Corpus of Electronic Texts Edition
The Metrical Dindshenchas (Author: Unknown)

poem 11

Fid n-Gabli

Find cecinit.
  1. Inmain dam in Gabol glan
    tuc forom for fid flescach:
    ní'r dáig luaige co logud,
    rogáid uaid a ainmnigud.
  2. 5] Tarclam Ainge grinne n-glan
    cen taidbe fri tinsanad:
    cach crand cen timme ria thúr
    isin grinne buc barr-úr.
  3. Drochta dogníd dia ingin
    10] ós gním ochta aird-inbir:
    ní shiled cen lán mara:
    nodiled dál n-óentama.
  4. Is é dafall, forum sceóil,
    Gaible Glass mac Ethedeóin;
    15] dafarlaic cen lúag n-astair
    a Beluch fhúar Fhualascaig.
  5. Rogab foss ic finib Flaind:
    dligid a doss a derb-chaill
    fer rotháid is rothall tair:
    20] ic mnáib cach amm rop inmain.

    6. p.60