Corpus of Electronic Texts Edition
The Metrical Dindshenchas (Author: Unknown)
poem 17
Almu II
- Almu robo cháem dia cois,
ingen Beccáin brat-sholois,
ben Iuchna na cíab, cét crod,
ó r' iarr Almu ainmniugod.
- 5] Mór dia búadaib, dia buidnib,
dia slúagaib, dia sen-bruidnib,
rofes co fonnmar a clú,
dia n-apar ollmar Almu. A.
- In tan musdáiltís 'n-a dáil
10] fian mic Cumaill enech-náir
bat forud fer n-garg im gú,
ropat all ard a Almu. A.
- O thictís a h-esair áin
Clanna Bresail in buan-áig
15] fri toisc sóid tar Segsa snu,
almain dóib in deg-Almu. A.
p.80