Corpus of Electronic Texts Edition

The Metrical Dindshenchas (Author: Unknown)

poem 15

Faffand

1. Broccaid brogmar co n-gním gíall
   do chiniud gorm-glan Galían,
   dó ba mac Faifne in file,
   ní gó taithme tiug-mire.
2. 5] Ba hí máthair in maic maiss
   Libir ind láthair lond-braiss;
   ingen dóib in dían dírmach
   ind Aige fhíal il-gnímach.
3. Oll-mass in cethrur cáem cass;
   10] ba clethchur sáer co sognass;
   athair is máthair co n-áib,
   ingen is bráthair bláth-cháin.
4. Tucsat na siabra side–
   nír gním tiamda téithmire–
   15] delbsat i n-deilb láig allaid
   Aigi sáir co serc-ballaib.
5. Roshír h-Érinn or i n-or
   re cach n-albín rúad rogor,
   corchúardaig Banba m-brethaig
   20] co calma fo chaém-chethair.
6. Tarnic a gním is a gal,
   fríth sund co sír a sernad;
   tucsat i m-brianna i m-bine
   fianna Meilgi Imlige.

---

p.68

7. 25] De-sin atá Aige úar
   for sruth in maige, mét snúad;
   ó roscráided cen chuiscle,
   rosdáiled ar dían-uisce.
8. Sruith-lind sin cen bás co bráth,
   30] snás dar Lifi co lond-gnáth;
   mad t'aire¹³, ní tairm cen taig,
   Aige a h-ainm in cach inbaid.
9. Moslúi síar inna shide
   in drúi dían in deg-fhile,
   35] d' ainmed ríg Beirre co m-blaid,
   Meilge maic Cobthaig cundail.
10. Fúacrais ar in ríg co recht
    anim is on i n-óen-fhecht,
    's aithis fri sír-gail setbad
    40] i n-dígail a deg-shethar.
11. Dorochair in file féig
    dind fhochaind amnais acbéil;
    romairned co sír segma
    ar ainmed ríg ro-Themra.
12. 45] Rocúrad rosedlad se,
    rodedlad fri doenmige;
    for Faffaind na fían fergach
    fúair grafaind dían díbergach.

---

p.70

13. Rosgáid im ascaid andsin,
    50] áitt im-masclaig in mílid;
    combeth fria gairm–gním n-guba–
    a ainm sír in sen-duma.
14. Is eol dam fri tibri tra
    aided Libri is Broccada;
    55] ní h-amdarc in fáth dia fail
    ráth in' roadnacht Broccaid.

---

p.72