Corpus of Electronic Texts Edition

The Metrical Dindshenchas (Author: Unknown)

poem 5

Temair V

1. Temair, Tailtiu, tír n-óenaig,
   Raigne, Rachru, ráith n-úabair,
   Cuillend co n-abainn Crommad,
   Tromra, Trommad, Druim Suamaig,
2. 5] A síd i mBruig, bíd cuman,
   Cumar Druman, Druim Calad,
   Belat, Blatine, Bruigin,
   Muincille, Mured, Maigin,
3. Cermna, Caprach, is Callann,
   10] Mag mBreg co n-ilar drummann,
   Cnoc Dabilla, Mag Mellenn,
   Crinna, Cerrenn, Colt, Cuillend,
4. Muirtemne, Tlachtga, Tuirbe,
   Súilighe, Slanga, Semne,
   15] Síd Muine máerda mrechtgna,
   Echtga, Ochaine, Ai, Aigle,
5. Nás, Carman, Cualu, Celbe,
   Raigniu, Rafann is Rairenn,
   Dún Inteing, Dún Cláir, Dún Crea,
   20] Dún mBrea, ocus Dún Cairenn,

---

p.40

6. Uisnech, Athais, Ard Feda,
   Slemun, Sláine, Síd Coba,
   Dermag dairechda druimnech,
   Lusmag, Luimnech, Lecc Loga,
7. 25] Druim Rúaid, Druim Ríg, Druim Rossa,
   Druim Criad, Druim Cáin, Druim Cressa,
   Druim nDían, Druim nDailb, Druim nEssa,
   Druim Meith, Druim nAird, Druim nDressa,
8. Eithmann, Aisi, Ard nGabla,
   30] Cernna, Collamair, Cnogba,
   Crufot, Crinna, Crúach Aigle,
   Uachtar nAilbe, Ard Odba.
9. Brí Scáil, Brí Airc, Bri Áine,
   Brí Breg, Brí Ech, Brí Féle,
   35] Brí Molt, Brí Dam, Brí Díle,
   Brí Léith, ocus Brí Ele,
10. Loch Dá Dall, Loch Faife find,
    Loch nIng, Loch nGabur, Loch nGand,
    Loch nDub, Loch nDreman, Loch nDond,
    40] Loch Corr, Loch Cera, Loch Camm,
11. Loch Ríb, Loch Cúan, Loch Codail,
    Loch Uair, Loch Airc, Loch Enaig,
    Loch Lein, Loch Láig, Loch Lugair,
    Loch Cuil, Loch Cimmi Cnedaig,

---

p.42

12. 45] Mag mBreg, Mag Find, Mag Ferai,
    Mag Luirg, Mag Lí, Mag Line,
    Mag Slecht, Mag Cé, Mag Cummai,
    Mag Moen, Mag Marc, Mag Mide,
13. Sinann, Sligech, Sruth nDomna,
    50] Boand, Banna, ocus Berba,
    Goistine gleórda, Gréne,
    Féle, Life, Lind Segsa,
14. Áth Clíath, Áth Croich, Áth Cuile,
    Ath Í, Áth Orc, Áth Éle,
    55] Áth Luirg, Áth Lúain, Ath Cráibe,
    Áth Fráich, Áth Fían, Áth Féne,
15. Uasal esnad na cóic n-ess,
    Ess Rúaid, ba rí na sen-ess,
    Ess Croich, Ess Muiriath amuig,
    60] Ess Dubthaig, Ess Tigernaig,
16. Ráth Guill, Ráth Goirt, Ráth Gabra,
    Ráth Mór, Ráth Máel, Ráth Medba,
    Ráth Becc, Ráth Eich, Ráth Emna,
    Ráth Truim, Ráth Tail, Ráth Temra;—
17. 65] Dindgnai hErend iarsodain
    fosfácbus, rád cen mebail,
    do nach ailiu bus chiallda,
    nodastrialla co Temair.

---

p.44

18. Ce beit ós Banbai brainig
    70] ríg amrai, ard a medair,
    ní fhuil rechtas ríg foraib
    acht a ríg techtas Temair.
19. Maelsechlaind, géc co nglan-rath,
    focheird síth ima sen-mag;
    75] sech brón mbáis ós cach díniu,
    robé i rígiu Temrach.
20. Iarsin co bráth rosfodail
    re cách ós chách cen mebail,
    a chland fri soichle sírblad,
    80] narab díbdad i Temair. T.

---

p.46