Corpus of Electronic Texts Edition
The Metrical Dindshenchas (Author: Unknown)
poem/story 32
BEND BOIRCHE II
- In eól duíb in senchas sen
mara ris' m-ben Boirche bil?
glas-mag na rón riss anair,
in tress asnad mór meic Lir.
- Bennán brectha, nírbu bláith,
dorigne berta fir baíth:
bennán do guin meic meic Lir,
lennán dond ingin gil gaíth.
- De roléic dia cride chrád
Manannán, ba bine báeth,
Loch Ruide, Loch curchach Cúan,
in tress lind lúath, Loch Dá Cháech.
- Atbath Ibel ós muir míl
dia guin 'con níth, carad ceól;
sind léim fofuair in mag már
ind ingen án inna h-eól. In.