát ar óen issunda.
  3. Moncha, Dína, Dalb, ba dú,
    Echen balb ocus Biblu,
    na cóic mná rostachair trá
    mar óen ria n-athair sunda.