Corpus of Electronic Texts Edition

The Metrical Dindshenchas (Author: Unknown)

poem/story 20

ARD FOTHAID

1. Ard Fothaid, in fetabair
   in flaith fíal diarbo ferann?
   Fothaid airgthech etamain
   rotecht co cían, ní celam.
2. Mór n-úathbas, mór n-etarnad
   foa tudchaid gleic in gart-nia
   fuair Fothaid, rofetammar,
   mac do Lugdaig mac Maccnia.
3. Mí co leith 'na láech-lige
   roboí sund cen gním nguinech
   Fothaid fo breith báeth-bine
   i n-ingnais ríg is ruirech.
4. Is fria ceól rochotail-sium
   ceirce Boirche na m-búad-arg:
   dia thig ní rothocair-sium
   in Fothaid soirche slúag-ard.
5. Flaithem súairc secht síd-nime
   rí robladach na rind-arg
   nímthuca i súan sír-lige
   in flaith forbarach find-ard. Ard.