Corpus of Electronic Texts Edition

The Metrical Dindshenchas (Author: Unknown)

poem 13

Berba

1. In Berba búan a bailbe,
   saiges dar slúag sen-Ailbe;
   is fis fedma fáth dia fail
   Berba, bláth cech blad-focail.
2. 5] Ni fuailfed focheird inti
   luaithred Mechi mór-millti:
   rosbalb rosberb cen athbach
   salchur serb na sen-nathrach.
3. Nathir fo thrí focheird cor
   10] tathig in m-beirg dia bronnud:
   cnáifed dia álaig óg n-ell
   slóg sádail na sen-Érend.
4. Aire-sin romarb Mac Cécht:
   ba fotha garb din glan-echt,
   15] dia chosc co búan din bronnud
   ós cach cúan, din chomlongud.
5. Eól dam a lecht leth rolá
   fert cen tech is cen tuga:
   a lúaith olc cen áib n-enga
   20] fofúair socht i sáer-Berba.

---

p.64